Post: #1 Title: شاهد مهرجان الاهداف الهلالي الـ( 17) في كاس السودان Author: Maawya Hussein Date: 08-21-2010, 11:15 PM
Post: #2 Title: Re: شاهد مهرجان الاهداف الهلالي الـ( 17) في كاس السودان Author: Maawya Hussein Date: 08-21-2010, 11:28 PM Parent: #1
في زول قال ليهم البسوا اصفر الجميعاب ديل ؟
Post: #3 Title: Re: شاهد مهرجان الاهداف الهلالي الـ( 17) في كاس السودان Author: محمد عبد الماجد الصايم Date: 08-21-2010, 11:30 PM Parent: #1
Post: #4 Title: Re: شاهد مهرجان الاهداف الهلالي الـ( 17) في كاس السودان Author: فدياس نجم الدين Date: 08-21-2010, 11:36 PM Parent: #3
حركتكم ########ه
Post: #5 Title: Re: شاهد مهرجان الاهداف الهلالي الـ( 17) في كاس السودان Author: Ashraf el-Halabi Date: 08-21-2010, 11:57 PM Parent: #3
يا مغربي عندك فكرة في كم منطقة في الكاملين اسمها (الجميعاب)؟ لو في أكتر من منطقة تحمل نفس الأسم الناس ديل ما حا يحتاجوا لتعريف لزوم الفرز من باقي الجميعاب يعني زي (فداسي الحليماب) و(فداسي العامراب) (شمبات الحلة) و(شمبات الأراضي) وهكذا الناس ديل إنفرزوا تب
Post: #6 Title: Re: شاهد مهرجان الاهداف الهلالي الـ( 17) في كاس السودان Author: Hassan Senada Date: 08-22-2010, 07:49 AM Parent: #5
زى مهرجان اهداف مازمبى فى مرمى المعز ككككككاك
Post: #7 Title: Re: شاهد مهرجان الاهداف الهلالي الـ( 17) في كاس السودان Author: hassan bashir Date: 08-22-2010, 08:01 AM Parent: #6
الأخ العزيز معاوية وبقية الإخوة
رمضان كريم
ألطف حاجة أن حارس مرمى الجميعاب بعد أن ولج الهدف الأول مرماه قعد يكورك في المدافعين ويلومهم على التراخي، وكأنه كان يطمح إلى مباراة يقف فيها فريقه نداً للهلال. لم يدر الحارس الطموح ما كانت تخبئه الأقدار بين أقدام ورؤوس (لم أشاهد سوى الهدف الأول بس أكيد في أهداف رأسية) نجوم الهلال.
بالقطع النتيجة ليست مقياساً على قوة الهلال، فالواضح أن الجميعابي فريق شاب ومحدود الإمكانيات. ومع ذلك، ممكن صحفي مريخابي يكتب أن النتيجة لم تعكس سير المباراة والذي دانت فيه السيطرة في كثير من الأوقات للاعبي الجميعابي وحانت لهم فرص للتهديف ولكنها ضاعت بسبب "الشفقة" والتسرع. :)
Post: #8 Title: Re: شاهد مهرجان الاهداف الهلالي الـ( 17) في كاس السودان Author: فيصل نوبي Date: 08-22-2010, 08:12 AM Parent: #7
سادومبا براهو 9
Post: #9 Title: Re: شاهد مهرجان الاهداف الهلالي الـ( 17) في كاس السودان Author: hassan bashir Date: 08-22-2010, 08:25 AM Parent: #8
Quote: لم أشاهد سوى الهدف الأول بس أكيد في أهداف رأسية
للأسف .. ولا هدف رأسي.
Houston, we have a problem
Post: #10 Title: Re: شاهد مهرجان الاهداف الهلالي الـ( 17) في كاس السودان Author: Munir Date: 08-22-2010, 10:35 AM Parent: #9
الواحد لمن زهج من المشاهدة .. البيفوت حده ينقلب لضده ..
كورة مهازل ..
الهلال أسد عليَّ وفي الحروب نعامة ..
مشكور يا معاوية ..
Post: #11 Title: Re: شاهد مهرجان الاهداف الهلالي الـ( 17) في كاس السودان Author: قلقو Date: 08-22-2010, 12:04 PM Parent: #10
شكرا معاوية,
Quote: الهلال أسد عليَّ وفي الحروب نعامة
الغريبة يامنير عندما تشاهد فرحة لاعبى الهلال عقب كل هدف لأعتقدت جازما بأنهم احرزوا هذه الأعداف فى مرمى فريق مانشستر يونايتد او برشلونة او بالميت كدة فى مرمى الأهلى المصرى . مستوى تطلعات هابط . لكن هاردلك يا فريق الجميعاب الرياضى فأرضية الملعب كانت مبتلة والحكم متحيز والجمهور عدائى والهوا كان ضدكم فى الشوطين .
Post: #12 Title: Re: شاهد مهرجان الاهداف الهلالي الـ( 17) في كاس السودان Author: Amany Elamin Date: 08-22-2010, 12:39 PM Parent: #11
بصراحه ؟ رغم اني هلالابيه لكن حزنت جدا لتصرف لاعبي الهلال اللي ما فيهو أي روح رياضيه :( الكوره رياضه وفن وأدب وعندها أخلاقياتها ,, ما فرصه للنيل من الخصم واشانة سمعته ,, خصوصا لو كان الخصم ضعيف,, كان كفايه جدا أربعه أهداف, الحصل ده مهزله وتدمير لفريق مفروض الهلال يقيف معاهو أو يسيبو يشق طريقه في ظل انعدام الامكانيات ,, مش يستأسدوا عليهم بالصوره المحزنه دي :( الهلالاب بيفردوا في عضلاتهم في فريق سوداني متعثر؟
طيب جدا بس كان يخافوا من الله, لأنه بكره وللا بعدوا بيلقوا ليهو فريق أفريقي وللا عربي يديهم عشره زي الترتيب, ونبقي في اشانة السمعه والبهدله ,,
-- معاويه كيفنك ,,
Post: #13 Title: Re: شاهد مهرجان الاهداف الهلالي الـ( 17) في كاس السودان Author: قلقو Date: 08-22-2010, 01:11 PM Parent: #12
الأخت امانى..
Quote: الكوره رياضه وفن وأدب وعندها أخلاقياتها ,,
الم اقل بأن مستوى تطلعات لاعبى الهلال هابط السقف ؟
Post: #14 Title: Re: شاهد مهرجان الاهداف الهلالي الـ( 17) في كاس السودان Author: Maawya Hussein Date: 08-22-2010, 01:44 PM Parent: #13
رمضان كريم يا شباب
حاولت أن أنتظر المحطة التي تقف فيها أهداف الهلال حتي أبدأ كتابة العمود ولكن من الواضح أن الغضب الهلالي على ممثل الكاملين وصل مرحلة عدم التوقف في المحطة نفسها !! فسرعة لاعبي الهلال في إحراز الأهداف جعلتهم يقفزون فوق المحطات وعلى رأسها محطة الكاملين التي وقفت ضد كمال شداد وبالتالي وقفت ضد مصلحة الهلال المتضرر الأبرز والوحيد حتى الآن من تهديدات الفيفا بتجميد مشاركات السودان الخارجية. وغضب لاعبي الهلال (كوم) وغضب سادومبا (كوم) لأن الفتى الزيمبابوي الذي ترك أهله وعشريته من أجل مغازلة الكرة مع الهلال والانتقال عبره لأوربا الضرر الواقع عليه مضاعفاً لذلك فإنه كلما أحرز هدفاً تذكر (طعن) فتى الكاملين فطعنه بهدف آخر حتي وصل إلي سبع طعنات حتي لحظة كتابة هذا السطر من العمود.. نعلم أن في الكاملين الكثير من الرجال الخيرين والنساء ولكن لاعبي الهلال المهددين بالتوقف عن الإرسال في بطولة الكونفدرالية بسبب طعن رجل ينتمي للكاملين قرروا أن تكون العقوبة جماعية حتي يقول أهل الكاملين كلمتهم في هذا الطعن!! قرأت قبل أيام حواراً جميلاً مع الأستاذ (الجميعابي) تحدث فيه حديث العارف عن مشاكل (الإنقاذ) والحركة الإسلامية في السودان وسنوات الحكم الأولى وانتقد الجميعابي بعنف ما أسماه بعدم قدرة الإنقاذ على اختيار القيادات .. أتمني أن تكون للجميعابي القدرة على قراءة الواقع الرياضي ليكتب لنا عن الفريق الذي يحمل اسمه ويحمل حتي كتابة هذه السطورة 15 هدفاً من بينها سبعة أو ثمانية أهداف لسادومبا.. الزول ده زعلان شديد.. يا أخوانا قالو سادومبا جاب التاسع .. الزول ده ثبتو .. الجماعة ديل فرحانين بقونين الأهلي ما يمسخ عليهم فرحة التعادل!! بالمناسبة المريخ لم يتذوق طعم الفوز مع الفرق الأجنبية للمباراة السابعة على التوالي.. مباراتان مع الترجي ومثليهما مع الجيش النيجيري وثلاث مباريات في الإمارات.. لذلك لا تستغربوا الاحتفالات بالتعادل! نرجع لموضوع (الجميعابي) أنا خائف يكون في مجموعة من لاعبين الهلال ضد (الجميعابي) سياسياً.. حكاية الـ17 دي ما طبيعية!! الناس ديل يكون عندهم رأي في مشوارك السياسي يا شيخنا؟!! والله لو لقينا عشرة من الـ17 ديل في الجماعة!! الله!! جمال الوالي قالو إتبرع للجميعابي (الفريق) بي بص عشان يشيلو فيهو الأهداف.. قالو ليك من الهدف الـ13 وحتى الـ17 كانوا واقفين شماعة!! سكان الحارة ( 17 ) أمبده قدموا تعازيهم (للجميعابي)!! الهلالاب في الصيام .. ما بخلو (الحمام) رحمة مافي.. في كأس السودان في الدوري الممتاز في الكونفدرالية.. ما عندنا كورة قريبة مع الجماعة.. أعملوا لينا مباراة .. إن شاء الله لدعم الوحدة !! نحن متنازلين عن الدخل!! الجماعة قالو شبعانين.. اتضح إنهم شاركوا في بطولة دبي بـ(بطنهم) درهم واحد ما شافوهو.. ونازلين في فندق أبو عشرين درهم والكهرباء عليك!! لما رئيس البعثة إحتج .. نقلوا الفريق لي شقق فندقية!! ورمزي صالح ما جا.. في مشكلة في الجواز.. الظاهر كلام صلاح إدريس صاح!! احتمال يحترف في نادي (ند الشبا)!! من أول سفرية!! الحاجة الظريفة إنو رمزي صالح شحن الأقوان التلاتة مع البعثة!! يعني المريخ والجميعابي دخلت فيهم عشرين قون في تلاتة مباريات!! والمباراة الجاية راجعين لمحمد كمال!! وإبراهومة مدرب النيل الحصاحيصا عارف البير وغطاها!! أدي كرنقو ده فرصة يا كوتش.. وييين مباراة المريخ والأمل عطبرة!! حقو شداد يكلم ناس الفيفا بالمجاملات دي!! نحن تاني والله لو زول قال لينا المباراة الساعة تمانية ونص بدل تمانية بنشتكي الفيفا!! والفيفا فيفتنا!! وين عبدو يا مزمل!! عبدو منو؟ أبو فيفي يا خي!! شايفكم نسيتو الوطنية والقوانين الداخلية وبقيتو مركزين علي سقوط شداد!! شداد انتصر زمان لما جاب ليكم الفيفا!! ما تزعل ما مزمل دي ونسة كده بين الجد والهزل.. بالمناسبة عندنا حلقة ظريقة عازمنكم ليها الليلة في قناة الشروق الساعة حداشر بالليل!! تعالو أضحكوا مع علاء الدين يوسف.. يا مزمل.. عاملين انتخابات اتحاد الكرة في شارع الجمهورية.. أنقر الفاز منو؟؟ إشتكي للوزير!!
