كابـــس يونايتد X الهــــــــــلال

المناسبه: دوري ال16 مكرر لبطوله الكونفدراليه
المكان: استاد كابس يونايتد بالعاصمه الزيمبابويه هراري
التاريخ: الاحد 3 اغسطس 2010
الزمان: لم اتاكد بعد من زمن المباره بتوقيت هراري والخرطوم
القناه الناقله: الشروق (علي حد علمي)
نتيجه المباره الاولي: انتصار الهلال 5/صفر



بالتوفيق لابطال الهلال

يلتقي فريق الهلال السوداني بفريق كابس يونايتد في لقاء العوده في بطوله الكونفدراليه يوم الاحد 3/8/2010 بالعاصمه الزيمبابويه هراري. المعروف ان الهلال كان قد انتصر في مباره الذهاب بخماسيه نظيفه مما جعلته الاقرب بنسبه كبيره لتخطي هذه المرحله والوصول لدوري المجموعات في بطوله الكونفدراليه للمره الثانيه في تاريخه. المعروف ان الهلال هو اول فريق سوداني يصل لدوري المجموعات في هذه البطوله عام 2004. ثم مشي المريخ علي خطاه ووصل دوري المجموعات في هذه البطوله في عامي 2007 و2008

رغم فوز الهلال بالخماسيه في مباره الذهاب مما يجعله الاقرب للتاهل بمنطق كره القدم الا ان ذلك لا يعني ان الهلال قد ضمن التاهل باي حال من الاحوال. فكما انتصر الهلال بالخمسه فان كابس قادر ايضا ان ينتصر بالخمسه. وهزيمه الهلال بخمسه اهداف ليست بالمساله المستبعده تماما. فقد انهزمت الفرق السودانيه في بطولات افريقيا وغيرها بالخمسه والسته خارج ارضها. بل ان الهلال انهزم بالخمسه داخل ارضه في مبارة دوري الاربعه لبطواة الابطال امام مازيمبي الكنغولي العام الماضي. لذا فان الركون الي نتيجه الذهاب والتعويل كليا عليها قد يلحق بالهلال ضررا بليغا. نتمني ان يكون ابطال الهلال وجهازهم الفني فاطنون الي ذلك .

معليش يا عمر والله ما شفت تقديمك دا ..حا ارخي البوست داك طبعا

"الشروق" تبث مباراتي المريخ والهلال الأفريقيتين

Quote: أكملت قناة الشروق الفضائية استعداداتها الفنية لنقل مباراتي المريخ والجيش النيجري، والهلال أمام كابس يونايتد في بطولة أندية الكونفيدرالية، إذ تبث مباراة المريخ السبت القادم، فيما تقام مباراة الهلال عصر الأحد الأول من أغسطس. وأكملت الطواقم الفنية والهندسية في قناة الشروق استعداداتها لنقل المباراتين، وأوفدت القناة كلاً من تاي الله سليمان لتغطية مباراة المريخ وهشام عزالدين لمباراة الهلال. ويصحب المباراتين أستديو تحليلي، يستضيف كبار المحللين الرياضيين.

مصدر

رابط البث المباشر لقناة الشروق

الهلال يدخل هذه المباره وهو ليس في احسن حالاته من حيث الاستقرار الفني والاداري. فمنذ استقالة رئيسه صلاح ادريس لخوض انتخابات اتحاد الكره السوداني والفريق ككل دخل في حاله من عدم التوازن ولم يستقر وضعه حتي الان. ونامل ان لاياتي ذلك بنتائج كارثيه في هذا اللقاء

المباراة عصر الاحد 1 اغسطس ما متاكد من التوقيت بالضبط لكن حا اجيب الاكيده خلال اليوم ان شاء الله

Quote: معليش يا عمر والله ما شفت تقديمك دا ..حا ارخي البوست داك طبعا

سلامات يا معاويه:
الظاهر انو نحنا فتحنا البوستين في وقت واحد او متقارب جدا. قبل ان افتح هذا البوست بحثت ان كان هناك بوست مفتوح لهذه المباره حتي لا اكرره فلم اجد. علي العموم حصل خير وهلال الملايين يستاهل ان يفتحو ليهو عشرات البوستات

بوب ..ٍسلامات ..

نتمني تأهل الهلال ..

قبل يومين حلمت اني حاضر مباراة الهلال مع كابس ..شفت ناس الهلال ديل ماقادرين يجيبوا قون وناس كابس كابسين عليهم شديد وكل كم دقيقة جايبين قون ..حارس الهلال الكورة قدامه ماقادر يمسكها واي كورة تتشات اوتمشي ناحية القون تجي قون ..لعيبة الهلال ماقادرين يتحركوا وكأنه مربطين ومعقلين ..قمت وسط الجمهور وقلت وقفوا الكروة دي .. الكورة مربطة .. الكورة دي مبتتة...خلو ليهم الكورة ..بعد داك ماعارف الحلم انتهى على شنو لانه خشيت في حلم تاني خاص بالثلث الاخير من الليل ..


صحيت من نومي قلت في نفسي ياربي الواحد لمن ينوم ببقى هلالابي ولا دي اضغاث احلام ام هي وطنية ؟!!

سلامات يا فايز

Quote: قبل يومين حلمت اني حاضر مباراة الهلال مع كابس

يا فايز احلم في حقك بالله <img border="0" src="http://www.sudaneseonline.com/cgi-bin/sdb/2bb.cgi?seq=ilib&clr=1&form=post&field=text_text#">

Quote: يا فايز احلم في حقك بالله

هههههههه

الاخبار التي ترشح من نادي الهلال منذ مغادره رئيسه صلاح ادريس لا تطمئن علي الاطلاق. فقد رفض المدرب الجديد ميشو الاستمرار في تدريب الفريق لانه لم يجد تاكيد من مجلس الاداره للالتزام بعقده الذي وقعه مع صلاح ادريس. كذلك تقول الاخبار بان مدرب الحراس رفض السفر مع البعثه لانه لم يستلم حافز المباره التي انتصر فيها الهلال علي المريخ بهدفين دون رد في ختام الدوره الاولي للدوري الممتاز هذا ما يخص الجهاز الفني للهلال. عليه فان المسؤليه في هذه المباره تقع علي عاتق ابن الهلال ووزير دفاعه طارق احمد ادم

اما فيما يخص اللاعبين فعدم سفر محترف الهلال الزيمبابوي ادوارد سادومبا مع البعثه فقد القي بظلاله الكثيفه علي هذا اللقاء ورغم انني قرأت في اكثر من مةقع ان الاعب قد نخلف لظروف اسريعه وان المجلس رفض الحاقه بالبعثه بعد قيامها الا ان هناك انباء اخري تقول ان اسباب التخلف ماديه تتعلق بمستحقات اللاعب المتاخره. هناك ايضا اخبار لا ادري مدي صحتها تفيد بان مجما متاخرات اللاعبين الماديه تقارب ال 8 مليار جنيه سوداني (بالقديم) وهو مبلغ كبير وكبير جدا بواقع الحاله الاقتصاديه للبلد ككل

دفاع الهلال في هذه المباره يفقد جهود محترفه ديمبا باري لطرده في مباره الذهاب ولا ادري ماهي حاله المدافع الاخر سامي عبد الله والذي خرج مصابا في مباره الذهاب ايضا واذاما تاكد غياب هما معا فام ذلك يضع دفاع الهلال في موقف لا يحسد عليه علي الاطلاق وذلك لغياب البديل ذو المستوي المتقارب لاحدهما. أمل كثيرا ان يكون الجهاز الطبي قد بذل مجهودا مضاعفا لتاهيل سامي والحافه بهذه المباره. فوجود سامي في ظل غياب ديمبا المؤكد اصبح من الاهميه بمكان.

شكرا بوب

لا اعتقد ان الهلال سيواجه صعوبات كثيرة

امل ان يفوز الهلال ايضا ليتعلم ثقافة الانتصار خارج الديار لانها خير بروفة

للظفر بكاس الكونفدرالية

Quote: امل ان يفوز الهلال ايضا ليتعلم ثقافة الانتصار خارج الديار لانها خير بروفة

سلام يا قروود
ما اشرت اليه من ثقافة الهلال خارج الارض مساله مهمه للغايه وكما تفضلت ما لم يكتسب الهلال هذه الثقافه فانه لن يستطيع الظفر بكاس هذه البطوله. غياب هذه الثقافه- مع عوامل اخري- في تقديري كانت السبب الرئيس في فشل الهلال بالفوز بكاس الايطال في عامي 2007 و2009

اخر متابعات بعثه الهلال نقلا عن جريدة قون الصادره صباح اليوم الجمعه 30/7/2010

Quote: ادي فريق الكرة بنادي الهلال مرانا ناجحا عصر امس علي ملعب كوال ميرا في العاصمة الزيمبابوية هراري بمشاركة كل اللاعبين استعدادا لمباراة الذهاب امام كابس يونايتد الزيمبابوي والمحدد لها يوم الاحد المقبل ضمن مباريات دوري الستة عشر لبطولة الكونفدرالية الافريقية . ادي الهلال المران وسط اجواء باردة شديدة الرطوبة ولكنها لم تؤثر علي اداء اللاعبين داخل الملعب وقد حرص الصربي ميشو المدير الفني للفريق علي الاشراف بنفسه علي تدريبات الاحماء بانواعها المختلفة والاستطالة وتفكيك العضلات الي جانب المدرب العام طارق احمد ادم الذي ظل يقوم بدور الاشراف والتوجيه بعدها قام المدير الفني ميشو بتفعيل سرعات اللاعبين للاستفادة منها في انجاز مهمة الفريق في لقاء الاحد. واهتم المدير الفني للهلال ميشو بالجوانب التكتيكية في مران الامس وسط جدية من كل اللاعبين بغية تحقيق نتيجة ايجابية في مباراة الاحد المهمة امام كابس يونايتد تؤهل الفريق الي دوري المجموعات وكان يقوم بتصحيح الاخطاء داخل الملعب اولا باول مطالبا اللاعبين بالتركيز ودقة التنفيذ. الهلال وحالة الطواريء: رفع الهلال من داخل معسكره بفندق كرستالتنشي حالة الطواريء القصوي لمباراة الاحد وطالب ميشو ورئيس البعثة سعد العمدة اللاعبين بطي صفحة مباراة الخرطوم كانما لم يفز الفريق بخماسية حتي لا يؤثر ذلك علي اداء اللاعبين في مباراة الاحد التي يمكن ان يتسرب منها الغرور خاصة وان الفوز بخمسة اهداف في علوم كرة القدم تعتبر نتيجة كبيرة لكنها تعطي الفريق الخصم الدافع لرد اعتباره داخل ارضه ووسط جمهوره. واكد ميشو في حديثه للاعبين داخل الملعب علي خطورة الفريق الزيمبابوي بالسرعة والانطلاق مطالبا لاعبيه بعدم الاستهانة بهذا الفريق وهو في النهاية خصم وصل لهذه المرحلة بمجهود كبير . المعز يتالق في المران: شهد مران الامس تالقا لافتا للحارس المعز محجوب الامر الذي ادخل السكينة والاطمئنان لقلوب اعضاء السفارة والبعثة الادارية وقد طمان المعز الجميع بانه سوف يقاتل للذود عن مرماه في مباراة الاحد. فتحي بشير وديدا يشرفان علي تمارين الحراس: في الوقت الذي لم يسافر سيد السويركي من الخرطوم حرص مدرب اللياقة فتحي بشير والحارس ديدا علي تغطية هذا النقص باجراء تدريبات الحراس بمشاركة الحارس محمد حمزة وشهد المران تالق الحارس المعز محجوب الذي بات جاهزا لحماية عرين الهلال في موقعة الاحد امام كابس.

لستنادا علي خبر قوون بعاليه يتضح ان المدير الفني للفريق ميشو قد رافق البعثه الهلال الي هراري ويشرف علي تمارين الفريق الي جانب مساعده طارق احمد ادم مما يدحض الشائعات التي تحدثت عن رفض ميشو مواصله مشواره التدريبي مع الهلال وسفره لاثيوبيا بعد استقاله صلاح ادريس

سلامات يا هندسة...
تمرد سادومبا مصيبة كبيرة على المدى البعيد حتتخلق بينو وبين جمهور الهلال جفوة من الصعب تزول باخوي واخوك
وثقافة الهلال جنها وجن اللاعب البلوي اليد
وان كان كمحترف من حقو ان ينال مستحقاته كاملة وفي مواعيدها
خسارة يا دوب استبشرنا بمهاجم جد جد

قبل شوية في نشرة الأخبار بالشروق المراسل من هراري قال المباراة في مواعيدها الساعة اربعة توقيت الخرطوم يوم الأحد
ولن تنقل تلفزيونيا نسبة لاعلان الحداد في زمبابوي لوفاة اخت الرئيس
بالنسبة للبعثة تعاني من نقص اللاعبين
18 لاعب منهم اربعة غير مضافين للكشف الافريقي
يعني الهلال خاشي بـ14 لاعب فقط
الله يسهل

كتب اخونا احمد الريح في موقع كوره

الهلال بتشكيلة من اللاعبين الوطنيين أمام كابس يونايتد

Quote: من المتوقع أن يلعب الهلال مباراة الإياب أمام كابس يونايتد بتشكيلة من اللاعبين الوطنيين، وذلك للغياب المؤكد لبعض اللاعبين الأجانب والمجنسين والغياب المتوقع لبعضهم الآخر، لأسباب متفاوتة. هذا ولن يشارك في المباراة المالي (سوداني الجنسية) باري ديمبا الذي أقصاه حكم مباراة الذهاب بالبطاقة الحمراء، ولن يشارك النيجيري يوسف محمد غير المقيد في قائمة لاعبي الهلال لدى الاتحاد الإفريقي، فيما يكتنف الغموض أمر المهاجم الزيمبابوي إدوارد سادومبا الذي لم يسافر بعد مع الفريق لهراري لأسباب تضاربت حولها الأقوال، في الوقت الذي بات فيه استمرار المهاجم الكنغولي (سوداني الجنسية) ليلو مبيلي مع الهلال أمراً مشكوكاً فيه بعد تجدد أنباء إعارته للنصر الليبي وعدم مشاركته في مباراة الفريق الإعدادية أمام توسكر الكيني. ويبدو أن اللاعبين الذين سيشاركوا في المباراة سيكونوا من بين 13 لاعباً هم: المعز محجوب / سامي عبد الله / أسامة التعاون / صدام أبو طالب / خليفة أحمد / سيف مساوي / علاء الدين يوسف / عمر بخيت / محمد أحمد (بشة) / هيثم مصطفى / مهند الطاهر / مدثر كاريكا / أحمد عادل. أطيب التمنيات لهلال الملايين بتحقيق نتيجة إيجابية في هراري يعود بها متأهلاً لدور المجموعتين.

لمتابعة اخر مستجات لقاءات القمه المصيريه ..ومتابعه مباراة الهلال بعد تعثر البث التلفزيوني


الاذاعة الرياضيه 104

بالتوفيق لهلال السودان اما كابس يونايتد

الصادق

سلام اخي عمر بوب

سلام يا شباب

بالله دا كلام دا

اخت الرئيس تموت وما تكلمونا نمشي نعزي!!!!!!

كده اللوم والله راكبنا راكبنا
_____________

خسارة الواحد ما ح يشوف الهلال والمتعة

وان شاء الله مافي زول مات في النيجر؟؟ عشان نشوف (العجب) والصيام بعد في شعبان هههههههههه

تحياتي

شكرا الاخ الصادق علي المرور ومعك نتمني ان يوفق الله فتيه الهلال الاشاوس

الاخ احمد بن عوف

Quote: اخت الرئيس تموت وما تكلمونا نمشي نعزي!!!!!!

اللوم ليس في عدم ذهابك فالرئيسي الزيمبابوي مقدر مشغولياتك
لكن بتكون اتلومت بالجد لوما ابرقت معزيا

Quote: وهزيمه الهلال بخمسه اهداف ليست بالمساله المستبعده تماما. فقد انهزمت الفرق السودانيه في بطولات افريقيا وغيرها بالخمسه والسته خارج ارضها

..
ازيكم يا هلالاب ..
يا بوب الكلام الفوق دا صاح .. لكن نس الهلال الانهزم بي خمسة داخل أرضو .. لاسباب غير معروفه .. هو نفس الهلال اللعب مع الاسماعيلي المصري .. مؤخرا واتقدم عليهو بي هدف واستحوذ على شوط كامل من المباراة وبعض من مجريات الشوط التاني ..
يعني مسالة الهزيمة بي عدد وافر من الاهداف وثقافة اللعب خارج الأرض والفوز أو المحافظة على النتيجة أو أحراز هدف في مرمى الفريق المضيف اصبحت مسالة عادية ولعيبة الهلال قدرو يتعاملو معاها ومع الجمهور .. بالعكس انا بخاف على منتخب الهلال من اللعب داخل الأرض لعامل الجمهور البدخلك في جو عالي من الحساسية والضغط بيفقد فيها التركيز .. واي أخفاق حتى ولو في كسر من الثانية بيتحسب على مجريات المباراة ..
اولاد الهلال وبصرف النظر عن النتيجة الكبيرة التي تعتبر بي حسابات الذهاب والاياب أنها مريحة .. اعتقد انهم قادرين على أحراز أكتر من هدف ولو تأكد تماما إنو سادومبا تخلفو من المجموعة نتاج تمرد أو المطالبة فأعتقد أنو دا في حد زاتو دافع للشق الهجومي أو للمجموعة كلها اثبات أنهم على قدر المسؤولية . حتى غياب صلاح ادريس لا اعتقد انه فيه من الضرر .. فالفترة السابقة سمعنا كتير عن اختلاف صلاح ادريس مع عدد من اللعيبة .. وأن هناك العديد من المشكلات السبب فيها صلاح إدريس لتدخله في الشق الفني .. وفي الفترة دي بالذات بتظهر الكتير من الاقاويل المعروفة مصادرة من وين .. استبشر كتير جدا بي وجود طارق أحمد آدم مع المجموعة فطارق بنفسه يعتبر اكبر حافذ معنوي للعيبة ولي الجمهور الهلالي .
منتصرين بإذن الله بي نتيجة مرضية من الشوط الأول بالرغم من حساسية المباراة ..

Quote: منتصرين بإذن الله بي نتيجة مرضية من الشوط الأول بالرغم من حساسية المباراة ..

سلام يا تمبس:
بغض النظر عن الاسباب تدريبيه كانت او غيره يا تمبس فالفرق السودانيه ما زالت عندها المقره انها تنهزم بالخمسه. بتفق معاك تماما انو اصبحنا لا نهاب الخصم خارج الارض كما كنا نفعل في سنوات مضتت. وبقينا نهاجم و نحرز الاهداف خارج الارض مش زي زمان بتلعب خارجيا متمترسين دفاعيا علي امل الخروج باقل الخسائر بدون ما يكون مسالةانو نجيب قون دي وارده في ذهننا اصلا. لكن يا تمبس قصه انو ننتصر او علي الاقل لا ننهزم خارج ارضنا لسه ما اصبحت ثقافه ثابته كما الاهلي المصري والفرق التونسيه. صحيح مشينا خطوات كبيره نحوها لكن لم نصل بعد. واتمني انو المباره دي تكون الانطلاقه الحقيقه للهلال للفوز خارج وداخل الارض لانو ده الطريق الوحيد الممكن نشيل بيهو الكاس

Quote: لمتابعة اخر مستجات لقاءات القمه المصيريه ..ومتابعه مباراة الهلال بعد تعثر البث التلفزيوني

شكرا يا معاويه برفد البوست برابط الاذاعه التي اصبحت السبيل الوحيد لمتابعة المباره وهو امر مؤسف بحق ان يكون هناك اكثر مائه قمر صناعي من بينهم اكثر من عشره اقمار تغطي القاره الافريقيه للبث التلفزيوني وتبث من هذه القنوان الالاف من المحطات التلفزيونيه ولا تكون هناك قناه واحده تيث هذه المباره.
ومشكور يا معاويه ايضا لرفد البوست بكتابات الهلالي ذو الحرف الانيق احمد الريح والتي افتقدناها كثيرا في هذا المكان
__________________________________________
حتي الان لم اجد اي رابط بين وفاة اخت رئيسه زيمبابوي وعدم نقل المباره

سلامات يا بائس
تعرف انا لا اسمي عدم مشاركه سادومبا تمرد - تمرد دا كان زمان زمن الحكايه هوايه- ده اضراب عن العمل زيو وزي اي موظف مهني اخر بيضرب عن العمل. واذا ما استوفي سادومبا كل الخطواتالتي تسبق الاضراب عن العمل ثم رفض الذهاب مع الهلال في هذه الرحله فهذا حقه تماما. اما اذا هو قفر لهذه الخطوه مباشره ليلوي يد الاداره فهو مخطئ
في كل الاحوال يا ود البشري سادومبا اذا عاد واحرز تلاته اهداف في المباره القادمه فسيغفر له الجمهور هذا الموقف

اخبار المريخ مقطوعة يا اخوانا

اوعي يكون ناس الجيش دقوهو دق العيش

وردتنا مكالمة الان من محمد عبد الرحمن بان في تمام السادسة مساء

Quote: اوعي يكون ناس الجيش دقوهو دق العيش

لا يا خلي .. سحـنوهـو سحـن الويكـة بس !!

Quote: اوعي يكون ناس الجيش دقوهو دق العيش

لا يا خلي .. سحـنوهـو سحـن الويكـة بس !!

المباراة الساعة 1300 بتوقيت GMT الرابعة عصراً بتوقيت أمدرمان
كابس يونايتد - زمبابوي -- : -- الهلال - السودان
دور الـ16 ( 2 ) - استاد روفارو - 12°C
الحكم: برنو اندريميهاريساوا هوبرت ( مدغشقر )
مباراة إياب

Al Hilal Will Be A Tall Order –Chitembwe

Quote: CAPS United coach Lloyd Chitembwe has described Sundays Orange CAF Confederations Cup 1/8th round, return leg clash to be played at Rufaro stadium in Harare against Al Hilal of Sudan as a tall order. The Zimbabwean club trail Al Hilal a massive 5-0 from the first leg match played in Omdurman a fortnight ago and must match that score line without reply to force a post-match penalty decider as to who goes through to next month’s mini-league stage of the Confederations Cup. Chitembwe told Cafonline from Harare on Friday that he is under no illusions that a herculean task awaits his side against Al Hilal who reached the semifinals of last year’s Orange Champions League. "The game against Al Hilal will be very difficult and it is a tall order considering the result from the first leg," Chitembwe said. Chitembwe admitted that the departure of six key players to three South African clubs has hit the four-time Zimbabwean champions chances of advancing to the Confederations Cup mini-league stage next month. Most prominent on the half-a-dozen departures is their former star striker Nyasha Mushekwi who scored four goals for CAPS in the competition this season before moving to Mamelodi Sundowns of South Africa last month. "We lost six very important players to South African clubs two to Ajax Cape Town, two to Mamelodi Sundowns and one to Moroka Swallows," Chitembwe said. "The most important thing right now is to start rebuilding the team and build from there with this game. This game will be specifically to build a new team for the future." And so the onus will be one promising talents like midfielder Billiart Khama and striker Thabani Goredema to step up in front of the home fans on Sunday while Chitembwe is also banking on the fitness of veteran forward Leonard Tsipa who missed the first leg away to Al Hilal due to injury.

http://www.cafonline.com/competition/confederation-cup_...order-chitembwe.html

Quote: المباراة الساعة 1300 بتوقيت GMT الرابعة عصراً بتوقيت أمدرمان كابس يونايتد - زمبابوي -- : -- الهلال - السودان دور الـ16 ( 2 ) - استاد روفارو - 12°C الحكم: برنو اندريميهاريساوا هوبرت ( مدغشقر ) مباراة إياب

شكرا الملاعمر
لجلب التوقيت الرسمي لزمن المباره. مسأله عدم معرفة زمن المباره برضك من الحاجات المحيره بالنيبه لي. امس حتي قبل انطلاق مباره المريخ بحوالي ساعتين كانت الاخبار متضاربه حول زمن المباره. هناك من يقول بانها في الرابعه والنصف عصرا و هناك من يقول في الخامسه و اتحسم الامر عندما بدأ الاستديو التحليلي في قناة الشروق في حوالي الساعه 5:40 م. مما يقودنا لسؤال مهم وهو اليس هناك اعلامي مرافق للهلا والمريخ؟ وان كان هناك اعلامي اليس من اولي واجابنه تحديد يوم وزمن المباره؟

ياشباب

سمعت إنو المباراة منقولة علي قناة الشروق الرجاء تأكيد الخبر

Quote: سمعت إنو المباراة منقولة علي قناة الشروق الرجاء تأكيد الخبر

الاخ السماني
سلامات
لا اظن ان بمقدور احد ان يؤكد نقل المباره من عدمها. ان كان توقيت المباره والذي يجب ان يكون معلوما منذ اسبوع علي اقل تقدير قد تم تاكيده قبل قليل فقط

في تاكيدات بنقل المباراة من عدة مصادر ..اتمني ذلك والمباراة ما بين الساعه 4 لي 4 ونص بي توقيت السودان

_____

في حال تاهل الهلال باذن الله فسيلاقي الاتحاد الليبي بعد اسبوعين فقط في ليبيا ..والوضع في الهلال حاليا في تدهور رهيب والهلال الان تقوده الان مجهودات وتضحيات اللاعبين بقيادة هيثم والمعز وعلاءالدين ..لا توجد ادارة فاعله الان في الهلال واري الان الصحف تمهد للكاردينال واني اراها نهاية الهلال في حال اعتلي رئاسته ا الكاردينال

وربنا يكضب الشينه

لو كنت مدربا للهلال للعبت بالتشكيله التاليه:
المعز محجوب في حراسة المرمي
سامي عبد الله وعلاء الدين يوسف في متوسط الدفاع
خليفه طرف ايسر
التاج طرف ايمن (اسامه التعاون في حال غياب التاج)
غمر بخيت و سيف مساوي لمحور الارتكاز
هيثم مصطفي لصناعة اللعب
مهند الطاهر وبشه لاعبي وسط متقدميين
مدثر كاريكا كمهاجم متقدم

تشكيلة مثالية يا بوب
حتى في وجود المحترفين يحدث فيها
تغيير طفيف كتشكيلة عامة للفريق

هندسة يا زايغ

Quote: التاج طرف ايمن (اسامه التعاون في حال غياب التاج)

تشكيلتك دي بتودي التوج
تيم عايز يغلب ستة او خمسة اقل شي تخت ليه تلاتة مدافعين بس وفيهم التعاون طرف
طيب دي ما مازيمبي زاتها بي لفة راسها
مفروض اربعة اربعة اتنين
وقدام لازم مهاجمين اتنين سريعين ومزعجين عشان الدفاع ما يلقى فرصة يتقدم ويساند الهجوم
ما عارف امبيلي مشارك ولا لأ لكن دي كورتو جد جد
يقعد يحاور و يتلايق عليهم يمسك ليه اتنين اقل شي
اتمنى احمد عادل يكون قدر العشم الليلة

Quote: وقدام لازم مهاجمين اتنين سريعين ومزعجين عشان الدفاع ما يلقى فرصة يتقدم ويساند الهجوم

...

Quote: اتمنى احمد عادل يكون قدر العشم الليلة

.. والله ما عارف ليه
لكن
أول مرة اتفق مع البيضة دا

Quote: [.. والله ما عارف ليه لكن أول مرة اتفق مع البيضة دا

طيب قوم لف
+
(#####ك)

الاذاعه الان مباشره

http://www.sudanhome.no/page.php?do=1

تشكيله الهلال
المعز

خليفه مساوي اسامه صدام

علاءالدين عمر

هيثم بشه مهند

كاريكا

7 دقائق والنتيجه 0-0

بشششششششششششششه

هدف للاعب بشه في الدقيقه 12 ليزيد الفارق الي 7 اهداف

كاريكا

بالتوفيق لهلال السودان ..وهو يمثل الوطن اليوم..

الساعة الآن تشير إلى الرابعة والثلث مساء وما في أى مظهر من مظاهر كورة في قناة الشروق ونشرة الأخبار شغالة أها يكون الكورة أجلوها ولا ما حا يقدروا ينقلوها.

هدفين في ربع ساعه من بشه وكاريكا وعلي كابس احراز 8 اهداف الان

الفني بتاع الاذاعه شكلو مطرابي بقطع الاتصال مع كلو قون للهلال

د 25 الهلال 2 كابس 0

د 35 والهلال متقدم بهدفين دون مقابل

مجموعه الهلال في دوري ال8

الاتحاد الليبي والجيش النيجري وبطل مالي

مباراة الهلال القادمه يوم 13 -8 في ليبيا

معاوية الشديد

ممكن اخت الكوت بتاعي دا

Quote: لا اعتقد ان الهلال سيواجه صعوبات كثيرة امل ان يفوز الهلال ايضا ليتعلم ثقافة الانتصار خارج الديار لانها خير بروفة

نهاية الشوط الاول بتقدم الهلال بهدفين دون مقابل لكابس

الود بشه بتاع الهدف الأول في الدقيقة 12 من شوط اللعب الأول

الود مدثر الطيب الشهير بكاريكا بتاع الهدف الثاني في الدقيقة 15 من الشوط الأول

باقي شوط واحد وفي جعبة كابس تسعة أهداف حسابياً يعني محتاج يجيب هدف كل خمس دقائق حتى يعادل نتيجة الهلال 5 في أمدرمان و2 لحدي الآن وفي ناس عايزين يشمتو في الجماعه لكين ما صدقت الحكاية معاهم ويا ود ريا ألعب غيرها قلبك مع كابس وتضحك لينا الضحكة الخبيئة دي..

باقي شوط واحد وفي جعبة كابس تسعة أهداف حسابياً يعني محتاج يجيب هدف كل خمس دقائق حتى يعادل نتيجة الهلال 5 في أمدرمان و2 لحدي الآن وفي ناس عايزين يشمتو في الجماعه لكين ما صدقت الحكاية معاهم ويا ود ريا ألعب غيرها قلبك مع كابس وتضحك لينا الضحكة الخبيئة دي..

بدايه الشوط التاني

Quote: اعتقد هذا الكلام كتبو بوردابي غائب وله اسبابه الهلال متعادل اليوم احتمال واحد فقط

يااخوانا ممكن اخت الكوت دا ..بتاع خليل برضو ...

Quote: يااخوانا ممكن اخت الكوت دا ..بتاع خليل برضو ...

المهم يا محمد تحققت سنة كرة القدم التي ذكرتها في بوست ود البشري

الملا عمر

Quote: باقي شوط واحد وفي جعبة كابس تسعة أهداف حسابياً

اعتقد المطلوب من كابس 8 وليس 9
بمعنى النتيجة النهائية
7:8
وعلى قولة المصاروة
في المشمش

Quote: Quote: اعتقد هذا الكلام كتبو بوردابي غائب وله اسبابه الهلال متعادل اليوم احتمال واحد فقط quote محمد عبد الرحمن يااخوانا ممكن اخت الكوت دا ..بتاع خليل برضو ...

ابو حميد
يكون الكتب الكلام دا دا قسطنطين مش ولدنا خليل
فوتها يا عمي

د 7 الهلال 2 كابس 0

Quote: بالنسبة لكورة الهلال الليلة عشان نشتغلا انا وقسطنطين عادة انا وقسطا بنتعمد علي سنة كرة القدم البحصل شنو هنا انت سالتني سوال عادة لما فريق الارض يهزمك بثلاثة اهداف فما فوق مباراة الرد تنتهي بالتعادل والمرجعية بتاعتي مع قسطا الهلال والترجي ستة صفر في تونس وتلاتة في امدرمان والمريخ والترجي تلاتة صفر والتعادل في امدرمان الهلال والرجاء خمسة والتعادل في امدرمان وتكرر نفس السيناريو مع الاهلي القاهري والترجي والاسماعيلي ومعظم الفرق التي تفوز داخل ارضها بنتائج كبيرة عادة تعود بالتعادل وعليه قرننا ان وقسطا بان الهلال سيعود بالتعادل من هراري

ان شاء الله آخر انتصار ليكم في الدورة دي ...

مبروك يا اسياد البلد

وانشاء الله ايامكم كلها انتصارات

20 دقيقه والنتيجه تقدم الهلال 2-0

Quote: وفي جعبة كابس تسعة أهداف حسابياً

سبعة بس يا ملاّ
يعني كابس عايز تمانية اهداف فقط
هدف كل سبعة دقايق ونص تقريبا

غايتو مهندس الاتصالات المريخابي دا الليله عذبنا الله يمرضو ياخ

قوووووووووووووووووون

هيثم مصطفي في الدقيقه 32

ميشو يطمع في المزيد

دخول احمد عادل ونادر الطيب المهاجمين

د 35 الهلال 3 كابس 0

من عمود عبد المجيد عبد الرازق اليوم

Quote: تعالوا شوفوا الهلال وإن كنت قد وصفت مباراة الهلال أمام كابس يونايتد الزيمبابوي التي كسبها بخماسية بيضاء بأنها محاضرة من لاعبي الهلال للاعبي المريخ فإننا موعودون اليوم بمحاضرة جديدة من فرسان الهلال الذين عودونا في السنوات الأخيرة على رفع راية الوطن وأمام أقوى الفرق لأنهم يلعبون بروح الأسرة الواحدة وبروح الانتماء للشعار. اليوم يؤدي الهلال أولى مبارياته الإعدادية لدوري المجموعات ممثلة في مباراة الإياب أمام كابس يونايتد بعد أن حسم أمر الصعود بملعبه ومهما كانت معجزات كرة القدم ورغم غياب الهداف سادومبا والمدافع بيري ديمبا فإن البديل موجود وبنفس الروح. الهلال أصبح الأمل وهو مؤهل ليس في الوصول الى مراحل متقدمة ولكن مؤهل أكثر من أي وقت مضى للفوز باللقب مقارنة بفرق البطولة وبما يملكه من لاعبين وجهاز فني قادر على توظيفهم وجمهور محب وأتمنى فقط أن يتكاتف رجال الهلال لحل المشاكل المالية للاعبين والجهاز الفني حتى يكون الفريق مهيأ نفسياً للبطولة. دعواتنا اللاعبين بالعودة بدون إصابات أو بطاقات وسنكون معهم ومن خلفهم حتى يتحقق الحلم بالفوز باللقب.

د 40 والهلال 3 كابس 0

5 دقائق وان شاء الله فيها الرابع

تلاتة صفر

لا والله دا حمام راسو عديل

كابس يسعي للمحافظه علي النتيجه بتعطيل الكوره في نصف ملعبهم


تقريبا الكوره انتهت


الف مبروك يا اهله

هدف لكابس

3-1

الدقيقه 47

نهاية المباراة

3-1

او بالاصخ

8-1

الف مبروك

مبروك يا شباب

بل النتيجة 1:11 يا معاوية

مبروك لكل الاهله الذين مرو من هنا مشاركة او اطلاعا ومزيدا من النجاح لهلال الملايين.
بالطبع من الصعوبه بمكان التعليق علي المباره من الناحيه الفنيه نسبه لعم التلفزه
اتمني ان تكون المباره علي الاقل قد تم تسجيلها وعرضها لاحقا عند وصول بعثه الهلال سالمه باذن الله الي ارض الوطن.
الوقت المتوقع لوصول البعثه حسب تصريح سعد العمده رئيس البعثه هو الحاديه عشر والنصف مساء الغد علي متن الخطوط الاثيوبيه.
نرجو ان تخف جماهير الهلال لاستقبال البعثه استقبالا حافلا يليق بما انجزوه

هل ستقوم الجزيره بنقل مباريات دوري الـ 8 في الكونفدراليه ولا حا تواصل في التعالي والعنجهيه والاعذار الواهيه ؟

مبروك النصر

مبروك لشعب الهلال المحب المحبوب
مبروك لكم ايها العشاق لهلال الملايين
مبروك علينا هذا التحول في انتصارات الهلال الخارجية

نطمع في الكثير هذا الموسم انشاء الله الكريم رب العرش العظيم

الصادق

العزيز عمر بوب
الف تحية
مبروك عليكم النصر
بس المني تحافظوا علية
مودتي

الهلال لديه مواجهات مهمه في الدوري الممتاز فسيواجه جزيرة الفيل في مدني يوم 5 اغسطس واهلي الخرطوم يوم 8 اغسطس والاتحاد الليبي يوم 13 في ليبيا ..فلا وقت للاحتفالات والمهرجانات يا اهل الهلال الان

ألف مبروكـ يا شباب

Quote: قاد المدافع المخضرم وائل جمعة فريقه الأهلي لانتزاع فوز ثمين من أنياب ضيفه الإسماعيلي 2/1 مساء اليوم الاحد في الجولة الثانية من مباريات المجموعة الثانية لدور المجموعات ببطولة دوري أبطال أفريقيا لكرة القدم. وتقدم محمد طلعت بهدف للأهلي ثم تعادل محمد محسن أبو جريشة للإسماعيلي قبل أن يخطف وائل جمعة هدف الفوز للأهلي في اللحظات الأخيرة من الوقت بدل الضائع للمباراة. ورفع الأهلي رصيده إلى أربع نقاط في المركز الثاني بفارق نقطتين خلف شبيبة القبائل الجزائري المتصدر بينما ظل الإسماعيلي بلا رصيد من النقاط في المركز الرابع الأخير بفارق نقطة واحدة خلف هارتلاند النيجيري صاحب المركز الثالث.

يبدو ان المازيمبي يسير بخطي جيدة

تعادل ايضا خارج ارضه مع وفاق سطيف اتنين اتنين

وفاز الترجي علي ديناموز هراي واحد صفر وتصدر

وفازت شبيبة القبائل علي هارت لاند واحد صفر وتصدرت



صعد العدو الصفاقصي وهو منافس الهلال الاشرس بعد ان سحق بترو اتليتكو الانغولي

بثلاثة اهداف دون مقابل وصعد معه الفتح الرباطي بعد ان فاز علي بطل جنوب افريقيا بهدف


وخرج شباب بلوزداد الذي اخرج الامل عطبرة علي يد بطل مالي

وصعد ايضا زناكو الزامبي بالرغم من خسارته امام انيمبا بهدفين دون مقابل

Quote: صعد العدو الصفاقصي وهو منافس الهلال الاشرس بعد ان سحق بترو اتليتكو الانغولي

منافس الهلال الاشرس هو حرس الحدود المصري يا خليل ..امبارح غلب 8-1 ..قبيل في الاذاعه الرياضيه في صحفي فرحان قال الهلال سجل اكبر نتيجه في دوري الـ16 وشكلو ما بحضر الي قناة الشروق

شفت ولدنا قود وين يا خليل مع الاسماعيلي ؟ ياخ الزول دا لعاب والله جهجه ليك الاهلي رغم انو سجل في الاسماعيلي قبل ايام ..وبي المناسبه دي نحن محظوظين بي الكونفدراليه دي ما كنا حا ناكل عيش مع ناس جدو وابو تريكه ديل

الاتحاد الليبي دا زاتو فريق ما ساهل نهائي وغلب الاهلي المصري في دوري ال16 2-0 في ليبيا يعني لو مشينا ليبيا بي فرحتنا دي ممكن نجي بي فضيحه

Quote: شفت ولدنا قود وين يا خليل مع الاسماعيلي ؟ ياخ الزول دا لعاب والله جهجه ليك الاهلي رغم انو سجل في الاسماعيلي قبل ايام ..وبي المناسبه دي نحن محظوظين بي الكونفدراليه دي ما كنا حا ناكل عيش مع ناس جدو وابو تريكه ديل

معاوية الشديد

العقبة الوحيدة للهلال اذا سارت الامور علي ما يرام هو الصفاقصي التونسي

وشوية ممكن حرس الحدود

الاتحاد الليبي التيحة والكرة المليحة مستواه هذا العام افضل بكثير من الاعوام السابقة

ولكن الهلال يستطيع ان يروضه

مبروووووووك
يا أهلة

الهلال انتصر امس خارج ارضه في مباره لايحتاج فيها للفوز
بل كان يمكن ان ينهزم حتي باربعه اهداف ويصعد لدوري المجموعات
ومع ذلك انتصر الهلال وهو شئ مهم نحو تثبيت ثقافة الانتصار خارج الارض.
في عام 2007 في بطوله الابطال لاقي الهلال الترجي التونسي في مباره تعتبر تحصيل حاصل بالنسبه للترجي
ورغما عن ان الهلال كان قد ضمن التاهل لدوري الاربعه الا انه كان يحتاج الفوز في ملعب الترجي
حتي يتصدر مجموعته ليسهل طريقه للنهائي ومع ذلك اكتفي الهلال بالتعادل رغم ان الترجي لعب بصفه الثاني
في العام2009 تكرر نفس السيناريوحيث ذهب الهلال للمباره الاخيره ضد زيسكو الزامبي
بعد ان ضمن التاهل لدوري الاربعه ولكنه محتاج للفوز او حتي التعادل ليضمن صدارة المجموعه
ورغم ذلك انهزم بهدفين دون رد. مما عقد مهمته ايضا في الوصول للمباره النهائيه
ان كان للهلال امل في نيل لقب هذه البطوله فعليه المحافظه علي ثقافة الانتصار خارج الارض
خاصة وان ملعب الهلال الذي يلقب بالمقبره لصعوبه فوز الفرق الخارجيه في هذا الملعب لم يعد كذلك في الموسم الماضي.

Quote: الهلال لديه مواجهات مهمه في الدوري الممتاز فسيواجه جزيرة الفيل في مدني يوم 5 اغسطس واهلي الخرطوم يوم 8 اغسطس والاتحاد الليبي يوم 13 في ليبيا ..فلا وقت للاحتفالات والمهرجانات يا اهل الهلال الان

.. يا معاوية .. ياخ ناس اهلي مدني .. وجزيرة الفيل .. وجلاس والشباب ديل خلوهم للمريخ يعني بي صورة أوضح:
الواحد لما يحرق في الكشتينة مش بيدوهو فردة كشتينة عشان يمتع بيها نفسو وهو بره ..

الف مبروك يا شباب ..
وياريت الناس تركز على ملمح الهلال الجديد .. وشكل الشباب الفيهو .. ومهارات اللاعبين والروح القتالية .. انا ما عارف هل .. جرعات كامبوس البرازيلي بدت تظهر يادوبك .. واللا كمان ميشو دا خارق وسريع جدا ولقى التيم عايز شوية ترميم .. واللا كمان طارق أحمد آدم فعلا وجودو كان بمثابة روح معنوية عالية وتركيز شديد ..
أمبارح ظهر صدام .. وبششششة .. والريح رجع لي حركاتو القديمة من آخر مباراة مع الصفوة .. وبقى يستلم ويجري ويراوغ ويشوت .. ترابط الخطوط والثبات الدفاعي .. اللياقة البدنية العالية جدا الكملو بيها الشوطين.. سيــدا لما يرجع يجيب أقوان معناته في اعلى حالاتو المزاجية .. علاء الدين يوسف .. (بيعفص) تمام التمام وبنضف منطقتو ..
المهم يا بـوب زي ما قلت ليك تاني الهلال ح يغلب علشان اللعيبة نفسهم مفتوحة .. وح يهدو الفوز دا لي سادومبـا ولي بقية المحترفين ..
الحاجة المهمة شديد .. إنو لو الهلال دا ملامحو بقت ظاهرة في طريقة اللعب وانسجام الخطوط وتأدية المهام بي شكل جيد .. بعداك كلو بيبقى هين ..

يا تمبس زميلة البورض عارفه انك خبير حريق وكده

Quote: يا تمبس زميلة البورض عارفه انك خبير حريق وكده

يا بوب ياخ دي عارفه حاجات عجيبة خلاص .. لكن بس صبورة ساااي ..

Quote: الحاجة المهمة شديد .. إنو لو الهلال دا ملامحو بقت ظاهرة في طريقة اللعب وانسجام الخطوط وتأدية المهام بي شكل جيد .. بعداك كلو بيبقى هين ..

بس يبعدو لينا اسامة التعاون دا يا تمبس...
قلبو حار لما بيعمل بلنتي...في اقرب ملف

Quote: بس يبعدو لينا اسامة التعاون دا يا تمبس... قلبو حار لما بيعمل بلنتي...في اقرب ملف

والله يا نزار انا ما قاعد اخاف من اسامة .. أنا بخاف من باري ديمبا لانو تقيل شويتين .. وكورتو عامله زي كورة ابراهيم عطا بيمسكك يعني بيمسكك بيشلتك جوه الخط يعني بيشلتك جوه الخط المهم ما تفوت منو ولا تجيب قون

Quote: والريح رجع لي حركاتو القديمة من آخر مباراة مع الصفوة

ده مدثر ياتمبس ماالريح

متجمعين عند النبي بسحروكم
غايتو الهلال ده بكتل ليهو زول
هارون دياب من الحبتين بتاعت الدوري قلب
للسياسة وبعد جلدة الجيش مشي علي الغنا
انا خائف لقدام يبقي تشكيلي

Quote: انا خائف لقدام يبقي تشكيلي

الأخ / بهاء

وانت الصادق، هارون بقي يشجع اتحاد الكورة

Quote: ده مــدثر ياتمبس ماالريح

تشابه علينا الصواريخ يا بهاء ..
الريح ومدثر (كاريكا) نفس الملامح والشبه .. متخصصين وعندهم حساسية عالية مع الشباك .. مدثر بيحاور وبيجري وبيشوت بي تركيز من اي مكان بس عندو مشكلة إنهو ما بيشيل بالراس كويس ..
لكن الريح .. بيجري ويشوت ويحاور ويقلع .. وبيلعب راس بي حرفنه عالية ..
..
غايتو الهلال دا بي طريقتو دي .. انا خايف هارون دياب وأميرة الشيخ يبقو سماسرة بتاعين اراضي ..

تمبس

صدقت والله بخصوص باري ديمبا واتخيل نفس الشعور - انا مابخاف إلا منو هو وبس

Quote: والله يا نزار انا ما قاعد اخاف من اسامة .. أنا بخاف من باري ديمبا لانو تقيل شويتين .. وكورتو عامله زي كورة ابراهيم عطا بيمسكك يعني بيمسكك بيشلتك جوه الخط يعني بيشلتك جوه الخط المهم ما تفوت منو ولا تجيب قون

هذا البالأحمر هو المفيد

الصادق

Quote: صدقت والله بخصوص باري ديمبا واتخيل نفس الشعور - انا مابخاف إلا منو هو وبس

.. والله يا الصادق باري كويس هو .. وبيحتاج تمارين شديدة لي رجلينو تحت زي ما المعز محجوب بيحتاج لي تمارين في منطقة الوسط علشان يكون مررن شوية ..
باري ديمبا يب تقلو دا بيعرف يقوم كويس لي الضربات الراسية .. لكن مشكلتو ما بيقدر يجري وكان جريت منو (بيشنكلك) أمس كنت بحضر في قناة قوون مباراة الهلال والمحرق البحريني الكانت في الامارات والشال فيها الهلال الكاس .. باري ديمبا بيلعب لحدت الآن بي نفس الطريقة .. شنكل ليهو اكتر من لاعب قدام خط طمنطاشر وكانت لعبات ثابته خطرة جدا لكن الدعيع كان ممتاز .. ولو ما الله ستر باري ديمبا كان (شنكل) الحكم زاتووو ..