كشفت العرايس .. العجوز و البكرة

سلام يا اخوانا..ونهاركم زين..
على سيرة البحر الايام دى..مافى احلى من قصيدة الجاغريو
ياريت لو واحد يمدنا بيها بصوت مبارك حسن بركات أو ياسر تمتام
غايتو انا لقيت النص كامل..آخر حلاوة..وبيؤكد اننا الجيل الجديد ده
مهمش لغويا كمان..

يا البحر الصديد .. غيرك مافي ذكرة
كشفت العرايس .. العجوز و البكرة
و هدمت الجسور

الخولي النشيط صار ما عندو فكرة
و اصبح ساهي حاير خادت عقلو سكرة
و الافكار تدور ..
ما هماك حالهم مافيش ليك شكرة
و زمروا لي رحالهم عرفوك ناوي مكرة
خايدين للصدور..

ماكر جيتنا ساير ليلك كلو تسرا
ودمرت البشائر اتعوضنا حسرة
و تيارك يفور..
كل ما تشوف زراعة ليها اخدت كسرة
و تنشط في صراعة كاتل ليك مسر
و حكمك كلو جور..

كسرت الطواري البيك سوقها حرا
و غفروا ليك سواري انت قاطعة الجرة
محمل في الخدور ..
حين شوحن اللواري من الشبكة ام غرة
واصوات البواري الخشب المقرة
وميلان الحدور ..

تربال ام زبايني يبكو العرق الشرة
ربيت القبائل خورك ليه كرة
و اصلك ما بتشور..
ظلمك جبتو باين تهجم كرة كرة
تخلع للمباين اتلقوك برة
زي يوم النشور..

الكاسحة و منجرة خافت من امورك
يالمنعت الدرة
ما بتدر اجر..
هددت الدواب ليه درجت الدرة
وحكمك دكتاتوري في الكون كلو شرة
ما بحبسوك كجور..

حايرين في جنايتك الادهة و امرة
والتيراب تلاشى انعدم بالمرة
ما بنفع عذر ..
غايتو بلغت غايتك بالارادة الحرة
وين يانيل عنايتك مزارعيك فرا
وكايس للصبر

والله يا ود عوض

القصيدة دي الجاغريو اتقطع فيها

وعمنا مبارك حسن بركات تم الناقصة

اذكر مرة غناها في قعدة عائلية بالكبريت (كان ماسك بيها الزمن)

اخوك الوقت داك مافاهم حاجة

لكن دموع الشيوخ الكانوا قاعدين ..

ادتني احساس انو البحر ده عمل فيهم عمايل وضوقهم المرة





بجيك صادي تاني

Quote: والله يا ود عوض القصيدة دي الجاغريو اتقطع فيها وعمنا مبارك حسن بركات تم الناقصة اذكر مرة غناها في قعدة عائلية بالكبريت (كان ماسك بيها الزمن) اخوك الوقت داك مافاهم حاجة لكن دموع الشيوخ الكانوا قاعدين .. ادتني احساس انو البحر ده عمل فيهم عمايل وضوقهم المرة

والله يا معاذ اصلو ما قصر مع اخوك
شكرا اولا للمساندة وللحضور
وياريت تواصل لينا فى الذكريات الجميلة دى
فى انتظارك

يازول لقيت الرايحة امسك عندك

دي مقالة قديمة كنت محتفظ بيها وفيها شرح جميل للقصيدة
قراءة فى مرافعة الشاعر الجاغريو ضد البحر

... بقلم: محمود عثمان رزق

(1)

عندما فاض النيل فى عام 1946 فيضانا لا مثيل له ودمر البيوت والزراعة وقضى على كل شئ، وعتى عتوا كبيرا وفرض سلطانه على الأرض كما فعلت الأمطار فى أيامنا هذه، وقف الشاعر الجاغريو أمام البحر بشجاعة الفرسان وتوكل المؤمنين يتهمه بالفساد فى الأرض، ويقرأ عليه فى مرافعة تاريخية رائعة كل جرائمه التى أرتكبها فى حق أهل السودان فى ذلك التعدى. وأنت حين تقرأ المرافعة تشعر بدم الشاعر يغلى فى عروقه، وتسمع صوته يرتفع فى الكلام، وترى أصبعه يشير إلى البحر فى اتهام، ووجهه عابس متجهم، وعيونه تعكس ما بداخله من غضب وحزن

(2)

فأول التهم التى وجهها الشاعر للبحر تقع تحت المادة 121 والتى تتعلق بالسطو وهتك وكشف الأعراض، والمادة 154 والتى تتعلق بتخريب الممتلكات وفى ذلك يقول مخاطبا البحر :

البحر السطيت غيرك مافى ذكرى
كشفت العرايس، العجوز، والبكرةوهدمت القصور

فأنت يابحر شغلت الناس بهذه التعديات الهوجاء حتى أصبحت شغل الناس الشاغل، فلا تجدهم يتحدثون عن شئ سواك، وليتهم يتحدثون عن شئ جميل فعلته لهم ، و إنما يتحدثون عن كشفك للحرائر المستورات فلم تراعى منهن العروس ولا العجوز التى لا تسطيع الحركة ولا البكرة الخجول، وفوق كل ذلك هدمت القصور الفخمة والمبانى الجميلة





يتبع

(3)

وليس ذلك فحسب فأنت يابحر جعلت رئيس المزارعين (الخولى)، ذلك الموظف النشط فى مراقبة الزراعة، جعلته حائرا لا يعرف من أين يبدأ الإصلاح؟ وأصبح ساهى حائر كأنه مخمور يدور حول نفسه و تدور معه أفكاره.

الخولى النشيط صار ما عندو فكرة
واصبح ساهى حاير والت عقلو سكرة
والأفكار تدور







يتبع

متابعين يا دكتور
واصل..
ورينا سيرة البحر

(4)

وأنت يابحر لا تغير على عرضك ولا يهمك شأن ربات الخدور ومن كان هذا سلوكه، فهو ليس مشكور عندنا. ولذلك عندما علم أهلن أنك لا تهتم بحالهن نهضوا لترحيلهن من بيوتهن، لأنهم أحسوا منك المكر والغدر والخيانة ، فخاضوا بهن و قد وصل ماؤك إلى صدورهم.

ما هماك حالن، مافيش ليك شكرة
زملوا لى رحالن، عرفوك ناوى مكرة
خايضين للصدور





يتبع

(5)

فأنت أيها البحر الماكر جئتنا تسرى طول الليل وموجك هائج كالمجنون يدمر كل شئ حتى تلك الثمار التى تخرج أولا ( البشاير)، وكان عوض ذلك الثمار الحلو حسرة مرة نجدها فى حلوقنا وينكرها الفم.

ماكر جيتنا ساير، ليلك كلو تسرى
دمرت البشاير، واتعوضنا حسرة
وتيارك يفور





يتبع

شنو يا دكتور ياخ
ما عذبتنا!!

Quote: شنو يا دكتور ياخ ما عذبتنا!!]

هو انت لسه شفت حاجة...!

مش هتقدر تغمض عينيك...!








عشان تاني تجيب سيرة البحر.....










يتبع

و


تاني


يتبع

(7)

فأنت أيها البحر الماكر جئتنا تسرى طول الليل وموجوك هائج كالمجنون يدمر كل شئ حتى تلك الثمار التى تخرج أولا ( البشاير)، وكان عوض ذلك الثمار الحلو حسرة مرة نجدها فى حلوقنا وينكرها الفم.

ماكر جيتنا ساير، ليلك كلو تسرى
دمرت البشاير، واتعوضنا حسرة
وتيارك يفور





يتبع

Quote: عشان تاني تجيب سيرة البحر.....

يا دكتور دقايق وانزل ليك البحر بصوت ياسر تمتام

ما قصرت والله ربنا يديك العافية

تمتام ده انا قايلو زول راقي


طلع راقي شديد



تسلم

ونواصل مع سيرة البحر

Quote: ما قصرت والله ربنا يديك العافية تمتام ده انا قايلو زول راقي طلع راقي شديد تسلم ونواصل مع سيرة البحر

وكمان طلع عضو قديم بى جاى..
شوفتا الحلاوة دى كيف؟
يعنى الواحد لما يعرس ما محتاج تعاقد من بعيد
من جوه المنبر..طوالى..
يديك العافية يا ود الهادى

(8)


كأنك حاقد حاسد لا تسره نعم الغير، فكلما رأيت زرعا أخضرا توجهت صوبه واقفا أمامه حتى تصرعه صفا صفا. وأعلم أيها البحر إن فعلك هذا هو فعل وحكم الجائرين.

كلما تشوف زراعة عليها أخدت كسرة
تنهض لى صراعا كاتيل ليك مسرة (صف)
حكمك كلو جور








يتبع

أبو حميد ود. معاذ
كيفكم .. شغلكم حلو
أها هاكم الغنية بصوت خلف الله حمد
معاها رمية شغل نضيف عديل!!

مع ملاحظة بعض الاختلاف في ترتيب الكوبليهات
وكمان في مفردات مختلفة زي (الغباين) و(القبائل)!

تحياتي

لك التحية الأستاذ محمد عوض احمد على تسليط الضؤ على مثل هذه القصايد التي تأخذ منحى تاريخي أبان فترة الفيضانات الشهيرة التي دمرت عدد من القرى والمدن في السودان ،،
والشاعر الفذ أحمد محمد الشيخ الجاغريو أبدع فيها أيما إبداع وصور لنا هذا الفيضان تصوير دقيق جداً بكل اشكاله وصوره المدمرة ،،
ونحن في العيلفون تحتل هذه الأغنية مكانه خاصة عندنا وخاصة للذين عاصروا هذا الفيضان وعاصروا الجاغريو تجدهم يجترون الذكريات كلما سمعوها وفي الغالب تسمع بصوت عمنا اطال الله في عمره مبارك حسن بركات شيخ الحقيبة .. ولكني أرى بعض الأخطاء في النص ساحاول أن أصححها إذا سمحت بذلك وإذا سنحت لي الفرصة بذلك لأنني لا احفظها عن ظهر قلب ولكن مدونه عندي منذ زمن بعيد وأرجو أن يحالفني الحظ في أن اجدها .

على العموم شكراً على هذه التحفة الجميلة وتقبل ودي وتقديري ،،


ياسر العيلفون

Quote: والشاعر الفذ أحمد محمد الشيخ الجاغريو أبدع فيها أيما إبداع وصور لنا هذا الفيضان تصوير دقيق جداً بكل اشكاله وصوره المدمرة ،، ونحن في العيلفون تحتل هذه الأغنية مكانه خاصة عندنا وخاصة للذين عاصروا هذا الفيضان وعاصروا الجاغريو تجدهم يجترون الذكريات كلما سمعوها وفي الغالب تسمع بصوت عمنا اطال الله في عمره مبارك حسن بركات شيخ الحقيبة .. ولكني أرى بعض الأخطاء في النص ساحاول أن أصححها إذا سمحت بذلك وإذا سنحت لي الفرصة بذلك لأنني لا احفظها عن ظهر قلب ولكن مدونه عندي منذ زمن بعيد وأرجو أن يحالفني الحظ في أن اجدها . على العموم شكراً على هذه التحفة الجميلة وتقبل ودي وتقديري ،،

الف مرحب ياسر العليفون
البحر ده شكلو كان بغير منكم عديل..يعنى انتو بتفيضو كرم ورجالة
فايته الحد ذاتو..ربنا يحفظكم جميعا..
وبالجد فى انتظاركـ..
حكاوى الفن.. والأدب..فى العليفون والدبيبات
اصلو ما بتنتهى..

Quote: أبو حميد ود. معاذ كيفكم .. شغلكم حلو أها هاكم الغنية بصوت خلف الله حمد معاها رمية شغل نضيف عديل!! مع ملاحظة بعض الاختلاف في ترتيب الكوبليهات وكمان في مفردات مختلفة زي (الغباين) و(القبائل)!

مراحب يا حلو
نورت المنبر..بى جيتكـ ياخ
الفنان خلف الله حمد عليه رحمة الله..والشاعر الجاغريو
اظن انهم من منطقة واحدة..تقريبا.. وعاصروا بعضهم بعضا,,واى اختلاف فى النص
طبيعى يكون الصاح عمكـ خلف الله حمد. وفى السليم كمان.
لكن الرمية عجيبة..مرة واحدة..وملانه ضحكات رهيبه
:
الدوم غيكـ كتلنى
وكلابك والفن ما بنبحنى
بشق التيه على بلدكـ بغنى
وكتير يا ام خد بلاكـ
ما كيفنى