قناة النيل الأزرق .. كأننا لسنا في رمضان !!!

حسبي الله ونعم الوكيل من هذه القناة التى لا تراعي لحرمة هذا الشهر الكريم

وعجبي الاكبر ان هناك برامج دينية مع علماء وفقهاء من السودان لماذا لا ينصحون هذه الادارة بوقف تلك البرامج

حسبي الله ونعم الوكيل لن يغير الله ما بقوم حتى يغيروا ما بأنفسهم
اللهم لاتعاملنا بما تقدم هذه القناة من برامج يالله

Quote: وعجبي الاكبر ان هناك برامج دينية مع علماء وفقهاء من السودان لماذا لا ينصحون هذه الادارة بوقف تلك البرامج

المكاشفى سلام ورمضان كريم .....

ادينا امثلة لتلك البرامج شان نكون فى الصورة .....

ما يطلع زى حركات بنات قناة الشروق البلبسو بودى ومحذق ديلاك ؟

فووق للاهمية ..............

الأخ المكاشفي الخضر الطاهر:

السلام عليكم و رحمة الله تعالي و بركاته و بعد :

جزاك الله خيرا علي هذا التنبيه المهم و أدعو لكتابة عريضة إلي إدارة هذه القناة و رئيسها الأستاذ/ محمد حاتم سليمان و إدارتها للمطالبة بالتخلي عن البرامج الغنائية و السهرات الرمضانية و المسلسلات و بالأخص في هذا الشهر المبارك.

الشئ المؤسف أن البرامج الغنائية و السهرات الفنية تكثر في شهر رمضان في قناة النيل الأزرق و هو شهر الصوم و العبادة و التوبة و الغفران و تجد قناة النيل الأزرق تجتهد في نشر الأغاني و تنظيم و ترتيب السهرات و البرامج التي تروج للفتنة و البدع فأتمني أن ينتبه القائمون علي خطورة مايحدث فلا يعقل أن تكون هناك أغاني و سهرات في شهر رمضان المبارك.

فى قنوات تانية وفيها خيارات كتيييييييييييرة ممكن طوالى تشيلو الريموت وتمشو عليها

وتخلو النيل الازرق فى حالها

كما نرجو أن تتضمن العريضة المقترح تقديمها إلى الأستاذ محمد حاتم

المطالبة بإعادة بث حلقات ساحات الفداء

وما لف لفها من برامج المشروع الحضاري الجاذب ..

Quote: فى قنوات تانية وفيها خيارات كتيييييييييييرة ممكن طوالى تشيلو الريموت وتمشو عليها وتخلو النيل الازرق فى حالها

صحي يالمكاشفي الجابرك على قنوات الفسق والفجور شنو!!!!!!!!!! عندك , قناة المجد ماله عيبة لي ؟؟؟؟؟
ما عيب نحنه الفجار نسمع في تلاوته وانتوا الأخيار حارسين النيل الازرق



*وعليك الله خّف ما في غير الضلالية البكتروا من الزي ده
عندك مشكلة مع البرامج ونوعيته زي ما قالت أختنا بت الشيخ الرسيفر بكون في عشرمية قناة تقدر تلاقي زوقك
من غير ما تجي تشبك الناس

Quote: كأننا لسنا في رمضان !!!

صدقني بقت حركات ما جائبة تمنه بس من الجبة الحمراء دي
شكلك قائم في الحركات دي جديد ما ظلالى محّنك






-----------------------------------------------------------------
* الهم اني صائم وياخي رمضان كريم تصوم وتفطر على خير

أنا الحمد لله لا ادع الى الفجور والسفور وما اراه انحرافا انبه عليه وقد نبهت ادارة هذه القناة بأن تتخلى عن هذه البرامج القبيحة في هذا الشهر الفضيل ،،،، وقد قلت ان المؤسف ان تنشط مثل هكذا برامج في شهر التوبة والغفران شهر المغفرة شهر القرآن لماذا ؟؟؟
لا احد يستطيع ان يجيب لان هم هذه القنوات هو الدخل والاموال التى تتلقاها من الدعاية والاعلان عبر هذه البرامج القبيحة

الاخت اميرة انت تعلمين بتلك البرامج ولا داعي لذكرها هنا
انت اعلم واكرر وانت اعلم بتلك البرامج والسهرات القبيحة

الاخ عبد الناصر
بصفتي اكتب في هذا الموقع الاسفيري الذي هو كثير الرواج خاصة في السودان فاني انبه على ظننت انه من باب الفجور والمساوي وليس من باب المحمودات في هذا الشه ر الفضيل فسؤالى لك يا استاذ هل معي حق في ان ارمي ذلك الحجر في تلك البركة ام لا؟؟؟؟


اما قناو الشروق فهي ليست افضل حالا من النيل الازرق كلهم طلاب دنيا ومال وقد هاجمت برنامج اوراق شبابية في هذا البورد ونبهت على خطورته خاصة في انحراف الشباب

والله من وراء القصد
اللهم باعد بيننا وبين هذه القنوات الفاجرة يارب

اقم الليل يا شيخنا

او نوم
وعلى اضعف الايمان اضغط على الريموت وحول القناة

_____

قد تواجه صعوبه ولا تطاوعك نفسك في الضغط على الرموت
فهنا مربط الفرس..
لو لقيت نفسك ما قادر تحول القناة لو كنت تشاهدها وحدك
او تتحايل بالمرور عليها عرضاً مع الابقاء لفترة بغير انتباه متعمداً في وجود الاخرين

اسأل نفسك اسأله مهمة ليه؟؟؟

_ليه؟؟؟؟_______


رمضان كريم

Quote: اللهم باعد بيننا وبين هذه القنوات الفاجرة يارب

بسيطة جدا
اسعى ليك ريموت سنين و اصلى و بحجارة جديدة

Quote: الاخ عبد الناصر بصفتي اكتب في هذا الموقع الاسفيري الذي هو كثير الرواج خاصة في السودان فاني انبه على ظننت انه من باب الفجور والمساوي وليس من باب المحمودات في هذا الشه ر الفضيل فسؤالى لك يا استاذ هل معي حق في ان ارمي ذلك الحجر في تلك البركة ام لا؟؟؟؟

تحياتي تاني يامكاشفي

وشكر ليك لاستاذ دي يأخي أنا زول عنقالى ساى
المهم العوز أقولوا عوزين إعتدال ما أكتر نعين لحاجاتنا بإنصاف أكتر من كده النظرة دي يامكاشفي ما نظرت أى سوداني لو بتتكلم عن السودانيين كناس متدينين بفطرتهم وما بعجبهم أعوج , أخ كريم برضوا كتب هنا قبل مدة عن لبس مذيعات
النيل الازرق وكشفهم لنحورهم , طيب هو بشوف كده نحنه ذنبنا شنو؟؟؟
الواحد قرب يقول لى عرس حتشوف أى حاجة في نصابة الطبيعي
ولو ما شافة عليهوا بمثني وثلاث ورباع


بعدين يا خي كسودانيين أتشبعنا شديد من ناس النظرة الضيقة ديل ياخي بقي الواحد كده طوالى رابطهم بالكذب والضلال
ده ما بمنع في ناس متدينة جد جد بس ياخي أى زول دينوا ده حقوا هو علاقتوا بربوا , لمن تبقي فيالزي ده
مفروض يراجع نفسوا يشوف ليه هو بياخد الحته ( - ) في الحاجات ليه !!!

ممكن تكون حاجات بتخصوا هو أكتر من تخص المجتمع حولو
مجتمعنا ما فاجر صدقني وسفيهوا يا مكاشفي سفيه بفهم وعندوا حد في سفهوا براعي
حاول أتعرف على مجتمعات تانية مسلمة حتعرف أنو نحنه لسه كويسين والعافية درجات



دينا فطرة يامكاشفي فحاولوا عينوا لينا بعين منصفة ما اكتر



وواصل فليع حجارك بعافيتك

Quote: لاخت اميرة انت تعلمين بتلك البرامج ولا داعي لذكرها هنا انت اعلم واكرر وانت اعلم بتلك البرامج والسهرات القبيحة

المكاشفى ...سلااااااااااااااااااام

لا لا لا ما تتهمنى ساى انا ما عندى اى علم باى قبح تتحدث عنه
ولا شفت سهرات قبيحة ولا سمعت بيها الا منك اسى .....
والله انا مستمتعة جدا جدا بما اشاهده فى قناة الازرق واعتقد انها عملت طفرة نوعية فى البرامج المقدمة والمزيعيين /ت والديكور الخ

وكان على يشيلو اللوقو(الشعار) بتاع تلفزيون السودان ويتلصق فى قناة الازرق وتكون هى التلفزيون القومى لانها تستاهل تمثلنا

...واحتمال البرامج الانت بتتكلم عنها دى انا ماشفتها شان كدا نورنى وخلينى فى الصورة وادينى مثال ونتناقش فيهو الله يفتح عليك

شان ما تبقى اتهامات ساى تتوزع منك هنا وهناك مرة بنات الشروق ومرة قناة النيل الازرق ,,,,,,

Quote: دينا فطرة يامكاشفي فحاولوا عينوا لينا بعين منصفة ما اكتر

Quote: أنا الحمد لله لا ادع الى الفجور والسفور وما اراه انحرافا انبه عليه وقد نبهت ادارة هذه القناة بأن تتخلى عن هذه البرامج القبيحة في هذا الشهر الفضيل ،،،، وقد قلت ان المؤسف ان تنشط مثل هكذا برامج في شهر التوبة والغفران شهر المغفرة شهر القرآن لماذا ؟؟؟

وانا الحمدلله لا ادعـو الى الفجـور وكذلك عبدالناصر الخطيب ومـعاوية الزبير ومنال وعوض وماهر والصادق عوض,,,

الفجـور...السفور والقبح عليكـ الله مافى مصطلحات احسن مـن دى شوية يامكـاشفى?

Quote: لا احد يستطيع ان يجيب لان هم هذه القنوات هو الدخل والاموال التى تتلقاها من الدعاية والاعلان عبر هذه البرامج القبيحة

اها الدعاية والاعلان ديل فيهن ما يستحق المـشاهدة

اناغايتو بستمتع بالفقرات الاعلانية..

اسي دعاية الحـلو مر دى فى احلى مـنها?

وريتشى ريتشى ريتشى

وزيت صباح ريحتو عاجا.بانى. صباح

يالله النيل الازرق عالم جميل

Quote: اللهم باعد بيننا وبين هذه القنوات الفاجرة يارب

اضغط الرموت زى مانصحوك الجماعه...

Quote: أنا الحمد لله لا ادع الى الفجور والسفور وما اراه انحرافا انبه عليه وقد نبهت ادارة هذه القناة بأن تتخلى عن هذه البرامج القبيحة في هذا الشهر الفضيل ،،،، وقد قلت ان المؤسف ان تنشط مثل هكذا برامج في شهر التوبة والغفران شهر المغفرة شهر القرآن لماذا ؟؟؟ لا احد يستطيع ان يجيب لان هم هذه القنوات هو الدخل والاموال التى تتلقاها من الدعاية والاعلان عبر هذه البرامج القبيحة الاخت اميرة انت تعلمين بتلك البرامج ولا داعي لذكرها هنا انت اعلم واكرر وانت اعلم بتلك البرامج والسهرات القبيحة الاخ عبد الناصر بصفتي اكتب في هذا الموقع الاسفيري الذي هو كثير الرواج خاصة في السودان فاني انبه على ظننت انه من باب الفجور والمساوي وليس من باب المحمودات في هذا الشه ر الفضيل فسؤالى لك يا استاذ هل معي حق في ان ارمي ذلك الحجر في تلك البركة ام لا؟؟؟؟ اما قناو الشروق فهي ليست افضل حالا من النيل الازرق كلهم طلاب دنيا ومال وقد هاجمت برنامج اوراق شبابية في هذا البورد ونبهت على خطورته خاصة في انحراف الشباب والله من وراء القصد اللهم باعد بيننا وبين هذه القنوات الفاجرة يارب

السيد المكاشفى
السلام عليكم و رحمة الله تعالى و بركاته
رمضانك كريم

الملون بللاحمر فوق دا أحكام (قطعية) و لا (ظنية) تقريرية ساكت ؟

نلاحظ ورود هذه العبارات (الفجور) (السفور) (انحراف) (القبيحة) (المساوئ) (الفاجرة)

ماهي مرجعيتك (معياريتك) التي اطلقت بها هذه الاحكام ؟

أنت في ماهو ملون بللاخدر تتحدث عن (ظنك) فهل هو (حكم) واجب (التصديق و الإتباع) لمسئولي تلك القناة و جمهورها ؟

ومن أين لديك الشرعية و السند لإصدار احكام معممة بالفجور و السفور و القبح و المساوئ ؟ من اعطاك هذا الحق و ماهي مؤهلاتك التي منحتك له ؟





_______

خارج النص:

الصورة جميلة ماشاء الله ، و ذكرتنا اهلنا الصوفية ، و هل هذا انت ؟ لأني مشبهك على شيخ كان بنعرفوا في الملازمين اسمو شيخ اللمين كان بتعرفوا






















_____________________
تحت الخط :
---------
الى ملكة الغاغا بالمنبر (اميرة الشيخ) رمضانك كريم ، و الليلة مالك مركزة (الغاغا) مع الحبيب المكاشفي دا (يرفع للاهمية) لوولز
شكلو الجو مع الصيام مسخن معاكم بهناك في الدوحة ، مشتاقيين يا بت الشيخ ، خسوسا بعد ما قفلنا الكراج البهناك في وش الكتاب بقت اخبارك مقطوعةادينا خبرك

المكاشفي - الله يرضا عليك يا اخوي - ما تطلع لي في ونستي (فوق بوستيك دا) مع أميرة الشيخ شبهة (إختلاط) و (فجور) و ما شابه من ذلك

تحياتي للجميع و رمضان كريم

النيل الازرق عالم جميل

Quote: e: ، و الليلة مالك مركزة (الغاغا) مع الحبيب المكاشفي دا (يرفع للاهمية) لوولز

حاتم سلاااااااااام....
تابع هنا وحاتعرف ليه اميرة الشيخ مركزة الغاغا مع اخونا المكاشفى
التبرج وإظهار مفاتن المرأة في برنامج أوراق شبابية في قناة الشروق
برنامج اوراق شبابية على قناة الشروق .. قمة الفشل والرتابة وعدم الموضوع

التبرج وإظهار مفاتن المرأة في برنامج أوراق شبابية في قناة الشروق
نا واخوى المكاشفى دا زباين وبالتاكيد هو لا يدعى للفسوف وانا كذلك لا ادعى للفسوق بس الاختلاف فى الطريقة ..

Quote: الله يرضا عليك يا اخوي - ما تطلع لي في ونستي (فوق بوستيك دا) مع أميرة الشيخ شبهة (إختلاط) و (فجور) و ما شابه من ذلك

حاتم النصيحة لله انت تدعى للفسوق بعكس الجماعة الفوق ديلاك والا لماذا تخاطبنى من دون الناس باسمى وتتونس معاى ؟؟


__________________________
يازول كيفك وخبرك

Quote: نا واخوى المكاشفى دا زباين وبالتاكيد هو لا يدعى للفسوف وانا كذلك لا ادعى للفسوق بس الاختلاف فى الطريقة ..

كويس يعني في سابق (غاغا) إسفيرية مع شيخ المكاشفي إذا لا تثريب عليك يا بت الشيخ

Quote: حاتم النصيحة لله انت تدعى للفسوق بعكس الجماعة الفوق ديلاك والا لماذا تخاطبنى من دون الناس باسمى وتتونس معاى ؟؟

اها دا الخايفين منو ذاتو

طيب دحين انت كيف تتناقشي مع المكاشفي دا

الا تعرفين بفتوى الشيخة (أم أنس) السلفية بحرمة دخول

المرأة الانترنت بدون محرم و ذلك لخبث طويتها

Quote: السؤال فتوى الشيخين عثمان الخميس وسعد الغامدي في تحريم الانترنت على المرأة بسبب خبث طويتها ولايجوز لها فتحه إلا بحضور محرم مدرك لعهر المرأة ومكرها، نسأل الله الثبات! بسم الله الرحمن الرحيم والحمد لله رب العالمين وبعد، فإن النساء مخلوقاتٌ كسائر مخلوقات الله، لكن فيهنّ ضعفاً بيّناً وهوى يأخذهن صوب الحرام إن لم تجعل الضوابط الشرعية قائمة في المجتمعات التي يقمن فيهن. وحكم دخول المرأة للإنترنت حرام حرام حرام. ففي هذه الشبكة من مواضع الفتنة ما قد لا تتمكن المرأة بضعف نفسها على مقاومته. ولا يجوز الدخول لها على مواقع الشبكة ما لم يكن برفقتها أحد المحارم الشرعيين ممن يعرفون بواطن النساء ومكرهن وضعفهن أمام الجنس والهوى، كما قد فصّل ذلك فضيلة الشيخ سعد الغامدي في فتوى طويلة مدعومة بالأدلة الشرعية الثابتة.

وهذا موقع الداعية المباركة العلامة السلفية : أم انس (مصدر الفتوى) ء








وأما مخاطبتك باسمك و الونسة معاك ذاتو خليناها

كان جابت ليها دعوة للفسوق كمان اصلي ما ناقص























_________________________
بخير و الحمد لله
قلنا نسال منك في مكان أقل (غاغا)
من غيره

Quote: (عدل بواسطة Amira Elsheikh on 22-08-2010, 07:15 ص) (عدل بواسطة Amira Elsheikh on 22-08-2010, 07:19 ص)

كدي اول حاجة حاتعترفي كنت كاتبة هنا شنو

ولا نكلم ود الصايم ينادي (كبشور كوكو)









________________
التعديل لخطأ إملائي
لا ضير إطلاقاً من مناداة ود الصائم ل(كبشور كوكو)
في هذه الحالة

Quote: كدي اول حاجة حاتتعرفي كنت كاتبة هنا شنو

المداخلة نزلت مرتين يعنى مافى داعى لود الصايم شايلنو لكبير ..


ركز على النصف الممتلئ من المداخلة ياحاتم ياخ .....




Re: حملة مقاطعة الأفلام والمسلسلات و الأغاني و السهرات ...هر رمضان المبارك ؟؟؟
Re: ليالي على النيل الأزرق ( نسوان الخرطوم الله يديهن العافية ااااخر تبرج )

ديل اخوات البوست دا وتقريبا نزلو فى نفس اليوم ...

لمزيد من الفسوق اقصد الاطلاع

Quote: فإن النساء مخلوقاتٌ كسائر مخلوقات الله، لكن فيهنّ ضعفاً بيّناً وهوى يأخذهن صوب الحرام إن لم تجعل الضوابط الشرعية قائمة في المجتمعات التي يقمن فيهن. وحكم دخول المرأة للإنترنت حرام حرام حرام. ففي هذه الشبكة من مواضع الفتنة ما قد لا تتمكن المرأة بضعف نفسها على مقاومته. ولا يجوز الدخول لها على مواقع الشبكة ما لم يكن برفقتها أحد المحارم الشرعيين ممن يعرفون بواطن النساء ومكرهن وضعفهن أمام الجنس والهوى، كما قد فصّل ذلك فضيلة الشيخ سعد الغامدي في فتوى طويلة مدعومة بالأدلة الشرعية الثابتة.

انا لله ....... حاتم ياحاقد اسي دى فتوى تجيبها فى نص زرزرة زى+ رمضان ...انت عايز يهدرو دمنا ؟؟





______________________________________________
والله زمنى دا كلو قايلة قعادى فى الانترت دا من ورا حجاب/ ستار
طلعنا برضو قاعدين فى السهلة

Quote: انا لله ....... حاتم ياحاقد اسي دى فتوى تجيبها فى نص زرزرة زى+ رمضان ...انت عايز يهدرو دمنا ؟؟

إنتي شفتي حاجة خشي على موقع الداعية السلفية المباركة ام أنس و عينك ما حاتشوف الا النور

Quote: والله زمنى دا كلو قايلة قعادى فى الانترت دا من ورا حجاب/ ستار طلعنا برضو قاعدين فى السهلة

أو كما قال - من جعله زوراٌ و بهتاناً (بعض اهل الدوحة) - خالي :

موش قلنا لكم الانترنت دا قاعد في السهلة ساي؟

نصيحتين أو ثلاث لك أيها الشيخ الكباشي:

لا تحكم على عملك (فانت لست مؤهلا لذلك) -إن كنت تعي ما أقول-

أنت لا تملك الوصاية علي أحد (بالدين)

Don't be complacent

( الأخيره دي لازم بالإنقليزي لإشباع المعنى)

المكاشفي ...السلام عليكم ورحمة الله وبركاته ..

ماتقدمه قناة النيل الازرق اخي المكاشفي لايختلف عما تقدمه القنوات السودانية الاخري .. وحتى تلفزيونا القومي فيهو برنامج غنائي بعد الافطار يقدمه الطيب عبدالماجد لايختلف عن اى برنامج في اى قناة في العالم ...

Quote: وقد نبهت ادارة هذه القناة بأن تتخلى عن هذه البرامج القبيحة في هذا الشهر الفضيل ،،،،

يعني بعد رمضان بتبقى غير قبيحة ولا شنو ياشيخنا .؟!!

بعدين الشعب السوداني ده كلوا صوفية وناس بتاعين دفوف ورقيص وغناء وجو كملوها اخوانا ناس الجبهة بالاناشيد الدينية بالموسيقي والرقيص والهلس ويقولوا ليك مشروع حضاري ..


ياحاتم على اقعد لون كده واقتبس لامن يجوك صحبان محمدE وتنزل تلفوناتك وايميلاتك هههههههه ...

يا زول ما عجبتك اقلب المحطة بس
مافي شي بيجبرك عليها
انا غايتو عا########ي ومتكيف للطيش

الاخ المكاشفى
الاية واضحة وبينة
ولاتزر وازرة وزر اخرى "
صدق الله العظيم
دحين يا العشا عشان ما تتعب نفسك مع النيل الازرق والاحمر ابقى مارق من جنس شغلات الكفار ديل
كلمتك عامن اول ود امى وقلت ليك
عليك بالخلوة
عليك بما يبعد عنك كل هذا الفسوق والفجور
حيث لاتلفون يرن ولا تلفزيون ولاكومبيتر ولا مروحة ولا عربية ولا مكيف ولا هم يحزنون
فهذه صنعها الكفار لراحتنااما التلفزيون من اهم ما قام الكفار بصناعته
عالم تريد ان تعيشه فاذهب اليه هناك حيث الخلوة والعيش الذى يشابه السلف الصالح
اما عالمنا دا عاجبنا بنيله الازرق وسماحة بناته وجمال مناظره
رغم انى ما بشوف تلفزيون لكنى اشتغلت فيهو قبال كدى ومبسوطة منه
كما الشريف مبسوط من ندى القلعة قدس الله سرها
يا اخوانا عليكم الله الماعاجبه شغل الكفار دا ما يمسك لينا العصاية من النص
يتعاطى مع الكومبيتر والتلفزيون ويجى يقول ليك الكومبيتر بعلم الفسق والتلفزيون الفجور والخ الخ الخ
خلونا فى حالنا دا ثمة من سيحاسبنا على كل صغيرة وكبيرة
الم يقل المولى عز وجل
وهديناه النجدين ؟
خلاص ياخ لكم عالمكم ولنا عالمنا وماازال اردد مقولة اختى بنت ابى وروحى اميرة
النيل الازرق عالم جميل
التلفزيون عالم جميل الاعلان عالم جميل
الحياة حلوة ولنا فيها حق
تصومو وتفطرو على خير

اقترح على صاحب البوست قطع دابر الفجور والانحلال من اصله
قم بتكسير التلفزيون
(قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ *وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ) (النور: 30)

و ورد في الأثر:
(يا عيسى عظ نفسك، فإن اتعظت فعظ الناس، والا فاستح مني)

Quote: وما اراه انحرافا انبه عليه وقد نبهت ادارة هذه القناة بأن تتخلى عن هذه البرامج القبيحة في هذا الشهر الفضيل

يا اخوى نحن نبّهناك مراراً وتكراراً ... باستخدام الرموت لاجتناب الإنحراف والقبح ... ولكن لا رموت لمن تنادى ...

لذا أطلب من الشباب ... نعمل شيرينق نشترى رموت للمكاشفى الخضر ... لإنقاذه من الضلال ...












... المهم ....

Quote: الاخ المكاشفى الاية واضحة وبينة ولاتزر وازرة وزر اخرى " صدق الله العظيم دحين يا العشا عشان ما تتعب نفسك مع النيل الازرق والاحمر ابقى مارق من جنس شغلات الكفار ديل كلمتك عامن اول ود امى وقلت ليك عليك بالخلوة عليك بما يبعد عنك كل هذا الفسوق والفجور حيث لاتلفون يرن ولا تلفزيون ولاكومبيتر ولا مروحة ولا عربية ولا مكيف ولا هم يحزنون فهذه صنعها الكفار لراحتنااما التلفزيون من اهم ما قام الكفار بصناعته عالم تريد ان تعيشه فاذهب اليه هناك حيث الخلوة والعيش الذى يشابه السلف الصالح اما عالمنا دا عاجبنا بنيله الازرق وسماحة بناته وجمال مناظره رغم انى ما بشوف تلفزيون لكنى اشتغلت فيهو قبال كدى ومبسوطة منه كما الشريف مبسوط من ندى القلعة قدس الله سرها يا اخوانا عليكم الله الماعاجبه شغل الكفار دا ما يمسك لينا العصاية من النص يتعاطى مع الكومبيتر والتلفزيون ويجى يقول ليك الكومبيتر بعلم الفسق والتلفزيون الفجور والخ الخ الخ خلونا فى حالنا دا ثمة من سيحاسبنا على كل صغيرة وكبيرة الم يقل المولى عز وجل وهديناه النجدين ؟ خلاص ياخ لكم عالمكم ولنا عالمنا وماازال اردد مقولة اختى بنت ابى وروحى اميرة النيل الازرق عالم جميل التلفزيون عالم جميل الاعلان عالم جميل الحياة حلوة ولنا فيها حق تصومو وتفطرو على خير

حضرت سلمى الشيخ سلامة وانا ماقلتش حاجة..

سلمى ياسلامة تصومى وتفطرى وبالسلامة ...

Quote: يا اخوى نحن نبّهناك مراراً وتكراراً ... باستخدام الرموت لاجتناب الإنحراف والقبح ... ولكن لا رموت لمن تنادى ... لذا أطلب من الشباب ... نعمل شيرينق نشترى رموت للمكاشفى الخضر ... لإنقاذه من الضلال ...

اووووووووووووووو تبارك وصل ....

تبارك تتذكر البوست بتاع التحزق والتلزق والبودى بتاع بنات الشروق؟ مش كنت بتسال عن المادة كم وشنو كدا ماعارفة ؟؟

بالله شوف لينا مواد البوست دا كم ...؟؟ والجلد متين

لا حولة بالله كل هذه المداخلات وانا ما عارف

خلاس اقول ليكم حاجة
1_ اشكر كل من تداخل في هذا البوست لاني مابقدر ارد ليكم كلكم
2_ اقول ليكم يا إخوان دي قناعاتي ودا رأيي في هذه القناة ، فيجب (آسف لهذه الكلمة )عليكم ان تحترموا رأي الاعوج _ في نظركم _ هذا لاني أحترم رايكم بل احترم ذاتكم
3_ لابد أن يكون هنا رأي وتحترمونه وهناك رأي ونحترمه
4_ أها يا إخوان أنا دا رائي والما عاجبو بيطريقتو هو حر لكن لابد ان اذكره ولا اكتمه ابدا زي ما اي زول هنا بيقول رأيو وبيكتب في الحكومة وبينعل سنسفيل الحكومة والجبهجية طيب ان كان لماذا لا تهاجمونه لكن الامر عندما يكون في تعاليم الدين التى أراها حسب فهمي القاصر حق تجو وتسخروا مني ؟؟
حكايتكم شنو انا اهلنا بيقولو الاعوج راي والعديل راي لكن في ناس في البورد دا مخهم موجة واحدة وينظرون بعين واحدة لمداخلات بعض الاخوة لماذا ؟؟
شوفو انت اكتبو في الحكومة وفي عمر البشير وفي اوكامبو وانا بكتب كتاباتي واي زول حر ،،
قدوتونا قد بمساوي الانقاذ شابكننا الانقاذ فعلت الانقاذ تركت الحكومة فشلت ،،، الوزير الحرامي ،، التخطيط الفاشل والانتخابات المزورة الشرعية المسلوبة ،، ويوم نحن ما نكتب عن ما رأيناه في قناة النيل الازرق تجو تتكالبو علينا وتكأكؤوا علي كتأككئكم على زي جنة ،،

بعدين انتو خلو عندكم إحترام للرأي الآخر زي ما أنا بحترم رأيكم من باب الانسانية والضمير المفروض تحترموا رأي هذا ومن له نقد مرحب به ومن له رأي مخالف مرحب به

انتو ناس ما شاء الله مستنيرين ومتعلمين الكلام المكتوب فوق دا في حقي انا برفضو خالص خالص يعني كلام الرموت دا دا كلام انا بشوف فيهو سخرية واستخفاف وانا ارفضه جملة وتفصيلا
الاستاذة الكريمة أميرة الشيخ شكرا جزيلا على كل هذه المداخلات وارجو ان يريكم الله الحق حقا ويرزقكم اتباعه ويريكم الباطل باطلا ويرزقكم اجتنابه
اللهم ارني الحق حقا وارزقني اتباعه وارني الباطل باطلا وارزقني اجتنابه

الاستاذة اميرة الشيخ
نبطل نكتب في البورد دا ؟؟؟؟