|
لم أتداخل معك من قبل ...
|
الواحد تلقاهو بيقرا مداخلاتك ليهو تلاتة سنين ... ويفكّر فيها ويعيها وتؤثر على رأيه ...
تزنقو فى ركن ضيّق؛ يقول ليك:
"لم أتداخل معك من قبل" ...
يعنى أول مرة تشوف الإنترنت؟
انشالله الكيبورد عجبك ...
... المهم ....
|
|
|
|
|
|
|
|
Re: لم أتداخل معك من قبل ... (Re: خالد عبد الله محمود)
|
دي ثقافة كتابة خاصة تخرج من هذا البورد ده...وغيرها الكثير... زي "المهم" بتاعتك البنستخدمها بقوة عين نُحسد عليها!
وأظنها مثل هذه المقاربات موجودة في الصحافة الورقية بصور أخرى (راجع ميل الكُتّاب عامة لجعل خصمهم نكرة على سبيل المثال)... قريت عن ثقافة اللول كاتس دي قبل كدة؟ http://en.wikipedia.org/wiki/Lolcat مرقت من بورد المشاركة فيهو شرطها الأساسي أن تكون بلا هوية "Anonymous" وليس تبارك شيخ الدين وموش عارف مين!
أرفض أن تدلق حروف وإنشاء كتيرة هنا من دون تقديم فائدة معلومة للمتابعين...
المهم...
| |
|
|
|
|
|
|
Re: لم أتداخل معك من قبل ... (Re: AnwarKing)
|
تبارك العريس ..
Quote: الواحد تلقاهو بيقرا مداخلاتك ليهو تلاتة سنين ... ويفكّر فيها ويعيها وتؤثر على رأيه ...
تزنقو فى ركن ضيّق؛ يقول ليك:
"لم أتداخل معك من قبل" ...
يعنى أول مرة تشوف الإنترنت؟
انشالله الكيبورد عجبك ...
|
كتلتني بالضحك لأنو قبل خمسة أو أربعة سنين ما متأكد قي واحد إسمو مين كدا جامع .. الزول دا بس بشوفو حايم في بوستاتي .. وأنا اليوزر دا عندي فيهو شككك إنو بيستخدمو نفرين على الأقل .. مرة هبرتو ليك هبر السنين وبعد كم شهر جاني في بوست جديد لمن أديتو على راسو كتب لي ما معناهو : إنت عندك مشكلة شخصية معاي ولا شنو ؟ دي أول مرة إتداخل معاك ؟!
طوالي ما قصرت وقلت ليهو : أنا أسف رجع الباصويرد للزول داك خليني أصفي حسابي معاو وبعد داك شيلو منو تاني !!
لي يوم الليلة .. الزول دا أظنو لا رجع الباصويرد للزول داك ولا هو جا تاني إتداخل معاي ..!!
عليك الله لو بتعرفو أديو مس كول لأني لي هسي راجيهو ..!!
| |
|
|
|
|
|
|
Re: لم أتداخل معك من قبل ... (Re: اساسي)
|
المداخلة دى من باب التداخل (ولامؤاخذة)
بعدين فى بوستات كدا ... تتعاين لى العنوان ... تتداخل ... وتتخارج .... بدون أى فكرة ...
(تتعاين دى صاح بالمناسبة ... وردت فى معلقة "عمّك حسبو" ...)
... المهم ....
| |
|
|
|
|
|
|
Re: لم أتداخل معك من قبل ... (Re: عمران حسن صالح)
|
الأخ عمران حسن صالح ...
لم أتداخل معك من قبل ...
فأرجو مسح مداخلتك ... حتّى .... نحافظ على الإحترام بيننا ...
(زى "بتعاين لى مالك؟" بتاعة شكل الإبتدائى ديك!)
هو فضل فيها Terms and Conditions؟ بالله "حتّى" دى رايك فيها شنو؟ المرا شتمت الراجل قالت ليهو: يا أقبح من "حتّى" فى مواضع شتّى
.... المهم
| |
|
|
|
|
|
|
Re: لم أتداخل معك من قبل ... (Re: تبارك شيخ الدين جبريل)
|
تبارك
سلام
ما عارف أول زول قال الجمله دي منو ؟؟
لكن وأضح إنها بقت من أبجديات الكتابه هنا
وكأنه من الواجب أن يكون لك تداخل مع الشخص سابقاً
حتى تتمكن من الرد أو إبداء رأي في موضوع منشور هنا
ما دام الموضوع كده ما كان أحسن الموضوع يتكتب في الماسنجر ويجوا الأصحاب ولا الناس البتداخل مع بعض يكتبوا وباقي(غير المتداخلين) سابقاً يقعدوا فراجه
| |
|
|
|
|
|
|
Re: لم أتداخل معك من قبل ... (Re: فدياس نجم الدين)
|
تبارك ...سلامات ..
Quote: لم أتداخل معك من قبل ... |
هو الماعايز تداخل مايمشي يكتب في حيطة بيتم الداخلية ؟!!
Quote: (تتعاين دى صاح بالمناسبة ... وردت فى معلقة "عمّك حسبو" ...) |
طبعاً ياتبارك تتعاين دي في رطانتنا في الشرق معناها تتجنن ..يعني تعمل فيها مجنون ..
| |
|
|
|
|
|
|
Re: لم أتداخل معك من قبل ... (Re: ياسر بيناوي)
|
المهم من اجل التداخل وسد باب (اول مرة اداخل معاك)
متين بتتفال العبارة؟ سببها شنو..؟ فى نظرى التعبان دا غالباً بكون منع اشكال او هروب من نقاش لا يملك ادواته او زغبير من زنقة اكبر...
المهم وجودك ببوست كامل العدة والعتاد
| |
|
|
|
|
|
|
Re: لم أتداخل معك من قبل ... (Re: احمد الأمين على إدريس)
|
Quote: اها يازول دي اول مرة اداخل معاك فيها المافي شنو ....؟ |
ومركّب مكنة قيقراوى ليه؟ ما تدخل بى بطاقتك ... "المسغفاتى" ياسر بيناوى ... كسّار قلم مكميك ... والأقلام المجاورة ...
يا محمد الأمين ادريس عندنا ناس هنا ... قايلين البوستات دى الصحف المنشورة بتاعة يوم الفصل (إن يوم الفصل كان ميقاتا) يوم ينفخوا لينا الكيبورد دا ... البوست تهبشو ينفجر فى وشك بالحق الأبلج المبين طوالى ...
أها لمن تعصروا بين بتاع الراية وبيرق الكورنر بقوم بقول ليك:
لم أتداخل معك من قبل ...
فى مطالبة واضحة بحق تقرير مصير البوست والإنفصال به عن حوش بكرى ... نحن طبعاً كيزان مجاهدين درجة ككو ... وجننا وجن الخوارج ....
... المهم ...
| |
|
|
|
|
|
|
Re: لم أتداخل معك من قبل ... (Re: طارق جبريل)
|
ازيك يا تبارك اخو تماضر بالخارج ما في الاسافير طبعا العبارة دي انا مكيفاني كيف ما تتخيل منكم الاتنين ات وخيتك الحبيبة الحنينة
اها هسه كلمة تماضر القالتها تبارك يا اخواني ما اخوي في الاسافير ,, فرقها شنو من ما حصل اتداخلت معاك لووول تربيع
| |
|
|
|
|
|
|
Re: لم أتداخل معك من قبل ... (Re: سيف النصر محي الدين محمد أحمد)
|
و الله يا تبارك أسافير الله الواسعة دي فيها مشاكل. لا يمكن حسمها. زمان قبل التكنلوجيا و الانترنت كان الحل للمشاكل .. طالعني ... و أطالعك..و الناس البنبذو بدون "حسم عسكري" كان بنقول دي حركات مصريين هسع كل زول لابد ليهو ورا كيبورد... المفروض واحد من الشعب السوداني البطل يضيف إختراع للبشرية...مساهمة كده لله مننا في تطور البشرية... الاختراع (الفكرة حقتي) شاشة كمبيوتر فيها يد ماسكة بونيه.... تتحرك بحسب قوة بونية الشخص من الجهة الثانية.. و ممكن واحد يطور الاختراع يضيف لينا "روسيه". بكده يمكن حسم المشاكل إسفيريا... و نكون سودنا أسافير الله الواسعة
| |
|
|
|
|
|
|
Re: لم أتداخل معك من قبل ... (Re: Rawia)
|
Quote: ومركّب مكنة قيقراوى ليه؟ ما تدخل بى بطاقتك ... "المسغفاتى" ياسر بيناوى ... كسّار قلم مكميك ... والأقلام المجاورة ... |
بما انو وفي الاطار دا انا زي عايز اقول انو انا بفتكر وبعتقد وفي اعتقادي الخاص وبما انو
شفت كيف اها دي تاني مرة زي اتداخل معاك وكدة
وللا كيف ....؟
المهم
خالص الود ( قدر الضربة )
| |
|
|
|
|
|
|
Re: لم أتداخل معك من قبل ... (Re: ياسر بيناوي)
|
سيف النصر مين مين ...
أهى دى "راوية" جاتنى وجاملتنى فى بوستينى (بى مداخلة مسحوبة!) ...
بعدين فعلاً حوّجتنى لى كديسة "سجيمان" ... ياخى تسرق فكرتى بى أثر رجعى؟
كان مفروض تستأذن ... عشان اقول ليك: سورى ... انا حا اكتبا بعد تلاتة سنين!
... المهم ....
| |
|
|
|
|
|
|
Re: لم أتداخل معك من قبل ... (Re: عليش)
|
تبارك
انا لم أتداخل معك من قبل
لكن ....
فى خمسمية حاجة ... وتلفونك مافى
رسل البتاعات بسرعه مقداد بفتش ليك طالع الساعة 3 االبتاعة اتعملت والبتاع يوم حداشر
يا امتن ختهم فى الميل ...او قابل مقداد
بسرعة ....
أو رد على الماسينجر ياخى....
سليت روحنا ...
..
...
....
المهم ياهو ده ...تانى مافى شى مهم
| |
|
|
|
|
|
|
Re: لم أتداخل معك من قبل ... (Re: tahani abusin)
|
Quote: تبارك سلام رسل لتماضر قروشا بطل فضائح على الانترنت دى اخر مرة اتداخل فيها معاك |
من وين؟
والله يخربنى خراب سوبا ...
النبى فيك كان تحردى المداخلات (وانتى جاية جيبى لى معاك قريشات انحلّ بيها من الفضايح دى) ...
وانشالله ما آخر مداخلة ....
... المهم ....
| |
|
|
|
|
|
|
Re: لم أتداخل معك من قبل ... (Re: عبداللطيف حسن علي)
|
Quote: ما من انصار التداخل معاك ولا بقرا ليك |
وأما من أوتى هارديسكه من وراء ظهره ... فسوف يدعى هكورا ... ويمشى الخورا .... انه كان فى بوستاته مسرورا ... انه ظن أن (توجدُ صورة) ...
وكان سعيكم مشكورا ...
... المهم ....
| |
|
|
|
|
|
|
Re: لم أتداخل معك من قبل ... (Re: تبارك شيخ الدين جبريل)
|
Quote: وأما من أوتى هارديسكه من وراء ظهره ... فسوف يدعى هكورا ... ويمشى الخورا .... انه كان فى بوستاته مسرورا ... انه ظن أن (توجدُ صورة) ...
وكان سعيكم مشكورا ...
|
انك قد تظن الظنونا..اننا لم نجد علي عنوانك من صورة ..فكفي بك تهكما علي
البورداب الا عند الضرورة...ولا تحسب مداخلاتنا جادة انما تنفيس عن امراض الكورة..
| |
|
|
|
|
|
|
Re: لم أتداخل معك من قبل ... (Re: تبارك شيخ الدين جبريل)
|
اسماء الجنيد ...
Quote: زيك يا تبارك اخو تماضر بالخارج ما في الاسافير طبعا العبارة دي انا مكيفاني كيف ما تتخيل منكم الاتنين ات وخيتك الحبيبة الحنينة
اها هسه كلمة تماضر القالتها تبارك يا اخواني ما اخوي في الاسافير ,, فرقها شنو من ما حصل اتداخلت معاك لووول تربيع |
وصدقاً لى كلامك .... مش جات قالتا؟
... المهم ....
| |
|
|
|
|
|
|
Re: لم أتداخل معك من قبل ... (Re: Mohamed E. Seliaman)
|
لم اتداخل معك منذ الفضيحة المركّبة يا الحبشى ...
كان لقيت لى طريقة عمرة فى رمضان دا ما بقول لأ ... لاكين خلينى اقترح ليكم تضربوا الحجر الأسود برتقالى ولاّ بنفسجى ... احتفالاً ...
(تمبس ... الحركة دى لذيذة!)
... المهم ....
| |
|
|
|
|
|
|
Re: لم أتداخل معك من قبل ... (Re: مجاهد عيسى ادم)
|
تحايا ... اهي دي فرصةالواحد يتداخل معاك وما يضطر المره الجاية يقول المحظور.. وطالما انه مافي موضوع مهم..خلينا في المهم : فهي في الاصل كده
ولكنها وردت كدة
وايضا
ياربي ده يكون من شنو? *ياربي=ياتبارك
| |
|
|
|
|
|
|
Re: لم أتداخل معك من قبل ... (Re: osama fadlalla)
|
اسامة فضل الله ...
كلّهم صاح ... المهم .. طول الصنّة القبلية والبعدية (الرقابة البعدية دى كيف؟) _________________________ يا دول ...
Quote: ياتبارك
ياخي انتو مش زمااان كان اسمك ياهو زاتو؟
الاجابة على هذا السؤال هو شرط التداخل
المهم |
الإسم لا زال منشّط ولكننى لم استخدمه من قبل ... يستخدمه قصى همرور ابن أخى ... وقد ندرت مشاركاته مؤخراً ... فهو الآن رجل متزوج وما فاضى ...
...... المهم ....
| |
|
|
|
|
|
|
Re: لم أتداخل معك من قبل ... (Re: osama fadlalla)
|
تماضر ازييييييييييييييك رسل البتاعات دي ذكرتيني عشة بت فاطنة لوووووووووووووووووول مباااااااااااااااالغة يا حليلل عشة اي شىء تقول ليك بتاعة ياخ زيارتك دي موثقة فى الحنان الجوة بمداد من ريدة شديدة ولضيضة
والحاجات السمحة ما بتتكرر ضمة
بمناسبة البتاعات دي احكي لي موقف حصل لي مع الصدق شيخ الدين يا حليو الزول ده حنيييييييييييين شديد ايام عرسو من هلولة (هالة ) كنا فى البال وبكتب معاي قال لي سوما عرست و ماشي السودان اكمل حفلات العرس قلت لى منو قال لي فلانه ومن البلد الفلاني قمت اتشوبرت كتبت ليه هسه عليك الله يا الصادق لو مشيت لي عقابك فى القضارف و جبت ليك عروسة همرورابية علي وزن همرو جدكم الكبير مش كان احسن ليك من الخواجات وهلم جرا كلااااااااام كتير رصيتو ليه وتراه كان لااااااااابد لي في مقلب ووحاتك العروس قاااااااااااااعدة وتقرأ فى كلامي لووووووووووول خلاني تميت كلامي كلو وردحت ردحيني كتب لي سوما هالة زعلت منك !! لوووووووووووول خلاني اتضاير لي يوم الليلة يا بت امي لا عرفت اشاكلو لا عرفت اعتذر للبنية و لا عرفت اضحك في روحي اها لو كان بوست تبارك ده قبل كدة كان كتبت ليه دي اول وآخر مرة اتداخل معاك فيها يا الصادق لووول
شفت يا تبارك البقت فيني ؟؟ ما كان تبدر بالوست ده ياخ
| |
|
|
|
|
|
|
Re: لم أتداخل معك من قبل ... (Re: اسماء الجنيد)
|
سأضحك حتى نهاية العمر ......
الغريبة ما قروش
ويا اسماء الجنيد مالك دايرة تخلينى "اتداخل" فى بوستات تبارك ...
مع انه قصتك مع هلولة مبالغة ...
ووالله أنا امس القريبة دى كنت بتذكر فى ناس مسقط والايام الرهيبة القضيتها بين( رحبانيهم) بتاعة الاخوين رحبانى ديك ....
اشكر ليك شعورك الحلو ده و مداخلتك الحلوة
(تبارك انا لا أتداخل معك) معاها صرة وش .....كفى القلتو لى بشرى الفاضل ولى محسن خالد و ولى روزمين عارفهم فى عداد الاخوان الاشقاء ...ده غير الما شفتو
أوعك تقولى راى وراى آخر ...انا ما بتكلم عن النقاش ...بتكلم عن المساخة واللؤم
| |
|
|
|
|
|
|
Re: لم أتداخل معك من قبل ... (Re: اسماء الجنيد)
|
Quote: ووحاتك العروس قاااااااااااااعدة وتقرأ فى كلامي لووووووووووول خلاني تميت كلامي كلو وردحت ردحيني كتب لي سوما هالة زعلت منك !! لوووووووووووول خلاني اتضاير لي يوم الليلة يا بت امي لا عرفت اشاكلو لا عرفت اعتذر للبنية و لا عرفت اضحك في روحي اها لو كان بوست تبارك ده قبل كدة كان كتبت ليه دي اول وآخر مرة اتداخل معاك فيها يا الصادق لووول
شفت يا تبارك البقت فيني ؟؟ ما كان تبدر بالوست ده ياخ |
الخواجية بترص عربى اخير من محسن خالد ...
لاكن ام زينة بتتفوق على محسن خالد بى انو بتفهم ... (يعنى ما الدكتوراة فى اللغة بس) ... فما بتكون زعلت زلعة جادة ...
عشان كدا المثل بيقول ليك "الكيبورد الما جسّوهو، تداخلو ما حسّوهو" ...
فى مثل تا نى عنصرى انا ما بحب استعملو ... بيقول ليك "كيبورد ملاسى ولا كيبورديك" ... على وزن "التسوى بى ايدك يغلب اجاويدك" ...
... المهم ....
| |
|
|
|
|
|
|
Re: لم أتداخل معك من قبل ... (Re: المكاشفي الخضر الطاهر)
|
Quote: بتكلم عن المساخة واللؤم |
المديدة حرقتني لووول انا ما عندي شغلة بالمداخلة اعلاه لكن عجبتني الصراحة كتبت ليك فى المسنجر حلف براس ابوه ما يجيك دايرة اقول ليك نفس كلام تماضر ده هسه فتتو ليك في السهلة اللهم لا شماتة والله ونسة وقهوة سااااااااي لوول
طبعا يا تبارك انا عرفت انه هلولة ما بتكون زعلت جد لكن انا الخجلت جد جد بيني وبينك
يا جماعة انتو الوافر ضراعو وين واخباروا شنو والله شووووووووووق كده فات الحد انت يا تبارك محنة الوافر ضراعو دي ما تشيل منها شويييييييييية بس لامن تجي البورض علي قولك
| |
|
|
|
|
|
|
Re: لم أتداخل معك من قبل ... (Re: محمد عبد الماجد الصايم)
|
Quote: المديدة حرقتني لووول انا ما عندي شغلة بالمداخلة اعلاه لكن عجبتني الصراحة كتبت ليك فى المسنجر حلف براس ابوه ما يجيك دايرة اقول ليك نفس كلام تماضر ده هسه فتتو ليك في السهلة اللهم لا شماتة والله ونسة وقهوة سااااااااي لوول |
بى نفس المستوى يا أسما ... انا لو وصفت شعر روزمين بى انو مركّب تراكيب فطيرة .. بكون فتّيتو ليها فى السهلة (اللهم لا شماتة) ... بس بتكون دى حاجة عادية فى منبر حوار عام بدون ما تدخل العلاقات الشخصية والصداقات والعشرة والمحاباة فى الراى والإنصاف (زى ما عملت معاى تماضر هنا) هى لأنها شافت الآراء ناشفة وما فيها الجانب الشخصى (حنّية الوافر القلتيها) شافتا أكتر من انها منصفة انها لئيمة.
ممكن اتفق مع البيقول لى انو فى عنف لفظى ... لأنى احياناً بقصد ازيد من قوة الألفاظ - طبعاً بدون ما اسىء لى زول - لأغراض ممكن الحكم عليها بالسياق ... وقد اخطئ التقدير وازيد العيار حبّتين لو الكلام دخلت فيهو انفعالاتى الشخصية (ودى نادرة ... لأنى غالباً بكتب فى سودانيز وانا فى حالة اكتئاب بارد وعدم مزاج للكتابة نفسها) مافى زول منزه عن الخطأ ... لاكين اعتبار آرائى بأنها (لؤم ومساخة) فلا اعتقد ان ذلك صحيح ...
الداير يميز بين قوة الألفاظ غير المسيئة وبين العنف اللفظى الإنفعالى المتلفّح باللؤم والمساخة .... يمشى يقرا تطوّر الحوار بينى وبين محسن خالد فى الصفحة التانية من بوست (الناقد المبدع) ... والله الزول دا لو جنبى، اتّهمو بى Chronic Maniac Depression واخمّو امشى بيهو لى دكتور نفسانى عشان اتأكد ... لأنو احتمال تكون حالتو مصحوبة بى إدمان الكحولى أو مشكلة مشابهة ... ودى الزول ممكن يشوفا من وراء السطور ويعلّق عليها فى كلام عن اللؤم والمساخة والعنف اللفظى - وانشالله يمر على البوست دا ويقرا الراى دا - لاكين ما بتجى سانحة فى سياق حوار مع محسن خالد تخلّينى اقول ليهو "يا زول امشى اكشف عند طبيب نفسانى" بدون ما هو ياخد التعليق دا على انو شتيمة .... فبالله الناس القاعدين فى لندن يحاولوا يشوفوا المسألة دى من قريب بى اهتمام وجدّية ... لأنو بيعلن عن ضعف فى صحّتو النفسية بصورة مثيرة للقلق ... فدعونا نبدأ بأن نعلن ملاحظتنا هذه ...
انا ممكن اكون مسيخ (بى معايير دون الرباطابية بفرسخ أو اتنين ... وهى معايير تنصبّ فى سرعة البديهة والمهارة اللغوية والحس الساخر أكثر من المساخة) لاكين ما عندى دوافع لؤم بتاتاً ... عشان كدا قاعد اشوف الدروع والخنادق البيحفروها الناس فى بوستاتهم وبوستات غيرهم لتجنّب اللؤم أو لستر لؤمهم وضعف حججهم ... مسافر ... عيّان ... عندى مؤتمر ... عندى امتحانات ....ماشّى الحرم ... وأكثرها سذاجةً هى محاولة حسم الحوار بـ:
لم أتداخل معك من قبل ...
... المهم ....
| |
|
|
|
|
|
|
Re: لم أتداخل معك من قبل ... (Re: تبارك شيخ الدين جبريل)
|
Quote: ... لأنى غالباً بكتب فى سودانيز وانا فى حالة اكتئاب بارد وعدم مزاج للكتابة نفسها) مافى زول منزه عن الخطأ ... لاكين اعتبار آرائى بأنها (لؤم ومساخة) فلا اعتقد ان ذلك صحيح ... |
لفترة طويلة كنت بفتكر انك بتكتب مصطووووول... كويس انو بقي حالة اكتئاب ما مهم ان كان بارد ام سخن...
Quote: ... لاكين اعتبار آرائى بأنها (لؤم ومساخة) فلا اعتقد ان ذلك صحيح ... |
حقيقة هي لا لؤم لا مساخة، هي سفاهة واستقلال واحد له اخوة واخوات لهم وزنهم الاجتماعي واسرة قدمت الكثير للابداع والفن السوداني... المهم... الزول دا لقي نفسو اخوهم وما صدق وقع في الناس سفاهة في شكل مساخة ولؤم.. وعرف انو الناس حتمشي ليهو لانو اخو فلان وعلان. واغلبهم بمشو احتراما لاخوتة ولست له. ما جعله يشعر بالاهمية المن ورق.. وصار اسمه في ما بعد ...المهم... شيخ الدين. . . بالمناسبة لو ما قلت ادبك البتعمل فيها هنا دي ما كنت عرفت انك اخو المبدعة تماضر.. شفت كيف؟
| |
|
|
|
|
|
|
Re: لم أتداخل معك من قبل ... (Re: rani)
|
Quote: حقيقة هي لا لؤم لا مساخة، هي سفاهة واستقلال واحد له اخوة واخوات لهم وزنهم الاجتماعي واسرة قدمت الكثير للابداع والفن السوداني... المهم... الزول دا لقي نفسو اخوهم وما صدق وقع في الناس سفاهة في شكل مساخة ولؤم.. وعرف انو الناس حتمشي ليهو لانو اخو فلان وعلان. واغلبهم بمشو احتراما لاخوتة ولست له. ما جعله يشعر بالاهمية المن ورق.. وصار اسمه في ما بعد ...المهم... شيخ الدين. . . بالمناسبة لو ما قلت ادبك البتعمل فيها هنا دي ما كنت عرفت انك اخو المبدعة تماضر.. شفت كيف؟ |
أحيلك لى بوست ملاّسى الأول (محنة تبارك) ... والمثل بيقول:
أرجى سفيه ما ترجى عاطل ...
وشكراً على ملاحظة الإستقلال ... (انت طبعاً قاصد "استغلال" لاكين طلعت صاح بالغلط)
... والله التداخل معاك مخيف وممتع فى نفس الوكت يا رامى ....
... المهم ....
| |
|
|
|
|
|
|
Re: لم أتداخل معك من قبل ... (Re: فدياس نجم الدين)
|
Quote: أحيلك لى بوست ملاّسى الأول (محنة تبارك) ... والمثل بيقول:
أرجى سفيه ما ترجى عاطل ...
وشكراً على ملاحظة الإستقلال ... (انت طبعاً قاصد "استغلال" لاكين طلعت صاح بالغلط)
... والله التداخل معاك مخيف وممتع فى نفس الوكت يا رامى ....
... المهم .... |
دي والله ورطة، كما يقول عثمان البشري. . .
Quote: ... والله التداخل معاك مخيف وممتع فى نفس الوكت يا رامى .... |
(انت طبعاً قاصد "راني" لاكين طلعت صاح بالغلط) . . . علي اي حال شكراً
| |
|
|
|
|
|
|
Re: لم أتداخل معك من قبل ... (Re: rani)
|
Quote: الإسم لا زال منشّط ولكننى لم استخدمه من قبل ... يستخدمه قصى همرور ابن أخى ... وقد ندرت مشاركاته مؤخراً ... فهو الآن رجل متزوج وما فاضى |
خليهو يعتبر النت المرأة التانية... خليهو يدبل... ما هو كل العالم الحايمة بجاي مدبلة....سمعت بزول هنا مشي أشتكي من ال polygamy
| |
|
|
|
|
|
|
Re: لم أتداخل معك من قبل ... (Re: rani)
|
يا رانى ... أو رامى ... (اللخبتة فى الراس ما فى الكيبورد)
Quote: (انت طبعاً قاصد "الوقت" لاكين دي برضو طلعت معاك صاح بالغلط) خليناها رامي البدل راني. "الميم" و"النون" في كيبورد السجم الرماد دا جنهم يتحككو ويتلصقو جنب "جمب" "جوار" بعض، لكن الجابك شنو ياكاف الكول الجد جد، الما بلغة الرطانة، لي قين " البرسيم"... بالمناسبة "الكاف" و ";" و "القين" و " R" في الكيبورد وضعهم ذي مسافة اشتها الغرقان شهيق او كما قالها عاطف خيري. |
الوكت ياهو الوكت ... والكاف ياها كاف ... دا حسب ما الزول بينطقهم بالعامّية ...
انا بكتب بالعامّى وبالفصحى ... اللغة الفيها حرف "القين" دى لا بعرفا نطقاً ولا كتابةً ... عندنا فى العربى حروف "الغين" و "القاف" و "الكاف" ...
"القين" و "الكاك" ديل تمشى تتداخل بيهم مع ود الصايم _____________________________________
دا منو دا الداير يفتننا مع قصى همرور دا؟ لم أتداخل معك من قبل يا حبيب ...
... المهم ....
| |
|
|
|
|
|
|
Re: لم أتداخل معك من قبل ... (Re: تبارك شيخ الدين جبريل)
|
محمد الطيب يوسف ...
الوحيد فى هذه الشلّة الذى لم أتداخل معه من قبل .... (مركّب مكنة تاج السر الملك)
أولاً انا وسجيمان كديستنا واحدة (هى فى الحقيقة كديسة سجيمان - الواحد بقى قلبو خفيف - وانا بحاول اتديّنا منّو عشان افسّحا فى بوستاتى، لاكين بلقاها مشغولة!)
نداء إلى "برّة العرّة" ...
انشالله الكيبورد عجبِك؟
(والله يا طارق ابوعبيدة ... السربعة قِسَم!)
... المهم ....
| |
|
|
|
|
|
|
|