موقع جزيرة سمت www.simit.sd يفوز بجائزة أفضل موقع سودانى عام

مع خالص تحايانا لأهلنا بسمت
ورمضانكم كريم

ممكن اعرف الجهة المنحت الجائزة
وايه المعايير الاعتمدت عليها ؟؟

التحية للاهل بجزيرة سمت، وتبارك رمضان اليهم،يصوموا ويفطروا علي
خير.
اجدد،تساؤل قمربوبا،في المعايير التي منحت بها الموقع الريادة
وماهي الجهة المانحة لذلك.
وتفصيل الخبر يكون ذي فائدة ويرتجي.
اشكرك علي نقل الخبر،لانه يعطي ريادة لاهلنا بالجزيرة الوادعة وابنائها البررة.



مودتي واحترامي

www.simit .sd

فاز موقع جزيرة سمت www.simit.sd بجائزة أفضل موقع عام للأفراد على نطاق السودان (.sd)

فى المسابقة التى نظمتها جمعية الإنترنت السودانية بمناسبة

أسبوع الإنترنت الأول فى العاشر من أغسطس الجارى بمبنى برج الإتصالات

العزيز قمر بوبا

رمضانك كريم وتصوم وتفطر على خير

امهلنى حبه بس

بجيب ليك الزبده

دمت

اشتملت المسابقة على ثلاثة محاور:

أفضل موقع للوزارات والمؤسسات والهيئات ،

وأفضل موقع للشركات والمؤسسات الخاصة ،

وأفضل موقع لمؤسسات المجتمع المدني، ثم أفضل موقع عام للأفراد

العزيز الفاضل يسن

تقبل تحيات اهالى سمت فردا فردا

و تقبل دعائهم لك برمضان مريح

ومشكور على المرور


========

التعديل لاقحام فردا التانيه

واستندت لجنة التحكيم على عدد من المعايير من بينها

التصفح والفاعلية والأهمية والابتكار والإبداع والدقة

والتحديث والتنظيم والتجانس والخصوصية

والتصميم ومواكبة التطور والبحث والفهرسة والسرعة.

الأخ خالد شكرا للتوضيح
ورمضانك كريم وشكرا تاني لسعة صدرك

Quote: التصفح والفاعلية والأهمية والابتكار والإبداع والدقة والتحديث والتنظيم والتجانس والخصوصية والتصميم ومواكبة التطور والبحث والفهرسة والسرعة.

طيب معليش مع احترامي للجهد المبذول
لجنة التحكيم فيها فنيين قاموابتقييم الموقع ده هم مختصين وبفهموا في الحاجات المذكوة اعلاه عشان ممكن ننتاولها عنصر عنصر

لأنو انا شخصيا شايف فيها ثغرات من ضمنها ادراج موقع مستقل داخل هذا الموقع،وده قانونيا ليه له توابعه حسب قوانين الملكية الفكرية...دي غير الحاجات التانية

_
شيء يمخول

هل يتبع موقع منظمة نباتا موقع سمت؟

Quote: التصفح والفاعلية

1.التصفح: ده مش معناه كل الابواب او التقسيمات الموجودة شغالة ومفتوحة؟؟
طيب انت عندك المنتدي اصلا ما افتتحته ويمكن المنتدي حيكون مدونة ولا سجل زوار؟؟علي ياتو فرضية اجازوا موضوع التصفح بدون اخطاء كبطيخة مقفولة.
2.الفاعلية : انا ما لاقاني فيه شيء تفاعلي في الموقع ده،لا بورتال اخباري لا سجل زوار ولا فورمة حتي لحصر العضوية ما اظن في اي حاجة تفاعلية.

الاستاذ قمر بوبا

Quote: شيء يمخول

اى شى ولا المخوله

انا لا ادرى اين الثغرات التى تراها ،،،،، اهى موجوده بموقع جزيره سمت

ام اللجنه الفنيه هى التى تعانى من الخلل ،

عموما نحن فى انتظارك لتمدنا بملاحظاتك

ودمت

طيب يا خالد
انا اول شيء زول من المنطقة واتمنيت انو الموقع يفوز بأي جائزة وده الدخلني البوست ،لكن ما اقنعني الانا شفته ولأنو انا زول منطقة فما قدرت امشيها لو كانت منطقة تانية كان حتكون حسب التساهيل.

لكن لو اديتك باقي الملاحظات واقنعتك ممكن ترجعوا للجهة الادتكم الجائزة وتعتذروا عن قبولها...بنفس الشجاعة عايز اسمع رأيك قبل المواصلة

مبدئيا خيرقو لحدي ما اسمع رأيك

Quote: لكن لو اديتك باقي الملاحظات واقنعتك ممكن ترجعوا للجهة الادتكم الجائزة وتعتذروا عن قبولها...بنفس الشجاعة عايز اسمع رأيك قبل المواصلة مبدئيا خيرقو لحدي ما اسمع رأيك

قمر بوبا المحترم

فى البدء نحن لم ندعى الكمال ،،،، ربما الموقع تشوبه بعض الشوائب ( من وجهه نظرك )

ولكن بالمقارنه مع البقيه فهو الافضل او كما يبدوا ،،،، اما بخصوص الجزئيه التى تطالبنا فيها

بارجاع الجائزه ( الدرع ) فارجوك ان تدلنى على الموقع الذى تعتقد انه افضل منى من المنافسين ( وبالدليل) فانا اعدك انى لها .

والشى الاخير : لا ارى سببا تضن به بملاحظاتك علينا ، والتى ربما افادت الموقع وانسانه .

فكلنا ننشد خدمه اراضينا

تحياتى

يحتوى الموقع على نبذة تعريفية عن جزيرة سمت وتوثيق للتراث النوبى والأغانى النوبية

وصور من المنطقة ودليل للمواقع النوبية ذات الصلة ودليل للصحف السودانية

يلة انا نعست..نشوف بكرة لو ربنا هون
مسكا تيق

مبروك أخي عبد الحليم...وشكراً لجهد القائمين على الأمر...
ومبروك أيضاً ل Designed by: Abazer.M.Saeed

____

يا قمر بوبا يا حبيب...ياخي كلنا من كل السودان ده، وبنزعل شديد لمن نلقى حاجة ما ياها...
بس بعتبر الموضوع تشجيع ليس إلا...لأنو لو قمنا بعمل Testing حقيقي لمعظم المواقع السودانية، الفائزة وغير الفائزة
وضمنها هذا الموقع الذي نكتب منه الآن...لطلعت بلاوي متلتلة...
 
أعتبر الموضوع تحفيز، وتشجيع للسياحة الداخلية...وعشان الناس تعرف أنو في منطقة أسمها سمت من الأساس،
وعنوانها على الإنترنت هو http://www.simit.sd

وأحتسب الباقي، ولو ضاقت عليك شديد...أعمل ليك موقع تاني على مزاجك لجزيرة سمت...ما مصيبة كبيرة، موش؟
لكن يمشوا يرجعوا الجائزة!!! ياخي دي كتيرة والله...

تسلم ورمضان كريم...

____________

قبل كدة أنا فزت بجائزة قمة الأرض عام 2003 كانت (200 دولار، وجهاز كمبيوتر) على تصميم موقع مجاني، بصورة طوعية
أستغرق بناؤه ساعتين زمن في مكتب
والكهرباء قاطعة وشغلوا الجنريتر وعيييييييييييييييك من الآلام... لكن لمن جات الجائزة بعد زمن طويل، كانت برداً وسلاماً على قلبي
أتصور أنو ده إحساس الزول العمل الموقع ده الآن...ويستحق التشجيع ، طالما شأن طوعي لا تُرجى منه فائدة ربحية.

أنور معليش بكتب ليك وانا نعسان وبكرة وراي جري شديد
للتوضيح انا من المنطقة لا تعني ان انني من جزيرة سمت..انا من المنطقة النوبية الكبيرة وما عندي صالح انو اعمل موقع بإسمهم
في البداية لما قلت اتمني ليهم فوز حقيقي يعني بحقهم
اتفق معاك انو نشجع الجهد الشخصي والطوعي..لكن الموجود والمطروح حتي الآن هنالك من يستحق هذه الجائزة وعن جدارة واقتدار بكل المعايير السابقة
وانا لما اتكلم عن ارجاع الجائزة اعني ان نرفع مقداراتنا قي تقبل حقائق عن ضعفنا كأشخاص نقدم عمل وعن جهات تقييم اعمالنا ولا تمتلك ادني المقومات لتقوم بمثل هذا العمل.
انا قاعد في السودان وعارف كيف تدار الامور تماما ،وممكن كان اهني اهلي ديل من سكات وامشي أو ما ادخل البوست من اساسه
لكن فكرة الجائزة دي في رأيك بتجهض كم حلم شخص مقتدر ومبدع لما يلقي عمل زي ده الفائز وبكرة لو ربنا مد في الاجال بجيب ليك نماذج

رمضان كريم يا انور وتصوم وتفطر علي خير ونتلاقي قدام ...مداوم كمان كم ساعة.


_
الاخ خالد تأكد من شيء واحد هو انني اتمني موقع سمت في حلة زاهية ويفتخر القائمون علي امره

Quote: أنور معليش بكتب ليك وانا نعسان وبكرة وراي جري شديد للتوضيح انا من المنطقة لا تعني ان انني من جزيرة سمت..انا من المنطقة النوبية الكبيرة وما عندي صالح انو اعمل موقع بإسمهم في البداية لما قلت اتمني ليهم فوز حقيقي يعني بحقهم اتفق معاك انو نشجع الجهد الشخصي والطوعي..لكن الموجود والمطروح حتي الآن هنالك من يستحق هذه الجائزة وعن جدارة واقتدار بكل المعايير السابقة وانا لما اتكلم عن ارجاع الجائزة اعني ان نرفع مقداراتنا قي تقبل حقائق عن ضعفنا كأشخاص نقدم عمل وعن جهات تقييم اعمالنا ولا تمتلك ادني المقومات لتقوم بمثل هذا العمل. انا قاعد في السودان وعارف كيف تدار الامور تماما ،وممكن كان اهني اهلي ديل من سكات وامشي أو ما ادخل البوست من اساسه لكن فكرة الجائزة دي في رأيك بتجهض كم حلم شخص مقتدر ومبدع لما يلقي عمل زي ده الفائز وبكرة لو ربنا مد في الاجال بجيب ليك نماذج رمضان كريم يا انور وتصوم وتفطر علي خير ونتلاقي قدام ...مداوم كمان كم ساعة. _ الاخ خالد تأكد من شيء واحد هو انني اتمني موقع سمت في حلة زاهية ويفتخر القائمون علي امره

قمر بوبا يا حبيب...سلامات وتحايا...ممكن نفتح نقاش حول الموضوع ده، لمن تصحصح كويس ويكون مزاجك تمام...

لكن الآن...ينبغي الإعتراف بأنو لا توجد أي معايير محددة ولا جهة محددة يمكن الإعتراف بها حول أمور التقنية بصورة عامة،
بالله جيب لي نماذج لأعمال تعتقد أنت أنها تستحق الفوز... وبذلك نضع المتابع في الصورة بس... شفتا مواقع تانية يا قمر بوبا فائزة؟
أعتقد أنو الرماد كايل حماد هنا وهناك!

ياخي لدرجة أنو - أظن وبعض الظن أثم- أنو الزول الفائز نفسه هو الكتب الخبر بتاع فوزه وعمل بيهو تعميم صحفي...بالتشكيل الممل!


والأمور كما تعلم أنت، ويعلم الكثيرون تدار بطريقة تعلموها أنتم تماماً كما أسلفت... وأنا أذ أهنئ يا عزيزي قمر بوبا...فانما أحبس الدمع بالصنقيع بس،
فالأمر لا يتعلق بإجهاض "حلم" شخص...بل بإجهاض مستقبل جيل كامل تحت مرآى ومسمع الجميع...وفي ذهني قصيدة القدس عروس عروبتكم مع المقاييسة
والتفصيل الممل على واقع أحوالنا يا عزيزي!

لو جيت للجد الجد...هناك الكثير من الجهات الإقليمية والدولية التي تمنح جوائز على التصميم...لو في زول بيأنس في نفسه الكفاءة...بنوّرد ليهو الروابط...واليركز
مع النتيجة بعدين!


المهم...

Quote: هنالك من يستحق هذه الجائزة وعن جدارة واقتدار بكل المعايير السابقة

قمر بوبا

اتمنى ان تكون اخذت كفايتك من النوم

فى مداخله سابقه انا طلبت منك ان تسمى لى من هو اجدر من جزيره سمت بالجائزه من المواقع التى شاركت بالجائزه

وطلبت منك ايضا ان تزودنا بملاحظاتك ،،، ولا حياه لمن تنادى

واكرر طلبى مره ثانيه . يا اخ قمر بوبا ارجو ان تاتينى بنماذج تستحق الجائزه

Quote: انا قاعد في السودان وعارف كيف تدار الامور تماما

لا ادرى ماذا تريد ان تلمح بمداخلتك عاليه

عزيزي خالد عبد الحليم...ملاحظات على السريع:

Quote: *####* ht*tp-eq*uiv="Co*ntent -Lan*guage " con tent="ar -sa" #### ###########="Cont ent-Type" content= "text / html; cha rset = wind ows -12 56*" title *موقع جزيرة سمت - نبذة عن سمت title*

1- الصفحة الأولى لا تدعم اللغة العربية...رمز اللغة فيها 1252..المفروض يكون 1256...

2- حاولوا راجعوا مسألة ال Indexing في ماكينات البحث عشان يبقى الموقع متاح وموجود عبر قوقل على سبيل المثال...
الموضوع ساهل بالطبع وما عليك إلا وضع كلمات دالّة على الموقع ومحتوياته ...
أو ممكن تلفحها زي ما هي إذا رمضان مزهجك مثلاً

3- نفس النقطة رقم 2 مكرر بس باللغة الإنجليزية عشان في ناس بيزوروا الموقع عبر مواقع الترجمة زي قوقل للترجمة مثلاً...
4- في صفحة الإتصال بكم...حقو تكون كتابة ما صورة...Text not an image -

والخ... مما يسمح به الوقت والمزاج العامين...وأتمنى لكم التوفيق من كل قلبي، صدقني حاجة عظيمة أن يتصدى شخص ما
ليضيف لنا تيرابايتات سودانية على الإنترنت...ولننهي مسألة المشافهة والخ...

______________

انور الكنج

ياخى ما عدمناك وامثالك

Quote: - الصفحة الأولى لا تدعم اللغة العربية...رمز اللغة فيها 1252..المفروض يكون 1256... 2- حاولوا راجعوا مسألة ال Indexing في ماكينات البحث عشان يبقى الموقع متاح وموجود عبر قوقل على سبيل المثال... الموضوع ساهل بالطبع وما عليك إلا وضع كلمات دالّة على الموقع ومحتوياته ... أو ممكن تلفحها زي ما هي إذا رمضان مزهجك مثلاً 3- نفس النقطة رقم 2 مكرر بس باللغة الإنجليزية عشان في ناس بيزوروا الموقع عبر مواقع الترجمة زي قوقل للترجمة مثلاً... 4- في صفحة الإتصال بكم...حقو تكون كتابة ما صورة...Text not an image - والخ... مما يسمح به الوقت والمزاج العامين...وأتمنى لكم التوفيق من كل قلبي، صدقني حاجة عظيمة أن يتصدى شخص ما ليضيف لنا تيرابايتات سودانية على الإنترنت...ولننهي مسألة المشافهة والخ...

ملاحظاتك تستحق الوقوف عندها ،،،،،

حقيقه هى طور التنفيذ الان كما اخبرنى مصمم الموقع المهندس ابارز .

انت تدرى اخى انور ان القرض من هذا المجهود ليس هو العائد المادى او اقتناص الجوائز ،،، ولكن التعريف

بهويه تلك المنطقه وانسان تلك المنطقه ،،، او كما تفضل شخصكم هى محاوله لاثراء السياحه الداخليه

وفيما سبق من مداخلات ذكرت ان الموقع ربما يعانى من بعض العيوب ،،، ونحن بدورنا نسعى لتطويره

وحيازته على الجائزه التشجيعيه ليس معناه انه وصل مرحله الاكتمال والنضوج .

ارجو ان تتقبل تحياتى

تقع جزيرة سمت فى الولاية الشمالية (شمال السودان) محلية دلقو فى حدود المحس الجنوبية


شمال غرب كرمة النزل بمسافة 18 كيلومتر مساحتها حوالى 24 كيلو


متر مربع تقريباً وبها 16 قرية صغيرة.

موقع جزيرة ارتقاشا
http://artigashaisland.com/

بغض النظر عن محتويات الموقع من معلومات شكرا ليك يا خالد والمجموعة على هذا الجهد والى مزيد من الابتكاروالنجاح

اريد منك ان تاخذ باقتراحات انور كنج وكما عليك ايضا ان تستمع لاخونا قمر بوباوهو لا يريد الا النجاح لكم ولجزيرتنا رغم انه حكاها كتير بس معليش مننا وفينا.

يا موسى ارفع رجلك من البنزين شوية ( صوم يا حاج)

التحايا النواضر لاهلى بسمت وكل سنة وانتم بخير

الأخ خالد أكرر مرة أخري أرجو ان يتسع صدرك لحديثي واشكرك
معليش اتأخرت عليك شوية لكن ما وصلت صدقني مرحلة أن تقول

Quote: وطلبت منك ايضا ان تزودنا بملاحظاتك ،،، ولا حياه لمن تنادى

شكرا مرة تانية لابداءك الرغبة في المواصلة في الحديث والاعتذار عن الجائزة في حال اقتناعك بحديثي

الاخوة حامد اشكرك لمداخلتك وتوضيح انني نيتي بيضاء في هذا الاموضوع ليس الا ويبقي الود لكل اهلنا في تلك البقاع

خالد نرجع للمعايير والجهة المانحة للجائزة
هذه هي ملاحاظاتي اعتمادا علي ما اوردته من حديثك من معايير اعتمدت عليها اللجهة المانحة

Quote: التصفح والفاعلية والأهمية والابتكار والإبداع والدقة والتحديث والتنظيم والتجانس والخصوصية والتصميم ومواكبة التطور والبحث والفهرسة والسرعة

.التصفح: ده مش معناه كل الابواب او التقسيمات الموجودة شغالة ومفتوحة؟؟
طيب انت عندك المنتدي اصلا ما افتتحته ويمكن المنتدي حيكون مدونة ولا سجل زوار؟؟علي ياتو فرضية اجازوا موضوع التصفح بدون اخطاء كبطيخة مقفولة.
2.الفاعلية : انا ما لاقاني فيه شيء تفاعلي في الموقع ده،لا بورتال اخباري لا سجل زوار ولا فورمة حتي لحصر العضوية ما اظن في اي حاجة تفاعلية.
3.الاهمية:تكمن أهمية موقع الكتروني مدي تاثيرها علي الانسان وبما أن هذه جائزة تخص الدولة فإن اهمية الموقع قد لايعني الكثير في البلد خاصة ان محتويات الموقع ليست بتلك الغذارة ليكون مصدر مهم او موقع مهم،حتي لابناء الجزيرة فكل المعلومات التي بالموقع وقد تكون مفيدة لشخص هي عدد من شخصيات الجزيرة.
4.الابتكار والتجانس:الابتكار كلمة معروفة لغة هي الاتيان بالجديد وطرق اشياء غير مسبوقة وهذا غير متوفر في الموع المذكور.فهو نسخة لمئات المواقع التي تخص المناطق.
5.الخصوصية لم افهم معناها لذا سأكترك الحديث عنها.
6.مواكبة التطور:لا اعتقد أن هنالك مواكبة تذكر فالموقع تم تصميمه بلغة عادية لا تدعدم الاحتياجات المطلوبة فهو يستخدم لغة اتش تي ام ال.
7.البحث: ليس هنالك حتي الآ ما يستدعي البحث فالموقع عبارة فكرة بسيطة والمواد كلها في الصفحة الاولي.

5.الابداع = التصميم :اذا أخذنا جانب واحد منه كمثال في الموقع المذكور فالملف الفلاشي الذي في صفحة البداية يعاني من مشكلة ريزوليوشن وعدم وضوح في الصور بشكل ظاهر مما يؤثر بشكل واضح في المنظر العام،بالاضافة الي اخراج الالوان وتناسقه من الفلاش المتحرك بالالوان الخضراء في الغالب والخلفية البنية الغامقة.
6.السرعة:كم عدد زوار المواقع حتي الان لقياس ان الموقع سريع وكم حجم المنثلي تراسفيير داتا في موقع مثل هذا.

أخي خالد لا صالح لي في انتقادك من او انتقاد موقعك لولا الهم العام

اليك بعض المواقع الشبيهة بالاضافة للموقع الذي جلبه الاخ مصعب لجزيرة ارتقاشة الذي يعتمد علي برنامج ادارة محتويات ومنتديلا فيها تصميم ومواكبة اكثر

http://www.hameedki.com/forum/index.php
www.nubaonline.com (تحت تحسين القرافيكس) لكن تري ان الاشياء المذكورة في المعايير اعلاه حاضرة
http://alsororab.com/ موقع تفاعلي بتصميم جيد ايضا

وكل المواقع اعلاه جهود شخصية ولهم التحية

نواصل

....
انور كينج لي عوده لحديثك الطاعم جدا فيما يختص بعمل المواقع وثانيا مدي اهلية الجهات التي تمنح الجوائز وغيره من الهموم العامة وعسي ولعل ان لا يتضايق خالد

أمر سلامات
يمكن في النطاق (.sd) الموقع دا يكون الأكثر تحقيقا للمعايير المذكورة في فئته مقارنة بباقي المواقع على نفس النطاق
لاحظ المواقع الشبيهة الجبتها كلها على الدوت كوم

Quote: يمكن في النطاق (.sd) الموقع دا يكون الأكثر تحقيقا للمعايير المذكورة في فئته مقارنة بباقي المواقع على نفس النطاق لاحظ المواقع الشبيهة الجبتها كلها على الدوت كوم

ود الخضر سلام

ود البشري رمضان كريم واريتك طيب
منتبه لحتة الـ Sd او المسابقة فقط تخص المواقع المشمولة تحت النطاق المذكور وما استغفلت الموضوع لكن ركزت علي المعايير الفوزت الموقع ده
هاك ديل وشوف حتة التصميم والتفاعلية والاهمية وباقي المعايير
http://ict.sd
http://akhbar.sd
http://markets.sd


ممكن الناس تقول انو طبيعة الموقع واستخداماته مختلفة لكن انا بقول انو دي كلها تطبيقات ليس الا بتتعمل ليها كستمازينق وبتبقي صالحة لاي استخدام،موقع خدمي بتاع منطقة مركز صحي سوق الخ


برضو حتي الهيئة القوlية للاتصالات عندها معايير خاتاها بشكل واضح جدا مع فقرها وقلة حيلتها الا انها عنده معايير عشان تقبل بيها موقع حكومي اقلاها لكن ما قاعدة تلتزم بيها ولو دخلت موقعهم الالكتروني بتلقي المعايير المطلوبة يعني في حاجات اساسية يجب ان تكون موجودة..

الخلاني اصلا اخش البوست ده هو صفحة الاغاني القاعدة البتوديك لموقع الكتروني لشخص موجود في الانترنت قبل يدخل القصر الجمهوري جهاز كمبيوتر وعنده جهد كبي في التوثيق من ايام الكونفيرتر من الكاسيت للجهاز والموقع المذكور قال بوثق للاغاني وبعتمد علي الصفحة ديك في التوثيق دون الاشارة.

تحياتي ود البشري

Quote: عسي ولعل ان لا يتضايق خالد

قمربوبا يا قريبى

لو تدرى مدى اهميه ما تخطه لنا لما تطرقت الى جزيئه ضيق الصدر تلك

وعموما : اعتذر لك اذا انتابك اى شعور يعكس لك ضجرى او ضيقى من تداخلك فى هذا الشان .

يا خالد يا سيدي ما عليك لو في اعتذار فهو علي انا الجيت داخل لفت
..
لو خليتنا انا وانوركينج نقلب عيشنا مع الجمعية السودانية للانترنت والهيئة القومية للاتصالات بتكون ما قصرت ومزيد من النجاحات ليك ولموقعك ورمضان كريم

Quote: بغض النظر عن محتويات الموقع من معلومات شكرا ليك يا خالد والمجموعة على هذا الجهد والى مزيد من الابتكاروالنجاح اريد منك ان تاخذ باقتراحات انور كنج وكما عليك ايضا ان تستمع لاخونا قمر بوباوهو لا يريد الا النجاح لكم ولجزيرتنا رغم انه حكاها كتير بس معليش مننا وفينا. يا موسى ارفع رجلك من البنزين شوية ( صوم يا حاج) التحايا النواضر لاهلى بسمت وكل سنة وانتم بخير

حامد يا قريب

رمضان كريم

حقيقه الاخوه انور و قمر بوبا اتحفونا بملاحظاتهم الثره التى نسعى اتباعها

وهذا كان من اغراض ايراد هذا الخبر ، لنستفيد من خبراتهم وتجاربهم

تحياتى

الاخ خالد

الاخوة ابناء جزيرة سمت الجميلة ارضا و انسانا

هنيئا لكم موقع جزيرتكم العامرة ... هى تستحق و اهلها كل خير ..

ما أن قرأت اسم " جزيرة سمت " الا و سريعا اجترت الذاكرة و عادتنى بشريط من الذكريات الجميلة مخزن فيها من العام 1965 ...

وقتها كنا نعبر من مرحلة الطفولة الى عنفوان الشباب .. اهدانا الزمن منه خمسة عشر يوما قضيناها فى هذه الجزيرة العامرة ارضا و انسانا..

المناسبة كانت زواج اخانا الاكبر - الجار بالجنب بحى الخرطوم (3) - محمد فضل المولى الشهير و اخيه حسين فضل المولى " باولاد العازة " ...

و يا لها من ايام ... فبالرغم من طول المدة و مشاغل الحياة كنت احسبها مسحت من الذاكرة لما اصابها من ضعف .. ولكن هل تنسى الايام الجميلة اذا

ارتبطت بروعة المكان و صفاء الانسان و حسن ضيافته و كرمه الذى لو عاشه ( حاتم الطائى ) لنزع اللقب من اسمه و لاهداه الى انسان سمت ..

نعم .. جزيرة سمت و اهلها رغم " الغمام " مازلتم بين تضاريس الذاكرة لكم مكان لم يحركه منها جور زمان !!

لكم التحية

و رجاء مْن عرف فيكم اخى محمد فضل : عمل فى سلاح الاشارة ثم اغترب فى المملكة العربية فى بداية السبيعنات .. فليتكرم بافادته او افادتى :

جوال : 00966540325353

معزتى لكم

يوسف

Quote: الاخ خالد الاخوة ابناء جزيرة سمت الجميلة ارضا و انسانا هنيئا لكم موقع جزيرتكم العامرة ... هى تستحق و اهلها كل خير .. ما أن قرأت اسم " جزيرة سمت " الا و سريعا اجترت الذاكرة و عادتنى بشريط من الذكريات الجميلة مخزن فيها من العام 1965 ... وقتها كنا نعبر من مرحلة الطفولة الى عنفوان الشباب .. اهدانا الزمن منه خمسة عشر يوما قضيناها فى هذه الجزيرة العامرة ارضا و انسانا.. المناسبة كانت زواج اخانا الاكبر - الجار بالجنب بحى الخرطوم (3) - محمد فضل المولى الشهير و اخيه حسين فضل المولى " باولاد العازة " ... و يا لها من ايام ... فبالرغم من طول المدة و مشاغل الحياة كنت احسبها مسحت من الذاكرة لما اصابها من ضعف .. ولكن هل تنسى الايام الجميلة اذا ارتبطت بروعة المكان و صفاء الانسان و حسن ضيافته و كرمه الذى لو عاشه ( حاتم الطائى ) لنزع اللقب من اسمه و لاهداه الى انسان سمت .. نعم .. جزيرة سمت و اهلها رغم " الغمام " مازلتم بين تضاريس الذاكرة لكم مكان لم يحركه منها جور زمان !! لكم التحية و رجاء مْن عرف فيكم اخى محمد فضل : عمل فى سلاح الاشارة ثم اغترب فى المملكة العربية فى بداية السبيعنات .. فليتكرم بافادته او افادتى : جوال : 00966540325353 معزتى لكم يوسف

الاخ يوسف محمد

رمضان كريم وتصوم وتفطر بالف خير ،،،، وتشكر على الكلمات التى فى شأن سمت وانسانها .

ان سعاده جزيره سمت تكتمل عندما تقدم واجب الضيافه لاناس هم شرف الى اى مكان يحلون به من امثالك

اخى ان لم اكن غلطان ،، فان الشخص الذى تعنيه هو العم محمد فضل المولى والد كل من فرح وسعيد

فارجو ان تفيدنى بصحه اعتقادى او خطائه

ولك كل التحيات

الاخ خالد نتمى لكم التقدم والتطور ورمضان كريم لاهلنا فى جزيرة سمت

الاخ خالد
مسكاقمي
نتمنى لكم التوفيق في موقع جزيرة سمت
وكل سنة وانت واهل الجزيرة بخير
شهر مبارك

http://www.kermaonline.com/

Quote: الاخ يوسف محمد رمضان كريم وتصوم وتفطر بالف خير ،،،، وتشكر على الكلمات التى فى شأن سمت وانسانها . ان سعاده جزيره سمت تكتمل عندما تقدم واجب الضيافه لاناس هم شرف الى اى مكان يحلون به من امثالك اخى ان لم اكن غلطان ،، فان الشخص الذى تعنيه هو العم محمد فضل المولى والد كل من فرح وسعيد فارجو ان تفيدنى بصحه اعتقادى او خطائه ولك كل التحيات

الاخ خالد

تحياتى

شكرا على تعقيبكم الذى امدنى بشىء من دفء اهل سمت الحنان

طالت المدة اخى خالد و لا اذكر اسماء ابناء اخى محمد فضل المولى

اذا لديك وسيلة اتصال مع الابناء فرح و سعيد ارجو التأكد منهما

كامل تقديرى لك

يوسف

Quote: ان تستمع لاخونا قمر بوباوهو لا يريد الا النجاح لكم ولجزيرتنا رغم انه حكاها كتير بس معليش مننا وفينا.

ههههها يا حامد ضحكتنا

سلامات يا بوب ياخ ما تحكها شديد

يا خالد زى ما قال ود الخال الزول مننا وفينا

متابعين وتحياتى لأهلى بسمت (أمنكنجة خاصة)

ابو الشموس يا صاحب كل سنة وانت طيب ورمضان كريم

امل ان يكون الاهل بخير ...طبعا زميل المنبر موسى ( قمر بوبا) بيموت فى حب المصريين وبيشجع كورتهم كمان ......الله يستر لو ما رمضان كنا سمعناه يقول ينعل...............!!

كن بخير

لكن الليله ياناس سمت
شمس الدين ساتي + حامد
ذكرتونا فريق سمت وناديهم بالمزاد
وجيرانا الطيبين ناس نجيب جلال وسليمان والفنان تبت
ياخي زمن والله زمن

مبروكـ ناس سمت ... موقع متواضع جدا و لكن رائع في تصاميمه , اللون النوبي الطوبي أحدث جماليات و خلفيات رهيبة و أعتقد سحر هذا اللون التاريخي هو الذي خطفت الابصار و قرب إليهم الجائزة التي كانت من نصيبهم.

يوسف محمد يوسف:

Quote: المناسبة كانت زواج اخانا الاكبر - الجار بالجنب بحى الخرطوم (3) - محمد فضل المولى الشهير و اخيه حسين فضل المولى " باولاد العازة " ...

ديل اعمامي لزم، العم حسين فضل المولي في ذمة الله،نسأل الرحمة والمغفرة له،ام عمي محمد فضل المولي مازال بالسعودية.
وسوف امدك بوسيلة اتصال به.
ونترحم كذلك علي جدي فضل المولي حسين،ونسأل اللهم سبحانه وتعالي ان يجعله من اهل اليمين .
وافضاله وحسن جيرته التي اقامها بالخرطوم3،كنا شهود عليها،حيث ماذهبنا تسبقنا سيرته.

التحية للاهل بسمت، وعشاق جزيرة سمت في كل مكان.

Quote: لكن الليله ياناس سمت شمس الدين ساتي + حامد ذكرتونا فريق سمت وناديهم بالمزاد وجيرانا الطيبين ناس نجيب جلال وسليمان والفنان تبت ياخي زمن والله زمن

الكوتش وليد
رمضانك كريم وتصوم وتفطر على خير

Quote: ههههها يا حامد ضحكتنا سلامات يا بوب ياخ ما تحكها شديد يا خالد زى ما قال ود الخال الزول مننا وفينا متابعين وتحياتى لأهلى بسمت (أمنكنجة خاصة)

مشكور يا قريبى

وتاكد انو التحايا حتصل لى امنكنجه، ساب ، سرايا ، شقل ،اشيق ،وديشابكى وكل انحاء الجزيره .

و دمتم

Quote: اذا لديك وسيلة اتصال مع الابناء فرح و سعيد ارجو التأكد منهما

الاستاذ يوسف
شكراً على كلماتك الطيبه ، والتى اثلجت صدورنا
اذا كنت تقصد عمنا محمد فضل المولى حسين فهو الذى بصدده نتحدث
وهو الذى اعنيه ، والد كل من فرح (مقيم بالسعوديه على ما اعتقد )
و سعيد وهو يعمل حاليا بجامعه السودان
فعلى كل استاذى الكريم اذا كان هو او خلافه ، سوف امدك بتلفون
محمد فضل المولى صديقك
واخيرا ارجو ان تعذرنى فى التاخير
ودمتم

Quote: مبروكـ ناس سمت

ود البشير

الله يبارك فيك

شكراً ليك شديد

حمزاوى مسكاقمى

ورمضان كريم

ياخى ماشاء الله والله موقع كرمه البلد حاجه ما تخلص

كما عودونا دايما

لك كل الود

Quote: الاخ خالد نتمى لكم التقدم والتطور ورمضان كريم لاهلنا فى جزيرة سمت

حسن سناده

شكرا على الكلمات المشجعه والامانى السندسيه

ما عدمناك ياخى

Quote: لكن الليله ياناس سمت شمس الدين ساتي + حامد ذكرتونا فريق سمت وناديهم بالمزاد وجيرانا الطيبين ناس نجيب جلال وسليمان والفنان تبت ياخي زمن والله زمن

تحياتى وليد ورمضان كريم

زمن ماشى وزمن جاى ...

كن بخير

www.simit.sd