Post: #1
Title: الروائى والشاعر والباحث الدكتور أبكر آدم اسماعيل في طريقه الى الدوحة
Author: بدر الدين الأمير
Date: 08-02-2010, 02:36 PM
Parent: #0
يصل الدوحة يوم 8/8/2010
الاخ والصديق العزيز الروائى والشاعر والباحث
في قضايا المهمشين الدكتور ابكر ادم اسماعيل
في طريقه الى كندا
|
Post: #2
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: بدر الدين الأمير
Date: 08-02-2010, 02:40 PM
Parent: #1
اهلا بدكتور ابكر في الدوحة
وهو حريص جدا على ان يلتقى بالجميع في دوجة الجميع
|
Post: #3
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: Bushra Elfadil
Date: 08-02-2010, 02:44 PM
Parent: #1
بلّغ تحياتي يا بدر الدين للأخ أبكر ولا تنس أن تسجل لنا هواتفه وعنوانه الإلكتروني مع أمنياتي له بحياة سعيدة في كندا.
|
Post: #4
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: بدر الدين الأمير
Date: 08-02-2010, 03:03 PM
Parent: #3
| Quote: بلّغ تحياتي يا بدر الدين للأخ أبكر ولا تنس أن تسجل لنا هواتفه وعنوانه الإلكتروني مع أمنياتي له بحياة سعيدة في كندا. |
اهلا بصاحب البت التى طارت عصافيرها اهلا بصاحب اغنية حلوة عينيك زى صحابى
اهلا بصاحب ازرق اليمامة وغيرها من الروائع
صديقى دكتور بشرى سوف نهاتفك حين وصول ابكر
كن بخير وتحياتى للخاتم
|
Post: #5
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: محمد فضل الله المكى
Date: 08-02-2010, 08:53 PM
Parent: #4
يا هلا ومرحبا بالأديب الأريب الدكتور أبكر
آدم اسماعيل ونحن في إنتظار أن نستمع
لكلماته التي تنسابُ شهداً مُصفّى, نثراً كانت
أم شعرا.
والتقدير لك بدر
|
Post: #6
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: بدر الدين الأمير
Date: 08-03-2010, 05:12 AM
Parent: #5
Quote: يا هلا ومرحبا بالأديب الأريب الدكتور أبكر
آدم اسماعيل ونحن في إنتظار أن نستمع
لكلماته التي تنسابُ شهداً مُصفّى, نثراً كانت
أم شعرا.
|
اهلا ابوطارق
ومعك نرحب بصاحب الطريق الى المدن المستحيلة
|
Post: #7
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: محمد عبدالرحمن
Date: 08-03-2010, 07:06 AM
Parent: #6
الدرس الأول: التاريخ
المهدى نخاسٌ شهير
"شوله"
عبداللطيف: لم يكن في مسرح الوطن الجميل،
بل كان منهمكاً يخطط لانقلاب عسكريٍ..
كي يعيد إلى أميّةَ أصلها القرشى والنسب النبيل.
عبدالفضيل:
كان نشالاً ولصا موغلا في الاحتراف
"نقطة، سطر جديد"
الخليل:
كان يسكن فيّلا،
ويبيع أغنية تزيف طعم البلاد،
ويقاسم السلطان قعدته الخليعة، واحتمالٌ أن يكون مجنداً في الأمن..
احتمال!!
ومهيرة:
بائعة المريسة،
أول سلطة للغيب تمتهن الغناء المستغيث دعارةً،
وتمارس التعريص في الليل البهيم،
ونكون أولاد الحرام!
طوبى لنا!
فالله في هذي المدينة ضابطٌ في الجيش،
وبطانة الشعراء من جنس الطحالب والكلاب
ولا تثق بالجامعة
واللافتات اللامعة
والوزن والشعر المقفي والصدور القانعة
إرفق بنفسك من غباء اليافعين
ومن تفاصيل التدحرج للوراء،
إن الوراء مقسمٌ بين القيامةِ والعدم،
بين الترقب والذهول..
والليلُ أوغل حين طال لكي يطول.
الدرس الثاني: السلطان
بأي أشكال العبارة انتهينا سيدي،
تجد انبهارك في الخضوع..
لك القيام
لك الجلوس
لك التهجد والصيام.
لك الفطور
لك الغداء.. لك العشاءُ وما تبقى من فتات
وكل ما فينا من التبجيل ..
ما يوازي خوفنا الأبدي منك.
تربَتْ يداك..
تربت يداك..
أنا صبيّ،
أعشق الكتب الأناقة والجلوس على الرصيف.
وتجاوز الوجع المعلب في الجرائدِ، كلهم مثلى:
يحبون التغاضي عن إجابات التساؤل في عيون الشارع المسكون بالحمى
ورائحة العرق.
تربت يداك بجهلهن، بجهلنا، بطفيلة هيفاء تنضح بالندى
بشقائق النعمان ترفل، أو تبدل حليها تبعاً لمرسوم النهار وتنجلي في الليل،
تربت يداك بزندها والمعصمِ.
فأرسم لنا
خطاً رقيقاً، أو صراطاً نحو أفقك!
كي نجيئك عابرين دماءنا
والبحر فليكن الصديد
والجرحُ أغنيةٌ تجددُ في فضاء الذاكرة،
طوبى "لسِّت الشاي"
طوبى لها والموت لي
فأموت منقسماً إلى شيئين:
حنجرتي الصياح، وللولادة في فصول الجنس آلية جديدة.
ليس لي أدنى احتفاء بالرحيل مع انتظارك، فلتكن.
في الأفق.. أو عندي..
ورائي..
ليس لي وجعٌ لأسألك المضامد والدواء،
ليس لي قلبٌ ليدخله الشجن
ليس لي إلا أنا،
وأنا المسافرُ في غدٍ من برزخٍ
وإن غداً حتماً لناظره قريب.
الخرطوم (2)
كان الصباح بهياً كوجه "سلمى"
في أول ساعةٍ تُصبُر فيها شمس أفريقيا..
وأنا..
حذائي مثقلٌ بالطين وال######، الشوارع والهروب..
لغتي حوار بالبنادق في زوايا العهر في زمن عجيب..
في تقاسيمي سرابٌ داخليٌ.. مُضغةٌ من انبهار رابضٍ خلف الجدار
وغارقٍ في شبر ماء..
وأكون طاحون الهواء،
ومهبطاً للحابلين، النابلين،
مركّباً من خصلتين تدلتا فوق الجبين،
مرارة الرقص المداري المحاصر بالتصحر،
واستراتيجيا الصراع.
وأدور في فلك الجهات الأربع.
أحتاجُني وطنا جديداً أو إلهاً عادلاً
بين الرصيف وبين هاتيك السماء-
أو سمِّها ذات البروج.
وأريد وجهاً أخراً
لحبيبةٍ تجتاز بي
نهر الضبابات المتاخم للخروج..
أكونها بالحب أول خارجٍ من حبل مشنقة العصور الغاربة.
لأدوزن الوجع المخبأ في غضون الأزمنة، لوناً لعشقٍ غامقٍ..
متشردٍ في ليل أوعية القرون..
أو لا أكون
مرحب بصاحب المدينة المستحيلة..مرحب بصوت الوتر السادس ..
الف مرحب دكتورابكر ادم اسماعيل ..حللت اهلا ونزلت سهلا ..
نسمه فى صيف الخليج الحارق ...حبابك ...
|
Post: #8
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: محمد علي شقدي
Date: 08-03-2010, 07:19 AM
Parent: #7
الاستاذ بدرالدين تحياتي
لكـ كل الشكر ولصديقك وحبينا جومو كل الود والتقدير
د.ابكر ادم اسماعيل انسانيه تفوق ابداع ما يكتب حفظه الله اينما رحل
|
Post: #9
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: بدر الدين الأمير
Date: 08-03-2010, 10:25 AM
Parent: #8
| Quote: د.ابكر ادم اسماعيل انسانيه تفوق ابداع ما يكتب حفظه الله اينما رحل |
حاب ودشقدى وحباب ابكر
|
Post: #10
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: بدر الدين الأمير
Date: 08-04-2010, 01:14 AM
Parent: #9
Quote: الدرس الأول: التاريخ
المهدى نخاسٌ شهير
"شوله"
عبداللطيف: لم يكن في مسرح الوطن الجميل،
بل كان منهمكاً يخطط لانقلاب عسكريٍ..
كي يعيد إلى أميّةَ أصلها القرشى والنسب النبيل.
عبدالفضيل:
كان نشالاً ولصا موغلا في الاحتراف
"نقطة، سطر جديد"
الخليل:
كان يسكن فيّلا،
ويبيع أغنية تزيف طعم البلاد،
ويقاسم السلطان قعدته الخليعة، واحتمالٌ أن يكون مجنداً في الأمن..
احتمال!!
ومهيرة:
بائعة المريسة،
أول سلطة للغيب تمتهن الغناء المستغيث دعارةً،
وتمارس التعريص في الليل البهيم،
ونكون أولاد الحرام!
طوبى لنا!
فالله في هذي المدينة ضابطٌ في الجيش،
وبطانة الشعراء من جنس الطحالب والكلاب
ولا تثق بالجامعة
واللافتات اللامعة
والوزن والشعر المقفي والصدور القانعة
إرفق بنفسك من غباء اليافعين
ومن تفاصيل التدحرج للوراء،
إن الوراء مقسمٌ بين القيامةِ والعدم،
بين الترقب والذهول..
والليلُ أوغل حين طال لكي يطول.
الدرس الثاني: السلطان
بأي أشكال العبارة انتهينا سيدي،
تجد انبهارك في الخضوع..
لك القيام
لك الجلوس
لك التهجد والصيام.
لك الفطور
لك الغداء.. لك العشاءُ وما تبقى من فتات
وكل ما فينا من التبجيل ..
ما يوازي خوفنا الأبدي منك.
تربَتْ يداك..
تربت يداك..
أنا صبيّ،
أعشق الكتب الأناقة والجلوس على الرصيف.
وتجاوز الوجع المعلب في الجرائدِ، كلهم مثلى:
يحبون التغاضي عن إجابات التساؤل في عيون الشارع المسكون بالحمى
ورائحة العرق.
تربت يداك بجهلهن، بجهلنا، بطفيلة هيفاء تنضح بالندى
بشقائق النعمان ترفل، أو تبدل حليها تبعاً لمرسوم النهار وتنجلي في الليل،
تربت يداك بزندها والمعصمِ.
فأرسم لنا
خطاً رقيقاً، أو صراطاً نحو أفقك!
كي نجيئك عابرين دماءنا
والبحر فليكن الصديد
والجرحُ أغنيةٌ تجددُ في فضاء الذاكرة،
طوبى "لسِّت الشاي"
طوبى لها والموت لي
فأموت منقسماً إلى شيئين:
حنجرتي الصياح، وللولادة في فصول الجنس آلية جديدة.
ليس لي أدنى احتفاء بالرحيل مع انتظارك، فلتكن.
في الأفق.. أو عندي..
ورائي..
ليس لي وجعٌ لأسألك المضامد والدواء،
ليس لي قلبٌ ليدخله الشجن
ليس لي إلا أنا،
وأنا المسافرُ في غدٍ من برزخٍ
وإن غداً حتماً لناظره قريب.
الخرطوم (2)
كان الصباح بهياً كوجه "سلمى"
في أول ساعةٍ تُصبُر فيها شمس أفريقيا..
وأنا..
حذائي مثقلٌ بالطين وال######، الشوارع والهروب..
لغتي حوار بالبنادق في زوايا العهر في زمن عجيب..
في تقاسيمي سرابٌ داخليٌ.. مُضغةٌ من انبهار رابضٍ خلف الجدار
وغارقٍ في شبر ماء..
وأكون طاحون الهواء،
ومهبطاً للحابلين، النابلين،
مركّباً من خصلتين تدلتا فوق الجبين،
مرارة الرقص المداري المحاصر بالتصحر،
واستراتيجيا الصراع.
وأدور في فلك الجهات الأربع.
أحتاجُني وطنا جديداً أو إلهاً عادلاً
بين الرصيف وبين هاتيك السماء-
أو سمِّها ذات البروج.
وأريد وجهاً أخراً
لحبيبةٍ تجتاز بي
نهر الضبابات المتاخم للخروج..
أكونها بالحب أول خارجٍ من حبل مشنقة العصور الغاربة.
لأدوزن الوجع المخبأ في غضون الأزمنة، لوناً لعشقٍ غامقٍ..
متشردٍ في ليل أوعية القرون..
أو لا أكون |
|
Post: #11
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: بدر الدين الأمير
Date: 08-08-2010, 03:17 PM
Parent: #10
وصل قبل قليل ضيف الدوحة العزيز
الروائى والشاعر والباحد دكتور ابكر ادم اسماعيل
|
Post: #12
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: احمد الامين احمد
Date: 08-08-2010, 05:00 PM
Parent: #11
|
Post: #13
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: rani
Date: 08-08-2010, 08:38 PM
Parent: #12
سلم لينا عليهو عليك الله... الصديق من ورق دا.
|
Post: #14
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: بدر الدين الأمير
Date: 08-09-2010, 01:07 AM
Parent: #12
Quote: هدية الى الروائى أبكر أدم إسماعيل
|
احمد الامين ياهادى ركب المعرفة
ليتك كنت معنا الليلة لنطوف معا
مع ابن جبال النوبة في عوالم تحليل
المعرفة على واقعنا الكم هو محزن ومخزى
ابكر لايستطيع الدخول لسودانيزانلاين لانه
فقد جواز المرور لهذا الموقع وفي رجاء
ان يرسل له بكرى بوبكر جواز دخول جديد
لكن بالجد سهرتنا الليلة وبحضور الشفيع الجزولى
ومحمد سليمان وحمزه بلول كانت فاقداك وناقصاك
|
Post: #15
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: بدر الدين الأمير
Date: 08-09-2010, 12:28 PM
Parent: #14
| Quote: سلم لينا عليهو عليك الله... الصديق من ورق دا. |
رانى
ابكر آدم اسماعيل
يالعمق هذا الفتى الابنوسى
آخر مرة التقيته كان عام 1991م ووقتها كان على ابواب التخرج من كلية طب الاسنان
بجامعة الخرطوم وقضيت معظم اجازتى برفقته وبالامس التقيته بعد طول غياب وياله من
لقاء ويالها من ذكريات
|
Post: #16
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: rani
Date: 08-10-2010, 09:43 AM
Parent: #15
Quote: رانى
ابكر آدم اسماعيل
يالعمق هذا الفتى الابنوسى
آخر مرة التقيته كان عام 1991م ووقتها كان على ابواب التخرج من كلية طب الاسنان
بجامعة الخرطوم وقضيت معظم اجازتى برفقته وبالامس التقيته بعد طول غياب وياله من
لقاء ويالها من ذكريات |
Quote:
يالعمق هذا الفتى الابنوسى
|
يا لعمق حرفك وتجرده!!
.
.
هل يوجد مطلق ياود الامير؟
مدي اتساع الكون تمددو جواي: مصطفي ود سيد احمد، خالد مونيكا، نعيم علي ، الصادق الرضي، عثمان البشري، كمال علي الزين، عاطف خيري، محمد النور كبر، حميد، طفل مديدة الدخن المعتقة والكول... ابكر ادم اسماعيل...
في لحظة تجلي كنت امتع بيها نفسي الطايشة.. بمزارع الفكي هاشم سجلت تسجيل " لي". ربما لا يسعد ابكر او بعض محبيه، لكن ذي ما قلت كان تسجيل خاص. في جلسة خاصة، ويااااااا... عندما يصبح الخاص عام.
كنت اعلم لحظتها انهم سيرفضون حضوري قصدي " اصدقاء البئة" ان كنت ضيفاً عندهم.. احمد ربي الذي لا حوجني لهم و وفر لي ما قدر من خمر بلدي لاستمتع به في تلك المزارع الجميلة باطراف بحري في العام 2009
كنت اشتاق لهذا الصديق " بشدة" كما قال الصادق الرضي في البوست داااااااااااك. اتصلت بيه " الوووو ابكر .. كيفنك .. كيفنك راني.. وينك ياحبيب انا هنا، كنت في الخرطوم قبل يومين.. اسمع اقول ليك حاجة يا راني
اركب تعال لي هنا، انا في الدنلج.. تمام انا بكون معاك بكرة يا ابكر.
وفعلاً مشيت تان يوم لموقف البصات الجديد، في اخر الصحافة وركبت بص متجه للابيض، تعبت لحظتها ومرضت حد الموت ، الام شديدة اصابت حنايائي.. اتهمها البعض لمياه الابيض " الما.. ياها"
لم اعد قادر لمواصلة المسير ورجعت بعد ستة ساعات من موكوثي بمدينة الابيض الي الخرطوم، وفي الخرطوم برضو ضاق بي المفام، فقررت العودة لكندا في اليوم التالي. وكان ذلك.
رجعت من الخرطوم مرورا بالدوحة وكنت واعد كمال علي الزين باللقاء، لكن صدقني كنت عيان شديد وما قدرت، قضيت عشرة ساعات في مطار الدوحة وبعدها واصلت للندن، لينتهي بي المقام بكندا..
.
.
.
حصل اتمنيت انك تموت برة بلدك؟؟؟؟؟؟؟؟؟؟؟
شفتني كنت ساذج كيف؟
.
.
المهم ما اتقابلنا.. ولكن كنا نتقابل عبر الحرف .. يوماتي، كان يوزع لنا ابكر ما تبقي من فتات عصيدة الدخن المدنكلة و الكول السوتها ليهو امه وابا يدينا منها لمن كانت "فرش" ، غناء حبوبة، كنت التقيه عبر حرفه المتفرد وسيزيف الذي كان يدحرج الصخرة، الطريق الي المدن المستحيلة، الضفة الاخري، وما تبقي من صوت الوتر السادس.
.
.
يا بدر الدين الامير.. وحاتك..
الدين حجر دا... ما طبيعي.. تعال ما نحبو كتير، عشان يكتب لينا اكتر.
.
.
ابكر اقول ليك حاجة؟
راجيك تموت ذي ما ناس كتيرة جداً راجياك... عشان نكتب عنك كتير ونقول، كان،،، وكان،،، وكان... مش نحن سودانين؟
ودايماً لا يعلنون السودانين حبهم... لمن يحبون الا بعد موتهم؟
.
.
.
اسمع يا ابكر حتموت متين؟ ذي عميري، مصطفي، خالد عشان نشوف بكي اصدقاءك.. وتسويد البورد وبعض من زيففففففف؟
.
.
.
صدقوني ما داير منكم قول.
واكتفي....
.
.
راني السماني
الاسطورة
|
Post: #17
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: بدر الدين الأمير
Date: 08-10-2010, 12:50 PM
Parent: #16
Quote: ابكر اقول ليك حاجة؟
راجيك تموت ذي ما ناس كتيرة جداً راجياك... عشان نكتب عنك كتير ونقول، كان،،، وكان،،، وكان... مش نحن سودانين؟
ودايماً لا يعلنون السودانين حبهم... لمن يحبون الا بعد موتهم؟
|
رانى
الكلام لحمود درويش
انا لااخاف الموت
إن كنت لن يكون
وإن كان لن اكون
|
Post: #18
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: rani
Date: 09-09-2010, 06:21 AM
Parent: #17
اعملم ياعزيزي ود الامير...
ان الموت لا يرعب هذا الشاب الابنوسي...
يامان دا زول خلاها البلد دي كلها ومشي قعد في خطوط الموت الحمراء بغرب السودان.. هل دي حالة زول خايفلو من موووت؟
.
.
علمت انك استغربت من كلامي الفوقاني دا...
وفسر من جانبكم " باني اتمني الموت لصديقي"
ما عارف اقول ليك شنو غير انو " هل انت فهمت نحن قاعدين نكتب لبعض شنو" قصدي انا وابكر؟
.
.
علي اي حال اعدك اني ساعود... لهذا البوست.
ولا يفتني ان ابلغك تحيات الصديق ابكر وهو حالياً جالس معي هنا في "Grande Prairie" من امس.. وقال ليك حيكون معاكم يوم 23..
|
Post: #19
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: بدر الدين الأمير
Date: 09-09-2010, 09:16 AM
Parent: #18
| Quote: ولا يفتني ان ابلغك تحيات الصديق ابكر وهو حالياً جالس معي هنا في "Grande Prairie" من امس.. وقال ليك حيكون معاكم يوم 23.. |
رانى
تحياتى وعيد سعيد
ياخى الموت دا فكرة بايخة جدا يعنى الواحد بعد كل هذه
الحيوية يتحول الى لاشىء كلن صاحبك دا حايكتلناويضحك
كثيرا مع ذكرياتنا حين تمر الذكرى الاولى لرحيلنا...
تحياتى لابكر وفي رجاء عودته للدوحة
|
Post: #20
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: بدر الدين الأمير
Date: 09-21-2010, 04:06 PM
Parent: #19
يصل الى الدوحة غدا في زيارته الثانية لها
الصديق الروائى والباحث دكتور ابكر ادم اسماعيل
وسوف يقضى معنا ثلاثة ايام اهلا بابكر مرة تانية
في الدوحة
|
Post: #21
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: أبكر آدم إسماعيل
Date: 09-23-2010, 05:40 AM
Parent: #20
وقعدت بيك
في العتمة
كان ضُلك طعم ليل المساجين
لقيتك لا تحت لا فوق
ونمت
ليس نوما مثلا يبدو
ولكني
نسفت مساحة الوعي القديم
وارتضيت بك الرسالة
عثمان البشرى
يا أصدقائي
وبعد غيبة طويلة
رجعت ليلة الأمس إلى الدوحة
يعني مشينا لي بلاد الله الوسيعة وجينا
سلامات يا
بشرى الفاضل
سلامات يا زول
ولتكن الأيام عندكم جميلة
وكان الله هون، نلقاكم بيغادي
محمد فضل الله المكى
محمد
يا هلا بيك كمان
بعد زمانات البلد الطويلة
آهو الزول يمشي ويجي
ويقول "السلام عليكم"
محمد عبدالرحمن
ومحمد التاني
الذي في بلاد "الغربة"
الرب أعطى ومشينا
الرب أخذ وجينا
والبلد ياهاالبلد
ورجعنا
ويا ريت الهلال يفوز عشان ناس زاهز ما يموتوا ساي
محمد علي شقدي
ويا شقدي
الذي هو محمد الثاني
شكرا يا زول
وليحفظك الله من شرور الغربات = دي جمع غربة ـ إذا سمحوا لينا ناس اللغة وكدة.
احمد الامين احمد
ياأحمد
مالك يازول!!
جيناك مع بدر الدين وما لقيناك
وتاني جيين ليك... الليلة أو بكرة
أنابكتب ليك من الدوحة.... أيوة... الدوحة زاتا
راني السماني
أها يا راني يا "حاسد"
أنا هسي دي في الدوحة
وكمان درجة الحرارة 37 مئوية
موتوا ببردكم
بعدين إنت منتظرني اموت ليك عشان تعمل احتفالات!
يا زول أنا غايتو ما بموت قبلك.... ما تفرح ساي.
المهم يا شباب
أنا هسي في الدوحة
وبمشيئته تعالى سـ أكون في الخرطوم الأسبوع القادم
أبكر آدم إسماعيل
|
Post: #22
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: الصادق اسماعيل
Date: 09-23-2010, 05:50 AM
Parent: #21
أبكر
صديق المشاوير الطويلة
لا زلنا هنان وجدت (بريدك الإلكترونى اليوم فقط)، تلفوني ضاع قبل أيام وأجرب العيش بدون (جوال) كما تقول البدو.
المهم أجدع لينا تلفونك في الخرطوم وسنتصل، لدينا الكثير من الحكي
حبي الذي تعرف
|
Post: #23
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: mohmmed said ahmed
Date: 09-23-2010, 06:07 AM
Parent: #22
يا بدر الدين وياناس الدوحة الكرام
ما تشوفو طريقنا المبدع ابكر يغشانا بى جاى فى الامارات
كدى قدمو السبت
البلاد المضيافة دى بيحط فيها كثير من من تحبون
ونعمل معاكم اتفاق للتبادل الثقافى
|
Post: #24
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: بدر الدين الأمير
Date: 09-23-2010, 09:08 AM
Parent: #23
Quote: يا بدر الدين وياناس الدوحة الكرام
ما تشوفو طريقنا المبدع ابكر يغشانا بى جاى فى الامارات
|
عزيزنا محمد
لك التقدير
يقينى ان اي جلسة مع هذا الفتى الابنوسى تعادل عمر من المعرفة العميقة
ومن لم يجالس مفكر عليه مجالسة ابكر ادم اسماعيل ويسرنى كثيرا يامحمد
ان يطوف عليكم ابكر وخلينا ننسق الامر معه وارسلى جوالك على الخاص
|
Post: #25
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: mohmmed said ahmed
Date: 09-23-2010, 10:08 AM
Parent: #24
العزيز بدر الدين
شكرا على الاستجابة
راجع الماسنجر
|
Post: #26
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: بدر الدين الأمير
Date: 09-23-2010, 02:45 PM
Parent: #25
عُلم يا محمد
والفتى الابنوسى مازال نائم المسكين جا مهدود حيلو من السهر فى كندا
الحاقدين ناس رانى السمانى وبكرى العاقب دايرين يكتلو قبال يومو
يا محمد ياخى تعال قضى معنا الخميس والجمعة وبالمرة تلتقى صديقك على بابكر
طبعا لو مابتقدر على السهر بنقبل اعتذارك هههههههههههههههه
|
Post: #28
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: Masoud
Date: 09-24-2010, 01:22 AM
مرحب بالروائي الذي أضاع موهبته بالسياسة!!!
مرحب به في ترانسيت بدر الدين الدولي!
|
Post: #29
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: بدر الدين الأمير
Date: 09-25-2010, 08:48 AM
Parent: #28
Quote: مرحب بالروائي الذي أضاع موهبته بالسياسة!!!
|
يامسعود
بالامس ابكر اعادنا لتلك الايام العامرة بمنزلكم بالدحة
حيث كانت جلساتنا الثقافية والتفاكرية حيث كان النور
ابكر ومصطفي سيد احمد ومحمد المهدى بشرى ومحمد السنى
واسماعيل الفحيل وانعام الحاج بابكر وغيرهم
|
Post: #30
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: نعمات حمود
Date: 09-25-2010, 10:21 AM
Parent: #29
الاخ بدر الدين الامير
شكرا ليك وانت تحتفي وتنعم بهذا المبدع
وليتك تكون كريما معنا وتقنعوا لينا بكم يوم في الامارات ...ونحن علينا الباقي
مش بقولوا (اتقسموا النبقه )
اتمنى ان يتحفنى الزمان بان تسمح ظروفه ويجمعنا الزمن بيه في الامارات ...
امنياتي ان يجد طلبي ....
وبالمناسبة بالامس شرفنا بشرى الفاضل هنا بالامارات وهي فرصه تشجيعية
ولو في طريقه انت والباشمهندس الانسان الجميل معتصم الطاهر ...ترافقوه الزيارة يكون الزمان اكرمنا وبالغ
لك كامل الود
مع محبتي
|
Post: #31
Title: Re: الروائى والشاعر والباحث الدكتور أبكر آدم اسماعيل في طريقه الى الدوحة
Author: بدر الدين الأمير
Date: 09-25-2010, 04:18 PM
Parent: #30
Quote: وليتك تكون كريما معنا وتقنعوا لينا بكم يوم في الامارات ...ونحن علينا الباقي
|
الاخت الغالية نعمات حمود
لك التقدير
ياسلام عليكم يانس الامارات احباب الجميع وياسيدتى بالفعل جارى التنسيق
مع الاخ محمد سيد احمد ليكون دكتور ابكر بطرفكم خلال هذا الاسبوع
|
|