خطة المريخ في مباراة الوصل أمس تسمي (أريكا عمياء)

Quote: * لعب المريخ بطريقة (أريكا عمياء) 97 دقيقة ولم ينقل أربع تمريرات صحيحة! *ومع ذلك تفرج جمال وفاروق على الخرمجة ولم يتدخلا لإلزام اللاعبين بإخضاع الكرة للأرض ونقلها بهدوء. * ما زال الفريق يعاني من ضعف شديد خط المقدمة، في ظل إصرار مدربه على اللعب بمهاجم واحد وانتهاج طريقة متخلفة انقرضت في العالم أجمع. * لو كانت طريقة 2:5:3 ناجحة مع المريخ لبقي كاربوني ولما أتى جمال أبوعنجة! * قبلنا 2:5:3 على مضض فحولها جمال إلى 1:6:3 ! * المريخ متأخر بهدف، ومدربه مصر على اللعب بثلاثة لاعبين في قلب الدفاع، ومهاجم واحد! * وللمرة الثانية كان الفريق محتاجاً للتسجيل فأقدم مدربه على سحب مهاجمه الوحيد (المهدي بن ضيف الله)، وأشرك لاعب وسط (راجي عبد العاطي) في خط الهجوم! * وهو ذات ما حدث أمام اتحاد مدني، حينما سحب جمال هنو وأشرك قلق. * مريخ الوصل بلا أنياب، وخطورته على مرمى الخصم غائبة تماماً! * الحسنة الوحيدة المهدي بن ضيف الله. * أخطاء التمرير لا تحصى ولا تعد، خاصةً من بلة وفيصل ونجم الدين ومصعب. * يركض بلة بالكرة بغير هدى، ثم يهديها للخصوم بكل أريحية. * ويتسلم قائد الفريق الكرة ويمررها للخصم بكل استهتار! * إشراك العجب لمدة تسعين دقيقة أمر محير! * والإصرار على الاحتفاظ بكل المدافعين حتى النهاية والفريق مهزوم أمر عجيب وغريب! * وفي الدفاع أخطاء التغطية على قفا من يشيل، بدليل أن شباك المريخ اهتزت في الدقيقة الثالثة بهدف شبيه بالذي ولج شباكه أمام الجيش النيجري في نيامي! * وإلغاء خط الوسط بالإرسال الطويل من الدفاع للهجوم مستمر. * والفعالية الهجومية غائبة بدليل أن المريخ لم يصنع سوى فرصة واحدة أهدرها الشغيل برعونة. * ما شاهدناه أمام الوصل أمس لا علاقة له بكرة القدم الحديثة! * لعب المريخ بطريقة متخلفة، وعجز عن نقل أربع تمريرات صحيحة، واعتمد على مهاجم واحد لم يجد أي معونة من لاعبي الوسط فتلاشت خطورته.

_
مزمز ميراندا

فعلا .. ومزمز أحد أسباب العمى!

ياخ الزول ده ممتع
بالله من الصباح انا قاعد أعمل ريفريش داير أشوفو ح يقول شنو
قال أريكا عمياء
دي خطة دينا خالد أظنها
لووووووووووووول

إنتو مزمل ده حضر كورة أمس دي بتحليلو الفوق ده ؟








_
اريكا

Quote: Quote: * ما شاهدناه أمام الوصل أمس لا علاقة له بكرة القدم الحديثة!

فيصل
سلامات

الـمحيّر مزّمّل دا زعلان ليه ؟
فقد شاهدت له قبل يومين حلقة في برنامج ( جرد حساب ) مع ( هيثم كابو )
وسأله هيثم لماذا هو مهتم بالشّأن الهلالي أكثر من الشّأن المرّيخي ?
ومبسوط يعني من الـمرّيخ ؟
وكان ردّه بالإيجاب
مبسوط جدّاً من الـمرّيخ

طيّب الغيّر الإنبساط هسّع شنو ؟؟

(( ما هذا يا مرّيخ السُّودان ؟ لك الله يا جمهور المرّيخ وي...ر الكرة السُّودانيّة ))



تحاياي

الخلعة الدخلا فيهو هيثم مصطفى لحدي أسة ما مرقت ..إنت قايل لعيبتنا براهم البتخلعهم باصات هيثم ؟
الزول ده ما فضل ليهو إلا يقول انا بقيت هلالابي زي الزول القال تاب في المنبر هنا ده ..
لكن قول ليهم تلقوها عند الغافل فإحدى شروط صلح الحديبية إذا جاء أحد المشركين إلى المسلمين فإنه يتم إعادته للكفار أما إذا جاء أحد المسلمين للكفار فإنه لا يرجع ..
أها يا الكفار عودوا إلى كفركم يرحمكم الله نحن ما عندنا مسلم بيبقا كافر..

الفاروق
ياخ مشتاقين بالتبادي ..
اليومين ديل لقيت ليكـ بنطلونات من نوع تاني اها أخوكـ قافل عليها قفلة شديد خلاس
زول القال آآآآآمن ده مزمل فاتو بيغادي
و كأني أري مزمل يتغزل في الهلال أول أمس
لكن الليلة عمل دس السم في الدسم ..

تتذكر المثل ده ( بوطبيع ما يووز عن طبعه ) بس ياهو زاتو

الأخوة فيصل وودالصائم ولؤي
مسكاقجلو
انا بستغرب من كلامكم ... في شنو حسع في كلام الاخ مزمل وتحليله لوضع المريخ في مباراة امس
انا بخاطبكم كنوبيين او لكم مستوى عال من الادراك
الاخ مزمل في عموده وفي الكلام الذي نقله الاخ فيصل نوبي وضح سبب علة المريخ وهذا وجهة نظرة وتحليله واذا اي شخص ممكن يكتب اي تحليل غير هذا مافي مشكلة وانا اعتقد ان ما كتبه الاخ مزمل هو عين الحقيقة
لولا المشقة ساد الناس كلهم ... الجود يقر والاقدام قتال

يا عم همزاوي نحن نوبيين لكن مزمل ما نوبي

_
يا عم همزاوي إنت في معلوم ( أريكا عمياء) ؟

Quote: الأخوة فيصل وودالصائم ولؤي مسكاقجلو انا بستغرب من كلامكم ... في شنو حسع في كلام الاخ مزمل وتحليله لوضع المريخ في مباراة امس

يا خال
سلامات
مشتاقين

كدي بعد إذنك بالطّبع أقرأ كلامي تاني
أنا ما مستغرب لتحليل مزّمّل
أنا مستغرب لرد مزّمّل في الحلقة التّلفزيونيّة
وقوله إنّه مبسوط تماماً لحال المرّيخ




إحترامي ووُدّي

Quote: يا عم همزاوي إنت في معلوم ( أريكا عمياء) ؟

نهي نهي

Quote: أنا مستغرب لرد مزّمّل في الحلقة التّلفزيونيّة وقوله إنّه مبسوط تماماً لحال المرّيخ

ود اختي لؤي
ذي دا بيسموه كلام استهلاكي
طبعاً المذيع او المحاور سؤاله بايخ والرد جاء لتمشية السؤال والتفويت
لك ودي وتقديري
وكل سنة وانت طيب
وشهر مبارك

نوبي .. تحياتي،

خطة (أريكا عمياء) .. يا للإنتكاسة!

خلاص ضاعت حكايات (جنود الملك والسلطان) .. راحت هدراً ..

ربنا يصبرك يا (مزمل) على الجايات ..

Quote: ود اختي لؤي ذي دا بيسموه كلام استهلاكي طبعاً المذيع او المحاور سؤاله بايخ والرد جاء لتمشية السؤال والتفويت لك ودي وتقديري وكل سنة وانت طيب وشهر مبارك

يا خال
مساء الخير

ورمضان كريم
تصوم وتفطر على خير
وكُلّ سنة وإنت طيّب

وربّنا يقدّر المرّيخ والهلال معاً على رفع مستوى وسمعة الكرة السُّودانية
فترنا من المرمطة بالسّنين
ومزّمّل وأمثال مزّمّل ديل
لو في المرّيخ أو في الهلال
مطلقاً ما بشير خير لأيّ مستقبل
دي حقيقة لا تُنكر إلا بسبب التّعصُّب




مودّتي وإحترامي