Post: #1
Title: تعين ستة ملحقين أعلاميين في سفارات السودان والابقاء علي خالد المبارك بلندنوفاء لماقدم !!!!!!!!
Author: زهير عثمان حمد
Date: 08-17-2010, 04:58 PM
1+ سمية الهادي ملحق أعلامي في بون - المانيا تم تفعيل هذه الملحقية بقرار من قيادي في الحزب الحاكم
2=الدكتور هاشم الجاز ملحق أعلامي الدوحة -دولة قطر
3بابكر حنين ملحق أعلامي بالقاهرة مصر العربية
4=بكري التوم عوض الكريم ملاح ملحق أعلامي جنوب أفريقيا
5- بابكر الطيب ملحق أعلامي كنييا نيروبي
والابقاء علي الاستاذ الدكتور خالد المبارك في لندن وفاء للدور الذي قام به تجاه الوطن والموطنين
سته تمام هم جاء خطاب في الخارجية اليوم بقول كداوصل الخطاب الخارجية الساعة واحدة وعشرة دقايق من ظهر اليوم لمكتب وزير الدولة
بصراحة ياجماعة سونا وكالة الانباء السودانية ح تفقد بابكر الطيب وهو من الذين لهم دور داخل الوكالة ومدير النشرة الانجليزية لسونا
المهم انا أبارك لهم والمهمة غاية في الصعوبة ومعقدة جدا جدا لانو في ناس هنا حتي كلمة أعلام ما بعرفيهوا تعني شنو الحمدالله اللهم أن لا نسالك رد القضاء ولكن نسالك اللطف فيها
هنا في الجريدة ناس بتبكي عديل وشكلة في أعلام المؤتمر الوطني ياحليل الود باسان مانابو شيء والله الحق يقال مخلص وأتعلم أصول المهنة
السلام عليك ورحمة الله وبركاته
|
Post: #2
Title: Re: تعين ستة ملحقين أعلاميين في سفارات السودان والابقاء علي خالد المبارك بلندنوفاء لماقدم !!!!!
Author: cantona_1
Date: 08-18-2010, 04:32 AM
Parent: #1
ما وريتنا يا زهير من هؤلاء ومن أين أتوا؟ خاصة لم نسمع بهم كنجوم ساطعة في حقل الإعلام عدا حنين والله أعلم. تحياتي
كبـّـاشي الصـّـافي
|
Post: #3
Title: Re: تعين ستة ملحقين أعلاميين في سفارات السودان والابقاء علي خالد المبارك بلندنوفاء لماقدم !!!!!
Author: زهير عثمان حمد
Date: 08-18-2010, 10:31 AM
Parent: #2
العزيز cantona_1
بالله ماسمعت بالجماعة ديل والله مشكلة ح يحزنوا جدا في البدية
1- سمية الهاد ي كانت شغالة في وزارة الاعلام بأدارة الاعلام الخارجي
2-بابكر الطيب كان مدير أدارة في وكالة السودان للانباء
3- بالله ما سمعت بالدكتور هاشم الجاز الاستاذ الجامعي الشيايقي والامين العام الاسبق لمجلس الصحافة وعندو كتب والله أخر كتاب عن الانتخابات
4-بكري التوم ملاح أذاعي قديم وأعلامي ومدير أدارة في الاذاعة السودانية
5-طبعا بابكر حنين انت قلت عارفو دا كان مدير لقناة الخرطوم الفضائية الدولية الجماعة اللي بيعوا الداكودر بتاع القنوات
6- خالد المبارك أستاذ كبير بتاع مسرح وكمان من أبناء كوستي وكان معارض
دا كل شيء يا صديقي
|
Post: #4
Title: Re: تعين ستة ملحقين أعلاميين في سفارات السودان والابقاء علي خالد المبارك بلندنوفاء لماقدم !!!!!
Author: خالد عبد الله محمود
Date: 08-18-2010, 10:40 AM
Parent: #3
و خالد المباركـ ده قدم شنو للوطن و المواطنين ؟؟
|
Post: #5
Title: Re: تعين ستة ملحقين أعلاميين في سفارات السودان والابقاء علي خالد المبارك بلندنوفاء لماقدم !!!!!
Author: زهير عثمان حمد
Date: 08-18-2010, 10:50 AM
Parent: #4
أخي خالد عبدالله
كيف أخبارك
دا حسب تقيم القيادات العليا أنا ما عارف وما تسألوني عن الوضوع أمكن ناس لندن عندهم أجابة أو مجموعة أجابات
|
Post: #6
Title: Re: تعين ستة ملحقين أعلاميين في سفارات السودان والابقاء علي خالد المبارك بلندنوفاء لماقدم !!!!!
Author: الصادق يحيى عبدالله
Date: 08-18-2010, 01:54 PM
Parent: #5
الاخ/زهير
| Quote: أمكن ناس لندن عندهم أجابة أو مجموعة أجابات |
او لان الدكتور خالد اصلا من حملة الجواز البريطاني، و بالتالي هو افضل
من الاخرين في التعامل مع شعبه الجديد.
|
Post: #7
Title: Re: تعين ستة ملحقين أعلاميين في سفارات السودان والابقاء علي خالد المبارك بلندنوفاء لماقدم !!!!!
Author: abuarafa
Date: 08-18-2010, 04:40 PM
Parent: #6
الاستاذ - زهير
بكري عوض الكريم ملاح هو مدير الاعلام الخارجي وكان مديرا لوكالة السودان للانباء سونا وتقلد فيه مساعد المدير لشئون التحرير لسنيين عددا وكان مرافقا للرئيس الراحل نميري
ابان زيارته الاخيرة لامريكا قبل الانتفاضة وعمل بعدها بالصحافة الكويتية.
ويبدوا ان ملحقية نيروبي مقفولة لسونا لان الملحق الاسبق كان ابراهيم الشريف من ادارة الاخبار العالمية ثم المحلق الحالي الاستاذة نعمات بلال مديرة سابقة بسونا والجديد بابكر الطيب.
|
Post: #8
Title: Re: تعين ستة ملحقين أعلاميين في سفارات السودان والابقاء علي خالد المبارك بلندنوفاء لماقدم !!!!!
Author: زهير عثمان حمد
Date: 08-18-2010, 04:59 PM
Parent: #7
abuarafa
أخي الكريم تحياتي
فعلا كل ما ورد من معلومات هي حقيقة لك شكري بس الشخص اللي من الاذاعة هو اللي ماشي جنوب أفريقيا ملاح أيضا من أبناء سونا
لك شكري
|
|