Post: #1
Title: الآنسة أتونق أجاك، ملكة جمال جنوب السودان وصحيفة الأهرام اليوم !! (أطمع في توضيح)
Author: عبد القادر محمد
Date: 08-16-2010, 11:51 AM
نقل موقع راديو مرايا اليوم خبراً ، نصه :
Quote: نفت ملكة جمال جنوب السودان الانسة أتونق أجاك دعمها لأي أنشطة تتعلق بدعم الوحدة الوطنية تقوم بها جهات في شمال السودان. و قالت أتونق في مؤتمر صحفي أمس في مدينة جوبا إنها ليست لديها أدني فكرة عن البرنامج الذي نضمته صحيفة الاهرام اليومية بملاعب كمبوني بالخرطوم الاسبوع الماضي من أجل دعم الوحدة الوطنية ، مشيرة الي إن الصحيفة أساءت اليها باقحامها لصورتها و إسمها في البرنامج دون موافقتها.
وكانت صحيفة الأهرام اليوم التي يرأس تحريرها الصحافي الهندي عز الدين نظمت في السابع من الشهر الجاري برنامجاً بملاعب كمبوني وسط الخرطوم لأجل دعم الوحدة الوطنية و قالت إنها تحت رعاية الانسة أتونق أجاك. |
|
Post: #2
Title: Re: الآنسة أتونق أجاك، ملكة جمال جنوب السودان وصحيفة الأهرام اليوم !! (أطمع في توضيح)
Author: الطيب رحمه قريمان
Date: 08-16-2010, 12:04 PM
Parent: #1
الأستاذ عبدا لقادر محمد
لك التحية ورمضان كريم
المدعو الهندي هذا و "يشرك و يحاحى " فتارة يقيم برنامجا لدعم الوحدة و تارة يهدد الجنوبيين انه و في حالة إعلان الانفصال فسوف يطرد الشماليون أهل الجنوب من الشمال , وقبل ذلك طالب بحجب هذا الموقع و فهذا الرجل لا يدرى ما يفعل ده زول "خموم" .
|
Post: #4
Title: Re: الآنسة أتونق أجاك، ملكة جمال جنوب السودان وصحيفة الأهرام اليوم !! (أطمع في توضيح)
Author: عبد القادر محمد
Date: 08-16-2010, 01:03 PM
Parent: #2
الاستاذ الطيب ، تحية وشكر للحضور ...
في الاول ، كدي نفهم الحاصل شنو في الموضوع دا .
فـ إذا في زول وضح لينا الحاصل ، يكون عمل فينا فايدة.
بعداك نجي نتكلم في الأمور التانية ، رغم قناعتي باهميتها.
|
Post: #3
Title: Re: الآنسة أتونق أجاك، ملكة جمال جنوب السودان وصحيفة الأهرام اليوم !! (أطمع في توضيح)
Author: عبد القادر محمد
Date: 08-16-2010, 12:14 PM
Parent: #1
القصة ومافيها ، أنا محتاج أفهم الحاصل شنو؟
من ناحية بتاعت تناول أخبار ، ومصداقية مهنية وكدا
لأنو قبل كم يوم كدا الجريدة دي كان عامله هيصة بي الموضوع بتاع أتونق دا
فـ لو في زول من الأهرام اليوم هنا يفهمنا الحاصل شنو ؟
|
Post: #5
Title: Re: الآنسة أتونق أجاك، ملكة جمال جنوب السودان وصحيفة الأهرام اليوم !! (أطمع في توضيح)
Author: cantona_1
Date: 08-16-2010, 01:11 PM
Parent: #3
يا ناس إنتو مشغولين بالهندي عز الدين كدا ليه؟ هو ما معبركم ولا جايب خبركم. أنسوه نساه الله في الدنيا والآخرة. لو الوحدة بتجي بنوع الهندي دا ياها الما جايا .. وكان الإنفصال بكون للهندي فيهو دور رئيسي فإطمئنوا الوحدة جاية. ما تعملوا للعنابر قنابر ولا للقطية سبلوقة. المشتهي الحوت يموت..والمشتهي لوبا عفن يندفن.
كباشي الصافي
|
Post: #6
Title: Re: الآنسة أتونق أجاك، ملكة جمال جنوب السودان وصحيفة الأهرام اليوم !! (أطمع في توضيح)
Author: عبد القادر محمد
Date: 08-16-2010, 01:31 PM
Parent: #5
كباشي سلام ...
الحكاية وما فيها، أنا كـ (قارئ) ومتابع للصحف اليومية بالخرطوم ، محتاج أعرف منو البستاهل أدفع ليهو الالف جنيه بتاعتي البتجي بعد تعب وشقاوة دي ! ، وياتو جريدة أقراها وأنا مطمئن علي انو الأخبار الفيها دي كلها حقيقية!
لحدي هسي أنا ما عاوز اقول انو الجريدة المذكورة فوق دي (كضابة) لكن كمان محتاج أعرف الحقيقة عشان أقدر أحكم . وأقرر هل تاني أشتريها ولا لأ ؟
ما محتاج اشتري جريدة الليلة وأقرا الكلام الفيها يا مؤمن يا مصدق .. بكرة أطلع مخدوع!
|
|