Post: #1
Title: عليكم الله ما تفقعوا مرارتنا نحن برانا ما ناقصين!معارضة على حكام!!!
Author: jini
Date: 08-01-2010, 00:46 AM
Parent: #0
ايه يعنى احزاب تقيف تتفرج بدعوى انه المؤتمر الوطنى يجب ان يتحمل تبعات الانفصال لوحده! وشنو يعنى الانفصال سببه زيد او عبيد المحصلة ضياع وطنه لان الموضوع لن يتم بانفصال سلمى او يقف عن دانفصال الجنوب فقط! دى انهيار الدومينو! يعنى التشظى اذا تم فى ظل حكم البشير! فسيكون ايضا فى ظل معارضة المرغنى المهدى نقد الخائرة! دا اذا الموضوع موضوع تاريخ!ويعنى شنو كان اسمهم الاخوان المسلمين وبقوا جبهة الميثاق الاسلامى ثم الاتجاه الاسلامى ثم الجبهة القومية الاسلامى ثم المؤتمر الوطنى وممكن يسموا نفسهم السودان الاصل! دا لعب عيال! ما قادرين يعارضوا يفولوا ما قادرين والمسئولية راكبة الجميع! كل ما تتمخض عنه استحقاقت نيفاشا سينم الاحتفاظ به كمرجعية فى الامم المتحدة والمنظمات الدولية وهو ملزم لكل رئيس ياتى بعد البشير! واذا تم شرنقة نظام البشير فى متاهة عقوبات الفصل السابع فستظل هذه العقوبات سارية لمدة ثلاثة قرون وستشمل السودان باسره باستثناء الدولة الوليدة وستطوق العقوبات رفبة كب من ياتى بعد البشير! حنى
|
Post: #2
Title: Re: عليكم الله ما تفقعوا مرارتنا نحن برانا ما ناقصين!معارضة على حكام!!!
Author: Hisham Amin
Date: 08-01-2010, 02:26 AM
Parent: #1
جنى
معارضة شنو يا مان
الانتا جاى تتكلم عنها ؟؟
ما زمان استخرجنا ليها شهادة وفاة
|
Post: #3
Title: Re: عليكم الله ما تفقعوا مرارتنا نحن برانا ما ناقصين!معارضة على حكام!!!
Author: عبد المنعم سليمان
Date: 08-01-2010, 03:15 AM
Parent: #2
Quote: ما زمان استخرجنا ليها شهادة وفاة |
انتو منو ؟ يا راجل امشي استخرج شهادة وفاة للمجرم المطارد و المطلوب دوليا قبل ان تستخرجها للمعارضة
|
Post: #4
Title: Re: عليكم الله ما تفقعوا مرارتنا نحن برانا ما ناقصين!معارضة على حكام!!!
Author: Hisham Amin
Date: 08-01-2010, 03:37 AM
Parent: #3
ومن السائل؟؟
|
Post: #5
Title: Re: عليكم الله ما تفقعوا مرارتنا نحن برانا ما ناقصين!معارضة على حكام!!!
Author: عبد المنعم سليمان
Date: 08-01-2010, 03:51 AM
Parent: #4
خلاص عفيناك .. امشي
|
Post: #6
Title: Re: عليكم الله ما تفقعوا مرارتنا نحن برانا ما ناقصين!معارضة على حكام!!!
Author: Hisham Amin
Date: 08-01-2010, 03:54 AM
Parent: #5
هاهاها
ومن قال لك
اننى توقفت اصلا !!!
|
Post: #7
Title: Re: عليكم الله ما تفقعوا مرارتنا نحن برانا ما ناقصين!معارضة على حكام!!!
Author: Munir
Date: 08-01-2010, 03:55 AM
Parent: #4
جني .. سلامات .. حمدلي سلامي .. أسمع.. ماوريتنا ياخ إنت فهمك شنو والحل شنو؟ .. داير المعارضة أو الحكومة تسوي شنو؟؟ .. تنقض عهدها وتعلن الحرب والوحدة بالقوة؟؟
المعارضة سبقت الحكومة بإعطاء الجنوب تقرير مصير في أسمرا .. الحكومة قالت للمعارضة بركة الجات منكم .. والناس وقعت إتفاق قبل خمسة سنة وقف الحرب وجاء الآن استحقاق تقرير المصير .. إنت جاي في الزمن الضايع تخرخر؟
أها بالله إنت أسع لا حكومة لا معارضة، خت نفسك في محل الحكومة أو المعارضة وأذكر لينا تلاتة خطوات ستتخذها لو كنت المسئول .. ؟؟.. ما نوع الضوء الذي كنت ستوقده بدلاً عن لعن الظلام .. ؟؟ أذكر لينا فكرة أو فكرتين يمكن الناس دي تلقاها ممكنة ووجيهة وتتبناها !! ..
|
Post: #8
Title: Re: عليكم الله ما تفقعوا مرارتنا نحن برانا ما ناقصين!معارضة على حكام!!!
Author: jini
Date: 08-01-2010, 08:26 AM
Parent: #7
الله يسلمك يا منير انا لا اريد نقض عهود او مواثيق انا اريد استفتاء يقود الى سلام عادل ويحفظ حق الجميع شمال وجنوب بترسيم عادل واستفتاء نزيه! ما الذى يمنع ان يكون الجالس قى طاولة المفاوضات فى مواجهة الحركة هو كل الوان طيف الشعب السودانى وممثلى قبائل تماسه ما الذى يمنع المعارضة ان تخرج فى مظاهرات سلمية لتوصيل رايها للمجثمع الدولى باجمعه وللمؤتمر الوطنى والحركة اين ملايين العاصمة وثلاثة مليون جنوبى يعيشون فى الشمال! ترسيم المؤتمر الوطنى تحت عصا الجنائية لن يقود الا الى حرب ضروس خاسرة للشمال والجنوب يا منير! الموضوع لم يعد موضوع وحدة او انفصال هذا امر حسم على ما يبدو برغبة اهل الجنوب والغرب! الكلام على الكيفية التى سيتم بها!حكومة تصر على ترسيم قبل الانفصال وحركة تصر على العكس وفى الاخير سيوقع البشير تحت عصاة الجنائية وسياتى النزاع والحرب بين دولتين وهى امنية البشير الذى سيبحث عن موتة رجال تفاديا للاهاى" اذا كان من الموت بد فمن العجز ان تموت ج ب ا ن ا"! هذا سيناريو اسود قاتم انظر الى تصريح قوش ان محكمة لاهاى لم تكن عادلة! لماذا لم يقل هذا يومها لكان من الممكن تفهمها وقتها فلاهاى ليست ملزمة الا بعد الاعتراف بها!! يا منير الى اين يقود هؤلاء الاغبياء البلد! الميرغنى ونقد المهدى ناهزوا الثمانين وهم فبل بلوغها اشد تشبثا وتمسكا بالحياة وفيهم من قبع تحت الارض ثلاثين عاما! لن يستطيع احد فعل شئ فى حق تقرير المصير فأهل الجنوب هم اصحاب القول الفصل فيه وهو حق يجب ان لا ينازعهم فيه احد طالماقبلنا ان نعطى حق تقرير المصير فى وطن مستقللأننا فشلنا فى صياغة وطن يتساوى فيه الجميع فى الحقوق والواجبات! اقل لك شئ لم يقل به اراه راى العين! ان كل منطقة سودانبة مجاورة للدول المجاورة بها قبائل مشتركة ستنضم الى تلك الدولة المجاورة طائعة باستفتاء تقرير مصير او سيتم ضمها مكرهة والمجتمع الدولى سيتفهم ذلك والا سينفرط عقد كل افريقيا! لن يتم السماح بصومال جديد لمدة عشرين عاما!ولذلك سيتم تقسيم السودان على كل الدول المجاورة اى سيتفرق دمه بين القبائل! الشقى يشوف فى نفسه والسعيد يشوف فى غيرو وما اتعس اهل السودان وأشقاهم! جنى
|
Post: #9
Title: Re: عليكم الله ما تفقعوا مرارتنا نحن برانا ما ناقصين!معارضة على حكام!!!
Author: Munir
Date: 08-01-2010, 01:48 PM
Parent: #8
إنت يا جني عارف أن هناك إنفصاليون متشددون لو اختار الشعب الجنوبي الوحدة فسيعيدوا الحرب سيرتها الأولي .. وقصة الحدود هذه لو ناقشوها الكيزان أو الصادق أو الميرغني ستظل خطوطها العامة كما هي .. نزاع في نزاع .. الصادق وحزبه لو دخلوا النقاش برضو سيظل الحال كما هو فالصادق سيقاتل من أجل جماهيره البقارة في مناطق التماس ولن يكون أي تنازل من أي طرف .. الإنفصاليون المتشددون لا يهمهم إنفصال بالحسني وممكن يقولوا ما عاوزين مفاوضات إضافية - كما تؤمِّل - مع باقي الشماليين .. الجنوب مدعوم بالقوي الغربية ولو اصبح البلد علماني أو إسلامي فلن يغير رأيهم لأن القضية بالنسبة لهم جوانبها ليست ايدلوجية فقط، بل أعمقها ثقافية وإثنية عنصرية بحتة ..!! ..
المستقبل فعلاً قاتم لأنه مافي شئ ماشي بالهداوة ، بل أخنق فطس .. وأساساً هناك قضايا ليس لها حل في مسألة الوحدة والانفصال هذه .. الشئ المحير هو أن الناس زمان قالوا أن المحكمة الدولية حلت مشكلة الحدود - وطلعت معلومة تقول أن مناطق البترول طلعت لصالح الشمال والعالم كلو كان متكيف .. فهل كانت تلك المعلومة عبارة عن خدعة ليشرب بعض الشماليون المقلب؟؟ ..
معضلة السودان أكبر من أي حزب وأكبر من الشماليين والجنوبيين معاً ..
|
|