لقطات من عدستي ... حركات واحد عكلته ساي عاوز يزاحم عصام عبد الحفيظ وناجي الملك

وفي رمضان في بلادي له الف صوره ومعنى

كم ياسرني افتتان الصناعيه بمهنيتهم في كثير من المواقع

ذاكرة الرمال

ونغير دق البصل لسقاية الطيور حبا في بلادي

الايهم

والله يا (بصّاص) ياخوي أسمع نصيحتي
زولك بتاع دق البصل ده ما تشوقف ضحكته دي
الله وامان الله يلم فيه محامي (عكليتة) يخلي ريحتك طير طير
غايتو صوّر ... لكن أعمل حسابكـ من الزملاء المحامين

هههههه

النصيحه ضالتنا يابا اسمح وانا بمسح الا العكلته

Quote: النصحه ضالتنا يابا اسمح وانا بمسح الا العكلته

ههههههههه
يازول ما تمسح
أخوكـ من إبتسامتهدي بجيب ليك البراءة على طبق من ذهب
وحأطلعك زي الشعرة المصرية من العجين
بس أختى الما ببتسموا ديلاكـ

من ليالي الفاشر الصامته التي تكاد تسمع فيها دبيب القمر

لبخار الكفتيره حكايات وذكريات يرويها الوجع الذي تسكنه الحاجه لسيدة الكرم الصافي الف شكر

.
.
.
والله يا البصاص زواياك موبالغه وصورك معبره وسحرتنا بي فنك
انا ياربي صوري ديل شينات للدرجه دي ما ممشكله نصور لحدي
ينزل علينا اللهام فتوغرافي ويجنو يشدوا بينا ناس قريحتي راحت
وينقدوا لينا زوايانا ناس عصام وناجي ...آمين

تحية طيبة..
إنتشرت الكاميرات الفوتوغرافية الرقمية وسعرها أصبح فى متناول الكثيرين،رغم ذلك يسود جهل
مريع بفن التصوير ومن أتقن هذا الفن يبخل على الاخرين بنصحهم. نتمنى من كل المحترفين أن يمدونا
بأساسيات فن التصوير، فليس التصوير أن توجه الكاميرا نحو هدف معين وتضغط على ذر التصوير.
هناك زخم هائل فى الانترنت وفيديوهات مهولة على اليوتيوب عن كيفية التصوير، لكن من يمدنا بالخلاصة؟ ويستخرج الدرر؟
لا زمن لنا لقراءة كتاب أو تمضية وقت ثمين فى البحث على المواقع. كل ما نطلبه بعض الفنيات البسيطة
والاساسيات التى تخرجنا من نطاق الجهل.

ونتمنى من صاحب البوست أن يكون هذا البوست فصل (محو أمية) لكيفية التصوير الفوتوغرافى الصحيح.
بالمناسبة مع قدوم رمضان يزدحم الموقع بصور إفطار البورداب حول العالم ولا شك بأن بعض النصائح والدروس الخفيفة
ستساهم فى إخراج صور أفضل لإفطار البورداب.



----------------
أتمنى أن تكون البداية بتعريف البؤرة Aperture، وحدات قياسها، واستعمالاتها المختلفة..

.
.
.
العزيز امبده

تحياتي

( ولا يفتي ومالك بالمدينه ) معك اوجه النداء لعصام وناجي والشبلي و نوبي ومنو ومنو كل الناس الهنا
ومخلينا قاعدين في السهله ياناس ياريت تتصدقوا في رمضان ده وتفردوا لنا من علم التصوير
الفتوغرافي وتقنايته ما يمكننا من الاجاده وتحقيق الهدف الاسمى للمشهد فتوغرافي ...



مدخل للخروج :
الصوره في عرفي تحكي قصة مكتملة الفصول
وكم امقت الصور التي يترتب لها المستهدفون
وكم يغيظني ذلك المصور الذي يردد لمن داخل الكادر
قولو سيييي وهويردد واحد. . اتنين . . تلاته

من لم يعانقه شعور الحياة يعيش ابداً بين الحفر

البصاص

اهو انت بتبص بالكاميرا كويس

عجبتني زاكرة الرمال

استمر في البص ..

.
.
.
الشبلي ساحر العدسات وفلاترها ...

اول شي تسلم كتير وهذه شهادة ملاتني فخراً ...
لكن زي ما بقولوا ناس الكوتشينه ده حظ الكيشه يلا ياسيدي
خت كلام امبده في الاعتبار وتعال لينا بي خلاصة تجارب وتوجيهات تحسن
من توقيتاتنا لحظة ضغطت ( الشتر ) في كاميرات الهواه والمحترفين

ابقى قريب

اصدق لحظات الانفعال !!! ... حينما تولد البراءة من جديد
فقط كن بقربهم بمنحوك الصفاء المفقود

احمد البصاص يتلقى الدرس الاول

ياحليل قندهار

البصاص

دا إسمو شركـــ

...
...
انا غايتو لا أفتى وأستاذتى قاعدين

كمائن الطوب في الفاشر

Quote: البصاص دا إسمو شركـــ ... ... انا غايتو لا أفتى وأستاذتى قاعدين

ياناجي يمين ما شرك لكن في ناس كتار امنيتهم
تحكوا ليهم كيفية التقاط الصور الجيده وطرق اختيار الزوايا الجماليه
للقطات القريبه والبعيده ...



ياناجي
اعتقد ان التوثيق الفتوغرافي ثقافه جديده على الشعب السوداني
انت وجميع الاساتذه المخضرمين يقع على عاتقكم واجب هدايتنا
للوجهة الصحيحه في الكيفيه المثلى للتوثيق الفتوغرافي



ياناجي :
الصور الفوق دي نماذج تصلح للدراسة والشرح من انتاج زول شبه هاوي
عاوز يعرف الصاح والغلط في عالم التصوير وعبره يتعلم الناس التانين بي صوره
بسيطه وبي لغه سودانية وبي عين سودانية عشان الفهم يكون سوداني وتذوق الجمال
برضو يكون سوداني


ياناجي
ياخي تعال وافرد لينا حبه من العلم اللامين عليهو جنحاتكم
عشان تستفيد سواء ونقدر نعكس شويه من جمال السودان المتنوع





ياناجي
كل الحب ان اتيت وان لم تاتي

البصاص

البصاص ...
القصة ما تعليم لو تعليم فالمفروض نتعلم انحنا كُلنا
ويكون شكل البوست غير ذات الشكل ...يعنى يكون شكل البوست عبارة عن أسئلة وأجوبة
وما عملى كدا طوالى
...
عن نفسى فالموضوع جايط لى كتير انو حتة النظرى دى انا ما وصلتا ليها
انا كنتا بصور ولحدى اسى بصور ...وبس
كتير جداً ما بختار الزاوية الصاح بينى وبين روحى برجع اعيدها بعاين ليها فى الكاميرا برجع تانى
يعنى لو قُلتا ليك مرة ... درستا عنو حاجة أكون كاذب .... الحاجة الوحيدة الأفادتنى ...هى مرافقة مجموعة من المصوريين
او الرحلات فى نفس المجال دا
بتغير من نوعية الصور ...وبتخليك بتفتش عن التفاصيل
والتصوير ....كوم تفاصيل
اها ...
شفتا الورطة ؟

انا ماعندي علاقه بالتصوير نهاااااااائي

لكن للصوره الجميله وقع خاص

صورة أحمد البصاص دي صوره خرافيه بالجد

اللقطه معبره بصوره مدهشه

دائماً ماتكون صور الاطفال هي الاروع لأنهم تلقائيين بطبعهم ولاتوجد صوره أروع من الصورة التلقائيه

ربنا يحفظو

رمضان كريم

ومؤونة عام من الود

Quote: والتصوير ....كوم تفاصيل

يا بصاص تصوم وتفطر على خير انت وزوار هذا البوســت


شوف الملك بيقول شنــو ( التصوير كوم تفاصيــل ) ونحنــا العنقالة ديــل

بــس نوجــد الكاميرا تجاهـ الشــئ وهاك يا ( طظ )

مره تجــئ سمحــة / ومره مهزوزة / ومرة فيها ظـل /....


عايزين كلام عن تقنيــة اساسيات التصوير :

سرعة اخذ اللقطة

سعــة العدســة

زاويــة الصورة

الظــل فى الصورة

اهتزاز الصورة

كوم التفاصــيل المطلوبــة فى الصورة

......... الخ

مدروعيــن فى رقبــة الجماعة ديــل ....ويا ريــت يدونــا تصويبات فى بوســت الصور دا

Re: بورداب فى امــواج ( صــور بــس )

Quote: عايزين كلام عن تقنيــة اساسيات التصوير : سرعة اخذ اللقطة سعــة العدســة زاويــة الصورة الظــل فى الصورة اهتزاز الصورة كوم التفاصــيل المطلوبــة فى الصورة ......... الخ مدروعيــن فى رقبــة الجماعة ديــل ....ويا ريــت يدونــا تصويبات فى بوســت الصور دا

شيخي الجليل بدر الدين اسحق

نسالك الله الكريم ان يجعلك من المغفوره ذنبوهم
والمعتوقة اجسادهم من النار بفضل هذا الشهر الكريم
وجمعنا الله في دوحة حبيبه المصطفى الكريم باذن الله

تعرف ياشيخي النار دي زمنا دوما ضيق مابين الشتر والكادر
غير المشاغل الاخريات لكن تعرف نحنا هنا دايرين منهم حبة وصف
زي حق ناجي التحت ده بدون المقاسات ال مم بتاعت الكاميرات ديك
كلام بسيط لانو السواد الاعظم منا يحملون كاميرات هواة ولا تحوي على الكثير
من تقنيات الكاميرات المحترفه عشان كده حتى ولو في عدسة كاميرا موبايل الواحد بتمنى
انه الناس تطلع منها شغل سمح ويصل الى درجة جيد ما امكن وده بجي بي حبة تعليمات
زي نظام فك وتركيب السلاح والباقي بتموا سيد الكاميرا والروح الجماليه الكامنه فيهو

اهو نحنا معاك منتظرين اتنين من الكبار والعرابين يجونا الا جية الشبلي لم تشفي لنا غليل معرفه
ويا ناجي والله مشكور لو شفت حبة التوجيه الحبة ده بجيب اثر قدر شنو اكان فتحت لنا فصل
لسه عشمانين لينا في طلة طلتين

كونو بخير

Quote: انا ماعندي علاقه بالتصوير نهاااااااائي لكن للصوره الجميله وقع خاص صورة أحمد البصاص دي صوره خرافيه بالجد اللقطه معبره بصوره مدهشه دائماً ماتكون صور الاطفال هي الاروع لأنهم تلقائيين بطبعهم ولاتوجد صوره أروع من الصورة التلقائيه ربنا يحفظو رمضان كريم ومؤونة عام من الود

محمد فرح تسلم كتير ياسيدي

ليس للامر كتير علاقة بالاجادة والدربه بقدر ماهو
هي عين الجمال التي قد تدخل في حالة صفويه امام مشهد
كما حالي ذات مرة وانا في مداخل الثانوي العالي حينما حظيت
بزيارة معرض لرسام ما واستوقفتني لوحة لعازف كمان يحتضن
كمانه عازفا وهو يبكي فوجدتني بعد برهة مشدودا اليها وقد اغرورقت عيناي
بالدمع وبكيت معه كثيراً وحمدت اله اني كنت وحدي حينها .. لكن الذي لا اعرفه حتى
اليوم ما الذي ابكاني ايا تري يكون السبب ....



محمد فرح اعلم فقد اسعدني مرورك كثيرا


كن بخير

البصاص

Quote: البصاص ... القصة ما تعليم لو تعليم فالمفروض نتعلم انحنا كُلنا ويكون شكل البوست غير ذات الشكل ...يعنى يكون شكل البوست عبارة عن أسئلة وأجوبة وما عملى كدا طوالى ... عن نفسى فالموضوع جايط لى كتير انو حتة النظرى دى انا ما وصلتا ليها انا كنتا بصور ولحدى اسى بصور ...وبس كتير جداً ما بختار الزاوية الصاح بينى وبين روحى برجع اعيدها بعاين ليها فى الكاميرا برجع تانى يعنى لو قُلتا ليك مرة ... درستا عنو حاجة أكون كاذب .... الحاجة الوحيدة الأفادتنى ...هى مرافقة مجموعة من المصوريين او الرحلات فى نفس المجال دا بتغير من نوعية الصور ...وبتخليك بتفتش عن التفاصيل والتصوير ....كوم تفاصيل اها ... شفتا الورطة ؟

ياناجي تسلم كتير ان عدت الينا مرة اخرى
تعرف بالذات في الحته بتاعت التصوير دي قدر ما بارينا الكتب
البتجاوب سين وجيم مرات كتيره الفهم بحصل لكن التطبيق بكون مشكله
عشان كده رمينا ليكم الصور وانتظرنا منكم الملاحظات البسيطة ليس الا ما الملاحظات الموغله
في التخصصية والله لو تعر الملاحظات البسيطه دي بكون اثره شنو ما تتخيل الناسدي زي قول
بدر الدين اسحق شايله الكاميرات وشغاله هاك ياطبز وكان ممكن يدونا صور شامله ومعبره بي حبة توجيهات
بيني وبينك اها نحنا راجين الكبار هنا عشان نسمع منهم ويمين عارفين انهم ابدا ما ببخلوا علينا بي طلة كريمه

وكمان ياناجي انت والشبلي لسه الامر في رقبتكم ونحنا في الانتظار

كل الود

ما شاء الله بسم الله
واحة في الهجير

Quote: ما شاء الله بسم الله واحة في الهجير

حبيبنا فيصل محمد خليل

جبر الله خاطرك واسعدك كما اسعدنا مرورك

ابقى قريب

Quote: ياناجي تسلم كتير ان عدت الينا مرة اخرى تعرف بالذات في الحته بتاعت التصوير دي قدر ما بارينا الكتب البتجاوب سين وجيم مرات كتيره الفهم بحصل لكن التطبيق بكون مشكله عشان كده رمينا ليكم الصور وانتظرنا منكم الملاحظات البسيطة ليس الا ما الملاحظات الموغله في التخصصية والله لو تعر الملاحظات البسيطه دي بكون اثره شنو ما تتخيل الناسدي زي قول بدر الدين اسحق شايله الكاميرات وشغاله هاك ياطبز وكان ممكن يدونا صور شامله ومعبره بي حبة توجيهات بيني وبينك اها نحنا راجين الكبار هنا عشان نسمع منهم ويمين عارفين انهم ابدا ما ببخلوا علينا بي طلة كريمه وكمان ياناجي انت والشبلي لسه الامر في رقبتكم ونحنا في الانتظار

تعقيباً على حديثك يا سيدى ...
انا دى كانت أكتر صورة عجبتنى
لكن فيها ملاحظة وهى انك قطعتا رجل الراجل لو خليتا ...جوة الكادر بتاع الصورة كان بتكون اجمل
الحاجة الثانية ...انك كان تنزل شوية بحيث انك تكون قصاد "وجه الزول" الداير تصورو وتخلى العدسة قصادو
تحاول ما تستعمل فلاش لانو الإنعكاس بطشش الزول
تجيب شوال الإغاثة العلى أعلى الصورة بالكامل
"أغلب الظن أن الصورة فى الفاشر أو فى بحرى "



وهكذا ....بارى روحك يا بصاص :) والله أحسن ليك من تنظير ناجى دا

Quote: تعقيباً على حديثك يا سيدى ... انا دى كانت أكتر صورة عجبتنى لكن فيها ملاحظة وهى انك قطعتا رجل الراجل لو خليتا ...جوة الكادر بتاع الصورة كان بتكون اجمل الحاجة الثانية ...انك كان تنزل شوية بحيث انك تكون قصاد "وجه الزول" الداير تصورو وتخلى العدسة قصادو تحاول ما تستعمل فلاش لانو الإنعكاس بطشش الزول تجيب شوال الإغاثة العلى أعلى الصورة بالكامل "أغلب الظن أن الصورة فى الفاشر أو فى بحرى " وهكذا ....بارى روحك يا بصاص :) والله أحسن ليك من تنظير ناجى دا

حقيقه الصوره في سوق الفاشر شرق الاستاد

اها شفت كيف النقطه بتاعت الفلاش دي مرات كتيره بتضايق وبتحرج كمان
وكما انها في اغلب الاحوال تفقد الصورة اريحيتها وطبيعيتها فنجد بعض الصنعه
تلوح بين ثنايا الصوره .. والفلسلفه الاساسية في الصورة هى عندي اختزال الزمان
في لحظه وتجميد الانفعال في ضغطت شتر ... حقا لفت انتباهي لنقطة مهمه في شان الفلاش
لكن متى يستحب استعمال الفلاش ومتى يفضل التصوير الهادي بدون فلاش ...


اما بخصوص زاوية الصوره والاهتمام بتفاصيل الكادر وضبطتها بما يحقق شمولية الصوره
وهو امر من الضروره بمكان لمافيه من تحقيق للجوانب الجمالية للصوره لا تعتقد ان افراطنا في استعمال
شاشات ال سي دب المرفقه بالكاميرات تفقد الصوره الكثير من رونقها وهذا حال معظمنا اخي ناجي
والسؤال هنا اليس من الافضل استخدام المنظار الاساسي لضبط الصوره بدل الشاشه الملونه وفي اي
الاوقات يفضل استخدام احداهما على الاخرى ...






ياناجي
اعذرني للاسهاب فانني احاول استنطق استفهامات كثيره دور في
اذهان كتيرين وقد لاتدور في محاولات لاستقراء المعرفه وتذكير بعضنا بابجديات
التصوير ... ولك شكري على التوجيهات بخصوص ضوابط الكادر
باذن الله سوف تراعيها جيدا في المستقبل



مدخل للخروج :
يا ناجي شفت الموضوع كله ونسه بيسطة وحبيه
وكمان وبي فايده عميمه اتمنى ان لاتنقطع

كن بخير

العلم ليس شقشقة لسان

عندما يكسو العيون الفضول والدهشه يكون العالم جميلا بحق
ليت لنا عيونهم لنعيد رؤية الاشياء من جديد

شعب تسكنه الصفوف والملاريا

اللدر في ضهرو الخبوب والطين


ياناجي ياخي تعرف مافي شي مغتس حجر السودانيين الا التواضع الما منهجي ده
ياخي علييييك الله سوق لي نفسك عرف بها عرف باعمالك مش زي الكلام الفوق ده
ياخي والله شغلك الشفتو انا ده والاكيد ده القنعان منو عشان كده ختيتو في النت ياخي
ده لو لقاهو لبناني ولا اردني اكان طلع بيهو السماء وعمل فيها ابو الخبراء ذاتم

.
.