Post: #1
Title: ياااا بت يا سمحـــة
Author: حسبو عكاشة
Date: 08-05-2010, 11:43 AM
يا بت يا سمحة
الخوف إضاير يوم بنتي
و الهم إطاير في لمحة
و الجرح الكان
و ماسي زمان
في لحظة بقن طي النسيان
و الزمن الهتك احساسي الفات
لملم اعقابو مع الذكري
حل مكانو الفرح الغامر
إتمدد فاض عم الفجة
غرقت بوراهو سنين احزان
و القلب الحرم ما يعشق
اصبح لخيال طيفك ممشي
غرقان متعلق بي قشة
بتشابي عشان يوصل قيفك
بتمني يكون في مجال شوفك
إتشالق و رادوتو الفكرة
و من فكرتو حالف ما يرجع
و الحس مبحوح كايس يطلع
ياخ ما تطلع !!
اطلع من خوفك لو مره
قلبته مشاعري يمين في شمال
و لقيتني بريدك بالفطرة
وصفته ملامحك بالتحديد
و خطيت الريدة ببونط عريض
و رفعتة شعار الحب خفاق
بالجد مشتاق
مع إنك إنتي معاي هسه
4-8-2010
|
Post: #2
Title: Re: ياااا بت يا سمحـــة
Author: محمد البشرى الخضر
Date: 08-05-2010, 02:21 PM
Parent: #1
Quote: بالجد مشتاق
مع إنك إنتي معاي هسه |
عجيييييب
|
Post: #3
Title: Re: ياااا بت يا سمحـــة
Author: Amira Elsheikh
Date: 08-05-2010, 02:37 PM
Parent: #2
اجـازة,,,,
غيـم,,,,,
مـطر ,,,,
ريحة دعاش ورفقة اصحاب بعد دا كـلو لو مـانضمت جنس النضم السمح دا شن الفايدة?
تحياتى ياحسبو,,
|
Post: #4
Title: Re: ياااا بت يا سمحـــة
Author: مرتضى احمد عبد القادر
Date: 08-05-2010, 11:22 PM
Parent: #3
الحس المبحوح دا لمن يطلع بيقول كلام سمح
Quote: قلبته مشاعري يمين في شمال
و لقيتني بريدك بالفطرة
وصفته ملامحك بالتحديد
و خطيت الريدة ببونط عريض
و رفعتة شعار الحب خفاق
بالجد مشتاق
مع إنك إنتي معاي هسه |
|
|