يا بورداب (خصوصاً ناس جدة) اخوكم طالب مشورة ونصيحة

انا اعمل حالياً في مكة، خلال فترة اجازتي السنوية عملت مع شركة كبيرة في جدة كمترجم، عند نهاية اجازتي السنوية استقلت من عندهم ورجعت الى مكة، اتصلوا بي وارسلوا لي عبر الفاكس عرضاً يفوق ما اتقاضاه حالياً باكثر من اربعة الاف ريال.
المشكلة وين؟ اولاً تأكدت تماماً بانه في الفندق قد وصلت اعلي سقف لراتب ولا امل في زيادة وفي المقابل الشركة الجديدة زيادة برضو ما عندها ياهو راتب التعيين وانسي، ثانياً عرضت الامر على مديري الذي اخبرني انه ومن الشهر الجاي في زيادة 500 ريال .
طبيعة العمل هنا في الفندق راحات للطيش، جو اسري وهناك جو عسكري انضباط دخول خروج تدخين مافي المرقة بخصم بس الراتب مغر.
والله يا جماعة صليت استخارة وما وصلت لراي، استشرت وبرضو ما وصلت لقرار ومرة اقتنع هنا ومرة اقتنع هناك.

بقي الاختيار بين راحتي النفسية وحبي لمكة والحج المجاني ورمضان الملح في الحرم وال 100 الف صلاة وبين الكاش مستقبل الاولاد، اقرب اقتنع لكن فجاءة اقول طيب مافي ناس متدينين اكتر مني وبريدوا مكة اكتر مني وشغالين في جدة او الطائف او حتى يمكن بعينهم ماشافو الاراضي السعودية. انا صراحة افضل خيار مكة واميل اليه لكن في زول عنده عنده راي افضل يمكن يدلني عليهو
افيدوني يا اخوان عندي 48 ساعة لتقرير المصير.

الاخ محمد عمر الزم دائرتك مكة؟


كائن جدواى معاش ؟
رسل تلفونك فى الخاص
انسا جدة ؟

اخوك خبره في العمل في مكة مايقارب ال10 سنوات

اتصل وسوف نقدم لك النصحية

وبعداك تستخير الله


خالد العطا

0555507740

يازول تعال جدة والعمرة ماهي بعيده من هنا
احسب سنوات الغربة واختصرها بالزيادة المادية
بس اهم شي في جدة تسكن الشمال واختا الجنوب

الأخ محمد عمر

أخوك جداوى قديم ، وأعمل فى مجال الترجمة

نصيحتى لك كالآتى:

خليك فى شغلك فى مكة

وبالنسبة لفرق الدخل عندما تعمل فى الترجمة ،

سنعمل معك الآتى: شغل الترجمة متوفر بكثرة ، ويمكن إنجازه عبر الإنترنت ، سنوفر لك بعض المصادر لتمدك بالترجمات وتتفق معهم على الأسعار بالورقة حجم الإيه فور والتى هى بالميت 20 دولار للصفحة ،

وبعد داك إنت وقدرتك وحبك لأولادك هو المقياس

وتذكر أن العمل عبادة

يعنى مليون عصفور بمئات الحجارة

ولو عجبك كلامى رسل لى ماسنجر

وما تشوف إلا نور

أخوك هشام

مكة والمناسك ومن بها ساعيـن

قل مسجد قبا ومن به ساجدين

لاتنسى احد والشهدا اليكيلوا العين

اه يا قلبي اه عين يا معين لنا عين

واسعفنا بزورة شافع الشافعين

////

ياخوي المال والبنون زينة الحياة الدنيا والباقيات الصالحات خير عند ربك

وانتا حاليا قاعد في الباقيات الصالحات دحين ابقا عليها عشرة









..

ينصر دينك يا حذيفة

سلم لى على شيخ بورداب الخرطوم

ونطلب منكم صالح الدعوات

Quote: ينصر دينك يا حذيفة سلم لى على شيخ بورداب الخرطوم ونطلب منكم صالح الدعوات

ينصر دين ابو اهلك زااااتو

تحياتك لي شيخ العوض تبلغ انشالله

اما بالنسبة للدعوات انتا عينك في الفيل وتطعن في ضلو

طبعا الفيل عمر فضل المولى ونحنا لا نسوى شيء معه

الزول دا من اهل الجوار ربنا يجعلنا من اهل الجوار










..

مدد مدد يا عمر فضل المولى

دعواتك وكت ود الكباشى غض الطرف عن الدعوات أمامك

لكم كل الحب يا سادتى

وربنا يتقبل صالح دعواتكم يا أهلى النضيفين

Quote: انا صراحة افضل خيار مكة واميل اليه

دي الخيرة العملتها انت يا محمد عمر
وامسك فيها قوي ما تزيدا تاني

تحياتي واشواقي

والله بختك يا محمد عمر الصالحين لمو فيك ما بدوك عوجة

صدقنى الشغلة دى فيها نفحة رمضانية

والله يزيدك

يا زول
خليك جنب بيت الله
ومتع ناظريك يوميا بالحرم
تلك متعة لا تدانيها دراهم الدنيا
وانت في الحرم بعد ماتصلي كل مرة ادعو ربك ان يسترك ويستر اولادك ويرزقك الرزق الحلال
فانه قريب مستجاب


تمنياتي لك بالتوفيق

ود الفكي

ازكر الناس القاعدت تبكي وتقول

حمانى القيد منع
انا قلبي زاد وجع
حماني القيد منع ,,,


اهدى لي صلاة ركعتين ,,
الله يوفقك شقيش ما تقبل ,,

Quote: بقي الاختيار بين راحتي النفسية وحبي لمكة والحج المجاني ورمضان الملح في الحرم وال 100 الف صلاة

والكاش
ومستقبل أولادي


أما إنكـ عربي مطرطش
كاش في عينكـ ألزم بيت الله ( بى نية صافية ) وبيجيب ليكـ الكاش ليى عندكـ

يا اخوي هوي ...لو الموضوع عمرة وصلاة وكدة ..مافي فرق بين جدة ومكة ...وهنالك كثر يعملون في مكة ويسكنون جدة وبالعكس ..وهنالك من يسكن الطائف ويعمل في مكة ...يعني دي ما مشكلة ...ولو لقيت 100 ريال زيادة في موقع لا تتردد..

مع تحياتي..

استخير تاني يا ود الفكي
والمرة دي من داخل الحرم المكي الشريف
وما ندم من استخار ولا خاب من استشار

واسأل الله أن يكتب لك الخير حيثما توجهت

اخواني الكرام
جزاكم الله خير وكتر خيركم وبارك الله فيكم. سوف اعود اليكم بعد قليل بعد اخلص الشغلانية الفي يدي دي.
بالجد شبه حسمتوا لي الموضوع.

Quote: بالجد شبه حسمتوا لي الموضوع.

خير يا عباس وصلنا وين ؟؟

والله يا جاد السيد غالياً مكة.

يا حبيب خليك في مكة
واخلص النية
القروش بتجي لحدي عندك
واسمع كلام هشام شيخ الدين واشتغل ترجمات تحت تحت
كلنا شغالين اكتر من شغل
مصاريف البُطان تجنن
يمين الدفعتوا انا في قرايتهم دي لي هسي
ابوي ما دفعوا لي لحدي ما عرست

يا ود جبريل،
الخير فيما يختاره الله، ونحن عزمنا على مكة اللهم الا اذا اتي ما يعكر علينا صفو هذا الاختيار.

اخبار فطورك شنو؟ تعرف بكرة بيصادف اقتراب كوكب المريخ من القمر فحيكون هناك قمرين في السماء باذن الله.

ود الفكي


رمضان كريم


الخيارات الفوق دي مؤشر قوي جدا لحسم الموضوع


استخير مجددا والفيها خير ربنا يسويها

أنا من رأيي إنك تجي تعمل مع الشركة اللي رسلت ليك الفاكس بعد ما شافت شغلك معها لشهور. شركتك القديمة يمكنك ان تستفيد منها بحقوق ما بعد الخدمة والجديدة بالإقبال الفريش على الحياة في مجال جديد.
وبعدين مسالة القرب من الحرم دي هل إنت جيت المملكة عشان تشتغل ودي كانت أولى اولوياتك والحج والعمرة دي كانت تاني حاجةأم لا؟ فلو كانت أول حاجة في أولوياتك خليك قاعد في مكة.
لو اخترت مكة لازم تقوم تجي للشركة في جدة وتعمل لوبي شديد لاقناعها بقبول سوداني آخر يبحث عن شغل في مجالك وما أكثرهم كي يحل محلك زتوصيتك سينظر فيها بعين الاعتبار.وأتمنى لك التوفيق فيما تختار

الاخوان السيدح وبشرى
وتستمر الحيرة الى الاول من سبتمبر حيث تتضح الصورة نهائياً.
والله يا بشرى يا ريت الموضوع كان كدا وبس، الموضوع معقد اكتر مما تتخيل. الله في.