Post: #1
Title: الفنان نزار حسين..هل أنت في السودان؟ ..و هل يمكن الوصـول إليك؟؟
Author: الطيب بشير
Date: 08-09-2010, 01:06 PM
Parent: #0
.
تلفون؟
إيميل؟
.
|
Post: #2
Title: Re: الفنان نزار حسين..هل أنت في السودان؟ ..و هل يمكن الوصـول إليك؟؟
Author: الطيب بشير
Date: 08-09-2010, 01:09 PM
Parent: #1
.
كلمني بكري حامد
قال حيت قبل فترة
لكن ما معروف رجعت
و الله لا؟
.
|
Post: #3
Title: Re: الفنان نزار حسين..هل أنت في السودان؟ ..و هل يمكن الوصـول إليك؟؟
Author: ناذر محمد الخليفة
Date: 08-09-2010, 02:58 PM
رجع قبل عشرة أيام تقريبا ..
|
Post: #4
Title: Re: الفنان نزار حسين..هل أنت في السودان؟ ..و هل يمكن الوصـول إليك؟؟
Author: nazar hussien
Date: 08-09-2010, 04:03 PM
Parent: #3
يا الطيب اخوي...
حبابك...والاسرة والاهل ورمضان كريم مقدما...تصومو وتفطرو علي خير...
اولا من الفن الشفتو في السودان...حقو تقوم تستأذن بكري في سحب
كلمة فنان دي من العنوان...
شباب زي الورد والواحد يغني ليك حلو درب الطير في سكينة
لما تصيبك طمأنينة في روحك دي...وتقرب ما ترجع...لي دار الغربة..
يا سيدي انا جيت السودان من منصف شهر ستة وحمتو بي ساق ######..
لا خليت شندي ولا البطانة قشه قشة...وعرجت علي التراجمة والجوير
والمتمة...والباقي عديتو صياعة في الخرطوم مشيت اي حته الا مركز
عفراء...وللاسف ما كان عندي تلفون اي زول ولا امكانية دخول انترنت
لأنو بي صراحة ما لاقاني انترنت...ولا زول بيعرف سودانيز اونلاين دي زاتا
مشيت بيت الفنون قلت امكن الاقي اصحاب ...وتشرفت ايما شرف يمعرفة وصداقة
ناذر الخليفة...واساسي وانعامين....اضافة للصداقة القديمة لطارق...
اها عرجت علي دال في طريق عبوري المنتظم من الصحافة الي الدروشاب ووجدتها
مملكة كبيره...والدخول اليها يحتاج الي باسويرد...ومن ثم اكتشفت انك ما هناك...
مشيت نادي الفنانين وقعدت...زيي وزي علوب دهب...بعرف اي زول داخل من
حلقة تلفزيونو...ومافي زول بيعرفني جائي لي شنو...كنت بقتش علي
اصحاب كتار عبروا من هنا ولم التقي بواحد منهم...
مشيت سوق الناقة وما لقيت ناقة بل لحم خروف مما نشتهون وبرضو
ما صادفت زول بعرفو...مشيت شربت شاي عند اي ست شاي مشهورة
ما لاقيت غير شوية طلبة...وبنات سمحات...
عديت كبري توتي بي كرعي ولم يتعرف علي احد او حتي يعترضني...
ومع ذلك حضرت حفل في بيت الفنون ولم يداهمني النظام العام...
المرة الجاية طرق تلفوناتك في البروفايل...سوف لن ننقطع
عن ذلك السحر الاسمه سودان...ياخ بلد جميلة بشكل
|
Post: #5
Title: Re: الفنان نزار حسين..هل أنت في السودان؟ ..و هل يمكن الوصـول إليك؟؟
Author: nazar hussien
Date: 08-09-2010, 04:06 PM
Parent: #4
يعني الا نقول بي كراع Dog
حتي تمرره الفرق شنو يعني يا بورد بكري؟
|
Post: #6
Title: Re: الفنان نزار حسين..هل أنت في السودان؟ ..و هل يمكن الوصـول إليك؟؟
Author: معاذ حسن
Date: 08-09-2010, 04:58 PM
Parent: #5
Quote: مشيت سوق الناقة وما لقيت ناقة بل لحم خروف مما نشتهون وبرضو
ما صادفت زول بعرفو...مشيت شربت شاي عند اي ست شاي مشهورة
ما لاقيت غير شوية طلبة...وبنات سمحات...
|
يا نزار هنيئا لك بالاجازة
تعرف من اغتربت في الفين وانا بحلم باجازة زي حقتك دي احوم البلد فيها بساق جرقاس
نزلت اجازتين الاولى 20 يوم والتانية سبعة يوم
يعني المجموع شهر!!
وعدت من كليهما ولم أقض وطرا وفي نفسي شيء من حتى,,
|
Post: #7
Title: Re: الفنان نزار حسين..هل أنت في السودان؟ ..و هل يمكن الوصـول إليك؟؟
Author: معاذ حسن
Date: 08-09-2010, 05:01 PM
Parent: #6
السلام عليك يا الطيب بشير يا حبوب
|
Post: #8
Title: Re: الفنان نزار حسين..هل أنت في السودان؟ ..و هل يمكن الوصـول إليك؟؟
Author: الطيب بشير
Date: 08-10-2010, 12:25 PM
Parent: #7
.
أهلين يا معاذ...كيف حالك
و شكرآ ناذر الخليفة على المعلومة
أما ال(المختفى) به نزار ذاتو..و الله ما عارف أقول ليك شنو
ياخ إنت من زمن دال؟؟...أنا مع الأمم (غير) المتحدة أكملت ثلاثين شهرآ و نيف
البركة الإستمتعت بعطلتك
نشوفك المرة الجاية
.
|
Post: #10
Title: Re: الفنان نزار حسين..هل أنت في السودان؟ ..و هل يمكن الوصـول إليك؟؟
Author: nazar hussien
Date: 08-10-2010, 03:40 PM
Parent: #6
Quote: يا نزار هنيئا لك بالاجازة
تعرف من اغتربت في الفين وانا بحلم باجازة زي حقتك دي احوم البلد فيها بساق جرقاس
نزلت اجازتين الاولى 20 يوم والتانية سبعة يوم
يعني المجموع شهر!!
وعدت من كليهما ولم أقض وطرا وفي نفسي شيء من حتى,, |
أهلا بمعاذ حسن...ورمضان كريم يا صديق
وازيدك من الشعر اجازه...مشيت الجوير...وسجلت حلقة كامله مع
عمك فضل ود سلمان...فيها ما فيها من التاريخ المشاهد...
وحضرت حفلة بي البشيرة...دا كلو حا اجيبو ليكم في النت
دا...وما من ست قهوة او سمك او ترمس في طريق شندي الخرطوم
والا كانت لنا معها استراحة ساعة علي الأقل...بدءا من البكاش
وانتهاءا بقهاوي النوراب.
|
Post: #11
Title: Re: الفنان نزار حسين..هل أنت في السودان؟ ..و هل يمكن الوصـول إليك؟؟
Author: nazar hussien
Date: 08-10-2010, 03:44 PM
Parent: #10
Quote: ياخ إنت من زمن دال؟؟...أنا مع الأمم (غير) المتحدة أكملت ثلاثين شهرآ و نيف
|
لا حولا...تلاتين شهر مع الامم المتحده..وانا في دالي...
الغبا اليغباني كان كدي...عموما المره الجاية بنزل
عندك في الامم المتحده...واركب معاك عرباتهم امات حزوز ديك...
واقدل معاك في الشوارع لا شرطي مرور ولا سماسرة
|
Post: #9
Title: Re: الفنان نزار حسين..هل أنت في السودان؟ ..و هل يمكن الوصـول إليك؟؟
Author: انعام عبد الحفيظ
Date: 08-10-2010, 12:43 PM
Parent: #5
Quote: مشيت بيت الفنون قلت امكن الاقي اصحاب ...وتشرفت ايما شرف يمعرفة وصداقة
ناذر الخليفة...واساسي وانعامين....اضافة للصداقة القديمة لطارق...
|
غايتو انا واحده من الإنعامين ديل
وكنت محظوظة بمقابلتك انت وأسرتك
نشوفك المره الجاية (بس ما تطنّشنا لمن تجي)
|
Post: #12
Title: Re: الفنان نزار حسين..هل أنت في السودان؟ ..و هل يمكن الوصـول إليك؟؟
Author: nazar hussien
Date: 08-10-2010, 03:47 PM
Parent: #9
Quote: وكنت محظوظة بمقابلتك انت وأسرتك
نشوفك المره الجاية (بس ما تطنّشنا لمن تجي) |
يا انعام عبدالحفيظ...في ذمتك انت الزيك بطنشوه
فقط خفت من اشغلكم...ومن النظام العام...
|
Post: #13
Title: Re: الفنان نزار حسين..هل أنت في السودان؟ ..و هل يمكن الوصـول إليك؟؟
Author: جمال السنوسي
Date: 08-10-2010, 04:27 PM
Parent: #12
نزار وينك ياخي
كل ما اشوف كورة بطيخاب وفيها بلة جابر بتذكرك
واقعد اضحك
زولنا الفات كان بيكورك هاليفا هاااااااليفا هاليفااااااااااا
زولهم ده امبارح قده اضانا بالكوراك
فيييييصل الحيطة قصيرة
فيييييصل الحيطة قصيرة
فيييييصل الحيطة قصيرة
نحن قلنا صينية العشا حيرفعوها بي فوق واللا شنو
وفيصل ذاتو بقى الحيطة القصيرة واللا شنو
وزي ما قال الشاعر البطيخابي
فريق بيضيع النقطة فريق يف الاصل تعبان
ونرجع نحن من مدني بمدرب شكلو ندمان
حليل والينا فارقنا واصلوا فريقنا كحيان
بطير من بدري طوالي ولو في رئاستو نهيان
|
|