يا حكومتنا خليك من ناس بوركيتا فاسوا والما لاقي مقاسو .. صلحي اللعب مع السعودية

حكومتنا دي عندها دبلوماسية خارجية اخير منها دبلوماسية طرزان ود العمدة او درار

ولمن لا يعلمون بطرزان او من يعرف بدرار ودالعمدة
رجل كان يسكن في حي العمدة بامدرمان ... مختل العقل لكن اعقل مننا وكان كثير ما يرتاد بيوت البكيات بيدخل ويرفع يديه بالفاتحة ويقول
الحمام بموت والجداد بموت !!!!!
ولانه كان يعرف معظم سكان الحي ويعرفونه فكانوا ويحبونه ويعرفون كيف يتندرون معه
في احدى المرات وفي مناسبة عزاء طرزان ده كان قاعد ، والوقت مواعيد غدا والصواني جات واثناء دخول احدى صواني جار من الاثرياء في الحي نده على طرزان واحد من الجيران مهدودي الدخل وعزمو على صينتو فردعليه طرزان
( انت عينك على صينية فلان الفيها الجداد والحمام والمحشي والمحمر والمجمر ، تعزمني على صينيتك الكلها ويكة)
فيا حكومتنا اقري اتجاه الريح صاح
ما بفهم السياسة التقليدية
بل بفهم الاقتصاد والعولمة
صلحي لعبك مع السودية وخليك مع خادم الحرمين يمين عوجة ما تجيك
لكن تقعدي تنططي لي بين صواني الويكة دي والله تقعي ليك في صحت تتزلقي وتتكسري ما تلقي البلم عضامك

Quote: يا حكومتنا

أول حاجة هي ما "حكومتنا" يامحمد .. الموجودين الآن على سدة الحكم في الخرطوم مجرد عصابة لا أكثر ولا أقل ..

الحاجة التانية بالنسبة للتعامل مع دول الخليج فـ"حكومتك" ديل فعلياً ما مقصرين وعاملين بي نصيحتك دي وأكتر كمان !

وهم فعلياً راقدين لدول الخليج وبالذات للسعودية في الواطة وده تعامل أبداً ما صاح وأول من سيدفع ثمنه ويسدد فاتورته هو أنتم الموجودين في الخليج ..

وأهو زي ما شايف الجالية السودانية في أكبر دول الخليج جالية مستباحة تماماً من كل النواحي نتيجة للتعامل الرخيص للنظام الموجود في الخرطوم مع دول الخليج ..

انت عاوزهم يعملوا شنو أكتر من كده .. يبيعوكم في سوق النخاسة كعبيد للأمراء والشيوخ ولا شنو ؟؟

في المقابل لا يحصل ولن يحصل السودان على أي مصالح تذكر ولا مساندة من هذه الدول حتى مع تعامله المزري هذا ورقاد الواطة الذي يمارسه النظام وقادته وسفاراته في هذه الدول ..
ولك أن تقارن الدعم والمساندة التي تحصل عليها عائلة الحريري "على سبيل المثال" بالفتات الذي يرمى للسودان والاضطهاد الواقع على جاليته الكبيرة الموجودة في هذه الدول

اخي الكريم
اولا الف شكر ليك على مداخلتك
الذي قد لا تعلمه ان الانبراش الذي تذكره شي
وان تصلح العلاقات شي تاني
تصليح العلاقات وتينها يعني رفع مقام القوى البشرية الموجودة في منطقة الخليج بصفة عامة وبمقيمي المملكة العربية السعودية بصفة خاصة
ولان شخصي الضعيف كان احد العاملين بجهد كبير في مسالة جذب الاستثمارات السعودية للزراعة بوجه خاص في السودان
ولاحتكاكي الشديد بهذا الامر من جوانب عد فاعرف حقيقة حجم الفائدة التي يمكن ان يجنيها الوطن من هذا التقارب
وان اختلف مع الحكومة شيء وكونها حكومة امر واقع فهذا شيء اخر واختلافي مع الحكومة لايمنع من ابداء النصح فالوطن للجميع والحكومة للمؤتمر الوطني
وما زلت عند رأي
اصلاح علاقات الحكومة مع المملكة العربية السعودية
سيقود الى اصلاحها مع عديد من الدول الكبرى