Post: #1
Title: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 04:26 PM
الصرف في رمضان كتير يا جماعة
ليس منا من يصرف حق التمرين وجاره في العرضه شمال بتمرن ساي
|
Post: #2
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 04:31 PM
Parent: #1
على جميع الاهلة الابناء ارسال طرود عاجلة للهلال الاب
هلال كوستي : كمية من الفسيخ
هلال الدويم : 10 صفائح جبنة
هلال كادكلي : عشرة كراتين منقه قلب تور
هلال بورتسودان : برميلين نفط
هلال كريمة : 18 شوال بلح
هلال المناقل : خضروات من طرف الحواشات
هلال كسلا : 6 سبايط موز
هلال القاضرف : 20 شوال ذرة ممتازة و15 شوال سمسم
هلال الابيض : شوالين قنقليز بدون شطة
هلال نيالا : الشطة الحارة ديك للقنقليز ما تجيبوها كتيره
وباب التبرعات مفتوح
يتم تسليم التبرعات لكابتن الهلال ليقوم بتوزيعها بنفسه على اللاعبين .. مع مراعات التوزيع للاجانب اولا لذوم الضيافة وكده
|
Post: #3
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 04:33 PM
Parent: #2
نتمنى من شيخ العوض ان يتبرع بعزمة كارب لفريق الهلال في قندهار .. ويدفع براه وما يعزم شلته عشان بعامين *
________
*بعامين يعني اكالين
|
Post: #4
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 04:35 PM
Parent: #3
يا تمبس انت هلالابي ساااااااااااااااااااااكت
زي ما بترسل المصاريف لزميلة البورد
رسل معاك حاجة لدعم الهلال ياخ .. لو خايف مننا ناكلها رسلها لعناية وهبة اهو منكم وفيكم
|
Post: #5
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 04:36 PM
Parent: #4
اتتنا البرقية التالية
هلال الدمازين .. يشارك الاهلة مساندة الاب
قف
نحن معكم ونشد من ازركم
قف
محلو لكريم عنايتكم 15 جركانة عسل نحل اصلي
قف
شده وبتزول
|
Post: #8
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: المكاشفي الخضر الطاهر
Date: 08-09-2010, 04:39 PM
Parent: #4
نسيت هلال جوبا ولا شنو ؟
اوع تكون ما داير الوحدة
|
Post: #10
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 04:41 PM
Parent: #8
| Quote: نسيت هلال جوبا ولا شنو ؟ |
يا المكاشفي
انت عاوزين تاكلو بترولهم وقروشهم كمان ؟
|
Post: #11
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: معتصم دفع الله
Date: 08-09-2010, 04:43 PM
Parent: #4
رمضان كريم يا شفت ..
عارف يا وليد الفرق بين لاعبي الهلال ولاعبي المريخ ..
الغيرة على الشعار اللابسنه وحبهم لفريقهم رغم قلة المال البتتكلم عنها إنت دا ..
ورغم كلام مزمل أبوالقاسم العايز يقلل بيهو من شأن الهلال ولاعبي الهلال زي كل مره في عموده اليوم ..
شوف نتائج فريق الهلال ونتائج فريقكم ومستوى الفريقين ومستوى اللعيبة ..
والله الواحد بخجل ليكم عديل كده ..
عليك الله مسيرة يوم أمس دي لي بيت الوالي موووش فضيحة في حق المريخ ؟..
برجع ليك ..
|
Post: #14
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 04:47 PM
Parent: #11
يا معتصم
| Quote: والله الواحد بخجل ليكم عديل كده .. |
اها خجلت لي لعيبتنا القروشهم في وما ادونا كورة
اها انا خجلت ليكم انتو لعيبتكم ادوكم كورة وغلبوا ليكم وشحدوكم بالجرايد
وعاملين اضان جلد
هاهاهاهاهاهاهاهاهاهاهاهاهاهاهاها
يعني بعد ده الا يمشوا الجامع الكبير بعد التمرين لعيبتكم ديل عشان يطلعوا مصاريفهم
|
Post: #6
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: بابكر التوم
Date: 08-09-2010, 04:37 PM
Parent: #1
ياولى الهلال يمرض ولا يموت ...
لو تذكر مداخلتى معاك فى بوست سابق عن احتفاظ الهلال بالعقلية القديمة فى أدارة القمة يذهب صلاح ادريس ويجى مليون صلاح ...
رحم ااهلال لايعقر
ساقية جحا مدورة والكورة ورا وراQuote: لمريخاب بعد (تنحي) جمال الوالي مفروض يدللوا (نجومهم).
يعني وراغو دا مفروض يودوهو دلالة الجمعة.
وارغو دا لو ما جلدتوه ما بجيب ليكم أي حاجة.
ثلاجة ما بجيبها ليكم.
اتخيلوا كدا تمشوا الدلالة عشان تبدلوا (وارغو) بي (عجلة).
لو لاقاكم (سمسار) شاطر ... بدفعكم (فرق).
العجلة ما بدوكم ليها بالساهل.
انتوا تعالوا هنا (نجيلة) المريخ بعد (تنحي) جمال الوالي ...ليه بقت كدا.
النجيلة بقت (عطشانة) عديل.
انتوا يا ناس همد...(موية) ما عاوزين تشربوها للنجيلة.
نجيلة في (الخريف) عطشانة.
دي نجيلة شنو؟.
نجيلة...غريبة عديل.
نرجع لي موضوع (الدلالة).
وارغو قلنا بجيب ليه (عجلة)...لكن ناس المريخ يدفعوا ليهم فرق.
المشكلة ما في وارغو...المشكلة في (كاسروكا).
كاسروكا دا يتخلصوا منو كيف؟.
كاسروكا دا في الدلالة..إلا تبدلوه بي (موبايل) تلاتين عشرة .....اكتر من كدا ما بجيب ليكم شيء.
والسعر دا بجيبوا ليكم قبل (الفلقة).
لو اتفلق اقنعوا منو.
لكن يا خسارة ...بعد جمال ابوعنجة مسك المريخ تاني (كاسروكا) دا ما ح نشوفو.
حكاية المريخ مع (جمال) شنو؟.
جمال الوالي فات. |
والله محمد عبد الماجد دا الوحيد البعرف ليكم
|
Post: #9
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 04:39 PM
Parent: #6
| Quote: والله محمد عبد الماجد دا الوحيد البعرف ليكم |
يا ود التوم يعرف شنو
الوالي سكت الخشامة
اخر مديونية للمريخ بتاعت تسوية الجهاز الفني القديم دفعها كاس
الانا مستغرب ليه
صلاح ادريس قال عاوز 25 مليار
مع انه
لا عمل استاد ولا حوض سباحة ولا سور سمح بره
ولا استضاف سيكافا
ولا اشترى وارقو
ولا جاب نجيلة سمحة
لو هو عاول 25 مايار
الوالي يكون عاوز من المريخ كم يا الله ؟
|
Post: #7
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: لؤى
Date: 08-09-2010, 04:37 PM
Parent: #1
Quote:
ليس منا من يصرف حق التمرين وجاره في العرضه شمال بتمرن ساي
|
وليد
مساء الخير
شُفتَ العظـمة دي ؟
فريق بيعاني مادّيّاً
للدّرجة دي
وبينتصر على المرّيخ
المرتاح مادّيّاً لدرجة التّبذير
في حاجة صاح ولاّ غلط في مكانٍ ما في الهلال ولاّ المرّيخ ؟؟؟
تحاياي
|
Post: #12
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 04:44 PM
Parent: #7
يا لؤي انا ما دابي عرفت ليك لعيبة الهلال مالهم
ياخ ديل روحهم محرقاهم
ممعوطين من ادارتهم ويتفشهوها في لعيبة المريخ .. ويغلبوهم ويدقهم ليك زعل ساكت
وانا اقول علاء الدين يوسف واسامه التعاون جنهم بنج وشلالاليت ليه
تاريه ما منهم من العليهم
تصدق عزرتهم
والله انا وكت افلش اسبوع ضلي بشاكلوا
|
Post: #15
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: لؤى
Date: 08-09-2010, 04:47 PM
Parent: #12
Quote:
يا لؤي انا ما دابي عرفت ليك لعيبة الهلال مالهم
ياخ ديل روحهم محرقاهم
ممعوطين من ادارتهم ويتفشهوها في لعيبة المريخ .. ويغلبوهم ويدقهم ليك زعل ساكت
وانا اقول علاء الدين يوسف واسامه التعاون جنهم بنج وشلالاليت ليه
تاريه ما منهم من العليهم
تصدق عزرتهم
والله انا وكت افلش اسبوع ضلي بشاكلوا
|
معناها يا وليد
بالمقابل
أنا عرفت السّبب وراء إنعدام الغيرة والحماس لدى لعيبة المرّيخ
تحاياي
|
Post: #18
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 04:51 PM
Parent: #15
| Quote: أنا عرفت السّبب وراء إنعدام الغيرة والحماس لدى لعيبة المرّيخ |
عاقلين لعيبة المريخ
ناسكم روحهم محرقاهم وما عندجهم البخسروه
يسيبوهم بعد شوية
بقعدوا يجعروا جم الحيطة براهم زي ما عمل هيثم مصطفى اول امبارح في الجرايد
معقولة حصلت لحدي انهم واسرهم ما لاقين ياكلوا
|
Post: #19
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: معتصم دفع الله
Date: 08-09-2010, 04:52 PM
Parent: #12
عارف يا ولي ..
قبل كم يوم من بيان هيثم مصطفى قلت لواحد صاحبي والله على ما أقول شهيد ..
قلت ليهو قوة الهلال تكمن في لعيبته وفي قيادة هيثم مصطفى للفريق في أحلك الظروف ..
هيثم بحب الهلال عشان كده بحث اللعيبة يلعبوا بولاء وإخلاص وغيرة شديدة يندر أن تجد ..
لذلك متفوقين في مبارياتهم ومتماسكين رغم الظروف البمر بيها الفريق من قلة مال وإصابات وسط اللاعبين ..
وسط لاعبي الهلال قيادة واعية وأي لاعب من القدامي يمكنه أن يقودالفريق عمر بخيت أوالمعز أو علاءالدين يوسف وهذا ما ينعدم في فريق المريخ ..
الاعلام المريخي دائماً ما يحاول التقليل من شأن لاعبي الهلال ووصفهم بألفاظ لا تنتمي للرياضة وما قصة المواسير إلا أكبر دليل على ذلك ..
يا وليد فتشوا ليكم على حاجة تانية تنتهوا بيها من فريق الهلال ولاعبي الهلال ..
|
Post: #22
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 04:57 PM
Parent: #19
| Quote: يا وليد فتشوا ليكم على حاجة تانية تنتهوا بيها من فريق الهلال ولاعبي الهلال .. |
ليه نفتش ؟
نحن نتفرج بس ونصحك ؟
يا حبيبنا دي وصلت الجرايد
|
Post: #13
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: المكاشفي الخضر الطاهر
Date: 08-09-2010, 04:45 PM
Parent: #7
اسي وارغو وكسروكا ديل زنبهم شنو ؟
|
Post: #16
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 04:49 PM
Parent: #13
| Quote: اسي وارغو وكسروكا ديل زنبهم شنو ؟ |
انت في ديل
ولا في سادومبا
امه العيانه هناك
ومرتو العيانة هنا
غايتو الا يعمل ليه بطااقة تامين صحي .. حتين امورو تسلك
|
Post: #21
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: داليا الكباشى
Date: 08-09-2010, 04:54 PM
Parent: #13
Quote: زي ما بترسل المصاريف لزميلة البورد
رسل معاك حاجة لدعم الهلال ياخ .. لو خايف مننا ناكلها رسلها لعناية وهبة اهو منكم وفيكم |
يازول وهبه بتاع الساعه كم؟
يرسل لي انا دي , ولو هلالك دا شاف منها حاجه اكون بالغتا
قال هلال قال!
قلنا ليكم زميل البورض دا بقى محمـووول يا اخوانا
بلا هلال بلا طحنيه معاكم 
|
Post: #23
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 05:00 PM
Parent: #21
| Quote: قلنا ليكم زميل البورض دا بقى محمـووول يا اخوانا |
يا زولة امشي حصلي راجلك ده هناك اخير ليك ؟
والله بعد شوية تكوسي في حق التذكرة
الهلال ده بشفط شفط
|
Post: #17
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: بابكر التوم
Date: 08-09-2010, 04:50 PM
Parent: #7
Quote: الانا مستغرب ليه
صلاح ادريس قال عاوز 25 مليار
|
ياوليد دا كلام اعلام رياضى ....
والحدث فى حلقة قوون امس شئ مؤسف بين العمدة (شفافية ) وصلاح ادريس ...
وبيان كابتن هيثم مصطفى الحصل دا ماشفافية دا نشر غسيل ...
كل مساوى الاعلام الرياضى المقروء اصبح فى الفضاء ...
ودقى يادلوكة
حقنا نحن السودانيين كلوا شين
|
Post: #20
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 04:54 PM
Parent: #17
| Quote: حقنا نحن السودانيين كلوا شين |
حقكم برااااااااااكم
قبلكم ووحدكم
|
Post: #24
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 05:01 PM
Parent: #20
تبرع من أجل الهلال العظيم
امسكو واحد قرعة اسفيرية اتمدت
وكاااااااااااااااااااااااااااااااااااااااااك
|
Post: #25
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: عطية المحسي
Date: 08-09-2010, 05:01 PM
Parent: #20
يعني هسي هم بايتين القوى ..من اول امبارح .؟!!
قااادر الله.. ( الشر برررة وبعيد)..
|
Post: #29
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 05:08 PM
Parent: #25
Quote: يعني هسي هم بايتين القوى ..من اول امبارح .؟!!
قااادر الله.. ( الشر برررة وبعيد).. |
يخسي عليك يا عطية
ياخ قريت كلامك الدمعة فرت من عيني فرررررررررررررررررر
وكاااااااااااااااااااااااااااااااااااااااك
|
Post: #26
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: معتصم دفع الله
Date: 08-09-2010, 05:02 PM
Parent: #20
يا وليد طبعاً الاعلام الأحمر وجد ضالته في بيان هيثم مصطفى ..
وكاذب من يقول أن فريق الهلال لا يمر بأزمة مالية ولكن الأمر ليس كما يتخيله الناس ..
معظم الفرق في العالم تمر بأزمات مماثلة ولكن لا تصل لدرجةالفضائح كما يقوم بها اعلامكم ..
مشكلة فرقنا لا توجد فيها مؤسسية ولا إستثمار يدر على النادي مال يدعم به الفريق ..
وستظل مشكلة دعم الفرد وحمه بالمال هو السايد ما لم تعود الأندية للمؤسسية والإستثمار ..
ونحن لعيبتنا ما بنخليهم يصلوا لدرجة إنكم تدعمهوهم ..
|
Post: #28
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 05:07 PM
Parent: #26
Quote: يا وليد طبعاً الاعلام الأحمر وجد ضالته في بيان هيثم مصطفى ..
وكاذب من يقول أن فريق الهلال لا يمر بأزمة مالية ولكن الأمر ليس كما يتخيله الناس ..
معظم الفرق في العالم تمر بأزمات مماثلة ولكن لا تصل لدرجةالفضائح كما يقوم بها اعلامكم .. |
اعمنا نحن !!!!
يا الله مزمل حرض هيثم يكتب بيان وينشره في الصحافة !!
احتمال والله
تكتبوا البيان
وتمرقوه في الاعلان
وكت نتناوله بعد ما مرقتوه .. تقولوا كما يقوم به اعلامكم
ما تنستروا يا معتصم السترة والفضيحة متباريات
Quote: مشكلة فرقنا لا توجد فيها مؤسسية ولا إستثمار يدر على النادي مال يدعم به الفريق ..
وستظل مشكلة دعم الفرد وحمه بالمال هو السايد ما لم تعود الأندية للمؤسسية والإستثمار .. |
ده لكلام جادي .. اصلو ما بحرف بيه البوست ده
هسع المشكلة ما في لعيبتكم
المشكلة في قروش صلاح ادريس
لو اصر عليها تمشوا وين وعشان ما يصر عليها
حا تسوا شنو ؟
|
Post: #27
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: osman righeem
Date: 08-09-2010, 05:02 PM
Parent: #20
وليد ياخ انا منتظرك
تجيب لينا حاجة نخم بيها الرماد
عامل لي كشف حال
حصلنا ان شاء الله بي ودك
|
Post: #31
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 05:10 PM
Parent: #27
عليك لله يا رغيم
هو في خم رماد اكتر من البسوي فيه الهلال ده
ده رماد وكال حماد
ياخ ما تدفع وتساهم !
|
Post: #30
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد عبد اللطيف
Date: 08-09-2010, 05:09 PM
Parent: #20
وليد
Quote: بقعدوا يجعروا جم الحيطة براهم زي ما عمل هيثم مصطفى اول امبارح في الجرايد
معقولة حصلت لحدي انهم واسرهم ما لاقين ياكلوا |
بصراحة خجلت لهيثم مصطفى اولا
والى نادي الهلال ثانيا
انا لله وانا اليه راجعون
معقول نادي بحجم الهلال
ماعندو حق اللبن ..
مهزلة
-------------------
وليد بالله افتح بوست عشان نشرح كيف تتعامل الاندية حتى لاتصل الى هذه المرحلة
|
Post: #33
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 05:17 PM
Parent: #30
| Quote: وليد بالله افتح بوست عشان نشرح كيف تتعامل الاندية حتى لاتصل الى هذه المرحلة |
يا ولي
بعدين بعدين
بعد ما نتجمجر كويس
نفتح البوستات الجادة
انت عارف بيان هيثم مصطفى ده بشبه شنو
بشبه بيان لاعبي فرنسا في كاس العالم
دي فضيحة بكل المعايير والمقايسس
اولا بتوري الحالة المادية المتردية الوصل ليها الهلال
ثانيا بتروي الحالة التنظيمة المتردية كذلك الوصل ليها الهلال ( يعني كيف لاعب يصرح تصريح زي ده في الجرايد .. لو بعلم الادارة طامة ولو بدون واكيد بكون بدون طامتين )
ثالثا : اقرا البوست ده يا ولي ده بوست قديم بشير لبوست قديم
الهلال في اتجاه التصفية .. فيها تحصلوه او ما تحصلوه
|
Post: #34
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: osman righeem
Date: 08-09-2010, 05:18 PM
Parent: #30
البندورة دي كشفنا دوره من زمان يا شفت
بيع استاد الهلال
بعدين علي الحلال الارباب عنده لمسة تدميرية تعادل دسعة بي مقباس رختر
ياخ ده دمر بيطار ... عارف بيطار لو ادوها الموساد مقولة هدم تأخد عشرة سنين
ما عندو زول يهمو امره يحجر عليهو
|
Post: #35
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: معتصم دفع الله
Date: 08-09-2010, 05:21 PM
Parent: #30
| Quote: ده لكلام جادي .. اصلو ما بحرف بيه البوست ده |
الكلام الجاد يا ولي إنك ما تتريق على لعيبة زملاء لك وخصوصاً بالهلال من زاملك في الفريق القومي ..
والله دا ما كريم في حقك ..
خلي الكلام دا لمن يتكسب وراء مثل هذه الأخبار ..
آفة الكرة عندنا يا وليد الاعلام الضار وكتاب الأعمدة ..
وثانياً من يديرون أنديتنا ويظنون أن بفلوسهم ممكن يوقفوا عجلة التاريخ ..
نصيحة يا وليد ..
لا تقع في مثل هذا الخطأ ..
ولا تدع مريخيتك تظلم ناس ما عندها ذنب ..
وزي ما بقول المثل دوام الحال من المحال ..
ودعناك الله والرسول ..
|
Post: #37
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 05:28 PM
Parent: #35
| Quote: الكلام الجاد يا ولي إنك ما تتريق على لعيبة زملاء لك وخصوصاً بالهلال من زاملك في الفريق القومي .. |
ما اتريق ..
كيف ما اتريق .. الحصل ده فضيحة بكل المقايس
كل المقايس
فضيحة للاعبي الهلال
وفضحية لجمهوره
وفضيحة لادارته
وفضيحة لاعلامه
ده بيان رسمي من كابتن الهلال في الاعلام ..
عارف ده معناتو شنو
معناتو مافي اي باب مفتوح للنقاش بين الادارة ولاعبيها
معناتو انكم كنتم عاملين ميتين وكان واضح تماما انه الهلال ماشي الى الهاوية
الكورة دي ما غالب ومغلوب
لكن هسع في زمتك دي البان حق هيثم ده
هلال امغد سواه
وتقول لي ما تتريق
|
Post: #32
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: ashraf mukhtar
Date: 08-09-2010, 05:14 PM
Parent: #20
عشان خاطرنا ارجع
|
Post: #36
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 05:22 PM
Parent: #32
ما لازم
سوى استاد عالمي وما قال عاوز مليم
سوى حوض سباحة عالمي وما قال عاوز مليم
جاب وارقو سجل طمبل وكلتشي والنفطي والمراط ومهدي بن ضيف الله ولا سانا وبرضو ما قال عاوز مليم
اها انتو لو صلاح ادريس اصر على الـ 25 مليار
شوف عيني بتعملوا معسكر للاعبين في فندق الحرمين
|
Post: #39
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-09-2010, 05:36 PM
Parent: #36
برقية عاجلة من هلال شندي
_________________
دق النحاس ..
قف
نحن اهل الحارة جينا
قف
نتبرع بـ 3 دست فراد بيعوهم وادفعوا حق كم تمرين
_______________________
ولا نامت اعين الجبنا
|
Post: #40
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: ashraf mukhtar
Date: 08-09-2010, 05:41 PM
Parent: #36
Quote:
جاب وارقو سجل طمبل وكلتشي والنفطي والمراط ومهدي بن ضيف الله ولا سانا وبرضو ما قال عاوز مليم |
مووو نافعين
|
Post: #41
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد عبد اللطيف
Date: 08-09-2010, 06:13 PM
Parent: #40
كابتن وليد
| Quote: ( يعني كيف لاعب يصرح تصريح زي ده في الجرايد .. لو بعلم الادارة طامة ولو بدون واكيد بكون بدون طامتين ) |
هذا بيدل ان ادارة نادي الهلال قاعدة في الطراوة
المصيبة امس صلاح ادريس عامل لينا فيها
شاعر وملحن وكاتب وكلمتين مافهمناها منو
شبكنا بنسبة 99.99999999999 في الميه
وكلام الطير في الباقير
ياخي صلاح ادريس اثبت فشلة في الهلال وفشلة في ادارة كل مؤسساته
كمان عايز 25 مليار بالله مايختشي كان يخجل
ويشوف ميزانية نادي الاهلي القاهرى
اما ياوليد ادارة نادي المريخ لاتقل سؤ عن نادي الهلال
والله المستعان
---------------
لكن جمجرتك ترفع الضغط وخليهم يصحو
|
Post: #42
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: khaleel
Date: 08-09-2010, 06:20 PM
Parent: #41
دوارة شمس الضحي
يا شفت ورمضانك كريم
|
Post: #43
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: محمد البشرى الخضر
Date: 08-09-2010, 07:14 PM
Parent: #42
يا ولّي حسن محجوب كتب الليلة انتو فايتننا بالجرسة ونحنا فايتنكم بالمسيرة
ياخوي الحال من بعضو
قبل الوالي اثاث المريخ اتدلل في المحكمة عشان حقوق صلاح مشكلة
ما تقول لي استاد و حوض سباحة بطيخ اسي الوالي بقطع منكم الكهربا العوة بتظهر
لا في استثمار لا اسهم لا دخل منتظم
كمان ناسكم فيهم الحرامية ماكلين قروش الوالي عينك عينك , علاء الدين بصمة حرد اعادة التسجيل ليه قاليك
بالنسبة لتصريح البرنس عندي احساس انو لغرض ما , العمد ختوها واضحة وقالوا ما بستقيلوا
كدا ادى الوزير مبرر قوي للتعيين و عمل ضغط عليهم واداكم فرقة تتنفسوا بيها من الإحباط العليكم
طيشاب ديل
|
Post: #44
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: محمد البشرى الخضر
Date: 08-09-2010, 07:17 PM
Parent: #43
يا خوانا البحلنا من اسامة التعاون دا شنو؟
|
Post: #45
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: محمد البشرى الخضر
Date: 08-09-2010, 08:08 PM
Parent: #44
أها يا وليد اولادكم مليونيرات و شبعانين يكرّعوا يحمدوا سيدهم
شن فايدتهم
ما فضل ليمكم غير الدوري الممتاز ومن اسي بدينا النزيف
|
Post: #46
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: ياسر بيناوي
Date: 08-09-2010, 08:18 PM
Parent: #45
| Quote: ما فضل ليمكم غير الدوري الممتاز ومن اسي بدينا النزيف |
ياود البشري ممتاز شنو دا كمان البيحلمو بيهو دا
الموضوع محسوم والفرق 18 نقطة ومتعودة دايما
خالص الود
|
Post: #47
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: حبيب نورة
Date: 08-09-2010, 08:44 PM
Parent: #46
من أمها يا وليد
|
Post: #48
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: محمد صباحى
Date: 08-09-2010, 08:48 PM
Parent: #47
واجب والله واجب وطني كمان
ا
|
Post: #49
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: محمد عبد الماجد الصايم
Date: 08-10-2010, 06:48 AM
Parent: #48
صباحي .. باللاي طلعت خيانة!
|
Post: #50
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: Hassan Senada
Date: 08-10-2010, 09:29 AM
Parent: #49
انفجار الأوضاع في الهلال وملاسنة على الهواء بين الأرباب وعماد وسعد
سلام ياولى ههههههههههههههههه
|
Post: #62
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-10-2010, 05:23 PM
Parent: #50
| Quote: انفجار الأوضاع في الهلال وملاسنة على الهواء بين الأرباب وعماد وسعد |
والله الحالة تحنن يا سناده
|
Post: #61
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-10-2010, 05:10 PM
Parent: #49
مرحب ود الصايم
دعمت ولا بتنضم ساي ؟
|
Post: #56
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-10-2010, 01:07 PM
Parent: #48
خلاص علق البوست ده فوق يا صباحي
|
Post: #55
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-10-2010, 12:56 PM
Parent: #47
يا حبيب نورة
الجماعة فرشوا جم الجامع الكبير
|
Post: #54
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-10-2010, 12:52 PM
Parent: #46
يا بيناوي
انت البخارجكم من الدلالة شنو ؟
|
Post: #51
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-10-2010, 12:11 PM
Parent: #43
| Quote: بالنسبة لتصريح البرنس عندي احساس انو لغرض ما , العمد ختوها واضحة وقالوا ما بستقيلوا |
|
Post: #53
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-10-2010, 12:47 PM
Parent: #41
يا ولي
صلاح ادريس ده حا يصفي ليك الهلال ده زي بيطار بالطريقة دي
وهيثم مطفى زي ما قال ود الببشرى
بيانو ده فيه ريحة
ود الغرض من فتح البوست ده
بالمنطق كده
كيف لهيثن تخطي ادرية وخصوصا انو المجلس ماتم شهر
ويمشي الجرايد طوالي ؟؟؟
ما كان صابر طوال ما كان صلاح رئيس الهلال
؟؟؟؟
|
Post: #52
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-10-2010, 12:16 PM
Parent: #40
يا اشرف نافعين ما نافعين دفعوا فيهم وما قالوا قروشهم دين
|
Post: #57
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: Al Sunda
Date: 08-10-2010, 02:20 PM
Parent: #52
| Quote: المشكلة في قروش صلاح ادريس |
يا وليد
غايتو نحن حضرنا قرش الكرامة بتاعة نميري مع القذافي
اها
عمك دا برضه ممكن نعمل ليه جنيه كرامة
انا معاك في حتة بيان كابتن هيثم
المفروض ما يصدر من اساسه
بالمناسبة
لو ما صدر بيان هيثم
بوستيك دا ما كان
صح
كل سنة وانت طيب ورمضان كريم
|
Post: #58
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-10-2010, 04:38 PM
Parent: #57
كل سنة وانت بالف خير يالسندا
Quote: لو ما صدر بيان هيثم
بوستيك دا ما كان صح |
لو ما بيان هيثم ما كان فتحت البوست اساسا
المشاكل المالية حاصلة وما مقياس تقييم خصوصا في دولة فقيرة زي حقتنا دي
لكن الجرسة والتشهير الاعلامي
وتحميل مجلس ما تم شهر وعدم الصبر عليه
مع انه مشاكل الهلال المادية من سنة 2007 ايام مشكلة المعز .. الناس صبرت وما عملت بيانات زي دي
حتى هيثم نفسه باع عربيتو عشان يستر الهلال
ايه الجد ؟؟؟
وليه ما ادى المجلس ده فرصة
؟؟
|
Post: #59
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: محمد البشرى الخضر
Date: 08-10-2010, 04:51 PM
Parent: #58
أها يا شفت بعد دا الجمجرة ما كفاها
عايزين شيئ من الجدية بتاع كل مرة
|
Post: #60
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: وليد محمد المبارك
Date: 08-10-2010, 05:06 PM
Parent: #59
خليني اكمل جمجرتي يا ود البشرى في ود الصايم ونوبي الذي عاد وتمبس العامل حِمّيِل
بعد داك بفتح بوست شي من الجدية في امر المريخ والهلال معا
|
Post: #63
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: لؤى
Date: 08-16-2010, 00:33 AM
Parent: #60
اللهُمّ زد الهلال جوعاً
ليشبعنا فتيته الجّوعى فرحاً وإنتصارات
وليد
رمضان كريم
وتصوم وتفطر على خير
|
Post: #64
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: 7abib_alkul
Date: 08-16-2010, 00:59 AM
Parent: #63
اخونا وليد
البرنس قائد إستثنائى و محنك و تصدى لمسؤليته كقائد للفريق ويعلم مألات الحال فى الهلال فى ظل تمسك أعضاء المجلس بمقاعدهم دون أن يكون لديهم ما يقدموه للهلال غير التصريحات فتقدم بكل شجاعة و أصدر هذا البيان الاستباقى لأدارك عجذ هذا المجلس لتصريف امور الفريق فضحى هو من اجل استقرار الهلال و لم يهرب مثلما هرب سفارى وقال قروشى هسع ناو
ولم يضرب الهم بالفرح وضرب العرقى و صار يترنح فى شوارع الخرطوم مثل ما فعل ذلك اللاعب الماسورة
تقدم هيثم وفدى امة الهلال والتى لا تعرف مسيرات الانكسار و الذل لشخص (قال دا طرفى منكم)
فذا كان هيثم جاء ببدعة فهو انسان يمكن أن يخطى ولم ينكسر او لشخص لكنه خاطب امة الهلال ولكن ان تقوم حشود شعب العرضة جنوب وتسير مسيرة تسجتدى به شخص فهذا ضلالة ولا غفران منها
نحمد الله اننا نشجع من كان البرنس قائده والا كنا سيرنا مسيرات لكافورى
|
Post: #65
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: لؤى
Date: 08-29-2010, 00:00 AM
Parent: #60
Quote:
بعد داك بفتح بوست شي من الجدية في امر المريخ والهلال معا
|
وليد
سلامات
يلاّ في إنتظارك
تحاياي
|
Post: #66
Title: Re: اليس من واجب بورداب الخرطوم دعم الهلال ولو بشق تمرة في محنته ؟!
Author: omer ibrahim
Date: 08-29-2010, 00:07 AM
Parent: #65
يا (فشت)
الجوع و الدعم و الهلال خلي
عطبرة دي (الدغت حقها دا ما
واحد: حديد
إثنين: نار
البركة فيكم في الممتاز ... حالتكم تحنن
|
|