كلام في الممنوع

طبعاً من زماااان زمن قف تأمل لغاية زمن الخريف مروراً بيا زمن وكل الأزمان والأزمنة التي تغني بها الشعراء الراجل عندنا راجل والمرا مرا – طبعاً الكلام المفروض يكون عادي زي الشجرة شجرة والحيطه حيطه واللوري لوري والنخره نخره لكين عندنا لا وألف لا لمن الواحد يقول راجل خلاص الكلام كمل ولمن يقول مرا ما بيكون في كلام على الأقل في الجوانب الإيجابية. لذلك كان ومازال الكثير من الرجال يهمهم بالدرجة الأولى إشباع رغباتهم الجنسية على حساب زوجاتهم دون مراعاة رغبات ومشاعر زوجاتهم الجنسية وبالضرورة عدم تمكين المرأة من اشباعها لرغباتها الجنسية لا وإيه ولا حتى بتأخذ فرصتها للتعبير عن رغباتها. هكذا هو الرجل في معظم المجتمعات بما فيها المتقدمة جداً والمـتاخرة خالص.
حالة زي دي طوالي بتخليني أعمل ريكول لي أشعار المبدع نزار قباني لأنه راجل صريح لمن غلط في حتات معينه وبقتحم بكلماته ونصوصه حاجات تورد موارد التهلكة بحسب إرثنا وتراثنا ، المهم برميها طرراااااخ وبرغم من معرفة الناس بالموضوع مسبقاً مع ذلك بيفضلوا مندهشين وفاتحين خشومهم من هول المفاجأة فالرجل كل الذي فعله أنه قال الكلام بصوت مسموع لا أكثر. والمندهشين ديل كلهم شايفين أن الرجل خرج عن حدود الأدب بتصريحاته وتلميحاته وحتى في خوضه أصلاً في الموضوع.

...........
ونرجع أخر الليل
نمارس حقنا الزوجي كالثيران والخيل
نمارسه خلال دقائق خمسه
بلا شوق ... ولا ذوق
ولا ميل
نمارسه .. كالات
تؤدي الفعل للفعل
ونرقد بعدها موتى
ونتركهن وسط النار
وسط الطين والوحل
قتيلات بلا قتل
بنصف الدرب نتركهن
يا لفظاظة الخيل
==
أها يا جماععه في الحته دي بالذات هل المسألة عدم ثقافة ودراية ومعرفة، يعني أن يصل الرجل لقمة نشوته ويترك المرأة standing on the fence لا وإيه الكثير من الناس يعتقدون خطاءاً أن سرعة القذف عند الرجل فحولة، في حين أنها تصنف في كتب الطب على أنها عرض مرضي عديل كده pre-mature ejaculation.
أها في نظرك شنو الممكن يخلي الزوجين سعيدين وشنو الممكن يجيب لي المرا حقها المسلوب وشنو البخلي نظرة الرجل إبتداء تتغير وتري في هذه العملية عملية شراكة يحرص فيها الرجل على إشباع غرائز شريكته تماماً مثل حرصه على إشباع رغباته ؟
أكيد في أمور كثيرة أخري تلعب دور من بينها التكافؤ ثقافياً وفكرياً وأيضاً من ناحية عمرية وما إلى ذلك.

الملا عمر

سلام

ألحق تم البوست سريع

رمضان كبس

شكراً فدياس نجم الدين على المرور ، وكل عام وأنت والجميع بخير بمناسبة قدوم الشهر الكريم.
وذات الدين يا عمك العمل لينا شهر رمضان الكريم دا قال لينا أسألوا بدل ما تفسروها بي معرفتكم وتناقشوها بينكم وبين نفسكم وبالتالي ما تصلوا لي حاجة وتاكلوها في حنانكم فعشان كده قلنا نسأل أو نطرح الموضوع للنقاش.
تحياتي

Quote: وذات الدين يا عمك العمل لينا شهر رمضان الكريم دا قال لينا أسألوا بدل ما تفسروها بي معرفتكم وتناقشوها بينكم وبين نفسكم

ما تتحس يا ملا سااااكت بهزر معهاك

ناقش أبوي وأسأل ................

هو السؤال حرم ( ضمه على الحاء )

رمضان كريم عليك

أخوك يا فدياس في حتة الحساسية دي مييييح لمن بقت أغنيتي المفضله يا الما حاسه بيا. بس إنت رأيك شنو في الموضوع
تحياتي

يا الملا

إنت داير ليك إستشارات بتاعين ناس مجربين وكده

يعني الموضوع كله عن المتزوجين

أها هسه أنا أفتي ليك كيف في الحته دي ؟؟؟

ما هو بنفس المفهوم نحنا ما متنا صحيح لكين بنعرف الكثير عن الموت وأهواله يعني تقدر تقول شقينا التُربْ.

سلام يا الملا عمر

فتشوا على الـ G SPOT

ففيه الاجابة الشافية

إنت يا الملا بتنسى ولا شنو

ما عندك أبو ساندرا أثبت أنه إستشاري في هذا المجال!!

فعليك به

أنا غايتو كان أفتيت فيها دي حاسي إني حأفلت

مع تحياتي وإحترامي

عاصم فقيري

شكراً أحمد بن عوف
الجي سبوت دا يا ما فيهو لا وإيه في ضوء الكتاب والسنة وبي كده الما عندو ضو يشتري ليهو فانوس خاصة وإنه رمضان على الأبواب. وزي ما غنى المرحوم أب داؤود بي الكتاب والسنة وقرطوا على كده.