|
Re: عبر قناة قون عفاف حسن امين تبهدل اغنية (الجالوص) كلمات عاطف خيرى غناء مصطفي سيد احمد (Re: بدر الدين الأمير)
|
الجالوص كلمات عاطف خيرى غناء مصطفي سيد احمد
Quote: معتوقة ومعتقة ومنعتقة نوافير إنتشاء وحشمة وحَـمار العين .. تضحك كلما وقعت مصيبة تمشى على العجين وتلخبطو وترطن إذا جاها الحنين ************ يا بت بيوت الهجعة كيف ؟ غبار شوارعك ماشى وين زقاق يفتش فى زقاق كتمة وضلمة وإنعتاق أنا فيك لامونى المساجين سكاتك منازل حلال الحرام سكاتك على حين أهش الحمام سكاتك عليك لما تصحى المسام سكاتك عليهم سكوت و السلام *************** صوتك وكت قطع البحر قبال مراكب العمدة ضهر النيل عرق .. والشمس فوق حبل الغيوم شرت جلاليب النعاس ناشف غرب مبلول شرق والمطرة زى شفع العيد تدخل غرف كل البيوت حكمة الجوع الشرح للأرضة كيف تقرأ المرق قبال يقع فوقـك سقف إتنحنح الجالوص أمرق على مهلك .. مروق الحنة من ضفر العروس واصعد على مهلك .. صعود البذرة والروح والشموس ********** مبنية مدن الخوف من طينة آخر الليل وانا فى سقالة الشوق قدح البصيرة تقيل فاتح زريبة الجوف تمرق تخش الخيل على كيفة كيف معلوف ضهر المظنة يشيل وانا ظنى ظنيـتـو .. فى النيل غريق فى النيل و الليل ولافى بالو ليل ساكت يغنوا على القمر واجعنى فى البحر السكات سكتنى فى الوجع البحر يا بت صباح الطير وين البلد ركت ؟ ما عاد هواك يفتح فى الكتمة شباك النزيف وين تكيتك فى الغيمة شطيف النجوم ريف الجسد صدرك سبلوقة اللبن الحريف داسينى فيكى نضر والأنبياء فاتوا والأنبياء بين بين قاعدين فى ضل النار داسينى فيك نضر فى غفلة جو الكفار وطارت حمامة الغار لاقونى ناشف ومر ما ذنب جلد الطار لو غنو بيهو شتر ما تخافى الله معاك وكل الملائكة سمر
|
| |
|
|
|
|
|
|
Re: عبر قناة قون عفاف حسن امين تبهدل اغنية (الجالوص) كلمات عاطف خيرى غناء مصطفي سيد احمد (Re: محمد عبد الماجد الصايم)
|
الاخ بدر الدين الامير اولا رمضان كريم ... وعفوا .. عفاف حسن عمرها ...عمرها (البهدله ما جات جنبها ) عرفتها زميله واعلاميه كبييييره في كل شي كما العمالقه مصطفى وعاطف وغيرهم مرتبه ..ومنظمه ومبدعه بمعنى الابداع .. متفرده في كتابتها ...عندها عالم خاص بيها وطريقه خاصه بسيطه وعفويه ..0وانيقه ) دا ما بديها الحق (ما تذكر اسم مصطفى واللا عاطف ..ولكن اؤكد لك (لمعرفتي بها جيدا )انها من احرص الناس عى حقوق الناس الادبيه ..وعاطف نفسو مصر انو عفاف دي بتقرأحاجاتو بطريقه جميله ...لكن اؤكد تاني انها (سقط سهو ) وياسيدي حرصك على (مصطفى ما يخليك دايما متحامل على اي زول يهبش منو حاجه ... مصطفى دا ثروة كلنا وارثنها ...وعفاف اولنا ..فخذ ما يروقك واترك الاخر وتظل عفاف بت مرتبه ومعجونه بالابداع حتى في حياتها العامه (متميزا ) كان قرات لعاطف او لنفسها كل احترامي و محبتي ...
| |
|
|
|
|
|
|
Re: عبر قناة قون عفاف حسن امين تبهدل اغنية (الجالوص) كلمات عاطف خيرى غناء مصطفي سيد احمد (Re: نعمات حمود)
|
Quote: وياسيدي حرصك على (مصطفى ما يخليك دايما متحامل على اي زول يهبش منو حاجه ... مصطفى دا ثروة كلنا وارثنها ...وعفاف اولنا ..فخذ ما يروقك واترك الاخر وتظل عفاف بت مرتبه ومعجونه بالابداع حتى في حياتها العامه (متميزا ) كان قرات لعاطف او لنفسها كل احترامي و محبتي ... |
نعمات حمود لك اجزل الود ورمضان كريم وبالمقابل ياسيدتى حبك وتقديرك لزميلتك الاعلامية عفاف حسن امين بيفرض عليك حين تقدم عفاف عمل بشكل منقوص يفتقر للتجويد ويكون كل الامر جلوس امام الكمرا وقطع من الراس ان تقولى لها لا وترفضى ذلك يانعمات لو تجاوزنا معك عدم زكر عفاف لاسم عاطف ومصطفى مش ممكن نتجاوز عن البهدلة البهدلتها للنص وما اظن عاطف برضى ان يقدم نص الجالوص بذلك الشكل.
كونى بخيرين وزيادة
| |
|
|
|
|
|
|
|