Post: #1 Title: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: Mohamed Abdelmotalib Hassan Date: 07-30-2010, 08:24 PM
Post: #2 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: الصادق اسماعيل Date: 07-30-2010, 08:29 PM Parent: #1
كدى خلي الحكومة التريح حجة آمنةاولاً بالتبادي بعد داك ناس عقد الجلاد مقدور عليهم
Post: #3 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: هشام كمال Date: 07-30-2010, 09:31 PM Parent: #2
كدى خلي الحكومة التريح حجة آمنةاولاً بالتبادي بعد داك ناس عقد الجلاد مقدور عليهم
Post: #4 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: Mohamed Abdelmotalib Hassan Date: 07-30-2010, 11:57 PM Parent: #3
وينو العدس وينو اللحم؟
Post: #5 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: Mohamed Abdelmotalib Hassan Date: 08-03-2010, 01:03 AM Parent: #4
الرويدي ده أصلو ما لقي ليهو حجر لي جوفه ده؟ من عشرين سنة؟
Post: #6 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: Mohamed Abdelmotalib Hassan Date: 08-03-2010, 01:11 AM Parent: #5
يعني أولاد حجة آمنه ديل أصلو ما بتخرجو؟ ما بشتغلو؟ ما بيمشو الخليج؟ ما بجيهم لوتري "يعوقهم"؟
كم سنة يا أخوانا؟
Post: #7 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: Mohamed Abdelmotalib Hassan Date: 08-03-2010, 01:24 AM Parent: #6
أكتر حاجة بتتعب الزول البحضر حفلة عقد الجلاد وبعد نهاية الحفلة وفي المسافة للبيت هي صورة حجة آمنه ومكابستها لي برج الحمام , وفتيش الدقيق , ولو ولقت الدقيق , تفتش للفحم , ولو لقت الفحم تفتش للزيت .................. , وبعد الوصول للبيت والخلود للنوم تطاردهم صورة حجة آمنه في المنام , وتقلق بيهم وتساهر بيهم.
Post: #8 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: Mohamed Abdelmotalib Hassan Date: 08-03-2010, 01:28 AM Parent: #7
لكن أكتر حاجة بتطير النوم من عين الزول الحضر الحفلة ورجع البيت هي صورة حجة آمنه في اللحظة الجو فيها ناس الموية !! آآآآآآآآآآآآآآآخ , عذااااااااااااب شديد ياخي!! وفي نفس اللحظة دي الزول بيتمني لو الزمن يقيف عشان الشهر ما يروح جري وناس الموية يداهمو الحجة المسكينة .
يا زمن أرحم شوية!
Post: #9 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: Mohamed Abdelmotalib Hassan Date: 08-03-2010, 01:42 AM Parent: #8
لكن بس في حاجة بتدبرس بالزول في طريقة أداء الغنية في جزء منها وهي :
المقطع بتاع مجاهد ده شكلو كلو مرة زايد حبة وسارحة زي الصلعة الكانت جلحات وزحفت , بصراحة شديدة الوصلة بتاعة مجاهد دي فيها تكلف شديد ومبالغة وفي نفس الوقت ما متسقة مع قصة الأغنية وبتطلع بالزول من الجو العايشة فيهو حجة آمنه.
وبعدين الوصلة بتاعة مجاهد دي في بدايات الأغنية أول ماظهرت ما كانت طويلة كده - ده لو كانت موجودة أصلا - وكل حفلة والتانية وكل سنة والتانية مجاهد ماشي وسارح وضاغط علي مساحة الأغنية فما عارف القصة متروكة لي خيال مجاهد براهو وخروج عن ا لنص مسموح بيهو ولا القصة متفق عليها؟
وبصراحة شديد الوصلة بتاعة مجاهد دي - مع أكيد احترامي ليهو- وزحفها المستمر في الأغنية عاملة زي السكن العشوائي كل يومين ماشة زايدة , فياخي شوفو لينا طريقة توقفو لينا الزحف المجاهدي المستمر ده لأنو بالطريقة دي حجة آمنه دي حتحصل ليها ازالة مجاهدية وكراكات مجاهد دي شكلها كراكات أصلية تقضي علي الأخضر قبل اليابس.
يعني مجاهد ده لو استمر في زحفه العشوائي ده , حجة آمنه دي وبي قدرة قادر حتتحول لي حجة سهي عديييييل.
Post: #10 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: Mohamed Abdelmotalib Hassan Date: 08-03-2010, 02:18 AM Parent: #9
مجاهد جاهد في الغنية دي جهاد صعب خلاص!
Post: #11 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: Mohamed Abdelmotalib Hassan Date: 08-03-2010, 03:02 AM Parent: #10
طيب نجي لي موضوع البوست وهو :
Quote: : يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!!
Post: #12 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: Mohamed Abdelmotalib Hassan Date: 08-05-2010, 02:27 PM Parent: #11
يعني بعد السنين الطويلة من المكابسة ورا لقمة العيش وقلم الرصاص والردا ، حجة آمنه جا أوانها تجني ثمرة تعبها ، عشان كده اتفقو مع الاستاذ عبد الوهاب هلاوي يعمل ليكم "حجة آمنه ٢" ((تو)) ويا حبذا لو سماها "حجة آمنه اتمختري" ويجيب لينا حجة آمنه بعد تعب السنين شافت الهنا وأولادها بقو يشار اليهم بالبنان وعملو علي رضا حجة آمنه والتباهي بيها.
صحيح هناك مئات حجة آمنه "أخر" لكن ده ما يمنع حجة آمنتنا المعنية ترتاح شوية ، عشان مستمع عقد الجلاد بعد نهاية كل حفلة يرجعو البيت وينومو وفي شفاهم بسمة. التحية لي الجيل الأول من عقد الجلاد الذي تحمل عبء المحاولة الأولي ومخاطرة البداية وعاش قلق المخاض الأول ، والتحية كذلك لكل من سطر نغمة ابداع في مسيرة العقد حتي يومنا هذا ، والتحية كذلك لمعجبيهم ومستمعيهم.
Post: #13 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: Mohamed Abdelmotalib Hassan Date: 08-05-2010, 03:07 PM Parent: #12
Quote:
كدى خلي الحكومة التريح حجة آمنةاولاً بالتبادي بعد داك ناس عقد الجلاد مقدور عليهم
ههههه ، غايتو مواهيم البورد ديل قدر ما تقول تديهم فرصة عشان يتروو شوية ، طوالي شايتين ضفاري ، وعاملين ليك فيها خلاص الأولاد مناضلين كيبورديين حريصين كل الحرص علي عدم توفيت الفرصة لكل من تسول له نفسه العبث بمقدرات الشعب ومكتسباته في هذه المرحلة التاريخية الحرجة التي تمر بها بلادنا وانهم سوف يضربون بيد من حديد وماشين في السكة نمد ونتش عين الضلام بالضوء وددددددددددددددددددددششششششششششش وباقي الحنك العاضي والشعارات البراقة ديك.
هسه البوست ده علاقتو شنو بالحيكومة؟
آآآآآآآآآآخ.
Post: #14 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: Mohamed Abdelmotalib Hassan Date: 08-05-2010, 11:45 PM Parent: #13
Quote: كدى خلي الحكومة التريح حجة آمنةاولاً بالتبادي بعد داك ناس عقد الجلاد مقدور عليهم
المشكلة مش في مواهيم البورد وبس ، المشكلة في الببغاوات اللي تشيل وتردد في كلام خارم بارم ماليهو أي علاقة بالبوست وفي النهاية المفروض لما واحد يطرح نفسو ضمن مواهيم البورد حقو يكون عندو كلمة حقتو تعبر عن شخصيتو ووجهة نظرو الخاصة ، يعني الحالة الببغاوية دي مافي داعي !!
مواهيم البورد : كما كنت ، صفا واسترح!!
Post: #15 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: doma Date: 08-06-2010, 09:46 PM Parent: #14
يا اخي دا اجمل ما قدمته عقد الجلاد انا ما بعرف اسم زول منهم لكين الولد البغني مقطع ناس المويه جو دا مبدع عدييييييييييييييييييييييييل كدا
Post: #16 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: Mohamed Abdelmotalib Hassan Date: 08-06-2010, 09:54 PM Parent: #15
Quote: يا اخي دا اجمل ما قدمته عقد الجلاد انا ما بعرف اسم زول منهم لكين الولد البغني مقطع ناس المويه جو دا مبدع عدييييييييييييييييييييييييل كدا
شكرا يادومة
فعلا العمل جميل وده كان المقصود من البوست ، لكن بعض مناضلي الكيبورد ما عندهم صبرا يبل الأبري.
بالمناسبة المقطع الأنا قاصدو مش بتاع ناس الموية جو "لأنو فعلا بتفق معاك من اجمل المقاطع في الأغنية" ولو راجعتي كلامي فوق حتلقيهو متفق معاك.
عبارة ((أحي )) دي بالذات مافي فنان سوداني قالها غير مجاهد ده ، عيارة (( أحي )) دي عبارة شينة للرجل السوداني عموما ، ولا رأيك شنو؟؟
تسلمي.
Post: #17 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: عبدالله ابوشوارب Date: 08-07-2010, 00:08 AM Parent: #16
حاجه امنه اتصبرى عارف الوجع في الجوف شديد عارفك كمان ما بتقدرى جاهلك شكى وجاهلك بكي في بيتك المرق اتكي والشي البحير وما بحير مابيه ياحاجه الزكاة صبح الصباح لو ليك مراد ياحاجه ما تطلع شمس والليله عندك زى امس لسه الرويدى مع الصباح يا حاجه ماجاب ليك خبر كان جوفو زى جوف العيال من مده داير ليه حجر والله على الزمن الحجر المابي بالصبر اتكرى ومشيتي لي برج الحمام برجك صفيحتين ما بزيد ومشيتي لي برج الحمام كان تلقي ليك جوزاً جديد يمكن بعد طلع الصباح يغشاكي زولاً يشترى هبشتي جاى فتشتي جاى كان تلقي سكر بس محال باقى الرطيل الفي الكرت ياحاجه سفوه العيال ياحليل زمان وسنين زمان ياحاجه لو تتذكرى وسمعتي صوت جاك من بعيد وبعد قليل بابك ضرب وسمعتي صوت جاك من بعيد شالك تعب ختاك تعب ياحاجه ناس المويه جوك.. اصلو الشهر روح جرى ويا حاجة آمنة اتصبري بعد صراع وصراع طويل ياحاجه بينك والمحال مالقيتي في داك النهار شيتا يجو و ياكلو العيال حبة عدس مابسوى شي وينو البصل وينو اللحم حبة عجين مابسوى شي وينو الدقيق وينو الفحم من جاى لجاى فتشتي جاى هبشتي جاى لازمك كتير تتقدرى ويا حاجه امنه اتصبري
Post: #18 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: Mohamed Abdelmotalib Hassan Date: 08-07-2010, 00:39 AM Parent: #17
Quote: حاجه امنه اتصبرى عارف الوجع في الجوف شديد عارفك كمان ما بتقدرى جاهلك شكى وجاهلك بكي في بيتك المرق اتكي والشي البحير وما بحير مابيه ياحاجه الزكاة صبح الصباح لو ليك مراد ياحاجه ما تطلع شمس والليله عندك زى امس لسه الرويدى مع الصباح يا حاجه ماجاب ليك خبر كان جوفو زى جوف العيال من مده داير ليه حجر والله على الزمن الحجر المابي بالصبر اتكرى ومشيتي لي برج الحمام برجك صفيحتين ما بزيد ومشيتي لي برج الحمام كان تلقي ليك جوزاً جديد يمكن بعد طلع الصباح يغشاكي زولاً يشترى هبشتي جاى فتشتي جاى كان تلقي سكر بس محال باقى الرطيل الفي الكرت ياحاجه سفوه العيال ياحليل زمان وسنين زمان ياحاجه لو تتذكرى وسمعتي صوت جاك من بعيد وبعد قليل بابك ضرب وسمعتي صوت جاك من بعيد شالك تعب ختاك تعب ياحاجه ناس المويه جوك.. اصلو الشهر روح جرى ويا حاجة آمنة اتصبري بعد صراع وصراع طويل ياحاجه بينك والمحال مالقيتي في داك النهار شيتا يجو و ياكلو العيال حبة عدس مابسوى شي وينو البصل وينو اللحم حبة عجين مابسوى شي وينو الدقيق وينو الفحم من جاى لجاى فتشتي جاى هبشتي جاى لازمك كتير تتقدرى ويا حاجه امنه اتصبري
فعلا زي ما قلت في البداية ، الوصلة بتاعة مجاهد دي أصلا ما فيشة في النص الأصلي ، ده غير انها ما ليها أي علاقة بروح القصيدة ، وفيها تزيد وتكلف وكوراك شديد جدا من مجاهد ، وشكلو مجاهد عندو اعتقاد انو الجماهير بتحب حجة آمنه بس عشان الوصلة بتاعتو فيها "ماعارف الاحساس ده جاهو من وين؟" بعدين القصيدة للزول البعيش مع كلماتها اثناء الحفل وبعد المشي للبيت بحس انو حجة آمنه دي واحدة من ناس حلتو في مرزوق ولا حلة كوكو ولا الكلاكلة ولا كرتون كسلا ، لكن لما مجاهد يخش في الجذب السماوي بتاعو ده بحسسك انو بغني أغنية تراث ليها مية سنة ، وينسيك حجة آمنه وينسيك الصورة الفي راسك والصورة اللي بعتقد الشاعر المبدع عبد الوهاب هلاوي عايز يوصلها للمستمع. علي كل نعشم انو عقد الجلاد تضع لينا حد للزحف المجاهدي ، الذي قد يقضي علي حجة آمنه ويحولها لي سكن عشوائي بعد أن كانت تعيش داخل عمران المستمع ومدينته. بعدين كلمة ((أحي)) اللي حشرها مجاهد حشرا في النص دي نهائي ما قدرت أبلعها.
Post: #19 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: Mohamed Abdelmotalib Hassan Date: 08-07-2010, 11:44 PM Parent: #18
Quote: انا ما بعرف اسم زول منهم لكين الولد البغني مقطع ناس المويه جو دا مبدع عدييييييييييييييييييييييييل كدا
اسمو شريف شرحبيل أحمد يا دومة , ولد شرحبيل الفنان الواحد ده (بتاع عمك تنقو) واللي بغني يا اللابس البمبي.
وفي نفس الوقت حجة آمنه دي من تلحين شريف زاتو , والاغنية من كلمات الاستاذ عبد الوهاب هلاوي.
Post: #20 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: عبدالله ابوشوارب Date: 08-08-2010, 07:35 AM Parent: #19
الاخ محمد عبدالمطلب
تحية واحترام
انا من اكثر الناس اعجابا واستماعا لعقد الجلاد
وقد اوردت الاغنية كاملة لعلمي ان ذلك المقطع الذي
تحدثت عنه لا يمت للاغنية بصلة
تخريمة
اعتقد ان الشاب الذي يقوم باداء تلك الوصلة
اسمه الخير وليس مجاهد
Post: #21 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: Mohamed Abdelmotalib Hassan Date: 08-08-2010, 02:33 PM Parent: #20
Quote: الاخ محمد عبدالمطلب
تحية واحترام
انا من اكثر الناس اعجابا واستماعا لعقد الجلاد
وقد اوردت الاغنية كاملة لعلمي ان ذلك المقطع الذي
تحدثت عنه لا يمت للاغنية بصلة
الأخ عبد الله أبو شوارب
تحية وسلام واحترام أولا شكرا لايراد كلمات التحفة الجميلة حجة آمنه , فعلا المقطع ده عامل لي شوشرة شديدة , قدر ما فكرت في الأمر لقيتو ما لافق مع خط الأغنية والرسالة من وراءها , ودايما بعتقد - مجرد اعتقاد - انو مجاهد أو الخير كما تفضلت فرض علي الجمهور هذا المقطع فرضا أو علي أقل تقدير بالغ فيه أشد المبالغة , هذا علي افتراض ان المقطع متفق عليه في الفرقة.
عموما شكرا علي المعلومة وعلي المشاركة.
تحياتي.
Post: #22 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: Mohamed Abdelmotalib Hassan Date: 08-08-2010, 02:58 PM Parent: #21
Quote: تخريمة
اعتقد ان الشاب الذي يقوم باداء تلك الوصلة
اسمه الخير وليس مجاهد
ههههه والله زمني ده كلو قايل اسمو مجاهد ما عارف ليه؟ لكن اعتقد لأنو جاهد في الأغنية دي جهاد من لا يخشي ملاقاة الحور العين.
شكرا للتصحيح.
تحياتي يا أمير.
Post: #23 Title: Re: يا ناس عقد الجلاد : عليكم الله ياخي حجه آمنه دي ريحوها شوية , قالت الرووب عديييييييييل!! Author: Mohamed Abdelmotalib Hassan Date: 09-03-2010, 11:53 PM Parent: #22