سائح يحتاج الى دعوة من سودانى الداخل للحصول على فيزا للسياحة فى السودان ...!!!! بلد عجيبة

Quote: From: mohamed jafni [mailto:[email protected]] Sent: Tuesday, August 03, 2010 8:35 AM To: [email protected] Subject: طلب زيارة السودان السلام عليكم ورحمة الله وبركاته وبعد يشرفني الاتصال بكم وأبلغكم إعجابي ببلدكم الطيب للإشارة فأنا مواطن مغربي مقيم بولاية مراكش وسط المملكة المغربية اسمي بالكامل: محمد أحمد الجفني كفيف، موظف سابق وألان أحلت على التقاعد عمري 65 سنة. محب في الله وزيارة المساجد، فبعد الحرم المكي والمدني، زرت مساجد مصر (20 مسجد)، الأردن وسوريا. عقدت العزم إن شاء الله رمضان المبارك المقبل زيارة بلدكم برفقة ابني المصطفى محمد الجفني عمره 35 سنة موظف، فحجزت على الطائرة المتوجهة للخرطوم، غير أنهم أخبروني في سفارة السودان بالمغرب بضرورة التوصل بدعوة من السودان للحصول على تأشيرة دخول بلدكم قبل 15 غشت الجاري. لذا رجاءا أن تبعثوا لي دعوة لزيارة بلدكم قصد السياحة. جزاكم الله عنا خيرا. هاتفي: 00212672483571 في انتظار جوابكم تقبلوا مني خالص عبارات التقدير والاحترام. وصلى الله على سيدنا محمد وآل له وصحبه أجمعين.

Quote: قبل 15 غشت الجاري

غشت = أغسطس أو شهر ثمانية

يا يا بخاري ونجلاء ورونا همتكم أو إنعام حيمورة أو شيخ البورداب العوض المسلمي

وتحياتي يا ريس
وعملت شنو في موضوع حاتم
سودانيز دي اللي ح يورثها منو؟ لوول

ورونا بسوها كيف

ونحن تحت الخدمة

ياوليد أنا عارف بسووها كيف ولكن يا بكري أنصح الزول دا ما يمشي السودان في الوقت دا.
رمضان عندنا حار والعطش ما بقدر عليهو... وتبقى المصيبة لو جاتو عوجة.

قول ليهو يجينا شهر ديسمبر 12 يعني الدنيا تكون بردت شوية.

يا وليد تمشي وزارة الداخلية قسم الأجانب وتقول ليهم عاوز أوجه دعوة لأجنبي لزيارة السودان
بطلبوا صورة من جوازه الصورة والصلاحية .. الخ.
تقدم الطلب وتدفع الرسوم. تاني يوم بدوك الجواب في يدك . ترسله له بالفاكس وصورة بتمشى جوازات المطار وتحتفظ بالأصل عشان تقابله في المطار. وكان الله يحب المحسنين.

(العوج راي والعديل راي)

أما فيما يخص الاجانب الذين يرغبون في الحصول على التاشيرة بغرض السياحة او الزيارة .. فهؤلاء تطلب لهم الموافقة بالتاشيرة من الجهات المختصة بالسودان .. بعد توضيح السبب والغرض من الزيارة حسب التوجيهات الواردة من الخرطوم ، مع احضار خطاب من سفارة الشخص المتقدم للتاشيرة المعتمدة في منطقة التمثيل .
أظن الكلام دا واضح جداً
الزيارات الخاصة في معظم دول العالم تتطلب دعوة من مواطن للشخص الزائر يتعهد بموجبها بتحمل تكاليف إقامته في البلاد ومغادرته حال إنتهاء مدة التأشيرة الممنوحة له.
وبالمنطق كده مغربي مفلس أكثر من السودانيين عاوز يسيح شنو في السودان ، السياحة دي رفاهية وغالبية المغاربة يادوب يقدروا يلموا حق الكسكسي يعني ما عندهم قروش زيادة يقدروا يسيحوا بيها وفي السودان كمان.
المهم خلي الراجل دا يملأ الإستمارة دي ويستوفي الشروط وحا يدهو تأشيرة.
مواطن خليجي إحتج على ختم جواز سفره في إحدي سفارات السودان بالخارج عن عمل تأشيرة زيارة له بعبارة "لايصرح له العمل بأجر أو بدون أجر" وبرر إحتجاجه بأن ذهابه إلى السوان ليس الغرض منه العمل ، فقال له الموظف والله دا قانون دولة لها سيادة لو ما عايز ألغي ليك التأشيرة ، فأكلها في حنان حنانه.

Quote: كفيف

مش يمكن يكون (بصاص) او جاسوس ؟

Quote: لذا رجاءا أن تبعثوا لي دعوة لزيارة بلدكم قصد السياحة

أقول ليك حاجه يا بكري ، أنصح صاحبك دا خليهو يمشي الحبشة والله جو آخر جمال (13th months of sunshine) ويقدر يزور مناطق غاية في الروعة إبتداء من بحر دار حيث بحيرة تانا وممكن يمشي لانجانو وبرضو سودري وفي كمان أواسا كلها حاجات تخليهو يسيح عديل كده وطالما إستشهد في رسالته لكم بالحرمين الشريفين ومساجد قاهرة المعز قول ليهو الحبش برضو عندهم مناطق دينية وممكن يمشي منطقة هرر ففيها الكثير من المشايخ وأشهرهم مزار الشيخ أبادر عدا عن الكطابع الإسلامي وفن العمارة والبوابات التي تحيط بالمدينة.

Quote: حق الكسكسي يعني ما عندهم قروش زيادة

يا أخوي almulaomar


هو ما قالوا أرخص حاجة تتاكل هناك !!!


مع تحياتي

عاصم فقيري

Quote: بلد عجيبة

البخليها عجيبة شنو يا ريس
هسي أنا لو داير أجي أسيح في أريزونا بتاعتكم
دي أشيل لابتوبي وأجيكم داقش ساي؟؟؟

Quote: على فيزا للسياحة فى السودان ...!!!! بلد عجيبة

Quote: البخليها عجيبة شنو يا ريس هسي أنا لو داير أجي أسيح في أريزونا بتاعتكم دي أشيل لابتوبي وأجيكم داقش ساي؟؟؟

.. والله ما عجيب وغريب إلا إنت يا بكري ..

....

Quote: هو ما قالوا أرخص حاجة تتاكل هناك !!!

في الحتة دي يا عاصم فقيري يا أخوي "قفا نبك" دا مربط حصان الكارو زاتو.

يا ريس .. المواطن السوداني عشان يدخل المغرب يحتاج تأشيرة برضو!
وتجي تقول لي بلد عجيبة!!

يا با شمهندس
تحياتي
أعتقد الموضوع عادي جدا وبرضو عشان ندخل اوروبا نطالب بنفس الطلب
في بداية الانقاذ الجماعة شالتهم الهاشمية قاموا فتحوا البلد لكل عربي فظهر الارهاب والاجرام

أما الاخ المغربي فمرحبا به في السودان خاصة ولنا مساجد يمكن زيارتها

زميل مصري نبهني لي حاجة عجبتني قال لي أنتو ناس عندكم كرامة الخليجي ما يقدر يدخل عندكم إلا بتأشيرة دخول وبتعاملوهم زي ما بعاملوكم بس عندنا يدخلوا زي الملوك والفاتحين عجبتني الحاجه دي وأظن السودان بطبق مبدأ المعاملة بالمثل وهسع السوريين بدخلوا السودان بدون تأشيرة والسودانين بدخلو سوريا بدون تأشيرة

زميل سوداني كان مسافر لعمل في بنجلاديش وقدم لطلب التأشيرة في السفارة البنغالية مع عدد من الموظفين خليجيين ومصريين وأردنين بعد أسبوع أستلموا كلهم جوازاتهم إلا زميلنا السوداني لمن أستفتسر في السفارة قالوا ليه جوازك حا يطلع بعد أسبوع سالهم ليه قالوا ليه السفارة السودانية بتاخد نفس المدة في اصدار التأشيرة للبنغلاديشيين

إنما العاجِزُ مَن لا يسْتبِد

أول مرة أشعر بِحلاوة عِز كَوني سوداني

تحياتى يا صاحب النجيضة ،،
كلامك حبس كلامى،،

Quote: البخليها عجيبة شنو يا ريس هسي أنا لو داير أجي أسيح في أريزونا بتاعتكم دي أشيل لابتوبي وأجيكم داقش ساي؟؟؟

علي الخير يا عمكـ
جهّر لابتوبكـ .. عمكـ بكري أب صلعة
ناوي يرسل لينا تأشيرة زيارة عشان
نحن ناوين نرسل للمغربي تأشيرة زيارة!




_
قال إيه .. قال بعد عجيبة قال!

Quote: يا ريس .. المواطن السوداني عشان يدخل المغرب يحتاج تأشيرة برضو! وتجي تقول لي بلد عجيبة!!

يا ود الصائم السيد الريس اظنه اضاف عجيبة لان التأشيرة تتطلب دعوة من سودانى. حسب كلام عمك المغربى ده فى رسالته انو مطالب بالحصول على الفيزا بعد تلقى دعوة من سودانى. دا وضع ما صحيح السليم انو كل دول العالم ترحب السواح لان السياحة تدعم الاقتصاد الوطنى. فقط يكمن ان تطالب المتقدم باظهار مقدرة مالية (حساب بنك او شيك ضمان)، لنفرض ان داير اجى سائح و ما بعرف زول فى السودان اها كل مرة يجى زول لى بكرى ابوبكر على طريقة يا ابو مروة دى؟.

Quote: أعتقد الموضوع عادي جدا وبرضو عشان ندخل اوروبا نطالب بنفس الطلب في بداية الانقاذ الجماعة شالتهم الهاشمية قاموا فتحوا البلد لكل عربي فظهر الارهاب والاجرام

اما حديث اخونا الانقاذى فمضحك حد الانفقاعه. يا زول الانقاذ ما فتحت البلد للجميع، هى اصلا كان فتحتها حصرياً للمجرمين و العصابات الاسلامية و الارهابيين العالميين ناس كارلوس و اسامة بن لابد و الظواهرى و ما شابه. انتو يا ناس الكضب ما تخجلو منو؟ الكضب الكضب الواحد فى عرفكم ما عيب، دى احداث قريبة و معاصريها احياء يمشون بين الناس داير تكضبوا فيها كمان؟

Quote: يا ود الصائم السيد الريس اظنه اضاف عجيبة لان التأشيرة تتطلب دعوة من سودانى. حسب كلام عمك المغربى ده فى رسالته انو مطالب بالحصول على الفيزا بعد تلقى دعوة من سودانى. دا وضع ما صحيح السليم انو كل دول العالم ترحب السواح لان السياحة تدعم الاقتصاد الوطنى. فقط يكمن ان تطالب المتقدم باظهار مقدرة مالية (حساب بنك او شيك ضمان)، لنفرض ان داير اجى سائح و ما بعرف زول فى السودان اها كل مرة يجى زول لى بكرى ابوبكر على طريقة يا ابو مروة دى؟.

Quote: From: mohamed jafni [mailto:[email protected]] Sent: Wednesday, August 04, 2010 9:01 AM To: هيئة العلماء السودان Subject: RE: طلب زيارة السودان السلام عليكم ورحمة الله وبركاته وبعد الاستاذ الفاضل: بكري أبو بكر شكرا جزيلا لك ولجميع الاخوة الكرماء والطيبين السودانيين على ما أبدوه من حسن نية واهتمام مع الاستعداد للمساعدة في توصلي بدعوة لزيارة السودان للتوضيح فهدفي من الزيارة الاعتكاف في أحد المساجد السودانية خلال شهر الطاعة والعبادة شهر الرحمة والمغفرة شهر البركات شهر رمضان لذا نريد مساعدتكم دون أي التزام يثقل كاهلكم ويشق عليكم فقد حجزت على الطائرة المتوجهة للخرطوم يوم السبت 21 غشت الجاري، وسفري متوقف على توصلي بدعوة منكم، لذا رجاءا العمل على تسوية هذه الدعوة في أقرب وقت ممكن، وإليكم نسخ من جواز سفري وجواز سفر ابني لمن اراد المساعدة، والله لا يضيع أجر من أحسن عملا في انتظار مساعدتكم تقبل الله مني لكم صالح الدعاء والصلاة والسلام على مولانا رسول الله وآل له وصحبه أجمعين

Quote: للتوضيح فهدفي من الزيارة الاعتكاف في أحد المساجد السودانية خلال شهر الطاعة والعبادة شهر الرحمة والمغفرة شهر البركات شهر رمضان

يا بكري صاحبك دا جا يكحلا عماها والتبرير الزي دا أصلاً ما كان ليهو داعي يعني كان ممكن يقول والله داير أشوف السودان أو منظر الغروب عند مقرن النيلين لكين يجي ويقول لينا عايز يعتكف هو قايل إنه عندنا الحرم المكي ولا المدني ولا القدس الشريف عشان يكون إعتكافه نوع من أنواع الكريدت ليهو في الأجر ، الصلاة في مسجد شرفي أو الجامع الكبير أو مسجد محمود بكر بالختمية زيها وزي الصلاة في الأجر طبعاً والإعتكاف في أي جامع أو مسجد في أسفي وتمار أو خريبكة أو الفقيه بن صالح أو سيدي سليمان.
المهم زولك دا تبريره غير منطقي وخلينا نتكلم أمريكي ونقول: إن جمهورية السودان تعتبر كل طلب للحصول على تأشيرة سياحية لدخول أراضيها هو بمثابة هجرة غير شرعية ما لم يثبت مقدم الطلب عكس ذلك.

كتب الملا عمر:
"ا بكري صاحبك دا جا يكحلا عماها والتبرير الزي دا أصلاً ما كان ليهو داعي يعني كان ممكن يقول والله داير أشوف السودان أو منظر الغروب عند مقرن النيلين لكين يجي ويقول لينا عايز يعتكف هو قايل إنه عندنا الحرم المكي ولا المدني ولا القدس الشريف عشان يكون إعتكافه نوع من أنواع الكريدت ليهو في الأجر ، الصلاة في مسجد شرفي أو الجامع الكبير أو مسجد محمود بكر بالختمية زيها وزي الصلاة في الأجر طبعاً والإعتكاف في أي جامع أو مسجد في أسفي وتمار أو خريبكة أو الفقيه بن صالح أو سيدي سليمان.
المهم زولك دا تبريره غير منطقي وخلينا نتكلم أمريكي ونقول: إن جمهورية السودان تعتبر كل طلب للحصول على تأشيرة سياحية لدخول أراضيها هو بمثابة هجرة غير شرعية ما لم يثبت مقدم الطلب عكس ذلك."


ياخي انت ما قريت البوست كويس الراجل ضريييير عميان يعني يشوف لك مقرن النيلين بي بصيرتو ولا شنو؟

بكري ليهو الحق يستغرب,
يعني المرة الجاية يطوروا الموضوع يقولوا اي واحد عايز تأشيرة زيارة لا زم يجيبها من قريب له في السودان.
عجبني موضوع تأشيرة الخليجييين دي.
وكذلك عجبوني البنغال الليلة جو
مسكو الجواز....بيتووووا

شكراً أخي محمد الشيخ على الرد وصحيح أن الرجل ضرير ولا يري منظر الغروب وفي ذهابه لفعل ذلك مبالغة وكذلك في ذهابه للإعتكاف بأحد مساجد السودان مبالغة أكبر ، يقول الحبيب المصطفي صلي الله عليه وسلم في هذا الشأن:
عن أبي سعيد الخدري - رضي الله عنه- قال: قال رسول الله -صلى الله عليه وسلم: لا تشد الرحال إلا إلى ثلاثة مساجد: المسجد الحرام ، ومسجدي هذا ، والمسجد الأقصى متفق عليه.
وأحسب أخي محمد الشيخ أنك تتفق معي بأن أياً من المساجد الثلاثة الواردة في الحديث النبوي الشريف لا تقع ضمن الحدود الجغرافية لجمهورية السودان والتي يستهدفها الضيف الكريم بالزيارة بغرض الإعتكاف.

العزيز بكرى

بحكم وضعك ومركزك كصاحب منبر مقرؤ
ابعد عن دراويش الاسلام السياسى ديل ما بتعرف انت
الوراهم منو وشنو ؟
وبعدين القصة دى ممكن تدخلك فى مشكلة
مع قصص الارهاب الحايمة دى ...

القاعدة القانونية السليمة انك ما تتعامل ولا تدعو
ولا تروج الا لى زول بتعرفو وبتثق فيه ..
از سيمبل از ذات !!








ـــــــــــــــــ
وليد صاحبى ما تلفح
مالك وماله هسه انت عارف حاجة عنه ؟
شفت يا وليد فى المطار لو زول اداك ظرف وانت ما بتعرفو
ما تشيله .. خلى تدخل ليك زول بطيخة مقفولة ما بتعرف
عنه حاجة .. صاح ممكن ذى ما بقولوا اهلك المصريين تطلع حمار
وحلاوة لكن كمان لو بايظة الله لا وراك .. كنت دايرا اكتب
كلام لقيت ود الصايم لفحوا منى ..

Quote: العزيز بكرى بحكم وضعك ومركزك كصاحب منبر مقرؤ ابعد عن دراويش الاسلام السياسى ديل ما بتعرف انت الوراهم منو وشنو ؟ وبعدين القصة دى ممكن تدخلك فى مشكلة مع قصص الارهاب الحايمة دى ... القاعدة القانونية السليمة انك ما تتعامل ولا تدعو ولا تروج الا لى زول بتعرفو وبتثق فيه .. از سيمبل از ذات !!

100%

Quote: عن أبي سعيد الخدري - رضي الله عنه- قال: قال رسول الله -صلى الله عليه وسلم: لا تشد الرحال إلا إلى ثلاثة مساجد: المسجد الحرام ، ومسجدي هذا ، والمسجد الأقصى متفق عليه. وأحسب أخي محمد الشيخ أنك تتفق معي بأن أياً من المساجد الثلاثة الواردة في الحديث النبوي الشريف لا تقع ضمن الحدود الجغرافية لجمهورية السودان والتي يستهدفها الضيف الكريم بالزيارة بغرض الإعتكاف.

سلام يا ملا
كلامك مقبول بوجهة نظر وهابية أو سلفية ان شئت
لكن من وجهة نظر صوفية فأن الأعتكاف يتم في اي خانةو اي مكان في الأرض والمغاربة معروفون مثلنا بالنشأة الصوفية والتربية العرفانية
حيث تلامذة الشيخ الغوث احمد بن ادريس .

Quote: كلامك مقبول بوجهة نظر وهابية أو سلفية ان شئت

أخي محمد الشيخ أشكرك على صبرك على النقاش وأقول بالصوت العالي أنا لست وهابياً ولا سلفياً ولا صوفياً (لا أقول ذلك لعيب هنا أو هناك لكن لأنها ربما تفهم من تعليقك أنني وهابي أو سلفي وحتى إن كان ذلك شرف فإنني لا أدعيه لأنني لست كذلك) ولا أفهم من الدين أكثر مما قرأته في مراحل التعليم المختلفة وهذا عيب كبير لكين ما أفهمه من حديث الرسول صلي الله عليه وسلم الذي أوردته أن (لا) في اللغة العربية ناهية يعني ما تعمل كده يا فلان أو لا تفعل وإن كان هناك أى مدلول آخر لعبارة (لا) هذه فأرجو أن توضحها ولك مني التقدير.

دا قانون بلد لها سيادتها يجب ان يتبع فل ستوب يا بكري
متل قانون سودانيزاونلاين لما باص ويرد عضو يضيع يراسلك العضو شخصيا فل استوب
وليد ولدي انت زول طيب لكين علي احسن الفروض لو الزول دا وولده لا يمتلكون منصرفات اقامتهم انت المفروض تسدد الفواتير
اسمع كلام دينا

بطلوا النقة ورسلو الدعوة يوم واحد وعشرين ((( غشت))) قرب










_______________
المصري البيشتكي من دخول الاجانب لمصر ســـاكت وإنه مصر فاتحة سداح مداح كدا للغاشي والماشي
مايزعل
السياحة مصدر من مصادر الدخل القومي

Quote: بطلوا النقة ورسلو الدعوة يوم واحد وعشرين قرب

راوية
تحياتي
قبل أن يكون ارسال التأشيرة والكفالة مسئولية أقول ليك خليهو يغير الطلب من سياحي إلى عمره لأن السائح المغربي لمن يصل عندنا حا يكون جامد زيو وزي أى داردمه في كيس نايلون (ليه ما عارف) بعدين يمشي يسيح وين لو إفترضنا إنه عنده قروش ، نحن بنتكلم عن سائح جاينا من دولة تعتبر في المرتبة الثانية عشر تقريباً من حيث دخل الفرد في الدول العربية والتي تحتل فيها السودان المرتبة السادسة عشر من حيث تدني الدخل طبعاً في النموذجين (يعني شبهينا وإتلاقينا) وبرضو من منظومة الدول العربية (وعد غنمك يا جحا) ومعدل البطالة تقريباً عندنا متساوي يعني 19% تقريباً ، أها دا مش حا يسيح دمنا عديل كده لو جانا يعني حا يسكن بي كم ويدي سيد الدكان كم خلي الأكل نحن بنقسم ليهو معانا بس ركشات ساكت ورسوم مغادرة وحق صابون الحمام وغسيل هدومو وهدوم ولدو كم.

Quote: [ أها دا مش حا يسيح دمنا عديل كده لو جانا يعني حا يسكن بي كم ويدي سيد الدكان كم

سيد الدكان شنو؟؟
الزول جاي يعتكف في مسجد (أكيد أكيد المعلومات العندو عن مساجد السودان ماكافية)
أنا غايتو بقترح عليهو أم ضواً بان (يلحقنا ود ريا)
ممكن يقبل بأكل أهلنا وغالباً مايضطر يقسم معاهم النبقة

إنتو بس رسلوا الدعوة