لعنايـة بورداب تركيـا .. مع الشُكـر ...

اخونا المهندس الشاذلى خيرى عضو المنبر بطرفكم ...
ذهب مبتعثاً من الشركة التى يعمل بها لتركيا لانجاز بعض المهام ..
ابقوا عليهو عشرة بالله ...
بلدكم دى ماناقش فيها الحبة ... ماتتوصوا عليهو .!
وكمان قاطع الخبر .. لا رسالة لا تلفون ..!

ويشهد الله يستحق الحبيب

الشاذلي كل خير.

التقيته في الخرطوم فوجدت

فيه نعم الاخ والصديق والمعين

نتمني له رحلة موفقة وعودا حميدا مستطاب

ويابورداب تركيا

رموكم بورداب الخرطوم باخ كالذهب

ابقو عشره

سلامات يامزمل

هارون دياب ...
رجعت ومااديتنا خبر يعنى .!!
برضو تفوت من غير ما تسأل .. عارف الدمعة وراك تغلبنا ..!!



تسلم يا الحبيب ..!

التحية والسلام للأخ الشازلي ..
ذلكم الإنسان النبيل ..





ـــــ
وسلامي لك يامزمل وللجميل هارون .

سلام مزمل ..

Quote: وكمان قاطع الخبر .. لا رسالة لا تلفون ..!

أنا غايتو إستلمت منو رسالة جميلة جدا ..

بعدين تعال هنا :

منو القال ليك تركيا فيها بورداب ؟؟!!!


ما تنسى الإجتماع بعدين ....!

Quote: منو القال ليك تركيا فيها بورداب ؟؟!!!

والله سألت نفسى السؤال دا بس قلت مستحيل تركيا تخلو من عضو فى حوش بكرى ..!
كدى نشوف الريس لو يتكرم ويفيدنا لو عندو عضو فى تركيا دى ولً لا ..!

Quote: التحية والسلام للأخ الشازلي .. ذلكم الإنسان النبيل ..

شكراً للمرور ..










____

ابو جوان

سلام كتير

كدى النشوف ليك اصدقاء اتراك هنا لو يوصو ليك اسرة فى تركيا
ابراهيم

اوووة أخونا الدكتور الفنان ابراهيم
تحياتى ياصديق ..

Quote: كدى النشوف ليك اصدقاء اتراك هنا لو يوصو ليك اسرة فى تركيا

دا برضو عشمنا فيك والله ... ومشكور كتيييير ..
أها أخبار الفنية شنو .؟

ياجماعة بالله تركيا مافيها ولاااا بوردابى .؟؟

Quote: ياجماعة بالله تركيا مافيها ولاااا بوردابى .؟؟

تحياتي يا مزمل
تركيا فيها أخونا حسن الجيلي
لكنه مختفي من المنبر منذ مدة طويلة..
رحلة موفقة نتمناها للأخ شاذلي.

Quote: تحياتي يا مزمل تركيا فيها أخونا حسن الجيلي لكنه مختفي من المنبر منذ مدة طويلة.. رحلة موفقة نتمناها للأخ شاذلي.

Nasruddin Al Basheer
شكرا ليك على الطلة البهية ..
وياريت اخونا حسن الجيلى يشوف البوست دا .!
شكرا تانى ..

يشهد الله رايدكم ومفتقدكم ..

Quote: اخونا المهندس الشاذلى خيرى عضو المنبر بطرفكم ... ذهب مبتعثاً من الشركة التى يعمل بها لتركيا لانجاز بعض المهام .. ابقوا عليهو عشرة بالله ...

اشكرك يا تاج راسى .. اشكرك ياخ ..

Quote: بلدكم دى ماناقش فيها الحبة ... ماتتوصوا عليهو .!

الحمد لله الامور مرتبة ومافى عوجة .. اها انا بقيت بوردابى احمل اللواء الان .. لو فى أيتها حاجة انحنا جاهزين ..

Quote: وكمان قاطع الخبر .. لا رسالة لا تلفون ..!

معليش اعزرنى والله ..
الواحد ماقادر يحك راسو ..
بس ملحوقة وان شاء الله تسمع مايقر عينك ..


الحلوين الاحباب ..

بجيكم عشان نشوف موضوع الريد ده كيف زاتو

الشاذلى ..
حمدلله بسلامة الظهور .!
كيف الحال والاحوال وكيف الشغل انشاء الله تمام ..
أها البلد دى كيف بالله .؟
عليك الله بعد تفضى .. بى كميرتك الفضية ديك اجدع لينا حبة صور عن تركيا
والاثار الاسلامية هناك ..

ومنتظرينك ...

Quote: ومنتظرينك ...

عليك نووووووووووووور ..

افضى شوية كدا .. وبجيك بما يسر العين ان شاء الله ..

دعواتك يا حبيب ..

ياخي كان راح كنا ارتحنا منو
ابى يخلي لي حقي في السماية

Quote: ياخي كان راح كنا ارتحنا منو ابى يخلي لي حقي في السماية

Quote: Dear Muzammil, Salamaleykoum, First of all sory for disturbing as we dont know eachother just we are Sudanese. I have read your message on Sudanseonline regarding visit of your friend El Shazali to Turkey.., as im not a member on Sudaneseonline im sending you this e mail...my name is Amir Abdelrasoul and I have been living and working in Turkey for about 20 years...here is my mobile (+++++++++++), any helps needed he can contacts me...by the way Hassan El Gaily is a closed friend of mine but he is sooo busy these days.. sorry for writing in English as I do not habe an Arabic Keyboard Amir Abdelrasoul

رسالة وصلتنى بالايميل من الاخ أمير عبدالرسول من قراء الموقع المداومين ..
والله ياجماعة الواحد بيفتخر انو سودانى لمن يلقى ناس زى ناس أمير ديل ...
قمت بحذف رقم الهاتف من الايميل وسوف ارسلة للاخ الشاذلى فى الخاص ..
شكرا أمير عبدالرسول ...