ثنائيات الطيب عبدالماجد فى برنامج بينى وبينك

ياخوانا قناة السودان دي فيها برنامج من تقديم الطيب عبدالماجد بعد الفطور مباشرة اسمه بينى وبينك

يستضيف فيه ثنائيات جميلة من جميع الوان الطيف ،،،

والاجمل ،، الدويتو الفنى البكون حاضر فى الحلقة ،، يستحق ايضا فرد مساحة للبرنامج

والكلام عنه ،،،

اولى حلقات البرنامج كانت حلقة مميزة مع الشعراء الكبار ،،

القدال وحميد ،،



وكان الدويتو الفنى ،،،


الهادي حامد ونهى عجاج ،،





الشكر لصاحب الفيديوهات ،،

جمال حسن سعيد ،، والطيب شعراوي ،،

والفنانيين شبارقة وحرم النور ،،

شرحبيل احمد وامال النور

شكرا ياود العباسية سبقتني بساعات فانا كنت بصدد فتح بوست مماثل
عن هذا الربنامج الهادي والجميل والهادف علي القناة السودانية
برنامج مناسب جدا لترخيمة مابعد الأفطار مافيهو جوقة فنانين
ولا فيه شطحات السر قدور البتخلعك لما تخفض صوت التلفزيون
ياخ السر قدور خلع اولادي مرةوهم قاعدين جمب التلفزيون لحدي ما بكو
مافي داعي يالسر قدور تعيد ترنيم الاغنية بعد اداءها من قبل العدد المهول
المعاك .


برنامج موفق لاخونا وصديقنا ورفيق صبانا وزميلنا الطيب ومزيدا من التوفيق




زيكو

شكرا ليك كتير يا زيكو ،،

فعلا البرنامج جميل جدا ،، برغم انى بشوف فيه لقطات فقط ،،

العيب انه كل البرامج بتكون فى زمن واحد ،، ودا كله تنافس بين القنوات

وبى كدا المشاهد ما حا يعرف يتابع وين ولا وين ،،

اتمنى انه البوست يكون بتاعك وتواصل فيه وانا معاك بى الفيديوهات ،،

تسلم كتير ،،

ود العباسية ..

مالو البوست ده نائم مع انه البرنامج صاحي .. ههههههه

أمس الحلقة كانت إبداع .. التجانى والحلنقي ..

وزاد الإبداع خالد الصحافة ونبويه ..

يلا نزلوا لينا الشغل ده هنا ..

عفاف كيفك ،،

والله ما نايم بس هناك ماخد كل الجهد ،،،