نفترض انه بكري ابوبكر مات

نفترض انه بكري ابوبكر مات


08-03-2010, 05:00 PM


  » http://sudaneseonline.com/cgi-bin/sdb/2bb.cgi?seq=msg&board=300&msg=1280851204&rn=59


Post: #1
Title: نفترض انه بكري ابوبكر مات
Author: حاتم محمود الجاك
Date: 08-03-2010, 05:00 PM
Parent: #0

امنياتنا ودعواتنا الصادقة للاخ الكريم الباشمهندس بكري ابوبكر بطول العمر مع الصحة والعافية لأن طول العمر بدون صحة وعافية نكد وكبد .. وهذا اولا
كل ابن انثى مهما طالت سلامته في اي لحظة ممكن يموت .. وهذا ثانيا
نفترض انه بكري ابوبكر مات .. ما مصير هذه الأمة الجميلة ..امة سودانيز اون لاين وهذا ثالثا
رابعا وخامسا يلا نشتغلها مع بعض ..

كونوا بخير

Post: #2
Title: Re: نفترض انه بكري ابوبكر مات
Author: معتصم الطاهر
Date: 08-03-2010, 05:02 PM
Parent: #1

سودانيز مؤسسة ..

و ليس فرد ..

Post: #47
Title: Re: نفترض انه بكري ابوبكر مات
Author: عزالدين آدم علي
Date: 08-04-2010, 07:33 AM
Parent: #2

فال الله ولا فالك ياخي

الموت حق ومصير الأولين والآخرين

فبدلاً من التشاؤم هذا، كان بإمكانك
إرسال رسالة للأخ / بكري وسؤاله!

لمن يتم الرجوع في حالة إنشغالكم؟
ولو لأي سبب في الإنقطاع عن المنبر
فماذا نعمل أو نتوجه مثلاً؟ ومن ثم
فتح بوست وتنوير الأعضاء بذلك.

أطال الله في عمرك أخي معتصم
وأطال الله عمر الباشمهندس بكري
ونسأله سبحانه أن يطيل أعمار
جميع أعضاء المنبر الجميلين

تحياتي،،،،

Post: #3
Title: Re: نفترض انه بكري ابوبكر مات
Author: محمد زكريا
Date: 08-03-2010, 05:02 PM
Parent: #1

لا حولا ولا قوة الا بالله....ياخ مالك بتفكر كده اصلاً

Post: #4
Title: Re: نفترض انه بكري ابوبكر مات
Author: طارق جبريل
Date: 08-03-2010, 05:02 PM
Parent: #1

ياخي بتبالغ

Post: #6
Title: Re: نفترض انه بكري ابوبكر مات
Author: صديق الموج
Date: 08-03-2010, 05:06 PM
Parent: #4

من كان يكتب لبكرى فبكرى قد يموت
ومن كان يكتب للمثاقفة فالمثاقفة حية لاتموت
اللهم انى قد بلغت،،،

Post: #5
Title: Re: نفترض انه بكري ابوبكر مات
Author: حاتم محمود الجاك
Date: 08-03-2010, 05:04 PM
Parent: #1

Quote: نفترض انه بكري ابوبكر مات .. ما مصير هذه الأمة الجميلة ..امة سودانيز اون لاين وهذا ثالثا

بل ما مصير هذه النافذة الاعلامية النافذة ( سودانيز اون لاين )؟

Post: #7
Title: Re: نفترض انه بكري ابوبكر مات
Author: Hadeer Alzain
Date: 08-03-2010, 05:07 PM
Parent: #5

ما عندك أيييييي موضوع!!!!!

وبس ياها حركات وبوستات شوفوني ليس إلا !



____
وجه مستاء!




_______________________

Post: #9
Title: Re: نفترض انه بكري ابوبكر مات
Author: humida
Date: 08-03-2010, 05:10 PM
Parent: #7

اتخيل لي اي زول عنده شافع ما فاهم كلمة عوير يعني شنو .. ممكن يجيبه يفرجه علي الزول دا ..

..
..

دايما انظروا للنصف الممتلئ من الكوب ..

..
..

Post: #36
Title: Re: نفترض انه بكري ابوبكر مات
Author: Ahmed musa
Date: 08-03-2010, 10:05 PM
Parent: #7

Quote: ما عندك أيييييي موضوع!!!!!

وبس ياها حركات وبوستات شوفوني ليس إلا !



____
وجه مستاء!


الحمدلله إن الكاتبة هدير الزين !!!!

Post: #8
Title: Re: نفترض انه بكري ابوبكر مات
Author: ود الباوقة
Date: 08-03-2010, 05:09 PM
Parent: #5

يمسك كوستاوي طبعا....


ربنا يطول عمرو حتى يبلغ المية وخمسة ..

Post: #12
Title: Re: نفترض انه بكري ابوبكر مات
Author: ود الباوقة
Date: 08-03-2010, 05:13 PM
Parent: #8

Quote: ما عندك أيييييي موضوع!!!!!


ويظهر انو في اجازة

غايتو المنبر دا مفروض

يكون فيه قسم طواريء

Post: #10
Title: Re: نفترض انه بكري ابوبكر مات
Author: عادل شلبي
Date: 08-03-2010, 05:11 PM
Parent: #5

مالك ومال طويل العمر (كثير تلج)
انت قافل على الورثة

Post: #13
Title: Re: نفترض انه بكري ابوبكر مات
Author: النذير حجازي
Date: 08-03-2010, 05:16 PM
Parent: #10

يا حاتم سلامات
طبعاً بكري قدر يبني الصرح دا، لازم يكون عامل حسابو للنقطة دي
وعلى ما أعتقد ستخلفه الدكتورة زوجته أو إحدى بناته فهو ثروة ويورث
دا طبعاً بعد طولة العمر لبكري

أو زي ما قال ود الباوقة ممكن يأجروا كوستاوي لوول أو دينق أو أي واحد من أصحاب
بكري القدام بواشنطن

المهم يا زول غايتو ونستنا لوول

Post: #14
Title: Re: نفترض انه بكري ابوبكر مات
Author: انور التكينة
Date: 08-03-2010, 05:18 PM
Parent: #5

ده عدم موضوع منك و لا شنو ؟؟
و لنفرض مت انت .. بكرى حيسود الصفحة الرئيسية و لا لا ؟؟ ده السؤال ..

Post: #11
Title: Re: نفترض انه بكري ابوبكر مات
Author: ASHRAF MUSTAFA
Date: 08-03-2010, 05:12 PM
Parent: #1

الله يديه الصحة وطولة العمر

زمان حبوبتي أم أبوي كانت لامة العائلة كلها في بيت عمي بالثورة الحارة العاشرة

أول ما إتوفت الناس كلها فرتقت حتي أنا سألتهم عندما كنت صغير

إنتوا ليه إتفرتقتوا؟؟؟

عين السوداد يا ولدي...حبيوبتك دي ما كانت لامة الناس كلها

كل يوم جمعة بنمشي مع ابوي ليهم وما في زول من الاهل بغيب

حسه كمان بكري ده لامي الاطرش والنصيح وساكت علي بلاوي كتيرة

زي صدام يعني

عشان كده انشاء الله يوم شكروا ما يجي

Post: #15
Title: Re: نفترض انه بكري ابوبكر مات
Author: خالد عبد الله محمود
Date: 08-03-2010, 05:21 PM
Parent: #11



الملافظ سعد

Post: #18
Title: Re: نفترض انه بكري ابوبكر مات
Author: Yassir Tayfour
Date: 08-03-2010, 05:28 PM
Parent: #15

"
Ask a silly question and you'll get a silly answer
"

Post: #16
Title: Re: نفترض انه بكري ابوبكر مات
Author: بدر الدين اسحاق احمد
Date: 08-03-2010, 05:24 PM
Parent: #11

Quote: نفترض انه بكري ابوبكر مات



الموت حــق فى كل ابناء ادم ...

متع الله الريس بالصحـة والعافيــة وطول فى العمر فى طاعة ومرضاة الله

________________________________________________________


يوؤل المنبـر الى الورثــة الشرعيين من حيث الملكيــة الخاصــة ..


________________________________________________________


للورثــة الحــق فى جعل المنبر ما يشاوؤن .. ان شاء الله يقلبوهو

منبر ( العاب رياضيــة )

__________________________________________________________

Post: #17
Title: Re: نفترض انه بكري ابوبكر مات
Author: Ashraf el-Halabi
Date: 08-03-2010, 05:26 PM
Parent: #11

نضرب لكوستاوي -دا لو كان لسة عايش- يسود المنبر

يوم شكرك ما يجي في الألفية الفوقنا دي يا باش مهندس
حقيقي رائد في مجالك
وطولة العمر كذلك للخردة
كوستاوي دا لو لا قدر الله إتكل قبل المعاش، ناس دي سي وضواحيها إلا يشترو فلاتر إيطالية

Post: #19
Title: Re: نفترض انه بكري ابوبكر مات
Author: صديق الموج
Date: 08-03-2010, 05:43 PM
Parent: #17

Quote: نضرب لكوستاوي -دا لو كان لسة عايش- يسود المنبر


يازول كوستاوى ده صاحبى ثقيل زى ناس الانقاذ والله يمسك تانى ما يموت ليكم
شوفو ليكم زول عضمو هش عشان نورث بعده،،،

Post: #20
Title: Re: نفترض انه بكري ابوبكر مات
Author: حاتم محمود الجاك
Date: 08-03-2010, 05:45 PM
Parent: #17

Quote: سودانيز مؤسسة ..

و ليس فرد ..


شكرا على الكلام الموضوعي

Post: #21
Title: Re: نفترض انه بكري ابوبكر مات
Author: محمد الفاتح خالد حسون
Date: 08-03-2010, 06:11 PM
Parent: #17

يا حماعة يا تكونوا حادين ولا متهكمين

الموضوع اتطرح بي موضوعية بظهر جمالية نفوس لا ترتقي لسوء الظن وعكسها ,نفوس طيبة مثل الرد الجميل من الاخ حجازي

Quote: طبعاً بكري قدر يبني الصرح دا، لازم يكون عامل حسابو للنقطة دي
وعلى ما أعتقد ستخلفه الدكتورة زوجته أو إحدى بناته فهو ثروة ويورث
دا طبعاً بعد طولة العمر لبكري

أو زي ما قال ود الباوقة ممكن يأجروا كوستاوي لوول أو دينق أو أي واحد من أصحاب
بكري القدام بواشنطن

المهم يا زول غايتو ونستنا لوول


الاخ حاتم الجاك اقدر حرصـك علي هذه النافذة المتسعة للجميع ... ايمكن يكون العنوان غير موفق لكن معرفة الدواخل ليست من صفات العباد ياريتهم لو ختوا حسن النوايا .

بوستك دا .. ذكرني واحد صاحبي , في واحدة من اجازاتو في السودان مرة بي زنقة لحدي ما استنجد بي صاحبو مصري مقيم معاو في السعودية المصري رسل ليهو خمسة الف

دولار طوالي لمان رجع صاحبنا السعودية قال للمصري : لو كان متا كنتا حا تعمل شـنو رد المصري لو انتا متا ايه فايدة الفلوس !!!


تصريجة :

الوصية لا تُفتَح في وجود حضرت المتوفي

وبعد عمراً قضيتو هندسة يا باشمهندس عمراً مديد
Live fast, die young and leave a good looking corpse. لوول

Post: #22
Title: Re: نفترض انه بكري ابوبكر مات
Author: حاتم محمود الجاك
Date: 08-03-2010, 06:15 PM
Parent: #21

Quote: وعلى ما أعتقد ستخلفه الدكتورة زوجته أو إحدى بناته


وشكرا تاني على الكلام الموضوعي

Post: #23
Title: Re: نفترض انه بكري ابوبكر مات
Author: فيصل محمد خليل
Date: 08-03-2010, 06:17 PM
Parent: #22

كان عندو شنو ?

Post: #24
Title: Re: نفترض انه بكري ابوبكر مات
Author: حاتم محمود الجاك
Date: 08-03-2010, 06:21 PM
Parent: #22

Quote: الاخ حاتم الجاك اقدر حرصـك علي هذه النافذة المتسعة للجميع ... ايمكن يكون العنوان غير موفق لكن معرفة الدواخل ليست من صفات العباد ياريتهم لو ختوا حسن النوايا


أراك تفهمني جيدا اخي محمد الفاتح حسون

مشكور

Post: #25
Title: Re: نفترض انه بكري ابوبكر مات
Author: khaleel
Date: 08-03-2010, 06:29 PM
Parent: #24

متعه الله بالصحة والعافية وطول العمر

Post: #26
Title: Re: نفترض انه بكري ابوبكر مات
Author: الطيب عبد الرحيم خلف الله
Date: 08-03-2010, 06:43 PM
Parent: #25

أخونا حاتم

فال الله لا فالك يا أخي

كل إحترامي..

Post: #27
Title: Re: نفترض انه بكري ابوبكر مات
Author: humida
Date: 08-03-2010, 06:47 PM
Parent: #26

خلاص كملتو كلو دايرين تكتلو الزول المسكين اوب الوليدات دا ..

Post: #29
Title: Re: نفترض انه بكري ابوبكر مات
Author: Hadeer Alzain
Date: 08-03-2010, 07:01 PM
Parent: #27

بعدين بكري دا عندو وليدات وأسرة وأهل في شتى أنحاء العالم
حتمآ تأذوا وتضرسوا وإستاءوا منك ومن هذا البوست القبيح !


ياخ فلتقل خيرآ أو فلتصمت !



_______
أنا لو مكان بكري كان إنت وبوستيك دا وديتكم الخور




______
وجه مستاء جدآ

Post: #28
Title: Re: نفترض انه بكري ابوبكر مات
Author: خالد درق
Date: 08-03-2010, 06:52 PM
Parent: #26

ياخى دا فال انت ما عندك اى موضوع تقوم تفتح بوست زى دا

الله يطول فى عمر الباشمهندس بكرى ويحفظ الاهل ما كثر تلج بس ما فى داعى لزى الكلام دا والدنيا فى ايام مباركة بغرب شهر رمضان الكريم

معليش ما عندك موضوع ....

Post: #30
Title: Re: نفترض انه بكري ابوبكر مات
Author: حاتم محمود الجاك
Date: 08-03-2010, 08:45 PM
Parent: #28

Quote: Ask a silly question and you'll get a silly answer

الذين يعتقدون ان كاتب البوست يبحث عن اجابات بديهية او ابجدية .. عليهم ان يتراجعوا قليلا ليراجعوا طريقة تفكيرهم هذا من ناحية .. ومن ناحية تانية خلونا نطرح الموضوع بطريقة مختلفة وهي كيف ممكن نتوقع سودانيز اون لاين بعد 50 او 40 سنة ؟

Post: #31
Title: Re: نفترض انه بكري ابوبكر مات
Author: عمران حسن صالح
Date: 08-03-2010, 08:50 PM
Parent: #28

Quote: شكرا على الكلام الموضوعي

Post: #32
Title: Re: نفترض انه بكري ابوبكر مات
Author: ابو جهينة
Date: 08-03-2010, 08:51 PM
Parent: #28

الأخ حاتم

تحياتي

كل البشر يخافون سيرة الموت ، و ما هذا إلا تمسك بأهداب هذه الفانية

و من الملاحظ أن معظم سكان العالم الثالث يخافون كتابة وصيتهم بعد الموت ، بينما يقوم بها معظم أهل الغرب و العالم الأول على وجه التحديد ، و على وجه الخصوص أصحاب الأعمال التي لها تأثير على حياة الناس ثم أولئك أصحاب الثروات.

أنا أقدر توجهات سؤالك

و لكن كما ذكر الإخوة أعلاه ، فإن عمل مثل هذا لا يموت أبدا ( ربنا يديه الصحة و العافية و يبلغه مقاصده ) ، فبكري وضع بصمة كبيرة في هذا العالم الإسفيري ستمتد و تمتد.


دمتم

Post: #33
Title: Re: نفترض انه بكري ابوبكر مات
Author: ابوحراز
Date: 08-03-2010, 09:37 PM
Parent: #32

بوست مليء بالسخرية والله ياجماعة الواحد يديكم فكرة
ليه مانقوم بتجميع الردود الساخرة في بوست مستقل
ويكون بعنوان : من أقوالهم


سعودي قبل فترة اتزوج سعودية
وفي نفس يوم الزواج اتكلت على الله { اتلحست }
والشغلانية قضاء وقدر
تااااااااااااااااااح وقعت فجأة في واطاة الله دي
الجماعة جوك يعزوا العريس
حلف بالتكتلو مايعزي ومايشيل الفاتحة الا يرجعوا ليهو قروشو !!!


نسيبنا بخاف من الموت بطريقة عجيبة جدا
كان معانا بالسعودية وكل يومين نقول ليهو ماشين المقابر عشان في سوداني مات
الراجل تاريهو خطط عشان يسافر السودان
والمشكلة مافي اي سبب حايسفروا
اها عندو بت على وشك وضوع
قام قال والله بتي اول مرة تلد لازم احضرها
قلنا انت { داية } الجماعة بقوموا بالواجب وأكتر
قال اقول ليكم 00 والله موتكم كتير ومسيخ
انا ماشي اموت في واطاتنا الباردة دي !!!


بالله بعد اسبوعين جاتو ليك حمى وتايفويد
وقعد يترفس وعيونو اتنططن قدر يوم القيامة
وقعد يشهق
اها خالو شفقان زي اخونا حاتم طوالي ملأ الكوز موية
وقال لبناتو الزول دا خلاص روحو عايزة تمرق
كدي نكسر ليهو عينيو
قام نسيبنا طوالي قلع الكوز وقال ليهو جيب الموية دي هنا
وكرطع الكوز عن بكرة ابيه

Post: #35
Title: Re: نفترض انه بكري ابوبكر مات
Author: AnwarKing
Date: 08-03-2010, 10:00 PM
Parent: #33


السلام عليكم جميعاً

شكراً على فتح الموضوع...وهو ليس بالجديد وقد نوُقش في كتير من مواقع الإنترنت الرائدة
التي يكون الإعتماد فيها على شخصية محورية من أي جانب ، سواء إثراء الحوار، أو الجوانب التقنية والخ...

ومع تقدم العلوم الجينية\الوراثية الآن...تجد أسئلة كثيرة على شاكلة:
توجد طريقة تعرف بها -عبر جيناتك الوراثية- توقع سن موتك (50، 60، 70) والخ...
هل تريد الخضوع لمثل هذا الإختبار؟

لم تتوقف الحياة لموت أحد من قبل...ولن تتوقف، وعليه لا أرى حساسية في طرحك للموضوع الذي أراه سابقة
في المنتديات السودانية...تحسب لك...إذا ما خرجت بنتيجة لسؤال فرضيتك!
أطال الله في أعماركما ...

هناك إلتزامات مالية شهرية للمواقع عامة (تأجير الخوادم\السيرفرات) وتجديد أسماء المواقع وشراء البرمجيات التي
تؤمن السيرفرات والخ...هذه تحتاج لدراية فريق عمل في هذه الأحوال...ولن يفيد فيها صداقة كوستاوي أو دينق لبكري
أو غيره... وهذه تحتاج لاجابة ومعرفة بخارطة هذه الأشياء....

سابقة موقع أركماني (غير المحلولة) ليست ببعيدة...
نداء هام وعاجل اختفي موقع اركاماني من الشبكة العنكبوتية
ولا أعتقد أن موقع أركماني يقل أهمية عن سودانيزأونلاين...

بكري أبوبكر وسودانيزأونلاين لم تعد مجرد شخص يمتلك موقع...بل تتعدى ذلك بكثير وينبغي التفكير في الأمر من هذه الزاوية!
وعليه أقترح أن تنشاء مؤسسة غير ربحية ، تُسجّل في أمريكا ويكون لها مجلس إدارة يعلم ببواطن هذه الأمور...
أدخل في دور مانديلا يا بكري...

تقديري للجميع
أنور

Post: #34
Title: Re: نفترض انه بكري ابوبكر مات
Author: حاتم محمود الجاك
Date: 08-03-2010, 09:40 PM
Parent: #32

Quote: و من الملاحظ أن معظم سكان العالم الثالث يخافون كتابة وصيتهم بعد الموت ، بينما يقوم بها معظم أهل الغرب و العالم الأول على وجه التحديد ، و على وجه الخصوص أصحاب الأعمال التي لها تأثير على حياة الناس ثم أولئك أصحاب الثروات
.
اتفق معك اخي ابو جهينة واتوقع ان الذين استنكروا الموضوع ان معظمهم يقيم الان في دول العالم الثالث واتوقع ان الذين يتقبلون الموضوع بصورة عادية انهم من المقيمين الان في الغرب وامريكا اقول اتوقع يا ناس .

Quote: أنا أقدر توجهات سؤالك

و لكن كما ذكر الإخوة أعلاه ، فإن عمل مثل هذا لا يموت أبدا ( ربنا يديه الصحة و العافية و يبلغه مقاصده ) ، فبكري وضع بصمة كبيرة في هذا العالم الإسفيري ستمتد و تمتد.


نعم هذا العمل يضاف الى سجل الاعمال السودانية الخالدة وهذه حقيقة لا ينكرها إلا مكابر ..
شكرا ابو جهينة

Post: #37
Title: Re: نفترض انه بكري ابوبكر مات
Author: Ahmed musa
Date: 08-03-2010, 10:13 PM
Parent: #34

Quote: اتفق معك اخي ابو جهينة واتوقع ان الذين استنكروا الموضوع ان معظمهم يقيم الان في دول العالم الثالث واتوقع ان الذين يتقبلون الموضوع بصورة عادية انهم من المقيمين الان في الغرب وامريكا اقول اتوقع يا ناس .


حسبي الله ونعم الوكيل فيكــ
أها برااااكـ حرفت البوست بتاعكـ
إستلقى وعدكــ

Post: #38
Title: Re: نفترض انه بكري ابوبكر مات
Author: عطية المحسي
Date: 08-04-2010, 00:22 AM
Parent: #37

الموت كأس وكل الناس شاربه..

ــــــــ

السلامة والعمر الطويل في طاعة الله لأخينا المهندس بكري ابوبكر ..

ده اولا ..

ثم ثانيا..من يحتجون على الحديث عن موت بكري ابوبكر..اعتقد انه نوع من ( كسير التلج ) ليس الا..لأن بكري سيموت في أجله..كما ساموت انا في اجلي..كما سيموت البشير في اجله..وكما مات الملوك والأمراء والرؤساء..

ويبقى الفرق في من يموت وينساه الناس بين ليلة وضحاها ..لأنو ماعمل شيء غير كسير التلج..

وفي ناس مابتتنسي وتظل اسماؤهم خالدة تخلدها أعمالهم التي تركوها وهذا المنبر الاعلامي عمل احسبه ( صالح) وهو ماسيبقى من ضمن ماسيبقى لبكري ابوبكر بعد عمر طويل ان شاء الله..

يعني يابختو بكري ابوبكر..لما ربنا يقول لأجلو خلاااص..حيبقى عندو ناس تدخل المنبر وتترحم عليهو..

وانا لله وانا اليه راجعون.

العمر المديد بصالح الاعمال يابكري أبوبكر ..وللجميع..

ودي اقصاه..

Post: #39
Title: Re: نفترض انه بكري ابوبكر مات
Author: محمد النيل
Date: 08-04-2010, 00:35 AM
Parent: #38

ياخى لكين ما بالطريقة دى


قول مثلا لو بكرى ترك سودانيز الحل شنو ؟
خليك لبق ذو لياقة كتابية

لم تحسن اختيار العنوان
للحديث قواعد وآداب

Post: #40
Title: Re: نفترض انه بكري ابوبكر مات
Author: سناء عبد السيد
Date: 08-04-2010, 01:34 AM
Parent: #39

مالك يا جنى على بكوري
............

حاسة انه كلامك طالع بحسن نية بس التعبير خانك .. الموت حق علينا جميعا و ربنا يطول لينا في عمر ولدنا و حبيبنا بكري

Post: #41
Title: Re: نفترض انه بكري ابوبكر مات
Author: ABUHUSSEIN
Date: 08-04-2010, 05:49 AM
Parent: #38



إفتراضك دا زاتو ما كان في ليهو داعي لأنو مامن حقك تتكلم في شئ زي دا

بكري هو الوحيد اللي يقرر هوحا إعمل شنو لأنو هو صاحب الموقع

إنت و أنا و كل البشرية اللي بتكتب هنا ديل ضيوووووووووووف

Post: #42
Title: Re: نفترض انه بكري ابوبكر مات
Author: عبد المنعم سليمان
Date: 08-04-2010, 06:29 AM
Parent: #41

حسب الحسابات العمرية والفلكية
سيموت العضو كوستاوي قبل بكري ابوبكر
لذا فان هذا الافتراض غير وارد تماما .
هذا والله اعم .

Post: #43
Title: Re: نفترض انه بكري ابوبكر مات
Author: Hassan Senada
Date: 08-04-2010, 06:46 AM
Parent: #42

يطول عمرك ياالباشمهندس

Post: #44
Title: Re: نفترض انه بكري ابوبكر مات
Author: مزمل خيرى
Date: 08-04-2010, 07:06 AM
Parent: #43

Quote: ياخى لكين ما بالطريقة دى


قول مثلا لو بكرى ترك سودانيز الحل شنو ؟
خليك لبق ذو لياقة كتابية

لم تحسن اختيار العنوان
للحديث قواعد وآداب

بوست غير موفق ياحاتم ... معليش !
مع أمنياتى للاخ بكرى ابوبكر بطول العمر ..

Post: #45
Title: Re: نفترض انه بكري ابوبكر مات
Author: امير مصطفى احمد
Date: 08-04-2010, 07:19 AM
Parent: #44

الموت حق وهو سبيل الاولين والآخريين

نحن جميعا مرات الواحد بقعد يفكر في موتوا ، ولو مات البحصل شنو ؟ واولادوا البحصل ليهم شنو ؟ بتجهجهو ام اهلوا او اهل زوجتوا حيهتموا بيهم ؟ واهله وزملائه كيف بتلقوا خبر وفاته ؟ والمشروع الشغال فيهو مصيروا بيكون شنو ؟ دي اسئلة اعتقد مشروعة .

والاخ حاتم واضح من كلامه وردوده انه بناقش الموضوع باعتبار انه شيء حتمي ولابد ان يحدث طال الزمن او قصر ، وليس على بكري ابو بكر فقط بلا علينا جميعا .

وكلام ابو جهينة دليل على اننا لا نتقبل فكرة الموت ونحن احياء بدليل لا نكتب وصايانا وكاننا مخلدون في الارض .

فاليحفظ الله الجميع ، وليبارك الله لنا في اعمارنا طالت ام قصرت .

Post: #46
Title: Re: نفترض انه بكري ابوبكر مات
Author: ALZOLZATOO
Date: 08-04-2010, 07:25 AM
Parent: #44

الجاك يا اخوي

الناس دي معظمها ايمانها ضعيف ، بعدين الموت حق والحياة مابطالة

سؤال منطقي جدا بس نحن دائما تفكيرنا عاطفي جدا جدا ولحدي اسع مالقينا اجابة لي سؤالك

غايتو من خلال المداخلات فهمنا واحد قال فيما معناه الموقع من بعدك حرام ده الزول بتاع قروش المصري

نتمنى دوام الصحة للجميع وعمرا مديدا ورزقا وفيرا

كدي نسال السؤال بي طريقة تانية

يابكوري لو الهكر البصبح علينا كل يوم ويشحن ود الصائم يوم لو استولى على الموقع نقبل وين

بعد داك ممكن ندردقوا لووووووووووووووووووووولز يكه

تحياتي

زاتوووو

Post: #48
Title: Re: نفترض انه بكري ابوبكر مات
Author: عواطف ادريس اسماعيل
Date: 08-04-2010, 07:49 AM
Parent: #46

مع إن الموت حق والحياة باطلة ومع تفهمنا لحسن نيتك في السؤال ولكن

كله ولا بكري وكله ولا أي عضو في سودانيز أون لاين .. بنحبهم وكأنهم حتة

مننا عشان كدة إرتعشت أوصالنا من العنوان ..

غايتو سامحناك المرة دي ..

Post: #49
Title: Re: نفترض انه بكري ابوبكر مات
Author: Tabaldina
Date: 08-04-2010, 08:30 AM
Parent: #48

..
.
الموت حق
وكل نفس ذائقة الموت ..
الرسول (ص) توفى ..
الراجل عندو وجهه نظر ..
شنو شابين ليهو فى حلقو ..

شكلكم كدا الموت دا ما شايلنو ..

-------

يا بكرى انت حتموت وانا برضو حأموت
اها المخارجه كيف ..!!

Post: #50
Title: Re: نفترض انه بكري ابوبكر مات
Author: Tabaldina
Date: 08-04-2010, 08:35 AM
Parent: #49

..
.
Quote: سودانيز مؤسسة ..
و ليس فرد ..

لا اعتقد ..

عموما يا بكرى اخونا حاتم دا ا مادام جاب
سيرة الموت والاعمار بيد الله اعتبر دى ساينغ
ورتب امورك واكتب وصيتك ..
والله انا شخصيا كل راس شهر بعمل ابديت لوصيتى
بالجد .. الواحد ممكن فجاة يلقى نفسي مااات..
صراحة والدىّ ماتوا موت فجاءة ودا انحنا
البنخاف منو ..


----------

سابق تجربة بتخليك تنتبه
لمعالجات الاشياء؛

احترامى الذى تعلم؛

Post: #51
Title: Re: نفترض انه بكري ابوبكر مات
Author: جمال الباقر
Date: 08-04-2010, 08:39 AM
Parent: #48

نفترض انو بكري ما اداك باس وورد
اكيد ما حيكون في بوست silly زي ده

Post: #52
Title: Re: نفترض انه بكري ابوبكر مات
Author: أيوب خليل
Date: 08-04-2010, 08:56 AM
Parent: #44

الموت حق وهو سبيل الاولين والآخريين
وأسال الله العظيم أن يحسن خواتيم أعمالنا وأن يجعل الجنة دارنا أجمعين.
عن ابن عمر . قال : قال رسول الله : ما حق امرىء مسلم يبيت ليلتين وعنده شيء يوصي به إلا ووصيته مكتوبة عند رأسه . رواه البخاري ومسلم ، على المسلم أن يكتب وصيتـه وهذه منسيةٌ عند أكثر الناس ، إبن عمر لما سمع النبي يقول ذلك ، كتب وصيته والوصية سنة يا شباب وعلينا جميعاً الإهتمام بها وكتابتها ، لكن في بعض الأحيان تكون واجبـة علينا؟وتكون واجبــة :إذا كان على الإنسان ديون أو حقوق للناس ، فهنا يجب عليه أن يكتب وصيته وأن يكتب هذه الحقوق التي عليه حتى لا تضيع حقوق الناس .
فاحرصووووووووا على كتابة وصيتكم ، وكتابة ما عليكم من حقوق للناس ، قبل هجوم هاذم اللذات ومفرق الجماعــات
ونسأل الله تعالى أن يطيل أعمارنا جميعاً بالطاعات وأن يحسن ختامنا وأن يُثبتنا في الدنيا والأخرة ... ورمضان كريم وكل عام وأنتم بخير


Post: #53
Title: Re: نفترض انه بكري ابوبكر مات
Author: haroon diyab
Date: 08-04-2010, 10:36 AM
Parent: #52

اخونا حاتم

عنوان غير موفق

لبوست موضوعي

الموت حق علي الجميع

Post: #54
Title: Re: نفترض انه بكري ابوبكر مات
Author: الرفاعي عبدالعاطي حجر
Date: 08-04-2010, 11:36 AM
Parent: #53

يا اهل الله , خلو بين الرجل وفكرته

وقد تحوط لذلك في مبتدر المداخلة

وقال طول العمر لبكري مع الصحة والعافية

يعني بالعديل في حال اخلاء بكري او انشغاله

اواي شئ طيب بحول الله ما مصير المنبر وانسب

اجابة جاءت من الحكيم سيدنا المووووووووج

الزول اللمًاح :

Quote: من كان يكتب لبكرى فبكرى قد يموت
ومن كان يكتب للمثاقفة فالمثاقفة حية لاتموت
اللهم انى قد بلغت،،،


والموت سبيل الاولين والاخرين بلا شك نسأل الله

الصحة والعافية لبكري ابوبكر وخاتمة السعادة

لنا آجمعين .



اها تعال قول قولك وواصل كلامك يازول .













.........................................حجر.

Post: #59
Title: Re: نفترض انه بكري ابوبكر مات
Author: أيوب خليل
Date: 08-17-2010, 10:09 AM
Parent: #54

.





.

Post: #55
Title: Re: نفترض انه بكري ابوبكر مات
Author: حاتم محمود الجاك
Date: 08-04-2010, 11:51 AM
Parent: #52

يا اخوانا الموضوع ليس موت زيد او عبيد بقدر ما هو مدى استمرارية سودانيز اون لاين بنفس هذا الالق بعد غياب خلينا نقول ادارة الموقع الحالية لأي سبب من الاسباب والاسباب كتيرة جدا .. وخلونا نكون عقلانيين وبعيدا عن العواطف حيث لاحظنا ان معظم المتداخلين تناولوا الموضوع بشكل عاطفي .. خلونا عقلانيين وبالتالي تكون الفرضية : ممنوع الكتابة في السياسة بأمر الادارة الجديدة .. ( طبعا )
أو ان تفرض الادارة الجديدة رسوم اشتراك لعضوية سودانيز اون لاين الحالية والجاية وتأتي بحجج مقبولة لتبرير ذلك .
تخريمة
لماذا لايتم مناقشة هذا الامر .. واقترح توجيه هذه الرسوم للاعمال الخيرية في السودان فما اكثرها وما احوجها .. وياريت واحد من الاخوة او الاخوات يفتح لينا بوست بهذا الخصوص .. وخلونا نستفيد من الكم الكبير للعضوية لصالح المستفيدين من الجمعيات الخيرية وكمان لصالح الاعضاء وذلك عندما يقدم العضو هذه الرسوم بنية الصدقة وبالتالي نكون ضربنا عصافير كتيرة بحجر واحد . ( طبعا دا اذا لم يتم مناقشة هذه الفكرة هنا من قبل .. )
كونوا بخير

Post: #56
Title: Re: نفترض انه بكري ابوبكر مات
Author: Frankly
Date: 08-04-2010, 12:32 PM
Parent: #42

Quote: حسب الحسابات العمرية والفلكية
سيموت العضو كوستاوي قبل بكري ابوبكر
لذا فان هذا الافتراض غير وارد تماما .
هذا والله اعم .







Post: #57
Title: Re: نفترض انه بكري ابوبكر مات
Author: عمار يس النور
Date: 08-04-2010, 01:14 PM
Parent: #56

يا أخي الكريم كان من الممكن ان تستخدم حسن اللباقة في العتبير مثل ان تقول : ماذا يحدث للمنبر في حال غياب بكري ابو بكر لاي سبب.
أو من هذا النحو.
أما طريقتك التي عنونت بها البوست في عجيبة و غير كريمة و خاصة ان الريس بكري ابوبكر له اسرة و اهل قد لا يعجبهم مثل هذا الكلام.

نتمنى لك و للأخ بكري ابو بكر و للجميع طول العمر مع الصحة و العافية.

Post: #58
Title: Re: نفترض انه بكري ابوبكر مات
Author: معاذ الهادي
Date: 08-04-2010, 02:38 PM
Parent: #57


اتوقع السيناريو التالي بحياة بكري

- يعلن السيد بكري عن ضائقة مالية وديون ترتبت على الموقع ، وانه اعطى ومااستبق شيئا(والشغلانة دخلت في اللحم الحي).

- يعلن عن فتح باب التبرعات لانقاذ الموقع.

- يقوم السيد ودالصايم بالاحتجاج بحجة ان ماتم جمعه من تبرعات اكبر من الديون وان بكري وجه باقي التبرعات لاشياء اخرى

- يعلن ود الصايم انسحابه من الموقع ويتبعه الكثيرون(لما يتمتع به ودالصايم من قبول)

- بعد يومين تعلن لجنة الوساطة( عمر عثمان 0 خدر0 تمبس0 سجيمان) عن فشل الوساطة

- ودالصايم يعلن عن ميلاد موقع جديد يحمل اسم (سودانييز اون لاين) باضافة ياء اخرى

- ينقسم الاعضاء بين الموقعين.

- اغلب الاعضاء يحتفظوا بعضويتهم في القديم وينضموا للجديد في نفس الوقت

- بعد اسبوع يقوم السيد بكري بفصل كل الاعضاء الذين انضموا لودالصايم.

- بعد سنة من الحادثة......

يعلن السيد ودالصايم......

عن ضائقة مالية في الموقع الجديد......