Post: #1 Title: بص الوالي "" يا ناذر الخليفة Author: سفيان بشير نابرى Date: 08-17-2010, 01:19 PM Parent: #0
اصلاً ماممكن يا ناذر تقول كلامك ده !!! يعني كيف المواطنين مرتاحين !!!؟ كيف تقول ضاربين الكنادش !!!؟؟
يازول مصادرك دي راجعه .
Post: #2 Title: Re: بص الوالي "" يا ناذر الخليفة Author: ناذر محمد الخليفة Date: 08-17-2010, 01:41 PM Parent: #1
سلام سفيان ...
يا مان خليك من الناس ....
أنا القدامك دا الليلة إتكندشت بي بصات الوالي ..
في نص النهار كدا جاني مشوار فارغ للكلاكلة وقفت في المحطة جاني الباص طاير ... صااااااقط ونااااااعم .. يا خي تلبت جوة ما فاضل إلا المضيفات تستقبلني .. أظن المضيفات في إجازة عشان رمضان ..!!
كندشة يا سفيان أخدت لي نومة لحدي ما صحوني في أخر محطة قضيت غردي وجيت رجعت تاني بي بص مكندش بس المرة دي الكندشة ما خربا إلا واحد جمبي نايم وفاتح خشمو وريحة العرقي طالعة منو مختلطة مع الكنداشة وحرمت علي النوم ...!!
إنت ما جربت الباصات دي ولا شنو ؟؟!!
Post: #3 Title: Re: بص الوالي "" يا ناذر الخليفة Author: مزمل خيرى Date: 08-17-2010, 04:07 PM Parent: #2
Quote: بس المرة دي الكندشة ما خربا إلا واحد جمبي نايم وفاتح خشمو وريحة العرقي طالعة منو
الزول دا ما صائم ...؟
Post: #4 Title: Re: بص الوالي "" يا ناذر الخليفة Author: ناذر محمد الخليفة Date: 08-17-2010, 08:20 PM Parent: #3
إحتمال بايتة معاو يا مزمل ....!!
Post: #5 Title: Re: بص الوالي "" يا ناذر الخليفة Author: خضر حسين خليل Date: 08-17-2010, 08:37 PM
انت متأكد الزول الملطط ده ركب من الكلاكلة ياناذر
Post: #6 Title: Re: بص الوالي "" يا ناذر الخليفة Author: ناذر محمد الخليفة Date: 08-17-2010, 08:47 PM Parent: #5
والله يا خضر إلا غايتو يكون ركب وهو نايم ...!
لكن أنا إتخايلي جاي من جهة الخرطوم وأدى الكمساري حق المشية والرجعة وأداها نومة ..!!
Post: #7 Title: Re: بص الوالي "" يا ناذر الخليفة Author: معاوية عبيد الصائم Date: 08-17-2010, 08:54 PM Parent: #6
والله يا خضر ده اتهام رمضانى ختر ؟
يا نازر اكان الطاشم دا لابس جلابيه خضرا انا بديك النجيضة !!
خضر مؤقتا كدا شيل الصبر ؟
احتمال نشوف ليك مخرج نطلعو جاى من جبل اولياء
Post: #8 Title: Re: بص الوالي "" يا ناذر الخليفة Author: خضر حسين خليل Date: 08-17-2010, 08:56 PM Parent: #7
أنا إستغربت لانو طلمبات البلد دي بربطوها في رمضان والله الشقي ده حيرني يامعاوية
Post: #9 Title: Re: بص الوالي "" يا ناذر الخليفة Author: ناذر محمد الخليفة Date: 08-18-2010, 08:58 AM Parent: #8
معاوية عبيد ..:
Quote: احتمال نشوف ليك مخرج نطلعو جاى من جبل اولياء
غايتو النومة اتلكان نايما والريالة الكانت سايلة من طرف خشمو ما بتقول كدة ..!!
Post: #10 Title: Re: بص الوالي "" يا ناذر الخليفة Author: ناذر محمد الخليفة Date: 08-18-2010, 09:00 AM Parent: #8
خضر ..
Quote: أنا إستغربت لانو طلمبات البلد دي بربطوها في رمضان والله الشقي ده حيرني يامعاوية
حلييييييييييلك ..!!
قال بيربطوها في رمضان قال ..!!
يا خضر ناس الطلمبات ديل يا دوةب بيشتغلوا في رمضان بي مزاج وإطمئنان .,!!
يعني موسم عديييل كدة بالنسبة للبعض ..!!
Post: #12 Title: Re: بص الوالي "" يا ناذر الخليفة Author: سفيان بشير نابرى Date: 08-18-2010, 12:42 PM Parent: #7
تشكراتي لي مزمل خيري ولخضر حسين حامي حمى الكلاكلة وياخضر ياخ اها الباصات دي كيف معاك ؟ وتشكراتنا لوالي امر مكة المكرمة معاوية عبيد .
Post: #11 Title: Re: بص الوالي "" يا ناذر الخليفة Author: سفيان بشير نابرى Date: 08-18-2010, 12:31 PM Parent: #1
والله يا ناذر كتبته ليك كتابة كتيرة كتره ومن الصباح لكن دقشته لي حاجة كده بطرف اصبعي طفشته كلو كلو هسي تاني بحاول اعيد الكتابة من جديد .
في البداية ازيك ياخ وسنتك طيبة .
Quote: سلام سفيان ...
يا مان خليك من الناس ....
أنا القدامك دا الليلة إتكندشت بي بصات الوالي ..
في نص النهار كدا جاني مشوار فارغ للكلاكلة وقفت في المحطة جاني الباص طاير ... صااااااقط ونااااااعم .. يا خي تلبت جوة ما فاضل إلا المضيفات تستقبلني .. أظن المضيفات في إجازة عشان رمضان ..!!
كندشة يا سفيان أخدت لي نومة لحدي ما صحوني في أخر محطة قضيت غردي وجيت رجعت تاني بي بص مكندش بس المرة دي الكندشة ما خربا إلا واحد جمبي نايم وفاتح خشمو وريحة العرقي طالعة منو مختلطة مع الكنداشة وحرمت علي النوم ...!!
إنت ما جربت الباصات دي ولا شنو ؟؟!!
معقوله يا ناذر انضم في حاجة ما جربتها !!!؟ وحاتك يا الحبيب جربته وعن قصد واستهداف كمان وعامل فيها مسح رسمي خصوصاً بتاعتنا بتاعة الثورة دي المهم كلامي فيها كلامي انا ماكلام الناس . طبعاً زي ما عارف اخوك ساكن الثورة (بالوادي يوديني وبالنص بيوديني لاني بلفق الباقي بركشه ) المهم أنا بحب اطلع بشارع الوادي وحاتك من يوم عرفته الباصات دي يومي بطلتش اقلا حاجة 35 دقيقة حتين بص الوالي يشرف بي طلعتو البهية (بالمناسبة هو اللون بتاعو ده شنو؟) يعني ياناذر واضح جداً انو الباصات دي عندها مشكلة في التحرك من اخر محطة (وقصدي اخر محطة في الثورات) لانو نفس الحالة دي حاصلة في شارع النص وشارع الشنقيطي . اها (ياسيد الأمنتي ليك) بعد اللطعه دي جاء وركبته (بسم الله ماشاء الله) من حراية تفسخ دخلته كندشه ممتازه (قطع شك البص ده وبرج الفاتح واحد رغم اني ما جربته برج الفاتح بس شايفو سمح) المهم ... مع الكندشه ديك والحراية رأسي فار بس شوية كده وهمد في آمان الله وصلته اخر محطة الخرطوم غرب الجامع الكبير ونزلت انتهيت من قصصي وحاجاتي المساء الساعه 9 رجعته غرب الجامع الكبير القي ليك خلق الله واقفه والباصات طووويلة وواقفه وشعب الله (المحتار) تحت والسواق والكمساري جوه الباص وقافلين ابوابهم عليهم وبعض الباصات فيها عدد من الشعب السوداني (الفضل) والسواقين ما عايزين يتحركوا يودوهم قلنا الحاصل شنو ؟ قالوا:- سواقين الباصات قالوا الزمن بتاع الرجوع لحوش الشركة قرب ولو مشوا مشوار تاني بيتأخروا ولو اتأخروا حيحاسبوهم بالخصم من المرتبات !!! اها اللحجة والعوا والجوطة قامت اخر شي السواقين قالوا هم مستعدين ياخدو ناس جبرة لانو من جبرة حوش الشركة قريب وحاتك ده الحصل ونحنا دقشنا كداري لحدود ميدان -الالبوم- جاكسون ومن هناك اتسهلنا علي اهلنا . وحاتك اليوم البعديهو ذات الانتظار الصباحي (اكتر من 35 دقيقة) بعدها ركبته ووصلته غرب الجامع الكبير وشتته اشوف اشغالي المساء جيت بدري الساعه 8 مساء عشان مايحصل معاي الحصل امس اها جيت ليك الموقف لقيت ليك الموقف (سراب بقيع) ولا بص ولا الشعب داك !!!! ياناس الحاصل شنو ؟؟؟ قالوا الموقف غيروهو !!! ودوهو ؟؟؟ قالوا شارع الجمهورية هنااك جمب صيدلية كمبال . دقشته علي صيدلية كمبال لقيت ليك الباصات واقفه بشكل طولي مع شارع الزلط وتمتد من امام القنصلية المصرية لحدود تقاطع الجهورية مع القصر ووقعته من وراء افتش في خط الثورة بالوادي اخر شي لقيتو ليك قداااام حمدته الله علي اني لسه بي عافيتي وركبته ووصلته اهلي . اليوم البعدو برضو ذات الانتظار الصباحي الكريه المهم جاء البص وركبته وكان فااااضي قعدته وعندي كتاب طلعتوا اقراء فيهو شويتين كده اسمع الحوار التاني بين الكمساري وواحد مواطن (من مواطني قدرة الامكان علي صراع المستحيل) :- الكمساري :- الكلام ده ما بينفع يا سيد . المواطن :- مابينفع ليه ياخ !؟ الكمساري :- ما بينفع لانو نحنا ما داخل الكلام ده . المواطن :- لكن انحنا ما كتبوا لينا انكم ما داخلو ! الكمساري :- ايوة عشان نحنا نزلنا الشغل جديد . الشاب :- طيب أنا اعمل شنو ؟ الكمساري :- والله ما عارف ! لكن انا ذاتي اعمل شنو؟ انتهي الحوار ده فجأة بذهاب الكمساري وبقاء المواطن في مقعده (في نهاية الرحلة اكتشفته انو المواطن شخص معاق وبالقطع اخرج للكمساري بطاقة ركوب دون أن يدفع شي ) وهذا الامر مرفوض داخل هذه الباصات . اها وصلنا ونزلنا في شارع الجهورية وانتشرنا نسعي لما قُسم لنا ... جيت راجع المساء اركب اول ما وصلته شارع القصر القي ليك الباصات قدامي كتييييره ياناس الحاصل شنو ؟ قالوا الباصات حولوها هنا ضحكته وقلت الحمد لله اها فتشته الوادي ولقيتو وركبته . بكرة طلعت برضو انتظرته مسافة وبرضو ركبته بص فاضي والله اكرمني بانو الكمساري بعد قضى شغلو جاء قعد جمبي فابتدرته :- أنا :- بختكم ضاربين التراطيب . الكمساري :- ههههههههه ياخ مافي اي شغل بارد . أنا :- كيف الكلام ده ؟؟ ياخ دي كندشه الف . الكمساري:- ومشاكل ونقه 5 الف هههههههه. أنا :- مشاكل شنو ياخ الله لا جاب المشاكل . الكمساري :- والله مشاكل كتيره خصوصاً نحنا الباصات الشغاله الثورات دي . أنا :- كيف الكلام ده ؟ الكمساري :- ياخ نحنا خطنا لانو طويل تذكرتنا بي 2 جنيه اها في ناس بتركب وتنزل في نص الطريق وما عايزين يدفعوا 2 جنيه وبنسمع منهم نبذ وكلام فارغ كتير جداً جداً ياخ هسي خط الشنقيطي وقفوهوا ليهم يومين لانو في مواطن ضرب كمساري قرب يقتلو . أنا :- معقول ؟؟ وما لقوا ليكم حل ؟ الكمساري :- حل شنو ياخ !!! الحل الحليناهو نحنا الكماسرا ديل قالوا لينا انسوهو أو بنخصم من مرتباتكم . أنا :- وانتو عملتو شنو وحليتوها كيف؟ الكمساري:- لما كتروا الناس البتنزل في نص الطريق وبقوا يعملوا مشاكل بقينا التذكرة الواحده نقطعه نصين ونوزعه بين نفرين واي نفر ناخد منو 1 جنيه وبي كده حلينا المشكلة لكن ناس الشركة رفضوا الحل ده وقالوا الايرادات بقت قليلة ولازم التذكرة بي اتنين جنيه واي نقيصة من الايرادات بنخصمه من مرتبة السواق والكمساري !. أنا :- ده كلام عجيب ياخ !! الكمساري:- غايتوا تتحله كيف ما عارف ! أنا :- وهسي مرتباتكم البخصموها دي كفاية عليكم قبل الخصم ؟ الكمساري :- ياخ السودان ده لو بتصرف فيهو 4 مليون في الشهر ما بيكفيك ... ياخ شوف الاسعار كيف وشوف العلاج كيف وشوف الطماطم سااااي وشوف لو عندك ناس بتقراء يازول ما بتكفي . أنا :- ربك يكون في العون وانشاء الله يلقوا ليكم حته واضحه تقيفوا فيها عشان لا تتجهجهو لا تجهجهونا معاكم . الكمساري:- هههههههه اها دي قصة تانية عجيبة ياخ اصلاً موقفنا كان غرب الجامع اول أمس اصحاب الحافلات عملوا اضراب ورفعوا مذكرة قالوا يا ترجعونا معاهم غرب الجامع يا تشيلوهم من غرب الجامع . أنا :- يا راجل ؟؟! واها لو ماشالوكم ؟ الكمساري:- إي والله قالوا كده ولو ما شالونا قالوا هم بيعرفوا يتصرفوا وبيكرهونا الطريق . أنا :- يعني كيف ؟ وبيسوا شنو ؟ الكمساري:- يا شاب ديل ناس عجيبين لو عاكسونا بي عرباتهم في الطريق ساااي ممكن يسببوا مشاكل كبيرة جداً جداً . أنا :- كمان عايزة تبقي القصة في حوادث وموت . الكمساري:- ههههههههههههههه والله زي ما بتقول كده . اها حوارنا ودردشتنا دي انتهت ونزلته - للامانة من دردشة الكمساري ده وحوار الكمساري السابق مع المواطن المعاق اخدته طابع انو كماسرة الباصات دي تحديداً كويسين - . اها البرنامج بقي كده يومي الصباح انتظار والمساء لازم تجي بدري جداً جداً عشان زمن حوش الباص ما يكبس وطبعاً تاني زمن الحوش ذادوهو ساعه وبقت التقريشه الساعه 11 مساء (انتو قصة 11 دي شنو معانا؟) . اها في مرة من مراير رمضان ده وتالت يوم طلعته المساء جاي علي الخرطوم وكان الوقت 9 مساء الغريبة وقفته كده جاء طوالي بص ركبته واتحركنا ولما وصلنا العربي بتاع البص دخل بشارع الحرية وطوالي اخد الاتجاه ماشي علي كبري الحرية ولما وصل بالقرب من بداية الكبري وقف بالجمبة والركاب بدو ينزلوا انا طبعاً ماشي شارع القصر ما نزلته ومعاي زي تلاته شباب كده برضو قاعدين السواق قام قال :- يا شباب خلاص رحلتنا انتهت هنا . انا قلته ليهو :- وهنا دي وين ؟ السواق :- الموقف الجديد في ميدان جاكسون . أنا :- وده من متين كمان - لانو في رأسي كل شي جائز - السواق :- لا لا ما كده القصة كلها انو نحنا زمن رجوعنا للشركة خلاص جاء وعايزين نمشي نقرش . أنا :- طيب ياخ أنا لو كان عايز اجي ميدان اكسون ما كان اركب اي حافلة تجيبني هنا ؟ السواق :- يا ابو الشباب يعني أنت عايز شنو ؟ أنا :- عايزك توصلني شارع القصر لانو شارع القصر ده هو محطتكم . السواق :- ابداً ما محطتنا ونحنا بص دائري. انا :- بص دائري يعني شنو ؟ السواق :- يعني بنتحرك حركة دائرية حتي داخل الخرطوم السوق العربي القديم . أنا :- تمام مشكلة مافي أها انت هسي اتحركته حركة دائرية داخل الخرطوم وجيت ميدان جاكسون الجديد يلا اتوكل علي الله وكمل حركتك الدائرية ووصلنا علي الخرطوم السوق العربي القديم ويكون اديت شغلك وعداك العيب ونحنا ذاتو وصلنا . السواق :- يا ابن العم الله يهديك ويفتحه عليك انزل ياخ . انا :- ابدا ما ح انزل . السواق برجع ليك ال2 جنيه انزل . انا :- ابدا . السواق :- يعني لازم اوصلك ؟ انا :- نعم . وبالفعل وصلنا لحدود شارع القصر . اها يا ناذر كيف معاك ؟؟ هسي القصة دي شوف فيها كم حكاية بتوضح مشكلة بص الوالي دي ؟؟ وانت ماسك لي في الكندشه والترطيبة ؟؟! وواحد جاي من جبل اولياء لاطش !!؟ ياناذر هسي جيب ليك جيعان والا فقران قعدو في كندشه شوفوا ما بيمرض ؟.
اها ... نسمعك ونشوف .
Post: #13 Title: Re: بص الوالي "" يا ناذر الخليفة Author: ناذر محمد الخليفة Date: 08-18-2010, 03:12 PM Parent: #11
نابري ...
رمضان كريم يا شاب ..
Quote: والسواقين ما عايزين يتحركوا يودوهم قلنا الحاصل شنو ؟ قالوا:- سواقين الباصات قالوا الزمن بتاع الرجوع لحوش الشركة قرب ولو مشوا مشوار تاني بيتأخروا ولو اتأخروا حيحاسبوهم بالخصم من المرتبات !!!
والله دي مصيبة دي ..!!
Quote: طبعاً زي ما عارف اخوك ساكن الثورة (بالوادي يوديني وبالنص بيوديني لاني بلفق الباقي بركشه ) المهم أنا بحب اطلع بشارع الوادي وحاتك من يوم عرفته الباصات دي يومي بطلتش اقلا حاجة 35 دقيقة حتين بص الوالي يشرف بي طلعتو البهية (بالمناسبة هو اللون بتاعو ده شنو؟) يعني ياناذر واضح جداً انو الباصات دي عندها مشكلة في التحرك من اخر محطة (وقصدي اخر محطة في الثورات) لانو نفس الحالة دي حاصلة في شارع النص وشارع الشنقيطي . اها (ياسيد الأمنتي ليك) بعد اللطعه دي جاء وركبته (بسم الله ماشاء الله) من حراية تفسخ دخلته كندشه ممتازه (قطع شك البص ده وبرج الفاتح واحد رغم اني ما جربته برج الفاتح بس شايفو سمح) المهم ... مع الكندشه ديك والحراية رأسي فار بس شوية كده وهمد في آمان الله وصلته اخر محطة الخرطوم غرب الجامع الكبير ونزلت انتهيت من قصصي وحاجاتي المساء الساعه 9 رجعته غرب الجامع الكبير القي ليك خلق الله واقفه والباصات طووويلة وواقفه وشعب الله (المحتار) تحت والسواق والكمساري جوه الباص وقافلين ابوابهم عليهم وبعض الباصات فيها عدد من الشعب السوداني (الفضل) والسواقين ما عايزين يتحركوا يودوهم قلنا الحاصل شنو ؟ قالوا:- سواقين الباصات قالوا الزمن بتاع الرجوع لحوش الشركة قرب ولو مشوا مشوار تاني بيتأخروا ولو اتأخروا حيحاسبوهم بالخصم من المرتبات !!! اها اللحجة والعوا والجوطة قامت اخر شي السواقين قالوا هم مستعدين ياخدو ناس جبرة لانو من جبرة حوش الشركة قريب وحاتك ده الحصل ونحنا دقشنا كداري لحدود ميدان -الالبوم- جاكسون ومن هناك اتسهلنا علي اهلنا . وحاتك اليوم البعديهو ذات الانتظار الصباحي (اكتر من 35 دقيقة) بعدها ركبته ووصلته غرب الجامع الكبير وشتته اشوف اشغالي المساء جيت بدري الساعه 8 مساء عشان مايحصل معاي الحصل امس اها جيت ليك الموقف لقيت ليك الموقف (سراب بقيع) ولا بص ولا الشعب داك !!!! ياناس الحاصل شنو ؟؟؟ قالوا الموقف غيروهو !!! ودوهو ؟؟؟ قالوا شارع الجمهورية هنااك جمب صيدلية كمبال . دقشته علي صيدلية كمبال لقيت ليك الباصات واقفه بشكل طولي مع شارع الزلط وتمتد من امام القنصلية المصرية لحدود تقاطع الجهورية مع القصر ووقعته من وراء افتش في خط الثورة بالوادي اخر شي لقيتو ليك قداااام حمدته الله علي اني لسه بي عافيتي وركبته ووصلته اهلي . اليوم البعدو برضو ذات الانتظار الصباحي الكريه المهم جاء البص وركبته وكان فااااضي قعدته وعندي كتاب طلعتوا اقراء فيهو شويتين كده اسمع الحوار التاني بين الكمساري وواحد مواطن (من مواطني قدرة الامكان علي صراع المستحيل) :- الكمساري :- الكلام ده ما بينفع يا سيد . المواطن :- مابينفع ليه ياخ !؟ الكمساري :- ما بينفع لانو نحنا ما داخل الكلام ده . المواطن :- لكن انحنا ما كتبوا لينا انكم ما داخلو ! الكمساري :- ايوة عشان نحنا نزلنا الشغل جديد . الشاب :- طيب أنا اعمل شنو ؟ الكمساري :- والله ما عارف ! لكن انا ذاتي اعمل شنو؟ انتهي الحوار ده فجأة بذهاب الكمساري وبقاء المواطن في مقعده (في نهاية الرحلة اكتشفته انو المواطن شخص معاق وبالقطع اخرج للكمساري بطاقة ركوب دون أن يدفع شي ) وهذا الامر مرفوض داخل هذه الباصات . اها وصلنا ونزلنا في شارع الجهورية وانتشرنا نسعي لما قُسم لنا ... جيت راجع المساء اركب اول ما وصلته شارع القصر القي ليك الباصات قدامي كتييييره ياناس الحاصل شنو ؟ قالوا الباصات حولوها هنا ضحكته وقلت الحمد لله اها فتشته الوادي ولقيتو وركبته . بكرة طلعت برضو انتظرته مسافة وبرضو ركبته بص فاضي والله اكرمني بانو الكمساري بعد قضى شغلو جاء قعد جمبي فابتدرته :- أنا :- بختكم ضاربين التراطيب . الكمساري :- ههههههههه ياخ مافي اي شغل بارد . أنا :- كيف الكلام ده ؟؟ ياخ دي كندشه الف . الكمساري:- ومشاكل ونقه 5 الف هههههههه. أنا :- مشاكل شنو ياخ الله لا جاب المشاكل . الكمساري :- والله مشاكل كتيره خصوصاً نحنا الباصات الشغاله الثورات دي . أنا :- كيف الكلام ده ؟ الكمساري :- ياخ نحنا خطنا لانو طويل تذكرتنا بي 2 جنيه اها في ناس بتركب وتنزل في نص الطريق وما عايزين يدفعوا 2 جنيه وبنسمع منهم نبذ وكلام فارغ كتير جداً جداً ياخ هسي خط الشنقيطي وقفوهوا ليهم يومين لانو في مواطن ضرب كمساري قرب يقتلو . أنا :- معقول ؟؟ وما لقوا ليكم حل ؟ الكمساري :- حل شنو ياخ !!! الحل الحليناهو نحنا الكماسرا ديل قالوا لينا انسوهو أو بنخصم من مرتباتكم . أنا :- وانتو عملتو شنو وحليتوها كيف؟ الكمساري:- لما كتروا الناس البتنزل في نص الطريق وبقوا يعملوا مشاكل بقينا التذكرة الواحده نقطعه نصين ونوزعه بين نفرين واي نفر ناخد منو 1 جنيه وبي كده حلينا المشكلة لكن ناس الشركة رفضوا الحل ده وقالوا الايرادات بقت قليلة ولازم التذكرة بي اتنين جنيه واي نقيصة من الايرادات بنخصمه من مرتبة السواق والكمساري !. أنا :- ده كلام عجيب ياخ !! الكمساري:- غايتوا تتحله كيف ما عارف ! أنا :- وهسي مرتباتكم البخصموها دي كفاية عليكم قبل الخصم ؟ الكمساري :- ياخ السودان ده لو بتصرف فيهو 4 مليون في الشهر ما بيكفيك ... ياخ شوف الاسعار كيف وشوف العلاج كيف وشوف الطماطم سااااي وشوف لو عندك ناس بتقراء يازول ما بتكفي . أنا :- ربك يكون في العون وانشاء الله يلقوا ليكم حته واضحه تقيفوا فيها عشان لا تتجهجهو لا تجهجهونا معاكم . الكمساري:- هههههههه اها دي قصة تانية عجيبة ياخ اصلاً موقفنا كان غرب الجامع اول أمس اصحاب الحافلات عملوا اضراب ورفعوا مذكرة قالوا يا ترجعونا معاهم غرب الجامع يا تشيلوهم من غرب الجامع . أنا :- يا راجل ؟؟! واها لو ماشالوكم ؟ الكمساري:- إي والله قالوا كده ولو ما شالونا قالوا هم بيعرفوا يتصرفوا وبيكرهونا الطريق . أنا :- يعني كيف ؟ وبيسوا شنو ؟ الكمساري:- يا شاب ديل ناس عجيبين لو عاكسونا بي عرباتهم في الطريق ساااي ممكن يسببوا مشاكل كبيرة جداً جداً . أنا :- كمان عايزة تبقي القصة في حوادث وموت . الكمساري:- ههههههههههههههه والله زي ما بتقول كده . اها حوارنا ودردشتنا دي انتهت ونزلته - للامانة من دردشة الكمساري ده وحوار الكمساري السابق مع المواطن المعاق اخدته طابع انو كماسرة الباصات دي تحديداً كويسين - . اها البرنامج بقي كده يومي الصباح انتظار والمساء لازم تجي بدري جداً جداً عشان زمن حوش الباص ما يكبس وطبعاً تاني زمن الحوش ذادوهو ساعه وبقت التقريشه الساعه 11 مساء (انتو قصة 11 دي شنو معانا؟) . اها في مرة من مراير رمضان ده وتالت يوم طلعته المساء جاي علي الخرطوم وكان الوقت 9 مساء الغريبة وقفته كده جاء طوالي بص ركبته واتحركنا ولما وصلنا العربي بتاع البص دخل بشارع الحرية وطوالي اخد الاتجاه ماشي علي كبري الحرية ولما وصل بالقرب من بداية الكبري وقف بالجمبة والركاب بدو ينزلوا انا طبعاً ماشي شارع القصر ما نزلته ومعاي زي تلاته شباب كده برضو قاعدين السواق قام قال :- يا شباب خلاص رحلتنا انتهت هنا . انا قلته ليهو :- وهنا دي وين ؟ السواق :- الموقف الجديد في ميدان جاكسون . أنا :- وده من متين كمان - لانو في رأسي كل شي جائز - السواق :- لا لا ما كده القصة كلها انو نحنا زمن رجوعنا للشركة خلاص جاء وعايزين نمشي نقرش . أنا :- طيب ياخ أنا لو كان عايز اجي ميدان اكسون ما كان اركب اي حافلة تجيبني هنا ؟ السواق :- يا ابو الشباب يعني أنت عايز شنو ؟ أنا :- عايزك توصلني شارع القصر لانو شارع القصر ده هو محطتكم . السواق :- ابداً ما محطتنا ونحنا بص دائري. انا :- بص دائري يعني شنو ؟ السواق :- يعني بنتحرك حركة دائرية حتي داخل الخرطوم السوق العربي القديم . أنا :- تمام مشكلة مافي أها انت هسي اتحركته حركة دائرية داخل الخرطوم وجيت ميدان جاكسون الجديد يلا اتوكل علي الله وكمل حركتك الدائرية ووصلنا علي الخرطوم السوق العربي القديم ويكون اديت شغلك وعداك العيب ونحنا ذاتو وصلنا . السواق :- يا ابن العم الله يهديك ويفتحه عليك انزل ياخ . انا :- ابدا ما ح انزل . السواق برجع ليك ال2 جنيه انزل . انا :- ابدا . السواق :- يعني لازم اوصلك ؟ انا :- نعم . وبالفعل وصلنا لحدود شارع القصر . اها يا ناذر كيف معاك ؟؟ هسي القصة دي شوف فيها كم حكاية بتوضح مشكلة بص الوالي دي ؟؟ وانت ماسك لي في الكندشه والترطيبة ؟؟! وواحد جاي من جبل اولياء لاطش !!؟ ياناذر هسي جيب ليك جيعان والا فقران قعدو في كندشه شوفوا ما بيمرض ؟.
والله يا سفيان أنا ما كنت قايل الشغلة مشاكلا قدر دا ..!! وناس التحقيقات بتاعين الجرائد ليه ما بيكتبوا بي المعاناة بتاعت الناس دي ..!!
ووييين صحبك المحرر العام داك ؟!!
Quote: اها ... نسمعك ونشوف .
يا خي سمع شنو وشوف شنو ؟؟!!
مني ومنك أطبع الدراما الإنت كاتبا دي وأوديها من جدربي دا لي جمال حسن سعيد وخاف الله وصاحبو ..!!
والله يا سفيان بعد ما قريت قصتك دي طوالي من المرة التانية صورتها في شكل مسرحي جمال حسن سعيد محلك وكوميك محل الكمساري والزول التاني داك هو السواق ..!!
Post: #14 Title: Re: بص الوالي "" يا ناذر الخليفة Author: معاوية عبيد الصائم Date: 08-18-2010, 03:48 PM Parent: #13
خضر يا خوى
راجع الرعية كويس واضح المعلم دا ركب من اللفة
الوالى سفيان
سوف نرسل لكم تمرا وشعيرا من امارة مكة لعمل اللازم تجاه الرعية
كما نرسل لكم عدد 66 فيزا محارب للتدريب طرفنا
ودمت سندا للخلافة
عاش مولاى خضر الديمقراطى
Post: #15 Title: Re: بص الوالي "" يا ناذر الخليفة Author: ناذر محمد الخليفة Date: 08-18-2010, 08:54 PM Parent: #14
معاوية عبيد ...
Quote: راجع الرعية كويس واضح المعلم دا ركب من اللفة
خدر بيقول إنو الطلمبات مقفلة اليومين ديل ..!!
Post: #16 Title: Re: بص الوالي "" يا ناذر الخليفة Author: سفيان بشير نابرى Date: 08-19-2010, 09:37 AM Parent: #15
يا ناذر ياخ انت ماك غلطان انت اتكلمته عن الكندشه والترطيبه وكلامك صاااح وحاتك (برج الفاتح) رسممممي . انا عاينته وعايشته القصص التانية والحاله دي أنا لسه فيني حيل اكسح كداري وافتش الباصات ولما تعدم اشتت تاااني ميدان جاكسون .
كدي يا ناذر سوق عربيتك زي الساعه 2 ضهر كده واخد ليك خفسه واقيف جم سينما (كلزيوم) شرق الشارع وكشف لخلق الله صاليها نار الدوكه كيف . بعديها تعال تم السناريو براااك .
شكرا يا صاحبي .
والينا بمكة المكرمة معاوية يا اللخو زول ناذر النائم ده صدقني ليهو حق . وخضر ده انساك منو .
Post: #17 Title: Re: بص الوالي "" يا ناذر الخليفة Author: معاوية عبيد الصائم Date: 08-19-2010, 12:02 PM Parent: #16
يا سفيان
انا مفروض اجى اجازة ياخ ؟؟
مفروض حتات زى دى اعرفه عشان اتجنباااااا ؟؟؟؟
الزول دا واضح من المنطقة المعنية ؟؟ وخدر بعرفوا
وكل راعى مفروض يكون بافى عشرة على ملططينو ؟؟
كلام غريب
رعاة احر زمن
من مكة سلام
وتمرا وشعيرا ؟؟؟؟
Post: #18 Title: Re: بص الوالي "" يا ناذر الخليفة Author: ناذر محمد الخليفة Date: 08-19-2010, 08:30 PM Parent: #17
!!!
Quote: وكل راعى مفروض يكون بافى عشرة على ملططينو ؟؟
Post: #19 Title: Re: بص الوالي "" يا ناذر الخليفة Author: معاوية عبيد الصائم Date: 08-19-2010, 08:46 PM Parent: #18
نازر
كتر حيرك الفيك انعرفت ؟
فر قر قر قر قر
Post: #20 Title: Re: بص الوالي "" يا ناذر الخليفة Author: سفيان بشير نابرى Date: 08-20-2010, 09:41 AM Parent: #19
Quote: انا مفروض اجى اجازة ياخ ؟؟
مفروض حتات زى دى اعرفه عشان اتجنباااااا ؟؟؟؟
الزول دا واضح من المنطقة المعنية ؟؟ وخدر بعرفوا
وكل راعى مفروض يكون بافى عشرة على ملططينو ؟؟
كلام غريب
رعاة احر زمن
من مكة سلام
حبابك معاوية تعال اجازتك فقط اعلم يا صديقي أن الشي الوحيد المقسم من الوالي لشعبه هو الظلم لدينا عدل كاااامل في الظلم يا صاحبي فجهز نفسك وتعال فتش معانا الباصات دي .
Post: #21 Title: Re: بص الوالي "" يا ناذر الخليفة Author: محمد أبوالعزائم أبوالريش Date: 08-20-2010, 12:56 PM Parent: #20
بالله هي إسمها بصات الوالي؟
طيب .. لما ظهر إنو في بصات جديده حتنزل وحيتم تدشينها في اليوم الفلاني، واحد من الأخوان جاء هنا بي (الله أكبر) و(إنه لفتح مبين)، وكلام كُبار كده، فهمت منو إن معاناة الشعب السوداني إنتهت، وسوف نقارع نُظم المواصلات في باريس ولندن، وجوا معاهو أخوانو قالوا كلام سمح خلاس.
أنا (بي براءة شديدة) جيت وقلت ليهم: أها ... والبصات دي حقت منو؟ يعني (من الذي تمّ تمكينه) .... الجماعة هاجوا فيني، وشبكوني (خسئت يا أخا العرب)، وكلام تاني ما حأقدر أقولو عشان ما شايل معاي (ديكشينري) .... في النهاية قالوا لي مافي شئ إسمو (حق منو) .... لأنو (هي لله) .. والبصات دي حكومية.
فدحين ورونا ... (بصات الوالي) دي بإعتبار إنو (أولي امر) ... والا حقتو حلالاً بلالاً ... وبالله ما يجي واحد يقهمني ... لأنو كان عندنا قبل كده والي، البصات الفي ... التكاسي الفي ... أمجاد الفي .... حتى الرقشات ما خلاّها.
Post: #22 Title: Re: بص الوالي "" يا ناذر الخليفة Author: سفيان بشير نابرى Date: 08-20-2010, 01:15 PM Parent: #21
Quote: بالله هي إسمها بصات الوالي؟
طيب .. لما ظهر إنو في بصات جديده حتنزل وحيتم تدشينها في اليوم الفلاني، واحد من الأخوان جاء هنا بي (الله أكبر) و(إنه لفتح مبين)، وكلام كُبار كده، فهمت منو إن معاناة الشعب السوداني إنتهت، وسوف نقارع نُظم المواصلات في باريس ولندن، وجوا معاهو أخوانو قالوا كلام سمح خلاس.
أنا (بي براءة شديدة) جيت وقلت ليهم: أها ... والبصات دي حقت منو؟ يعني (من الذي تمّ تمكينه) .... الجماعة هاجوا فيني، وشبكوني (خسئت يا أخا العرب)، وكلام تاني ما حأقدر أقولو عشان ما شايل معاي (ديكشينري) .... في النهاية قالوا لي مافي شئ إسمو (حق منو) .... لأنو (هي لله) .. والبصات دي حكومية.
فدحين ورونا ... (بصات الوالي) دي بإعتبار إنو (أولي امر) ... والا حقتو حلالاً بلالاً ... وبالله ما يجي واحد يقهمني ... لأنو كان عندنا قبل كده والي، البصات الفي ... التكاسي الفي ... أمجاد الفي .... حتى الرقشات ما خلاّها.
سلاماً عليك يا أخ العرب ورمضانك كريم
ياها حقت الوالي وهاك اسمع القصة القصيرة دي :- يوم ركبته البص ده من الثورة بالوادي كالعادة ونزلت في العربي القديم خلف الواقف مباشرة (كان في دكاكين كسروها وبقوها باركنق بتاع عربات سوق الدهب ) المهم نزلته من الباص والباص طبعاً كبير وطويل شديد والشارع ضيييق قام ضايق عسكري (إي والله عسكري سائق بوكسي شرطة ابيض وكبير ولابس رسمي العسكري ده ) اها العسري وقف ويجحم في البص وفي السواق وانا جيت ماشي جمب العسكري قلته ليهو :- ختاها ليك البص !؟ قال لي وهو يضحك:- يازول شوف السواق ده عجوز كيف خايف اسألو يطلع الوالي ذااااتو!! استغربته حد الغربة انو يكون في عسكري بيقول نكته !!!.
يا أخ العرب اريتو داك لو وقف علي الباصات والتكاس والامجادات والرقشات يا اخوي داك الجداد ما خلاهو وهسي قبل علي الغابات كمان !
المهم
كن بخير .
Post: #23 Title: Re: بص الوالي "" يا ناذر الخليفة Author: محمد أبوالعزائم أبوالريش Date: 08-20-2010, 01:40 PM Parent: #22
يعني يا سفيان أخوي ... الجماعة ديل قهموني في صمة خشمي؟
حليلك يا عبداللطيف أبورجيلة ... بي حقو ومن حُر مالو ما ريّحوهو ..
حسي العالم بيجو من وين ... وبيجيبو من وين ما تعرف
Post: #24 Title: Re: بص الوالي "" يا ناذر الخليفة Author: سفيان بشير نابرى Date: 08-20-2010, 02:05 PM Parent: #23
Quote: يعني يا سفيان أخوي ... الجماعة ديل قهموني في صمة خشمي؟
حليلك يا عبداللطيف أبورجيلة ... بي حقو ومن حُر مالو ما ريّحوهو ..
حسي العالم بيجو من وين ... وبيجيبو من وين ما تعرف
والله يا أخ العرب قهموك قهمة شديدة
والله يرحم عبد اللطيف الراجل الظريف زمن كمساريهو كان عندو شنطة ولبسه سمحه .
يا ابو الريش ياخ بص الوالي ده حير الطب والطبابه اها من أمس السواقين قالوا ما عندنا موقف نهائي وباصاتنا دي دائرية وبس وحاتك جنس دائريتهم دي من الله خلقني ماشفتها دي دائرة فريدة في نوعه !!! انت يا أخ العرب يعني الدائرة دي هي المربع ؟؟! واوعه تقول لي لا لا لانو هسي دي دائرتهم !.
Post: #25 Title: Re: بص الوالي "" يا ناذر الخليفة Author: محمد أبوالعزائم أبوالريش Date: 08-21-2010, 00:54 AM Parent: #24
Quote: انت يا أخ العرب يعني الدائرة دي هي المربع ؟؟! واوعه تقول لي لا لا لانو هسي دي دائرتهم !.
اسوي شنو يا الحبيب ياخ البص ده عشان القاهو بتعب تعب شديد وافكاري كلها تاهت .
معليش والله حقك عليً
Post: #27 Title: Re: بص الوالي "" يا ناذر الخليفة Author: ناذر محمد الخليفة Date: 08-21-2010, 03:13 PM Parent: #26
!!!
Quote: انت يا أخ العرب يعني الدائرة دي هي المربع ؟؟!
والله يا سفيان حالتك تصعب على الكافر هههههه
كدي خلي رمضان ينتهي بعد داك نشوف الموضوع دا ..!!
في رمضان دا لو قلت ليك بزح من كرسيني دا تعال أسألني ..
بلا بصات بلا والي بلا بطبخ هههه
Post: #28 Title: Re: بص الوالي "" يا ناذر الخليفة Author: سفيان بشير نابرى Date: 08-21-2010, 03:52 PM Parent: #27
Quote: والله يا سفيان حالتك تصعب على الكافر هههههه
كدي خلي رمضان ينتهي بعد داك نشوف الموضوع دا ..!!
في رمضان دا لو قلت ليك بزح من كرسيني دا تعال أسألني ..
بلا بصات بلا والي بلا بطبخ هههه
وحاة الله يا ناذر يا اخوي قصة البص دي حيرتني في كنجوجي ده .
اها المصيبة الجديدة بعد دائرتهم القالوها دي الناس بقت زي الساعه اتنين ما بتعرف البصات دي بتقيف وين ووحاتك بقو عارفين دربه البتجي داخله بيهو الخطوم ويطقوها ليك كدرلي من شارع القصر ويحرسوها ليك عند جامع فاروق في جمهرة كبيرة تمتد من جامع فاروق لكل ازقة السوق العربي القديم وطبعاً يا ناذر المسألة دي ذاته حظوظ يعني يمكن الدائرة ما تجي بي عند بعض الناس والوصول لمسجد فاروق ذاتو إلا للناس الصبيان الزينا العندهم مروة .
غايتو اقول ليك شنو بس قااااادر الله .
Post: #29 Title: Re: بص الوالي "" يا ناذر الخليفة Author: محمد أبوالعزائم أبوالريش Date: 08-21-2010, 03:54 PM Parent: #27
Quote: بلا بصات بلا والي بلا بطبخ هههه
أهاااااا يا ناذر ...... إنت كان ما قدر الكلام .. ما تخرمج.
(هناي) ده ..... بتاع السياسة ذاااتو ... مش (جمال) داك بتاع الكورة.
عشان تكون على نور وكده.
Post: #30 Title: Re: بص الوالي "" يا ناذر الخليفة Author: سفيان بشير نابرى Date: 08-21-2010, 04:04 PM Parent: #29
Quote:
أهاااااا يا ناذر ...... إنت كان ما قدر الكلام .. ما تخرمج.
(هناي) ده ..... بتاع السياسة ذاااتو ... مش (جمال) داك بتاع الكورة.
عشان تكون على نور وكده.
لكن والله يا أخ العرب سياستو عينة .
Post: #31 Title: Re: بص الوالي "" يا ناذر الخليفة Author: معاوية عبيد الصائم Date: 08-23-2010, 09:52 PM Parent: #30
يا سفيان اها الزول الملطط طلع راكب من وين ؟
المسالة دى عاملة راو فى حلة ناس خضر حسين ؟
نرجو الافادة المؤكدة ؟ الحلة مقلوبة عديل ؟ وخضر شمه ناس الحلة واحد ؟ واحد ؟
نتجية الشم طلعت سليمة؟؟
Post: #32 Title: Re: بص الوالي "" يا ناذر الخليفة Author: سفيان بشير نابرى Date: 08-24-2010, 09:32 AM Parent: #31
Quote: يا سفيان اها الزول الملطط طلع راكب من وين ؟
المسالة دى عاملة راو فى حلة ناس خضر حسين ؟
نرجو الافادة المؤكدة ؟ الحلة مقلوبة عديل ؟ وخضر شمه ناس الحلة واحد ؟ واحد ؟
نتجية الشم طلعت سليمة؟؟
يا معاوية انت ما بتقراء !!!! يا الاخو الباصات دي معوق ما بتقبلو وطالب ما بتقبلوا تقول لي ملطط!!!!؟ خدر ده عايز يشُم سااااي.
Post: #33 Title: Re: بص الوالي "" يا ناذر الخليفة Author: ناذر محمد الخليفة Date: 08-24-2010, 09:50 AM Parent: #32
Post: #34 Title: Re: بص الوالي "" يا ناذر الخليفة Author: معاوية عبيد الصائم Date: 08-24-2010, 06:07 PM Parent: #33
ليه كده يا نازر ؟
Post: #35 Title: Re: بص الوالي "" يا ناذر الخليفة Author: Amin Mahmoud Zorba Date: 08-24-2010, 08:54 PM Parent: #34
يا صحاب البوست سلام ورمضان كريم اولفر الوالي ياخي ماتحك حتة الريحة كتير ناذر ده كان عندوا (نزلة) ولمن لقاء التكيف قرر يواصل لاخر محطة وفي رواية أخرى قالوا الريحة كانت طالعة من المكيف وهنا المسؤلية واقعة على مهندس التكيف
على السيد خدر البحث عن رقم البص وشم المكيف
Post: #36 Title: Re: بص الوالي "" يا ناذر الخليفة Author: سفيان بشير نابرى Date: 08-29-2010, 10:24 AM Parent: #35
Quote: يا صحاب البوست سلام ورمضان كريم اولفر الوالي ياخي ماتحك حتة الريحة كتير ناذر ده كان عندوا (نزلة) ولمن لقاء التكيف قرر يواصل لاخر محطة وفي رواية أخرى قالوا الريحة كانت طالعة من المكيف وهنا المسؤلية واقعة على مهندس التكيف
على السيد خدر البحث عن رقم البص وشم المكيف
وييين يا فنان ومشتاقين هاهاهاهاها تحليلك في السلك ونوجهه لخضر حسين .
ياناذر خليفة سلامات أها الليلة عندي ليك قصة جديدة عن بص الوالي ههههههههههه وحاتك من الصباح ركبته البص متحرك من الثورة ومستهدف السوق العربي القديم عشان تاني اركب بص الوالي امشي المعمورة علي اخونا اسماعيل حميم اها يا سيد الامنتي ليك ركبته ووصلته العربي ونزلوني غرب مكتبة القبة الخضراء القديمة ديك قدر ما اتلفته عشان اعرف مواصلات سوبا وين ما لقيته ولا لقيت زول عارف يعرفني بمحلها المهم اخر شي براي اتخيلته انها تكون واقفه في شارع القصر الجمهوري ، شلتها ليك كدرلي لحدود هناك لقيت ناس منشحطه واقفه سالتهم :- يا جماعة الباصات البتمشي سوبا هنا؟؟؟ قالوا ايوة ووقفته ليك معاهم . المعني يا ناذر انت لو جاي من الثورة زي حالتي دي ما عندك طريقة تركب من نقطة نزلوك لنقطتك الجديدة المتحرك ليها لا لازم تفتش وتعرف وين الباصات أو انك تنزل من مواصلات الثورة وتركبه تاني وترجع .
Post: #37 Title: Re: بص الوالي "" يا ناذر الخليفة Author: ناذر محمد الخليفة Date: 08-29-2010, 01:48 PM Parent: #36
تعرف يا سفيان يخيل لي إنو البص دا عندو مشكلة عدم معايشة مع حالتك ..
والمشكلة ما إنت براك ..
الليلة في جريدة السوداني في تحقيق حول البصات دي ومن ضمن التحقيق السيد مدير شركة مواصلات الولاية بيقول إنو لحدي هسي ما لا قين موقف ثابت للبصات دي ... يعني دي مشكلة عامة يا صحبي ..
وبرضو قال الولاية حددت 200 محطة عشان البصات دي تقيف فيها على إمتداد الولاية لكن طبعا دا ما إتنفذ ..!!
وبرضو إتكلم عن ال 250 بص الجايين من إيران تبع المشروع برضو ..!!!
دا كلو ولسع ما لا قين موقف للبصات دي .. تخيل ...!!!
النصيحة لله يا صحبي .. لحدي ما البصات دي تثبت لها على موقف أرجع للحفلات تاني ...!!
أي نعم هي صغيرة وضيقة وما مكندشة وكمساريها طوالي صاري أخلاقو في نخريهو لكن برضو أحسن ليك من الجهجهة ...
صنفرة :
عملتو لينا شنو في بتاع الكلاكلة داك ؟!!
Post: #38 Title: Re: بص الوالي "" يا ناذر الخليفة Author: ناذر محمد الخليفة Date: 08-29-2010, 02:25 PM Parent: #37
سفيان شوف الفيديو دا بي مناسبة البصات :
Post: #39 Title: Re: بص الوالي "" يا ناذر الخليفة Author: سفيان بشير نابرى Date: 08-29-2010, 03:17 PM Parent: #38
Quote: الليلة في جريدة السوداني في تحقيق حول البصات دي ومن ضمن التحقيق السيد مدير شركة مواصلات الولاية بيقول إنو لحدي هسي ما لا قين موقف ثابت للبصات دي ... يعني دي مشكلة عامة يا صحبي ..
وبرضو قال الولاية حددت 200 محطة عشان البصات دي تقيف فيها على إمتداد الولاية لكن طبعا دا ما إتنفذ ..!!
وبرضو إتكلم عن ال 250 بص الجايين من إيران تبع المشروع برضو ..!!!
دا كلو ولسع ما لا قين موقف للبصات دي .. تخيل ...!!!
النصيحة لله يا صحبي .. لحدي ما البصات دي تثبت لها على موقف أرجع للحفلات تاني ...!!
أي نعم هي صغيرة وضيقة وما مكندشة وكمساريها طوالي صاري أخلاقو في نخريهو لكن برضو أحسن ليك من الجهجهة ...
هسي عليك الله يا ناذر بعد كلامك الفوق ده كلو ولسه بتسأل:-
Quote:
عملتو لينا شنو في بتاع الكلاكلة داك ؟!!
!!!!!!!!!!!!!!!! والله بتبالغ يا ناذر الزول ده طلع اكتر واحد نافش القصة واتصرف معاها مية المية ذاتو
عليك الله يا ناذر الجبتو فوق ده ما بيجنن 99 مرة في الثانية؟؟؟! يا النبي نوووووح من فهم اللوح . وده التخطيط والا بلاش.
بخصوص الفيديو عندي مشكلة ما قدرته اشوفو . لكن قصة الباصات دي قصة واخره لسه .
Post: #40 Title: Re: بص الوالي "" يا ناذر الخليفة Author: معاوية عبيد الصائم Date: 08-29-2010, 03:23 PM Parent: #39
عوووووووووك يا سوفى
فى اشاعة الزول بشبه خدر
افيدونى حفظكم الحافظ ؟
Post: #41 Title: Re: بص الوالي "" يا ناذر الخليفة Author: سفيان بشير نابرى Date: 08-29-2010, 05:06 PM Parent: #40
Quote: عوووووووووك يا سوفى
فى اشاعة الزول بشبه خدر
افيدونى حفظكم الحافظ ؟
ياخ الزول طلع هو اكتر واحد ناقش قصة بص الوالي واتعامل معاهو صاااح حتى اسال ناذر ده .
Post: #42 Title: Re: بص الوالي "" يا ناذر الخليفة Author: سفيان بشير نابرى Date: 09-23-2010, 08:22 AM Parent: #41
اها وييييينك يا ناذر ياخ !!!؟ رمضان ولى ياخ فامرق ليك كم مرقه كده وشوف قصص الباص الرايح ده ياخ يعني اركب ليك ركبة لمايو وركبة للكدرو وركبة للشنقيطي وركبة للنص وركبة للوادي وبعديها فكر وقدر ثّم احكم وحكمك راضين بيهو لكن علي شرط يا ابو النيز لازم تركب من مكان المنابع وتتجه علي المصبات كلها هههههههههههههههههههههه يعني تركب من السوق العربي عشان انت ذاتك تعرف لينا نحنا وللوالي ظاااااااااااااطو وللسواقين انفسهم منطقة المنابع دي وين (موقف الباصات في السوق العربي) لوووووووووووول ثم لوووووووولات ياخ وحاتك بالجد البص ده ياهو البص الريح (اوعه تقول لي الرايح النازي رقم كم) .....
المهم .........
لينا تلات يوم سخنية (قمرية) لا نحنا لا سواقين الباصات ما عارفين ننزل وين !!!! اول اول امس من الثورات نزلونا مباشرةً غرب المجلس الاستشاري لولاية الخرطوم !!! اول امس نزلونا أمام باب القنصلية المصرية !!!! أمس نزلونا غرب مسجد فاروق !!!! فياخ الرسول فيك ما تجهل كلامي واطلع حملة واعرف لينا منبع البص ده بيتحرك من وين ينوبك ثواب .
كن بخير يا صديقي .
Post: #43 Title: Re: بص الوالي "" يا ناذر الخليفة Author: ناذر محمد الخليفة Date: 09-23-2010, 12:37 PM Parent: #42
سلام سفيان ,,,
قبل إسبوعين تشرفت بركوب بص الوالي مرتين في يوم واحد لي مشوارين مختلفين..
دا لو ما هو الإتشرف بي ركوبي ليهو ..
وفي أثناء الركوب دا كنت بفكر وأركز على كل الملاحظات القلتها ...
دا غير ملاحظات تانية جديدة ...
النجيك بعد شوية ...
Post: #44 Title: Re: بص الوالي "" يا ناذر الخليفة Author: معاوية عبيد الصائم Date: 09-23-2010, 12:44 PM Parent: #43
