اذا كنت محلى حا تعمل شنو !!!!

صور كارثة جنوب طوكر ـ من صالح عمار

يا ريس

تحياتي

الصورة معبرة جدا، ولم تحدث أول مرة هذا العام وإنما تتكرر كلما تم الإفساد في الأرض،

ودونك أكثر من (12) مليون مشرد جرفتهم السيول بباكستان، وما يحدث بالسودان لا يشذ عن

بقية العالم....

إِنَّ الَّذِينَ تَوَفَّاهُمُ الْمَلَائِكَةُ ظَالِمِي أَنفُسِهِمْ قَالُوا فِيمَ كُنتُمْ ۖ قَالُوا كُنَّا مُسْتَضْعَفِينَ فِي الْأَرْضِ ۚ
قَالُوا أَلَمْ تَكُنْ أَرْضُ اللَّـهِ وَاسِعَةً فَتُهَاجِرُوا فِيهَا ۚ فَأُولَـٰئِكَ مَأْوَاهُمْ جَهَنَّمُ ۖ وَسَاءَتْ مَصِيرًا ﴿٩٧﴾

ولو كنت مكان هذا الرجل، لصحبت المرأة التي كانت معي، ايا كانت، زوجة أو أما أو أختا،

أو بنتا ولهاجرنا في ارض الله الواسعة، لاتحدنا حدود بما فيها إسرائيل.....

يا ريس

العالم تلزمه توبة، كلنا تلزما توبة لله تعالي، اللهم إني أستغفرك وأتوب إليك مما عملت و

مما لم أعمل، باطنا وظاهرا ....

وَمِنْ آيَاتِهِ خَلْقُ السَّمَاوَاتِ وَالْأَرْضِ وَمَا بَثَّ فِيهِمَا مِن دَابَّةٍ ۚ وَهُوَ عَلَىٰ جَمْعِهِمْ إِذَا يَشَاءُ قَدِيرٌ ﴿٢٩﴾
وَمَا أَصَابَكُم مِّن مُّصِيبَةٍ فَبِمَا كَسَبَتْ أَيْدِيكُمْ وَيَعْفُو عَن كَثِيرٍ ﴿٣٠﴾

..................................

Quote: اذا كنت محلى حا تعمل شنو !!!!

افتش انبوب بترول ...

Quote: اذا كنت محلى حا تعمل شنو

أنضمْ طوالي لأقرب فصيل مُسلح

Quote: "اليخت الرئاسي" الذي تم جلبه بقيمة 4,5 مليون دولار ليستمتع به قادة الدول الإفريقية في مساءات الخرطوم على نهر النيل.

مصدر الصورة :
اليخت الرئاسي....4,5 مليون دولار

حاسوق الوراي دي وابدا مشروع مظاهره

قاصد الخرطوم وحسب ما لياقتي توقفني

يعني يا خرب يا جيت حازما

الريس بكرى
شوفو الزول دا وين وخلونا نساعدو
بقدر الامكان,,,,لو بقبل المساعدة

حأعمل منبر الكتروني اسميه سودانيز اون لاين
شعارو " وطن ما لا وطن له"

او كما قال

الأخ بكري تحياتي

Quote: اذا كنت محلى حا تعمل شنو !!!!

لو كنت محلك يا بكري ابن أبي بكر
ومحلك هو محل أمين هذا الموقع ومالكه
لكنت جعلت هذا الربع خاصا بنفرة كبرى لمناصرة أهلنا بطوكر
وقرى شرق السودان عموما.
بوسعك أن تفعل الكثير يا بكري من خلال هذا الموقع
لأجل أهلنا في طوكر ....
التصعيد الإعلامي للمحنة التي يعيشونها
نفرة سودانيز أون لاين الكبرى بالداخل والخارج
ستعيد إلينا صورة شعار سودانيز أونلاين تحمله الجوالق العظيمة في مطار
الملك خالد الدولي بالرياض أيام حملة وليد دارفور

Quote: الريس بكرى شوفو الزول دا وين وخلونا نساعدو بقدر الامكان,,,,لو بقبل المساعدة

الزول دا في زيو ملايين ليهم رب يساعدهم
حتي جوة الخرطوم القرييييبة دي عادي جدا ممكن يلاقيك
واحد زي عمك دا قاعد محتار و بفكًر من وين يجيب حق
العيش للعيال المنتظرينه ! و علي فكرة ممكن يكون جارك بالحيطة
في الوضع دا و يتعفف إنه يسأل الناس ..
الموضوع ما موضوع زول واحد محتاج مساعدة الموضوع موضوع معالجة
شاملة لي اوضاع كتيرة ( و للآسف مريرة ) عشان الصورة دي ما تتكرر
في كل ركن و زواية في سودانا التعيس أوبسس اقصد الحبيب


______________________________
بكري مالك علينا عليك الله !! ما ناقصين نحنا
وجع ضمير

فايز ود القاضي ... ما تراعي فينا الله ياخ ... ديل مِنو البِتدرِعِن فوق بُروفايلك؟ أها رمضان يا خوي على الأبواب ... ما بِصح تعمل كِده ...

ارفع يديّ إلى الله .. فدعوة المظلوم ليس بينها وبين الله حجاب!

Quote: لو كنت محلك يا بكري ابن أبي بكر ومحلك هو محل أمين هذا الموقع ومالكه لكنت جعلت هذا الربع خاصا بنفرة كبرى لمناصرة أهلنا بطوكر وقرى شرق السودان عموما. بوسعك أن تفعل الكثير يا بكري من خلال هذا الموقع لأجل أهلنا في طوكر .... التصعيد الإعلامي للمحنة التي يعيشونها نفرة سودانيز أون لاين الكبرى بالداخل والخارج ستعيد إلينا صورة شعار سودانيز أونلاين تحمله الجوالق العظيمة في مطار الملك خالد الدولي بالرياض أيام حملة وليد دارفور

الوضع هذا رغم بؤسه ليس استثناء
فهو موجود في كل اقاليم السودان
شرقا وغربا شمالاوجنوبا
وهناك خيرون كثيرون يحاولون قدر الامكان الوصول الي هؤلا ومساعدتهم
ولكن المهمة الرئيسية تبقي مهمة الدولة في تفقد مواطنيها لانها مسئولةعنهم

الاخ بها

التحيات

انا عارف ان هنالك 90 % من اهل السودان مثله,,,
وانا عندى اقارب لا يفرقون منه كثيرا
مهما ساعدتهم لا اكمل احتياجاتهم,,

لكنى حبيت ان افتح باب التفكير فى الحل؟؟؟؟؟؟

أدعـم الحيكومة حتى لو اتبرع بحطب الراكوبة

Quote: اذا كنت محلى حا تعمل شنو !!!!

كنت بطلت الإستكانة و الركلسة و و الكسل و الإعتماد على المعونات و مشيت شفت لي أي شغلانة عشان أرفع نفسي و الزولة اللي الله بسألني منها و قاعدة وراي دي ..

مكمن الانسانيه (منظمة تنادينا ) طوكر تنادينا هلا اجبنا وتنادينا لها

اعلمه بان هذا هو السبب
واعمل على ان ياخذ حقه قوة عين واقتدارا منه ومن عصبته ,,,.
وكما قبل عجبت لرجل لا يجد قوت يومه ولا يشهر سيفه ليقاتل ,,

Quote: كنت بطلت الإستكانة و الركلسة و و الكسل و الإعتماد على المعونات و مشيت شفت لي أي شغلانة عشان أرفع نفسي و الزولة اللي الله بسألني منها و قاعدة وراي دي ..

ربنا يسألك يا عصام دهب... دي قعدة زول مستكين ومرطب وراجي المعونات؟

إتقي الله يا رجل وإستغفر...

Quote: ربنا يسألك يا عصام دهب... دي قعدة زول مستكين ومرطب وراجي المعونات؟

لا .. دي قعدة زول منتظر ليهو أسايلم

من ناحية مستكين و مركلس و كسلان و راجي معونة دي الحاجة الأنا شفتها من الصورة ..

و هذه للأسف طبيعة عند عدد كبير من أهلنا في السودان ..

الزول دة قاعد منتظر يجيهو زول تاني يقول ليهو أمسك دي .. و هاك دي ..

و الراكوبة دي لو لقى ليهو فيها رطل بن و رطل سكر تاني ما بيطلع منها إلا لما يكملوا ..

السماء لن تمطر ذهباً و لا مصاريف فماذا ينتظر ؟؟

ممكن ينتظر ليهو سبعة تمانية تفتيحة زي بتاعين جبهة الشرق يعملوا منها حركة مسلحة و يتاجروا بقضيتو و يقبضوا التمن و هو قاعد في محلتو دي ..

Quote: أدعـم الحيكومة حتى لو اتبرع بحطب الراكوبة

وهي لله ومحل رقيقي التتقطع...

يجازي محنك يا إحيمر...

كنتَ دعوت الله ألفية جر لالوبة

اَن لا يجعل محنتي هذه عُرضة مثاقفة وتعليقات على الألسن أو المنتديات
وان يجعل لي العون من يداه الكريمتين بلا مَنِ ولا أذاء
ويكون إمتحان صعب أجتازة بترفُق















ــــــ
سحب باسويردات مامعانا ..

الفاضل بكري أبو بكر

Quote: لو كنت محلك يا بكري ابن أبي بكر ومحلك هو محل أمين هذا الموقع ومالكه لكنت جعلت هذا الربع خاصا بنفرة كبرى لمناصرة أهلنا بطوكر وقرى شرق السودان عموما. بوسعك أن تفعل الكثير يا بكري من خلال هذا الموقع لأجل أهلنا في طوكر .... التصعيد الإعلامي للمحنة التي يعيشونها نفرة سودانيز أون لاين الكبرى بالداخل والخارج ستعيد إلينا صورة شعار سودانيز أونلاين تحمله الجوالق العظيمة في مطار الملك خالد الدولي بالرياض أيام حملة وليد دارفور

شكرا محمد الحسن سليمان

Quote: الموضوع ما موضوع زول واحد محتاج مساعدة الموضوع موضوع معالجة شاملة لي اوضاع كتيرة ( و للآسف مريرة ) عشان الصورة دي ما تتكرر في كل ركن و زواية في سودانا التعيس أوبسس اقصد الحبيب

شكرا هبة الماحي

استاذ عصام ...سلام ..

Quote: كنت بطلت الإستكانة و الركلسة و و الكسل و الإعتماد على المعونات و مشيت شفت لي أي شغلانة عشان أرفع نفسي و الزولة اللي الله بسألني منها و قاعدة وراي دي ..

الصورة تعبير عن حالة الانسان المهمش في الريف الشرقي ...لا سكن يحمي ..ولا ماء يروي .. ولا كهرباء .. ولا اكل ...هل هذا المواطن مسئول عن توفير احتاجاته الضرورية التى لايمكن توفيرها الا عبر مؤسسات الدولة ؟!!! الدولة مسئولة عن توفير كل معينات العمل والاسترزاق ثم بعد ذلك يحق لنا ان نصف هؤلاء بالركلسة والكسل وغيرها من الاوصاف غير المنصفة والمجحفة في حق اناس يعيشون على هامش الحياة في اقصي الشرق المهمش وبفعل فاعل ..ضع نفسك مكان هذا الشخص الجالس وزوجته وكل مايملكونه من سكن وزرع وبهائم قد ذهب ادراج السيول وهم في اقاصي الريف وفي هذه اللحظة مالذي بالامكان فعله ؟!!! استاذ عصام لايمكن المقارنة بين انسان المدينة الذي تتوفر له كل اسباب المعيشة وتتطلب حركته وعدم الاستكانة والركلسة والكسل وبين انسان الريف الذي لايملك حتى روحه ااتي بين جنباته ..
يادهب لو الانسان ده مسئوليته توفير احتياجاته الاساسية التى لايمكن توفيرها الا عبر الدولة فعلى الدولة التخلي عن هذه المسئولية وتسليمه مناجم ذهبه وعوائد ميناءه في البحر الاحمر ومزارعه في القضارف ودلتاالقاش وطوكر وسواقيه في كسلا وبعد ذلك يحق لى ولك ان نلومه اذا ركلس ولا كسل ...معقولة نفكه في الخلا بدون ماء ولا كلأ ونقول ليهو يلا استرزق وانتج ؟!!!!! ده منطق شنو ؟!!!!!!!!!!!!!!!!!!!!!

مالكم كيف تحكمون ..

"لو الانسان ده مسئوليته توفير احتياجاته الاساسية التى لايمكن توفيرها الا عبر الدولة فعلى الدولة التخلي عن هذه المسئولية وتسليمه مناجم ذهبه وعوائد ميناءه في البحر الاحمر ومزارعه في القضارف ودلتاالقاش وطوكر وسواقيه في كسلا وبعد ذلك يحق لى ولك ان نلومه اذا ركلس ولا كسل ...معقولة نفكه في الخلا بدون ماء ولا كلأ ونقول ليهو يلا استرزق وانتج"

شن بسوي غير هضاريبا جزت سبايب الرأس

صناقيـر رأيا تليف بنيانو من غير ساس

العاقلة الشرود كبيرها بين الضناقيل جاس

ما بتصــون الولـود البطـرانة بالفـراس

Quote: لو كنت محلك يا بكري ابن أبي بكر ومحلك هو محل أمين هذا الموقع ومالكه لكنت جعلت هذا الربع خاصا بنفرة كبرى لمناصرة أهلنا بطوكر وقرى شرق السودان عموما. بوسعك أن تفعل الكثير يا بكري من خلال هذا الموقع لأجل أهلنا في طوكر .... التصعيد الإعلامي للمحنة التي يعيشونها نفرة سودانيز أون لاين الكبرى بالداخل والخارج ستعيد إلينا صورة شعار سودانيز أونلاين تحمله الجوالق العظيمة في مطار الملك خالد الدولي بالرياض أيام حملة وليد دارفور

وأخـرى كبرى لأهلنا في شـندي
وأخرى في أبو دليق , وأخرى في غبيش
وحملة في كازقيل , وأخرى في عواض
وكمان واحدة في تواوة
وأخرى في عـد الفرسان وما تنسـى نمولي
وتركاكا
وكل قـرية من قـرى المهمشـين أعمليها نفـرة
وقضى عمـرك كلو نفرات
وخلي الحكومة تتفـرغ لبصات العاصمة وافتتاح مجمع عبد الحي
وفـراخ ( ) الوصلت مليون فرخة , خلى الحكومة تقوم بدورا التاريخي
في افتتاح برج الاتصالات
وانت تفـرغ لنفرات ودعم الغلابة من الغلابة والمهاجرين

Quote: لو كنت محلك يا بكري ابن أبي بكر ومحلك هو محل أمين هذا الموقع ومالكه لكنت جعلت هذا الربع خاصا بنفرة كبرى لمناصرة أهلنا بطوكر وقرى شرق السودان عموما. بوسعك أن تفعل الكثير يا بكري من خلال هذا الموقع لأجل أهلنا في طوكر .... التصعيد الإعلامي للمحنة التي يعيشونها نفرة سودانيز أون لاين الكبرى بالداخل والخارج ستعيد إلينا صورة شعار سودانيز أونلاين تحمله الجوالق العظيمة في مطار الملك خالد الدولي بالرياض أيام حملة وليد دارفور

شكراً بكري ولا فض فوك محمد سليمان هذا هو المنتظر من الموقع الذي تحمل عب إعلام العالم بمأساة جزء عزيز من بلادنا برغم تجاهل الحكومة وإعلامها أهل هذا الجزء من الوطن ..

أخي المستشار/عصام دهب هذا الرجل وبهذه الصورة المحزنة لا نقول أن السيل جرف منه العمارات او السيارات الفارهة وينتحب على اثر ذلك ولكنه فقد الأبناء والكثير من الأعزاء وبعضا من الأغنام والعيش بسترة حد الكفاف الذي لم توفر الدولة ادواته برغم الانتماء الأصيل لهذا البلد ومع ذلك نقول وإن فعل ما ذهبت إليه هوالأولي بدعم الدولة من مواطن دوله اخري كحالة تشاد مثلاً .. أخي عصام أهل الشرق لهم من العزة ما يفوق كرم الحكومة بكثير فهذا الرجل لا يتصنع الحزن لأنها ببساطة ليست ثقافته إستجداء احد وإن كانت الدولة أخي عصام هؤلاء القوم لا يجيدون الكذب ، كل الذي يطلبونه وهذا حق أن تأتي الدولة ممثلة في واليها وحكومته لتخفف عنهم مصابهم وفقدهم الجلل ولكنها لم تفعل ويقيناً كانت لفعلت لو كان المتضرر مواطن آخر أقرب للمركز ..

سعادة مولانا عصام دهب تعليقك مجحف جداً في حق هذا الرجل وإمرأته.












_________________
بدل تدعو ليهم إنو الله يفك كربتم تقوم تردمم حطب

Quote: سعادة مولانا عصام دهب تعليقك مجحف جداً في حق هذا الرجل وإمرأته.

سلام يا بكري

Quote: اذا كنت محلى حا تعمل شنو !!!!

لكنت طرقت أبواب المنظمات الإنسانية التي تساعد الفقراء والمحتاجين لعمل مشروع إستثماري صغير لهم.

أمس كنت أتفرج في البيت السعيد وفي فقرة أعتقد إسمها المرصد تحدثت عن إمرأة مكافحة توفي زوجها

وترك لها أربعة صغار تحدثت عن أنهم أيام لا يجدوا ما يسدون به رمقهم من الجوع وضاقت كل انواع

الألم والمعاناة وتألمت لها جدآ حتي أنني علقت بأن السودان بلد مؤلم وموجع لما شاهدته , ثم جاءها الفرج

بعد أن طرقت أبواب تلك المنظمات الخيرية وتم تمويلها لفتح دكان صغير وتم إعطائها play station

لتستأجرها وربنا فتحها عليها والحمد لله إنتقلت من منطقة الفقر المدقع إلي الحالة المستقرة

طبعآ الحكومة مسؤلة عن هؤلاء وكل المستطيعين وللأسف مثل هذا الرجل الحائر كثيرين جدآ بل والأقبح

أنهم منسيين ولا يجدون من يقف بجانبهم , فنسأل الله أن يسخر لهم من يعينهم علي نوائب الدهر.

انا لوكنت فى محل الزول ده
كنت نفضت جلابيتى ومسكت المره من يدها

وبقول تاج السر شنو الانا راجيه ده ؟

وكنتد دخلت فى اقرب خيمه بتاعين زبيديه
واشتغلت معاهم فى التهريب

كاااك

متيقنا من أن الشكية لغير الله مذلة

أرفع يدي إلى السماء و أتضرع : ( اللهم أشكو إليك قلة حيلتي و هواني على الناس )

السكن في مجاري السيول او بالقرب منها يعرض

حياة الانسان واسرته للخطر

لو كنت مكانه كان على بورتسودان على طول

والرازق الله ..

يا بكري ، أرجو لو تأخذ برأي الأخ محمد إي سليمان
فهذا المنبر قام بدور مجيد في عدة حالات ولولاه كان
علاجها ضرب من الأحلام.

هبه الماحي كلامك لايُعقب عليه

Quote: لو كنت محلك يا بكري ابن أبي بكر ومحلك هو محل أمين هذا الموقع ومالكه لكنت جعلت هذا الربع خاصا بنفرة كبرى لمناصرة أهلنا بطوكر وقرى شرق السودان عموما. بوسعك أن تفعل الكثير يا بكري من خلال هذا الموقع لأجل أهلنا في طوكر .... التصعيد الإعلامي للمحنة التي يعيشونها نفرة سودانيز أون لاين الكبرى بالداخل والخارج ستعيد إلينا صورة شعار سودانيز أونلاين تحمله الجوالق العظيمة في مطار الملك خالد الدولي بالرياض أيام حملة وليد دارفور

شكرا يا محمد الحسن سليمان

لو كنت مكان هذا الرجل لكانت حيرتي أشد

ولصفعت عصام دهب على صفاقاته وخياله الضحل الذي لا يرى في هذه الصورة غير إنها صورة بائسة لأسرة
تستجدي الآخرين ليقدمون لهم حلولا عن فقرهم وبؤسهم ، هذا الإنسان عاش في هذه المنطقة آلاف السنين معززا ومكرما
يدير واقعه البسيط بحسب إمكانياته يمتهن الرعي ويطوف في هذه المنطقة القاسية راضيا مرضيا ، ويدير نظامه الإجتماعي
والإقتصادي البدائي بما يملك . فكان تدخل الدولة في منطقته هو الذي غير وجه حياته ، إنحسرت المراعي ونهضت مزارع الدولة
والتجار والطفيلين ، والحاميات التي لا تحميه ، بل تأذيه وتستغله وتم تشريده الي المناطق القاحلة دون اي تنمية له تواكب مهنته التي خبرها منذ الازل ، هل فعلت الدولة ووفرت له المراعي
المنظمة وعملت على تدريبه حتى تتم النقلة له بصورة طبيعية ؟ لا بل وضعت نقاط التفتيش وزرائب الغرامة والحملات التي أفقرته
حتى صار راس ماله عنزتين للبن وجمل يجلب به الحطب والماء وبعض الأغراض ، مازال هذا الإنسان في عصره الحجري
يطحن العيش بحجر المرحاك ، وينام على السيداب ، ويشرب من السقو ، بل اين تذهب حصته من الذهب الذي يستخرج
من منطقته ، وأين عوائد البترول الذي يمر عبر أراضيه لتنتفخ به خزائن اللصوص ؟ الذين بعت نفسك لهم ، وأصبحت بوقا حقيرا
يبارك سرقاتهم ويبرر لهم سوءاتهم ، ألا تخجل من نفسك يارجل ، نعم ما حدث لهذا الرجل كارثة ليست له وحده فحسب
حتى يستعيض عن أزمته بطريقة التكافل الإجتماعي المتعارف عليها من داخل مجتمعه ، وضع هذا الرجل وزوجته هو وضع العامة
في المنطقة التي تبعد آلاف الأميال ، فقدوا أعزاء من أبنائهم وفقدوا رواحلهم ومتاعهم ومؤونتهم التي يوظفونها على حسب مواردهم ، ثم أراك
تسخر من القهوة ومن بنها الذي تنتشر رائحته ملمحا ثقافيا لهذه المنطقة حتى قبل أن تعرف قليه أنت أو إستيراده
لزوم الفشخرة ... يستعيض إنسان المنطقة بالبن ليباعد بينه وبين آلام المسغبة ، ودعني أحكي لك هذه الحكاية
إتفق بجاوي وهوساوي على الرفقة في سفرة تمتد الي أيام متعددة " بالمناسبة الهوسا والبرنو في الشرق من القبائل
التي إستوطنت منذ قرون طويلة ... لاحظ البجاوي ومنذ اليوم الأول بأن الهوساوي مسرف في الأكل فنصحه بالتقليل
ولكنه لم يستجب فصارحه بإقتسام الزاد وكان الزاد عبارة عن دقيق وبعض الملح ، بعض مرور أيام قليلة نفد زاد الهوساوي
فصار البجاوي يقسم له من نصيبة مايسد به الرمق ، فقد كان البجاوي يباعد بين الوجبات بالقهوة التي تسخر
منها حتى لا يحاصره الجوع ،
لاجظ البجاوي أن الدقيق ينقص كل ما باتا ليلة فعرف ان الهوساوي يتسلل في الليل ليأخذ من الدقيق ويطهيه بعيدا
فصار بعد ان يأكلا يضع الدقيق تحت راسه ثم ينام قال له الهوساوي:
- إذا وضعت الدقيق تحت رأسك فسوف تصاب بالهلاويس عند النوم .
فرد البجاوي :
- الله يعلم يهلوس الماعندو دقيق.

فلتقل خيرا ياسيدي المستشار المتخم بالرياء والتزلف لأرباب نعمتك أو فلتحشي فمك بالصمت . فلست مطالبا
بإبداء إستشارة في كل مقام .

السؤال على لسان المرأة المستضعفة لو تركزوا شوية في الصورة ..
ولو كنت مكانها لقمت بتحريض الرجل الذي معي لعمل شيئا ما لصالحنا
ثم للزمت الاستغفار ثم لدعوت الله ان يصلح الحال

Quote: السكن في مجاري السيول او بالقرب منها يعرض حياة الانسان واسرته للخطر لو كنت مكانه كان على بورتسودان على طول والرازق الله ..

والسكن داخل الجزر النيلية ياباوقة
لا يعرض حياة الإنسان
وأسرته للخطر في زمن
الفيضان ، لذلك
عليهم أن ينومو قفا
ويخلفوا ارجلهم على بعضها
ليقدمون النصائح
للذين يقطنون على مهاوي السيول
وسفوح الجبال

Quote: والسكن داخل الجزر النيلية ياباوقة لا يعرض حياة الإنسان وأسرته للخطر في زمن الفيضان ، لذلك

يا عبد المنعم و الله ناس الباوقة فايتين الزول ده بالصبر بس ، يا خي الفيضان
دمر بيوت خلق كتير و جرّف اراضيهم و شتتهم في اطراف المدن و هوامشها.
ود الباوقة خالف كراعو فوق التانية و بيدي نصائح من الرياض KSA ما من الباوقة
و غايتو نصيحتو برضها ما بطالة لو ثبت انو طوكر غرقت عشان سكنى اهلها في
"مجاري السيول او بالقرب منها".

Quote: يا عبد المنعم و الله ناس الباوقة فايتين الزول ده بالصبر بس ، يا خي الفيضان دمر بيوت خلق كتير و جرّف اراضيهم و شتتهم في اطراف المدن و هوامشها. ود الباوقة خالف كراعو فوق التانية و بيدي نصائح من الرياض KSA ما من الباوقة و غايتو نصيحتو برضها ما بطالة لو ثبت انو طوكر غرقت عشان سكنى اهلها في "مجاري السيول او بالقرب منها".

سلامات ياسيف النصر ورمضان كريم
ود الباوقة خالف كراعو في جاه
الحيكومة ، منطقه
منطقها فلو مرقت الحكومة البغلة من الإبريق
لصورها ود الباوقة
من مكانه بالموبايل
وأردف معها هييييييع ممطوطة زي ضبعة ههههههه.
لكن بيني وبينك لا أنا لا أنت نعرف أحسن
من ود الباوقة .
والتحية لأهلنا في الباوقة وعموم الرباطاب ، وسكان ما قبل
السد الجديد .

Quote: كنت بطلت الإستكانة و الركلسة و و الكسل و الإعتماد على المعونات و مشيت شفت لي أي شغلانة عشان أرفع نفسي و الزولة اللي الله بسألني منها و قاعدة وراي دي ..

والله يا عصام دهب دي سقطه كبيرة مِنك ... حقو تشكُر نعمة الله الأداها ليك بِالعطف على الغلابا ... غايتو الله يستر عليك وعلى أولادك ... مُكر الله ما تأمنوا يا عصام دهب ...

أدروب ده لو كان قبض قُبال الخج كان إرتاح في بيت في المدينة ... بس خج ورج ومرق ملوص ، حليلو

Quote: كنت بطلت الإستكانة و الركلسة و و الكسل و الإعتماد على المعونات و مشيت شفت لي أي شغلانة عشان أرفع نفسي و الزولة اللي الله بسألني منها و قاعدة وراي دي ..

لو كنت مكانو كنت بقيت مؤتمر وطنى

Quote: كنت بطلت الإستكانة و الركلسة و و الكسل و الإعتماد على المعونات و مشيت شفت لي أي شغلانة عشان أرفع نفسي و الزولة اللي الله بسألني منها و قاعدة وراي دي ..

لو كنت مكانو كنت قلتا ليكـ يا بكري ما تخت صورتي هنا عشان وانا في محنتي دي
يتقال علي كلام يجرح كرامتي ومشاعري لدرجة انو كلام الناس الجميلين الكتار
ديل ما حيمسح الحزن الجاني من الأهانة دي وبشكرك يا بكري عارفك قاصد الخير وبشكر
الجميع علي كلماتهم الطيبة ...

بعد قراءة تعليق الإستكانة للأخ عصام

رجعت مرة أخرى لصورة الرجل والمرأة

وبدا لي أن هؤلاء الناس لاينتظرون عون احد

بقدر ماهم في حيرة عظيمة من أمرهم

هذا ظلم فادح

والصورة مجرد مشاهدتها تلقى على القلب مشاعر غاضبة وحزينة وبائسة

فما بالك ياعصام بالمعايشة

لا خيل عندك تهديها ولا مال ...فاليسعد النُطق إن لم تسعد الحال


الجوع كافر ياعصام ...وهؤلاء الناس موضوعهم معقد أكثر من كونه كسل وإستكانة

.

فوق

Quote: لفتح دكان صغير وتم إعطائها play station

وايه رايكم نعمل ليه دعاية مجانية للمحل ده
وبورداب الداخل يسوقوا العيال كل جمعة ويشموا المحل ده عشان يكسبوا عمهم المسكين ده

وعصام عبدالحفيظ وفنانين البورد يعمل ليه الملصقات الماحمج


واللا اقول ليك لوحة ضوئية تحمل اسم المحل

والزوله دي بقدرة قادر تكون المشرفه البلا خمج

وهي اساساً ما بتعرف تفط الخط

مقدره..مشروع استثماري وكده
............


والله دي حكاية دي..بلي استيشن
حكاية ماري انطوانيت والجاتو ..انتو ابدأ ما سمعتوا بيها



___________

احيييييي يا انا يا قلبي ..
وش عاضي اصبعه من الوجع

الحـالة صعبة جداً

ما كنت حعمل شي ..... لانو مافي شي أصلا زااااااتو عشان يعملوا !!



الدعاء بس
و أنتظر فرج الله , لانو الله سبحانه وتعالي بيرزق عبدة من حيث لا يحتسب.

Quote: كنتَ دعوت الله ألفية جر لالوبة اَن لا يجعل محنتي هذه عُرضة مثاقفة وتعليقات على الألسن أو المنتديات وان يجعل لي العون من يداه الكريمتين بلا مَنِ ولا أذاء ويكون إمتحان صعب أجتازة بترفُق

نسال الله ربنا يعينو ويفك محنتو ومجنة الوليه الوراه دي

Quote: السكن في مجاري السيول او بالقرب منها يعرض حياة الانسان واسرته للخطر

وتتخيل يا ود الباوقة بالرغم الزول دا عندو خرائط التوبوقراف للمنطقـة لكنه أصر على السكن
فى الأماكن الأقرب لسطـح البحـر..

Quote: لو كنت مكانه كان على بورتسودان على طول والرازق الله ..

ود الباوقة سلام وأيامك طيبة

ولو ما لقى عيش ياخ ما يأكل كيك لحد ما الله يفرجا والطوابين تشتغل..

بعدين يمشى بورسـودان كيف والسيارة مغمورة فى المويـة.

اخوانا ود الباوقة وعصام دهب.. جاييكم برواقة.. وأنا عدت للمنبر هـذه المرة للرد عليكما.

ندمت لفتحى هذا البوست مكمن الانسانيه (منظمة تنادينا ) طوكر تنادينا هلا اجبنا وتنادينا لها
فهذه الاسره نحن ابناءها وقادرين من بعد الله ان نمد لهم يد العون ..


ما اقسى ان تفقد عزيز ما اقسى ان تفقد مصدر ترحالك وقوت يومك .. ما اقسى ان تقف عاجزآ امام ام اولادك لكنها الاقدار وما ارادته
بقادره على قهر الاقدار ..

انسان الشرق لا يستجدى انه عفيف زاهد يكفيه مصحف و مصلاة سعف لا مخمل يريد تكفيه شاه من ضرعها يسقى وليده تكفيه ابتسامه
وتكفيه كلمة مواساة من اناس استخلفهم الله عليه ...


شكرآ عصام دهب شكرآ ود الباوقه لا يريكم الله الحرمان

الاكرم باشمهندس بكرى ابوبكر

ارجو التكرم شاكرآ بحذف هذه الصوره ..

يكفيه ما حلا به وبنا من الم .. يكفيه ان ينعت بالاستجداء وهو لا يعرف معنى الاستجداء واذا كان يستجدى الاولى به الجلوس امام
المساجد وطلب المعونه لكنه باق فى مكانه ينتظر لطف رب العباد وليس البشر ..

انه شيخ هرم لا حولا ولا قوة له ليس له سوى العفه ثوبآ والستر غطاء اكرمه بحذف صورته