Post: #1
Title: المجاعة فى العرضة شمال
Author: Hassan Senada
Date: 08-09-2010, 10:39 AM
Parent: #0
صرح كابتن الهلال هيثم مصطفى ان لاعبى النادى واسرهم لا يجدون مايقتاتون به
|
Post: #2
Title: Re: المجاعة فى العرضة شمال
Author: Hassan Senada
Date: 08-09-2010, 10:41 AM
Parent: #1
طالما ان لاعبى الهلال لا يجدون قوتهم فذلك يصنفهم فى زمرة الفقراء
|
Post: #3
Title: Re: المجاعة فى العرضة شمال
Author: محمد البشرى الخضر
Date: 08-09-2010, 10:44 AM
Parent: #2
يا شيخ سنادة سلام
طيب وبعد ما تصنفهم فقراء
المشكلة وين ؟
|
Post: #5
Title: Re: المجاعة فى العرضة شمال
Author: فايزودالقاضي
Date: 08-09-2010, 10:45 AM
Parent: #3
Quote: يا شيخ سنادة سلام
طيب وبعد ما تصنفهم فقراء
المشكلة وين ؟ |
المشكلة حاتكون طوكر والهلال ...
|
Post: #4
Title: Re: المجاعة فى العرضة شمال
Author: Hassan Senada
Date: 08-09-2010, 10:45 AM
Parent: #2
كما ذكر الحبيب مزمل نقترح ان تبادر الصفوة بوضع صناديق على مداخل الرد كاسل لجمع التبرعات
المادية والعينية لاعانة اخوانهم فى العرضة شمال
|
Post: #6
Title: Re: المجاعة فى العرضة شمال
Author: Hassan Senada
Date: 08-09-2010, 10:47 AM
Parent: #4
الحبيب محمد رمضان على الابواب ياحرام لازم المساعدة وجمع التبرعات
|
Post: #7
Title: Re: المجاعة فى العرضة شمال
Author: Hassan Senada
Date: 08-09-2010, 10:50 AM
Parent: #6
ونتوقع من كل لاعب مريخى المبادرة بكفالة اثنين من لاعبى الوصيف
|
Post: #11
Title: Re: المجاعة فى العرضة شمال
Author: محمد البشرى الخضر
Date: 08-09-2010, 11:00 AM
Parent: #7
تعرفوا يافايز ويا شيخ سنادة
من يوم استقالة الأرباب و تبعتها استقالة الوالي وأنا متفائل أن ينصلح الحال في الناديين
الرجلين مشكورين ما قصّروا لكن للاسف رفعوا الصرف لمستوى غير معقول ولا يناسب المردود
معقول لعيبة زي المعز و طمبل يتسجلّوا بمليار و نيف
وبواقي المحترفين بملايين الدولارات و العائد صفر كبير
باللعيبة الوطنيين الكانوا ما لاقين ولا واحد على عشرة من البلقوهو لاعبي اليوم
و بسافروا بالباصات داخليا و سودانير دوليا
الهلال وصل نهائي افريقيا مرتين و المريخ حاز كاس مانديلا
كدا كدا كان ح يجي اليوم اليمشي فيه صلاح ادريس و الوالي و تتوقف حنفيات القروش البلا عدّاد
اتوقع الآن ان يعود مستوى الصرف للشي المعقول البناسب مع امكانيات الناديين
و يتناسب مع مقدرات اللاعبين و يتقيّموا تقييمهم الحقيقي
بس الحاجة المستغرب ليها الوصيفاب الطيشاب ديل بعتبرو القروش و الغنى احد ميادين التنافس بين الناديين
وفرحانين بقروش جمال الوالي في حين على صعيد المنافسة الحقيقية المريخ متأخر عن الزعيم من يوم الوالي استلم في محصلة المنافسات المحلية و القارية و حتى التصنيف
وأسّي الوالي اتخارج رغم مسيرة التوسّل - تقرا التسوّل - المليونية
النشوف حتسوّوا شنو
|
Post: #8
Title: Re: المجاعة فى العرضة شمال
Author: عوض عيد
Date: 08-09-2010, 10:50 AM
Parent: #6
غايتو امبارح سمعتا برنامج في قون تي في مستضفين قيهو العُمد ,,,,
مدو القرع على الطريقة الصااااح ,,,
|
Post: #9
Title: Re: المجاعة فى العرضة شمال
Author: Hassan Senada
Date: 08-09-2010, 10:53 AM
Parent: #8
الحبيب عوض ذكر العمدة انهم استجدوا بكل اقطاب الهلال سعيا الى دعم النادى ولم يجمعوا فلسا
|
Post: #10
Title: Re: المجاعة فى العرضة شمال
Author: Hassan Senada
Date: 08-09-2010, 10:56 AM
Parent: #9
ذكر العمدة انهم لن يتركوا النادى للصبية قصدو شنو ياحبيبنا ود البشرى
|
Post: #12
Title: Re: المجاعة فى العرضة شمال
Author: Hassan Senada
Date: 08-09-2010, 11:23 AM
Parent: #10
ودالبشرى تحليلك منطقى جدا بس بختلف معاك فى عهد الوالى المريخ ما انجز شى مابضرورى الانجاز يكون
كاسات انجاز الوالى الرد كاسل بمواصفات عالمية وحوض السباحة فى نادى المريخ والراتب بالدولار
عكس انجاز الارباب فى المغبرة
|
Post: #13
Title: Re: المجاعة فى العرضة شمال
Author: Hassan Senada
Date: 08-09-2010, 11:26 AM
Parent: #12
كشف هيثم الحقيقة وادخل مجلس الادارة فى ورطة والديل مداخلة العمدة والارباب امس
|
Post: #14
Title: Re: المجاعة فى العرضة شمال
Author: Hassan Senada
Date: 08-09-2010, 11:31 AM
Parent: #13
كما كشف هيثم حال الاعلام الازرق الذى ظل يخفى حقيقة الوضع الماساوى لنادى ولاكن اعلام الهلال تجاهل
حديث هيثم وصب جم غضبه على صحيفة الصدى كما يفعل الكثير من الرشاشات ضد الحبيب مزمل
|
Post: #16
Title: Re: المجاعة فى العرضة شمال
Author: الصادق صديق سلمان
Date: 08-09-2010, 11:35 AM
Parent: #14
إنت عارف يا سنادة انا بديك نصيحة يامان
إنت ما تشجع المريخ وصيفنا الدائم لكن اكره الهلال وبس
خليك مع كرهك للهلال ونحن بنرشكم رش الكستبلي في البزقلي
مرة مرة كدا بنديكم حاجة تعيشوع عليها
ونجي تاني نرفعكم رفع الظلط
الصادق
|
Post: #17
Title: Re: المجاعة فى العرضة شمال
Author: Hassan Senada
Date: 08-09-2010, 11:38 AM
Parent: #14
الهلال منهار ماديا منذ شهور وقد بدات بوادر الازمة بتوالى طيران الشيكات التى كلفت النادى القاء
القبض على الارباب عدة مرات ولاكن بفضل تدخل الوالى تم اخلاء سبيله
|
Post: #15
Title: Re: المجاعة فى العرضة شمال
Author: محمد البشرى الخضر
Date: 08-09-2010, 11:34 AM
Parent: #12
Quote: انجاز الوالى الرد كاسل بمواصفات عالمية وحوض السباحة فى نادى المريخ والراتب بالدولار
عكس انجاز الارباب فى المغبرة |
يا شيخ سنادة هلال مريخ فريقي كرة قدم
ما استشاريين هندسة معمارية أو انشائية
المريخ افتتح استاده قبل الهلال في الستينات اظن
هل يوم سمعت واحد قال دا انجاز وفاخر بيه على الهلال
الأهلي المصري فريق القرن ما عندو استاد
الكلام كلو عن الدوري بدون هزيمة وتمانية ماجد ابو جنزير وكاس جوبا وسيكافا ومانديلا
في عهد الوالي اول مرة نسمع هتاف دايرين كورة ما مقصورة
حكاية الراتب الدولار دي غايتو ضحكّتني زين كونك تعتبرها من الإنجازات
اها النشوف بعد الراجل شال عدتو حتجيبو سيرتها تاني
|
Post: #18
Title: Re: المجاعة فى العرضة شمال
Author: Hassan Senada
Date: 08-09-2010, 11:43 AM
Parent: #15
حكاية الراتب يامحمد دا الطلع هيثم خارج التغطية ويصرح فى الاعلام ويناشد كل قطب هلالى يهمه امر ناديه
|
Post: #19
Title: Re: المجاعة فى العرضة شمال
Author: وليد محمد المبارك
Date: 08-09-2010, 11:48 AM
Parent: #18
عيب يا سناده عيب
عيب ياخ ما تشمت في الناس
|
Post: #20
Title: Re: المجاعة فى العرضة شمال
Author: Hassan Senada
Date: 08-09-2010, 11:49 AM
Parent: #18
وين يالصادق مافى طريقة تانى مع اعلان المجاعة لوحافظتوا على الوصافة برضو احسن ليكم
|
Post: #22
Title: Re: المجاعة فى العرضة شمال
Author: Hassan Senada
Date: 08-09-2010, 11:58 AM
Parent: #20
ياولى والله انا مابشمت بس هم هلال مغلوب مزمل السبب هلال غالب مزمل السبب كأن مزمل يحمل عصا موسى
|
Post: #23
Title: Re: المجاعة فى العرضة شمال
Author: Maawya Hussein
Date: 08-09-2010, 11:59 AM
Parent: #20
ارجع تعال عود لي رجع حنانك لي
هي الشحته والبشتنه والذله دي كيفنها
|
Post: #21
Title: Re: المجاعة فى العرضة شمال
Author: حمزاوي
Date: 08-09-2010, 11:55 AM
Parent: #18
لا حول ولا قوة الا بالله
يا قريبي يا سنادة ما تقول مجاعة بل قل فجوة غذائية
والصفوة في العرضة جنوب شدوا حيلكم تنفيذا لحديث الرسول الكريم صلي الله عليه وسلم
من له فضل ظهر فليعد به على من لا ظهر له
لا يجوز ان ينام الرجل شبعان وجاره جائع
مدوا قرعتكم يا الهلالاب
ونحن نجود بالموجود
اها الشهر الفضيل مقبل
والصدقة فيه اجره عظيم
|
Post: #24
Title: Re: المجاعة فى العرضة شمال
Author: معاوية الزبير
Date: 08-09-2010, 12:04 PM
Parent: #21
" المشكلة حا تكون طوكر والهلال "
قوية يا ود القاضي
شكرا يا سنادة أن جعلت "قوية ود القاضي دي" ممكنة
أنا شخصيا منذ نهاية الثمانينيات قنعت من خيرا في كرة القدم في السودان
ومن الوكت داك مستمتع جدا بالتفرّج - بين الفينة والأخرى - على أحوالها
من باب التسلية وتحليل ما آل إليه حال (السوداكان) حقوق الاسم للصديق بهاء بكري
بالمناسبة التدهور الماشي لي نهايتو دا (في كل المناحي) بدأ قبل الثورة !!!
|
Post: #25
Title: Re: المجاعة فى العرضة شمال
Author: Hassan Senada
Date: 08-09-2010, 12:05 PM
Parent: #21
حبيبنا حمزاوى مطلوب من كل صفوة تجهيز كيس رمضان وافطار فرحة الصائم
|
Post: #26
Title: Re: المجاعة فى العرضة شمال
Author: Maawya Hussein
Date: 08-09-2010, 12:06 PM
Parent: #21
قيل في الاثر ان رئيس نادي جزيرة الفيل مدني كان من ضمن ركب مسيرة الشحته المليونيه 
ابتعاد الوالي من المريخ سيتبعه هبوط نادي الجزيره الي الدرجه الاولي ثم الروابط
|
Post: #27
Title: Re: المجاعة فى العرضة شمال
Author: Hassan Senada
Date: 08-09-2010, 12:11 PM
Parent: #26
الاستاذ معاوية الوالى موجود وبعدين المسيرة والوفاء لمن اجزل العطاء للكوكب الاحمر فاستحق الاشادة
|
Post: #28
Title: Re: المجاعة فى العرضة شمال
Author: Hassan Senada
Date: 08-09-2010, 12:16 PM
Parent: #27
شكرا استاذ معاوية على المرور
|
Post: #29
Title: Re: المجاعة فى العرضة شمال
Author: Hassan Senada
Date: 08-09-2010, 12:18 PM
Parent: #28
خاص للصفوة الامارات الوصيف محتاج إغاثة
|
Post: #30
Title: Re: المجاعة فى العرضة شمال
Author: ابراهيم محمد الحسن
Date: 08-09-2010, 12:29 PM
Parent: #29
معاوية حسين ،،
| Quote: ابتعاد الوالي من المريخ سيتبعه هبوط نادي الجزيره الي الدرجه الاولي |
هو يا ربي كان وين؟
|
Post: #31
Title: Re: المجاعة فى العرضة شمال
Author: Maawya Hussein
Date: 08-09-2010, 12:33 PM
Parent: #30
| Quote: معاوية الوالى موجود وبعدين المسيرة والوفاء لمن اجزل العطاء للكوكب الاحمر فاستحق الاشادة |
نعم نعم ..قيل ان مسيرة الشحته المليونيه هللت وكبرت عندما اعلن الوجيه جمال الوالي ابتعاده عن النادي بشخصه ولكن اجزل ان دولاراته ستظل باقيه هناك ..فعاد الجميع يغني دولار الوالي رئيس طوالي :)
| Quote: هو يا ربي كان وين؟ |
كان في دوري الممتاز تحت رعاية نادي المريخ ورئيسه جمال الوالي
|
Post: #32
Title: Re: المجاعة فى العرضة شمال
Author: محمد البشرى الخضر
Date: 08-09-2010, 01:33 PM
Parent: #31
إنت يا شيخ سنادة الصدى دي يا كافي البلا بتقرا فيها عمود مزمل وتسقف على كدة؟!!
كدي هاك دي من عمود حسن محجوب | Quote: * النصيحة ليك يا الله.. الحال من بعضو فتونا بجرسة سيدا وفتناكم بالمسيرة الباكية. |
قلت لي كيف... الراتب الدولاري
|
Post: #33
Title: Re: المجاعة فى العرضة شمال
Author: tmbis
Date: 08-09-2010, 01:53 PM
Parent: #32
كل مرة نقوليكم الزول دا غطوووو .. كان صابه مطرة واللا ما صابة ؟
|
Post: #34
Title: Re: المجاعة فى العرضة شمال
Author: كمال حسن
Date: 08-09-2010, 02:47 PM
Parent: #33
خليني أشاغلك شويه يا سناده
| Quote: ياولى والله انا مابشمت بس هم هلال مغلوب مزمل السبب هلال غالب مزمل السبب كأن مزمل يحمل عصا موسى |
تعرف يا حسن سناده ليه ناس الهلال شغالين بي مزمل بس؟
لأنو كل الباقين من المريخاب ما قعد يخرجوا من كتابات مزمل قيد أنمله
كدي شوف بوستاتك وتاريخها واربطها بي عمود مزمل بتاع كبد الحقيقه في نفس التاريخ
يعني حتى المفردات ذات نفسها حتى مافيها أي إبداع
يعني قعد تنقلوها بي (ضبانتها)
كدي شوف معاي عنوانك ده | Quote: المجاعة فى العرضة شمال |
وعاين ماكتبه مزمل اليوم
Quote: * وبعد مرور 24 عام من فوز المريخ بسيكافا أعلن كابتن الهلال هيثم مصطفى المجاعة في العرضة شمال، وقال إن لاعبي النادي وأسرهم لا يجدون ما يقتاتون به!
|
وشوف ردك علي حمزاوي
| Quote: حبيبنا حمزاوى مطلوب من كل صفوة تجهيز كيس رمضان وافطار فرحة الصائم |
وعاين مزمل الليله كاتب شنو برضو في نفس العامود
| Quote: * مطلوب من كل صفوة تجهيز كيس رمضان وإفطار فرحة الصائم! |
وأنت هنا تقول
| Quote: ونتوقع من كل لاعب مريخى المبادرة بكفالة اثنين من لاعبى الوصيف |
ومزمل هناك يقول
| Quote: * ونتوقع من كل لاعب مريخي المبادرة بكفالة اثنين من لاعبي الند اللدود! |
يعني هنا إنت بس لحنتها (الند اللدود) ب (الوصيف)
بالمناسبه أنا ما حا أتابع ليك النقاط هنا، لكني متأكد إنو لمّن البوست ده يخلص بتكون نزلت لينا (كبد الحقيقه) كلو بي جاي
عشان كده ياخوي أحسن ناس الهلال يوفروا مجهودهم ويردو علي (العود) ويخلوا (ضلّو) [كيف يستقيم الظل و العود أعوج]
برضو تقول لي ناس الهلال شغالين بي مزمل بس عشان شنو؟؟؟!!!!
|
Post: #35
Title: Re: المجاعة فى العرضة شمال
Author: معاذ حسن
Date: 08-09-2010, 04:11 PM
Parent: #34
Quote:
وشوف ردك علي حمزاوي
Quote: حبيبنا حمزاوى مطلوب من كل صفوة تجهيز كيس رمضان وافطار فرحة الصائم
وعاين مزمل الليله كاتب شنو برضو في نفس العامود
Quote: * مطلوب من كل صفوة تجهيز كيس رمضان وإفطار فرحة الصائم!
|
يا كيمو البوست نزل قبل عمود مزمل
|
Post: #36
Title: Re: المجاعة فى العرضة شمال
Author: وليد محمد المبارك
Date: 08-09-2010, 04:22 PM
Parent: #34
انت يا عمنا
كنت دايروا يكتب عن فلس الهلال قبل ما الهلال يفلس ؟
كدي هاكم دي
تبرع من أجل الهلال العظيم
|
Post: #37
Title: Re: المجاعة فى العرضة شمال
Author: GamarBoBa
Date: 08-09-2010, 05:56 PM
Parent: #36
مع انو التداخل بين مشجعي الفريقين ديل تحديدا يعد ضربا من الجنون الا انو الموضوع بغيظ
شخصيا يهمني ان لا تتشرد لعيبة المريخ والهلال فهم مثل الآلاف الذين تشردوا من الوظائف
ولكن المهم هل هذا المشجع المسكين يعلم ماذا فعلت هذه المؤسسات بالشركات والمقاولين في مسيرتهم المزعومة؟؟
بغض النظر حب الجماهير لهم خروج رئيسين من انديتهم بهذه الطريقة وهنالك متعلقات مالية وذمم دائنة يعد أكل اموال الناس بالباطل،ويجب محاكمتهم مهما كان حب الجمهور لهم ومهما كان حجم انجازهم سياتي يوم وتظهر حقائق الملفات المالية وضرر المتعاملين مع المؤسستين.
...
سؤال غبي جدا من مواطن عادي.
انتو هيثم مصطفي ده مش ليه 15 سنة بلعب للهلال،مش في عقد وضمان اجتماعي ولا كان شغال بالاشهار؟؟ما ادووه راتبه يشيل نسخة من العقد ويمشي محكمة العمل حيدوه 25% كاش من رواتب ال12 شهر في 15 سنة،انشاء يبيعوا ليه استاد الهلال هو وباقي اللعيبة عشان يدوهم حقهم،مافي حاجة بتخلي راجل عنده شنب يجي يقول لراجل زييه انا ما لاقي حق الأكل، لو كان راتبه 2 مليون بس المفروض يكون نهاية خدمته 90 مليون يعني ينزل اتنين امجاد وتلاتة هايسات وقفل يومك علي ربع مليون و(بحقك)ونوم في بيتكم بلاها شحدة الناس الما عندهم قروش اصلا.
سنادة كوماري هكرفي؟
|
Post: #38
Title: Re: المجاعة فى العرضة شمال
Author: Hassan Senada
Date: 08-10-2010, 06:00 AM
Parent: #37
وازيدك ياودالبشرى على عموم الاهلة المبادرة باغاثة فريقهم فورا
بمناسبة يامحمد بعد مناشدة الكابتن هيثم قام بعض الصفوة فى الامارات بجمع بعض التبرعات واليوم
حولت المبلغ الى مجلس الادارة عن طريق الصفوة حمودة وهو الان فى السودان
|
Post: #39
Title: Re: المجاعة فى العرضة شمال
Author: Hassan Senada
Date: 08-10-2010, 06:06 AM
Parent: #38
مشكور استاذ ابراهيم على المرور اما موضوع جزيرة الفيل جزيرة الفيل فريق كبير وغنى عن التعريف مامحتاجين الوالى المشكلة فى الهلال والموردة بعد ابتعاد الارباب مش الموردة رديف الهلال ولا انا غلطان لان معظم لاعبى الهلال من الموردة المغذى الرئيسى لهلال الموردة
|
Post: #40
Title: Re: المجاعة فى العرضة شمال
Author: Hassan Senada
Date: 08-10-2010, 06:13 AM
Parent: #37
الاخوان الاعزاء ودالبشرى وابراهيم الاهلة كلهم قبلوا لصحيفة الصدى وتركوا صحيفة قوون يمكن بعد اسبوع
كمان رمضان احمد السيد يناشد جماهير الهلال كما فعل كابتن الهلال هيثم وبالمناسبة انا بنسق مع مزمل
ومافى اى فرق كان مزمل كتب ولاحسن سنادة كتب كلنا فى النهاية ننتمى لاحمر الوهاج
|
Post: #41
Title: Re: المجاعة فى العرضة شمال
Author: Hassan Senada
Date: 08-10-2010, 06:14 AM
Parent: #40
الحبيب موسى رمضان كريم
|
Post: #42
Title: Re: المجاعة فى العرضة شمال
Author: GamarBoBa
Date: 08-10-2010, 09:51 AM
Parent: #41
ياخوانا هيثم فطر ؟
|
|