Post: #1 Title: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-15-2010, 02:18 PM
Post: #2 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-15-2010, 02:25 PM Parent: #1
العديد من الأصدقاء إتصلوا يسألون عن غياب المنتدى في الفترة الماضية
والحقيقة كان النشاط قد توقف بسبب منافسات كأس العالم
كما ان لجنة المُنتدى لجنة طوعية ...
من شركات مُختلفة ...إنتظرنا حتى إكتمالها مرة أخرى
وها نحن نعود ...آملين في إسهام مُفيد في حراك بلادنا الثقافي
Post: #3 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-15-2010, 02:32 PM Parent: #2
هذه المرة سيكون المُنتدى في النادي الألماني بالعمارات شارع 1 إستجابة من المنتدى لدعوة إدارة النادي الكريمة
عشرون بطاقة دخول أستطيع توفيرها لعضوية المنبر
الرجاء إرسال رسالة على البريد الإلكتروني للمنتدى
أو الإتصال على الرقم 444163 بحري من الساعة الرابعة وحتى الخامسة من عصر الغد الإثنين الموافق 16/ 8
Post: #4 Title: Re: في ربيع الحُب كُنا ...منتدى دال الثقافي ( توثيق مصور ) Author: كمال سالم Date: 08-15-2010, 03:09 PM Parent: #3
ومعاك متابعين وقد كنا فى ذلك الربيع نمتلئ بالحب ,, رمضان كريم يازول ياجميل ,,
Post: #5 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-15-2010, 03:14 PM Parent: #4
Quote: ومعاك متابعين وقد كنا فى ذلك الربيع نمتلئ بالحب ,, رمضان كريم يازول ياجميل ,,
تمنيت ياكمال أن يصادف مرورك بالسودان فعالية من فعاليات المنتدى
لكن حظنا كعب
الله أكرم ياصديقي
تحياتي لكل الأحباب بالدوحة الجميلة
Post: #6 Title: Re: في ربيع الحُب كُنا ...منتدى دال الثقافي ( توثيق مصور ) Author: Hadeer Alzain Date: 08-15-2010, 03:47 PM Parent: #5
Quote: في ربيع الحُب كُنا ... منتدى دال الثقافي
بالتوفيق يا عشاري ورمضان كريم عليكم
Post: #7 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-16-2010, 09:17 AM Parent: #6
Quote: بالتوفيق يا عشاري ورمضان كريم عليكم
سلامات ياهدير
الله اكرم
شاكر للمرور والتمنيات اللطيفة
Post: #8 Title: Re: في ربيع الحُب كُنا ...منتدى دال الثقافي ( توثيق مصور ) Author: Hussein Mallasi Date: 08-16-2010, 09:42 AM Parent: #7
لا بأس.
Post: #9 Title: Re: في ربيع الحُب كُنا ...منتدى دال الثقافي ( توثيق مصور ) Author: Tabaldina Date: 08-16-2010, 10:03 AM Parent: #7
.. . سلام الحجز بالافراد ولا بالطاولات لو ممكن طاولة بـ 5 اشخاص ..
العشاء كيف ؟؟؟
----------------
ممكن طلب اخير لو انت مقدم البرنامج ممكن تكون شوربة علينا
Post: #10 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-16-2010, 11:42 AM Parent: #9
Quote: شوربة علينا
ياتبلدينا
دي مافهمتها
لكن العشاء هين ...تعال بس
Post: #11 Title: Re: في ربيع الحُب كُنا ...منتدى دال الثقافي ( توثيق مصور ) Author: محمد عبد الماجد الصايم Date: 08-16-2010, 11:47 AM Parent: #10
الولد دا متين كبر وبقى يقدّم في المنتديات؟!
_ رمضان كريم يا عمكـ! تصوموا وتفطروا على خير!
_ تحياتي ليعقوب محمد عبد الماجد!
Post: #12 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-16-2010, 11:47 AM Parent: #9
Quote: لا بأس.
جاي يازول
منها تنتقد سيد خليفة ده شوية :)
Post: #13 Title: Re: في ربيع الحُب كُنا ...منتدى دال الثقافي ( توثيق مصور ) Author: Hussein Mallasi Date: 08-16-2010, 11:57 AM Parent: #12
Quote: منها تنتقد سيد خليفة ده شوية :)
سيد خليفة فوق النقد.
Post: #14 Title: Re: في ربيع الحُب كُنا ...منتدى دال الثقافي ( توثيق مصور ) Author: حسن إبراهيم خليفة Date: 08-16-2010, 12:12 PM Parent: #13
شكراأخي عشاري على هذا البوست وهذا الإحتفاء بالفنان القامة سيد خليفة عليه رحمة الله.
وأتمنى لكم قضاء سهرة رمضانية ممتعة مع الصوت الرائع أخي وصديقي الفنان ياسر عبد الوهاب
ولو أخرتوها شوية كان بنحضرها معاكم لكن للأسف حضورنا للسودان ح يكون يوم 18/8/2010م.
وإن شاء الله نقدر نشوفها مقاطع فيديو لوأمكن في الموقع ، لكم التحية وأنتم توثقون وتكرمون هذا
الفنان الرائع ، رحم الله أبو منتصر وأسكنه فسيح جناته.
Post: #15 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-16-2010, 12:37 PM Parent: #14
Quote: الولد دا متين كبر وبقى يقدّم في المنتديات؟!
والله اخوك لو إتفرغ
السر قدور ذاتو مابنافس
رمضان كريم مع صيام السعودية الكلو مكيفات ده ...نص الأجر مابطال معاكم
Post: #60 Title: Re: في ربيع الحُب كُنا ...منتدى دال الثقافي ( توثيق مصور ) Author: بكرى خليفة صديق Date: 08-19-2010, 04:05 PM Parent: #2
عودا حميدا منتدى دال الثقافى ورمضان كريم يا عمر عشارى .
Post: #16 Title: Re: في ربيع الحُب كُنا ...منتدى دال الثقافي ( توثيق مصور ) Author: Adil Osman Date: 08-16-2010, 01:59 PM Parent: #1
امسية جميلة ارجوها لكم. ارجو يا عشاري ان تلفت نظر مصمم البوستر الى خطأ طباعة كلمة (يقدمها) في السطر:
Quote: مع نماذج غنائية (يقدهمها) الفنان: ياسر عبد الوهاب
تحياتي للفنان عماد عبدالله إن كان هو الذي صمم البوستر.
من هو الدكتور يعقوب محمد عبدالماجد؟ هل هو ناقد موسيقي/غنائي؟
Post: #17 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-16-2010, 03:21 PM Parent: #16
Quote: ارجو يا عشاري ان تلفت نظر مصمم البوستر الى خطأ طباعة كلمة (يقدمها) في السطر:
عادل عثمان
سلامات ياصديقي
شكرا جزيلا على لفت نظرنا للخطأ لم انتبه له إلا بعد إشارتك له
يبدو ان رمضان قد داهم الأخوة في التصميم
طبعا معينات العمل مافي طريقة ليها في نهارات الشهر الفضيل
أما الدكتور يعقوب إن كان هذا يزيد من إثارة الموضوع فهو طبيب نساء وتوليد
إلا أنه غزير المعرفة ومعروف بحبه للمجال الفني
ويُقال أنه أفضل من يتحدث عن سيد خليفة
شكرا لمرورك وتعليقك المفيد
أغلب تصاميم كروت المنتديات الثقافية بدال يقوم بها الأخ الفنان / عماد عبد الله
إلا أنني لا أدري بخصوص التصميم أعلاه
Post: #18 Title: Re: في ربيع الحُب كُنا ...منتدى دال الثقافي ( توثيق مصور ) Author: طارق جبريل Date: 08-16-2010, 03:25 PM Parent: #17
هسي نجي اجازة توقفوا الحاجات السمحة دي
تليشة: اها ناسي الفي الماسنجر عرفتهم
Post: #19 Title: Re: في ربيع الحُب كُنا ...منتدى دال الثقافي ( توثيق مصور ) Author: Adil Osman Date: 08-16-2010, 05:32 PM Parent: #1
Quote: شكرا جزيلا على لفت نظرنا للخطأ لم انتبه له إلا بعد إشارتك له
يبدو ان رمضان قد داهم الأخوة في التصميم
طبعا معينات العمل مافي طريقة ليها في نهارات الشهر الفضيل
ما فهمت كلامك عن معينات العمل في نهار رمضان. عليهم ان يصمموا بوستراتهم بعد افطار رمضان إذن. حين يذهب الظمأ وتبتل العروق ويصعد دخان التبغ أو سوائل الشاي والقهوة الى ادمغتهم المنهكة.
كما انني لم افهم كلامك عن زيادة الاثارة في الموضوع كون الدكتور يعقوب عبد الماجد طبيب نساء وتوليد. ما تقصد بالاثارة؟ ولماذا تزيد الاثارة؟ وما هو الموضوع اصلآ؟
هل ترد يا عمر عشاري على تنبيهي لخطأ الكلمة في البوستر وسؤالي عن الدكتور يعقوب عبد الماجد المتحدث الرئيس في الندوة؟ أم ترد على خيالات في ذهنك ما أدري صلتها بتنبيهي وسؤالي؟
ارجو الا تكون ممن يعطون اذانهم للكاذبين والحاقدين.
Post: #20 Title: Re: في ربيع الحُب كُنا ...منتدى دال الثقافي ( توثيق مصور ) Author: ناذر محمد الخليفة Date: 08-16-2010, 06:27 PM Parent: #19
حضور إنشاء الله يا عشاري ..
جهز التذكرة ..
Post: #21 Title: Re: في ربيع الحُب كُنا ...منتدى دال الثقافي ( توثيق مصور ) Author: Hussein Mallasi Date: 08-16-2010, 08:06 PM Parent: #20
Quote: كما انني لم افهم كلامك عن زيادة الاثارة في الموضوع كون الدكتور يعقوب عبد الماجد طبيب نساء وتوليد. ما تقصد بالاثارة؟ ولماذا تزيد الاثارة؟ وما هو الموضوع اصلآ؟
هل ترد يا عمر عشاري على تنبيهي لخطأ الكلمة في البوستر وسؤالي عن الدكتور يعقوب عبد الماجد المتحدث الرئيس في الندوة؟ أم ترد على خيالات في ذهنك ما أدري صلتها بتنبيهي وسؤالي؟
ارجو الا تكون ممن يعطون اذانهم للكاذبين والحاقدين.
Post: #22 Title: Re: في ربيع الحُب كُنا ...منتدى دال الثقافي ( توثيق مصور ) Author: Emad Abdulla Date: 08-17-2010, 05:30 AM Parent: #21
تحيات يا حاج و رمضانك كريم ..
شاكر للأخ عادل عثمان تنبيهي للخطأ الوارد في الدعوة .. معليش .. دقسة رمضانية . لحقناها غايتو في باقي المطبوعات المصاحبة .
حاج عمر ياخي كان في رمضان ده عفيتونا من النقه الكتيرة و بهلتوا لينا الغنا يكون كتر خيركم .. سيد خليفة كنوزو ماليها حد و لا عد .. فبالله كتروا لينا منها قدر ما الله اداكم .
مشكور يا حاج .. و صيام مقبول إن شا الله .
Post: #23 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-17-2010, 06:27 AM Parent: #22
Quote: حضور إنشاء الله يا عشاري ..
جهز التذكرة ..
ناذر
سلامات تذكرتك جاااهزة
تشرف ياصديقي
Post: #24 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-17-2010, 07:02 AM Parent: #23
Quote: ما فهمت كلامك عن معينات العمل في نهار رمضان. عليهم ان يصمموا بوستراتهم بعد افطار رمضان إذن. حين يذهب الظمأ وتبتل العروق ويصعد دخان التبغ أو سوائل الشاي والقهوة الى ادمغتهم المنهكة.
كما انني لم افهم كلامك عن زيادة الاثارة في الموضوع كون الدكتور يعقوب عبد الماجد طبيب نساء وتوليد. ما تقصد بالاثارة؟ ولماذا تزيد الاثارة؟ وما هو الموضوع اصلآ؟
هل ترد يا عمر عشاري على تنبيهي لخطأ الكلمة في البوستر وسؤالي عن الدكتور يعقوب عبد الماجد المتحدث الرئيس في الندوة؟ أم ترد على خيالات في ذهنك ما أدري صلتها بتنبيهي وسؤالي؟
ارجو الا تكون ممن يعطون اذانهم للكاذبين والحاقدين.
عادل
انا في أسوأ كوابيسي لم يعبرني خاطر أن ردي أعلاه يمكن أن يُغضب أي أحد
وعندما أعدت قراءة ماكتبت ...تخيلتني انت ...ثم إستعنت ببالغ سوء الظن ...وإفترضت في عمر عشاري هذا المرض والغرض وخبث الطوية وبشاعة النية وسوء الأدب فلم اجد اليه مدخلاً ...وما وجدت في حديثه مايُغضبني كعادل عثمان
ثم أعدت قراءة رده - عمر عشاري - هذا بإفتراض معارك قديمة أو ردود جاوزت الأدب في يوم ما ...فلما بحثت في ذلك لم أجد مايعينني كعادل على ماذهبت اليه
ثم قرأته ثالثا بصورة مطلقة إن كان فيه مايُغضب مستعينا بنفس مُعقدة وحراق روح ونزوع فطري تجاه الشجار وتحويل أي حديث عادى ( او لطيف ) كما كنت احسب إلى معركة مُضحكة ...فوجدت أن عمادا يمكنه في هذه الحالة أن يغضب ذلك أنني أشرت أنه يقضي رمضان بلا معينات ثم نظرت إلى كل ذلك وضحكت من نفسي وإستغربت أيما إستغراب فيك ثم تبسمت وانا أقرأ ردك المسكين
وودت لو سألتك عن كيف يمكنني الرد عليك بألطف مما رددت ؟
ثم من هم الكاذبين وفيما يمكن ان يكذبوا ؟ ومن هم الحاقدين وعلى ماذا يمكن أن يحقدوا؟
أخيراً اتفقنا .. الفرق الوحيد أنه تبسم بينما قهقهت.
Post: #27 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-17-2010, 07:40 AM Parent: #26
Quote: هسي نجي اجازة توقفوا الحاجات السمحة دي
تليشة: اها ناسي الفي الماسنجر عرفتهم
طارق جبريل
سلامات ياصديقي
كلمنا قبل ماتجي بفترة نعمل ليك واحد مخصوص
الناس ماعرفتهم ياطارق
الشركة بقت كبيرة جدا
أكتر من 5000 موظف بالمجموعة
لكن لازم اتعرف عليهم واحد واحد إن شاء الله
Post: #28 Title: Re: في ربيع الحُب كُنا ...منتدى دال الثقافي ( توثيق مصور ) Author: Tabaldina Date: 08-17-2010, 07:45 AM Parent: #27
.. . سلام يا عشارى ..
خلينا من العشاء انا بتكلم عن البريستيج يعنى الجلسة طاولة ولا كراسى ؟؟ ودا يعتبر حجز ولا اتصل تانى للحجز .. ؟؟ ( جهجة BNT ما بتنفع معانا )
-------------
اها وبرضو العشاء كيف ؟؟
Post: #29 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-17-2010, 07:47 AM Parent: #27
Quote: تحيات يا حاج و رمضانك كريم ..
شاكر للأخ عادل عثمان تنبيهي للخطأ الوارد في الدعوة .. معليش .. دقسة رمضانية . لحقناها غايتو في باقي المطبوعات المصاحبة .
حاج عمر ياخي كان في رمضان ده عفيتونا من النقه الكتيرة و بهلتوا لينا الغنا يكون كتر خيركم .. سيد خليفة كنوزو ماليها حد و لا عد .. فبالله كتروا لينا منها قدر ما الله اداكم .
مشكور يا حاج .. و صيام مقبول إن شا الله .
عماد يا أخوي
يعني إنت مازعلان ؟
وكمان انا مشكور
وتمنيات بصيام مقبول كمان
ماهو يا إنت مابتعرف تزعل
ولا انا مابعرف أقرأ ولا أكتب
ولا عادل ده مهكر
ياجماعة
الفضول الآن أكبر من الجوع والعطش وتحليل ماحدث
اهم من كباية شاي
Post: #30 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-17-2010, 07:51 AM Parent: #29
Quote: سلام يا عشارى ..
خلينا من العشاء انا بتكلم عن البريستيج يعنى الجلسة طاولة ولا كراسى ؟؟ ودا يعتبر حجز ولا اتصل تانى للحجز .. ؟؟ ( جهجة BNT ما بتنفع معانا )
-------------
اها وبرضو العشاء كيف ؟؟
تبلدينا ياصديقي
ده يُعتبر حجز
معاك زول تاني ولابراك ؟
العشاء على حسابي
نظام القعده ترابيز وكراسي
Post: #31 Title: Re: في ربيع الحُب كُنا ...منتدى دال الثقافي ( توثيق مصور ) Author: Tabaldina Date: 08-17-2010, 07:55 AM Parent: #30
Post: #32 Title: Re: في ربيع الحُب كُنا ...منتدى دال الثقافي ( توثيق مصور ) Author: محمد عبد الماجد الصايم Date: 08-17-2010, 08:02 AM Parent: #29
عُشاري .. إنت بتصوم يومين يومين ولّ كيف؟
Quote: الولد دا متين كبر وبقى يقدّم في المنتديات؟!
Quote: د. يعقوب محمد عبد الماجد!
Quote: والله اخوك لو إتفرغ السر قدور ذاتو مابنافس
محمد عبد الماجد الصايم
Post: #33 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-17-2010, 08:06 AM Parent: #32
Quote: عُشاري .. إنت بتصوم يومين يومين ولّ كيف؟
Quote: الولد دا متين كبر وبقى يقدّم في المنتديات؟!
Quote: د. يعقوب محمد عبد الماجد!
Quote: والله اخوك لو إتفرغ السر قدور ذاتو مابنافس
محمد عبد الماجد الصايم
ياخ في الماسنجر ...في الماسنجر الداخلي ياخ
لازم تطلعنا مانبيهين يعني
غتيت
مشتاقين والله ياعمك
Post: #34 Title: Re: في ربيع الحُب كُنا ...منتدى دال الثقافي ( توثيق مصور ) Author: Tabaldina Date: 08-17-2010, 08:11 AM Parent: #33
.. .
------------
حلوة وملعوبة يا ود ..... الصايم
Post: #35 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-17-2010, 08:36 AM Parent: #34
Quote: أخيراً اتفقنا .. الفرق الوحيد أنه تبسم بينما قهقهت.
ملاسي ماهو السر في رد الفعل الغريب ده من الأخ عادل عثمان ؟
والله سودانيز أون لاين ده شكلوا بالجد داير خبرة
Post: #36 Title: Re: في ربيع الحُب كُنا ...منتدى دال الثقافي ( توثيق مصور ) Author: محمد عبد الماجد الصايم Date: 08-17-2010, 08:39 AM Parent: #35
يعني إنت وعماد عبد الله بس الصايمين!!
_ بالأكتر والله يا عمكـ!!
_ تبلديكم .. الصيام كيف معاكـ ياخ!! الواحد شفقان عليكـ يعلم الله!
Post: #43 Title: Re: في ربيع الحُب كُنا ...منتدى دال الثقافي ( توثيق مصور ) Author: Tabaldina Date: 08-17-2010, 10:10 AM Parent: #36
.. .
Quote: تبلديكم .. الصيام كيف معاكـ ياخ!! الواحد شفقان عليكـ يعلم الله
الصيام صيام الروح يا عمكـ .. ما كل شحمان صوام ولا كل نحفان جالدو ..
------------
نشكركم ومنتدى دال لاهتمامكم ..
اها انت كيف ؟؟
Post: #37 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-17-2010, 08:40 AM Parent: #35
Quote: حلوة وملعوبة يا ود ..... الصايم
تبلدينا
ياخ أمسك البطاقات في يدك اول حاجة
Post: #38 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-17-2010, 08:47 AM Parent: #35
كل من إتصل أو قام بالحجز
سيجدبطاقات الدعوة بإسمه في بوابة النادي الألماني
شكرا لقبولكم دعوة منتدى دال الثقافي
Post: #39 Title: Re: في ربيع الحُب كُنا ...منتدى دال الثقافي ( توثيق مصور ) Author: Osama Siddig Date: 08-17-2010, 09:02 AM Parent: #38
رمضان كريم للجميع , و تقبل الله طاعاتكم جميعا
حقيقة ذهلت لمداخلة عادل عثمان و كتابته فى حق الأخ الخلوق عمر عشــارى (لست هنا فى موقع الواعظ) و لكنها كلمات يجب أن تقال.
أنا هنا غير مدفوع بزمالتى لعمر فى العمل, و لكن الحق يقال أن عمرا شخصا تحترمه حتى و ان اختلفت معه فى الرأى.
عزيزى عمر, لا عليك كن عمرا الذى نعرف.
لك كل الود
Post: #40 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-17-2010, 09:20 AM Parent: #39
Quote: تبلديكم .. الصيام كيف معاكـ ياخ!! الواحد شفقان عليكـ يعلم الله
ود الصايم
الزول ده بجهز لتاني يوم بكل جدية
ليهو يومين بسأل من العشاء
Post: #41 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-17-2010, 09:28 AM Parent: #39
Quote: عزيزى عمر, لا عليك كن عمرا الذى نعرف.
لك كل الود
يا أسامة ياخ كتر خيرك
ريحتني الله يريحك
والله أنا بديت أقتنع إني عملت حاجة غلط ...ياخ الزول ده لمن شبكني
ماهي الإثارة ؟ ومالذي يجعل الموضوع أكثر إثارة ؟ وشنو كده مابعرفو قصدك شنو بكلمة إثاره
أنا حسيت بنفسي قليل الأدب عديل
ماهو انا الجبت الكلمة دي وكان قصدي إنو طبيب بشري في موضع النقد الفني بتدي الموضوع نكهة في ظل وجود عمالقة النقد الفني ...وحبة مُبالغة كده
على وزن تعالوا لهذه الندوة المثيرة ...ترويج وكده بس
أسامة إنت عارف حاجة داسيها مني بخصوص الرد دة
غايتو
كتر خيرك على الكلام الطيب
هي الدنيا دي شنو غير كلام طيب
Post: #42 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-17-2010, 09:38 AM Parent: #41
Quote: شكراأخي عشاري على هذا البوست وهذا الإحتفاء بالفنان القامة سيد خليفة عليه رحمة الله.
وأتمنى لكم قضاء سهرة رمضانية ممتعة مع الصوت الرائع أخي وصديقي الفنان ياسر عبد الوهاب
ولو أخرتوها شوية كان بنحضرها معاكم لكن للأسف حضورنا للسودان ح يكون يوم 18/8/2010م.
وإن شاء الله نقدر نشوفها مقاطع فيديو لوأمكن في الموقع ، لكم التحية وأنتم توثقون وتكرمون هذا
الفنان الرائع ، رحم الله أبو منتصر وأسكنه فسيح جناته.
الأخ العزيز
حسن إبراهيم خليفة
سلامات
سمعت من بعض الناس أن ياسر عبد الوهاب أفضل من يُغني لسيد خليفة
كنت اتمنى وجودك وانت أحد عشاق الراحل الفنان سيد خليفة
على كل حال
منتدانا القادم عن عائشة الفلاتية
أرجو أن تتصل بي بمجرد حضورك لتجهيز بطاقات الدعوة والتشرف بمعرفتك ياحسن
شكرا على تمنياتك الطيبة
Post: #44 Title: Re: في ربيع الحُب كُنا ...منتدى دال الثقافي ( توثيق مصور ) Author: بكري عباس علي Date: 08-17-2010, 10:19 AM Parent: #42
عمر عشاري
رمضان كريم
ياخي ياسر عبد الوهاب ده لمن يغني لسيد خليفة اغنية يا صوتها انا بدخل في غيبوبة وجدانية
رجاء وطلب خاص خلوه يغنيها ليكم و سجلوها لينا هنا
تحياتي
Post: #45 Title: Re: في ربيع الحُب كُنا ...منتدى دال الثقافي ( توثيق مصور ) Author: حسن إبراهيم خليفة Date: 08-17-2010, 11:03 AM Parent: #44
نتمنى ليكم سهرة لطيفة يا عمر.
بس قول لي ياسر أوع تاخذ عداد في السهرة دي.
وإلا حاأوديك المصنفات وأكلم ليك منتصرهههههههههه.
ياسر رجل فنان وذو طبع مرهف ومجامل وبيعشق سيد خليفة بصورة ما عادية.
عشان كده صوته فيهو حنين وشجن ذي أبو السيد بالضبط.
وإن شاء الله ح نحضر حلقة عائشة الفلاتية.
تحياتي
Post: #46 Title: Re: في ربيع الحُب كُنا ...منتدى دال الثقافي ( توثيق مصور ) Author: Adil Osman Date: 08-17-2010, 11:08 AM Parent: #1
الاخ عمر عشاري سلامات ياخي انا كتبت تعليق لم يعجبك. لماذا لم تسألني مباشرة في استيضاح تعليقي؟
انا قرأت ردك على سؤالي وتنبيهي للخطأ في البوستر وفهمته على قدر عقلي. اعتذر لك إن كنت رأيت في ردي سوء ظن بكتابتك. واللغة كما تعلم تقبل التأويل والتفسير. ولا يعتد بحسن النوايا في هذه الحالة. على كل حال اعتبرني مجنونآ كما يرى ملاسي. وهذه صورة حديثة لي في انقلتره يوم السبت 14 اغسطس 2010 الا يبدو على ملامحي الجنون؟ من اوهامي اننى مبدع، والابداع قرين الجنون احيانآ.
آسف يا عمر عشاري اشد الأسف. لو قادك فضولك الآن الى البحث عن الحقيقة ستجدني من اكثر الناس سعادة. فأنت شاب مجتهد ومثقف ويرجى منك الكثير.
Post: #47 Title: Re: في ربيع الحُب كُنا ...منتدى دال الثقافي ( توثيق مصور ) Author: Hussein Mallasi Date: 08-17-2010, 11:23 AM Parent: #46
و لما لم يجد سبيلاً في البوست لصور قوقل أتى بصورته .. فتأمل!!
Post: #49 Title: Re: في ربيع الحُب كُنا ...منتدى دال الثقافي ( توثيق مصور ) Author: عمر عشاري Date: 08-17-2010, 11:48 AM Parent: #47
Quote: الا يبدو على ملامحي الجنون؟
بل يبدو على ملامحك رصانة ورزانة ياعادل
وتابعتك في الكثير من المداخلات في البورد وخامرني إحساس بأنني أعرفك
فجعتني مداخلتك التي وجدتها هذا الصباح وكنت لما قرأت إسمك لم أشك للحظة أنها مُداخلة تصب في صالح الخير والنقاش الموضوعي فلما قراتها أحزنتني والله ياعادل هكذا بلا مبالغات
حزن محض ...ومحض حُزن وسألت نفسي
ماذا أصاب الناس ومن أين تأتيهم شهوة العراك
عراك مجاني ليس له مايسنده هذا المنبر ملئ بالناس المستعدين دوما للخصام والشجار والسباب وأنا ياعادل لو قرأت كل مداخلاتي لن تجد إساءة واحدة ...إطلاقا
أُفكر قبل أن أكتب ...
على كل حال
إن كان مافات يفرق بين الناس فهذا يعني ان ماكتبته مجرد شعارات
أنا صافي القلب تجاهك وسعيد بكلماتك في حقي التي أتمنى ان أستحقها حقا
ولك مني الود كامله وعميق الإحترام
Post: #48 Title: Re: في ربيع الحُب كُنا ...منتدى دال الثقافي ( توثيق مصور ) Author: Adil Osman Date: 08-17-2010, 11:34 AM Parent: #1
Post: #50 Title: Re: في ربيع الحُب كُنا ...منتدى دال الثقافي ( توثيق مصور ) Author: Adil Osman Date: 08-17-2010, 02:28 PM Parent: #48
يا عمر عشاري سلام استوضحتك. فاوضحت. وبان لي ما كان ملتبسآ. اشكرك. واتمنى لك التوفيق والتقدم في كل خير وعمل نزيه تمنحه عقلك وقلبك. تداخلت معك كثيرآ. ولا اعرفك شخصيآ. ما بالضرورة ان اعرف كاتبآ هنا شخصيآ حتى اتداخل معه. فأنا لست من انصار الشلليات والعصابات.
اعتذر لك. وما في قلبي إلا الخير. نشاطات مجموعة دال جميلة وتستحق المتابعة والتشجيع. وما التنبيه الى خطأ هنا أو هناك إلا سعيآ نحو الاجادة والتجويد والتفوق. حيث لا مقياس يا سودان إلا الكمال. ليتني كنت في الخرطوم. كنت حضرت هذه النشاطات. فهى تضيف الى الوعي والاستنارة والترفيه في البلاد.
Post: #51 Title: Re: في ربيع الحُب كُنا ...منتدى دال الثقافي ( توثيق مصور ) Author: Emad Abdulla Date: 08-18-2010, 06:10 AM Parent: #50
صباح الخيرات يا حاج .. يا محمد معتصم و عوض الله و ابونا القدال .. و ناس اللجنة كلهم .. صباح الخير يا فتحي .. شفتوا الصباح ده كيف ؟؟ .. بديع ياخ .
نجي للجد .. و بدون الدخول في تفاصيل مشربكة .. إختيار مركز نشاط اجتماعي زي النادي الالماني ما كان شي موفق منكم .. كانت عضوية النادي ، بتمارس فعالياتها الاجتماعية الرمضانية في نفس المكان المقامة فيهو الندوة .. رغم حضورهم الراقي و هادي .. إلا إنه الأمر كان زي : يا نحنا مضايقين حضورهم اليومي و إلفتهم الإجتماعية .. يا هم مضايقننا بعدم تركيزهم معانا . المهم إنه الشغلانة إنبهلت و رخت .. و ترهلت . افتقدنا بسبب ذلك التركيز و التفاعل حقنا المعتاد في ندواتنا السابقات مع الندوة و منصتها ، و اللي كان بيحصل مثلا في كيكس او في الاوديتوريم .. و المكانين متوفرة فيهم شروط ندوة للسمع و التلقي و المتعة . الاخ المغني ( حسو ما كان مطرّق كويس ) .. قال زول قدامنا . جنبي الطيب بشير الاديب الجميل قال لي : الزول ده رمضان قام بيهو .. اداؤه احسن من كده كتير . الدكتور مقدم الندوة كان سلس في سرده التاريخي المختصر و مباشر لمسيرة سيد خليفة .. وبس !! اقصد ما كان في اي مجهود نقدي و لا تحليلي لمنتوج سيد خليفة الغنائي و الموسيقي .. ( يمكن كان محتاج زول يسندوا من العارفين بالموسيقى أو نقادها .. يمكن ) .. و ده خلانا نطلع بدون ما تضيف لينا الندوة معلومة جديدة غايبة كانت عن الناس المهتمة بفن ابو السيد .. الكنجست كان زول متمكن و حلو .. قال الحضور : الكمنجة الواحدة اضافت سحر ناعم و مريح علي الغنا . النخلة في الخلفية .. و الضو الواقع عليها ، قال عوض الله بشير : اللهم يا سلام .. شغل رباني بديع ظبط المسرح .
المهم .. نهاية النقة الطويلة دي : يا ريت ياريت تاني ما تمرقونا في الفعاليات الجاية من " بطن بيتنا " .. قالت الفلاتية : ( الدار الما داري انا مالي بيه .. البلد الما حقي ما بمشي ليه ) . يا كمان اختاروا المكان المحصور و مهيأ و معَد كويس .. و فيهو شروط استماع و انصات معقولة . ذلك مع احترامي لادارة الالماني و مبادرتها الطيبة في الإسهام الشراكة الثقافية دي .
............. ثم الله يرضي عليكم كمان المكان الجايي .. ما يكون فيهو ناس سمحين يتمشوا حوالين المسرج ، بيجهجهوا انتباهنا ياخي .. مشكور يا حاج علي مجهودكم الطيب ..
فيفا دال .
Post: #52 Title: Re: في ربيع الحُب كُنا ...منتدى دال الثقافي ( توثيق مصور ) Author: Hussein Mallasi Date: 08-18-2010, 07:40 AM Parent: #51
ليلة لا بأس بها إلا أن الحضور كان ضعيفاً للغاية؛ لولا حضور بعض أعضاء النادي و ناس الدبيبة و تبلدينا لما زاد العدد عن الدستة!
______ حتى ناس الجلد و الراس تسربوا لحضور ليلة تماضر!!
Post: #53 Title: Re: في ربيع الحُب كُنا ...منتدى دال الثقافي ( توثيق مصور ) Author: Hussein Mallasi Date: 08-18-2010, 08:08 AM Parent: #52
Quote: إختيار مركز نشاط اجتماعي زي النادي الالماني ما كان شي موفق منكم
Quote: و ده خلانا نطلع بدون ما تضيف لينا الندوة معلومة جديدة غايبة كانت عن الناس المهتمة بفن ابو السيد
بل هو الأمر الأكثر توفيقاً؛ و قد أتاح ذلك لمن لا يرغب في الاستماع ليعقوب أن يفعل؛ بينما سيضطر المرء؛ إن كانت الفعالية في كيكس أو الاوديتوريم؛ للاستماع لما يرغب و ما لا يرغب.
Post: #54 Title: Re: في ربيع الحُب كُنا ...منتدى دال الثقافي ( توثيق مصور ) Author: Hussein Mallasi Date: 08-18-2010, 08:17 AM Parent: #53
Quote: الشركة بقت كبيرة جدا أكتر من 5000 موظف بالمجموعة
Quote: الحضور كان ضعيفاً للغاية؛ لولا حضور بعض أعضاء النادي و ناس الدبيبة و تبلدينا لما زاد العدد عن الدستة!
Post: #55 Title: Re: في ربيع الحُب كُنا ...منتدى دال الثقافي ( توثيق مصور ) Author: Tabaldina Date: 08-18-2010, 09:00 AM Parent: #54
.. .
Quote: كانت عضوية النادي ، بتمارس فعالياتها الاجتماعية الرمضانية في نفس المكان المقامة فيهو الندوة .. رغم حضورهم الراقي و هادي ..
هذاالحضور الراقي .. الهادئ هو ما اعطى الليلة رونقها وتميزها ..وروعتها
-----------------
وجمال العابرين زاد ما جمال الأمسية Keep the good work up وشكرا يا عشارى ان جعلت ذلك اليوم رائعا ..
Post: #56 Title: Re: في ربيع الحُب كُنا ...منتدى دال الثقافي ( توثيق مصور ) Author: ناذر محمد الخليفة Date: 08-18-2010, 11:44 AM Parent: #55
سلام عمر ...
Quote: كل من إتصل أو قام بالحجز
سيجدبطاقات الدعوة بإسمه في بوابة النادي الألماني
للأسف يا عمر ما لقيت الدعوة .. بتاع الإستقبال فتش لي إسمي وما لقاهو .. قلت ليهو شكرا جزيلا وداير أمشي ..
ناداني وبكل لطف طلب مني الدخول بعد تسجيل إسمي ..
المهم دخلت وما قدرت أقعد أكتر من تلت ساعة .. لأسباب كتيرة جزء منها ذكرا عماد عبد الله في مداخلتو فوق ..
مقدم البرنامج المذكور لم يكن في مستوى المناسبة بأي حال من الاحوال ..
المهم .. مشكور على الدعوة يا عشاري ..
وما تنسانا في دعوات قادمات ..
Post: #57 Title: Re: في ربيع الحُب كُنا ...منتدى دال الثقافي ( توثيق مصور ) Author: Awadallah Bashir Date: 08-18-2010, 12:44 PM Parent: #51
Quote:
فيفا دال .
Post: #58 Title: Re: في ربيع الحُب كُنا ...منتدى دال الثقافي ( توثيق مصور ) Author: ناذر محمد الخليفة Date: 08-18-2010, 01:53 PM Parent: #57
تبلدينا دا جا يلم الكراسي ولا شنو ؟؟؟!!
Post: #59 Title: Re: في ربيع الحُب كُنا ...منتدى دال الثقافي ( توثيق مصور ) Author: Tabaldina Date: 08-19-2010, 08:04 AM Parent: #58
.. .
Quote: تبلدينا دا جا يلم الكراسي ولا شنو ؟؟؟!!
ابدا يا ناذر اخوكم جاء من قبل ما عشارى يمسك المايك وقبل ووصل السادة السفراء وجمال الوالى وناس الدبيبة .. :)
