Post: #1
Title: ( يا حنوني ) : منتدي دال الثقافي .. و الفلاتية
Author: Emad Abdulla
Date: 08-23-2010, 01:16 PM
Parent: #0
[IMG]
[/IMG]
ليل الخرطوم جميل ..
وعدتنا الإرصاد الجوية باعتدال فيه و ربما مطرة مطرتين خفيفات - هكذا قالوا -
ثم إنو الدنيا رمضان .. و لا أعرف لماذا السهر الرمضاني حلو و مختلف .. لكننا عرفناه كده من الله خلقنا .
أحلم فيه بليلة من الغناء الغناء ..
( سكبتَ موية بصري و عميت عليّ عيوني الليلة )
الفلاتية .. عشة الفلاتية المغنية البديعة ، ستكون حضوراً في منتدي دال الثقافي ..
( تحققت أمنتي .. ما قلت ليكم أنا ود شيوخ ؟ ) .
أعضاء لجنة المنتدى أعرفهم ذواقة و - لايوقين - حين يلحون خلف الشيء
و هم في ذلك يعقدون الإجتماعات و يكتبوا و يكوركو و ينفضوا و يتلموا ..
أحبهم بجنهم هذا و حرصهم الذي يحكها فتجيب الدم ، حرص علي أن يعملوا كل شي عشان تنجح فعالية من فعالياتهم .
المهم ..
غداً الثلاثاء 24 / 8 يحتفل منتدي دال الثقافي بعشة الفلاتية ( ناس اللجنة ح يقولوا لي طبعا ليه ما كتبتها صاح ياخ .. :عائشة ) !!
عائشة بتاع مين ؟؟ عشة الفلاتية . اسمها كده . و كده أجمل و أقرب .. و بيشبهنا .
المهم ..
سيتحدث أستاذ الدراما و التمثيل و المحاضر بكلية الموسيقى و الدراما ، الأستاذ / عادل حربي عن عشة و فنونها و غناها و موسيقاها ..
و عادل يمتلك من المعرفة اللصيقة و المعايشة الحقيقية لعشة ما يؤهله للحديث عن عشة الفلاتية ..
تصحبه غناءً تلك البنت المبهرة في صوتها الحنون .. منار صديق .
منار تعشق أن تغني للفلاتية دون سائر المغنيات .. بمزاج سلطاني تفعل ذلك ..
لذا سوف تهدأ السماء ليلة غد - بدعواتي أنا ود الشيوخ .. يا الله يا مولاي - و لسوف يحلو سهرا ..
سألت اللجنة : الليلة اسمها شنو ؟
قال عشاري : يا حنوني . الله الله .
طيب .. فهي ليلة اسميناها ( يا حنوني ) .. إحدى روايع الفلاتية .
و تبدأ ليلة الفلاتية في العاشرة مساء ، بالقاعة الرئيسة لمجموعة دال - الخرطوم بحري / شارع الصناعات ..
أظنها سوف تكون إحدي الفعاليات الطيبة لمنتدى دال الثقافي ..
فشكراً يا أهل المنتدي .
المكرفون عند الأخ " المتصفح " عمر عشاري ..
- و ما ترجع ليهو الباسورد يا بكري .. النبي فيك -
للراغبين في الحضور و الراغبات ، الإتصال علي :
0912311165
ـــــــــــــــــــــــــــــــــــــــــــــــــــــــــــــــــــــــــــــــ
** رسم البورتريه المصاحب من أعمال التشكيلي / حسن موسى
|
Post: #2
Title: Re: ( يا حنوني ) : منتدي دال الثقافي .. و الفلاتية
Author: Tabaldina
Date: 08-23-2010, 01:19 PM
Parent: #1
..
.
صف وسط مكون من 5 مقاعد ..
باسم صالح تبلدينا
---------------
خليكم مع دال ..
خليك مع التراث والتأصيل :)
|
Post: #3
Title: Re: ( يا حنوني ) : منتدي دال الثقافي .. و الفلاتية
Author: Emad Abdulla
Date: 08-23-2010, 01:24 PM
Parent: #2
أبشر يا تبلدينا .
عشاري ..
خمسة مقاعد أمامية و صلحهم ..
.............
شكرا يا صاحب لحرصك علي حضور منتديات دال .
|
Post: #4
Title: Re: ( يا حنوني ) : منتدي دال الثقافي .. و الفلاتية
Author: GamarBoBa
Date: 08-23-2010, 01:41 PM
Parent: #3
انتو البلد دي ما فيها غير فنانين وشعراء امدرمان
مافي غير اغنية امدرمان دي؟؟
احمد عمر الرباطابي،صديق أحمد ،يحي ادروب.تجربة حنان النيل
يشهد الله السر قدرو لاك اغنية امدرمان لامن بقت متوفرة بكل الروايات وفقدت نكهتا
ومنتدي دال شغالة في نفس الاتجاه
شوفوا لينا غنية برة امدرمان دي كرهانا بالله واحد ...قدتونا قد ياخ بليلي هوي وما تعرف شنو
|
Post: #5
Title: Re: ( يا حنوني ) : منتدي دال الثقافي .. و الفلاتية
Author: DKEEN
Date: 08-23-2010, 01:51 PM
Parent: #4
خليك من عشاري
دي انتا رسمتها؟؟
عز الله ان راسمها بارع وخيالو قادر حريف..
ـــــــــــــ
عودة منتديات عشاري اقصدقلم مؤرخ منتديات دال مطلب رمضاني يابكري ياخ..
ولنا حديث بعد رمضان ..
|
Post: #6
Title: Re: ( يا حنوني ) : منتدي دال الثقافي .. و الفلاتية
Author: سفيان بشير نابرى
Date: 08-23-2010, 02:01 PM
Parent: #5
| Quote: إحدى روايع الفلاتية |
من الذي يكتب لهذا الرجل !!!!!؟
الرجاء عودة فردتنا عُشاري باسرع فرصة .
دكين ارفع يدك عن صديقنا وخليك في مع
الفقر وكل الاحترام .
اما انت فخليك في الرسم.
|
Post: #7
Title: Re: ( يا حنوني ) : منتدي دال الثقافي .. و الفلاتية
Author: طارق جبريل
Date: 08-23-2010, 02:01 PM
Parent: #5
يا عمدة في عيد الضحية كتروا من الحاجات دي
دكين ازيك ياخ
|
Post: #11
Title: Re: ( يا حنوني ) : منتدي دال الثقافي .. و الفلاتية
Author: Osman Musa
Date: 08-23-2010, 02:35 PM
Parent: #7
عزيزنا عماد
سلامات
ورمضان كريم .
( سكبت موية بصرى وعميت على عيوني الليلة )
عليك الله يا عماد أسمع ( الليلة ) دى عندها . لو جابو صينى
من شنقهاى يعرف المعنى .
الفلاتية ؟ .
الفلاتية يا عماد تمردت ضد خصوم الجمال من داك الزمن البعيد .
وطلعت فى زمن كوكب الشرق . الله قادر .
يا عماد عمك أبو أمنة حامد قال : الفلاتية أجتثت بعض الربوب بصوتها الدهبى .
يا حنوني ؟
( يانور يا قدوس )
يا أخى تشوف لينا الكراسى المقابلات الصورة عديل .. تحياتى
|
Post: #8
Title: Re: ( يا حنوني ) : منتدي دال الثقافي .. و الفلاتية
Author: Hussein Mallasi
Date: 08-23-2010, 02:08 PM
Parent: #5
Quote: انتو البلد دي ما فيها غير فنانين
وشعراء امدرمان مافي غير اغنية امدرمان دي؟؟ |
أنت في امدرمان و للا في الثقافة التي تم اختزالها في الغناء.
و الحال كذلك أقترح استبدال الاسم ليصبح منتدى دال الغنائي.
|
Post: #9
Title: Re: ( يا حنوني ) : منتدي دال الثقافي .. و الفلاتية
Author: خضر حسين خليل
Date: 08-23-2010, 02:13 PM
Parent: #8
| Quote: و الحال كذلك أقترح استبدال الاسم ليصبح منتدى دال الغنائي. |
ـــــــ
ياخ ملاسي ده سيدنا ثقالة عديل
انتهي منكم ياعماد
|
Post: #10
Title: Re: ( يا حنوني ) : منتدي دال الثقافي .. و الفلاتية
Author: سفيان بشير نابرى
Date: 08-23-2010, 02:25 PM
Parent: #9
Quote:
أنت في امدرمان و للا في الثقافة التي تم اختزالها في الغناء.
و الحال كذلك أقترح استبدال الاسم ليصبح منتدى دال الغنائي. |
كاااااااااااااااااااااااك
تاني كح !!!
حلوه وملعوبه وفي الصميم ذاتو
عجبني ليك يا المارغوت
عشان تاني تتكلم في عمر عُشاري
لوووووووووووووووول
|
Post: #12
Title: Re: ( يا حنوني ) : منتدي دال الثقافي .. و الفلاتية
Author: عمر عشاري
Date: 08-23-2010, 02:47 PM
Parent: #10
Quote: أنت في امدرمان و للا في الثقافة التي تم اختزالها في الغناء.
و الحال كذلك أقترح استبدال الاسم ليصبح منتدى دال الغنائي. |
ملاسي
خليك أمين أنا ماجبتها ليك عدييل إحصائيات
بمنتدى عائشة الفلاتية يكون حسابنا معاك ماشي بنفس النظام
ماتنسى إنو كان في محاضرة عن عالم -إبراهيم إسحق الروائي -
بعدين إنت عارف إنو نظامنا في رمضان
عامل كده
وبرغم النظام ده
المنتدى متوازن فيما يتعلق بالمنتديات الثقافية والغنائية على حسب تقسيمك
|
Post: #13
Title: Re: ( يا حنوني ) : منتدي دال الثقافي .. و الفلاتية
Author: عمر عشاري
Date: 08-23-2010, 02:51 PM
Parent: #12
كما نشكر الأخ بكري على إستجابته السريعة
_______________________
طبعا كان مافي لأسباب تقنيه لاعلاقة لها بلوائح المنبر
|
Post: #14
Title: Re: ( يا حنوني ) : منتدي دال الثقافي .. و الفلاتية
Author: عمر عشاري
Date: 08-23-2010, 02:56 PM
Parent: #13
شكرا ياعماد ياصديقي
والله مابتقصر
وخرجتَ بالبوست من لغة الدعوة الناشفة للمنتدى للغتك الرحيبة الأنيقة السمحة
|
Post: #15
Title: Re: ( يا حنوني ) : منتدي دال الثقافي .. و الفلاتية
Author: عمر عشاري
Date: 08-23-2010, 02:59 PM
Parent: #14
وريحت ملاسي من ( توثيق مصور )
|
Post: #16
Title: Re: ( يا حنوني ) : منتدي دال الثقافي .. و الفلاتية
Author: Amjed
Date: 08-23-2010, 03:03 PM
Parent: #13
اول حاجة بنبارك للاخ عمر عشاري عودة الباسويرد له بعد ان اتقلعت منو عقاباً جزاءًاً وفاقا - كما تردد احاديث المدينة- على احتداده غير المبرر و اسائاته البالغة التي وجهها لاحد زملاء المنبر هنا و نرجو ان يكون تعلم الدرس و تعلم ان يتمالك اعصابه فنحن لا نحتمل فراقه طويلا ...
لكن انتو تبدأو عشرة بالليل دي مش متأخر شديد ياخ
|
Post: #17
Title: Re: ( يا حنوني ) : منتدي دال الثقافي .. و الفلاتية
Author: سلمى الشيخ سلامة
Date: 08-23-2010, 03:33 PM
Parent: #16
اتمنيت لو كنت معاكم
لانه ام الاغنية السودانية دى لم يتم التعاطى معها على نحو يليق بما قدمته للاغنية السودانية
لا هى ولا شقيقتها الفنانة جداوية موسى اول عازفة عود فى السودان على الاطلاق
كنت اتمنى ان اكون بينكم لان هذا السيدة الجليلة عائشة موسى
من اهم علامات الغناء فى السودان
رغم ان هناك من سبقنها لكنها تظل نخلة من اعلى نخلات الغناء الان والى الابد
فهى ثقافة لاجيال كاملة
علمن اجيال كاملة معنى الالتزام الغنائى
وهى خصلة نفتقر اليها الان
حين تكون الاغنية موازية للحرب فهى ترفع من شان الاغنية
هذه العائشة الفلاتية هى فنانة يندر مثلها
فهى رغم اميتها كانت تنظم الاغنيات وتلحنها وتغنيها
ماتزال اغنياتها طازجة تلك ال(.........)اجة اللامتناهية
لكم احب الحديث عن هذه النخلة
لكم اسمى الامنيات بالتوفيق
تحياتى
|
Post: #18
Title: Re: ( يا حنوني ) : منتدي دال الثقافي .. و الفلاتية
Author: عمر عشاري
Date: 08-23-2010, 04:04 PM
Parent: #17
| Quote: لكن انتو تبدأو عشرة بالليل دي مش متأخر شديد ياخ |
التراويح يازميل :)
|
Post: #19
Title: Re: ( يا حنوني ) : منتدي دال الثقافي .. و الفلاتية
Author: محمد عبدالرحمن
Date: 08-23-2010, 04:56 PM
Parent: #18
| Quote: ** رسم البورتريه المصاحب من أعمال التشكيلي / حسن موسى |
ياعماد ..
ياسلااام ياخ ..حباب الفلاتية والله ..بس ياخوى مسؤول من الخير
سيد اللوحة اخدتو اذنو ولا لصقتو ساكت ؟ ..باقى حسن ياعماد
ياودالشيوخ بذكرنى مجدى كان بدرس معانا زمان ..الله يقدرك
شيل منو مصطرة ولاقلم ولا استيكه قبل ماتكلمو ..عشان تعرف
الله واحد بعد داك ..
امنياتى بالنجاح ..
|
Post: #20
Title: Re: ( يا حنوني ) : منتدي دال الثقافي .. و الفلاتية
Author: Mohamed Moatasim
Date: 08-23-2010, 06:35 PM
Parent: #19
| Quote: شقيقتها الفنانة جداوية موسى اول عازفة عود فى السودان على الاطلاق |
ياريت ياسلمى لو كنتى معانا ....
خاصة وان المتحدث هو ابن الراحله الفنانه القامه جداويه موسى.
مودتى
|
Post: #21
Title: Re: ( يا حنوني ) : منتدي دال الثقافي .. و الفلاتية
Author: tayseer alnworani
Date: 08-23-2010, 06:49 PM
Parent: #20
عماد ازيك
عشارى حمد لله على السلامة
صف من اربعة مقاعد لانو معاى ضيوف
شكرا اصدقائى دايما تزرعوا الفرح فينا
|
Post: #22
Title: Re: ( يا حنوني ) : منتدي دال الثقافي .. و الفلاتية
Author: Emad Abdulla
Date: 08-23-2010, 06:53 PM
Parent: #20
كااااااااااااااك في عينك إنت وهو ..
ملاسي عارف زي جوع بطنو كل التفاصيل دي ..
و يمكن داخل في الإعداد كان ما أخاف الكضب .
و ظنيتو دي خطة منه هو و ناس اللجنة لشي في نفس ياغوب !!!
ثم ياخي عمكم ملاسي ده شي بيريحوا في حنانو زي الغنا مافي ..
و كان ما الغنا ده و المزيكة ثقافة .. أمال يكون شنو يعني ؟؟ .. محركة ؟؟
نعد ليكم باقي الفعاليات الما غنا في المنتدى ؟؟ ..
إشتغل معانا كويس يا حسين .. عامل خشمك الأشولنجي ده .
أمسك المكرفون يا عمر ..
أنا جايباني الفلاتية ..
هو زاتو " السغافة " بعد المويات ما كويسة .
|
Post: #23
Title: Re: ( يا حنوني ) : منتدي دال الثقافي .. و الفلاتية
Author: Mohamed Moatasim
Date: 08-23-2010, 06:58 PM
Parent: #22
عمده...
ماتضغط على ملاسى
هو جايى جايى
بس مكبر اللفه ساى.
زى ماقال ( واحد) قبل كده :
كل ماسمعت كلمة ثقافه.... تحسست مسدسى)
|
Post: #25
Title: Re: ( يا حنوني ) : منتدي دال الثقافي .. و الفلاتية
Author: Emad Abdulla
Date: 08-23-2010, 07:34 PM
Parent: #19
محمد ياخي ما تدخل فينا خوفه ساكت ..
الهظار في رمضان ما كويس .
و بعدين ياخي كتبنا فوق إنه الرسم المصاحب بتاع حسن موسى .. صاح ؟؟
و لو ما من الرسمات البديعة ما كنا هبشناهو .
...........
هسه بعد الكلام ده ..
تفتكر ح يجي يجهجهني ؟؟
ما تلاوز لينا يا انصاري بالله .
|
Post: #24
Title: Re: ( يا حنوني ) : منتدي دال الثقافي .. و الفلاتية
Author: Emad Abdulla
Date: 08-23-2010, 07:29 PM
Parent: #5
يا عز ..
تاني رمضان كريم يا ابن خالتي .
الرسمة دي رسمها أستاذنا حسن موسى ..
و لمينا فيها أثناء البحث القوقلي عن صورة لعشة الفلاتية .
حسن موسى رسام بديع ..
و أظن البورتريه ده هو زاتو ما عارفو قاعد و متاح أونلاين ..
أو يكون نسى حتى إنو رسمو .
...................
ياخي صاحبك عشاري ده كانت مريحاني حكاية إنو قاعد سليقة ساكت دي ..
لكن الله ما أدانا .. غايتو .
|
Post: #26
Title: Re: ( يا حنوني ) : منتدي دال الثقافي .. و الفلاتية
Author: محمد عبدالرحمن
Date: 08-23-2010, 07:45 PM
Parent: #24
عماد ياخوى ...
كلم عشارى (يجر ليهو سلك) ..السترة والفضيحة متباريات ..
قروشكم الكتار ديل ..حق المكالمة من جيب قرشى ولا رشاد
عثمان بتاخدوهو ..
|
Post: #27
Title: Re: ( يا حنوني ) : منتدي دال الثقافي .. و الفلاتية
Author: خدر
Date: 08-23-2010, 09:59 PM
Parent: #26
يا ناس دال حا تجيبوا لينا طارق ابوعبيدة متين ياخ 
|
Post: #28
Title: Re: ( يا حنوني ) : منتدي دال الثقافي .. و الفلاتية
Author: Awadallah Bashir
Date: 08-23-2010, 10:39 PM
Parent: #27
| Quote: يا ناس دال حا تجيبوا لينا طارق ابوعبيدة متين ياخ |
انت كدي تعال...
كان ما كبرت كراعي من الفرح نص في الارض ونص في النعال ..
.تضحك علي..
والله يا خدر فيك حلاة حلة القطر قام...
هلللللللا هلا.
|
Post: #29
Title: Re: ( يا حنوني ) : منتدي دال الثقافي .. و الفلاتية
Author: عمر عشاري
Date: 08-24-2010, 09:33 AM
Parent: #28
| Quote: يا ناس دال حا تجيبوا لينا طارق ابوعبيدة متين ياخ |
والله ياخدر حبابك والله
|
Post: #30
Title: Re: ( يا حنوني ) : منتدي دال الثقافي .. و الفلاتية
Author: عمر عشاري
Date: 08-24-2010, 10:26 AM
Parent: #29
Quote: اتمنيت لو كنت معاكم
لانه ام الاغنية السودانية دى لم يتم التعاطى معها على نحو يليق بما قدمته للاغنية السودانية
لا هى ولا شقيقتها الفنانة جداوية موسى اول عازفة عود فى السودان على الاطلاق
كنت اتمنى ان اكون بينكم لان هذا السيدة الجليلة عائشة موسى
من اهم علامات الغناء فى السودان
رغم ان هناك من سبقنها لكنها تظل نخلة من اعلى نخلات الغناء الان والى الابد
فهى ثقافة لاجيال كاملة
علمن اجيال كاملة معنى الالتزام الغنائى
وهى خصلة نفتقر اليها الان
حين تكون الاغنية موازية للحرب فهى ترفع من شان الاغنية
هذه العائشة الفلاتية هى فنانة يندر مثلها
فهى رغم اميتها كانت تنظم الاغنيات وتلحنها وتغنيها
ماتزال اغنياتها طازجة تلك ال(.........)اجة اللامتناهية
لكم احب الحديث عن هذه النخلة
لكم اسمى الامنيات بالتوفيق
تحياتى |
محاولات تجري للتسجيل
نحاول ان نهديك بها ذكريات جميلة ياسلمى
|
Post: #31
Title: Re: ( يا حنوني ) : منتدي دال الثقافي .. و الفلاتية
Author: omer osman
Date: 08-24-2010, 10:38 AM
Parent: #30
| Quote: يا ناس دال حا تجيبوا لينا طارق ابوعبيدة متين ياخ |
القلوب شواهد ياعمك ...........
قبل نص ساعة زميلتنا في المكتب بتسالني ماشي بعدين ؟
قلت ليها الا اذا جابوا لينا طارق ابوعبيدة .........
مع عميق احترامي وتقديري واعجابي بالفلاتية وبجهود الاخوان في منتدي دال الثقافي .........
|
Post: #32
Title: Re: ( يا حنوني ) : منتدي دال الثقافي .. و الفلاتية
Author: عمر عشاري
Date: 08-24-2010, 10:59 AM
Parent: #31
Quote: القلوب شواهد ياعمك ...........
قبل نص ساعة زميلتنا في المكتب بتسالني ماشي بعدين ؟
قلت ليها الا اذا جابوا لينا طارق ابوعبيدة .........
مع عميق احترامي وتقديري واعجابي بالفلاتية وبجهود الاخوان في منتدي دال الثقافي ......... |
ياعمر عثمان
لو في طريقة تعال
أنا دايرك في موضوع
|
Post: #33
Title: Re: ( يا حنوني ) : منتدي دال الثقافي .. و الفلاتية
Author: omer osman
Date: 08-24-2010, 11:05 AM
Parent: #32
Quote: ياعمر عثمان
لو في طريقة تعال
أنا دايرك في موضوع |
غايتو ياعمك حسب التساهيل .......
لكن كان ما جيت ليك علي اجيك بكرة في المكتب ........
|
Post: #34
Title: Re: ( يا حنوني ) : منتدي دال الثقافي .. و الفلاتية
Author: محمد عبدالرحمن
Date: 08-24-2010, 11:55 AM
Parent: #33
* الى يازول yazool يازول بالفعل عاشت مغنيه السودان الاولى عشه فى السودان واختلطت باهله رغم ان اصولها من قبيله الهوسا النيجيريه علما ان الست عشه مولوده بكسلا يعنى هى مثلك سودانيه بالميلاد لذا لاتنظر اليها كجسم غريب وسط المجتمع السودانى الذى اعطاها الكثير من الحب والوفاء ولعلمك السودان ليس شعب بل مجموعه شعوب فالكاشف مثلا مغربى وديمترى البازار يونانى واسماعيل خورشيد تركى لكنهم جميعا سودانين فى وطن قاره يذوب القبائل والشعوب داخل معدته الضخمه ليخلق الوطن السودان الذى ينمتى اليه كل من ولد بداخله حسب قانون الجنسيه السودانيه للعام 1957 بعباره اخرى السودان melting pot مثل امريكا التى حوت مهاجرين من اثنيات شتى منهم شقيقتك تماضر التى رغم انها مولوده بالسودان تعتبر بحكم القانون مواطنه امريكيه خلافا لعشه الفلاتيه التى تعتبر سودانيه بالميلاد وليس بالهجره لانها من مواليد كسلا وهى حقا اجمل حنجره نسائيه صدحت بالسودان منذ ان عرفن السودانيات الغناء حتى عصر المغنيه السودانيه المهاجره باسبانيا رشا شيخ الدين.... باختصارعشه جزء اصيل من نسيج المجتمع والوطن السودانى ولم يمنحها احد السودانين شيئا لم تستحقه مثلها شرحبيل وعبدالعزيز محمد داؤد وعثمان الاطرش وابراهيم حسين وغيرهم ....
تاثير عشه فى احداث وطنها قوى جدا وموجب فهى قد ساهمت فى المجهود الحربى عبر الغناء لفرقه المهندسين المقاتله بكرن " يجو عايدين" التى كتبتها ولحنتها وقد حول محمد مرجان موسيقاها لاحقا الى مارش موسيقى للجيش السودانى كما ان تاثيرها فى جيلها من الفنانين والذين تلوها واضح جدا باعتراف الفنانين انفسهم فحسن عطيه وكابلى والجابرى صدحوا كثير باغنيتها الجميله "الدار الما دارى" والتاج مصطفى لحن لها الحبايب كلمات التنقارى " عنى مالو صدو وتوارو" ووردى بجلاله فنه الراقى وموسيقاه الضخمه وحسه الرفيع جدا اعترف انه قلدها كثيرا قبل دخوله الاذاعه بل ان ضمن الاغنيات التى غناها فى اختبار مقدرات صوته للاذاعه بحضور على شمو وغيره من الجهابذه اغنيه للفلاتيه الى جانب اغنيات ابراهيم عوض والتاج وحسن عطيه ثم ان ابراهيم عوض قبيل دخوله الاذاعه كان يجوب احياء ام درمان ليلا بحثا عن حفلات عشه الفلاتيه التى كان مقلدها الاول ولقد اختبر ود الريح مقدرته الصوتيه والادائيه باغنيتها " الليله بلال " وكسرتها " البنسانى الجيت لى برى ازوره" وعبدالعزيز داؤد غنى معها ثنائيا فى اكثر من مناسبه والمدهش اكثر عند زيارتها كنو برفقه الكاشف وعبدالعزيز بدعوه من السردونا رفضت رسميا اداء اى اغنيه بالرطانه " راجع حوارها 1972 مع محمد سليمان--لقاء الاسبوع"رغم ا نها بالسودان تصدح احيانا باغنيات بلسان الهوسا الذى تصنفه الامم المتحده لغه رسميه وهذا باب اخر لان الهوسا لغه وليس قبيله ويوجد متحدثين بها فى جنوب افريقيا وزيمبابوى ..عند غنائها بالهوسا كان يرافقها على العود العوادالراقى على مكى الذى ارتبط بها كثيرا بعد مرحله فرح جيش والتجانى السيوفى واسماعيل عبد المعين كعوادين
***
من مداخلة للاستاذ احمد الامين احمد مع هشام شيخ الدين
(يازول يازول) ...ارشيف المنبر ...
|
Post: #35
Title: Re: ( يا حنوني ) : منتدي دال الثقافي .. و الفلاتية
Author: عمر عشاري
Date: 08-24-2010, 03:15 PM
Parent: #34
محمد عبد الرحمن
شكرا ياصديقي
على إضافاتك المُفيدة
|
|