Post: #1 Title: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: اسيا ربيع Date: 08-10-2010, 05:27 AM
شارك هؤلاء المبدعون الرئيس الفريق ابراهيم عبود تطوافه على اقالبم السودان المختلفه لافتتاح المنشآت بها والمشاهد فى هذه الصوره
ماخوذ من لحظات الابتهاج اثناء ادخال المياه بمدينة النهود و الاساتذه من اليمين هم : الدرامى الشاعر اسماعيل خورشيد والدرامى عثمان
احمد حمد ود اب دليبه وعباس الطيب كورس مع محمد احمد عوض والدرامى محمود سراج ود اب قبوره ومهدى فردة الثنائى مهدى والريح
والموسيقار بشير عباس والدرامى الشاعر السر احمد قدور والاستاذ احمد المصطفى وعازف الكمان الطيب خليفه وعازف البكلو موسى محمد
ابراهيم والاستاذ ابوداود والدرامى حسن عبد المجيد والدرامى عثمان حميده تور الجر والفنان الاستاذ محمد احمد عوض والعازف للكمان حسين
جاد السيد والاستاذ محمديه ثم فى اسفل الصوره الدرامى الفذ المبدع الفنان سليمان البعيو ....اوائل الستينات
الشكر موصول للاخ العزيز عزالدين احمد المصطفى( ابن الراحل المقيم الفنان احمد المصطفى ) على هذه الصورة
Post: #2 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: مرتضى الكجم Date: 08-10-2010, 05:42 AM Parent: #1
فعلاً صورة نادرة جداً
وضربت كل صور الريس بكرى
مشكووورة الاخت آسيا
بس العدد شايفو كتير فى الصورة
Post: #11 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: اسيا ربيع Date: 08-11-2010, 04:27 AM Parent: #2
اخي مرتضى
رمضان كريم
هذه حقبة ظلت كامنة فينا وزرعت مكانتها فى قلوب قطاع كبير من اهل السودان
لهم التحية ولك الود
Post: #3 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: Al-Shaygi Date: 08-10-2010, 06:14 AM Parent: #1
مشكورة أستاذة أسيا على الصورة النادرة ... جمعت عمالقة الفن في ذاك الزمان..
Quote: الشكر موصول للاخ العزيز عزالدين احمد المصطفى( ابن الراحل المقيم الفنان احمد المصطفى ) على هذه الصورة
بالله وين الزول الجميل ده صديقي عزالدين الفنان بالوراثة والموهبة الفذة ،،، كل جيناته فن في فن.. طولت شديد ما لاقيته!!! له التحية عبرك أختي أسيا ويا ريت توصلي ليه بريدي التحت ده،،، يمكن يفاوضني بلا زعل... [email protected]
Post: #4 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: فيصل محمد خليل Date: 08-10-2010, 07:02 AM Parent: #3
يا اسيا .. اسويا النبي كما جيبتي لي صورة ام سكاسك
__ بس ما تكون نادرة
Post: #5 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: بكرى ابوبكر Date: 08-10-2010, 07:59 AM Parent: #4
غايتو يا اسيا الربيع خرتنى بالصورة
Post: #6 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: ماجدة عوض خوجلى Date: 08-10-2010, 11:47 AM Parent: #5
Quote: غايتو يا اسيا الربيع خرتنى بالصورة
من الذى يكتب باسم بكرى ابوبكر
ثوية كيفك حبيبه اسمعى تبنتى صفصف ده ده شفتى الحاصل عليهو شنو ولا نقوم نمشى نسوى بلاغ مش احتمال يعنى يكون ... بتعرفى بعض اماكن كده النفس بتكون امارة بالسوء وانتى رايك شنو ...عرفت كتيرين جده من الفى الصورة عرفت محمديه وعرفت احمدالمصطفى وعرفت عبدالعزيز محمد داؤد ,,,, تسلمى يارب ... وتحية خاصه للذى يكتب لبكرى ابوبكر
Post: #7 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: بكري عباس علي Date: 08-10-2010, 12:10 PM Parent: #6
صورة مبالغة يا اسيا
لكن دحين الفي يمين الصورة دا ما عثمان حسين
Post: #8 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: يوسف محمد يوسف Date: 08-10-2010, 01:27 PM Parent: #7
روعة و حلوة منك يا آسيا
بالله شوفو الناس ديل زمان كانوا سمان و انقيين و آخر قيافة ووجوهم باسمة !!
و ما شايلين اى هم كما يبدو عليهم ...
اكيد طبعا .. ذلك كان حال السودان ... لا رجرجة ولا دهماء !!
و بعد 46 عاما .. نكرر : ضيعناك و ضعنا معاك .. يا عبود
تحباتى لك آسيا
وللمبدع ولدنا عزالدين احمد المصطفى
و.. هاردلك با بكور ... الخرطوم بتلعب
Post: #18 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: يحى الشريف Date: 08-11-2010, 08:11 AM Parent: #8
اكتر زول عجبني محمدية .. الله يديهو الصحو والعافية
صورة رائعة اخت اسيا
Post: #15 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: اسيا ربيع Date: 08-11-2010, 05:40 AM Parent: #5
اخي العزيز بكرى
رمضان كريم وتصوم وتفطر بخير
هاك دى برضو.. وما بينا.
الفنان احمد المصطفى وصالح بشير بحديقه بطبرق بليبيا اثناء الحرب العالميه الثانيه عندما ذهب العميد لاقامة حفلات ترفيهيه لقوة دفاع
السودان.....منتصف الاربعينيات من القرن االعشرين
Post: #16 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: انس العاقب Date: 08-11-2010, 05:41 AM Parent: #5
هذه الصوره وغيرها تؤكد الدور الكبير الذى كانت تشارك به الفنون والمثقفون فى الحراك الإجتماعىىفى السودان عبر التاريخ الحديث.... أنا اثمن التنافس فى نشر مثل هذه الصور التاريخيه ولماذا لانتبارى نحنا البورداب فى هذا الصدد شكرا يا آسيا وشكرا يا باشمهندس بكرى
Post: #14 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: اسيا ربيع Date: 08-11-2010, 05:27 AM Parent: #4
العزيز فيصل رمضان كريم
Quote: يا اسيا .. اسويا النبي كما جيبتي لي صورة ام سكاسك
منقول من موقع الراحل المقيم الاستاذ الفاضل سعيد نبذة تعريفية عن الراحل الفنان الرائد / الفـــاضل سعــيد
نشأ الرائد المسرحى الفاضل سعيد فى بيئة دينية وتاريخية لها أبعادها الحضارية، وهى منطقة دنقلا الغدار بشمال السودان . والده سعيد ضرار سلنتوت، ووالدته فاطمة محمد سلنتوت و»سلنتوت« تعنى الصالح ، او ابن صالح ، فوالده لا يعرف اللغة العربية يرطن فقط ( يرطن يقصد بها يتحدث لغة الرطانة و الرطانة هي لهجة منحدرة من اللغة الهيمغروفية الفرعونية ). والوالدة لا تعرف الرطانة ولكنها تجيد اللغة العربية. ازاء هذا التباين وجد الفاضل سعيد نفسه فى إطار تركيبة منحته ثراء ذهنياً وتربوياً .. وتشاء الظروف ان يتربي عند " جدته " احدى نساء ام درمان القدامى بكل ثقافة ام درمان وحي بيت المال. والأسرة فيها من جاء مع المهدي الى ام درمان. ومنها من استشهد في معركة شيكان. وهذا المكون لم يمض دون ترك آثار على مجرى حياته . المناخات التي عاشها كانت حريَّة بأن تجذبه وتشده حيث لم يكتشف ملكة التمثيل الاّ عندما أتيحت له الفرصة عند انتقال الأسرة من حي بيت المال الى ود نوباوي بأم درمان . و ألتحاقه بالكشافة وهى نشاط أهلي كان له الفضل في إظهار موهبته . وكانت فرقة الكشافة يرعاها السيد الامام عبد الرحمن المهدي . وأتاحت له فرصة المشاركة بالتمثيل كأصغر عضو فيها. وأول ما قدم كان ترجمة قانون الكشافة وتحويله الى دراما. بمشاركة بقية الصبية في ارتجال التمثيل ليخرج في النهاية المدلول عبارة عن قانون الكشافة. وهى الخطوة الاولى نحو بداية التأليف والتمثيل معاً. وخلال الاستراحة اثناء النشاط كان يعد ويحضر للفواصل الأخرى، مما مكنه من التمرس على الجانب الارتجالي. فى المدرسة الاولية وجد أمامه الأستاذ خالد ابو الروس الذي كان يدرسه مادة الحساب. فشاهده مع فرقة السودان للتمثيل .. وتمني الفاضل أن يصبح مثله. ولكنه وقف في طريقه وهو يقدم مع الطلاب بالمدرسة مسرح الملايات ، حيث قال له : يا ابني لا أريدك أن تمثل الآن.. ولو مثلت الآن فلن تتعلم، ونحن في حاجة للممثل المتعلم . بعد التحاقه بالمدرسة الثانوية المصرية »مدارس البعثة التعليمية « كان الاساتذة ينقلون مسرحيات نجيب الريحاني وبعد الانتباه للامر ، توصل لقناعة بان المسرح امر عظيم ومسئولية كبيرة. ومن خلال القراءات لذلك المسرح قرر ان يكون مسرحياً . وبعد إكماله للثانوي التحق بجامعة الخرطوم لدراسة الآداب، لكن شغفه بالمسرح جعله يقدم اوراقه للالتحاق بمعهد الموسيقى العالي بالقاهرة، لكن اساتذته نصحوه بالا يضيع اربعة أعوام دون فائدة، لأن الحقل الذي يمكن أن يعمل به غير موجود في السودان. توكل على الله واختار طريق المسرح واختبر نفسه وسط جمهور من خارج اطار الطلبة، حيث جاء جمهور الخرطوم لأول مرة لمشاهدة الاحتفالات الضخمة التي تقيمها المدارس المصرية بنهاية العام. وتشمل الموسيقى والرياضة والتمثيل. وبدأ يمثل لجمهور يرى ويتكلم، مما منحه الثقة للتمثيل. وشرع في تكوين فرقة الشباب للتمثيل الكوميدي في عام 1955م. وضمت هذه الفرقة محمود سراج »ابو قبورة« الذي جاء في مرحلة لاحقة، وعثمان أحمد حمد »أبودليبة« والراحل عثمان اسكندراني، اضافة الى مجموعة من الفتيات. وتم تسجيل الفرقة في مجلس بلدي ام درمان. وكان مقرها بنادي العمال. ولعله يدين بالفضل لهذا النادي الأم درماني الذي احتضن الفرقة التي خرج بها من جمهور الفرجة واطار الكشافة والنشاط المدرسي الى فرقة تقدم عروضها المسرحية .. بعدها احس الفاضل سعيد إن مرحلة الثانوي قد انتهت، وليس امامه فرص دراسية أخرى، أو شخص يمكن أن يستفيد منه باعتباره أول شخص بدأ الكوميديا بشكلها الأرسطي، أوبشكلها الحديث، فبدأ في التفكير لإيجاد منابع لاسيما وأن هذا القدر أصبح مصيراً ومعاشاً. فوجد الحاجة الماسة للقراءة التي بدأها عبر الإطلاع، وقراءة المسرح العالمى والشعر . تأصلت التجربة الى الانتشار الذي دفع به للانتقال بمسرحه الى الاقاليم التي كان التحرك لها بهذه الفرق الصغيرة، احساساً منه ان جمهور العاصمة هو جمهور الاقاليم الذي إذا خاطبته بلغة واصلة يمكن الوصول الى هدف اساسي.. الدخول الى الإذاعة السودانية كان صعباً جداً.. ولم يدخلها عن طريق تمثيل الكوميديا التي كانت غير معروفة ولا مرغوبة وغير مطلوبة ، فسلك طريق آخر بتقديم التمثيليات الصغيرة والجادة عبر برامج ركن المرأة ، وركن الاطفال، وركن المزارع، وهذا اتاح للاسم الفني ان ينتشر عبر اكثر من برنامج.. بعدها اتيحت له الظروف بعد مسرح البراميل الذي اصبح مسرح الاذاعة ، وتحول للمسرح القومي، ليتم الاعتراف من الاذاعة والالتحاق بها..
Post: #12 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: اسيا ربيع Date: 08-11-2010, 04:37 AM Parent: #3
اخي الشايقي تصوم وتفطر على خير ورمضان كريم الرسالة وصلت لعزالدين اتوقع اتصال قريب .. اها جبت ليك عزالدين زماااااان .. الفنان عزالدين احمد المصطفى
Post: #9 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: اسيا ربيع Date: 08-11-2010, 04:01 AM Parent: #1
رمضان وصل .. أجمل تهاني .. للحبايب .. لأهل .. لي وطن فوق للمحن .. ان شاءالله صومنا يكون عزا .. وان شاءالله ليلنا يكون دعا .. ان
شاءالله مانصوم الشهر .. وفطورنا يومي .. على بصل , نمسك جروحنا علي أمل .. نمسح دموعنا من المقل , ونهاتي بي وطنآ موحد ومتحد .. يصبح
أمان .. واعظم مثل .. رمضان كريم .. رمضان وصل
Post: #10 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: احمد محمد بشير Date: 08-11-2010, 04:17 AM Parent: #9
يا سلاااااام ياخ الصورة دي من الزمن الجميل وزمن الدنيا كانت بخيرها .. شايف الاستاذ ابو داوؤد "له الرحمة"منور الصورة ومعه مجموعة من العازفيين
الشكرا للأخ عز الدين إبن الراحل المقيم /أحمد المصطفي عبرك يا ست أسيا.
...
Post: #13 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: عبداللطيف حسن علي Date: 08-11-2010, 05:05 AM Parent: #10
هسع دا فنان ، كدي اول حاجة يقش مخاخيتو دي ويجي
قوم لف يالشايقي
Post: #17 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: ALGARADABI Date: 08-11-2010, 07:35 AM Parent: #13
الأخت العزيزة آسيا رمضان كريم وكل سنة وانتي والجميع بخير
أعتقد أبو نضارات القدام أبوداؤد دا الفنان الفاتح رزق الله ( عشمانة) وجود ود أب قبورة بدعم النظرية
Post: #19 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: jini Date: 08-11-2010, 08:17 AM Parent: #17
Quote: لكن دحين الفي يمين الصورة دا ما عثمان حسين
اوعى تكون قاصد المسرحى والشاعر اسماعيل خورشيد! اراهن لم لا يلاحظ اى منكم وجود البعيو سليمان! جنى
Post: #20 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: سجيمان Date: 08-11-2010, 08:27 AM Parent: #17
اعتقد ان الغنية الفي الصورة هي زهرة الروض الظليل
والمقطع ( لو مرّ نسيمك علي1000ميل)
Post: #21 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: عبد اللطيف بكري أحمد Date: 08-11-2010, 08:40 AM Parent: #20
لو مر نسيمك على 1000 ميل خلى العالم طرباً تميل
وزاد وجدي،، ياسي جي،،
آسيا الربيع : شكرا على الصورة الجميلة،،
وياريت تنشروا لينا جمال السودان وذكرياته بدل الوجه القبيح القاعدين نتسابق في إبرازه هنا دا،،
محمدية كان من نجوم الغد وقتها،،
الشايقي : ياخ اسأل من الناس ، انحنا برضو بنغني ياخ!!
رمضان كريم ليكم كلكم ولي بكري ابوبكر على وجه الخصوص،،
Post: #22 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: سجيمان Date: 08-11-2010, 08:45 AM Parent: #21
شكرا عبد اللطيف
Post: #23 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: نوفل عبد الرحيم حسن Date: 08-12-2010, 01:51 AM Parent: #22
مبالغه . مبالغه يا آسيا غايتو كان تعملي الصوره دي في شكل مسابقه وبقلب قوي تقولي الجائزه الاولي عربيه همر .. لووووول
رمضان كريم
.... اعتقد ان السودانيين قديما اكثر اناقه من اليوم
Post: #24 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: فيصل محمد خليل Date: 08-12-2010, 10:20 AM Parent: #23
رمضانيات حلوة مجيبة في اليوم الفات انا برضو بجيلك في ليالي بس اوعك تضحك طوالي ذي بوري عربية مقرر اضحك ذي ما عاوز بس لاتنسى العبرات في رمضانيات
دي كانت الفرمالة بتاعت الفاضل سعيد في حلقات رمضانيات التي كانت تبث في رمضان ____ المكتوب بالاحمر دا ما متاكد منو اغايتو انا كتا بسمعها كدا
Post: #25 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: محمد ابراهيم قرض Date: 08-12-2010, 11:42 AM Parent: #24
آسيا .. عايزين واحد حريف تقنية معلومات يعمل لينا سهم يشير إلى إسم كل واحد في الصورة الجماعية .. عشان نقدر نعرفهم كويس .. أنا (شخصيا) عرفت فقط احمد المصطفى و عبدالعزيز داوؤد و محمدية ...
Post: #26 Title: Re: تعال يا بكرى شوف الصورة دى, عشان لمن تجيب صورة تانى, تجى جاهز ( صورة نادره جدا ) Author: إسماعيل التاج Date: 08-12-2010, 01:36 PM Parent: #25
التحفة آسيا
شكراً على الصورة التحفة.
والله أيام يا زمان.
دي طريقة للتوثيق نحتاج لها. براك شفتي كيف الفنانين (عندكم هناك) بيوثقوا لحياتهم، وكيف تحتفي بهم الأماكن التي ولدوا فيها وتتحول متاحف خاصة بهم، وكيف تلقي لافتات معلقة على الحيطان مكتوب عليها هنا ولدت وعاشت الفنانة آسيا ربيع (في الفترة من كذا لي كذا)، أو هنا عاشت المسرحية آسيا ربيع في الفترة من كذا إلى كذا.
يا أخي الأمم العظيمة تعرف كيف تقدر وتقيـِّم مبدعيها.
