الكندييون أكثر من يميل إلى الشتيمة في حديثهم

الكندييون أكثر من يميل إلى الشتيمة في حديثهم



فانكوفر- أظهرت دراسة لعادة السباب في كندا وبريطانيا والولايات المتحدة ان الكنديين هم أكثر من يلجأون إلى الشتيمة خلال الحديث مع الأصدقاء.

وتبين في استطلاع أجرته مؤسسة "أنغوس ريد بابليك أوبينيون" ومقرها مدينة فانكوفر الكندية، شمل 1012 كنديا و1013 أميركيا و1992 بريطانيا ان 56% من الكنديين يعترفون بأنهم غالباً من يسبون في مناسبات عادية خلال الحديث مع الأصدقاء، مقارنة مع 51% من البريطانيين و46% من الأميركيين.

وبين الاستطلاع ان 27% من الكنديين والبريطانيين المستطلعين يسمعون أصدقاءهم يشتمون على أساس يومي، مقابل 26% من الأميركيين.

لكن 21% من الراشدين الأميركيين يقولون ان أقاربهم يستخدمون كلاماً نابياً بشكل دائم، مقابل 17% من الكنديين و13% من البريطانيين.

وقال حوالي ثلث المستطلعين، 37% من البريطانيين و35% من الأميركيين و34 من الكنديين، انهم قادرون على كبح أنفسهم والحؤول دون السباب في الأماكن العامة.

يشار إلى ان هامش الخطأ هو 3.1% في أميركا وكندا و2.2% في بريطانيا.

ناظم..حبابك
فعلا شعوب كندا ( البيضاء بالذات) أكتر من يستخدم الـ (F ) ويردز*..ياخي ديل في الونسة ساكت ما بقدرو يعبروا عن انفسهم لو الواحد ما استخدم الكلمة اياها خمسين مرة في نصف الساعة..
الغريبة رجال و نساء.. و شيب و شباب..
و دونك النائبة المحافظة(حزب هاربر الحاكم)..و كان ايام مؤتمر مجموعة الثمانية/ العشرين..و الموضوع سخن في مساءل الجندر و تنظيم الأسرة.. ياخي الساعة عمتك حزمت نصها..و شاتت ليك الإف ويرد.. لغاية الليلة نحن مستغربين..!!
طبعا عمتك ضد الليسبين..و الجماعة..و تنظيم الأسرة ذات و الإجهاض..و كان الناشطات المناوئات بيقولن رسلوا لنساء افريقيا موانع حمل ن و يساعدوهن كيف يجهضن..و عمتك رايها لأ.. و بدلا عن ذلك ليه ما نهتم بصحة الأم الأفريقية و طفلها..و مع وجاهة منطقها..لكن افلست و شاتت الإف..و هي اكبر F عرفها التأريخ الكندي لأنها من نائبة فيدرالية و على الملأ كمان..!
عموما الكنديين قوتهم في لسانهم ساكت..و ما تسمع النفيخ..!
غايتو اول مرة نشوف ، بيان بالعمل ، فكرة اللسان المتبري من سيدو..!
شكرا على الموضوع الطريف ..

كبر
*F..: كلمة شتيمة نابية..

center>



عفوا ، هي في الحقيقة سنياتور ( مجلس الشيوخ الكندي) و ليست نائبة برلمانية..
و هذه صورتها و اسمها نانسي روت..

Quote: Feminist senator Nancy Ruth tells aid groups to drop abortion fight Campbell Clark Ottawa — From Tuesday's Globe and Mail Published on Monday, May. 03, 2010 9:02PM EDT .Nancy Ruth is a Conservative senator and pro-choice feminist. She worries that aid activists, pressuring the Harper government to include access to abortion in a G8 initiative, will only touch off a backlash. She has some friendly advice for them. “We have five weeks or whatever until the G8 starts. Shut the f.u.c.k up – on this issue,” Ms. Ruth said. Ms. Ruth issued her salty warning on Monday, at a Parliament Hill gathering to discuss the declining place of women’s rights in Canada’s foreign policy. When the aid groups criticized the Harper government’s decision not to fund abortion as part of its initiative to reduce the deaths of mothers and young children, Ms. Ruth counselled self-censorship.

Quote: طبعا عمتك ضد الليسبين..و الجماعة..و تنظيم الأسرة ذات و الإجهاض..

Quote: Nancy Ruth is a Conservative senator and pro-choice feminist.

salam Kabar,
which is which?

Kabar سلامى

الحقيقه قبل هذه الدراسه كنت اظن ان الامريكان اكثر الشعوب البتتكلم (trash ) من ملاحظاتى خاصه الامريكان بتاعين الجنوب او مناطق الكاوبويات والافريكان امريكان بشكل عام وكان يبدو لى ان الكنديين شعب اكثر تهذيبا

اشكرك على المداخله مع تقديري

سـلام ناظم وكـبر
ليس دفاعا عـن الكـنديين يا إخـوة
ولكـن ال F-wordنوعان ..إحداها
شتيمـة صريحة أما التي يكثر الكنديون
من قولها أثناء الكلام قد أفـرغت تماما
من معناها الشتمي وصارت عادة سيئة
كعبارات شبيهة نستخدمها في دارجيتنا.

Quote: ليس دفاعا عـن الكـنديين يا إخـوة ولكـن ال F-word نوعان ..إحداها شتيمـة صريحة أما التي يكثر الكنديون من قولها أثناء الكلام قد أفـرغت تماما من معناها الشتمي وصارت عادة سيئة كعبارات شبيهة نستخدمها في دارجيتنا.

وعن الأسترالين حدث ولا حرج ، فإذا أراد الواحد فيهم
أن يحكي لك نزهة تنزهها فوابل من F-word تمطر عليك
في أقل من ثلاثة دقايق حتى تنسى الموضوع الأساسي وتظن
أنه يحكي عن مشاجرة حصلت له ...


لماذا لم تتضمن الدراسة الأسترال ؟!
والله كانو ضربوا الرقم القياسي .






تحياتي للجميع

سـلام أخ محـمد
بالله الأسـترال عندهم العادة السيئة دي?
كنت أظـن أن الطليان مـن أكثر الشعـوب
بذاءة .. ياخي ديل مـن صباح الرحمـن
يسـبوا في الرب والعذراء مـريم بعبارات
تجعلك تخـاف أن يخسـف بالأرض تحت أقدامهم.

الأخ عبد الله سلام

عندهم وبي بياخة كمان ..




ـــ
لكن والله للأمانة الأمريكان أقل فئة في الألسنة القبيحة ..

Quote: لماذا لم تتضمن الدراسة الأسترال ؟! والله كانو ضربوا الرقم القياسي .

ود الجزولي يا صديقي الله يعينكم بس






ناظم تحياتي

ياخي دي شعوب شتامة بشكل, في معظمها بلا دواعي كافية و بغباء شديد!
لذلك كنت مندهش بشدة في زيارتي الأخيرة للسودان أنه لم أسمع أي شتيمة أو لفظ نابي طوال الشهرين عمر الإجازة! شعبنا مؤدب شديد مقارنة بهؤلاء (رغم الشمس و الكيزان و مختلف ضغوط الحياة) فما عارف ليه الحال غير هنا في س.اونلاين!

تحياتي يا ناظم...سيندم الباحثون على عدم تضمين العالم العربي في هذه الدراسة،
بالتركيز على الشام ومصر!

Quote: ود الجزولي يا صديقي الله يعينكم بس

شول ياصديقي الجميل عناية مركزة بس



وحبي

الاستاذ ناظم لك التحية و التقدير

لعلى اختلف مع الذى خلصت اليه الدراسة و دعنى اقول بصورة عامة , فالانسان الكندى بصورة عامة هو الاكثر ابتسامة و رحابة من غيره ممن ذكرتم و فى الحقيقة احس جمة عند التحدث مع كثير من الرسميين فى كندا , اعتقد ان هذ الامر فيه اجحاف و ظلم للكندى . لا أقول ذلك بحكم انى كندى و لكن من واقع زيارتى و عيشى فى كل الدول التى ذكرت .

تحية طيبة
أين العرب من ذلك
حتى أطفالهم أثناء اللعب البرئ لا يخلو من شتيمة ...
لا أعتقد أن الكندييون أكثر إن كان المقياس عالمياً

ياسر طيفور براهو بكون ميّل الكفة!

وداير أقول اسم تاني لكن سيدو بقى يزعل!
كاااااااااااااااكـ!

Quote: وداير أقول اسم تاني لكن سيدو بقى يزعل!

لو جبنا اسمو المنبر بقسمو
لو قلنا حرفو البورداب بتعرفو
سميري الاسمو في ضميري

ود الصايم يتخذ ساتر ويلمح ما قلتو نوبة


ـــــــــــ
ياسر طيفور شتيمته وللحق في محلها تماما

Quote: لا أقول ذلك بحكم انى كندى

عرفت من متين يا أبو الطيب؟

استاذنا الفاضل انور

لك التحية و التقدير و الاشواق

Quote: Quote: لا أقول ذلك بحكم انى كندى عرفت من متين يا أبو الطيب؟

يا اخوى سؤالك ده غلبنى تب ... !!!
هل تكرمت باعادة السؤال بعبارة اخرى .. ؟

Quote: Quote: لا أقول ذلك بحكم انى كندى عرفت من متين يا أبو الطيب؟

..

Quote: يا اخوى سؤالك ده غلبنى تب ... !!! هل تكرمت باعادة السؤال بعبارة اخرى .. ؟

. ارجو أن يكتبو ليهو الزميل أنور كنج باللعبارات الانقليزية بي حكمو إنو كندي الزول دا ..
احتمال كبير يكون ما فهم كلامو دا ..

الأخ العزيز الطيب،
أها لو كنتا كندي، ما سوداني كندي، كان جليت الموضوع، لوووولز...لكن لأنك سوداني مسخّن زي حالتنا دي
جيت راجع للسؤال تاني...ههههه أضحك الله سنك...
طبعاً سؤالي كان تهكمي (ساخر) يعني من متين أنتا كندي ولمن داير تدافع عن الكندييين (بافتراض البيناتنا عامرة وكدة)...

وعرفت من متين دي نكتة لزولة جاها خطيب وافته المنية بعد زمن قصير جداً...فقعدت تبكي بحرقة شديدة...
لمن أم العريس (الميت) سألتا: يا بتي عرفت من متين دي أصلها؟

عامر مودتي

______________
وليخرج ناس مديتي حرقتني خارج إطار اللعبة...

Quote: وليخرج ناس مديتي حرقتني خارج إطار اللعبة...

..
على شرط ..

Quote: وليخرج ناس مديتي حرقتني خارج إطار اللعبة...

Tmbis....Get out

Quote: Tmbis....Get out

..
طيب انا ح اطلع بس عشان الكندي دا ما يزعل .. لكن احتمال اجي تاني راجع ..

الحبيب الطيب، بارك الله في أسرتك وحفظها يا رب...

Quote: Daddy is a Canadian and mama is a Sudanese Canadian !!!!1

أهو الحمد لله المدام طلعت براءة من موضوع البوست...

ناظم والاخوه سلام

حقيقة انا عايشت الشعبين الامريكى والكندى
فوق العشرين عام ،وقد تأثرت كثير بالهيب هاب
وكنت اتابعها بدقه ،والهيب هاب يعكس بالضبط وجه المجتمع


الاف وورد المتداول يوميا فى شوارع بدفورد استايفسنت
فى بروكلن نيويورك ،فقط اسبوع منه يكفى ما قاله الكنديين منذ عام 1867

قد ثأثرت كتيرا بتلك اللغه او القيتو اسلانج ،ولاحظ ان فى الولايات المتحده
عندما يستمع مجموعه لشخص يردد الاف وورد بيحذروا منه وعند الكنديين ينظرون اليك بدهشه
واستغراب
لقد حدث لى شخصيا فى سانت كاثرين وانا اقف فى صف مكتب التذكار فى مباراة هكيى
وقد استعملت الكلمه وكأنها عاديه اثناء حديثى مع من امامى فى الصف وفجأة صمت الجميع لينظر الىّ بتعجب
وبعض يحركون رؤسهم يمنى ويسرى دليل الرفض
اعتقد يااخى ناظم ان جماعة الببلك ابونين ظلمو كندا فى هذا التقرير
تحياتى وشكرا للموضوع

طيب يا أخوانا عشان ما يبقى البوست بس لمناقشة الأف وورد في كندا وأمريكا وإنجلترا...

حقو كل زول يقول في رأيو منو أكتر الشعوب الأفريقية والعربية إستخداماً للشتيمة؟

أنا أرشح الشعب الفلسطيني كرقم واحدـ، يليه الشعب المصري الحبيب...عاشرتهم لمدة 5 سنوات متواصلة...أعتقد أنو
شتيمة يوم واحد من الشعبين...تكفي وتزيد للفترة من ضلال سفينة كولمبس من طريقها إلى الهند وذهابها إلى ما عاد يُعرف
بأمريكا !

فلسطين، فلسطين، فلسطين،
مصر، مصر، مصر...

حد يزوّد؟

إنت أيه اللي بتؤلو دة يا عمي



دة أنا بطير نافوخكـــــــــ

إنت أيه اللي بتؤلو دة يا عمي



دة أنا بطير نافوخكـــــــــ

Quote: وعرفت من متين دي نكتة لزولة جاها خطيب وافته المنية بعد زمن قصير جداً...فقعدت تبكي بحرقة شديدة... لمن أم العريس (الميت) سألتا: يا بتي عرفت من متين دي أصلها؟

كدي خليك من الطيب دا ..
نكتتك الفوق دا تفتكر إنها ممكن تضحكني كشخص مشارك في البوست دا ..؟

Quote: كشخص مشارك في البوست دا ..؟

أسأل الناس البيقروا ليك!

Quote: أسأل الناس البيقروا ليك!

.. طيب المديدة الحرقتك دي اشتريته من وووين ..؟
..
الواحد يقرا ويمتع نفسو .. ويجي يشبكك .. والله دي اول مرة اقرا ليك .. دي اول مرة اتداخل فيها معاك ..

غايتو يا تبارك الواحد اتعلم منك حركة بايخه خلاص في الربع دا ..

معليش يا الفاضل سعيد...

أنتو ملاسي وين؟

Quote: معليش يا الفاضل سعيد...

طبعا دي من ضمن مشاكل الشبكة العنكبوتية .. والمطارات .. والويب كام.
يعني زي ما تقول كدا الواحد فجاة تلقاهو عادي جدا .. ممكن يتكلم مع اي زول ..
..


عايزين فيديو بلوغ ..
عايزين تونـة ..

قال ليهو understand معناها شنو؟
رد عليهو: معناها...واقف بالقلبة

____
لقيتني كيف يا ود الصايم؟
ههههههههههههههههههههه

إحتمال السودانيين شعب عفيف اللسان في المجمل...أو هكذا ندّعي!...

لكن في المساخة، ما أظن في زول بيفوتنا...

قال واحد بعد ما أنتهى من الصلاة...قبّل على الزول اليمينو وماادي يدو: حرماً يا أخونا...
الزول اليمينو طلع أنصار سُنة...ماسك يدو عليهو: حرماً دي بدعة يا أخونا
صاحبنا بزعل شديد: يعني أسع مساختك دي ما بدعة؟

Quote: قال ليهو understand معناها شنو؟ رد عليهو: معناها...واقف بالقلبة

.. ههههههههه ..
والله نكتتك دي ضحكتني اكتر من النكته الفوقانية القلت ليك ما ضحكتني ديك ..
غايتوو ..
خايف بس تجي تقول لي دي ما نكته ..

يا شباب اشكركم على المداخلات

ولى عوده لمناقشه ظاهره قد تكون مهمه

loooool I think the australians rank first in using swear words

I don't see it as a bad word or indecent , just sort of a strong way of expressing ur disgust or objection

إن شاء الله دائماً ضاحك ومبسوط يا تمبس يا حبيب...

كامل المودة.
أنور

عزيزي عبد الله الحبيب تحياتى

قد نتفق فى ان الكنديين ليس اكثر الشعوب استعمالا لتعابير غير مهذبه او كلام ( trash ) على الاقل بالمقارنه مع الامريكان