Quote: Your Gmail address, [email protected], has been created Inbox X Reply Gmail Team to me show details 9:37 PM (5 hours ago) Congratulations on creating your brand new Gmail address, [email protected]. Please keep this email for your records, as it contains an important verification code that you may need should you ever encounter problems or forget your password.
بريدي الإكتروني الذي أتعامل به هو [email protected] بدون نقطة أو فاصلة أو أي شئ... البيقدر يشيلو...حلال عليهو...بس إنتحال شخصية وخساسة ، زي ما حصل أكتر من مرة في بوردات وأماكن أخرى من الإنترنت....لن يمر كما يعتقد الإنسان رخيص!
هذا تحذير من التعامل مع البريد الإلكتروني [email protected] والعندو حاجة بالعديل يعملها...
أنور
Post: #2 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: Moneim Malik Date: 08-08-2010, 07:32 PM Parent: #1
سلام يا انور
طيب انت ما تعمل رايح وادخل قوقل وارسل ليهم انك نسيت الباسورد بتاعك لو بقى من ناس قوقل حيرسلوا ليك الباسورد على حسابك الاصلى ولو بقى اصلو مزور ما حيقدرو يرسلو ليك باسورد و يا دار ما دخلك شر اعتقد ناس ج ميل عندهم انك تستخدم مجموعة حسابات بنفس الاسم باستخدام الكود ... واحد فتح نفس بريدي بس بين قوسين وانا ما شغال بيهو
عزيزي منعم تحياتي وشكراً على المداخلة... هذا البريد تم إنشاؤها من قبل شخص يستخدم بريد ياهو
تكمن الخطورة في هذه الحالة عندما يستخدم ذلك الشخص البريد وينتحل شخصيتك مع أناس علاقتهم ضعيفة بالكمبيوتر سيما وأن الرسائل الجماعية تكشف للكثيرين التوقيع المستخدم وأشياء أخرى يمكن أن يوهم بها شخص آخر.... هذه بالطبع جريمة يعاقب عليها القانون...
سلامات يا ود البشرى، وشكراً للمواصلة يا منعم... الحاصل كالآتي: زول عمل بريد إلكتروني بأسم: [email protected] الزول ده بيستخدم بريد ياهو وخاتي تلفوني أنا كوسيلة إتصال في حال فقدان الباسويرد!
جاتني الرسالة التانية طبعاً على بريدي، وقمت باستعادة البريد الثاني بعنوان [email protected] لأنو بقدر أرجعو هنا...بس ما يزال البريد الأول بعنوان [email protected] بطرفه لأنو مستخدم بريد ياهو... جميل؟
الجميل في الموضوع أنو الزول ده من ***** ودخل من الآيبي ده: 116.71.45.239
غايتو...
Post: #8 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: محمد عبد الماجد الصايم Date: 08-09-2010, 06:37 AM Parent: #7
يا عمكـ .. صباح الخير بتوقيتنا .. اتصرّف بتوقيتكم! ياخ البني كجة دا لو داير يعمل العملية دي خاتي إيميلكـ ليه .. يعني ما عارف إنو في رسالة ح تمش فيهو؟ الفهم شنو في الموضوع دا؟
Post: #9 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: Faisal Elrasheed Date: 08-09-2010, 06:55 AM Parent: #8
[B[116.71.45.239 IP address location & more: IP address 116.71.45.239 IP] IP country code:PK IP address country: Pakistan IP address state: Islamabad IP address city: Islamabad IP address latitude: 33.7000 IP address longitude: 73.1667 ISP of this IP [?]: PTCL Triple Play Project Organization: PTCL Triple Play Project Local time in Pakistan: 2010-08-09 10:40 هذا بحسب الاي بي المرفق ..
سؤال ود الصايم سؤال ذكي جدا ..
Post: #10 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: محمد عبد الماجد الصايم Date: 08-09-2010, 07:00 AM Parent: #9
بالمناسبة يا جماعة .. الأكاونت بتاع الـ Gmail ممكن الواحد يدلّتو؟
Post: #11 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: nazar hussien Date: 08-09-2010, 07:05 AM Parent: #10
ما بوصوا خبير يا انور
Post: #16 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: AnwarKing Date: 08-09-2010, 08:14 AM Parent: #11
الحبيب نزار، خالص مودتي وتقديري...
Quote: ما بوصوا خبير يا انور
(وفوق كل ذي علم عليم)...
Post: #15 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: AnwarKing Date: 08-09-2010, 08:12 AM Parent: #10
أيوة يا ود الصايم، ممكن تحذف بريد الجي ميل بسهولة...بس خليك متأكد من أنك فعلاً داير تحذفو عشان الشغلة ما زي بتاعة الفيس بوك...
Quote: Deleting: Gmail
You can delete Gmail from your Google Account at any time. If you're sure you won't use Gmail in the future, please follow these steps to delete it:
Sign in to your Gmail account. Click Settings at the top of any Gmail page. Click Accounts in the Settings menu bar. Click Google Account settings. Click the Edit link next to 'My products.' Click Delete Gmail Service and fill in the required fields.
ناس الفيس بوك ما بيحذفوا أي حاجة، عارفينك بتجي صاغراً ذليلاً...والكلمة البيحذفا بورد بكري ديك...لوولز!
Post: #12 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: Mohamed E. Seliaman Date: 08-09-2010, 07:20 AM Parent: #9
دكتور أنور السلام عليكم ورحمة الله كل عام وأنت وأسرتك بكل خير بلغنا الله رمضان ونبارك لك الشهر مقدما. -------------- بالنسبة لموضوع الانتحال المسألة دي مواقف البورداب هنا فيها متناقضة جدا... انتحال شخص عضو بالبورد جريمة يستقبحها جميع الأعضاء تقريبا! لكن ممكن عادي تنتحل شخصية من هو غير عضو في المنبر أو بريده ، ثم يصبح الأمر مدعاة للنيل من ذلك الشخص أو تجريحه في بوست أو أكثر. عندك مثلة : الطيب مصطفى ، والشيخ عثمان الخميس ، الشيخ الغامدي . بل ربما يتدافع الأعضاء للدفاع عن حق أعضاء البورد في إقامة حفل شواء آدمي للمنتحل المسكين وهو غافل عن الأمر شفت كيف ؟
Post: #19 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: AnwarKing Date: 08-09-2010, 08:24 AM Parent: #12
الأخ الحبيب محمد الحسن سليمان، رمضان كريم وإن شاء الله من عتقاء الشهر الكريم...وربنا يحفظك وأسرتك الكريمة.. +++++ ياخي أولاً لسع ما أجازو لينا الدكتوراة دعواتك لينا قريباً، ثم ثانياً ياخي لمن يجيزوها، عليك الله أعفيني من اللقب وخليك سوداني...
Quote: بالنسبة لموضوع الانتحال المسألة دي مواقف البورداب هنا فيها متناقضة جدا... انتحال شخص عضو بالبورد جريمة يستقبحها جميع الأعضاء تقريبا! لكن ممكن عادي تنتحل شخصية من هو غير عضو في المنبر أو بريده ، ثم يصبح الأمر مدعاة للنيل من ذلك الشخص أو تجريحه في بوست أو أكثر. عندك مثلة : الطيب مصطفى ، والشيخ عثمان الخميس ، الشيخ الغامدي . بل ربما يتدافع الأعضاء للدفاع عن حق أعضاء البورد في إقامة حفل شواء آدمي للمنتحل المسكين وهو غافل عن الأمر شفت كيف ؟
أصلاً القوشراب ديل مواقفهم دايماً متناقضة...عشان كدة أنا بزهج ليك منهم...(طبعاً أنتا عندك ناس في راسك وعليه بتشوت فيهم ...ومافيش حد أحسن من حد) لكن على حسب علمي، أنو المتضررين من مسألة إنتحال الشخصية دي ناس بالعدد وكلهم ما يستاهلوا...وأسأل الله أن يجنّب الجميع شرّها...
بس كمان يا محمد البورداب ديل ناس مختلفين، قبيلة براها...صوت إعلامي وناس صفوة، وخريجين وأفريكان أمريكان، وسودانيز كانديان، وسودانيز بريتش، وسودانيز سويسرزلاند (ناس عصام جبر الله) وبدون، ومكفولين (من غير ذكر أسماء) وأساتذة جامعات مرموقة وصالح عام، وصالح خاص، وطلبة ولاجئين، وعييييييييييييييك، أوررررررررر...وكسير تلج!
داير تقارن الكوم الفوق ده بزول عندو صحيفة يومية زي الطيب مصطفى مثلاً...وود أخت عندو صحف كتيييييييييرة يومية ومحمد حامد جمعة والإعلام الإلكتروني والوزير عمل لينا تكريم وبدرالدين أسحاق وود الباوقة وموش عارف مين؟
حفل شواء آدمي دي حقوق الطبع محفوظة فيها لحبيبنا عادل عبد العاطي....حقو تديهو الكريتد، أو تحوّل ليهو رصيد!
والله يا محمد لقيت لي فيك فرقة الليلة...
Post: #14 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: AnwarKing Date: 08-09-2010, 08:06 AM Parent: #9
شكراً يا فيصل على المرور والتعليق...
عشان ود الصايم زول ذكي وأسألتو ذكية...عندو شعبية كبيرة من متابعي البورد...
لمن يجي يوصفوه يقولوا ليك: الزول السمين الفاتح خشمو كبير داك، تقعد تنقر: بكري؟ يقولوا ليك لا...ياخي قاعد في السعودية.. آآآآآآآآآآآآآآآآآآ.... أساسي؟ يقولوا ليك لا...ياخي أسمو محمد البشرى الصايم!!!
Post: #13 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: AnwarKing Date: 08-09-2010, 08:02 AM Parent: #8
سلام يا ود الصايم...
Quote: ياخ البني كجة دا لو داير يعمل العملية دي خاتي إيميلكـ ليه .. يعني ما عارف إنو في رسالة ح تمش فيهو؟ الفهم شنو في الموضوع دا؟
أنتا قايلا أول مرة؟ قبل فترة قاعد جاني ليك بريد بتاع إشتراك في منتدى حوار... عملتا نايم قلتا أشوف نهاية الزول شنو...وبعد شوية عينك ما تشوف إلا النور... المشكلة بتحس أنو الزول من منازلكم وقريب ما بعيد (قد يكون كوز باعتبار البيناتنا عامرة) أها مشيت غيرتا الباسويرد براحة كدة...بعد شوية زي مليون رسالة بتاعة محاولة دخول خاطئة... رسلتا لناس المنتدى وطلبتا منهم حذف الحساب ده.... اللذيذ في الموضوع، صاحب المنتدى أتظارف معاي شديد...بعد شوية الظاهر قوقلني وكدة، وطلع راقدلو فوق رأي...بالله رجمني ليك رجم كان محتاج ليهو فيديو عمك داك...المهم حذف الحساب وأنتهينا...
عندنا في كوريا هنا، أول سبب للموت حسب الإحصائيات هو الإنتحار، وفي الإنتحار زاتو بقت الإنترنت سبب كبير للموضوع... أسع الصفحة الأولى بتاعة البورد دي لمن يكون كلها وفيات، وهزيمة كرة قدم، وأخبار سياسة نحس في كآبة... الزول تلقاهو حيلو ميت ونفسياتو زي الزفت للدرجة البتأثر على أداؤه في العمل.... هذا موضوع بحث شيّق جداً لو لقينا ليهو فرقة بننضم فيهو...
فالزول البيتلحك في الإنترنت دي لو ما بقيت شديد ولضيض، ممكن يلحقك أمات طه بالمناسبة!
Post: #23 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: AnwarKing Date: 08-09-2010, 08:39 AM Parent: #22
طيب عشان المتابع البوست يستفيد معلومة... في هذا الفيديو: جوناثان زيتراين: الويب كأفعال عشوائية من اللطف يقول المُنظّر الإجتماعي جوناثان زيتراين ان الإنترنت، تتكون من ملايين الأفعال غير المبرأة من اللطف، الفضول والثقة.
إفتراض الثقة في بنية الإنترنت التحتية هو الأساس...ولهذا نرى أن الإحتيال والسرقة ليس صعباً فيها... مبعث هذا هو إفتراض الثقة أولاً وأخيراً...أنصح بمشاهدة الفيديو أعلاه...
Post: #25 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: محمد البشرى الخضر Date: 08-09-2010, 08:44 AM Parent: #23
والله انا عرفتهايا كينج و استغربت من أمس مالك ما جبت فيديو تيد
Post: #27 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: AnwarKing Date: 08-09-2010, 09:08 AM Parent: #25
Quote: والله انا عرفتهايا كينج و استغربت من أمس مالك ما جبت فيديو تيد
It has a customized search engine for every single data published on the internet
under your name or your email address with or without your notice
so you will be aware of what is written or used to defaming you through the Internet
They can give you also all the access details with Physical location address and telephone no of the defender if you bring to them Legal Warrant prosecution
me myself start using it
Since some people are using my email which i published here in sudaneseonline before
to defaming me by connecting my email @ yahoo the one I published here
to a Fake and none exist Girl account in Hi5
and I am getting better results from it, also I am processing legal process against the offenders
Regards
Post: #28 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: AnwarKing Date: 08-09-2010, 09:11 AM Parent: #24
خالد سلامات ورمضان كريم...
Quote: الله يستر ما يطلع لينا بكرة (فيديو) يوتيوب مزيف باسم أنور كنج..
غايتو لو بقدر يزيف زي بتاع سودانييييييييييي داك، اليعملا...
Post: #30 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: محمد عبد الماجد الصايم Date: 08-09-2010, 11:42 AM Parent: #28
Quote: بس خليك متأكد من أنك فعلاً داير تحذفو عشان الشغلة ما زي بتاعة الفيس بوك
يا خبير ..
في فرق بين الديآكتيفيشن وبين الديليشن -الإلغاء
Deactivation and Deletion
فقط عليك عمل الآتي: تكتب في بحث (سيرش)
I want to permanently delete my account:
تقوم تجيك الرسالة التحت دي. وأتبع خطواتها
If you deactivate your account from the "Deactivate Account" section on the Account page, your profile and all information associated with it are immediately made inaccessible to other Facebook users. What this means is that you effectively disappear from the Facebook service. However, if you want to reactivate at some point, we do save your profile information (friends, photos, interests, etc.), and your account will look just the way it did when you deactivated if you decide to reactivate it. Many users deactivate their accounts for temporary reasons and expect their information to be there when they return to the service.
If you do not think you will use Facebook again and would like your account deleted, please keep in mind that you will not be able to reactivate your account or retrieve any of the content or information you have added. If you would like your account permanently deleted with no option for recovery, log in to your account and then submit your request by clicking here.
طبعاً في فرق "لغوي" ما بين Deactivation and Deletion.... However, logically there is no ____________ من ناحية أخرى...لو عملت Shift+ Delete في الكمبيوتر بتاعك ده...ما تفتكر أنك مسحت الملفات خلاص...وعامل فيها الشريف الرضي وكمبيوترك ما فيهو "ملوخية"...البيحصل يا طويل العمر أنو المؤشر لعنوان "الملوخية" فقط هو البتمسح...إلا في حالة تم الإحلال عليها Replaced by Another Data عشان كدة تعمل ليك 3 فورمات، وأربع تعديلات في البارتيشن قبل ما تبيع الكمبيوتر لهيئة المطاوعة...لووولز!
وبنفس الفهم ده، مافي حاجة بتتنسي يا ود الصايم...ختيت حاجة في الإنترنت...خلاص بقت بتاعة الجمهور وكدة!
_________________ حبابك مليون في تيد يا ود الصايم، نحتاج لأياديكم البيضاء...
Post: #32 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: محمد عبد الماجد الصايم Date: 08-09-2010, 01:09 PM Parent: #31
It has a customized search engine for every single data published on the internet
under your name or your email address with or without your notice
so you will be aware of what is written or used to defaming you through the Internet
They can give you also all the access details with Physical location address and telephone no of the defender if you bring to them Legal Warrant prosecution
me myself start using it
Since some people are using my email which i published here in sudaneseonline before
to defaming me by connecting my email @ yahoo the one I published here
to a Fake and none exist Girl account in Hi5
and I am getting better results from it, also I am processing legal process against the offenders
Regards
من مطالعة سريعة للموقع...شكلو فعلاً حل جامد جداً للكثيرين.... لكن الزول المتلحك ده عملها واضحة، كيف يعني يعمل فيها بت في هاي فايف؟ حا أكون متابع معاك يا حبيب، عشان نعرف الجبناء ديل... بقيت أفكّر بصورة جدية في كلام د.بلة سابقاً حول عمل بيزنس قائم على تحقيقات وأمن المعلومات عامة... ربنا يسهّل يا الحبيب...
عامر مودتي أنور
Post: #35 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: محمد عبد الماجد الصايم Date: 08-09-2010, 01:41 PM Parent: #33
دي-آكتيفيشن: معلوماتك وصورك محفوظة. متى ما جيت راجع مرحب بيك. ديليشن: إلغاء حسابك نهائي. بدوك إسبوعين وبعد داك بلغو حسابك نهائي لا صور مخزنة لا يحزنون. أمشي يا أنور كنغ جرب الطريقتين وحا تعرف الفرق عشان ما تسطح بأخوي الكاشف ود الصايم دا وغيرو!
_ أولتش حاقة أنا!
Post: #36 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: اميرة السيد Date: 08-09-2010, 04:42 PM Parent: #35
الجميل في الموضوع أنو الزول ده من ***** ودخل من الآيبي ده: 116.71.45.239 QUOTE) >>>>>>>>>>>>>>>>>>>>> عاوزين نعرف معلومات عن كيفية معرفة الأيبي .. وسألت احد العارفين وقال أن ناس المباحث ممكن يعرفوا اي زول بيستخدم أي كمبيوتر ومن أي عنوان وبهذه الطريقة ممكن يقبضوا على الناس البينتهكوا قاون الملكية الفكرية ويسجلوا أفلام جديدة من الانترنت ويبيعوها بعدما يعملوا منها آلاف النسخ.. والسؤال كيف عرفت أن الشخص المعني دخل من الايبي 116.17.45.239 وهل ممكن من هذا الرقم فعلا تعرف المدينة التي يسكن فيها وعنوانه؟ وكيف تتحصل على هذا الرقم؟ ومنكم نستفيد!!
Post: #37 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: حاتم علي Date: 08-09-2010, 05:13 PM Parent: #36
Quote: والسؤال كيف عرفت أن الشخص المعني دخل من الايبي 116.17.45.239 وهل ممكن من هذا الرقم فعلا تعرف المدينة التي يسكن فيها وعنوانه؟ وكيف تتحصل على هذا الرقم؟ ومنكم نستفيد!!
IP detection methods had been briefly described there
regards
Post: #38 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: اميرة السيد Date: 08-09-2010, 05:27 PM Parent: #37
الاخ حاتم تحية طيبة لكن دخلت في الرابط ولم اجد شرحا لسؤالي ولكن وجدت مساجلات بين حيدر الزين وايمن الطيب ومحمد سليمان وهشام ادم وآخرون ووجدت روابط أخرى كثيرة بداخله ولكن لم اجد اجابة على السؤال.. وبالفعل كما قلت I miss a lot in this board ولكن شيئا فشيئا نتعلم منكم والله يعطيكم العافية
Post: #40 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: حاتم علي Date: 08-09-2010, 06:01 PM Parent: #38
Quote: لكن دخلت في الرابط ولم اجد شرحا لسؤالي
الاخت اميرة
تحية طيبة
ابدي القراية من صفحة 4
لحدي ما تحصلي صفحة 19
مودتي
Post: #39 Title: Re: أحدهم يحاول سرقة بريدي الإلكتروني...وإنتحال شخصيتي، تحذير!!! Author: حاتم علي Date: 08-09-2010, 05:51 PM Parent: #33
Quote: لكن الزول المتلحك ده عملها واضحة، كيف يعني يعمل فيها بت في هاي فايف؟
ازيك يا انور و رمضانك كريم
تعرف اتصلوا بي بعض بودراب الخرطوم
و كلموني انو في اشاعة حايمة في الخرطوم
انو ايميلي بتاع الياهو الكان منشور هنا دا
هو نفس ايميل بت اسمها (رحيل او راحيل ساتي) ما عارف
وانو الموضوع دا في Hi5
مشيت لل Hi5 ما لقيت حاجة فتشتا بي (برامج خاصة) للبحث
في شبكات التواصل الاجتماعي زي Hi5 & facebook
لقيت ليك البت محكرة و خاتا ليها صور غير محترمة كمان
وايملي بتاع الياهو النشرتو هنا دا مربوط بالحساب بتاعها
طوالي راسلتا ناس ال Hi5 و الجماعة اعتذروا
وقالوا انو فعلا الحساب دا وهمي و قاموا بإزالته من ال Data base
وإلغاءه نهائيا ، و توصلت بواسطة تحريات خاصة قام بها موقع Reputation Defender
الى ان ايميلي العلى الياهو دا تمت إضافته (مؤخراً) للحساب المشبوه دا على موقع Hi5
و ناس ال Hi5 اخبروني انهم ملتزمين بتمليكي - بصورة رسمية قانونية - كافة المعلومات
المتعلقة بالحساب الوهمي - الذي قاموا بإلغائه - بما في ذلك العنوان البريدي و رقم التليفون
للشخص الذي قام بإنشاء الحساب الوهمي - و هو من السودان بالمناسبة - و الشخص الذي
قام بإضافة ايميلي على الياهو الى ذلك الحساب الوهمي على ال Hi5 حتى تقوم محركات البحث
بالربط ما بين ايميلي و ذلك الحساب المشبوه على ال Hi5 حالما يصلهم اشعار المحكمة
سلامات يا حاتم وقلبي معك في مُصابك المحزن... لكن بالغت مع أختنا أميرة...دايرة تقراء ليها دشيليون صفحة عشان تعرف الأيبي بيتقبض كيف؟
الموضوع في غاية البساطة في حالة كنت مستخدمة بريد جي ميل Gmail تحت أسفل الصفحة بتجدي ملخص للنشاط بتاع البريد كالآتي:
Quote: Last account activity: 24 minutes ago on this computer. Details
كلمة تفاصيل دي عليها رابط بيوريك أرقام الآيبي الدخلتي بيها لهذا البريد...ويمكن إعداد البريد نفسه يعمل ليك إنذار لو في أي تحرك غريب....وهو ما يسمى بال Anomaly detection في علم التأمين عموماً Security term مزيد من التفاصيل هنا: http://en.wikipedia.org/wiki/Anomaly_detection ويسمى أيضاً بال Out lier detection في علم التنقيب في البيانات...Data Mining والخ... ومن ضروب ذلك أن تكوني بتسخدمي البريد بتاعك طوال اليوم من الخرطوم، ثم فجأة في ساعات قليلة يُستخدم البريد من طوكيو مثلاً....وقيسي على ذلك في تطبيقات مالية مثل بطاقات الإئتمان وغيرها...
هناك طرق عديدة تعتمد على الخادم Server لمعرفة الآي بي...لكنها لا تضمن أن يكون الآي بي هو الحقيقي... ولهذا لا يستطيع أحد أن يجزم بأن الآي بي الفوق الجبتو أنا، فعلاً من كراتشي/بباكستان، أو كما أظهر مكان آخر من إسلام أباد/باكستان... من أول وهلة... خصوصاً في آي بي Version 4 ولهذا فقد أخذ الموضوع حيزاً كافياً من العلاج في آي بي Version 6 توجد طرق أخرى أكثر تعقيداً يمكن معرفة مصدر الآي بي بالتحديد...وتدخل فيها نظم المعلومات الجغرافية وخط الطول وخط العرض...وتحتاجي لتعاون مقدمي خدمة الإنترنت المحليين...
لو الموضوع داخلة فيهو مباحث...قد تصلي لنتيجة مفيدة ومرضية....أو هكذا يفترض أن يكون.