Post: #1 Title: من هذه الفتاة العظيمــة يا ناااس!؟ Author: هشام هباني Date: 08-03-2010, 08:08 PM
Post: #2 Title: Re: من هذه الفتاة العظيمــة يا ناااس!؟ Author: معاوية عبيد الصائم Date: 08-03-2010, 08:20 PM Parent: #1
ود هبانى سلام
يازول ده جيل مدهش
يعنى ممكن فجاة جوه بص ، واحد من شباب قرفنا ديل يدور ركن لمن تفوتك محطتك
او فى سوق صغير تظهر الزولة المدهشة دى يشهد الله الشباب ديل طلعونا اى كلام !!
شباب الهامش ياهبانى ، لهم التحية وهم يواجهون النظام القاتل بالداخل ويتعرضون لابشع الوان التعذيب !!
مودتى
Post: #3 Title: Re: من هذه الفتاة العظيمــة يا ناااس!؟ Author: هشام هباني Date: 08-03-2010, 08:26 PM Parent: #2
العزيز معاوية
والله العظيم هذه الباسلة اشرف منا جميعا حكاما ومعارضين!!
Post: #5 Title: Re: من هذه الفتاة العظيمــة يا ناااس!؟ Author: معاوية عبيد الصائم Date: 08-03-2010, 08:30 PM Parent: #3
بالتا كيد
ياهبانى
Post: #4 Title: Re: من هذه الفتاة العظيمــة يا ناااس!؟ Author: اساسي Date: 08-03-2010, 08:29 PM Parent: #2
يا هباني سمعنا انك بتحاحي في الخليج . ما دام انت قريب كدا ما تجي بيت الله القريب منك دا علي الاقل تعمل ابديت لي رقبتك وغسل كيبوردك بموية زمزم
Post: #6 Title: Re: من هذه الفتاة العظيمــة يا ناااس!؟ Author: محمد المرتضى حامد Date: 08-03-2010, 08:40 PM Parent: #4
العزيز الناظر هباني، أرض السودان ولود، المناضلات كثر والملايين منهن يعملن في صمت ، لله درها.
Post: #9 Title: Re: من هذه الفتاة العظيمــة يا ناااس!؟ Author: هشام هباني Date: 08-03-2010, 08:54 PM Parent: #6
سعادة المستشار اخونا ود المرتضى
سلامات
هذه اجيال الغضب السوداني الحقيقية وعلى ايدى هؤلاء سيأتي التغييرلانهم صاروا يمتلكون لغة للنضال غير التي نعرفهاوهي اللغة التي تستطيع مخاطبة الشارع وتحركه وستقوده حتما للتغيير لانهم ولدوا وترعرعوا في قلب الحريق!! مودتي
Post: #7 Title: Re: من هذه الفتاة العظيمــة يا ناااس!؟ Author: هشام هباني Date: 08-03-2010, 08:47 PM Parent: #4
اساسي
كيفنك وعيالك...كدى بعد ما تجيناانت وتاخد الجواز اليانكاوي واظنو قرب انا بوعدك تب نمشي معاك لزمزم البير مش التانية شان نطهرك من رجس الانقاذ وتذكية روحك وتطهيرها من دنس المفسدين!
Post: #8 Title: Re: من هذه الفتاة العظيمــة يا ناااس!؟ Author: Amani Al Ajab Date: 08-03-2010, 08:53 PM Parent: #7
الأخ الكريم هباني لك التحية والتقدير .. اسمها مناهل ابراهيم وهي عضو هنا في المنبر !
Quote: خدر سلام دى مناهل إبراهيم ....البت دى يا خدر خاتيه الشق من ايام الجامعه , تعرضت للفصل من كلية الزراعه جامعة الخرطوم قبل عامين , لقيادتها مع رفاقها إعتصام طلابى كبير و تعرضت لمضايقات و تحرشات شديده طالتها حتى فى حيها الذى تسكنه . كما انها تعرضت للضرب من قبل زبانية الأمن فى أحد مراكز التسجيل الإنتخابى بالكلاكلات حينما كانت مراقب عن الحزب الشيوعى ....باختصار مناهل دى موية نار عديل كده , وقد خبرناها فى احلك الظروف ايام الجامعه فما لانت و لا هانت و الله الزوله دى تختها فى جراح الثوره السودانيه المزمنه دى تبراء
Post: #10 Title: Re: من هذه الفتاة العظيمــة يا ناااس!؟ Author: Amani Al Ajab Date: 08-03-2010, 08:57 PM Parent: #8
Post: #12 Title: Re: من هذه الفتاة العظيمــة يا ناااس!؟ Author: هشام هباني Date: 08-03-2010, 09:04 PM Parent: #8
شكرا اختى اماني على هذه الافادة وانت تعرفينا بهذه البطلة الباسلة فالمجد لها وللاسرة التي انجبتها ولك انت ايتها السيدة الباسلة الف تحية لانك لست اقل منها نضالا وانت الام التى تناضل في ظرفية المنافي الصعبةعلى صعيد الاسرة الصغيرة تربين ابطالا للوطن للتغيير وعلى صعيد الوطن تناضلين بيراع نشهد لك بوطنيته الخالصة الناصعة. تحياتي لاسرتك الكريمة
Post: #11 Title: Re: من هذه الفتاة العظيمــة يا ناااس!؟ Author: نصر الدين عثمان Date: 08-03-2010, 08:58 PM Parent: #1
هباني ..سلام،
لها ولأولئك الفتية الأشاوس كل التحية والتقدير ..
Post: #13 Title: Re: من هذه الفتاة العظيمــة يا ناااس!؟ Author: هشام هباني Date: 08-03-2010, 09:11 PM Parent: #11
عزيزى نصر الدين
هذه الباسلة ينبغى علينا تكريمها وصونها والدفاع عنها وصون كل رفاقهالانهم يقاتلون نيابة عنا في احلك الظروف ولذا نحن ملزمون اخلاقيا ووطنيا دعمهم وتاييدهم مقابل تحملهم هذه المهمة الوطنية الخطرة نيابة عنا نحن اهل المنافي.
