Post: #1 Title: كلو زول يلبس نعلاتو ويجي هنا(لانظام عام ولاموقف عام)توجد شقق مامفروشه.. Author: عليش Date: 08-05-2010, 01:06 AM
قصة غريبه.. الناس البلبسو مقاس 42 يجو هنا.... والناس البلبسو 39 بهناااك.. وزعوها واقعدو لينا في الواطه... مضي نصف الزمن... هل المجتمع السوداني بي حالتو دي يحتاج الي نظام؟ اي كان نوعو...نظام عام..ام نظام والسلام..... نظره سريعه للمجتمع السوداني ونجي نتكلم....
الكلام كتير عن النظام العام والنظام الماعام هو نحن بنتكلم عن شنو الحسانيه في شنو؟؟ في حاجات حقيقه حاصله ونحن بنمشي بي فوق ليه؟ الشارع شارعنا.. والبيت السوداني ياهو هيلنا... والفاضح ماواضح... في شقق في دعاره.. في اغتصابات اطفال... في سرقه ونهب مسلح في سرقه شنط في نص النهار.... في خمور بلديه وخمور عالميه وحبة سوداء زاتو... هو الماعندنا شنو؟ اي شيئ تطلبو بجيك لاعندك... الصورة مخيفة والمشهد حزين ومقلق لحد مخيف... جد مخيف...
نظرة سريعه بالكاميرا علي دار المايقوما... ديل جو من وين؟؟
وينو النظام هنا؟؟ وينو البيت السوداني البنخاف عليو.... اذا كان في جد نظام عام؟؟ ماكان اتفتحت دار كبيره للايتام... ده بعني انو النظام العام زاتو ماشايف شغلو صاح؟؟ شوفو الجرايد؟؟ شوفو الاتهامات الباطله ولا الغير باطله... نحن بنمشي بعيد ليه؟؟ هل الكلام ده جد ما حاصل؟؟ هل؟؟ القصه مانظام ولايحزنزن... القصه بيت واسرة... الفهم العام الفقر العام... الموت العام... الجوع العام.. الارهاب العام... العام العام... التحول الديمقراطي..الإنفصال... الحريه... مفاهيم يجب التوقف عندها بعمق وتأني...
التحولات التي تمت في الفتره الاخيره سببها الفقر.. والفقر ليس هو الحوجه للماكل والمشرب...الفقر هو القهـــــــــــــــــــر (من مسرحيه الحلاج لصلاح عبد الصبور)
نحن ياساده حكم علينا القهر.... القهر في الملبس والمأكل.... القهر في الشارع العام... القهر في المدارس... خوفونا من الناظر والاستاذ وعلمونا الخوف... نسوا تمام ان يعلمونا الاحترام والوطنيه... كيف لنا ان ننسي كيف انضربنا بالسياط ضرب مبرحا....من اجل الرسوم المدرسيه... كيف ننسي كل هذا؟؟ نرجع للموضوع... cut مشهد تابع/خارجي/مخيف... الصحف.. اليوميه...
اذا سلمنا بفرضيه ان الصحف هي من اخطر وسائل الاعلام...مثلا... الليله بقت في كم جريده في السودان.. طيب... هل كلو بيت بقدر يشتري جريده؟؟ بدل جريده احسن اجيب رغيف... بدل ما اشتري 4 احسن اجيب اتنين واكلمو مويه.. بس نظره سريعه للتحول الاجتماعي من اجل التخطيط للعيش ...العيش اليومي..الحياة,,دي الحياة الممكن نحن نعكسها..اصبحنا بلا قيمه سوي التفكير في لقمة العيش... ده مامشهد حزين؟؟ cut
الاسخف من كده انو الناس متابعه الكلام الجانبي والنظام الجانبي نحن فات علينا الانباه في قيمة الاخلاق.. الاخلاق التي يمكن اننحارب بها اي نظام عام في الدنيا.. الاخلاق.. كلو زول مسؤل ...
Post: #11 Title: Re: كلو زول يلبس نعلاتو ويجي هنا(لانظام عام ولاموقف عام)توجد شقق مامفروشه.. Author: ايمان بدر الدين Date: 08-05-2010, 06:48 PM Parent: #9
النظام العام يبدأ بالاسرة ويمر بالمجتمع وبنتهى بالاوطان لذا يا اسرنا افيقوا فأن الرسالة ان نبنى وطن وشعب واسرة وفرد فهذا يحتاج الى ان نعمل سويا من اجل مجتمع افضل و من اجل شموخ اوطاننا
شكرا ايمان بدرالدين نحن نحتاج ان نعمل علي اعداد صياغه للقيم المجتمعيه وإعادة صياغه لقيمة الاخلاق...فنا يكمن الداء.. فالننظر للشارع العام وليس النظام العام.. كلو واحد يبدأ من مكانه الواقف فيهو ويحارب علي دفع عجلة الاخلاق الاسريه من موقعو(بيتو)
صديقي ابوجديري لك التحيه اولا.. حالة الاختناق هذه ياصديق نحن تحت وطأتها منذ دخول العرب السودان... وماطراني لفتح البوست وانت تعلم مدي الحزن الذي اعتراني بماحصل ومايحصل الان في السودان..او كما يقولون ..كما جاء في موجز الانباء... الوضع تردي...وتحول الي مزبله بفعل انحطاط القيم الاخلاقيه..والتي لامناص من مجابهتها بقلب واع وضمير... كل زول يخت نفسو في كرسي ساخن...ويطرح الاسئلة علي نفسه بكل شفافيه... ماذا فعلنا لاجل تربية هؤلاء الابناء الذين نشكو منهم الان بانهم/هن ...خرجوا عن الاطار التربوي وانفلتو بعيدا عن مجري القيم والاخلاق.. الوضع ياصديقي ليس هو ماكتب في صدر الصحف اليوميه... الامر قد كتب علي كل مسؤل عن رعيته في صدر قلبه/ها.... لايمكننا ان نتجاوز الاخطاء بحجة العولمه او الحداثه... فالحداثه لاتأتي بمالانراهو قييم واخلاقي... البيت السوداني يشكو الاهمال بفعل الضغط الاقتصادي ولكن لاعذر لمن انذر... هنالك اسر لايملكون قوتا اليوم... هناك اسر يسكنون غرفة واحده ويشكون اليد القصيرة جدا..زفهم في اشد الحوجه للعلاج والملبس والمدفأ ثم فاتورة الكهرباء..وهذا لايعني ان تلك الاسر تركت الحبل علي قارب الانحراف لهؤلاء الابناء..فهاهم صامدون اما تلك الظروف القاهرة وإلا فسدت اخلاقهم بحجه المعيشه الصعبه...
هبه الماحي... النظام العام يبدأ بالاسره ثم الوطن... اقترحت هذا المعني ليشمل الجميع بقد مسؤلياتنا تجاه هذا الوطن الصغير(البيت)ثم الوطن الكبير بمفهومه المعروف...نحن نحتاج الي توعية وكشف المفاهيم الاتوعويه بقد المستطاع..لان البصلة المتعفنه انتشرت بالشوال وإذا لم نقف بجديه تجاه المحاربه الفعليه لإستئصال المرض...فسيكون صعب العلاج بعد فترة ليست بالطويله.. ولامناص من البتر الاضطراري... هل البتر يخدم القضيه؟؟. لا طبعا... البتر يشوة الجسم....والجسم يحتاج لقوة متكامله...لكي يؤدي فعلا متكاملا وهو المطلوب.. فالاسرة كالجسم...ان بترت احدي اجزاؤها ..فسوف تموت تدريجيا.... نحن الان كما نري ونسمع....نجري بخط1 سريعه نحو الهاويه ياهبه القصة لانظام عام ولا سجم... وشكرا للحضور..