المُشير البشير يُكرِّم المُهنْدِس الطيِّب مُصْطفى

Quote: الإعلام الإلكتروني: افتتح المشير عمر البشير رئيس الجمهورية صباح اليوم برج الإتصالات الذي يضم 29 طابقا وبلغت تكلفته أكثر من 61 مليون دولار واكد د. يحيي محمد احمد وزير الإتصالات وتقافة المعلومات لدي مخاطبته حفل افتتاح البرج اهمية الإتصالات في تعزيز مسيرة التنمية والخدمات بالبلاد واشار د. يحيي لما يشهده قطاع الإتصالات من ثورة تقنية متقدمة تتطلب مواكبتها مضاعفة جهود كافة القطاعات والمؤسسات وقال د. يحيي أن مشاركة الأستاذ علي عثمان محمد طه نائب رئيس الجمهورية في الجلسة الختامية للملتقي الثامن للمعلومات والإتصالات والذي عقد بمدينة جوبا بحضور أكثر من 17 وزيرا ووزير دولة اتحادي ووزراء حكومة الجنوب يهدف لتطوير التعاون المشترك في المجالات التقنية بين ولايات البلاد المختلفة بما فيها جنوب السودان واستعرض د. عزالدين كامل مدير عام الهيئة القومية للإتصالات الإنجازات التي حققتها الهيئة منذ قيامها عام 1997 واضاف أن الإتصالات حققت إنتشارا واسعا باستخدام تقنياتها المتقدمة في مجالات الصحة والتعليم والعديد من الخدمات الأخري فضلا عن الاعداد المتزايدة للمشتركين في شبكات الإتصالات والذين تجاوز عددهم 16 مليون مشترك إلي ذلك كرم السيد رئيس الجمهورية المدراء السابقين للهيئة بدءاً بالفريق مهندس محمد عمر محمد ابراهيم ، المهندس الطيب مصطفي عبدالرحمن ، المهندس صديق ابراهيم والفريق عباس عربي.

المصدر

هيييييييييييييييييييع
تيس يكرم معزة

Quote: افتتح المشير عمر البشير رئيس الجمهورية صباح اليوم برج الإتصالات الذي يضم 29 طابقا وبلغت تكلفته أكثر من 61 مليون دولار

والقافلة تسير

Quote: بلغت تكلفته أكثر من 61 مليون دولار

من اولى بهذه المبالغ الضخمة أهل دارفور الذين يعانون الفقر والجوع والمرض ام مبنى يستعمل كمقر تعين فيه خالك واقربائك واصحابك
وهل تم تعويض ضحايا سوق المواسير الذي كنت تروج له وسميته سوق الرحمة ؟
لعنة الله على سارقي مال الشعب

طبعاً يا بيجو إنت عارف إنُّو أنا ممكن إنحدر لياتو مُسْتوى من اللُّغة و طُرُق النِّقاش
فأرجو أن تُحافظ على الملافظ
الغريبة إنّك كنت تنصحني مُؤخّراً بذات الذي أنصحك به الآن
و أعتقِد إنُّو خطابي معاك و في بوستاتك تغيّر
فهل تودنا أن ننكص عن العهد!!!!؟

ناقش باحترام حتى تجد مِثْله


بالمناسبة
ما جبت لينا إسم و مكان سجن المُهمّش الحكموا عليهو بسبع سنوات في شرقة موبايل!؟

Quote: بالمناسبة ما جبت لينا إسم و مكان سجن المُهمّش الحكموا عليهو بسبع سنوات في شرقة موبايل!؟

والله يا علاء لا انكر ان طريقتك الخطابية ولغتك قد تحسنت (أدبا) ولكنك تعرف ان ابوكبيره بتاعكم دا
بجيب لي الجنون .. يااخ زول كتل 10000 الف زول دا يكلموا بياتو طريقة
المهم ..
معقوله يا علاء تسالني السؤال الفوق دا هنا
طيب ما جيت سالتو في البوست مالك ؟

المعايش و الجري وراها
جبرتني أقرا هِناك و أجهِّز ليك رد طويل عريض
و أُحْجِم عن إرساله
لعدم قدرتي على المتابعة بفعالِيّة اليومين الماضيين
لكن بجيك ليهو تب

منتظرك لكن داير اسالك تحت تحت كدا وبالله جاوب بصراحة
صحي زولكم دا جا من تشاد (بالكوركي) يعني جا بعربات مسلحه تتقدمه الى الجنينه ومن الجنينه بطياره ؟
ههههههههههههه ... لقيتني كيف ؟
دي طازه ومؤكده بتشوفها بتفاصيلها قريب عشان كدا احسن انت زاااتك تعترف (بالكوركي) هنا احسن من فتح بوست
____
ابوكبيره لاوز من الفرنسيين
هيييييع
ما قلتو عرب ونوبه

جاوب على السؤال (أ) عشان اجهز ليك (ب)
عشان تأمن زاااتو

يا علاء اتاخرت مالك ؟ مشيت وين
كمان دا سؤال يعملوا ليه اتصالات ومشاورات
طيب صلاحيتك انت قدر شنو ؟
__
شفت انا بجيبها من الآخر كيف
شكرا للمفاصلة وعقبال المقابلة في لاهاي
هههه

يا علاء غايتو بديك ساعتين جيت رديت اوكي ما جيت ببقا ليك بمبي
وطوالي كمان تلقاني بكلمك عن عشاء القذافي في انجمينا وكيف العقيد هزء المشير
شفت انا كيف ؟
____
ما تقول لي ما لقيت الضابط النبطشي عشان تاخد منو اذن بالرد في سؤال تعسفي زي دا
ما بقبل اعذار هههههههه
ليت المفاصلة قد تمت قبل ذلك بكثير لوجدت البشير في حدث مثل هذا اليوم
بدل نشرات اخباركم البتجيبو كل يوم بشنبو ال زي قاطع الطريق دا

مُنعِم
شايفك فاضي لي يعني
و انا يعلم الله مشغول لدرجة إنُّو دخولي للأون لاين أصبح خلسةً هذه الأيّام

ما قريت سؤالك يا حبّة إلا هسي

تعرف أيّام فيديو الخجّة
لم أتداخل في أمرها إطلاقاً أو أُحاول تكذيبها لتغليبي ظنّ أنّها حداثة حقيقيّة
الأخ حيدر الزّين إفترع لي بوستاً يسألني فيه عن الخجّة
و سألني بوضوح خجّاهو ولاّ ما خجّاهو
فكان ردي ليهو:
يمين خجّاهو لمن إتخجّ هو ذاتو

مِمّا أوردته أعلاه أرجوو أن تعلم إنني إن علِمت صدق مقولتك هذه لأيّدتها دون أيِّ تشكيك مِنِّي
و إن حدث فليس في الأمر ما يعيب
في ظِل الإسْتهداف الذي يلاقيه رئيسنا أنا و أنت
المُشير البشير
لو عندك سؤال تاني أجِّلو لحدي بكرة أو بعدها
بكون فضيت ليك

اوكي يا علاء وهو كذلك
سنؤجل الاسئلة حتى الغد .. انا ذااااتي ما مستعجل مش المجرم الدولي رجع بسلامتو
سنؤجل الى الغد لاننا نملك اخلاق الفرسان وما بنحارب الاعزل الذي سقط سيفه
لكن ما بوعدك في البوست دا ..
حتلقاني فاتح بوست باسئلتي ومنتظرك

تصحيح يا استاذ علاء

Quote: في ظِل الإسْتهداف الذي يلاقيه رئيسنا أنا و أنت المُشير البشير

رئيسك نعم
رئيسي لا
رئيسنا هو الذي ياتي عبر الاقتراع الحر وعبر صناديق الانتخابات لا عبر الدبابة
ما تقول لي انتخابات الــ انت بنفسك عارفه بتاعة خج ورج
بعدين رئيس يقتل 10000 شخص
رئيس آل كابوني الرابع عشر ما قتل قدر دا

المجرم القذر يكرم العنصري ال########


ودونها اموال مسروقه
يا للاسف ان من في قيادة الدولة امثال هؤلاء

صبري الشريف
خارج اتفاقية وقف اطلاق النار
لذا لزم التنويه حتى موعد فتح البوست الفضيحة
____
صبرا آل البشير ان موعدكم لاهاي

Quote: المُشير البشير يُكرِّم المُهنْدِس الطيِّب مُصْطفى

الولد

خال


د.محمد عبدالله تيراب
________________
الحق يعلوا ولا يُعلى عليه

Quote: المجرم القذر يكرم العنصري ال######## ودونها اموال مسروقه يا للاسف ان من في قيادة الدولة امثال هؤلاء

لم أعتقِد أنّ العقد الحصري ما بين القـذارة و الحـقارة و الدّنـاءة و بينك قد فُض
يا صبري الغير شريف
بالمُناسبة
سِتّات الشاي في شارع النِّيل شغّالات تش

أيُّها الكذّاب الأشِر

Quote: أهل دارفور الذين يعانون الفقر والجوع والمرض ام مبنى يستعمل كمقر تعين فيه خالك واقربائك واصحابك

واهلــك المرطــبين فـــى الدوحـــه لما أدوهم إكرامـــية رزمـــة دولارات مالم نزلوا الســـوق وهـــاك يا موبايلات ودهــب مـــا إذكروا أهلم ليـــه ؟؟؟؟

الأخ علاء ..
هل ان من تم تكريمهم شيدوا ذلك البرج من جيوبهم الخاصة ام من مال الدولة والشعب ؟
اذا كانت الأولى فيكون ذلك امرا عائليا لاشأن لنا به.
اما اذا كانت الثانية فهل يقوم السيد رئيس الجمهورية بتكريم كل موظف عام قام بأنجاز ماهو موكول اليه من عمل ويأخذ عليه مرتبه وبدلاته ومخصصاته على دائر مليم؟

النحل أبو العسل

مبروك...

إنشاء الله أنت والخلية بتاعتك كل يوم تفتتحو ليكم جبل

وتتخذوه موطناً


بس الناس الراجين الشفاء

أدوهم رشفة رشفة

وين موقع البرج يا أخ علاء..
ومافي صور..؟
نحن مع إنشاء المباني العمرانية التي تزين وجه العاصمة..
ولكن البشير ده مفروض يرتاح شوية..
ويترك مسألة افتتاح المباني والمنشآت العادية دي لصغار المسؤولين..
أو حتى وزير الاتصالات نفسو..
قرأت قبل فترة لعثمان ميرغني إنو مفروض مؤسسة الرئاسة يكون لها وزنها ومكانتها..

ياعلاء ...سلام ...

ياخي شنو الخيار والفقوس بتاعك ؟!! الراجل كٌرم مع اسماء اخرين فليه مفترع بوست بخال الريس وتسيب الباقين ؟!! ولا عشان الخال والد .. غايتو عليك جنس حركات مقاصد ..

Quote: واهلــك المرطــبين فـــى الدوحـــه لما أدوهم إكرامـــية رزمـــة دولارات مالم نزلوا الســـوق وهـــاك يا موبايلات ودهــب مـــا إذكروا أهلم ليـــه ؟؟؟؟

اذا كنت تقصد اهل دارفور فهم اهلي واهلك كما هم اهله ووجودهم في الدوحة هو لقضية اهلهم في دارفور ..ولو عايزين دولارات ودهب وموبايلات وزايداً عليها مناصب ومخصصات لوجدوها عند الذين تدافع عنهم ياجمال ..دي اساليب الحكومة في صراعاتها مع الخصوم واصحاب القضايا من اهل الهامش وتحاول دوماً افراغ مضمون قضاياهم بتشويه صورهم ليتبنى من هم على شاكلتهم فحش الخلاف ..


تحياتي ،،

اخبار زي دي ما في صالح المارشال البشير يا علاء الدين لانه القذافي لو سمع سوف تكون العواقب وخيمة

تحياتي

Quote: من اولى بهذه المبالغ الضخمة أهل دارفور الذين يعانون الفقر والجوع والمرض ام مبنى يستعمل كمقر تعين فيه خالك واقربائك واصحابك وهل تم تعويض ضحايا سوق المواسير الذي كنت تروج له وسميته سوق الرحمة ؟ لعنة الله على سارقي مال الشعب

ياعبد المنعم سليمان
والله موووووووش لو استنجدتوا ببكري ابو بكر
ويحذف مداخلاتنا
برضووووووو حنجاهر براييينا
والزارعنا غير الله اليجي يقلعنا


ويا باشمهندس بكري ابو بكر
انا عااااارفة روحي اني من المغضوب عليهم في المنبر دا
لكن ما من حقك تحذف مداخلتي طالما انهامافيها خرق للوائح المنبر العام
وما تبقى الشغلة خياااااار وفقوووس
ناس يكتبوا غثاء... وما زال غثائهم موجود في المنبر
ونحن تنزل علينا عصا الرقابة بتاعتك دي
وكان اللوائح دي معمولة لينا نحن بس


مدااااااخلتي مشت ويييين !!!!!!!!

تكريم من لا يملك لمن لا يستحق

Quote: ياعبد المنعم سليمان والله موووووووش لو استنجدتوا ببكري ابو بكر ويحذف مداخلاتنا برضووووووو حنجاهر براييينا والزارعنا غير الله اليجي يقلعنا ويا باشمهندس بكري ابو بكر انا عااااارفة روحي اني من المغضوب عليهم في المنبر دا لكن ما من حقك تحذف مداخلتي طالما انهامافيها خرق للوائح المنبر العام وما تبقى الشغلة خياااااار وفقوووس ناس يكتبوا غثاء... وما زال غثائهم موجود في المنبر ونحن تنزل علينا عصا الرقابة بتاعتك دي وكان اللوائح دي معمولة لينا نحن بس مدااااااخلتي مشت ويييين !!!!!!!!

الذي يعجبني في شخصيتك انك جريئة ولكي تقييم زائف عنها يعجب وا يعجب
اولا مصلحتي الحقيقية في كتابتك وليس في منعك لان كتابتك تكشف مستوى الذين يدافعون عن المجرم المطارد
ثم عن اي مداخلة تتحدثين ؟
ليست لدي سلطة ولا صحبة ببكري صاحب هذا المنبر .. على لصعيد العام لم يراسلني الا محذرا ولم ارسله
اما على الصعيد الشخصي فلم اقابله سوى في اجازة واحدة وما افتتنت .

انتهاء الهدنة يا علاء

مجرم يكرم مجرم من مال الشعب والمجرم المُكرم هو خال للمجرم الآخر
اذن هي عصابة

Quote: انتهاء الهدنة يا علاء

جاهز ليك موية و نور يا بيجو

بالإضافة إلى اسئلة عبدالمنعم سليمان هنالك سؤال أرغب بشدة في الحصول على إجابة عليه وهو:

من أي كلية هندسة وفي أي جامعة تخرج العنصري الطيب مصطفى وفي أي عام؟

معلوماتي تقول:

الطيب مصطفى خريج معهد الاتصالات السلكية واللاسلكيةأو معهد شبيه، وكدأبها عصابة مجرمي الحرب تنعم بالألقاب الأكاديمية على منتسبيها دون أي إنجاز أكاديمي مثل اسامة عبدالله مفصول من كلية الهندسة جامعة الخرطوم ويطلقون عليه المهندس اسامة عبدالله، والي الخرطوم لم يكمل درجة الماجستير في العلوم البيطرية بجامعةالجزيرة ولا يذكر إسمه إلا مقرونا بلقب الدكتور، المرحوم حافظ الشيخ الزاكي لم يحصل على درجة ماجستير وعين عميداًً لكلية القانون جامعةالخرطوم خلال الفترة من 1990 - 1994م وكان يطلق عيه البروفسير حافظ الشيخ الزاكي.


مع تحياتي وشكري


مرتضى جعفرً

Quote: بالإضافة إلى اسئلة عبدالمنعم سليمان هنالك سؤال أرغب بشدة في الحصول على إجابة عليه وهو:

يا نحل .. عن إذنك عايز بتاع شعار جامعة الخرطوم دا ..
بعدين بالمناسبة مفترض الشغل يتوزع .. يعني بي صورة أوضح كدا ..
تديني بيجو الطهـار دا ومعاهو مرتضى قنـاة .. لانو عندي معاهو حاجات قديمة لسة ما اتحسمت وانا راجيهو لي فترة ..
اسمع يا نحل:
اطلع منها واديني المناضلين الاتنين ديل .. لانو بي صراحة كدا ليك فترة شغلك بقى ما نجيض .. يعني حسع عليك الله لو ضغلك دا نجيض ومجيه .. الطهار دا يعمل ليهو مية وخمسين مداخله ويتجدع كمان .. ويجي فوق ليهو مرتضى قناة يسال ويجاوب ويلون بالأحمر كمان ..؟
يا نحل اشتغل معنا كويس .. يا كمان فضي لينا (المنظقة) دي ..

فوق ..

تامبا يا حبيب
بعد معركة ذات التلاليس (التي لم تشهد أحداثها حيث تمّ مواراة الجُّثث بالخور)
إنشغلنا نحن علاء الدين يوسف علي
بأمور معايشنا
إيماناً مِنِّي بأن بيجو لا يحتاج لكثير زمن

بيجو دة زولي و حبيبي و قال فكّ الهُدنة معاي
و دة الدّايرو انا بيني و بينك
أمّا مُرْتضى جعفر دة
أقع بيهو طوّالي






[IMG]http://reemadin.jeeran.com/sudanpost1.jpg [/IMG

Quote: بعد معركة ذات التلاليس (التي لم تشهد أحداثها حيث تمّ مواراة الجُّثث بالخور) إنشغلنا نحن علاء الدين يوسف علي بأمور معايشنا

... وانشغلنا نحن علاء الدين صالح
بالدَرِش في المُُعسكر 5 شهور و23 يوم


تحيّاتي نحل وتامبا,, والحضَر القِسمة يقسِم