Post: #1 Title: الشـيشـة البااااردة Author: ناصر احمد الامين Date: 08-19-2010, 05:31 PM Parent: #0
الحجر الاول:
قالوا انو الشيشة اخترعها طبيب اسمو حكيم عبد الفتح في الهند و ذلك في فترة حكم المغول علي اساس انها الوسيلة الاكثر صحة لتدخين الحشيش. و بعد فترة وصل هذا الاختراع الي بلاد فارس و منها الي جزيرة العرب.
تشريح اجزاء الشيشة مع الاشارة الي مراحل مرور الهواء
موضوع نقاش للمشيشاتية و الناس البتحب تتفرج عليهم و للاجانب العاوزين يستفيدوا
هذا البوست برعاية: النظام العام و شامبيون
Post: #2 Title: Re: الشـيشـة البااااردة Author: ناصر احمد الامين Date: 08-19-2010, 05:56 PM Parent: #1
اسم (شيشة) دا المعروف بيهو عندنا هنا .. زي ناس شمال أفريقيا وبلاد الخليج العربي . في فلسطين وسوريا اسمها (اركيلة) (نركيله) في العراق. (أركيلي) في لبنان. حوكاه (hookah) في شبه القارة الهندية و تركيا و ما جاورها ووتر بايب (waterpipe) أو هابل بابل (hubble buble) في الإنكليزية. قلیان: في إيران. باللغة السويدية " Vattenpipa " فاتنبيبا
واليمن تسمى الرشبة
حلوه الرشبة دي ........... يعني ناس ابو يمن بقولو ليك (ارح نرشبب)
Post: #8 Title: Re: الشـيشـة البااااردة Author: سيف اليزل برعي البدوي Date: 08-20-2010, 03:31 AM Parent: #7
Post: #12 Title: Re: الشـيشـة البااااردة Author: ناصر احمد الامين Date: 08-21-2010, 12:47 PM Parent: #6
Quote: الشيشة البااااردة .. ماف أجمل منها!
ود الصايم شفت التجربة بتاعة سيف اليزل دي .. عملوها في شيشة مسخنة و نحن هنا كلامنا عن البارد ... ربنا يجعل كلامنا بارد عليهم
اخونا سيف: شكرا علي المرور .. رسالتك وصلت طبعا شي اكيد ان التدخين ضار بالصحة .. والشي دا عارفو المسلم و الكافر
لكين هنا نحن عاوزين نتكلم عن الشيشة و كيفها و قصصها و حكاويها
رمضانك كريم
Post: #11 Title: Re: الشـيشـة البااااردة Author: ناصر احمد الامين Date: 08-21-2010, 12:42 PM Parent: #5
Quote: ولا بديل لطعم اشبيلية ابو جراك
اشبيلية دي وين يا زمراوي؟؟؟ بعدين اوع تكون بتقصد الجراك العادي المعروف دا؟ ياخي دا بتشرب كيف
خليك حنين يا معلم .. اقع التفاح و العنب و الكانتلوب و ما جاورهم
Post: #10 Title: Re: الشـيشـة البااااردة Author: ناصر احمد الامين Date: 08-21-2010, 12:38 PM Parent: #4
استايل الشيشة دي اسموhandsfree لكين الدخان الراجع بطلع بي وين ؟؟ تحياتي يا محمد
Post: #9 Title: Re: الشـيشـة البااااردة Author: ناصر احمد الامين Date: 08-21-2010, 12:31 PM
و الله يا مولانا عادل ... شيشة الحجم العائلي دي اكيد عاوزه ليها (منفله) عشان تدور
تحياتي ..
Post: #13 Title: Re: الشـيشـة البااااردة Author: ناصر احمد الامين Date: 08-21-2010, 01:07 PM Parent: #9
الحجر التاني:
في جزيرة العرب ، في العصر الجاهلي كان الجماعة ما عندهم شغلة غير الحرب و التجارة و الحوامة في الصحراء دي .. يا كافي البلا لا تلفزون و لا جيم.
بس كانو بتاعين (سوائل) و بفتخروا بها ... نظام (سنه) قبيلتنا اقوي من قبيلتكم و كانو بتاعين (قعدات) جكس و عبيد و خدم و ربه للصباح و الكلام دا كلللو كتبو عنو في الشعر و الادب بتاعهم
المنظر دا كلو ختو في راسك و تخيل انو كان عندهم شيش في الوقت داك
كان شفنا دخاخينها في الشعر و الادب الجاهلي دا ... و كان ممكن تكون في التسلسل الادبي بعد الوقوف علي الاطلال مباشرة
كأني غداة َ البين ِيوم تَحَمَّلوا لدى سمُراتِ الحي ناقف حنضل ِ وقوفا بها صحبي عليَّ شيشة كرباء يقولون لا تهلك أسى وتجمّل
وإنّ شفائي عبرةٌ مُهراقـَة ٌ فهل عند رسم ٍ دارس ٍ من معسل
Post: #14 Title: Re: الشـيشـة البااااردة Author: ناصر احمد الامين Date: 08-21-2010, 01:48 PM Parent: #13
لو كانت الشيشة في الوقت داك موجوده يا كاهن كان تلاقي العرب ديل متجدعين في الرمله بتاعة الخلا داك بالليل ... كيمان كيمان و نار و قهوه في النص و يعمروا الحجار (اكيد جراك) و لو مافي موية ... بحلبو اي ناقة مطرفة