تعرف يامصدق يقال أن الأستاذ محمد خير البدوي كان في زيارة اسرية لقريتهم بالشريق وكان الزمن دميرة شديدة وبعد الوصول لديوان المرحوم مجذوب احمد المهدي طلب من ابن اخته شرف الدين مجذوب احضار كوب من الماء البارد. شرف قام ملأ الجك الماكن الزجاجي موية زي موية الخرطوم اليومين ديل وعطبرة كل سنة. فناداه خالو: تعال ياولد الموية دي عملت فيها شنو؟ أجاب شرف: "والله ياخال اندفقت مني وقمت خميتها جبتها ليك"
اما موية عطبرة -يا ناس الخرطوم- فهي الموية الوحيدة في العالم التي يتم مضغها ياخي اهلنا زماااان في عطبرة بياكلو الموية والله بس يمكن نافعهم شراب البلح.
في بلدنا شراب الطين كفارة العطش وخير البحر لما يزيد ببقى حجه على الغلابه وديباجه عذر شرعي للمسؤولين في انقطاع الكهرباء و شوربه المويه اجري يا نيل الحياة بس ما تعوق بيوت الطين باقي اليومين ديل يا مصدق خايفين من (البحر كسر )
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة