تجربة أسفيرية راقية جدا أقلقلت مضاجع أهل القرار ( التظاهرة الاسفيرية علي المنبر)

سيد الحوش بكري أبوبكر وطارق الامين الفنان وفارس بيت الفنون المبجل لقد حق لكما أن تفخرا بهذا الانجاز المميز لقد كل تفكر متقدم بكل المقايس والمعايير المهنية للاعلام في حاضرتنا الخرطوم بل لقد قام طلاب الدارسات العليا نشر الالكتروني بجامعة أمدرمان الاسلامية أعلام برصد الطريقة بالاضافة لجهاز الامن والمخابرات وكالةالسودان للانباء سونا أبحاث النشر الالكتروني بالاضافة لبعض الناشطين الاعلاميين أنها أول تجربة سودانية علي الشبكة العنكبوتية تقوم بتظاهرة بهذا التنظيم والتوافق والعفوية المنقطعة النظير في التناول لقضايا وممارست النظام العام والافادات الحية وكم هائل من المداخلة الرصينة بل كذلك ما تم كان غير متوقع من الاجهزة الرسمية بل أعتبرت وزارة الاعلام ما حدث عبث لا طائلة منه ولن يخدم مسألة نقدنا للنظام العام وقانونه المذل ولكن بعد رصدهم كم الاهتمام وعدد الزوار يوم التظاهرة كانت الصدمة ولكم كانت مقلقة لانهم بل سأل البعض عن أمكانية النشر المضاد أو حجب الموقع عن الشبكة الوطنية والبعض أرسل كل ما دار في بريد وزير الداخلية وريئس البرلمان لريئس القضاء ريئس برلمان ولاية الخرطوم لقد كان جهدا فريد وعمل منظم بل جعل البعض يقول عن البورداب خفافيش أنترنت رغم ما قيل عن أننا لا نمثل الا أنفسنا وصفويين الاأننا نجاحنا في توصيل الرسالة
البورداب الاجلاء بحق كان ما تم فتح جديدا للعمل العام يخدم الوطنية والأجتماعية وهي بداية لتظاهرات ممثلة كثيرة ونبارك لأنفسا هذا النجاح
ربي أنصر كل شرفاء السودان بالحق وأرفع عنا بلاء هؤلاء التمأسلمين أنك سميع مجيب
وأدم علينا نعمة الحرية في هذاالمنبر ومتع كل أهله بالخير والامأن،

ومعا لكي نكون واحة حرية حقيقة وحملة مشاعل نور وحق وسط هذا الكم من القمع والقهر

شكرا اخ زهير ... الانترنت رحمة رب العالمين مكّنت الاغلبية الصامته و اٍيصلها صوتها لدى أهل السلطان.
لابد انهم اصيبوا بالهلع عندمـــا علموا كم هم مكروهين و غير مرغوب فيهم من الاسوياء من اهل السودان.

الانترنت الاعلامى الشعبى الذى دهس ابواق الزيف و الاعلام عديم الضمير و الرحمة.

لك التحية على توثيق هذا الحدث الفريد من وجهة نظر صحفية أخي زهير...

ما حدث يوم أمس شئ يمكن أن يُدّرس في منهج الإعلام الجديد ...جُلّ المشاركون في التظاهرة الإلكترونية كانوا على مستوى عالي جداً
من التناسق والتفاهم بدون أن يكون هناك تخطيط وتدريب مسبق...!
The power of Crowd Sourcing! 

حبذا لو قمت باجراء إحصاء سريع لعدد البوست وعدد المشاركين، مع عدد القراء لكل بوست وعليه
تقدير عدد من وصلهم الأمر بناء على زيارات القراء للمنبر بصورة يومية...صدقني الأرقام ستكون مذهلة ...
قد تفوق -ومؤكد تزيد- على توزيع صحيفة يومية من صحف الجماعة في السودان!

الاخ وشيخ قبيلة البورداب وسيد الحوش
المهندس بكري أوبوبكر
متعك ربي بالعافية
تحياتي
وصلتني عدد من الرسائل من طلاب أعلام في من الجامعات السودانية يودون الاطلاع علي أرقام الزوار يوم التظاهرة واليوم الثاني وعليه أرجو شاكرا القيام بهذا العمل لفائدته العلمية لهم رغم علمي بمشاغلك وهذا للعلم سيدي الجليل

وكذلك حسب راي أخونا أنور كنج كمان

لازم يازهير تسجل علي لساني

انو تصميم حمله وتنفيذها اسفيريا اقل كلفة في:

الزمن

الجهد

المشاركين

الرسوم

الجوده

السرعه

امكانية تلافي الاخطاء بسرعه

معرفه رد الفعل سريعا

الحذف والاضافه

ضمان امكانيه التنظيم الدقيق

الشوره

الجماعيه

الشفافيه

القدره الي الانتشار بتحولها الي ( ويرد اوف ماوث)




كما ان من العوامل التي تساعد في نجاح مثل هذه الحملات في مقابل حملات تقليديه

حسب تجربتي:

الرقابه

القهر

المنع

صعوبه النشر



حذف المواقع وحجبها لن يكون حل

لان الحاجه ام الاختراع

لكل زمان بشر


لكل زمان احتياجات

وضرورات

وضروريات

وهموم

وتحديات

الذين ابتدعو فكره الصايح في قري الشمال السوداني

لم يضيعو وقتهم في انتظار الاذاعه او الموبايل لينقلوا اخبار الموتي

ولمن لايعرف الصائح

فهي وصف لشخص يقوم بمهمه عسيره وشاقه في القري لكنها ممكنه

وواقعيه

وليست مستحيله

هو شخص يركب الحمار ويطوف علي الجميع مبلغا بخبر:

هووووي ياناس الله

الحي الله والدايم الله

فلان ود فلان راح في حق الله



وهنا يمكن ايضا ابداء ملاحظه

وتاريخيه كمان

وهي ان الاخبار الحزينه تنمو وتنتشر اكثر من غيرها

بدليل ان الوعي بضروره الاعلام

والشعبي تحديدا

قد انتج هذه الفكره

فكره الصايح

ولم ينتج في مقابلها

رجل يصيح في القري

وبذات الاسم

منبئا عن اخبار سعيده

محبتي وشكري

والسلام






التعديل كان لاضافه نقط

نعم انها خطوة متقدمة و واعية جدا.

النظام المرعوب يكمم الافواه لان كلمة الحق اقوى من ان يتحملوها. يريدون تطبيلا و نفاقا.

Quote: الاخ وشيخ قبيلة البورداب وسيد الحوش المهندس بكري أوبوبكر متعك ربي بالعافية تحياتي وصلتني عدد من الرسائل من طلاب أعلام في من الجامعات السودانية يودون الاطلاع علي أرقام الزوار يوم التظاهرة واليوم الثاني وعليه أرجو شاكرا القيام بهذا العمل لفائدته العلمية لهم رغم علمي بمشاغلك وهذا للعلم سيدي الجليل

اخ زهير
لا افهم قصدك من ارقام الزوار؟ هل تقصد عدد زوار البوست؟ هذه موجودة في العمود الخامس من اليمين عندما تفتح المنبر

Quote: تجربة أسفيرية راقية جدا

نعم

Quote: أقلقلت مضاجع أهل القرار

قد يكون من المبكر الحكم بكدا
هل كتبت صحف الخرطوم عن الموضوع؟

Quote: وكالةالسودان للانباء سونا أبحاث النشر الالكتروني

زهيــر يا صحافـة بنسلم

وبنســأل الكلام دا متاح ويــن / مكتوب / منشور / نشرة عامة / نشرة خاصــة ؟

ابحاث النشر الالكترونــى موقعهم اسمو شنو ؟



















ترمــة :

قابلـت زول مســعووووووووووول كبيييييييييييييييييير امبارح طوالى سالتو شفت المظاهرة الاسفيرية

رد متين كانت وعن شنو وهــى اسفيريــة كيــف ؟ قلت لــه انهــا مظاهرة عبر الانترنت فرد بأنــه

لم يعلم بهـا ولكنــه سيســأل !!!!

يا بدرالدين

ما عرفنا نلقاها منكم ولا من ناس المظاهرة
مافي داعي تسأل مسئول اصلا ومسئول كبير خالص
برانا بنعرف اذا الموضوع جاب حقه ولا لأ
بنعرف لما الامور تنضج لدرجة انو هل سمع بالمظاهرة وبل لدرجة استعداده يغير في القانون ذاتو.
يعني انت همك هسة انو جات في ياتو نشرة وانو الحكومة ما قرت الموضوع؟؟
الحكومة قرت يا بدر ودي مافيها اتنين تلاتة..بس هل الفعل ده كان بستحق رد فعل منها ولا لأ ده السؤال؟؟
وانت عارف وانا عارف واي زول عارف

Quote: Quote: تجربة أسفيرية راقية جدا نعم Quote: أقلقلت مضاجع أهل القرار قد يكون من المبكر الحكم بكدا هل كتبت صحف الخرطوم عن الموضو

الاخ محمد البشري( عبده قابل الاسافير السودانيه)

سلام وتحيه واحترام

من دلايل نجاح المظاهره عدم كتابه صحف الخرطوم عنها

فكر معاي كيف؟

وعليكم السلام طارق الأمين

Quote: من دلايل نجاح المظاهره عدم كتابه صحف الخرطوم عنها فكر معاي كيف؟

اها كيف ؟

______________

Quote: ( عبده قابل الاسافير السودانيه)

Quote: ما عرفنا نلقاها منكم ولا من ناس المظاهرة مافي داعي تسأل مسئول اصلا ومسئول كبير خالص برانا بنعرف اذا الموضوع جاب حقه ولا لأ بنعرف لما الامور تنضج لدرجة انو هل سمع بالمظاهرة وبل لدرجة استعداده يغير في القانون ذاتو. يعني انت همك هسة انو جات في ياتو نشرة وانو الحكومة ما قرت الموضوع؟؟ الحكومة قرت يا بدر ودي مافيها اتنين تلاتة..بس هل الفعل ده كان بستحق رد فعل منها ولا لأ ده السؤال؟؟ وانت عارف وانا عارف واي زول عارف

انـا بســأل عشان اعرف المسيرة دى جابت حقها ولا لا وسألت جوه بيتنــا...

وذى ما انتم براكم بتعرفو ان الموضوع جاب حقو ولا ما جاب حقو ( نحن ذاتنا بنسـأل عشان نعرف )

السؤال ليس عن اين وردت السؤال عن مؤسســة حكومية تعمل فى مجال هام عايز اعرف موقعها الالكترونى

يعنى ما عايز المصدر ...

انت عارف يا قمر بوبا .. قانون النظام العام دا جزء من البرنامج الانتخابــى للرئيس ( كعب / سمح )

اهو جزء من البرنامج الانتخابــى ....آليــات تغييرهـ ذات طبيعة حزبيــة وكمان آليـه صارمـة جدا ..

انا عارف انك ما عارف وانا عارف انو اى زول بـره الفلم حقنا دا ما عارف ..

Re: هــل شرطة النظام العام آليـه قسرية لفرض سلوك اجتماعـى معيــن ؟

قمر بوبــا ( ازيــك يا اخ فى الجمعة السمحة دى )

الاخوان الكرام
مساء الخير
طبعا بالتأكيد صحف الخرطوم لم تكتب عن هذه التظاهرة بسبب الرقابة والشيء الثاني أن الذي يحدث هو رصد من ناشطين وأكاديميين وطلاب وبعضهم قام بتصوير بعض الوبسات التي كتبت بطريقة مميزة دا كل الحصل يو م الاثنين القادم عندنا في كلية الاعلام جامعة أمدرمان الاسلامية ركن ناقش من يود المشاركة أهلا به