شعب (كان) إسمه السوداني ...!!!!

بجد نحن شعب خايب
معليش
كلامي ده شكله ماصاح
ويمكن أعمل بوست ملحق
(إعتذار للشعب السوداني)
لكن شعور (الحين)* إننا شعب خايب







ــــــــ
(الحين)* على قول السعوديين

عليكم الله هسع نحن شعب ؟؟؟
أحزاب ؟؟؟
وجماهير ؟؟؟
ومنظمات ؟؟؟
وتجي تقرأ البورد تقول القبة تحتها فكي !!!!!

شئ يغيظ بالجد
حزبين ما يمثلوا 5% من بلد يتحكموا في مصيره !!!

بالله بش شوف المنبر ..
خايبين الناس الفوق والصفوه
ودايشين الناس السااااى ..

Quote: بالله بش شوف المنبر .. خايبين الناس الفوق والصفوه ودايشين الناس السااااى ..

والله يا محمد حيدر أخوي
أنا مغيوظ بشكل مبالغ فيه
شنو يعني مؤتمر وطني ولاحركة شعبية
يتفقوا يختلفوا
مالنا بيهم
والله يا مشرف لو شعب جنوب السودان داير ينفصل
ندعم ونساعد ونبارك
مافي مشكلة
لكن تحس القصة مزايدات سياسية
حاجة تغيظ
يلا مؤتمر
بلا حركة
بلا شعب خيبان !!!!!!!!!!!!!!!!!!!!!!!!!!!!!

الاستاذ احمد موسى

سلام ورمضان كريم


هنالك حزب سياسى فى السودان- المؤتمر الوطنى - تقوم برامجه المعلنه غلى تطبيق الشريعه الاسلاميه كما يدعى

هذا الحزب قام باتقلاب عسكرى العام 1989 بدعوى تطبيق الشريعه واتضح من ممارسانه فى الحكم ان لا علاقه له بالاسلام الا بالقدر الذى يرهب ويقمع به شعبه

لتمكين بقائه فى الحكم والسيطره على اقتصاد البلاد واجهزتها المدنيه والعسكريه وفى سبيل ذلك لا بتوانى عن شن الحرب على مواطنيه وابادتهم

ولا يتوانى عن تفتيت وحدة البلاد واضطهاد معارضيه والتنكبل بهم وقتلهم ان استدعت مصلحته ذلك

ويقيم علاقات متينه مع الارهاب الدولى

واركانه بما فيهم رئيسه مطالبين من العداله الدوليه

وقد حاول اكتساب شرعيته بانتخابات مزوره

واورد البلاد موارد الهلاك فى مجالات الصحه والتعليم وكل ما هو من واجبات الدوله على المواطن

وجعل من البلاد سجنآ كبيرآ لاهلها يفتفدون فيع ادنى

مقومات الحباة والحريات

ا ما ورد اعلاه قائمه مختصرة لمسلسل الجرائم التى ارتكبها فى حق شعبه

وكل ذلك بدعوى تطبيق الشريعه مما ادى الى نفور الناس منها

هذا هو الخايب الاكبر

مودتى

Quote: الاستاذ احمد موسى سلام ورمشان كريم هنالك حزب سياسى فى السودان- المؤتمر الوطنى - تقوم برامجه المعلنه غلى تطبيق الشريعه الاسلاميه كما يدعى هذا الحزب قام باتقلاب عسكرى العام 1989 بدعوى تطبيق الشريعه واتضح من ممارسانه فى الحكم ان لا علاقه له بالاسلام الا بالقدر الذى يرهب ويقمع به شعبه لتمكين بقائه فى الحكم والسيطره على اقتصاد البلاد واجهزتها المدنيه والعسكريه وفى سبيل ذلك لا بتوانى عن شن الحرب على مواطنيه وابادتهم ولا يتوانى عن تفتيت وحدة البلاد واضطهاد معارضيه والتنكبل بهم وقتلهم ان استدعت مصلحته ذلك ويقيم علاقات متينه مع الارهاب الدولى واركانه بما فيهم رئيسه مطالبين من العداله الدوليه وقد حاول اكتساب شرعيته بانتخابات مزوره واورد البلاد موارد الهلاك فى مجالات الصحه والتعليم وكل ما هو من واجبات الدوله على المواطن وجعل من البلاد سجنآ كبيرآ لاهلها يفتفدون فيع ادنى مقومات الحباة والحريات ا ما ورد اعلاه قائمه مختصرة لمسلسل الجرائم التى ارتكبها فى حق شعبه وكل ذلك بدعوى تطبيق الشريعه مما ادى الى نفور الناس منها مودتى

أها
وإنت دوركـ شنو ؟؟؟
معليش أستاذ طلحة
تعرف مودتي لكـ
ولكني مغيوظ خالص
ودي واحدة من الحاجات الغايظاني
تجوا تكتبوا تقفلو تمشوا تشربوا موية
بجد أنا مغيوظ

البغيظكـ اكتر
إنو الحزبين زاتهم ماقدر كدة
يعني تلقى زي كم نفر مسيطرين عليهم
يعني بإختصار ياشعبنا
زي كم نفر هم بقوا يحددوا مصيركم
مامصير حكمكم
لا حتى مصير حدود بلادكم
ينفصل الجنوب
ياوحد بحسب مزاجهم السياسي
وإتفاقهم وإختلافهم ...
عليكم الله ما فعلا نحن شعب (كان) إسمه السوداني ؟؟؟؟

أجمل تعليق قريت هنا بخصوص الإنفصال
تعليق للزميل (جنّي)
وأظنه رداً للزميل (محمد عادل)
قال ليه المعارضة داير الإنفصال نكاية بالمؤتمر الوطني
زي الراجل البخصي نفسه نكاية بمرته
أو حاجة زي كدة
عجبني
وشكله هو الهيّج شجوني وزاد غيظتي

Quote: وإنت دوركـ شنو ؟؟؟

استاذ احمد سلام تانى

فلنترك دورى انا او دورك انت او اى دور لاى فرد اذ ان كل هذه الادوار تنضوى ضمن دور الشعب السودانى

الشعب السودانى لم يتوانى عن اداء دوره عبطآ اوجبنآ

فالانقاذ منذ بواكير ايامها قامت بخطوات استباقيه للتقليل من اثر هذا الدور

فمنظومة القوانين التى ابتدرتها وانت سيد العارقين سنت لنكبيل هذا الشعب والحيلوله دون فدرته على التنظبم واستخدام اسلحته التى اطاحت بدكتاتوريتين من قبل وياتى فى مقدمتها حرية واستقلال العمل النقابى بسن قانون المنشأه

وبرعت فى تزوير ارادة هذه الجماهير لكى لا تأتى بما لا تشتهيه الى جانب الترغيب والترهيب

ان سمحت لى فان السؤال هو ما العمل ازاء هذا الوضع ؟؟

هذا ما هو مناط بك وبى وبكل فرد الاسهام فى الاجابه عليه

مودتى التى تعلم

Quote: ان سمحت لى فان السؤال هو ما العمل ازاء هذا الوضع ؟؟

أُسُتاذ طلحة
زمان(كان) هنالكـ شعب يعرف بالشعب السوداني
وكان هنالكـ نظام يُعرف بنظام مايو
وحين شعر الشعب بالضيق
قال شعرت بالضيق
قالها بغضب
لم يخشى أسلحة النظام
ولا امن النظام
ولا قوانين النظام
رحم الله هذا الشعب ورحمنا ...

ــــــــــــــــ
إتخيل لي القدمته المعارضة للنظام الحالي أفضل مما قدمته أجهزة النظام ...!!!

أيام نميري تقدم الشعب للقيام بدوره
لم تكن هنالك معارضة واضحة
فقط نقابات وجماهير
الجماهير شعرت بأن عليها إلتزام اخلاقي تجاه الوطن
فقامت به
الآن هنالك (شبه) معارضة
أقنعت الشعب بأنها ستقوم بدورها كاملاً
ولم تقم به
حتى ماتقوم به حالياً (مع أحترامي لها) تهريج سياسي
يقوي من عود النظام ولا يضعفه
وكلها معارضة دائرة في فلك النظام
تريد الإجتماع مع المؤتمر الوطني
لا تريد الإجتماع مع المؤتمر الوطني
تريد مؤتمر جامع مع المؤتمر الوطني
لا تريد (أي حاجة) مع المؤتمر الوطني !!!!

أقصى نجاحات المُعارضة (إحراجها) للحزب الحاكم
وتقريرها عدم تحمُّل المسئولية معه
بمعنى
لا مانع من الإنفصال
ولكننا بحمدالله لم نشاركـ فيه ..!!!
من المقصود ؟؟؟؟
التأريخ ؟؟؟؟
وماذا يفعل التأريخ بموقف الاحزاب السلبي بعدم مشاركتها جريمة الإنفصال
...
...
...
ــــــــــــــــــــــــــــــــــ
الشعب قهران من الحكومة
وخايف من المعارضة
ومتوكل على الله

...
عسى الله أن يزيح الغُمة عن الحاكمين والمحكومين الموالين منهم والمعارضين
خرطمية مستشار للرئيس
بصرفوا خرطمية مليون جنيه جديد
وزيهم للنائب الاول
أليس فيكم رجل رشيد ؟؟؟؟؟

أصبحنا وأصبح الملكـ لله
أها في جديد ...؟؟؟!!!!

وين؟؟؟

Quote: وين؟؟؟

جبرة جنوب ولا شمال؟

Quote: جبرة جنوب ولا شمال؟

بت الشريف
دي ثورات عديل كدة !!!

أمس قريت مقال محترم للكاتب المحترم بجد عبدالباقي الظافر
في صحيفة التيار في موضوع بجد كان غايظني
أها على قول عمر الفاروق المقال وقع لي في كنكوجي
أو على قول أخونا ودالصايم (1) أدانا النجيضة

Quote: يغادر الخرطوم مطلع الأسبوع القادم وفد سوداني رفيع المقام .. يرأس شقّه العام نائب رئيس الجمهورية الأستاذ علي عثمان محمد طه .. فيما يرأس وفد حكومة الجنوب النائب الأول للرئيس الفريق سلفاكير .. الوفد المعني سيشارك في اجتماعات الجمعية العامة للأمم المتحدة .. ومن ثم يشارك في مؤتمر ترعاه وزيرة الخارجية الأمريكية لتفعيل الشراكة بين الشريكين في السودان .. ومن المنتظر أن يخاطب المؤتمر الرئيس الأمريكي باراك أوباما . النظرة الأولى تسترعي التعجُّب .. وتجعل المراقب العام للشأن السوداني يتحسّس رأسه .. كيف لا يكون النائب الأول الجنرال سلفاكير رئيسًا لكامل الوفد خاصة أن سيادته سيكون موجودًا على الأرض الأمريكية عشية كل هذه الأحداث .. ربما يمنح هذا الاختلال البرتوكولي نبوءة السيدة هيلاري كلنتون بحتمية انفصال الجنوب صدقية أكبر

http://www.altayarnews.net/showcoltxt.aspx?no=3561

عليكم الله دي ما نجيضة النجيضة ؟؟؟؟

كان وين بالضبط ؟





كل عام وال موسى بخير من طرف

Quote: كان وين بالضبط ؟

(كان) في مقدمة الشعوب يا معاوية
شعب بطل
شعب فنان
شعب واعي
شعب معلم بحق وحقيقي
هسع تلقى ناس جارية وراء المواصلات
ووراء حلل الملاح
ووراء حق الإيجار
ووراء حاجات كتيرة
والحزبين الشريكين العدوين داير يحددوا حدود البلد
هسع الحركة قبل يومين تقول قدمنا مقترح
مقترح شنو ولمنو ؟؟؟
الإستفتاء ده داير مقترحات ؟؟؟؟
داير نزاهة يا معاوية
هنا وهناك
وإحترام لراي الشعب
بس
بلا إقتراحات بلا نيويورك بلا صرف قروش

الوطن الواحد ما قد كان وما سيكون




سلام يا زول