Post: #1
Title: منعا لاى تلاعب >>> الفيفا يرد من جديد بخطاب من العيار التقيل
Author: طارق الكوتش
Date: 08-12-2010, 11:57 AM
Parent: #0
وتتحول كل سلطات الجمعيه القادمه لبروف شداد بصفته الرئيس المحترف به من قبل الفيفا
واغلاق الطريق لاى عمليات تجميل من وساطات ولجان وهلمجر >> يعنى يا بلع يا تجميد ورياضة جماهيريه جديده
وده نص الخطاب كما ورد فى قوون
Quote: السيد : الأمين العام
نخطركم بأننا تلقينا خطابكم لنا بتاريخ 9 أغسطس 2010 و الذى طالبتم فيه باجراء انتخابات جديدة لمجلس ادارة اتحاد كرة القدم السوداني في 30 أغسطس 2010.
نحن نوافق علي مقترحكم هذا تحت الشروط التالية
1/ يجب أن تكون قائمة المرشحين هي نفسها القائمة الاولي بمعني أن جميع المرشحين الذى خاضوا انتخابات يوم 26 يوليو بالاضافة الى الذين تم حظرهم من الترشيح بواسطة السلطات السودانية
2/ عدم طلب رسوم من المرشحين وان تعقد الجمعية القادمة بنفس المناديب الذين شاركوا في انتخابات 26 يوليو 2010 بمعني عدم وجود حاجة لاجراء عملية ترشيح من جديد.
3/ بما أن الفيفا لا يعترف بنتائج انتخابات يوم 26 يوليو 2010 فان اللجنة التنفيذية بقيادة الدكتور كمال شداد ما زالت هي المسئولة عن الجمعية العمومية غير العادية في 30 أغسطس 2010.
4/ نريد أن نشدد مرة أخري أن الانتخابات القادمة التى يجب أن تجري بدون تدخل من اي اطراف اخري وكما ذكرنا في خطابنا السابق عن طريق لجنة الحالات الطارئة بالفيفا اذا لم تنفذ هذه الشروط و/أو لم تنعقد الجمعية العمومية قبل أو في 30 أغسطس 2010 فأن الاتحاد السوداني لكرة القدم سوف يتم تجميد نشاطه في 31 أغسطس 2010.
ننتهز هذه الفرصة لنشكركم علي الجهود التى قمتم بها لحل هذه الأزمة.
ماركوس كاتنر
نائب الأمين العام للاتحاد الدولي .الفيفا
صورة للسيد مصطفي فهمي الأمين العام للاتحاد الأفريقي لكرة القدم (كاف) |
Quote: شداد : اكملنا الترتيبات لاعادة الانتخابات بشروط الفيفا
وتعليقا على ماجاء في خطاب الفيفا قال الدكتور كمال حامد شداد رئيس الاتحاد العام لكرة القدم ( المعترف به من الفيفا) فى حديث خاص مع قوون امس بأنه سيبدأ فى تجهيز اجراءات الجمعية العمومية الجديدة للاتحاد السودانى وسيتم إستكمال جدول الاجراءات واعادة انتخابات للكليات التى تم فيها حرمان بعض الاشخاص من الترشح وهم (الجزيرة .. ممثل اتحاد رفاعة) .. كليتى التدريب والتحكيم وسيتم رفع هذا الجدول ليجاز بواسطة الفيفا ولا حاجة لتتدخل أية جهة كانت فى الجمعية الجديدة للاتحاد خاصة فى ظل تمسك وتشدد الفيفا والتهديد بتجميد نشاط كرة القدم فى السودان كما جاء فى الخطاب |
|
Post: #2
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: معاذ الهادي
Date: 08-12-2010, 12:12 PM
Parent: #1
انه ادب المدايح يا كوتش
ولا يصح الا الصحيح
|
Post: #7
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: أيمن التوم حسن
Date: 08-12-2010, 12:38 PM
Parent: #2
نحن قبيل شن قلنا
خمو صرو ياكيزان الضلام
|
Post: #3
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: malik_aljack
Date: 08-12-2010, 12:22 PM
Parent: #1
الذين يعقلون
لا يقولون إلا بأن الدكتور كمال شداد
يجب أن نحتفي به و نكرمه و نشكره أن اهتم بالكرة السودانية (التي تشبه الدافوري)
و أرجعها لكأس الأمم الأفريقية بعد غيبة 30 سنة
و أيضا تقدم فرقنا (هلال و مريخ خاصة ) في التصبيف العالمي
كما أن الناحية المالية للاتحاد العام و الأندية قد تحسنت
بفضل مجهوداته في تعريف الجهتين بحقوقهم
و تسويقها
الآن نحن مطمئنون أن الدكتور سواصل برنامجه للتطوير
لنرجع و نرفع رأسنا مرة أخرى
(بهذه المناسبة:
بعد متابعتي لكأس العالم
قمت بتحليل بسيط طريقة لعب الفرق من الدول المستعمرة و المستعمرة (بكسر الميم) و
وجدت تشابه معقول (مثلا البتغال, البرازيل , أسبانيا, المكسيك, فرنسا, بعض الدول الأفريقية)
و لكن ما لم أعرفه
نحن كورتنا الشينه دي جبناها من وين
|
Post: #4
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: عمر إبراهيم بلوله
Date: 08-12-2010, 12:31 PM
Parent: #3
مـا حــبـا ً في فلان ولا علان لكن العدل أساس الحياة
دايرين الأمور تمشي بنزاهة وشفافية
ومشكور يا الكوتش على المتابعة
مودتي
|
Post: #5
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: إسماعيل التاج
Date: 08-12-2010, 12:31 PM
Parent: #3
يا كوتش
كلام الفيفا واضح منذ البداية، بس المشكلة في العنتريات السوارية و(النفخ الفارغ) في قربة السيادة وتطبيل بعض الإعلاميين الرياضيين له ووقوفهم ضد شداد.
كل العقلاء كتبوا منذ البداية حول تمسك الفيفا بأهلية الحركة الرياضية وضرورة مواءمة القوانين واللوائح
الوطنية مع قوانين الفيفا.
ولكن، أهو دا جزء من حال البلد.
نشوف الكرزاي معتصم حيعمل شنو.
|
Post: #6
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: khaleel
Date: 08-12-2010, 12:34 PM
Parent: #5
كتاشة رمضان كريم
لا توجد قوة في الارض تمنع التلاعب شداد يمكن ان يسقط بالمال
اوريك كيف
يتحرك المناديب من هسع اي اتحاد يقبض خمسين مليون وما يصوت لي شداد ويحلف المصحف
صعبة دي
|
Post: #8
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: وليد عبد اللطيف
Date: 08-12-2010, 12:48 PM
Parent: #6
قبيل شن قلنا
ديمقراطية الرياضة من اهم مقومات نهضتها وتطويرها
و شداد كبير ومحصحص وفاهم قانون
ويكفى بقرار الفيفا هذا ثبت لها ديمقراطيتها
|
Post: #9
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: cantona_1
Date: 08-12-2010, 01:37 PM
Parent: #3
| Quote: و لكن ما لم أعرفه نحن كورتنا الشينه دي جبناها من وين |
الأستاذ مالك الجاك
كورتنا الشينة جبناها من اللت والعجن بتاع البروفيسور الخبير شداد. يا زول ما بتخجل تقول شداد أوصلنا للمنافسة الأفريقية بعد 30 عاماً!! عجائب ولماذا ليست كل عام منذ توليه رئاسة الإتحاد.
|
Post: #10
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: حمزاوي
Date: 08-12-2010, 02:04 PM
Parent: #9
يا ساتر استر
ما صعبة يا اخوي خليل
طخو يا هريدي
|
Post: #11
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: طارق الكوتش
Date: 08-12-2010, 09:19 PM
Parent: #10
شكرا لكل المرور
ويا ايمن و معاذ والبلوله ووليد عبد اللطيف
الامور كانت واضحه من البدايه كما ذكرتوا
ولكن هى المماطله و التجميل و الوساطات
السودانيه المعروفه فى مثل هذه الظروف
لانو البلع حاااااااااااااااااااااااااااااااااااااااار
ويا مالك الجاك فعلا لابديل لشداد الا شداد
ويا كانتونا شداد بشر له اخطاء كما ذكرنا لك
فى بوستات سابقه وفى اكثر من مره وعددنا
لك ايضا انجزاته والتى من ضمنها بلا شك
هذا الانجاز العظيم والذى يحسب لكل الرياضيين
المؤمنين باهلية الرياضه ...........................
وياخلو و حمزاوى كل شئ وارد ولكن تقديراتنا
للبروف وهذا الانتصار العريض والذى يحفظ له
و لتاريخه النضيف المشرف يعتبر الانتصار الحقيقى
اما اذا حدث الذى ذكرته يا خلو فبالتاكيد الخاسر هو
السودان و الرياضه السمحه و الاخلاق الشينه
... مع التاكيد برضو بتدخل الفيفا من جديد
اذا تبين لها عمليات رشوه وهنا ممكن
تصل العقوبه حد الشطب للرياضه
السودانيه تماما من دفاتر الفيفا
وهنا ممكن ترجع يا خلو التعاون
بين الاتحاد الدولى و الايطالى
عندما تلاعبت بعض الانديه بقيادة
جوفينتس فى نتائج بعض المباريات
باستخدام الرشوه و القرارات التى
قادت بعض الفرق للنزول للدرجه
التانيه بعد شطب جميع مباريات
الدورى لتلك الفرق >>>> يا خلو
الفيفا ما بتهظر فى حماية لعبتها
وناسف للردود فى مداخله واحده
نتيجه لبعض المشاكل الفنيه
تحياتى للجميع و رمضان كريم
|
Post: #12
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: طارق الكوتش
Date: 08-12-2010, 10:56 PM
Parent: #11
| Quote: 1/ يجب أن تكون قائمة المرشحين هي نفسها القائمة الاولي بمعني أن جميع المرشحين الذى خاضوا انتخابات يوم 26 يوليو بالاضافة الى الذين تم حظرهم من الترشيح بواسطة السلطات السودانية |
الكلام ده معناهو اذا لم تحدث انسحابات
ح يكون مرشحين الرئاسة هم
شداد
صلاح ادريس
معتصم جعفر
ياربى الطعن المصعد من صلاح ادريس ضد معتصم جعفر وصل وين >>> كااااااااك
+ هل الجمعيه السابقه بكل تفاصيلها ملغيه بمعنى آخر اهل نشهد خطاب ميزانيه من جديد ؟ >>> كاااااااك تانى
+ الرئيس شداد استلم الموبايل و السياره و مفاتيح المكتب ولا لسع الجماعه خجلانييين >>> كاااااااااااااااااااااااااااااااك اس الف
+ سعر تذكرة الخرطوم - الحصحيصا فى رمضان وصل وييين ؟ >>>>>> قال ايه >>> قال نحن شرعييين >>>> كاااااااااااااااااااك اس مليون
ياخ البلع ناااااااااار
وراجعين ... خليكم قراااب
|
Post: #13
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: طارق الكوتش
Date: 08-13-2010, 08:53 AM
Parent: #12
| Quote: اذا لم تنفذ هذه الشروط و/أو لم تنعقد الجمعية العمومية قبل أو في 30 أغسطس 2010 فأن الاتحاد السوداني لكرة القدم سوف يتم تجميد نشاطه في 31 أغسطس 2010. |
مبااااااااااااااااااالغه لكن >> الشئ مافى مهله عشان يمشوا محكمة لوزان >>>>>> واااااااااااااااااااك
وكشكشى
|
Post: #14
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: وليد عبد اللطيف
Date: 08-13-2010, 09:57 AM
Parent: #13
ياكوتش
بصراحة الاغنية جات في محلها
والان انا ميت من الضحك وفعلا هذا لسان حال كرتنا
التي تدار من بيوت الفقره والودع
وتخمين قرارات تصيب او ماتصيب
والغالب الله .
وكشكشيهو لي شوفيهو لي كان فيهو شيء
الودعتين الهناك : بتقول شداد كبير
ودا كلام قديم انا ما زتو شيء
يالله كشششششششششششششكشي
------------------
اتنيين ماتهظهر معاهم في القانون (شدو + شداد )
|
Post: #15
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: عوض محمد احمد
Date: 08-13-2010, 10:59 AM
Parent: #14
ليس اصلح من الشداد لقيادة كرة القدم فى بلادنا
الارزقية و تجار السوق سوف يغرقون فى شبر ماء اذا الت اليهم المقاليد فى هذا الزمن الصعب
|
Post: #16
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: طلحة عبدالله
Date: 08-13-2010, 12:18 PM
Parent: #15
شدد شدد يا شداد .
|
Post: #17
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: شهاب الفاتح عثمان
Date: 08-13-2010, 03:30 PM
Parent: #16
مره اخرى اذن يثبت ان كل قضايانا اساسها اداري...
|
Post: #18
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: Ali Hamad
Date: 08-13-2010, 04:07 PM
Parent: #17
فى زمان الصبا الباكر الذى غنى له المرحوم الكاشف كنت بتاع كورة اموت فى الهلال وكمان اشاكل فيه بعوارة . مع الكبر وكبر مشاكل السودان و محنه ( على وصف صديقى العزيز والكاتب المفوه شوقى بدرى )، مع حدوث هذا طارت مرضة الكورة منى وتعافيت نهائى وان بقى حب الهلال يتاورنى . اشياء كثيرة لم اعد افهمها فى عالم الكورة والرياضة والرياضيين . مثلا حكاية شداد يكون منتميا لحزب المؤتمر الوطنى ! وكمان عامل شكلة مع بعض زملائه فى هذا الحزب الغلوتية مما دعاهم لكى يحدروا ليه ويعدلوا القانون ويضيفوا عليه عشان يمسحوا بيه التراب ! مؤتمر وطنى يابروف ! شئ بايخ وباطل حنبريت كما كان يقول البروف عبد الله الطيب. المهم الجميل فى هذه المعركة انها اكدت لناس الانقاذ ان السودان لن يعيش فى جزيرة معزولة من العالم. وأن عوارة الرياضة الجماهيرية بتاعة نميرى لن تتكرر لأن العالم اصبح قرية صغيرة اذا تداعى مربوع من مرابيعها سهرت معه بقية المرابيع من اوجاعها . المرة دى الجماعة اتزنقت زنق ال . . . فى نص النهار . الطريف ان ينشغل القوم بالكورة وهم قد وتدوا السودان فى قاع القاع الرياضى - ياحليل ازمان منزول وبرعى وقرعم وجكسا وماجد . ناس مابتخجل : كورة قال ، شداد قال . معتصم قال .
|
Post: #19
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: طارق الكوتش
Date: 08-14-2010, 09:03 AM
Parent: #18
انهم فعلا يا عوض كما ذكرت تجار سوق
ويا وليد عبد اللطيف شكرا لمشاركتنا القهوه
فى حضور ست الودع وكشكشى شوفيهو لى
كان فيهو شى قوليهو لى ما تختشى ..........
ونهتف مع عمنا طلووووووح شدد شدد يا شداد ...
وازمتنا اداريه وفكريه يا شهاب ..............
خليكم قراب .... راجعين ليكم
|
Post: #20
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: طارق الكوتش
Date: 08-14-2010, 03:12 PM
Parent: #19
على حمد الهلالابى سلامات
بروف شداد اذا كان انضمامه للمؤتمر بمفهوم خاص فهذه حريته الخاصه لا دخل لنا فيها ،
او اذا كان من اجل ايجاد نقاط مع الحكومه من اجل دعم كرة القدم واعتماد ميزانيات ثابته فاننا نحمد له هذه السياسه وهو الرجل الرياضى فقط ،
لكنه يظل احترامنا له كبير لانه هو من يدافع عن اهلية الرياضه و حريتها مانعا التدخلات السياسيه و الهيمنه وهو المطلوب لنا كرياضيين ...
ولكن و حسب المنطق عندما فشلت الدوله ممثله فى وزيرها للهيمنه عليه حاولوا ابعاده بكل السبل ولكن هيهات ...
والتحيه ايضا لجماهير الرياضة وهى تهتف فى يوم انتصار اهلية الرياضه وهى مهدده بالتجميد
شداد كبير يا وزير فباعت احلامها باغلى تمن من اجل انتصار الحق ....
و الشكر و التقدير ايضا لكتاب الكلمه الصادقه وهم يدافعون
عن اهلية الرياضه اذا كانوا هنا فى سودانيز اونلاين
او فى الصحافه الرياضيه او فى اى مكان
وربنا ينصر الكره السودانيه والتى لا تأتى
الا بالعمل الجماعى المخلص وبكل الحب .........
تحياتى
|
Post: #21
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: احمد الأمين على إدريس
Date: 08-14-2010, 04:49 PM
Parent: #20
ياكوتش سلام
ورمضان كريم
ياجماعة والله المسألة فيها اجحاف للدكتور شداد عندما نقارنه ونفاضل بينه وبين تلاميذه
ايجابيات ولا غيرو لا يوجد من هو اكثر تاهيلاً من شداد لقيادة اتحاد الكورة فى السودان ..
ولا عزاء لناس مزمز ومن على شاكلته من حارقى البخور
|
Post: #22
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: منتصرمحمد زكى
Date: 08-14-2010, 08:28 PM
طارق الكوتش
شايفكم بقيتو ناس فيفا ساي
الفيفا قالت .. الفيفا سوت .. الفيفا حا تسوي ...
ان شاء الله الفيفا تضوي ليكم ...
|
Post: #23
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: طارق الكوتش
Date: 08-14-2010, 08:53 PM
Parent: #22
Quote: طارق الكوتش
شايفكم بقيتو ناس فيفا ساي
الفيفا قالت .. الفيفا سوت .. الفيفا حا تسوي ...
ان شاء الله الفيفا تضوي ليكم ... |
..........
منتصر رمضان كريم وربنا يحقق الامنيات
|
Post: #24
Title: Re: منعا لاى تلاعب >>> الفيفا يرد من جديد بخطاب من العيار التقيل
Author: طارق الكوتش
Date: 08-16-2010, 10:39 PM
Parent: #23
Quote: ياجماعة والله المسألة فيها اجحاف للدكتور شداد عندما نقارنه ونفاضل بينه وبين تلاميذه
ايجابيات ولا غيرو لا يوجد من هو اكثر تاهيلاً من شداد لقيادة اتحاد الكورة فى السودان ..
ولا عزاء لناس مزمز ومن على شاكلته من حارقى البخور |
احمد امين رمضان كريم وشكرا لهذه الكلمات القويه ونتمنى ان ينتبه الجميع
لاهمية وجود البروف ... ويكفيه فقط نجاح الدورى الممتاز بهذا الشكل الحالى
وعملية السفر فى جميع بقاع السودان واللعب فى اجواء و ملاعب مختلفه
والذى استفاد منه الهلال كثيرا خصوصا فى تحقيق الانتصارات خارج الارض
|
|