المنابر في بعض المساجد

أستغرب جداً ولا أجد تفسيراً أو مبرراً لأن يكون المنبر في بعض المساجد في عليين وما أدراك ما عليون ، يعني لو كنت عاوز تبحث عن الخيرات وقمت حضرت بدري شوية نظام عاوز تقرب بقرة وكده حا يجيك شد عضلي في الرقبة إذا فكرت أن تعاين للإمام وهو يخطب في جموع المصلين ، الناس ديل لي مقنطرين الإمام في سقف الجامع يعني المشكلة شنو لو كان المنبر يرتفع عن مستوى أرض المسجد بي درجة درجتين وغايتو في نوع منابر في بعض الجوامع لمن الإمام ينزل ويصل الوااااطه بتكون صلاة العصر قربت تجي.
هسي عليكم الله الإمام دا بالجوكر بنزل

كيفك ياملا ؟
الأمام يذكرنى بقياصرة روما وتحتهم الرعية.
المسجد دة وين ياالملا ؟

قلقلو تحياتي المسجد ده تحديداً ما عارفو وين لكنه نسخه مكررة فقد سبق وأن صليت في مسجد في الخرطوم بحري في حي المزاد بجوار بيت ناس ود الحجه وهو بذات المنظر منبر مقنطر في المساء ذات الحبك وملفوف بي مشمع أخضر والمشمع زاتو الكتاحه عامله فيهو عمايلها.
الفكرة شنو أصلاً في أن يكون المنبر بهذا الإرتفاع