Post: #1
Title: النظــــــام العاــــار
Author: الفاتح الصادق حامد
Date: 08-04-2010, 05:11 PM
Parent: #0
يا جنابو .. جهزت العكاكيز ؟
لأ .. ما جهزتهن .. انتو دايرين تدقو القمح ؟!
قمح شنو ؟ .. ياخوى انت جابوك من ياتو مركز ؟!!
انا خريج جامعى وشغال متطوع قالوا لى فى شغل فى النظام العام فجابونى هنا .
الجابك دة قريبك ؟ اى قريبى شغال فى الامن وادانى معطيات معينة من ضمنها انى استجوب الناس ...
لا ياخوى .. نحن ما عندنا محل استجواب هنا .. بنمشى نرفع الناس من طرف .. القانون حقنا دة ما عندو قانون .. ترفع اى زول من اى حتة ( حفلات احتفالات معارض شوارع مدارس جامعات اكشاك بيوت مكاتب وبنصلح سراير يا ) .
لو ما بتعرف ديل امشى قسم تانى ... وخلينا نشوف عكاكيزنا وين الواحد يدو لمن اكلتو من عدم الدق فى اللحظة البتكلم معاك فيها دى ... ناس مرطبة .
|
Post: #2
Title: Re: النظــــــام العاــــار
Author: الفاتح الصادق حامد
Date: 08-04-2010, 05:13 PM
Parent: #1
طيب يا عكاكيز سؤال فنى ... انتو البتجيبوهم ديل قبلما ترفعوهم بتدقوهم ولا الدق بجى بعد الرفع ؟ .. لالا نحن بندق فى حالات نرفعهم وننزلهم ونذلهم وحالات ندخلهم جوة الزون ؟
طيب ياتو نوع من الناس القاعدين تدقوهم ؟
نحن بندق اى زول ما منتمى للمؤتمر الوطنى ... وقع ليك ولا اعيدو ليك ؟
سؤال تانى فنى برضو ... الدق للنساء والرجال ولا كيف ودق وين ؟
الدق للنساء والرجال وكان لقيت فرصة دق ساااى فى اى حتة اصلوا ديل كلهم كفار وزنادقة ومارقين على السلطان والشريعة قالت البمرق على السلطان كان مرق راسو بس طوالى ينقطع ... وعشان ما نخليهم يمرقوا الشارع لابد من الدق وان طال الشعر ؟
جنابو لكن .. لكن .. النساء ديل قوارير والنبى قال رفقا بهن فى الشريعة !!
انت مطرطش ولا شنو ؟ ... النساء القال قوارير ديلك هن نساء المؤتمر الوطنى العابدات السائحات القانتات ... لكن ديل زنادقة وتوجب عليهن الحدود كلها حتى حد التكفير .
فى اثناء هذا الحوار الجربندى ياتى دفار مليئ بالمواطنين وقطع جنابو ( المؤدلج ) الحوار وشالتو الهاشمية وقال مخاطبا الجنود ( الله اكبر ) فاسقين جدد .. دقوهم دق القمح ... اى بت عندها تلفون شيلوه منها .. اى حاجة جوة نزلوها فى الكمبيوتر احتمال لاحقا الواحد يتسلى بيها او يهدد بيها اطراف معينة ( اصلا الرزق تلاقيط والرتب معيط ) .
ياتى جنابو اخر وهو ( يتحكحك ) فى احد القتيات المسكينات .. ويقول : بالله سمحة كدة وجايبنك هنا ؟! ... ( وعض اصبعو ) .
|
Post: #3
Title: Re: النظــــــام العاــــار
Author: احمد العربي
Date: 08-04-2010, 05:33 PM
Parent: #2
النظــــــام العاــــار
الناتح سلام
الصاحالحمار العار
|
Post: #4
Title: Re: النظــــــام العاــــار
Author: الفاتح الصادق حامد
Date: 08-04-2010, 05:40 PM
Parent: #3
الاستاذ احمد العربى سلام
اصلا هى النظام العار ..... لكن بقدرة قادر بقت جاية مع الموسيقى التصويرية ( وفعلا الحمار العار )
|
|