بورداب الخرطوم و عمدتهم العوض المسلمي.... ماذا عساي أن أقول؟

عدت بحمد الله من زيارة أسرية قصيرة للسودان قضيت فيها وقتا طيبا بين الأهل و الأصدقاء و الأحباب. لدي الكثير الذي أود أن أقوله عن حال السودان و أهله... و لدي الكثير من المتأخرات من تعازي و تهاني و تبريكات للإخوة و الأخوات زملاء البورد. أرجو أن يمد الله تعالى في الآجال و ينعم بالصحة و العافية و الزمن لهذا كله... لكن ما لا أريد تأخيره شكري و تقديري للأحباب بورداب الخرطوم فقد أضافوا لرحلتي هذه المرة طعما جديدا.

جاء وصولي للخرطوم أثناء نقاش وردت فيه إشارات سخيفة و مجحفة بحق بوردابها و أدخلني هذا في حرج بالغ جدا فقد كانت بي رغبة كبيرة للاتصال بهم و التواصل معهم لسببين الأول القيام بواجب عيادة الأخ عبد الوهاب علي الحاج و تهنئته على السلامة بعد العملية التي أجراها. و الثاني الفوز بالتعرف على الإخوة البورداب و الجلوس معهم. و وجه الحرج كان في أن هؤلاء الإخوة يقومون بعمل لا يمليه عليهم إلا رهافة حسهم و رقة ذوقهم لا يرجون من ورائه جزاءا ولا شكورا رغم أنه يقتطع من وقتهم و وقت أسرهم و مالهم. فإن لم يكن رد الفعل شكرهم على صنيعهم هذا فلا أقل من أن يكون الصمت و هو في مثل هذه الحالات فعلا من ذهب.

حمدا لله على نعمة الوصول الى ديار مهجرك ..

الأخ بدر الدين
سلمك الله... و لسة جاي لي لقاء أمواج إن شاء الله.

المهم غالبت حرجي و بحثت عن رقم تلفون الأخ العوض المسلمي و اتصلت عليه و وجدت هاتفه مغلقا و أصبت بخيبة أمل... لكن لم تمض دقائق إلا و اتصل الأخ العوض بصوت يشعرك بالراحة و كرم معدن صاحبه و عرفته بنفسي و برغبتي في زيارة الأخ عبد الوهاب و لقاء من يتيسر لقاؤهم من البورداب. رحب بي الأخ العوض غاية الترحيب و دعاني للحضور لمكتبه حيث من الممكن أن أقابل عبد الوهاب و إخوة آخرين. فعلا ذهبت و تشرفت بلقاء الأخ العوض المسلمي و الأخ عبد الوهاب و الأخ السيد المسلمي و الأخ عمر صديق كما تححدثت هاتفيا مع الأخ علاء الدين يوسف و كان لقاءا طيبا اطمأننا فيه على صحة الأخ عبد الوهاب و ناقشنا فيه القضايا ذات الاهتمام المشترك و أكدنا على حرص الطرفين على انفاذ اتفاقية الحريات الأربع.... طبعا كان معظم النقاش عن البورد و عن بعض احداث ه و استمتعت فعلا بهذه الجلسة.

ثم جاء اللقاء الثاني حيث اتصل بي الزعيم العوض و دعاني للقاء البورداب بمطعم أمواج و كان لقاءا لطيفا جدا تشرفت فيه بالتعرف على الإخوة الكرام (الترتيب حسب ما أذكره من ترتيب الجلسة و سأحرص على ذكر الجميع و أرجو أن يسامحني أي شخص لم أذكر اسمه): د. أسامة من بورداب أمريكا... السموأل بدر الدين... هيثم منصور من بورداب هولندا و حرمه... وليد محمد المبارك... بدر الدين إسحق... السيد المسلمي... جنابو عمر عثمان... معتصم محمد صالح... مزمل خيري و حرمه و كريمته العسل جوان... عبد الوهاب علي الحاج... صالح تبلدينا.. أحمد موسى و طبعا واسطة عقد البورداب و عمدتهم العوض المسلمي و اعتذرت الأخت الفاضلة د. داليا عن عدم الحضور لظرف طارئ. اما مفاجأة اللقاء الحقيقية فتمثلت في حضور اثنين من بورداب جدة الأخوة الأعزاء أساسي و الباشمهندس أحمد التجاني. قضينا ليلة ممتعة بحق و ختمها أساسي ببيع الباشمهندس أحمد و فكه عكس الهوا حيث ذهب لقضاء باقي الليلة مع تبلدينا و وليد و طبعا عذره أحمد لأنه عارف إنه دي فرصة لا تعوض بالنسبة لأساسي للتمتع بطعم الحرية حيث لا توجد عدة في انتظاره ولا مراسيل.

العوض

رمضان كريم وتصوم وتفطر علي خير

وكيف وجدت السودان بعد طول غياب ومن قابلت من اصدقاء الزمن الجميل

يا خليل يا صديقي والله كيف وجدت السودان دي أنا زايغ منها عديل... إمكن بعد رمضان أكتب عن الشفتو في السودان... الناس مشغولة شديد يا خليل لكن ربك سهل و قابلت بعض أبناء هندسة ناس فعلا جميلين و من أصدقاء زمن جميل و الحمد لله ما زالوا محتفظين بهذا الجمال... خالد محمد عمر و الصايم و محمد أبكم و عادل أمين و نادر كوبر (ديل ذاتهم إمكن مقابلتي ليهم كانت بحكم علاقات أقدم من الهندسة). مريت على الكلية فأنكرتها و أنكرتني... ياخي الميدان الغربي ذاتو بقى فسحة من الغبار بلا خضرة... ما داير أكون ظالم إمكن مافي حاجة اتغيرت بس نحن الاتغيرنا...
رمضان كريم و ربنا يعيده علينا و عليك و على أسرتك و على السودان كله بخير.

الاخ الحبيب العوض
رمضان كريم وتصوم وتفطر على خير أنت وأسرتك الكريمة
في العادة أتحرج من دخول مثل هذا البوست لأني دائما لا اجد ما اكتبه، شكرا جزيلا للكتابة ولمشاعرك الطيبة
فنحن ايضا سعدنا بلقائك وشكرا لسماحة نفسك فأنت رجل جدير بالمعرفة والاحترام وياريت تمتد معرفتنا ونتواصل
واكرر شكري مرة اخرى لك ولبكري الذي جمعنا بأمثالك ودام الود بيننا ..



____
ظهر الامس اتصل بي د.نزار وقال لي قلبت وحفرت الذاكرة واتذكرتك وتذكرت تلك الايام الجميلة
شوف بالله الشباب الا اتذكروا تاني يوم مع اني اتذكرتو اول ما شفتو .... عشان تاني تقولوا علي عجوز هههههه

الاخ عبد الوهاب

لم اعلم الا من خلال هذه المداخلة انكم اجريتم عملية جراحية . الف حمدا لله على السلامة والله يعطيكم العافية والشر بره وبعيد عنكم . وانتم والله تاج شرف لبورداب الخرطوم .

نتمنى ان نلتقيكم يوما ما لنتشرف بكم جميعا

الأخ العوض جزاه الله خيرا كان على اتصال دائم و لا تغيب رسالة يوم الجمعة و كلماتها الطيبة التي يبعث بها. أشعر بتقصير كبير نحوه حيث توفي خال أبنائه و لم أسمع بهذا إلا متأخرا فقد كان الواجب أن يصله المرء في العزاء و لكن قدر الله و ما شاء فعل. أسأل الله أن يغفر لفقيدهم و يرحمه و يكرم نزله و يوسع مدخله و أن يرزق أسرته و محبيه الصبر و حسن العزاء.

السلام عليكم
...

Quote: و ناقشنا فيه القضايا ذات الاهتمام المشترك و أكدنا على حرص الطرفين على انفاذ اتفاقية الحريات الأربع..

....

وهبة ما خلي لينا كلام نقولوا ,,
كانت لحظات عابرة وقليلة ولكنها أطفت علينا بهجة ممتدة ونشوة جميلة ورائعة ..
لك التحية بقدر نبلك وطيب أخلاقك .





ـ
وشكرا لبكري .

Quote: د. أسامة من بورداب أمريكا... السموأل بدر الدين... هيثم منصور من بورداب هولندا و حرمه... وليد محمد المبارك... بدر الدين إسحق... السيد المسلمي... جنابو عمر عثمان... معتصم محمد صالح... مزمل خيري و حرمه و كريمته العسل جوان... عبد الوهاب علي الحاج... صالح تبلدينا.. أحمد موسى

هوي انتو ما بتدونا ليش ؟؟
ولا نحنا ما بنفع اصبروا ساكت نحنا حا نعمل جماعة ثانية انفصالية بقيادة ود الصائم والمجموعة وحانمش ناكل ام جنجر وقدز قدز في سوق امدفسو


بالله شوف الناس ديل

Quote: الاخ الحبيب العوض رمضان كريم وتصوم وتفطر على خير أنت وأسرتك الكريمة في العادة أتحرج من دخول مثل هذا البوست لأني دائما لا اجد ما اكتبه، شكرا جزيلا للكتابة ولمشاعرك الطيبة فنحن ايضا سعدنا بلقائك وشكرا لسماحة نفسك فأنت رجل جدير بالمعرفة والاحترام وياريت تمتد معرفتنا ونتواصل واكرر شكري مرة اخرى لك ولبكري الذي جمعنا بأمثالك ودام الود بيننا .. ____ ظهر الامس اتصل بي د.نزار وقال لي قلبت وحفرت الذاكرة واتذكرتك وتذكرت تلك الايام الجميلة شوف بالله الشباب الا اتذكروا تاني يوم مع اني اتذكرتو اول ما شفتو .... عشان تاني تقولوا علي عجوز هههههه

الأخ الحبيب عبد الوهاب
والله أنا الأسعد بلقائكم و التعرف عليكم... و الكتابة عن هذه اللحظات الطيبة جهد المقل فلا أعرف حتى الآن كيف أشكركم على حفاوتكم و حسن استقبالكم.
أما أبو صلعة دا فزي ما بقولو يوم شكره ما يجي... ما فعله الأخ بكري أبو بكر أقرب للخيال.... ياخي أنا ذاتي كنت بستغرب و أنا أسلم على الإخوة بأساميهم رغم أنه كان أول لقاء. كل الشكر للأخ بكري أن جعل هذا ممكنا.
بعدين ياخي نزار دا أعذره... هل تصدق إنه نزار عنده الآن بنتين في الجامعة (ما شاء الله و لا قوة إلا بالله) و ما بعيد بعد دا يبقى جد في أي لحظة... أها بعداك تاني الأيام الجميلة الاتذكرتوها دي إلا تقول والله نزار دا أنا بتذكرو و نحن أولاد صغار كدا... طبعا نزار لسع شباب لكن نفعه الزواج المبكر و التبكير بالبنات أسعده الله بأسرته و أسعدها به إن شاء الله.

الأخ العزيز الزول
وينك مختفي ياخي. عرفت من كلامك في واحد من البوستات إنك كنت في السودان... والله تمنيت لقاءك لكن زي ما بقولو الجايات أكتر من الرايحات.
والله اثناء ما بكتب كدا شعرت الكلام بقى رسمي رسمي فقلت ما بطال الواحد يديها شوية مويه... بعدين عليك الله لينا كم سنة بنسمع كل ما يتلاقو اتنين بناقشو كيفية انفاذ اتفاقية الحريات الأربعة... معقول البورداب اتلاقو و ما يناقشوها؟

الأخ العزيز الزول
وينك مختفي ياخي. عرفت من كلامك في واحد من البوستات إنك كنت في السودان... والله تمنيت لقاءك لكن زي ما بقولو الجايات أكتر من الرايحات.
والله اثناء ما بكتب كدا شعرت الكلام بقى رسمي رسمي فقلت ما بطال الواحد يديها شوية مويه... بعدين عليك الله لينا كم سنة بنسمع كل ما يتلاقو اتنين بناقشو كيفية انفاذ اتفاقية الحريات الأربعة... معقول البورداب اتلاقو و ما يناقشوها؟

الأخ العزيز السيد
بل أنا الذي سعد بلقائكم و التعرف عليكم. فلكم كل تحية و دعاء بقدر كرمكم و بشاشتكم و كريم أخلاقكم.

اخونا الحبيب الذي اسعدنا الله بلقائه العوض " ياسر " ..
رمضان كريم عليك وعلي الاسرة جميعا ..
تصدق اخي العوض انك من الاسماء التي احببتها قبل ان التقيها وكم كنت في شوق لمعرفة هذا الشخص الذي يطابق اسمي اسمه ويكتب
دائما بحجة واضحة ومنطق بين .. وعندما اتصلت وعرفت من انت لم اكن بالمكتب ولكني وصفت لك المكتب واتيت مسرعا لالتقي بك ..
هي لحظات بسيطة بحساب الوقت ولكنها كانت كافية لاخدد اي صنف من الناس انت " ولا ازكيك علي الله " ..
سعدنا باريحيتك وتلقائتك وتحدثك معنا كاننا نتعارف من سنوات سابقات ..
لم نفعل شئ يستحق تجاهك لانه كما ذكرت كانت ايام مشغوليات لنا ولكم . ورغم ذلك عرفنا انك نعم الاخ ونعم الصديق ..
وكنا محظوظين جدا ان التقيناك وانت تغادر البلاد حين كنا في استقبال جثمان والدة اخونا امين ...
نتمني ان نلتقيك مرة اخري وفي زمن ارحب ...
وتصوم وتفطر علي خير..

...............

السلام عليكم

...

Quote: ياخي أنا ذاتي كنت بستغرب و أنا أسلم على الإخوة بأساميهم رغم أنه كان أول لقاء. كل الشكر للأخ بكري أن جعل هذا ممكنا.

...

تصديقاً لكلامك يا العوض
أهلي دايرين يشتروا عربية لى بتهم
بعد ما اتفقوا مع السمسار وسيد العربية خلاص
قلت ليهم بالله انتظروني دقيقة بس ... عندي شورة
تصدق ...قمت دخلت النت ... وعلى طول سودانيز أون لاين
وتوووشك ... بروفايل عمك العوض المسلمي ... طلعت التلفوت
وبدون تردد ضربت ليهو ( أول مرة اتصل فيهو)
وأخذت ليك الشورة الما خمج
وجيت راجع لى ناسي ديل ... أقدل
وعملت ليك استجواب طويل عريض (استناداً) على شورة عمك العوض المسلمي
طبعاً الجماعة استغربوا من كمية المعلومات السالتهم عنها
...
الله لا جاب يوم شكرك يا العوض

...

ههاي ما قل ليكم



دبل طناش

والله ماسمعنا بيك يا حبيب
وكان نفسنا نلاقيك
لكن بكرة احلي

Quote: هوي انتو ما بتدونا ليش ؟؟ ولا نحنا ما بنفع اصبروا ساكت نحنا حا نعمل جماعة ثانية انفصالية بقيادة ود الصائم والمجموعة وحانمش ناكل ام جنجر وقدز قدز في سوق امدفسو

الأخ المكاشفي
ما تزعل ساي ياخي... الدعوة كانت عامة هنا في البورد و لم يتم تخصيص أحد بها:
Re: تسجيل حضور لبورداب الخارج بالخرطوم ..ترحيب خاص بدكت.... alawad .علي تاج ال

العوض ...
لينا والله عظيم الشرف بلقياك والتعرف عليك ومن حسن حظى أكون آخر زول ودعك
قبل رجوعك الى كندا فى مطار الخرطوم ...
شكرا مرة تانية على كلاماتك الطيبة فى حق اخوانى بورداب الخرطوم ...

شكراً

الأخ العزيز الشهم العوض
والله أنا الأسعد بلقائكم و الجلوس إليكم. و جزاك الله خيرا على الشعور الطيب و كلماتك اللطيفة التي لا أملك حيالها إلا قول سيدنا أبي بكر الصديق اللهم لا تؤاخذني بما يقولون و اغفر لي ما لا يعلمون و اجعلني خيرا مما يظنون. فالحمد لله الذي ستر العيوب و جعل أمثالك من الخيرين يحسنون بي الظن. نسأل الله أن يجمعنا جميعا في ساعة خير.

Quote: طبعاً الجماعة استغربوا من كمية المعلومات السالتهم عنها

والله يا الزول المنبر دا ثقفنا ليك ثقافة عن السودان... يوم كنا بنتونس في كم موضوع كدا و صاحبك يعلق في مواضيع و مرات يستلم مواضيع و جا الكلام عن المطاعم قمت انتقدت حكاية المطاعم الأجنبية و قلت ليهم هسع زي عوضية سمك دي المفروض الناس يشجعوها فجأة ألقى ليك أختي بتعاين لي باستغراب شديد و تقول لي إنت بتعرف الكلام دا كله من وين؟
مرة تانية ماري بشارع الإنقاذ فشفت كومر البوليس قدام بيت الفنون و فيهو ناس راكبين يا زول وصلت البيت بحماس أحكي ليهم فالحوار دار كالتالي:
أنا: والله الليلة الظاهر قبضوا ناس من بيت الفنون.
ناس البيت: بيت الفنون دا شنو؟
أنا: ياخي بيت الفنون الفي شارع الإنقاذ!
صمت...
أنا: ياخي بيت الفنون العامله طارق الأمين.
ناس البيت: طارق الأمين منو؟
أنا: طارق الأمين بتاع ناس الهيلاهوب.
ناس البيت: أيوا.. بالله.
طبعا لما وصلنا هنا كان حماسي ذاتو أحكي الموضوع فتر.
طبعا دا ما انتقاص لي لبيت الفنون أو الأخ طارق الأمين لكن بس بوريك كيف إنه نحن ممكن نكون عارفين حاجات أكتر من الناس هناك.

الأخ الحبيب نعيم نصير من قل نصيرهم و حبيب المساكين... زي ما بقولو أهلنا القلوب شواهد و الله وحده يعلم أنك ممن كنت أتمنى لقاءهم من كل قلبي و أسأل الله أن ييسر لنا هذا في سانحة أخرى... و أاسأل الله أن يجعلك ممن حبب إليهم قضاء حوائج الناس و يعينك في هذا.

الأخ العزيز أبو جوان
أحمد الله أن أسعدني بلقائك و رؤية عروستنا جوان. و فعلا كنت آخر من ودعت من البورداب بالمطار.
وما قلته عنكم أقل كثيرا مما تستحقون.

ثم جاء اللقاء الأخير في هذه الرحلة ببعض الإخوة الأخرين و كان في المطار حيث جاءوا كالعهد بهم دائما للقيام بواجب مؤازرة و تعزية الأخ العزيز أمين محمد سليمان و هو يرافق جثمان الراحلة والدته عليها من الله كل رحمة و مغفرة.
علمت بنبأ الوفاة و اتصلت بالأخ العوض المسلمي للتأكد من مواعيد وصول الجثمان حتى أتمكن من الحضور إلى المطار و كان ذلك متوقعا مساء الخميس وأخبرني العوض أن الأمر تأجل للجمعة ثم للسبت. و كان زمن وصول الطائرة يوم السبت متزامنا مع زمن مغادرتي للسودان فتمنيت أن أوفق في لقاء الأخ أمين و تعزيته و لكن لم يتيسر الأمر حيث انتظرت إلى أقصى زمن ممكن و لم يخرج أمين.
في ذلك اليوم قابلت الأخ حسين ملاسي و الأخ أبو عبيدة البصاص و الأخ خضر حسين خليل و الأخ أنور التكينة بالإضافة إلى من قابلتهم من قبل كالأخ العوض المسلمي و الأخ وهبة و الأخ مزمل و الأخ وليد محمد المبارك و الأخ عمر عثمان و الأخ بدر الدين إسحق.

Quote: كالتالي: أنا: والله الليلة الظاهر قبضوا ناس من بيت الفنون. ناس البيت: بيت الفنون دا شنو؟ أنا: ياخي بيت الفنون الفي شارع الإنقاذ! صمت... أنا: ياخي بيت الفنون العامله طارق الأمين. ناس البيت: طارق الأمين منو؟ أنا: طارق الأمين بتاع ناس الهيلاهوب. ناس البيت: أيوا.. بالله. طبعا لما وصلنا هنا كان حماسي ذاتو أحكي الموضوع فتر. طبعا دا ما انتقاص لي لبيت الفنون أو الأخ طارق الأمين لكن بس بوريك كيف إنه نحن ممكن نكون عارفين حاجات أكتر من الناس هناك.

سلامات الاخ العوض والحمد لله على السلامة. قصتك دى حصل لى زيها تقريبا. كنت فى السوادان شهر نوفمبر الفات. سمعت من البورد ان فى رشا شيخ الدين ح تغنى فى بيت الفنون. فى يوم الحفل كان فى لمة فى البيت ...كمية من الناس. قمت بديت امهد لانسحاب تكتيكى عشان امشى الحفلة. و بديت ب: الليلة فى حفلة برشا. كل الناس عاينت لى باستغراب. "رشا منو?". قلت ليهم : رشا شيخ الدين. برضو ما عرفوها.اما بيت الفنون ده فخليه ساكت . اوصف و اوصف و اوصف . فى النهاية حسيت بالحراج. بقى شكلى زايغة بس من الضيوف فى البيت. سبت المشية و قعدت. و راحت على معرفة بورداب الخرطوم.
و طبعا ده برضوا ما انتقاص فى حق بيت الفنون او الاستاذة رشا. لكن انا الى عندى اهل عينة فى الخرطوم.
___________________________________
انا شخصيا بعرف رشا من زمن كنت فى السودان فى الجامعة. من حوالى 10 سنوات او احتمال اكتر.

الأخت الكريمة سمارت
و عليكم السلام و رحمة الله و رمضان كريم و تصومي و تفطري أنت و الأسرة على خير.
عارفة الحكاية ما مقتصرة على أسرتك ولا أسرتي... إتخيل لي الحكاية عامة. نحن هنا بننظر للسودان من منظار مختلف جدا عن المنظار الناس الجوا السودان بشوفو بيهو الحاجات... نحن بنشوف السودان من خلال سودانيزأونلاين و الأخبار و المعلومات البنلاقيها فيهو و في المواقع المشابهة و بنكون تصورات على حسب خبرتنا السابقة في السودان و الما عادت مواكبة في بعض الأحيان. أضرب ليك مثل قبل سنتين تقريبا كانت الوالدة ربنا يديها الصحة و العافية و يحفظها جايانا زيارة... بالنسبة لي كان واحدة من الحاجات المهمة للتحضير للزيارة دي إني أركب دش و أجيب تلفزيون السودان عشان ما تزهج. يوم بتكلم مع ناس البيت و كنت مبسوط جدا إني ركبت الدش قامو قالوا لي هو تلفزيون السودان القاعد إحضروا هنا منو؟ و فعلا لما بديت أتذكر انتبهت إنه في زياراتي الفاتت كلها تلفزيون السودان دا نادرا جدا يشغلوهو.

طبعا هناك بورداب آخرون قابلتهم و سعدت بلقائهم كالأخ العزيز نزار محمد عثمان و الدكتور مرتضع. و بوردابي قابلته و لا ي علم أنني قابلته هو الأخ قيقراوي حيث كان اللقاء في فرصة لم تتح لنا التعرف على بعضنا البعض و إن كنت عرفته من شكله.

تصحيح للمداخلة أعلاه:
طبعا هناك بورداب آخرون قابلتهم و سعدت بلقائهم كالأخ العزيز نزار محمد عثمان و الدكتور مرتضى. و بوردابي قابلته و لا يعلم أنني قابلته هو الأخ قيقراوي حيث كان اللقاء في فرصة لم تتح لنا التعرف على بعضنا البعض و إن كنت عرفته من شكله.

العوض الما مسلمي . . سلام ياخ

Quote: و بوردابي قابلته و لا يعلم أنني قابلته هو الأخ قيقراوي حيث كان اللقاء في فرصة لم تتح لنا التعرف على بعضنا البعض و إن كنت عرفته من شكله.

اديني أمارة طيب ؟

اها لي وكتها خليني اتذكرررررررررر امممممم



------

العوض المسلمي العمدة و شباب الخرتوم الحلوين - اوكازيون بمناسبة رمضان شباب دي تشمل عم وهبو ظاطو و الحلوين ذاتو - المافي شنو !؟
سلام يا ناس و حت أني :

ماذا عساي أن أقول؟

لا شكر يليق مطلقاً . . الا بنقول : يديكم العافية

سعدت بلقائك عزيزي العوض ـ بالرغم من انو لاقيتك وانت مسافر
لكن والله اسعدني للغاية كوني التقيت بك . اتمني ان نلتقي
مستقبلاً عزيزي العوض .

تحياتي لك ولمن حولك

الأخ قيقراوي
السلام عليكم
لاقيتك في حلة حمد حيث كنت و أسرتك تقومون بتعزية أصدقاء قدامى من جدة في وفاة والدة الزوجة.
أما بورداب الخرطوم فكما قلت فلا شكر يليق مطلقا بهم و بما يفعلون.

الأخ العزيز خضر
السلام عليكم
و أنا كذلك سعدت بلقائك و كنت أتمنى لو كانت الفرصة أطول من هذا. و بإذن الله ستكون لنا لقاءات في المستقبل. كانت فرصة طيبة جدا و أنا أراكم و قد تجمعتم لمؤازرة الأخ أمين التي لا بد أنه كان لها أكبر الأثر في مواساته و تخفيف أحزانه.
دمت بخير أنت و من تحب.

الاخ العوض

وكما سعدنا بمقابلتك نتمني لك التوفيق والسداد ورمضان كريم

أكرمك الله أخي عمر و جزاك الله خيرا على الدعاء و لك مثله.

كل الشكر لبورداب الخرطوم و عمدتهم العوض المسلمي....
والتحيةلك اخي العوض ...

و لك التحية أخ هيثم و حمدا لله على سلامة العودة.

Elawad
حمداً لله على السلامة وربنا يحفظكم في الحل والترحال
مع تحياتي
محمد

جزاك الله خيرا على الدعوات يا أخ محمد و ربنا يجمع الجميع في رحاب وطن حر كريم موحد.

بالمناسبة في أول زيارة لي للأخ العوض المسلمي في مكتبه قابلت كذلك من أظن أنه الأخ محمد المسلمي. لست متأكدا من ذلك لأن التعريف لم يكن واضحا لكن لما أتذكر الصورة و الشبه أظن أنه هو. تحياتي له و أرجو من الإخوة العوض و السيد و وهبة تأكيد المعلومة.