Post: #1
Title: إينعل ابو الحكومة والبشيـر دكتاتــور
Author: Abureesh
Date: 07-28-2010, 07:51 PM
Parent: #0
أها رأيكم شنو يا شباب؟
صنديــد واللا ما صنديــد؟
|
Post: #2
Title: Re: إينعل ابو الحكومة والبشيـر دكتاتــور
Author: Abureesh
Date: 07-28-2010, 07:54 PM
Parent: #1
فجـو لينـا ندخل معاكم التأريخ..
|
Post: #3
Title: Re: إينعل ابو الحكومة والبشيـر دكتاتــور
Author: Yassir Tayfour
Date: 07-28-2010, 08:01 PM
Parent: #2
يا أبو الريش انت العوارة دي لسة ما خليتها؟
___
ظننتك تعلمت من الدرس السابق!
|
Post: #4
Title: Re: إينعل ابو الحكومة والبشيـر دكتاتــور
Author: عبداللطيف حسن علي
Date: 07-28-2010, 08:10 PM
Parent: #3
| Quote: ظننتك تعلمت من الدرس السابق! |
يا طيفور بلاي ممكن نسخة من الحصة الفاتتنا دي ؟
|
Post: #5
Title: Re: إينعل ابو الحكومة والبشيـر دكتاتــور
Author: عبد المنعم سليمان
Date: 07-28-2010, 08:21 PM
Quote: يا أبو الريش انت العوارة دي لسة ما خليتها؟
___
ظننتك تعلمت من الدرس السابق! |
اضحك الله سنك يا ياسر
|
Post: #6
Title: Re: إينعل ابو الحكومة والبشيـر دكتاتــور
Author: Abureesh
Date: 07-29-2010, 00:04 AM
Parent: #5
ياســر طيفـور و عبد اللطيف حسن على و عبد المنعـم سليمـان،
أوقاتكم كلها بخيـر..
لو ترون ما أرى لقعدتم وتحسرتم مثلى...
مافى معارضـة.
ما فى حريـة فرديـة وقناعـة شخصيـة عند الكتابـة.
وهـذا ليس مقصـورا على المعارضـة فى هـذا المنبر، ولكن الحالة هى هى حتى عند قادة الأحزاب.
صار نضالنا إما أن نشتـم الحكومة وننبزها أو نشتكيها للمنظمات الدوليـة.. شـوفوا الكوبيين الذين
لجأوا لأمريكا.. يشتموا كاسترو وحكومته منذ الخمسينات.. وهم فى فلوريدا الان اكتر من سكانها الأصليين،
حتى جاء الجيل الثانى والثالث وديل ما عندهم موضوع مع كاسترو ولا مع كوبا حتى!!
مع رأيى الشخصى فى حركـة العدل والمساواة، إلا أنى أحترم أسلوبهم وإستقلاليتهم فى العمل
بشجاعـة ومباشــرة..
مافى زول مستعـد يضحى من أجل الســودان، وما أرخص الكلام.
|
Post: #7
Title: Re: إينعل ابو الحكومة والبشيـر دكتاتــور
Author: Mohamad Shamseldin
Date: 07-29-2010, 06:18 AM
Parent: #6
أبوالريش
عرفت ليها أبو عشان تلعن أبو خاشو... أنا كنت قايلها بت حرام
| Quote: مع رأيى الشخصى فى حركـة العدل والمساواة، إلا أنى أحترم أسلوبهم وإستقلاليتهم فى العمل |
أصلو مافي تغيير تم في السودان بعمل عسكري....و لا أظنه يساعد علي إضعاف النظام
لو كان التدويل و الاستعانة بالغرب تسقط نظام كان سقطت كوبا و إيران
الحكومة دي بتسقط بثورة شعبية ليست مدعومه من الخارج ..
زي ما سقط نميري ...بدأت بسكر و كبريت ....لحدي ما طلعو ناس الاتحاد الاشتراكي في مظاهرة الردع الكان فيها 20 نفر ... و الناس عرفت إنو النظام ما عندو من يدافع عنه
|
Post: #8
Title: Re: إينعل ابو الحكومة والبشيـر دكتاتــور
Author: Abureesh
Date: 07-29-2010, 07:37 AM
Parent: #7
| Quote: الحكومة دي بتسقط بثورة شعبية ليست مدعومه من الخارج .. |
ما ضربت مثل العدل والمساواة للتدليل على كفاءة العمل المسلح، داك كان موضوع تانى، ولكن فى
إطار نعى ما يسمى المعارضـة. كان ضرب واللا إنتفاضة واللا أى شئ، مفروض المعارضـة تكون حاسمـة
وعارفة ماذا تريد ومن داخل الســودان.. هـذا ما قصدته.
شوف هسى الدباب الكوز د. خليل إبراهيم، يلف ويدور عشـان يخش الســودان يحارب من الداخل.. مرة
يحاول عن طريق تشـاد ومرة عن طريق ليبيا.. والمعارضين يعملوا أى شئ قانونى وغير قانونى
عشـان يطلعوا من السـودان. شفت الفرق؟!! من هنا جاء إحترامى ليهم.
لكن دعنى مع الأسف أخيب ظنك، فإن هـذه الحكومـة سوف لن تسقطها المعارضـة، لا عن طريق ثورة شعبية
ولا ثورة رسميـة.. لأن الشعب عرف لعب الأحزاب ولن ينساق خلفهم مرة أخرى.. التغيير سـوف يكون
من الداخل ووئيــداً.. سيتغير النظام الإجتماعى الســودانى كله، ويتخلخل الســودان القديم بكل
مكوناته.. ثم يظهر ســودان جديد وشعب متجدد. هـذا هو الغيير القادم، وهو تغيير سـوف لن يدعى شرف
القيام به احد،
|
Post: #9
Title: Re: إينعل ابو الحكومة والبشيـر دكتاتــور
Author: Mohamad Shamseldin
Date: 07-29-2010, 02:42 PM
Parent: #8
Quote: لكن دعنى مع الأسف أخيب ظنك، فإن هـذه الحكومـة سوف لن تسقطها المعارضـة، لا عن طريق ثورة شعبية
ولا ثورة رسميـة.. لأن الشعب عرف لعب الأحزاب ولن ينساق خلفهم مرة أخرى |
أبوالريش
الاحزاب لم تسقط النميري ..علي الاقل ..
أنا كنت في المظاهرات من ثاني يوم بعد 26 مارس... ما شفت الام مشاركة بسيطة للبعثيين بعد 2 إبريل...
الاحزاب كان حاولت و فشلت وصالح بعضها ...الشعب تجاوزها و أسقط نميري
وريني ياتو حزب ان مسيطر علي إتحادات الطلاب.. النقابات الرئيسية الثلاثة .. مظاهرة 2 إبريل ال 3 الخاطبوها لم ين يعلم لهم إنتماء حزبي
فنعم التغيير سيكون من الداخل... أما حكاية سودان قديم و جديد ما أعتقد... التغيير لن يكن له علاقة بهامش و مركز
التغيير سيبدأ في الخرطوم محل الطيارة بتقوم ... و ليس من خارجها
|
|