عبقرية السر قدور والهجوم غير المبرر ..!

(*)

لولا السر قدور وحضوره الطاغي وذكاءه وموسوعيته لما كان (أغاني وأغاني)
الذي نشأت على غراره برامج مشابهة عديدة بفضائيات السودان المختلفة
لكن البرنامج ظل الأول والأكثر مشاهدة , رغم مشاركة ذات المغنيين عبر تلك
البرامج , السر قدور إعلامي ذكي وشاعر مجيد يستطيع معرفة مايريده المشاهد
ولو أبتعد عن البرنامج لتراجع مستوى مشاهدته وتدنت أعداد مشاهديه ولفقد بريقه

(*)

من المفارقات أن أسوأ ما بالبرنامج هم المغنين وأداءهم
وأجمل مافيه هو ونسة السر قدور وضحكته الصافية التلقائية
التي هوجم لأجلها ..

(*)

المفارقة الأكبر 000

أن محمود عبدالعزيز هو أفضل من غنى هذا الموسم
مخارجه سليمة وصوته القوي المألوف الذي لم تنل منه السنين
والظروف والمآسي ..

ولكنه أكثر من هوجم ..

ربما ل؟أن المتطلع إلى شكله الحالي الذي بان عليه
الإعياء يبحث عن صورة محمود فلا يجدها 00

فينكر أن الصوت هو الصوت 000
والاداء هو الاداء 000

عصارة سبعة وعشرون عاماً من الغناء ..
لكن الوجه ليس ذات الوجه 000

كيمو رمضان كريم ولينا زمن منك عساك طيب
السر قدور ما فيه كلام لكنه كرر الموضوع شديد
نفس الاغاني الما عندها سيد يتلموا ويغنوها تاني
نفس المشاهد والصور..تري الشايب ده صجانا صج

يعني اي غنية بقوا يغنوها براوية عصام وريماز وشريف فرفور والبنا وهكذا ده الاختلاف

Quote: يعني اي غنية بقوا يغنوها براوية عصام وريماز وشريف فرفور والبنا وهكذا ده الاختلاف

اووو قمرنا
كل سنة وانتا طيب وليك وحشة والله

هؤلاء هم أولى بالنقدوالهجوم
فهم الضلع الأضعف في البرنامج وليس عم السر

Quote: هؤلاء هم أولى بالنقدوالهجوم فهم الضلع الأضعف في البرنامج وليس عم السر

يا جماعة الخير، كدي النشرح ليكم كلام كمال محمد الزين.


الفنانين ديل مفروضين فرض على عمنا السر، وما بيقدر يقول فيهم بغم وما عندو رأي في الموضوع دان وبالتالي مشكلة البرنامج في الفناين والناس البيفروضوهم عليهو، وعم السر عندو رأي في الفناين المعاهو (لكن قادر الله)، المهم معاً من أجل شن حملة نقدية وهجومية على الضلع الأضعف وهم الفنانين وحملة دعم وتأييد للضلع الأقوى وهو عم السر)


الغريب:

أنا ما قاعد أشوف البرنامج دا، وعموماً ما قاعد أحب الغناء البيغنوهو ناس يكون الغنا دا ما غناهم.

وبرضو مكجن الناس البيفتكروا الغُنا في السودان يا هو الغنا الفوق الرادي بتاع أمدرمان (يعنى كان الإذاعة ما سجلت ليك معناها لا بتعرف تغني لا حاجة) وكان ناس امدرمان ماسمعوا بيك فإنت (فنان بتاع أقاليم ساكت).


اللهم أعطى طولة العمر لعمنا السر حتي يحكي ويجتر الذكريات عن غُنا الإذاعة بتاعت أمدرمان.

اللهم كتر من الفنانين الذين يرددون غنا الفنانين بتاعين إذاعة امدرمان (ما أستحقب من الغناء وما استحدث منه مروراً بما تترث وتشعب وتبنت).

كلام مية المية يا كمال
خصوصا فيما يتعلق بان خالتي محمود عبد العزيز

محمود دا براهو كفة والباقين يجو ليهم ربع كيلو كدا
ولو شلنا منهم عاصم البنا (وقية ما بجيبوها)

سلام لصاحب البوست وللجميع رمضان كريم

Quote: كلام مية المية يا كمال خصوصا فيما يتعلق بان خالتي محمود عبد العزيز محمود دا براهو كفة والباقين يجو ليهم ربع كيلو كدا ولو شلنا منهم عاصم البنا (وقية ما بجيبوها)

معتز القريش رمضانك كريم
برغم علاقتك بالموسيقى كعازف
الا أن ما كتبته هنا يعتبر تقييم جربندي ساكت
عصام محمد نور صاحب صوت متميز وله اغاني جميلة
كما انني لا انكر تميز محمود البته
البته بالجميعاب
وتاني رمضانكم كريم

معتصم يا جمام
لمن تحصل محمود عبد العزيز ببقى فى دم للركب لانى الزول دا ما شايفة ولا سامعة احسن منه
صوته من اندى الاصوات
واجملها ان شئنا الدقة
واكثرها وضوحا فى المخارج
استمعت اليه طوال التسعينات فاوصلنى لمرحلة من الجمال ما كان لغيره ان يفعلها
والامر فى النهاية نسبى
فما تراه انت الجمال كاملا اراه غير ذلك لكنى ومحمود عبد العزيز اقف موقف المقاتل
فهو فنان بلا ادنى شك

Quote: كلام مية المية يا كمال خصوصا فيما يتعلق بان خالتي محمود عبد العزيز محمود دا براهو كفة والباقين يجو ليهم ربع كيلو كدا ولو شلنا منهم عاصم البنا (وقية ما بجيبوها)

صدقت يامعتز ..

محمود عبدالعزيز الوحيد بين هؤلاء الذي إستطاع
أن يخلق مدرسته الفنية الخاصة , وشكل إضافة حقيقية
للأغنية السودانية ..
رغم أنه ولإنعدام الإنضباط الذي ساد حياته جعله يضيع
فرصة تسيد الساحة الفنية لسنوات طويلة ..
وهو إن قام بمراجعات تشمل حياته الخاصة لإستطاع تعويض
مافاته والعودة بقوة لشغل مقعد الصدارة في الغناء

كل سنة وانت طيب
تعرف حزب اعداء النجاح ؟
هذا هو الحاصل
فقط لاغير
كونى احب هذا الرجل وصديقة له لمدة تزيد على العشرين عاما تجعلنى اول المدافعين عنه
رغم فارق السن بيننا
لكن المحبة هى الاصل
ولقد علمنا فتعلمنا منه قيمة الرواية "ان تروى حدثا "
فهو من احسن الرواة لتاريخ الغناء الحديث بل والجقيبة
ومثله رايناهم فى مصر يعتدون بهم ويجعلونهم فى المقدمة دائما
يقاتلون كيما يسجلون لهم تاريخهم
وبالتالى تاريخ حقبة تاريخية عاشوها
للاجيال يحكونها
تحياتى

كيمو وهل اجمع اهل السودان يوم علي احد


السر قدور عملاق ومثاله في الدول الاخري يصنع له تمثال في قلب العواصم

Quote: كيمو وهل اجمع اهل السودان يوم علي احد السر قدور عملاق ومثاله في الدول الاخري يصنع له تمثال في قلب العواصم

Quote: يا جماعة الخير، كدي النشرح ليكم كلام كمال محمد الزين. الفنانين ديل مفروضين فرض على عمنا السر، وما بيقدر يقول فيهم بغم وما عندو رأي في الموضوع دان وبالتالي مشكلة البرنامج في الفناين والناس البيفروضوهم عليهو، وعم السر عندو رأي في الفناين المعاهو (لكن قادر الله)، المهم معاً من أجل شن حملة نقدية وهجومية على الضلع الأضعف وهم الفنانين وحملة دعم وتأييد للضلع الأقوى وهو عم السر)

شكراً ياصادق فقد صدقت ..

محبتي ..

مافى شك ياكمال إن السر قدور هو العمود الفقرى للبرنامج
ولكن هذا لايمنع أن نقول إنه فى بعض الأحيان ( بينجر ) بعض
القصص من رأسو . لكن هذا (النجر) برضو ( عدة شغل ) وعباره
عن بهار للحلقه .
وبالرغم من كل ذلك فالبرنامج من أنجح البرامج الرمضانيه
حتى الآن .

( عمي ) كمال ،،

كيف حالك ياخي ..
أنا أستمتعت بحكاوي السر قدور أكثر من استمتاعي بالغناء
صدقت في تحديد الأولى بالهجوم
لولا أنني أخشى أن تفتح علي أبواب الجحيم لقلت لك
أن من يستحق الاستماع اليه فقط ( بعد عمي السر طبعاً )
هم عصام ومحمود ، ثم منار..





هسي إنت فرقك من عمك السر ده شنو؟؟

عمنا السر قدور فاكهة رمضان فليضحك كما يريد هل يريدون خنق حتى هذه الضحكة الصادقة
ويجبرون الناس على متابعة النكات المكررة التي تخصصت في تكرارها الفرق المسماه
كوميدية وهي احق بتمسيتها تهريجيةام ماذا ؟
اما عن اغاني واغاني صحيح كثير من المغنين الموجودين اقل مستوى من ان يشاركوا
في هذا البرنامج وشكلهم كما قيل مفروضين من جهات عليا..اتمنى ان يكمل
عمنا قدور ما تبقى من الحلقات بفنانين تستحقهم آذان الشعب السوداني
اين وردي اين كابلي اين محمد الامين واين واين القطط السمان :)
سلامات يا كيمو