الجاليه السودانيه بالنرويج -اوسلو ...الافطار يوم السبت 4 سبتمبر....وتحتفل بالعيد يوم 11/9

Quote: بسم الله الرحمن الرحيم الاعزاء الكرام الاخوه والاخوات السودانيين بالنرويج السلام عليكم ورحمة الله تعالى وبركاته……..رمضان كريم وتصوموا وتفطروا على خير اما بعد كما تعلمون فأن المكتب التنفيذى لرابطه الجاليه السودانيه بالنرويج قد دأب على اقامه برامج ونشاطات خاصه بمناسبة شهر رمضان الكريم وكما اعلنا فى الموضوع السابق بأننا سنبداء هذه البرامج ابتداء من ثانى يوم سبت فى هذا اشهر…….ولكن نسبه لأن مواعيد الافطار ستكون متأخره فى هذه الفتره الاولى من الشهر فانه سيكون الوقت المتاح لاقامه اى برنامج قصير ولا يكفى لزمن برنامج كامل كما فى السنين الماضيه كما تعلمون فموعد الافطار الان بعد الساعه التاسعه مساءاً ولهذا السبب قررنا ان يكون اخر يوم سبت وهو يوم السبت الموافق 049\2010 ليكون تاريخ يوم الافطار الجماعى لرابطه الجاليه السودانيه بالنرويج وننبه الى ان موعد الافطار سيبداء حوالى الساعه الثامنه ونصف . العنوان في اوسلو هو Oskar Braatens gate 35 الخريطه http://kart.gulesider.no/m/p7C6H يمكن الوصول عن طريق المواصلات العامه البص رقم 20 و 30 المحطه اسمها lilleborgkirke ليللابورج شيركا ايضاً يمكن ركوب البص رقم 21 وهو يتوقف في المحطه Københavngata وعليه سيكون البرنامج على النحو التالى الحضور فى تمام الساعه 1830\1800 الترتيبات والتحضيرات من الساعه 1830 \1930 اذان المغرب وصلاة المغرب من الساعه 2030\ 2015 تناول الافطار من الساعه 2030 \ 2110 محاضره مع شيخ من الازهر بواسطه مسجد الرابطه الاسلاميه اوسلو يبتدى من الساعه 2115 \ 2215 برنامج مفتوح ومفاجأت فى حينها من الساعه 2230 \ 2330 ترتيب المكان وتنظيفه من الساعه 2330 \2350 الختام ومغادره المكان الساعه2400 وهذه بمثابه دعوه مفتوحه لجميع السودانيين خصوصاً فى مدينه اوسلو وضواحيها للحضور والمساهمه فى انجاح الافطار الجماعى لرابطه الجاليه السودانيه بالنرويج كما فى السابق فستكون المساهمه بأن تحضر كل اسره ما تستطيع ان تحضر من طعام وشراب وعلى المكتب التنفيذى وبقيه شباب الرابطه بتجهيز المكان وتوفير المستلزمات الضروريه الاخرى =============== حفل عيد الفطر المبارك اما بالنسبه لحفل عيد الفطر المبارك فسيكون انشاءالله السبت الاول بعد افطارنا الجماعى وفى نفس المكان وقد تم بحمدالله حجز المكان مبكراً العنوان هو نفس المكان السابق فى ليلابورق شيركا والتاريخ هو يوم السبت الموافق 119\2010 اما برنامج حفل العيد فسيعلن عنه لاحقاً بالتفصيل, ولكم يسعدنى ان انوه الى انه سيكون حفل كبير وسيتخلله برامج مختلفه مع مفاجاءت عديده وسيشاركنا فيه فنان وموسيقيون من خارج النرويج ويسعى المكتب التنفيذى فى ترتيب امر حفل العيد منذ الان وذلك بالسعى للقيام بحجز تذاكر السفر وترتيب مكان الاقامه للضيوف اولاً ونحن على وعد مع موعد حفل بهيج و منظم وعلى منتهى الروعه فى الترتيب والاعداد عليه انوه الى اهميه الالتزام بقيمه المساهمه التى سيقررها المكتب التنفيذى فيما بعد وذلك بعد ان نضع حسابات التكلفه الكليه للحفل والدعوه مفتوحه الى الودانيين فى كل النرويج وخصوصاء الاعزاء من مدينه لارفيك فتابعو معنا الجديد من الاخبار على هذه الصفحه وسنوافيكم بالمستجدات فى حينها ان شاءالله مع اصدق الامنيات وخالص التحايا ع\ المكتب التنفيذى زكريا :للاتصال تلفون 95765053 البريد الالكترونى [email protected]

المصدر
http://sudanese.no

Quote: الجاليه السودانيه بالنرويج -اوسلو ...الافطار يوم السبت 4 سبتمبر...وتحتفل بالعيد يوم 11/9

صدفه ما مقصوده
لكن مع الجاليه السودانيه فى النرويج متعودين نحتفل بالعيد فى اول سبت بعد انتهاء شهر رمضان
السنه دى احتمال العيد يصادف يوم السبت حداشر سبتمبر زاتو....... واحتمال يفتكرونا بنحتفل بحاجه تانيه
لذا لزم الاعلان والتوضيح المبكر

بسم الله الرحمن الرحيم
الاعزاء الكرام الاخوه والاخوات السودانيين بالنرويج
السلام عليكم ورحمة الله تعالى وبركاته……..رمضان كريم وتصوموا وتفطروا على خير
اما بعد
كما تعلمون فأن المكتب التنفيذى لرابطه الجاليه السودانيه بالنرويج قد دأب على اقامه برامج ونشاطات خاصه بمناسبة شهر رمضان الكريم
وكما اعلنا فى الموضوع السابق بأننا سنبداء هذه البرامج ابتداء من ثانى يوم سبت فى هذا اشهر…….ولكن
نسبه لأن مواعيد الافطار ستكون متأخره فى هذه الفتره الاولى من الشهر فانه سيكون الوقت المتاح لاقامه اى برنامج قصير ولا يكفى لزمن برنامج كامل كما فى السنين الماضيه
كما تعلمون فموعد الافطار الان بعد الساعه التاسعه مساءاً
ولهذا السبب قررنا ان يكون اخر يوم سبت وهو يوم السبت الموافق 04.09.2010 ليكون تاريخ يوم الافطار الجماعى لرابطه الجاليه السودانيه بالنرويج وننبه الى ان موعد الافطار سيبداء حوالى الساعه الثامنه ونصف .
العنوان في اوسلو هو
Oskar Braatens gate 35
الخريطه
http://kart.gulesider.no/m/p7C6H
يمكن الوصول عن طريق المواصلات العامه البص رقم 20 و 30
المحطه اسمها
lilleborgkirke
ليللابورج شيركا
ايضاً يمكن ركوب البص رقم 21 وهو يتوقف في المحطه
Københavngata
وعليه سيكون البرنامج على النحو التالى
الحضور فى تمام الساعه 1830\1800
الترتيبات والتحضيرات من الساعه 1830 \1930
اذان المغرب وصلاة المغرب من الساعه 2030\ 2015
تناول الافطار من الساعه 2030 \ 2110
محاضره مع شيخ من الازهر بواسطه مسجد الرابطه الاسلاميه اوسلو يبتدى من الساعه 2115 \ 2215
برنامج مفتوح ومفاجأت فى حينها من الساعه 2230 \ 2330
ترتيب المكان وتنظيفه من الساعه 2330 \2350
الختام ومغادره المكان الساعه2400
وهذه بمثابه دعوه مفتوحه لجميع السودانيين خصوصاً فى مدينه اوسلو وضواحيها للحضور والمساهمه فى انجاح الافطار الجماعى لرابطه الجاليه السودانيه بالنرويج
كما فى السابق فستكون المساهمه بأن تحضر كل اسره ما تستطيع ان تحضر من طعام وشراب وعلى المكتب التنفيذى وبقيه شباب الرابطه بتجهيز المكان وتوفير المستلزمات الضروريه الاخرى
===============
حفل عيد الفطر المبارك


اما بالنسبه لحفل عيد الفطر المبارك فسيكون انشاءالله السبت الاول بعد افطارنا الجماعى وفى نفس المكان وقد تم بحمدالله حجز المكان مبكراً
العنوان هو نفس المكان السابق فى ليلابورق شيركا
والتاريخ هو يوم السبت الموافق 11.09.2010
اما برنامج حفل العيد فسيعلن عنه لاحقاً بالتفصيل, ولكم يسعدنى ان انوه الى انه سيكون حفل كبير وسيتخلله برامج مختلفه مع مفاجاءت عديده وسيشاركنا فيه فنان وموسيقيون من خارج النرويج ويسعى المكتب التنفيذى فى ترتيب امر حفل العيد منذ الان وذلك بالسعى للقيام بحجز تذاكر السفر وترتيب مكان الاقامه للضيوف اولاً
ونحن على وعد مع موعد حفل بهيج و منظم وعلى منتهى الروعه فى الترتيب والاعداد
عليه انوه الى اهميه الالتزام بقيمه المساهمه التى سيقررها المكتب التنفيذى فيما بعد وذلك بعد ان نضع حسابات التكلفه الكليه للحفل والدعوه مفتوحه الى السودانيين فى كل النرويج وخصوصاً الاعزاء من مدينه لارفيك


فتابعو معنا الجديد من الاخبار على هذه الصفحه وسنوافيكم بالمستجدات فى حينها ان شاءالله
مع اصدق الامنيات وخالص التحايا
ع\ المكتب التنفيذى
زكريا
:للاتصال
تلفون
95765053
البريد الالكترونى
[email protected]









للاعلان بوضوح

اين بورداب النرويج؟
نحتاج دعم لرفع البوست

فوق لحين عوده

سلام
يازيكو ابو الجاز

رمضان كريم
نحنا فى السودان.. متابعين
والامنيات مه جاليتنا العظيمة
...........

بالله رسلنا اخباركم
[email protected]

عبد العظيم
Min kjære bror, Zakaria.God dag! Jeg husker de dagene da vi jobbet for å etablere det sudanske miljøet i Norge.
Jeg er nå studere ved Universitetet i Khartoum, Sudan, ikke kunne snakke eller skrive på norsk i lang tid
. Gi min respekterer til alle sudanske medlemmer av samfunnet.
Mustafa Bakri, Mohsen. Og andre
Jeg skal komme til Norge neste år ..
(انشاء الله)
Tusen takk

Quote: رمضان كريم نحنا فى السودان.. متابعين والامنيات مه جاليتنا العظيمة ........... بالله رسلنا اخباركم [email protected] عبد العظيم Min kjære bror, Zakaria.God dag! Jeg husker de dagene da vi jobbet for å etablere det sudanske miljøet i Norge. Jeg er nå studere ved Universitetet i Khartoum, Sudan, ikke kunne snakke eller skrive på norsk i lang tid . Gi min respekterer til alle sudanske medlemmer av samfunnet. Mustafa Bakri, Mohsen. Og andre Jeg skal komme til Norge neste år .. (انشاء الله) Tusen takk

سلام اخ عبدالعظيم
ياخ رمضان كريم وتصوموا وتفطروا على خير
الجاليه والجميع بخير.........المشكله انوا الاعضاء لسه ما بيلتزموا بدفع الاشتراكات الا تكون فى مناسبه

وح نوافيك باخبارنا ان شاءالله



===
ماشاء الله النرويجى لسه ما طار يعنى
du, kan jeg spørre deg hva driver du meg i sudan, hvis det er bra der kan du ikke si til meg slik hvis jeg kommer neste gang så kanskje blir der lenge
tusen takk

سلام زكريا
والله السودان سمح بناسوا

Quote: hva driver du meg i sudan

وانت زول فنان
والفن منتعش فى السودان

وهنالك سبل استثمار صغيرة

...........الشمس يازيكو ترم العظم...
وسوف ارسل فى الاميل
وشكرا

Quote: والفن منتعش فى السودان وهنالك سبل استثمار صغيرة

ياعبدالعظيم منتعش مين يا عم........يعنى بنحصل نضرب عدادات قدر العداد البلقاهو مع الخوجات ديل.........ما اظن
خلينا فى الاستثمارات الصغيره........ نورنا يصيبك ثواب

فى انتظار ايميل منك

Quote: ياعبدالعظيم منتعش مين يا عم........يعنى بنحصل نضرب عدادات قدر العداد البلقاهو مع الخوجات ديل.........ما اظن

يازكريا انت زول فنان واكاديمى

......
تعال هنا شوف جامعة السودان...

صالات الاعراس بالكوم
الفضائيات بالكوم
...........

ادخل

http://youtu.be/watch?v=Gka_rzQDfG8&feature=related

يا عبدالعظيم شكراً على الفيديو الرائع لاغنيه عازه فى هواك.....بالطريقه الانجاثيوبيه
.اها زى الصوله بتاع الكلارنيت ده لو لعبو فى السودان...... ح يعرفو ليك شنو يعنى امبروفايسيشين بالطريقه دى

Quote: ...... تعال هنا شوف جامعة السودان...

تصدق قالوا ما محتاجين........حتى عرض التعاون مع الاكاديمه النرويجيه الجبتو ليهم


يا زول خلينا نشوف شغل البزنس.........بين الخرطوم والصين ولا ماليزيا




====

السبت الجاى 28 اغسطس ح يكون افطار للعزابه والرجاله فقط فى النادى السودانى الاريترى الجديد فى قرونلاند

مكرر
====

السبت الجاى 28 اغسطس ح يكون افطار للعزابه والرجاله فقط فى النادى السودانى الاريترى الجديد فى قرونلاند

واقترب الموعد فتابعو معنا
ويابورداب النرويج التلاته ارفعوا البوست الله يخليكم


====
بالله دى حاله ....يا بكرى ما تزيد لينا الكوته ياخ

غدا الافطار الجماعى
وتنوير ببرنامج العيد........ان شاءالله

تصوموا و تفطروا علي خير يا فرده

فطور العزابه ما حلو .. لكين برضو حا ننتظر الصور

أخونا ورئيس جاليتنا أبو الزيك من طيبة مدينة المصطفي المنورة ألف سلام وللسودانيين في النرويج عامة

كان بودنا نشارك في إفطار اوسلو لكن شاء الله أن يتوزع النصف الأخير من رمضان بين القاهرة ومكة والمدينة

إحتمال نحضر معاكم حفل العيد لو بدلتو 9/11 لأنها بتعمل حساسيه مع إسمي

تحياتنل للجميع

أسامة من جوار الروضة الشريفة
___________

الجاليه السودانية في المدينة تشرف كل سوداني جلبوا معهم عادات السودان الجميلة يأتوا للحرم بعصائدهم بالتقليه والنعيمية ومشروباتهم والشاي المنعنع والقهوه ورأيت بأم عيني الأتراك والباكستان والمصريين واليمنيين يلتهمون في العصائد بنهم عجيب

يا ناصر يادفعه
الفطور ده ما بتاع عزابه........بتاع العزابه ده كان السبت الفات


المره دى كل السودانيين..........فى اوسلو والمدن والدول المجاوره..........بالله دى بلد شنو دى الما فيها سودانيين دى


شكراً على المرور من هنا

Quote: أسامة البلال أخونا ورئيس جاليتنا أبو الزيك من طيبة مدينة المصطفي المنورة ألف سلام وللسودانيين في النرويج عامة كان بودنا نشارك في إفطار اوسلو لكن شاء الله أن يتوزع النصف الأخير من رمضان بين القاهرة ومكة والمدينة إحتمال نحضر معاكم حفل العيد لو بدلتو 9/11 لأنها بتعمل حساسيه مع إسمي تحياتنل للجميع أسامة من جوار الروضة الشريفة ___________ الجاليه السودانية في المدينة تشرف كل سوداني جلبوا معهم عادات السودان الجميلة يأتوا للحرم بعصائدهم بالتقليه والنعيمية ومشروباتهم والشاي المنعنع والقهوه ورأيت بأم عيني الأتراك والباكستان والمصريين واليمنيين يلتهمون في العصائد بنهم عجيب

متيييييييييييييين يا راجل؟ انت مش قبل اسبوعين كنت بترحل فى البيت الجديد؟
يازول ان شاءالله ربنا يتقبل منكم الزياره ويحقق امانيكم
منتظرنكم فى العيد.........ما تنسى تجيب معاك بلح السعوديه العجيب داك

بالتوفيق ............. الجالية السودانية بالنرويج




شكرا ليك يا ريس علي الاهتمام ....... أخبرت كل من أعرف بالموعد
إفطار شهي و صيام مقبول و من عتقاء الشهر بإذن الله.

up

Quote: عثمان محمد كرار up

يا سلام عليك ياعثمان ياخ........رفعت لينا البوست فى الزمن الضائع......شكلك حنيت علينا وعلى عددنا الشويه ده.....حاله تحنن وتجنن مش كده
ربنا يقدرنا نرد ليك الجميل ونرفع ليك كمان بوستات وبوستات كمان يا يابا.....وياها المحريه فيكم تفزعو المحتاج وكت الضيق........وتخففو كربه المحتاج
ويابكرى شوف متل هادول البخلو الزول يقيف فى وسط المنبر ويتنبر كيف الحاله لو زى ناس عثمان كرار ديل ما زملانى
وا اسفوقس عليكم يالبتعرفونى وخيبتو ظنى....بالله ماترفعو البوست ولو بى نقطه..........ياحاسدين


====
اخ عثمان تشكر على رفع البوست........معليش على الهترشات. اصل مضان خش المخ وبقينا نتكلم كتير

Quote: احمد محمد بشير بالتوفيق ............. الجالية السودانية بالنرويج شكرا ليك يا ريس علي الاهتمام ....... أخبرت كل من أعرف بالموعد إفطار شهي و صيام مقبول و من عتقاء الشهر بإذن الله.

تسلم يا معلم
بس المره دى خلينا نشوفك لما تجى اوسلو........وخليك من جياتك البنسمع بيها بعد ما ترجع القطب الشمالى دى
كن بتخاف من غواصات اوسلو اصلها اصبحت مكشوفه وما فى زول شغال بيها الشغله.....خليك طبيعى

شكراً على المساعدات يا ايها البوردابى العجوز

ما تنسو تجيبو معاكم الكاش حق مساهمات برنامج حفل العيد 200 كرونه الفرد





====
الطيب قال لى........ياهم الطفشو