Post: #1
Title: هاكم الخبر دا جديد لنج عن آ زمة جديدة فى حكومة الاسد النتر
Author: صديق مهدى على
Date: 08-08-2010, 10:55 PM
Parent: #0
طبعا يا شمع يا جمع حكومة الاسد النتر ماسكة بيد من حديد يعنى عنترة 21 سنة .
و تفتخر آ نها آ صلحت الحال و بالذات الخطوط الجوية السودانية و قالت على لسان آ سدهاالنتر عليها
بالطلاق الخطوط الجوية شغالة صاح على مدار الساعة . لكن للاسف الشديد آ تصلت قبل قليل السودان
بصديق قديم قدم الكسرة و قال لى هذا الخبر الحزين وهو آن رحلة الخطوط الجوية المتجهة الى الرياض
آجلت و الناس المسافرين و دوهم فندق و الان اليوم الثالث و الناس قاعدة فى فندق
و السبب أن الطائرة الكبيرة خسرانة و العدد كبير لذا بنقلوا فيهم بطائرة صغيرة على دفعات .
شوف عليك الله حكومة حاكمة 21 سنة و ناس و د الباوقة يشكروا فيها و فى الاسد النتر .
يا سبحان الله حكومة هتش و ضعيفة ما قادرة تصلح طائرة و لا تستآجر طائرة عجب يا بشير الرماد .
فى الختام آ طلب من الناس الشاكة فى الكلام دا آ ن تتصل بالسودان الان و تشوف ناسها الماشين
الرياض و صلوا و لا لا و يا ريت و د الباوقة يكون فى الرحلة دى عشان سمح الكلام فى خشيم سيدو
و لا شنو يا ضباع المنبر .
|
Post: #2
Title: Re: هاكم الخبر دا جديد لنج عن آ زمة جديدة فى حكومة الاسد النتر
Author: احمد محمد بشير
Date: 08-09-2010, 00:22 AM
Parent: #1
الفساد في عهد جماعة الحرامية الكيزان منتشر في كل ما يحيط بنا ..
وتعتبر سودانير من حالات فساد الإنقاذ جواً
نتمني ان لا يصل فسادهم عبر طائراتهم إلي الدول المجاورة "المحلّلة" علي البشير يل أستاذ صديق
|
Post: #3
Title: Re: هاكم الخبر دا جديد لنج عن آ زمة جديدة فى حكومة الاسد النتر
Author: عادل شلبي
Date: 08-09-2010, 01:49 AM
الجميع سلام
العيب مافي الحكومة
العيب في الطائرات او الركاب
والله اعلم
|
Post: #5
Title: Re: هاكم الخبر دا جديد لنج عن آ زمة جديدة فى حكومة الاسد النتر
Author: عبد المنعم سليمان
Date: 08-09-2010, 03:40 AM
Parent: #3
الاسد النتـــر طلع نعجة يا صديق
|
Post: #4
Title: Re: هاكم الخبر دا جديد لنج عن آ زمة جديدة فى حكومة الاسد النتر
Author: صديق مهدى على
Date: 08-09-2010, 03:18 AM
الاخ احمد محمد بشير تحية ود ووفاء لشخصك لكن نرجع و نقول سميناها رضينا و الله غالب .
|
Post: #6
Title: Re: هاكم الخبر دا جديد لنج عن آ زمة جديدة فى حكومة الاسد النتر
Author: عابدون محمد عابدون
Date: 08-09-2010, 04:18 AM
Parent: #4
صديق صباح الخير ..
والله صراحة ياصديق البوست بتاعك دا يعنى من الصعب الواحد يتفاعل معاه ..
حاجة واحدة ممكن تساهم فيها وهى انك تمتنع عن ركوب الخطوط الجوية السودانية ودا كلام قلناهو من زمان لأنها شركة فاشلة ومن الممكن انها تتسبب فى كوارث وقتل الناس عشان كدة قلنا ابسط حاجة الناس تقاطع الشركة دى لكن الناس تتكالب عليها بكل سذاجة وكلو عشان بيعفوهم من كام كيلو وزن وفى النهاية لما تحصل الكارثة تجى تقول لينا هنا الحكومة سوت كذا وعملت كذا ..
مقاطعة الخطوط الجوية السودانية واجب وطنى ..
|
Post: #7
Title: Re: هاكم الخبر دا جديد لنج عن آ زمة جديدة فى حكومة الاسد النتر
Author: Zoal Wahid
Date: 08-09-2010, 05:46 AM
Parent: #6
| Quote: قلنا ابسط حاجة الناس تقاطع الشركة |
الاخ عابدون
الحكومة دورها شنو؟
انتو معاها و هي بتشوف في الخلل و لا تعالجه
اذا 3 شبان وقفوا في السوق العربي وقالوا قرفنا،، على طول بيظهر انو الحكومة موجودة.
اي مصيبة لا تمس الدولة فغلطان المرحوم.
ذكرتني حكاية قديمة
جماعة كانوا مسافرين بلوري
البنزين قطع. المساعد صب بنزين في التنك
واحد راكب اول مرة يشم ريحة زي دي وكان مستغرب جدا
بعد ما تحركوا مسافة كدا كيلو اللوري اتقلب المات مات و البقي بقى حي
سألوا صاحبنا الحاصل شنو
قال: السواق ما غلطان، العربية ما غلطانة، غلطان المساعدي كبا عرقي في العربية و العربية سكرت.
طيارات سودانير كل ما تقوم تقع.. مافي ناس "نظام عام" يشموها سكرانة و لا لا؟ اظن البوليس فالح في بيت الفنون بس !!!!!
|
Post: #8
Title: Re: هاكم الخبر دا جديد لنج عن آ زمة جديدة فى حكومة الاسد النتر
Author: الطيب عبد الرحيم خلف الله
Date: 08-09-2010, 06:09 AM
Parent: #6
| Quote: الناس تتكالب عليها بكل سذاجة وكلو عشان بيعفوهم من كام كيلو وزن وفى النهاية |
يا خوي إنت كان كده طولت من الخطوط السودانية؟ بل أجزم أنك لم تودع أحد مع السودانية وبالأخص من محطة الرياض!!
كدي راجع الميزان ... ""بالدليل القاطع""
ورمضان كريم وعساكم من عواده...
|
Post: #9
Title: Re: هاكم الخبر دا جديد لنج عن آ زمة جديدة فى حكومة الاسد النتر
Author: صديق مهدى على
Date: 08-11-2010, 06:40 PM
Parent: #8
قالوا كمان يجب على كل مضيفة قراءة دعاء السلامة فى كل سفرية هو فى تين .
|
|