واخيرا فتح ليهو دكان ... بتاع جمعية دعم الحجاب الخيرية والشراء بالقوة

كتبنا من قبل هنا

وبدأ المشروع الحضاري من جديد .. فرض الحجاب بالقوة على طالبات الجامعات

Quote: في لقاء على قناة الشروق قبل عدة شهور على ما اعتقد في برنامج (هموم واحلام) لقاء مع رئيس جمعية دعم الحجاب لا تندهش يا ساكن الخيام بدارفور او العطشى بالشرق قضاياكم ليست بذات الاولوية المقدم: كيف ستفرضون او تشجعون الناس على لبس الحجاب الرئيس: لدينا شريحة بها ما يقارب ال 300 الف وهم طالبات الجامعات المقدم: وكيف يؤثر اللبس ان كان فاضحا او عاديا الريس: الا ترى الانحلال وانتشار الرزيلة في البلاد، هذا كله من اللبس الفاضح المقدم: وكيف تعرفون اللبس الشرعي؟ الرئيس: تعريف اللباس الشرعي واضح، لا يصف ولا يشف المقدم: وكيف تضبطون دخول هذا اللبس الفاضح الرئيس: هذه مهمة المواصفات والمقاييس، مالهم بجودة الزيت او الدقيق فان الله سائلهم يوم القيامة من اللبس، يجب ان يمنعوا دخول اي لبس فاضح الى البلاد المقدم: لكن يا سيدي انت تعلم، ان الملبوسات تأتي بمقاسات (يقصد المقدم اذا واحدة مقاسها 42 ممكن تلبس لبس شرعي لمن مقاس 38 وبي كده برضو يكون فاضح) الرئيس: (وقد فهم قصده) لا، يجب ان يكون اللبس فضفاضا اي يزيد عن مقاس محيط الجسد بـ 5 او 10 سنتمتر (ترزي يا بعيد) المقدم: وحتى ان فرضتوه، كيف سيجدون هذه اللبس (الحجاب) الشرعي في الاسواق؟ الرئيس: هناك جهات كثيرة ومستعدة ولها امكانات لتوفيرها بالسوق (دي ما دايره فهم)

لا جهات لا يحزنون

صاحبنا زااااتو فتح ليهو دكان معرض ما شاء الله حدادي مدادي

تابعوا دعايتة في قناة الشرةق او النيل الازرق لم انتبه

المقر:

امام او قرب كـــلـــيـــة كــمــبــيــوتــر مـــان

يعني دي آخر مكان في السودان يا مولانا !!!!

الشيء البحير

انو دي اول مرة اشوف لي جمعية خيرية بتفتح دكان، يعني بعرف جمعية خيرية
تتلقى مساعدات عينية او مادية من جهات ما وتقوم هي بدورها بعملية اعادة
توزيعها للمحتاجين، يعني يتم تعريفها في القانون السوداني والدولي

بمؤسسات غير ربحية

بالذا بالذااااات لمن يكون في اسمها حاجة زي (خيرية) دي ولابذان بالذات لمن يكون الموضوع
من وجهة نظرهم ليهو علاقة بأمر ديني واللهي

فبأئ مشيئة الزول دا فتح ليهو دكان ويبيع ويشتري؟؟

المفروض تفتح مخزن وتتصل على الثورة الايرانية او حماس الكونيةاو بني يعرب الصحراويين
وتقول ليهم نسوانا عريانات ولازم نسترن
وتطلب منهم يرسلوا ليك كم مليون عباية وتوزعهم بالمجان على نساء السودان

وشكلو قبض عطاء جامعة السودان