الفطور عندكم الساعة كم .. وفاطرين بشنو؟ أطول صيام ربما هنا فى أمريكا

فى أمريكا الشمالية وفى الساحل الشرقى للولايات المتحده ..
إمساكنا حوالى الساعة 5 صباحاً .. وفطورنا حوالى 8:10 مساءاً .. يعنى صيام أكثر من 13 ساعة.

فطورنا فيهو قراصة، وملاح نعيمية وحاجات تانية .. وعصاير من شاكلة البرتقال والتفاح والعنب ..

وحاجات حلوة من شاكلة أم على!


بريمة

سلامات
فى ملبورن أستراليا
الإمساك 5.30 والفطور 5.40
يعنى بنصوم 12 ساعة ..فقط
زالجو عندنا جميل والحمد لله
والأسعار فى متناول الجميع
وبناكل أى حاجة
والجالية السوادانية هنا زى المداح ..كل يوم تفطر فى بيت
كلو تمام
عوض مختار

بريمه رمضان كريم, ورينارايك ليه فى صيامنا ده:

Ramadan 2010 Prayer Times ScheduleMonth: 9/1431, 8-9 / 2010 C.E
Location: Iqaluit, NU, CANADA
Calculation Method: North America
Juristic Method: Standard

Day Ramadan Gregorian
Fajr Sunrise
Dhuhr Asr Maghrib Isha
Wed 1 11/8 2:33 4:15 12:40 4:54 9:01 10:42
Thu 2 12/8 2:35 4:18 12:40 4:52 8:58 10:40
Fri 3 13/8 2:36 4:21 12:39 4:50 8:55 10:38
Sat 4 14/8 2:38 4:24 12:39 4:49 8:51 10:37
Sun 5 15/8 2:39 4:27 12:39 4:47 8:48 10:35
Mon 6 16/8 2:41 4:30 12:39 4:45 8:44 10:33
Tue 7 17/8 2:42 4:33 12:39 4:44 8:41 10:31
Wed 8 18/8 2:44 4:36 12:38 4:42 8:38 10:29
Thu 9 19/8 2:45 4:39 12:38 4:40 8:34 10:27
Fri 10 20/8 2:47 4:42 12:38 4:38 8:31 10:25
Sat 11 21/8 2:48 4:45 12:38 4:37 8:27 10:23
Sun 12 22/8 2:50 4:48 12:37 4:35 8:24 10:21
Mon 13 23/8 2:51 4:51 12:37 4:33 8:20 10:19

عوض مختار

رمضان كريم

ما شاء الله عامرين .. جو جميل ويوم قصير .. حاجات تحسدوا عليها ..

بريمة

بـريـمـة رمـضـان كـريـم
إتفضل معانا بـورداب واشـنـطـون أجـمـعـوا هـنـا !

هبه

رمضان كريم .. عارفك أخت أخوان ما بتقصرى .. لكن الزحمة خليها ساكت ..

المهم لو لقيت زول جايكم من حلتنا برسل ليكم ملاح مرس أو ملاح كول ..


لحدى نشوفكم أبقوا عافيه


بريمة

خالد
لووووووول .. لو محلكم بدق خروج تانى يوم ..

Quote: Wed 1 11/8 2:33 4:15 12:40 4:54 9:01 10:42

الفجر الساعة 2:33 صباحاً .. والمغرب 4:54 مساءاً ..

أنتم فاضل ليكم شوية تكونوا صمتم 24 ساعة ..

يا أخى بينى وبينك تم أجركم وأقرضوا الشهر كله "ون قوووو" بدون إفطار ..


--------------------
صححت المداخلة .. يبدو أنتم أكثر مننا بساعة .. يعنى أنتم صايمين حوالى 14 ساعة.


بريمة

بريمه سلامات و لعلك طيب

كل الشباب طبعا هربوا الى المدن الجنوبيه, اوتاوا , مونتريال. بس ارجوا ان تشرفونا بعد خمسة سنه حيث الغروب فى الشتاء الساعه 1:00 ظهرا. نحن فى نفس التوقيت EST

بريمه ولله عارفه البيناتنا ما عامره لكن النبي كان عندك كول رسله لي بالبريد


but no strings attached

thanks Tragie

عفراء
العفو والعافية .. صافية لبن بإذن الله ..

Quote: بريمه ولله عارفه البيناتنا ما عامره لكن النبي كان عندك كول رسله لي بالبريد but no strings attached my address 7403 Ridge Oak CT Springfield VA 22153

بالجد شكلك جاده .. وح أفتش ليك .. وأخبرك هنا إن شاء الله.

بريمة

خالد

Quote: Wed 8 18/8 2:44 4:36 12:38 4:42 8:38 10:29

الله يصبركم والله

Quote: بريمه سلامات و لعلك طيب كل الشباب طبعا هربوا الى المدن الجنوبيه, اوتاوا , مونتريال. بس ارجوا ان تشرفونا بعد خمسة سنه حيث الغرب فى الشتاء الساعه 1:00 ظهرا. نحن فى نفس التوقيت EST

تعرف يا خالد
فى الجاهلية العرب عندهم حاجه أسمها النسئ .. والله ذكره بأنه زيادة فى الكفر .. يحلو به الصيام أحيانا ويقدومونه أحياناً ويؤخرونه أحياناً ..

أنا ما عايز أقول ليكم تنسئوا .. لكن واضح أنتم محتاجين لفقه يخوض فى مسألتكم دى ..

والدين يسر .. يعنى الناس الشمس فى بعض المواقع فى الكرة الأرضية تكون 6 شهور ظاهرة لو جاهم رمضان يعملوا شنو؟


بريمة

ولله يا بريمه أنا أصلا ما عندي مشكله معاك لكن أنت مقابلني حبا في بيان و هاشم الأمام على كل حال الكول انشا الله يكون عربون صلح وكل سنة وانت و أولادك طيبين

هذا كل الذى و صلنا من شيوخنا:

"تنقسم الجِهات التي تقع على خطوط العرض ذات الدَّرجات العالية إلى ثلاثة اقسام
الأولى: تلك التي يستمر فيها الليل أو النهار أربعًا وعشرين ساعة فأكثر بحسب اختلاف فصول السنة.
ففي هذه الحال تقدَّر مواقيتُ الصلاة والصِّيام وغيرهما في تلك الجهات على حسب أقرب الجهات إليها ممّا يكون فيها ليل ونهار متمايزانِ في ظَرف أربع وعشرين ساعة.
الثانية: البِلاد التي لا يَغيب فيها شفق الغُروب حتّى يطلع الفجر، بحيث لا يتميّز شفق الشروق من شفق الغروب، ففي هذه الجهات يقدَّر وقت العِشاء الآخرة والإمساك في الصوم وقت صلاة الفجر، بحسَب آخر فترة يتمايَز فيها الشَّفَقان.
الثالثة: تلك التي يظهر فيها الليل والنّهار خلال أربع وعشرين ساعة وتتمايَز فيها الأوقات، إلا أنّ الليل يطول فيها في فترة من السنة طولاً مُفْرِطًا، ويطول النهار في فترة أخرى طولاً مُفرِطًا.
ومَن كان يقيم في هذه البلاد التي يتمايَز فيها الليل من النهار بطلوع فجر وغروب شمس، إلا أنّ نهارَها يطول جدًّا في الصيف، ويقصُر في الشتاء، وَجَبَ عليهم أن يُمسكوا كلّ يوم منه عن الطعام والشّراب وسائر المُفْطِرات من طلوع الفجر إلى غروب الشمس في بلادهم مادام النهار يتمايز في بلادهم من الليل، وكان مجموع زمانهما أربعًا وعشرين ساعة، ويحلُّ لهم الطعام والشراب والجِماع ونحوها في ليلهم فقط وإن كان قصيرًا.
ومَن عَجَز عن إتمام صوم يوم لطوله، أو عَلِمَ بالأمَارات، أو التَّجرِبة، أو إخبار طبيب أمين حاذِق، أو غلب على ظنِّه أن الصوم يُفضي إلى مرضه مرضًا شديدًا، أو يفضي إلى زيادة مرضه أو بطءِ بُرْئِه، أفطرَ ويقضِي الأيام التي أفطرَها في أي شهر تمكَّن فيه من القضاء. انتهى مختصرا."

بريمه سلام
وكل عام وانت بخير وتصوم وتفطر على خير.

نحنا بعدكم في الافطار اشمعنى؟؟مع اننا في خطوط طوال واحده(هههه)
بنفكر 8:25 تخيل!!


اما فعلا ناس شمال كندا ربنا يعينهم.
ربنا يعينكم يا خالد.

عفراء

رجاء ازالة عنوانك
لانه اسمك موجود بالانجليزي وكمان كتبتي عنوانك
مليوين نصاب ممكن يستخرج بيه(كردت كارد) لا اقصد
طبعا عضويتنا ولا قراءنا ولكن مجرمي الانترنت.
فرجاء ازالته ويا جماه عفراء لو لم تعبر من هنا
رجاء مراسلتها في الماسنجر لو ماسنجركم شغال
انا ما شغال عامل لي عنده (ظار)!!

بريمة ..سلاااااااااام ورمضان كريم
صحن العصيدة ..جك الابرى ....كورة البليلة والبلح .... تانى شنو ؟

دا فطورنا واتفضل معانا

الامساك 0345
الافطار 1805
بتوقيت الدوحة ,,,

بنصوم 14 ساعة تقريبا

وتصوم وتفطر على خير والعفو والعافية

سلام للجميع

فضل لينا ساعتين للفطور ..

أنتم فضل ليكم كم ..؟


بريمة

لزوم التسخينة لحدى الفطور ما يطلع ..




بريمة

قربنا .. قاعدين نبلع فى الريق ..




بريمة

الأخ الحبيب بريمه , رمضان كريم
زى ما قالت ليك هبه عاوزنك تشرف فطور البورداب
عشان نلاقيك

بعدين فطورك دا مالو ما واضح القسمات
وين التمر وين البليله وين عصيدة الدخن ومعاها ملاح
الكول ولاَ ملاح المرس؟؟
غايتو نحن بنحب فطور الأنصار.

تصوم وتفطر على خير يا حبيب.

الأمساك 04:26 والفطور20:52 يعني 8:52 مساء ..كيف معاك دي؟

بريمة ..

انت الرمضان مؤثر عليك واله قادي حساب

Quote: إمساكنا حوالى الساعة 5 صباحاً .. وفطورنا حوالى 8:10 مساءاً .. يعنى صيام أكثر من 13 ساعة

نحن بنصوم علي الاقل 15 ساعة يا عمك ..

رمضان كريم يا بريمة.. وكل سنة وانت طيب..
رمضان في الرياض:
الإمساك 4.10
الإفطار 6.25
عندنا نعيمية وتقلية (دراش)..
لو في طريقة نرسل ليك منها ما بنقصر والله..

أميرة الشيخ، شبكة وتراجى

رضمان كريم وأتفضلوا معانا ..




بريمة

مولاناعبدالله

رمضان كريم

أها المرة دى جابت لها كسرة عدييل .. أعمل حسابك فى لغم فى أقصى يمين الصورة .. أقصد قرن شطة أخضر




بخصوص الأفطار .. بينى وبينك الألكسندرية بقيت نجى جارى تف تف .. معدى على طول .. أخوك خايف يقع ليهو فى لغم أنجيرا ..


بريمة

دكتور الصادق

رمضان كريم ..

أنت شكلك فى القطب الشمالى .. كدى ورين محلتك وين ..


بريمة

أيمن

يا أخى ما تلحقونا بالتقلية .. مافى طريقة ل شحن ليلى .. shipping over-night


مثلاً الشكولاته قاعدة تصلنا من خارج أمريكا بالشحن "أوفرنايت" .. وتجى طازجه .. فرش ..

لو فى طريقة ذى دى عايزين شحن حتى للكول والتركين والكجيك ..


بريمة

Quote: دكتور الصادق رمضان كريم .. أنت شكلك فى القطب الشمالى .. كدى ورين محلتك وين ..

أبدا والله..في Waterford ،Ireland

بريمة رمضان كريم وكل سنة وأنت طيب،
بس كلامك ده:؟

Quote: رضمان كريم وأتفضلوا معانا ..

أنت يا أخوي كان ده فطورك صحي صحي يبقى بتصوم مع دينق بالعبابير....

ألهم إني صائـــــــــــــــــــــــــم


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

رمضان كريم

أطول نهار في النرويج. في أوسلو أول يوم في رمضان الإمساك 3:30 والفطور 9:30 يعني 18 ساعة أما في شمال النرويج فالنهار وصل في بداية رمضان 20 ساعة

حصلونا بفتوي ومعاها صحن عصيدة بنعيمية

Quote: إمساكنا حوالى الساعة 5 صباحاً .. وفطورنا حوالى 8:10 مساءاً .. يعنى صيام أكثر من 13 ساعة.

يا راجل إنت بتحسب كيف، الصيام هنا في أمريكا 15 ساعة تزيد ولا تنقص

نحن في كاليفورنيا

الإمساك 5 والإفطار الساعة 8 15 ساعة يا عمك ركز معانا

الأخ بريمة ... رمضان كريم تصوم وتفطر عل خير

الامساك عندنا فى سدنى باستراليا الساعة 4:43 والفطور الساعة 5:36
أى نصوم فقط 13 ساعة زيكم بالضبط فى أمريكا ، عشان كده يوم صيامكم
يا أخوى ما طويل اليوم الطويل فى الاتحاد الاوربى اكثر من 16 ساعةومعاها
سخانة وحر .
والله حظكم بالشوفكم كده تقولوا قاعدين بفطوركم ده انتو فى السودان ما اظنكم فى امريكا
بس عاوزين ليكم ضره بره عشان يضربكم الهمبريت ويغشاكم الماشى والجاى
وكل سنة وأنت طيب

آدم جمال أحمد

Quote: يا راجل إنت بتحسب كيف، الصيام هنا في أمريكا 15 ساعة تزيد ولا تنقص

كل سنه وانت طيب يا بريمه
ما تضيع صيامنا يا وال ابا
عثمان نواي

Quote: فطورنا فيهو قراصة، وملاح نعيمية وحاجات تانية .. وعصاير من شاكلة البرتقال والتفاح والعنب .. وحاجات حلوة من شاكلة أم على!

يا بريمه سلام

انا ساكن جنبك وعزابي ما تعزمني

Mohamed Foto7li

عليك ربك .. بالذات يوم الجمعة بكرة أو لو لم تحصل بتاع بكره البعديها .. عندنا أفطار جماعى .. حلتنا كلها تتلم فى محلة واحدة ..

تلفونى .. 5712767788

وجيب معاك كل الشباب بدون فرز ..


بريمة

رمضان كريم وكل عام وانت بخير بريمه
لندن الامساك اول يوم 3 صباحا والافطار الساعة 8.33 يعنى 18 ساعة ونص بالتمام والكمال...
تصومو وتفطرو على خير .....

الأخوان هانوف والصادق
رمضان كريم

كتب هانوف ..

Quote: نحن بنصوم علي الاقل 15 ساعة يا عمك ..

وكتب الأخ الصادق

Quote: يا راجل إنت بتحسب كيف، الصيام هنا في أمريكا 15 ساعة تزيد ولا تنقص

وكتب شخصى

Quote: يعنى صيام أكثر من 13 ساعة

مازلت أظن نحن جميعاً متفقين فى الحساب .. وتعالوا ورونى الخطأ وين؟ ..

ما تفكروا رمضان طشش عيونى .. أنا فى الويك أند بضرب كوارع بتاعت (بييف) .. تخليك تقوم بردلب زى جميل الشيل ..

وما تنسوا اللبن الرايب .. مش الزبادى .. وهنا الوصفة
جيب جركانة لبن حليب .. أنقصها مقدار كباية كبايتين .. وضع عليها قليل من الخميرة .. وأتركها خارج التلاجة .. حتى تتخمر تماماً ..

قبل الأستعمال ضع اللبن الرايب فى ماعون وأدخله التلاجة لزوم الترطيبة ..

أهم شيئ تحتفظ بالرواب .. خلى باقى لبن رايب فى قعر الجركانة .. وضع عليه حليب طازج من جركانة أخرى كل مرة ..

ولازم يكون لديك جركانة فارغة .. تصب فيها اللبن الرايب ثم تخجه مثل خج الجماعة لصناديق الأقتراع

إذا منطقتكم سخنة العملية بتظبط من أول مرة ..

أما إن كانت المنطقة باردة .. من الجركانة نمرة تلاتة ما فوق ..


الناس الحناكيش بضربوه بالملعقة .. أما نحن الغبش تشفط شفط لمايسمع للشفيط دوى .. مثل بتاع شفيط كباية الشاى السخنة ..


وهذه الوصفة من مطبخى الخاص فى رمضان ..

بريمة

الشايقى
رمضان كريم ..

Quote: أنت يا أخوي كان ده فطورك صحي صحي يبقى بتصوم مع دينق بالعبابير.... ألهم إني صائـــــــــــــــــــــــــم

أنت الظاهر بتعمل حاجات كويســـــــــــة فى شهر رمضان ..! ..
يعنى تقيم الليل وعندك حلقة ذكر .. الوصفة الجاية لو كترت ليها الخميرة شوييييية بتساعدك على قيام الليل ..

Quote: جيب جركانة لبن حليب .. أنقصها مقدار كباية كبايتين .. وضع عليها قليل من الخميرة .. وأتركها خارج التلاجة .. حتى تتخمر تماماً .. قبل الأستعمال ضع اللبن الرايب فى ماعون وأدخله التلاجة لزوم الترطيبة .. أهم شيئ تحتفظ بالرواب .. خلى باقى لبن رايب فى قعر الجركانة .. وضع عليه حليب طازج من جركانة أخرى كل مرة .. ولازم يكون لديك جركانة فارغة .. تصب فيها اللبن الرايب ثم تخجه مثل خج الجماعة لصناديق الأقتراع إذا منطقتكم سخنة العملية بتظبط من أول مرة .. أما إن كانت المنطقة باردة .. من الجركانة نمرة تلاتة ما فوق .. الناس الحناكيش بضربوه بالملعقة .. أما نحن الغبش تشفط شفط لمايسمع للشفيط دوى .. مثل بتاع شفيط كباية الشاى السخنة .. وهذه الوصفة من مطبخى الخاص فى رمضان .. بريمة

المحلة المظللة بالأحمر غيرها لتقرأ كالأتى "وضع عليها كثير من الخميرة" ..


اللهم إنى صائــــــــــم جد جد ..

بريمة

الأخ أسامة البلال

Quote: أطول نهار في النرويج. في أوسلو أول يوم في رمضان الإمساك 3:30 والفطور 9:30 يعني 18 ساعة أما في شمال النرويج فالنهار وصل في بداية رمضان 20 ساعة حصلونا بفتوي ومعاها صحن عصيدة بنعيمية

أكلوا جازكم وبس .. الفقرا بتموا الشهر تلاتين ليلة على قطعة بلح وكباية موية ..

أنتم محتاجين تأكلوا أكل يظل أطول فترة فى المعدة .. العصيدة يجب أن تكون خارج وجبتكم فى رمضان ..
البطيخ أيضاً يجب أن يكون خارج وجبتكم لأنه حشو بيملأ فراغ أنتم تحتاجونه للتخزين ..


أنتم محتاجين تأكلوا لحوم تقيلة .. والموز والبقوليات مثل الفول والعدس .. وما شابها .. لكن دى طبعاً تقيلة على المعدة بالذات فى السحور ..


وصفتى بتاعت اللبن مجربه فى المناطق السخنة .. لو ضربتها تكون مليان اليوم كله وما تحس بأى جوع عن تجربة بالذات لناس السودان .. لا أدرى أن تفيد فى المناطق الباردة ..

يا أخوانا رمضان كاتل الناس بالجوع بهناك كتل .. !

غايتو الله يعينكم .. ويعوضكم بطعام أهل الجنة فى يوم القيامة ..
بريمة

الأخ أدم جمال
رمضان كريم

Quote: الامساك عندنا فى سدنى باستراليا الساعة 4:43 والفطور الساعة 5:36 أى نصوم فقط 13 ساعة زيكم بالضبط فى أمريكا ، عشان كده يوم صيامكم يا أخوى ما طويل اليوم الطويل فى الاتحاد الاوربى اكثر من 16 ساعةومعاها سخانة وحر .والله حظكم بالشوفكم كده تقولوا قاعدين بفطوركم ده انتو فى السودان ما اظنكم فى امريكا بس عاوزين ليكم ضره بره عشان يضربكم الهمبريت ويغشاكم الماشى والجاى وكل سنة وأنت طيب آدم جمال أحمد

أنتم ما بتجيكم أى عوجة من طول النهار .. عندكم أشجار البان راقده رج .. ومعروف لو عندك صداع تشم صفق شجرة البان .. ترتاح للأخر ..

يا زول ناس أمريكا محولين رمضان لولائم وعزائم أشد من بتاعت الأعراس فى السودان .. لو الشبع ينقص أجر الصائم .. ناس أمريكا أجرهم صفر .. ضاربين مبّغجات .. المبّغجات طبعاً بلغة أهلك البقارة فى الغرب .. تعنى الطيبات من الرزق ..

تحياتى

بريمة

ول أباعثمان نواى

رمضان كريم

Quote: كل سنه وانت طيب يا بريمه ما تضيع صيامنا يا وال ابا عثمان نواي

لذة رمضان فى الحرمان من الحاجات المعتادة ..

لما كنت طفل فى أول رمضان لى .. قبل الفطور أعجبتى قطعة بلح لها عنقرة .. أخذتها ووضعتها فى الجنبة ..
تصدق كلما يأتى وقت الأفطار وأضرب المويات والعاصير .. أتعبئ فل .. وأقول أخلى بلحتى لبكرة ..
وبكرة بكون نفس اليوم السابق .. وهكذا ظلت بلحتى تلاتين يوم .. لحدى يوم العيد ..


بريمة

العزيز ول أبوك بريمه
رمضان كريم وتصوم وتفطر بالعافية يازول أنت صايم في جزر الناقة ولا شنو شياتك ومراراتك تلخم وكبدة إبل كمان.
ياخي أبقى تعال في ملتقى كردفان:www.kordufan.com عشان ول أبوك قور موجود هنالك تعال ومعاك كبر عشان اليومين ديل عندنا نفير كبير وضابحين جخس وناقة تعالوا سلوا عود أبوكم.

احمد التجاني

Quote: ضاربين مبّغجات

ول ابا بريمة

رمضان كريم و تصوم وتفطر على خير
عاد لكن مع المبغجات اموركم واضحة

نحن هنا فى برلين الامساك 4 و افطارنا 8:30 (افطار امس) ممكن تقول 16 ساعة
عشان كدا لو ركبت طيارة و جيتكم فى " موائد الرحمن فى بلاد العم سام "
ما بلقى لى مبغجة معاكم ولا ملاح كول

مودتى

انت يا ول ابا
الدوناتس يعتبر مُبغج
سؤال صايم

Quote: عليك ربك .. بالذات يوم الجمعة بكرة أو لو لم تحصل بتاع بكره البعديها .. عندنا أفطار جماعى .. حلتنا كلها تتلم فى محلة واحدة .. تلفونى .. 5712767788 وجيب معاك كل الشباب بدون فرز

اصيل يا بريمه لو ربنا سهل بديك تلفون

الأستاذة ماجدة

رمضان كريم

Quote: رمضان كريم وكل عام وانت بخير بريمه لندن الامساك اول يوم 3 صباحا والافطار الساعة 8.33 يعنى 18 ساعة ونص بالتمام والكمال... تصومو وتفطرو على خير .....

الله يعينكم ويقدركم على الصيام .. أنتم فى مدينة الضباب عوجه ما بتجيكم ..

أنزلى لينا طبق طبيقين من أطباق رمضان من مطبخ ماما .. عارفه أنا قاصد شنو؟



بريمة

ول أبا أحمد التجانى
رمضان كريم

Quote: العزيز ول أبوك بريمه رمضان كريم وتصوم وتفطر بالعافية يازول أنت صايم في جزر الناقة ولا شنو شياتك ومراراتك تلخم وكبدة إبل كمان. ياخي أبقى تعال في ملتقى كردفان:www.kordufan.com عشان ول أبوك قور موجود هنالك تعال ومعاك كبر عشان اليومين ديل عندنا نفير كبير وضابحين جخس وناقة تعالوا سلوا عود أبوكم. احمد التجاني

عشان تغيير اسم الموقع أنا طاشى لى زمن .. بجييكم إن شاء الله ..

يا أخى بالجد الفراسة كردفانية .. الأطباق الفوق كردفانية ..

بريمة

ولد الغرب ول أبا مازن

رمضان كريم

Quote: عاد لكن مع المبغجات اموركم واضحة نحن هنا فى برلين الامساك 4 و افطارنا 8:30 (افطار امس) ممكن تقول 16 ساعة عشان كدا لو ركبت طيارة و جيتكم فى " موائد الرحمن فى بلاد العم سام " ما بلقى لى مبغجة معاكم ولا ملاح كول مودتى انت يا ول ابا الدوناتس يعتبر مُبغج سؤال صايم

أولاً نعطيك فتوتى فى الدوناتس .. هو فصيلة متطورة من الزلابية .. وعليه يعتبر من ضمن المبّغجات بالمشابهة والمظهر والطعم ..

والمبّغجات تشمل جميع الطيباب خارج إطار مشتقات اللبن والعصيدة والكسرة ..
يعنى شية كاربه ومعها جك عصير ليمون أو كركدى بسكر تقيل .. ومعها فلافل وتوابل وشطوط و(أبون غازييى)! تعتبر مبّغجات ذات محدّقات..

أكتشفت وحقيقةً عرفت من خلال صديق نوبى .. واحد من المحدّقات .. يسمى Horse raddish .. وهذه المصيبة بهار صعب ولكن تشمه وبس .. يجيبوه فى علب .. تشيله برأس الملعقة وتضعه فى صحنك .. وتعطن فيه قطعة عيشه .. قطعة العيشه هذه لا تأكلها حتى نهاية الطعام .. لكن كل مرة تأخذ لقمه .. تشيل قطعة العيشة المعطونة فى الهورس رادش وتشمها .. ذى شغلة ناس السلسيون ..

لكن يا مازن لما الواحد يشفط الهورس راديش يصعد فى قراقيش الرأس فوق .. لما رأس الواحد يلف ..
هنا الصورة ..


http://en.wikipedia.org/wiki/Horseradish

بريمة

الي بورداب العالم( دعوه ليوم موحد في كل المدن ومذكره لل...ده الحرب في السودان)

طارق
رمضان كريم

أنت أراضيك وين .. ضع لينا مكانك ومواقيت الصيام والأفطار ..


أيد على أيد تجدع بعيد .. معاكم فى الحملة

بريمة

في بورت برنس ..عاصمة هايتي
الساعة 6 وربع

تحياتنا

منال

الأمساك الساعة كم .. ومتى تشرق الشمس ..؟

بريمة

والله يا بريمة يا وض امي

سؤالك تعسفي شويه ..كتر خيرنا نحن زاتو السمعنا برمضان هنا في الكسير والدمار ده

انا للضمان كده

بنوم الساعه 12 بالليل وما بصحي الا الصباح

_________

حالتك تحنن يا منال ..

لا بليلة دخن .. لا أبرى .. ولا حتى سحور ..

هنا مواعيد الصيام فى بورت برينس

Prayer Schedule August / 2010
Date Day Fajr Sunrise Dhuhr Asr Maghrib Isha
21 Sat 4:17 5:32 11:53 3:11 6:13 7:24
22 Sun 4:18 5:32 11:53 3:11 6:12 7:23
23 Mon 4:18 5:32 11:52 3:11 6:11 7:22
24 Tue 4:19 5:32 11:52 3:11 6:10 7:21
25 Wed 4:19 5:33 11:52 3:11 6:10 7:20
26 Thu 4:19 5:33 11:51 3:11 6:09 7:19
27 Fri 4:20 5:33 11:51 3:11 6:08 7:18
Monthly/Annual Schedule

الأفطار عندكن اليوم الساعة 6:13 مساءاً، غداً إن شاء الله الأمساك عندكم الساعة 4:18 صباحاً ..

نقصى مواعيد أفطارك بحوالى 15 دقيقة ..

وعشان ما تطشى من القبلة .. وتسوى العملناه نحن لما جينا أمريكا كنا بنصلى أتجاه الغرب شهرين ..
هنا البوصلة لأتجاه القبلة عندكم ..


وراجعى الوصلة لمزيد من المعلومات ,,

http://www.islamicfinder.org/prayerDetail.php?country=haiti&city=Port_au_Prince...ng=&aversion=&athan=

الله يكتر خير قوقل ..

بريمة

يا أخوانا ما تكشكشوا لينا ناس جاليات المشرق

أنوركنج فى كوريا

والعزيز الفاتح ميرغنى و ول أبا أدم صيام فى اليابان

وبت أبا دكتوره بيان والعزيز عبدالرازق الطيب فى ماليزيا

وناس الفلبين: حبيبنا أزهرى والأخ دنقس ..



ناس الشرق كلهم لا حركة .. ولا كش ..

بريمة

رمضان كريم ولض ابا تصوم وتفطر على خير.

الأخ بريمه محمد سلامات وتصوم وتفطر على خير
في لندن الإمساك اليوم الساعة 3 صباحاً والفطور الساعة 08.15 مساءً. يعني صيام 18 ساعة بس. وفي اسكوتلاند أطول شوية. تحياتي

كبـّـاشي الصـّـافي

(العوج راي والعديل راي)