الخبر الأكيد..................تأجيل إستفتاء جنوب السودان 6 أشهر

الخبر الأكيد..................تأجيل إستفتاء جنوب السودان 6 أشهر


08-09-2010, 10:24 PM


  » http://sudaneseonline.com/cgi-bin/sdb/2bb.cgi?seq=msg&board=300&msg=1281389086&rn=0


Post: #1
Title: الخبر الأكيد..................تأجيل إستفتاء جنوب السودان 6 أشهر
Author: محمد فضل الله المكى
Date: 08-09-2010, 10:24 PM

الخرطوم..وكالات:
كشف مصدر سوداني مُطَّلع عن إتفاق تم بين شريكي
نيفاشا (المؤتمر الوطني الحاكم والحركة الشعبية
لتحرير السودان) على تأجيل إستفتاء تقرير مصير
جنوب السودان المقرر إجراءه في التاسع من يناير
المقبل إلى ستة أشهر أخرى, وقال المصدر إن الإتفاق
على التأجيل تم في مباحثات الشريكين التي عُقدت
في القاهرة مؤخراً بقيادة الأمين العام للحركة الشعبية
باقان أموم, ونائب رئيس المؤتمر الوطني لشؤون الحزب
د. نافع علي نافع. مشيراً إلى أن خطوة التأجيل سيعلن عنها
رسمياً الأربعاء المقبل.

Post: #2
Title: Re: الخبر الأكيد..................تأجيل إستفتاء جنوب السودان 6 أشهر
Author: ناذر محمد الخليفة
Date: 08-09-2010, 10:42 PM
Parent: #1

والسبب شنو ؟؟!!

لو هم ما مستعجلين في ناس مستعجلين ..!!!

مشكور محمد فضل ...!!

Post: #3
Title: Re: الخبر الأكيد..................تأجيل إستفتاء جنوب السودان 6 أشهر
Author: cantona_1
Date: 08-09-2010, 10:46 PM
Parent: #2


يا ناذر يا ولدي مانا مستعجلين .. يعني الستة شهور بتضمن لي بقري الصيف الجاي يشربن في البحر ولو بدفع الإتاوات.. فليست لدينا خيارات جورج قرداحي. يا نمشي البحر يا نمشي البحر.. الثالثة: بقرنا تموت ودي ما بندورها. خليهم يؤجلوه سنتين تلاتة معانا تمام التمام.
الما عندها ضنب بحاحي ليها ربها.

(العوج راي والعديل راي)

Post: #4
Title: Re: الخبر الأكيد..................تأجيل إستفتاء جنوب السودان 6 أشهر
Author: Tragie Mustafa
Date: 08-09-2010, 11:01 PM
Parent: #3

طعلته من انصار الطيب مصطفى ولابد يعني يا ناذر!!

Quote:
والسبب شنو ؟؟!!

لو هم ما مستعجلين في ناس مستعجلين ..!!!

مشكور محمد فضل ...!!


لعلمك هم مستعجلين اكثر منك.

ولن يتم اي تأخير للاستفتاء.

Post: #6
Title: Re: الخبر الأكيد..................تأجيل إستفتاء جنوب السودان 6 أشهر
Author: ناذر محمد الخليفة
Date: 08-09-2010, 11:06 PM
Parent: #4

كانتونا ...

Quote: يا ناذر يا ولدي مانا مستعجلين .. يعني الستة شهور بتضمن لي بقري الصيف الجاي يشربن في البحر ولو بدفع الإتاوات.. فليست لدينا خيارات جورج قرداحي. يا نمشي البحر يا نمشي البحر.. الثالثة: بقرنا تموت ودي ما بندورها. خليهم يؤجلوه سنتين تلاتة معانا تمام التمام.
الما عندها ضنب بحاحي ليها ربها.


يا أخوي حتى مع الإنفصال نيفاشا ضمنت ليك بقراتك ديل يرعوا زي ما دايرين ..!!!

علا في ناس نيقاشا ما ضمنت ليهم رويحت في نفسهم ناهيك عن البقر ..!!

Post: #8
Title: Re: الخبر الأكيد..................تأجيل إستفتاء جنوب السودان 6 أشهر
Author: ناذر محمد الخليفة
Date: 08-09-2010, 11:08 PM
Parent: #4

تراجي سلام ورمضان كريم ..

Quote: طعلته من انصار الطيب مصطفى ولابد يعني يا ناذر!!


قلنا ناااااس يا تراجي ..!!!

ولو مصرا على السؤال بقول ليك أنا جناح المرحوم سامسون كواجي ..!!

Post: #5
Title: Re: الخبر الأكيد..................تأجيل إستفتاء جنوب السودان 6 أشهر
Author: Al-Shaygi
Date: 08-09-2010, 11:03 PM
Parent: #3


Quote:
يا ناذر يا ولدي مانا مستعجلين .. يعني الستة شهور بتضمن لي بقري الصيف الجاي يشربن في البحر ولو بدفع الإتاوات.. فليست لدينا خيارات جورج قرداحي. يا نمشي البحر يا نمشي البحر.. الثالثة: بقرنا تموت ودي ما بندورها. خليهم يؤجلوه سنتين تلاتة معانا تمام التمام.
الما عندها ضنب بحاحي ليها ربها.

كباشي أخوي أخير ليك تبيع البقر بدري بدري
وتشتري ليك مزرعة في الريف الإنجليزي يمكن يوم الله يكتب لينا زيارة لبلاد كتشنر وولسلي ونتعشى عندك في المزرعة بالتوركي ونرقص على أنغام القرب، بس ما بنلبس التنورة لأنو قالوا قاعد تلبسوها أمفكو....
الإنفصال رغم قناعتي أنه ليس من صالح الطرفين ولكنني أراه واقع فأخير الناس تعمل على أنفصال سلس سلمي وعلاقات جوار لأهل سادوا ثم بادوا بحكم ما أراه رأى العين حادث لا محالة.
وعاد أنتوا ناس التماس الله يستر عليكم ويلطف بيكم من الجاي...


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Post: #9
Title: Re: الخبر الأكيد..................تأجيل إستفتاء جنوب السودان 6 أشهر
Author: cantona_1
Date: 08-09-2010, 11:11 PM
Parent: #5


الحبيب الشايقي... قالوا تسوي إيدك يغلِّب أجاويدك. نحن بقينا بين مطرقة المؤتمر وسندان الحركة. ديل يقولوا تور التانيين يقولوا أحلبوا. ديل يقولوا كاس التانيين يقولوا قرعة. البقدر أقولوا ليك ناس الحكومة ما عارفين المشكلة التي ستقابلنا شنو وقدر كيف؟ تصوّر ما لا يقل عن 80 مليون رأس من الماشية والإبل والضأن ما لاقيه ماء؟ الحال حيكون كيف؟
نحن مازلنا بنقول: (الماعندها ضنب بحاحي ليها ربّها). مشكلتنا لا ضنب عندنا ولا ظهر وبالطريقة دي حننضرب على بطننا.

(العوج راي والعديل راي)

Post: #7
Title: Re: الخبر الأكيد..................تأجيل إستفتاء جنوب السودان 6 أشهر
Author: Tragie Mustafa
Date: 08-09-2010, 11:07 PM
Parent: #1

الاخ محمد فضل المولى المكي

Quote:

حكومة الجنوب: لا تأجيل للإستفتاء عن موعده.. ولو لساعة واحدة




واشنطن: عبد الفتاح عرمان



أمن إزيكيل جاتكوث، ممثل حكومة الجنوب في العاصمة الامريكية واشنطن، على موقف حكومته المعلن الداعي لعدم تأجيل الإستفتاء على حق تقرير المصير عن موعده المقرر فى التاسع من يناير القادم، "ولو لساعة واحدة"

–على حد تعبيره-. تابع:" سوف نقيم الإستفتاء في موعده حتي ولو شهد الجنوب فيضانات، سوف نسبح للوصول الى صناديق الإختراع. وحتي لو اشتعلت نيران طبيعية او غير طبيعية في الجنوب، سوف نعبر تلك النيران لنحقق دولتنا المنشودة".

ونفي جاتكوث بشدة وصول المؤتمر الوطني والحركة الشعبية لإتفاق لتأجيل الإستفتاء عن موعده، مضيفا:" حتي اعضاء مفوضية الإستفتاء الذين تحدثت اليهم اليوم نفوا علمهم بهذا الامر، وأكدوا على اهمية إجراء الإستفتاء في موعده المقرر".



وكشف جاتكوث عن أن إتفاقية السلام والدستور الإنتقالي ليس بهما نص واحد يربط ما بين إتمام عملية ترسيم الحدود وإجراء الإستفتاء على حق تقرير المصير للجنوب.



واتهم جاتكوث المؤتمر الوطني بالمماطلة والتسويف في إكمال عملية ترسيم الحدود، وتعيين امين عام لمفوضية الإستفتاء لجنوب السودان، ونكوصه عن إتفاق سابق مع الحركة الشعبية بالسماح لها بإختيار رئيس مفوضية إستفتاء منطقة ابيي الحدودية مقابل تعيين المؤتمر الوطني لرئيس مفوضية إستفتاء الجنوب، الامر الذي حدث بالفعل –على حد ذكره-. نقلا عن (newmedianile.com)






Quote: –على حد تعبيره-. تابع:" سوف نقيم الإستفتاء في موعده حتي ولو شهد الجنوب فيضانات، سوف نسبح للوصول الى صناديق الإختراع. وحتي لو اشتعلت نيران طبيعية او غير طبيعية في الجنوب، سوف نعبر تلك النيران لنحقق دولتنا المنشودة".

شايف يا ناذر الخليفه
قالوا لك ولو[green] سباحه

ولو فيضانات وغرق هم ماشين ماشين
ولو نيران وحرائق لن توقفهم عن ما نوا عليه!

Post: #10
Title: Re: الخبر الأكيد..................تأجيل إستفتاء جنوب السودان 6 أشهر
Author: ناذر محمد الخليفة
Date: 08-09-2010, 11:14 PM
Parent: #7

تراجي ...

إنتي مستعجلة كدة على الإستفتاء مالك ؟!! التقول ضامنة الوحدة في جيبك !!!

Quote: كباشي أخوي أخير ليك تبيع البقر بدري بدري


قبال البقر تبيعك وتجفل جنوب بحر العرب فتتشابه عليك ...!!!

Post: #11
Title: Re: الخبر الأكيد..................تأجيل إستفتاء جنوب السودان 6 أشهر
Author: Tragie Mustafa
Date: 08-09-2010, 11:26 PM
Parent: #10

وقت عارفين كده يا الكباشي
قعدتوا تتفرجوا ليه؟؟مالكم الناقصكم شنو؟؟
تعليم ولا نضج؟؟كله عندكم البخليكم تنضربوا على قفاكم
ما الحركه وانما المتعلمين من امثالكم
البجوا يتبكوا الكلام الغير مسؤل هنا واماكن آخرى:
Quote:
تصوّر ما لا يقل عن 80 مليون رأس من الماشية والإبل والضأن
ما لاقيه ماء؟ الحال حيكون كيف؟
نحن مازلنا بنقول: (الماعندها ضنب بحاحي ليها ربّها). مشكلتنا
لا ضنب عندنا ولا ظهر وبالطريقة دي حننضرب على بطننا.
ربنا يعين اهلنا بمناطق التماس!!

Post: #12
Title: Re: الخبر الأكيد..................تأجيل إستفتاء جنوب السودان 6 أشهر
Author: محمد زكريا
Date: 08-09-2010, 11:35 PM
Parent: #11

80 مليون راس؟
80,000,000
ياخ ما تبالغ


===
لو من البدايه شربتو عسل ولبن مع الجار القريب ما اخير من المساسقه مع الكوز البعيد

Post: #14
Title: Re: الخبر الأكيد..................تأجيل إستفتاء جنوب السودان 6 أشهر
Author: cantona_1
Date: 08-09-2010, 11:40 PM
Parent: #12

Quote: لو من البدايه شربتو عسل ولبن مع الجار القريب ما اخير من المساسقه مع الكوز البعيد


محمد زكريا
عارف العدد الصحيح 120 مليون لكن خفنا العين قلنا 80 مليون. لكن تشابه علينا البقر ما عرفنا أخونا من ود عمنا. المدردم كله ليمون. نحن مصالحنا مع الوحدة وحياتنا مرتبطة بالوحدة. لكن في ناس شايفين الوحدة عبء على السودان. وناس شايفين الوحدة ظلم على الجنوبيين. ما عرفنا بالضبط الوحدة دي شنو؟ خلوها تبقى زي بيضة أم كتيتي، كان شلتها قتلت أبوك وخليتها قتلت أمك وكان كسرتها قتلتهم الإتنين.
font size=9 color=red>
(العوج راي والعديل راي)

Post: #13
Title: Re: الخبر الأكيد..................تأجيل إستفتاء جنوب السودان 6 أشهر
Author: cantona_1
Date: 08-09-2010, 11:35 PM
Parent: #10

Quote: قبال البقر تبيعك وتجفل جنوب بحر العرب فتتشابه عليك ...!!!


ناذر الخليفة
عارف في منتصف شهر مايو وبداية شهر يونيو لو البقرة ربطتها بتقطع وتطلع شمال. رحلة الصيف. ولمن آخر أكتوبر يجي لو دخلتها في أوضة وغطيتها ببطانية بتجفل وتتجه جنوب رحلة الشتاء. غايتو نرجى الله البجيبو الله كله سمح.

(العوج راي والعديل راي)

Post: #15
Title: Re: الخبر الأكيد..................تأجيل إستفتاء جنوب السودان 6 أشهر
Author: قاسم المهداوى
Date: 08-09-2010, 11:47 PM
Parent: #13

محمد زكريا
مورتون
يا سلااام عليك يا سيدى
Quote: لو من البدايه شربتو عسل ولبن مع الجار القريب ما اخير من المساسقه مع الكوز البعيد

بالظبط كدا يا مورتون
عليك الرب قول للناس ديل مصالحهم فى اى الاتجاهات !!!!





قاسم المهداوى

Post: #17
Title: Re: الخبر الأكيد..................تأجيل إستفتاء جنوب السودان 6 أشهر
Author: الشامي الحبر عبدالوهاب
Date: 08-10-2010, 00:04 AM
Parent: #15

الاخ محمد فضل الله المكي
تحية واحتراما

ارجو ان تسمح لي بمناقشة الخبر معك
الذي اشك فيه ابتداء من مصدره والي آخر كلمة فيه

Quote: الخرطوم..وكالات:
كشف مصدر سوداني مُطَّلع عن إتفاق تم بين شريكي
نيفاشا (المؤتمر الوطني الحاكم والحركة الشعبية
لتحرير السودان) على تأجيل إستفتاء تقرير مصير
جنوب السودان المقرر إجراءه في التاسع من يناير
المقبل إلى ستة أشهر أخرى, وقال المصدر إن الإتفاق
على التأجيل تم في مباحثات الشريكين التي عُقدت
في القاهرة مؤخراً بقيادة الأمين العام للحركة الشعبية
باقان أموم, ونائب رئيس المؤتمر الوطني لشؤون الحزب
د. نافع علي نافع. مشيراً إلى أن خطوة التأجيل سيعلن عنها
رسمياً الأربعاء المقبل.


اولا اذا كان الذي كشف عن الخبر مصدر سوداني مطلع فلماذا يكون
المصدر الوكالات فاذا كان المصدر الوكالات فهذا يعني ان الخبر عام وتناقلته الوكالات جميعها
وهذا اضعاف للخبر واظهار الي انه مفبرك
ثانيا ان طلب تاجيل الاستفتاء جاء علي لسان احد اعضاء اللجنة وبعد المحادثات التي جرت في القاهرة
مما يعني ان اتفاقا كهذا لم يحدث ودستوريا فان التاجيل لا يتم الا باتفاق الشريكين
والاتفاق المعني لا يتم وراء الكواليس وانما يكون اتفاقا موثقا ومحضورا من الجهات المعنية
وهذا ما لم يتم بعد بل ان آخر تاكيدات الحركة كما جاء علي لسان باقان ان التاجيل يعني الحرب
او اللجؤ الي البرلمان لتحديد تصور الخطوة المقبلة

Post: #16
Title: Re: الخبر الأكيد..................تأجيل إستفتاء جنوب السودان 6 أشهر
Author: ادريس خليفة علم الهدي
Date: 08-09-2010, 11:57 PM
Parent: #13

Quote: إتفاق تم بين شريكي
نيفاشا


حكومة حكم ثنائي
بلد فيها حكومتين
ورئيسين واحد للشمال والتاني للجنوب
ونائبين شمالي جنوبي
وخرتمية مستشار من كل بقاع السودان
حكومة ترضيات (الوالي بقي وزير صناعة ومن بعد زراعة ) وسعادتوا طبيب بشري (وعجبي)
من الطاقة للمالية وما زال (وعجبي)
يعني وزير الصناعة القادم (والي الخرطوم حاليا ) أقرأو التاريخ (والزراعة لاحقا )

بلد كل مسئول فيها إله له قانونه الخاص (حتي تعددت الآلهة) ..
الصراع القادم صراع آلهه ( ولنا الله نحن العوام)
حتي يصبر للبلد إله واحد (نعود والعود أحمد)
وعجبي

Post: #18
Title: Re: الخبر الأكيد..................تأجيل إستفتاء جنوب السودان 6 أشهر
Author: محمد زكريا
Date: 08-10-2010, 00:33 AM
Parent: #13

Quote:
محمد زكريا
عارف العدد الصحيح 120 مليون لكن خفنا العين قلنا 80 مليون. لكن تشابه علينا البقر ما عرفنا أخونا من ود عمنا. المدردم كله ليمون. نحن مصالحنا مع الوحدة وحياتنا مرتبطة بالوحدة. لكن في ناس شايفين الوحدة عبء على السودان. وناس شايفين الوحدة ظلم على الجنوبيين. ما عرفنا بالضبط الوحدة دي شنو؟ خلوها تبقى زي بيضة أم كتيتي، كان شلتها قتلت أبوك وخليتها قتلت أمك وكان كسرتها قتلتهم الإتنين.

سلام يا كانتونا رقم واحد {كسلان امشى البروفايل عشان اشوف اسمك الحقيقى منو{خايف ما القى ليك اسم}....فسامحنا ياولد اّبا}

يازول ماشاءالله وربنا يزيدكم من الانعام والمال والرخير والرخاء
تعرف بس لو استثمرتوها صاح ممكن تبنو دوله كامله.....وحتى ما ح تحتاجو لمراعى هنا وهناك........ياخ اعملوا ليها مزارع ثابته واسقوها بالرى الصناعى
اعملو رانشات زى الامريكان.........او مزارع ابقار زى الهولديين والدنماركيين.......يعنى لمتين الناس تسرح بالبقر.......اذا فى صعوبات للرعى طيب شوفو حلول بديله
واكيد بعد شويه ح تكونو فى ورطه كبير لانو لا الجنوبيين ح يرضو باراضيهم ولا الحكومه بتقيف معاكم.
عشان كده مصلحه البقاره فى الانضمام الى الجنوب اذا حصل الانفصال ........وح يحصل
بس لو فى حكمه حقو من هسه تتصلح العلاقات مع الدوله الجديده........اما ناس هسه ديل وشعارات الوحده وشنو شنو كلام ساااااااااكت

تحياتى ياخ

Post: #19
Title: Re: الخبر الأكيد..................تأجيل إستفتاء جنوب السودان 6 أشهر
Author: محمد زكريا
Date: 08-10-2010, 00:38 AM
Parent: #18

Quote:
بالظبط كدا يا مورتون
عليك الرب قول للناس ديل مصالحهم فى اى الاتجاهات !!!!



سلام يا قاسم مهداوى
زى ما قال اخونا............ الصحيح رأى والعوج رأى

كيف كانت حفلات الشباب الموسيقى ........ماوريتنا ولا جبت الصور ونحن راجين الاخبار منك

Post: #20
Title: Re: الخبر الأكيد..................تأجيل إستفتاء جنوب السودان 6 أشهر
Author: محمد فضل الله المكى
Date: 08-10-2010, 03:00 AM
Parent: #19

نعم عزيزتي أم حازم

المشكله إحنا بقينا(لايصين) في النص!! بين المؤتمر
الوطني والحركة الشعبية..ما عارفين نصدق منو, وقد
أوردت أنا في بوست سابق(جاذبة) عدة أقوال متناقضة ,
لعدة مسؤولين من الجانبين حول هذا الإستفتاء المثير
للجدل.

المصدر الذي استقيت منه الخبر(جريدة الراية القطرية
العدد10320 المؤرخ 9أغسطس 2010)

شكراً أم حازم
شكراً الأخوة المتداخلين

Post: #21
Title: Re: الخبر الأكيد..................تأجيل إستفتاء جنوب السودان 6 أشهر
Author: الخير محمد عوض
Date: 08-10-2010, 03:15 AM
Parent: #20

السؤال الجوهري هنا هو: ما هو الضمان من عدم حدوث
غزوات ذات الخجة في عملية الاستفتاء؟؟؟؟

لانه بصراحة لو حدثت مثل تلك الغزوات المهيبة فان
اصوات ومصائر اخوتنا بجنوب السودان حا تروح في شربة صندوق

والله يستر

Post: #22
Title: Re: الخبر الأكيد..................تأجيل إستفتاء جنوب السودان 6 أشهر
Author: cantona_1
Date: 08-10-2010, 03:45 AM
Parent: #18

Quote:
يازول ماشاءالله وربنا يزيدكم من الانعام والمال والرخير والرخاء
تعرف بس لو استثمرتوها صاح ممكن تبنو دوله كامله.....وحتى ما ح تحتاجو لمراعى هنا وهناك........ياخ اعملوا ليها مزارع ثابته واسقوها بالرى الصناعى
اعملو رانشات زى الامريكان.........او مزارع ابقار زى الهولديين والدنماركيين.......يعنى لمتين الناس تسرح بالبقر.......اذا فى صعوبات للرعى طيب شوفو حلول بديله
واكيد بعد شويه ح تكونو فى ورطه كبير لانو لا الجنوبيين ح يرضو باراضيهم ولا الحكومه بتقيف معاكم.
عشان كده مصلحه البقاره فى الانضمام الى الجنوب اذا حصل الانفصال ........وح يحصل
بس لو فى حكمه حقو من هسه تتصلح العلاقات مع الدوله الجديده........اما ناس هسه ديل وشعارات الوحده وشنو شنو كلام ساااااااااكت



الأخ محمد زكريا
السلام عليكم ورحمة الله وبركاته .. ورمضان كريم .. تصوم وتفطر على خير.
نحكي لك هذه الطرفة: أحد أغنياء البقارة الذين يسوقون الآلاف وجد أحد أبناء عمومته من المساكين يأكل في عصيدة بموية. قال له: يا فلان لأكلك للعصيدة بالموية دي كان أكل ليك بدهن ما أخير؟ (الدهن هو السمن). ردّ عليه المسكين قائلاً: البدين أبو شرفوفه أنا كان لاقي أكل العيش بالدهن باكل بالموية؟
طبعاً نعمل زي الهولنديين ما ورادة لأن الهولنديين بقيراتهم شوية! نعمل زي الأمريكان ما ممكن لأن الموية ذاتها غير متوفرة. ونحن نحب الترحال ما بين القوز في الخريف والبحر في الصيف. راكب جوادك وشايل كلاشك ومشنق طاقيتك.. شئ في ا لدنيا مالي عينك ما فيش. القعدة محل واحد ما بندورها وبقرنا ما بدورنها ونسواننا ما بدورنها .. وعيالنا كان درمتوا محل واحد صيف وخريف بمرضوا. نحن شغالين بالمثل البقول: (المسار عزّ العرب .. المقام ما ليهو طرب). ما قلت ليك بقت لينا بيضة أم كتيتي. شوف لينا بصيرة.

(العوج راي والعديل راي)

Post: #23
Title: Re: الخبر الأكيد..................تأجيل إستفتاء جنوب السودان 6 أشهر
Author: خيرى بخيت خيرى
Date: 08-10-2010, 04:19 AM
Parent: #22

تراجي ...

إنتي مستعجلة كدة على الإستفتاء مالك ؟!! التقول ضامنة الوحدة في جيبك !!!


الظاهر ياناذر انت مادخلت فى بوستها التقول فيها ان الانفصال اصبح واقع
لامحال
وشوف البوست القبل ده البتقول انها بتدعو لقافله الى جوبا لاقناع الجنوبين للتصويت للوحده

وبوستات اخرى تدعو فيها خليل واعوان برفض الدخول فى حوار مع الحكومه ولا خيار غير الحرب


يعنى الواحد ما قادر يفهم الوليه دى دايره شنو

لو فعلا هى بتنادى للوحده وممكن تقوم بتعبئة الناس بقوافل للجنوب ،المفروض التأجيل ده يكون فرصتها
ولا شنو يااخوانا ؟

تراجى خلى بلدنا فى حالها وتواصلى فى نصرة اطفال اسرائيل الانتى عامله منظمه عشانهم

التحيه لصاحب البوست والاخوه الحضور

Post: #24
Title: Re: الخبر الأكيد..................تأجيل إستفتاء جنوب السودان 6 أشهر
Author: محمد فضل الله المكى
Date: 08-10-2010, 12:27 PM
Parent: #23

العزيز شامي

تقديري لتقييمك القيِّم لما ورد في الخبر.
أنا وحدوي حتى النخاع ..وطالما كان هنالك إمكان بتأجيل الإستفتاء
باتفاق الشريكين يبقى الأحتمال قائم إلى أن ينقضي يوم الأربعاء
الذي حدده الخبر وقد مضى أكثر من نصفه لحظة كتابة هذه المداخلة.
وإنا لمنتظرون لتأكيد صدقية مصدر جريدة الراية أو عدمه.

الصادق عبدالله رئيس لجنة ترسيم الحدود في لقائه مع قناة الجزيرة
في برنامج(ضيف المنتصف) يوم الإثنين9 أغسطس قال:

(إنهم أنجزوا 80 في المائة من العمل..وان هنالك أربعة نقاط (ليس
من بينها أبي ياي) مُختلف عليها وقد رُفِعت لرئاسة الجمهورية للإفتاء
فيها ..وإنهم ينتظرون رد رئاسة الجمهورية ليكملوا عملهم..وقال
إنهم قادرون على إنجازه قبل موعد الإستفتاء إذا وصلهم الرد في ظرف
أيام أو أسابيع)فهل ياترى هي النقاط التي يمكن أن تُؤجل الإستفتاء؟

أذا حدث التأجيل أتمنى أن تحدث مُعجزة (جاذِبة) تجعل المؤشر يميل في
الإتجاه العكسي للإنفصال....هذا إذا حدث رغم إنني أوردت حديثاً للسيد
سلفاكير (في بوست آخر) يقول فيه إن الإستفتاء سيقوم..رُسِّمت الحدود
أم لم تُرسّم.



(تفاصيل أوفى لحديث رئيس لجنة ترسيم الحدود في البوست المعنون جاذِبة)

Post: #25
Title: Re: الخبر الأكيد..................تأجيل إستفتاء جنوب السودان 6 أشهر
Author: JOK BIONG
Date: 08-10-2010, 05:39 PM
Parent: #24

ما في تاجيل ...
الحالمون بالتاجيل مافي تاجيل.
نحن في انتظار يوم الاستقلال بشوق شديد علشان نودع دولة الدجل والهرطقة باسم الدين والعروبة.